ᱥᱩᱨᱮᱥ ᱵᱟᱵᱩ (ᱥᱠᱨᱤᱱᱨᱟᱭᱴᱟᱨ)
| ᱮᱥ ᱥᱩᱨᱮᱥ ᱵᱟᱵᱩ | |
|---|---|
 ᱮᱥ ᱥᱩᱨᱮᱥ ᱵᱟᱵᱩ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱵᱷᱟᱞᱞᱟᱢᱠᱩᱞᱟᱢ, ᱯᱟᱛᱷᱟᱱᱟᱢᱛᱷᱤᱴᱴᱟ, ᱠᱮᱨᱟᱞᱟ, ᱥᱤᱧᱚᱛ |
| ᱥᱮᱪᱮᱫ ᱟᱠᱷᱲᱟ |
|
| ᱠᱟᱹᱢᱤ |
|
| ᱠᱟᱹᱢᱤ ᱚᱠᱛᱚ | ᱒᱐᱐᱕–ᱱᱤᱛ |
| ᱡᱤᱭᱚᱱ ᱥᱚᱦᱮᱫ | ᱥᱤᱱᱫᱷᱩ ᱠᱮ ᱥᱩᱨᱮᱥ |
ᱮᱥ ᱥᱩᱨᱮᱥ ᱵᱟᱵᱩ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱯᱷᱤᱞᱢ ᱥᱠᱨᱤᱱᱨᱟᱭᱴᱚᱨ ᱟᱨ ᱟᱨᱴᱤᱥᱴ ᱠᱟᱱᱟᱭ ᱡᱟᱦᱟᱸᱭ ᱫᱚ ᱢᱩᱬᱩᱛ ᱞᱮᱠᱟᱛᱮ ᱢᱟᱞᱟᱭᱟᱞᱟᱢ ᱥᱤᱱᱮᱢᱟ ᱨᱮᱭ ᱠᱟᱹᱢᱤᱭᱟ ᱾ ᱩᱱᱤ ᱫᱚ ᱒᱐᱐᱐ ᱥᱟᱞᱮ ᱨᱮ ᱰᱟᱭᱨᱮᱠᱴᱚᱨ ᱵᱤᱱᱟᱭᱟᱱ ᱟᱨ ᱟᱠᱴᱚᱨ ᱢᱟᱢᱢᱩᱴᱴᱤ ᱥᱟᱶᱛᱮ ᱫᱟᱫᱟ ᱥᱟᱦᱤᱵᱽ ᱢᱩᱵᱷᱤ ᱨᱮ ᱢᱤᱫ ᱚᱱᱚᱞᱤᱭᱟᱹ ᱞᱮᱠᱟᱛᱮ ᱟᱡᱟᱜ ᱮᱛᱚᱦᱚᱵ ᱮ ᱠᱚᱨᱟᱣ ᱞᱮᱫᱟ ᱾ ᱚᱱᱟ ᱛᱟᱭᱚᱢ ᱠᱷᱚᱱ, ᱩᱱᱤ ᱫᱚ ᱥᱤᱠᱠᱟᱨ (᱒᱐᱑᱐), ᱛᱷᱤᱨᱩᱵᱷᱟᱢᱵᱟᱰᱤ ᱛᱷᱟᱢᱵᱟᱱ (᱒᱐᱑᱒), ᱱᱟᱫᱟᱱ (᱒᱐᱑᱓), ᱡᱟᱞᱟᱢ (᱒᱐᱑᱖) ᱟᱨ ᱳᱨᱩᱛᱷᱤ (᱒᱐᱒᱒) ᱞᱮᱠᱟᱱ ᱢᱩᱵᱷᱤ ᱠᱚᱨᱮᱭ ᱠᱟᱹᱢᱤ ᱟᱠᱟᱫᱟ ᱾ ᱱᱟᱵᱷᱭᱟ ᱱᱟᱭᱟᱨ ᱦᱚᱛᱮᱛᱮ ᱟᱠᱴᱤᱝ ᱟᱠᱟᱱ ᱢᱩᱵᱷᱤ ᱳᱨᱩᱛᱷᱤ[᱑] ᱫᱚ ᱑᱐ ᱥᱮᱨᱢᱟ ᱛᱟᱭᱚᱢ ᱢᱟᱞᱟᱭᱟᱞᱟᱢ ᱥᱤᱱᱮᱢᱟ ᱨᱮ ᱟᱡᱟᱜ ᱨᱩᱣᱟᱹᱲ ᱮ ᱪᱤᱱᱦᱟᱹᱣ ᱠᱮᱫᱟ ᱟᱨ ᱱᱚᱶᱟ ᱫᱚ ᱢᱤᱫ ᱠᱚᱢᱟᱨᱥᱤᱭᱟᱞ ᱥᱟᱠᱥᱮᱥ ᱛᱟᱦᱮᱸ ᱠᱟᱱᱟᱭ ᱾
ᱠᱟᱹᱢᱤᱦᱚᱨᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱤᱨᱩᱵᱚᱱᱚᱱᱛᱯᱩᱨᱚᱢ ᱨᱮᱱᱟᱜ ᱠᱚᱞᱮᱡᱽ ᱚᱯᱷ ᱯᱷᱟᱭᱤᱱ ᱟᱨᱴᱥ ᱨᱮᱱ ᱢᱤᱫ ᱟᱞᱩᱢᱱᱩᱥ, ᱥᱩᱨᱮᱥ ᱵᱟᱵᱩ ᱫᱚ ᱢᱩᱬᱩᱛ ᱢᱟᱞᱟᱭᱟᱞᱟᱢ ᱵᱮᱣᱨᱟ ᱥᱟᱠᱟᱢ ᱟᱨ ᱯᱟᱛᱷᱟᱢ ᱠᱚ ᱥᱟᱶ ᱢᱤᱫ ᱠᱚᱞᱚᱢᱱᱤᱥᱴ ᱟᱨ ᱚᱱᱚᱞᱤᱭᱟᱹ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱮ ᱮᱛᱚᱦᱚᱵ ᱞᱮᱫᱟ ᱾ ᱢᱟᱞᱟᱭᱟᱞᱟᱢ ᱥᱤᱱᱮᱢᱟ ᱨᱮ ᱟᱡᱟᱜ ᱵᱚᱞᱚᱱ ᱫᱚ ᱯᱮ ᱜᱮᱞᱟᱝ ᱥᱮᱨᱢᱟ ᱠᱷᱚᱱ ᱦᱚᱸ ᱢᱟᱨᱮ ᱜᱮᱭᱟ ᱑᱙۹᱐ ᱥᱟᱞᱮ ᱨᱮ ᱡᱚᱠᱷᱚᱱ ᱩᱱᱤ ᱫᱚ ᱠᱟᱵᱷᱤᱭᱩᱨ ᱥᱤᱵᱷᱟᱯᱨᱟᱥᱟᱫᱽ ᱦᱚᱛᱮᱛᱮ ᱰᱟᱭᱨᱮᱠᱴ ᱟᱠᱟᱱ ᱟᱨ ᱧᱩᱛᱩᱢᱟᱱ ᱢᱟᱞᱟᱭᱟᱞᱟᱢ ᱟᱠᱴᱨᱮᱥ ᱢᱟᱹᱱᱤᱡ ᱡᱚᱭᱵᱷᱟᱨᱚᱛᱷᱤ ᱢᱩᱬᱩᱛ ᱨᱳᱞ ᱨᱮ ᱢᱮᱱᱟᱭ ᱯᱷᱤᱞᱢ ᱵᱷᱮᱢᱵᱟᱱᱟᱰ ᱨᱮ ᱢᱤᱫ ᱟᱨᱴ ᱰᱟᱭᱨᱮᱠᱴᱚᱨ ᱞᱮᱠᱟᱛᱮ ᱟᱡᱟᱜ ᱮᱛᱚᱦᱚᱵ ᱮ ᱠᱚᱨᱟᱣ ᱞᱮᱫᱟ ᱾ ᱵᱤᱱᱟᱹ ᱰᱟᱭᱞᱚᱜᱽ ᱛᱮ ᱱᱚᱶᱟ ᱮᱠᱥᱯᱮᱨᱤᱢᱮᱱᱴᱟᱞ ᱯᱷᱤᱞᱢ ᱫᱚ ᱑᱙۹᱐ ᱥᱟᱞᱮ ᱨᱮ ᱠᱮᱨᱟᱞᱟ ᱯᱚᱱᱚᱛ ᱯᱷᱤᱞᱢ ᱥᱤᱨᱯᱷᱟᱹ – ᱥᱯᱮᱥᱤᱭᱟᱞ ᱡᱩᱨᱤ ᱥᱤᱨᱯᱷᱟᱹ ᱮ ᱡᱤᱛᱠᱟᱹᱨ ᱞᱮᱱᱟ ᱾ ᱱᱚᱶᱟ ᱢᱩᱵᱷᱤ ᱨᱮ ᱧᱩᱛᱩᱢᱟᱱ ᱥᱤᱧᱚᱛᱤᱭᱟᱹ ᱯᱷᱤᱞᱢ ᱯᱨᱚᱯᱷᱮᱥᱚᱱᱟᱞ ᱠᱚᱣᱟᱜ ᱥᱮᱞᱮᱫ ᱦᱚᱸ ᱢᱮᱱᱟᱜᱼᱟ; ᱥᱤᱱᱮᱢᱟᱴᱳᱜᱽᱨᱟᱯᱷᱤ ᱫᱚ ᱚᱥᱣᱤᱱᱤ ᱠᱚᱣᱞ ᱮ ᱠᱚᱨᱟᱣ ᱟᱠᱟᱫᱟ,[᱒] ᱮᱰᱤᱴᱤᱝ ᱫᱚ ᱨᱮᱱᱩ ᱥᱟᱞᱩᱡᱟ ᱟᱨ ᱢᱤᱣᱡᱤᱠ ᱫᱚ ᱞᱩᱭᱤᱥ ᱵᱮᱸᱠᱥ ᱮ ᱮᱢ ᱟᱠᱟᱫᱟ ᱾
ᱚᱱᱟ ᱛᱟᱭᱚᱢ ᱠᱷᱚᱱ, ᱥᱩᱨᱮᱥ ᱫᱚ ᱢᱟᱞᱟᱭᱟᱞᱟᱢ ᱯᱷᱤᱞᱢ ᱤᱱᱰᱟᱥᱴᱨᱤ ᱨᱮ ᱟᱹᱰᱤ ᱢᱟᱨᱟᱝ ᱮᱱᱮᱢ ᱮ ᱮᱢ ᱟᱠᱟᱫᱟ, ᱧᱩᱛᱩᱢᱟᱱ ᱰᱟᱭᱨᱮᱠᱴᱚᱨ ᱟᱨ ᱯᱨᱚᱰᱤᱭᱩᱥᱚᱨ ᱠᱚ ᱥᱟᱶ ᱟᱭᱢᱟ ᱠᱚᱢᱟᱨᱥᱤᱭᱟᱞ ᱵᱽᱞᱚᱠᱵᱟᱥᱴᱟᱨ[᱓] ᱨᱮᱱᱟᱜ ᱥᱠᱨᱤᱯᱴ ᱟᱨ ᱥᱠᱨᱤᱱᱨᱟᱭᱴᱤᱝ ᱮ ᱠᱚᱨᱟᱣ ᱟᱠᱟᱫᱟ ᱾ ᱟᱡᱟᱜ ᱠᱤᱪᱷᱩ ᱧᱩᱛᱩᱢᱟᱱ ᱠᱟᱹᱢᱤ ᱠᱚ ᱢᱩᱫᱽ ᱨᱮ ᱢᱟᱢᱢᱩᱴᱴᱤ ᱥᱟᱶ ᱫᱟᱫᱟ ᱥᱟᱦᱤᱵᱽ, ᱢᱳᱦᱚᱱᱞᱟᱞ ᱥᱟᱶ ᱥᱤᱠᱠᱟᱨ, ᱛᱷᱟᱱᱰᱟᱵᱷᱟᱢ ᱟᱨ ᱠᱟᱱᱟᱞ, ᱡᱚᱭᱨᱟᱢ ᱥᱟᱶ ᱱᱟᱫᱟᱱ, ᱛᱷᱤᱨᱩᱵᱷᱟᱢᱵᱟᱰᱤ ᱛᱷᱟᱢᱵᱟᱱ ᱟᱨ ᱥᱟᱨ ᱥᱤ.ᱯᱤ., ᱯᱷᱤᱞᱢ ᱤᱥᱴᱟᱨ, ᱫᱟ ᱨᱤᱯᱳᱨᱴᱟᱨ, ᱡᱟᱞᱟᱢ, ᱳᱨᱩᱛᱷᱤ ᱟᱨ ᱞᱟᱭᱤᱵᱽ ᱥᱮᱞᱮᱫ ᱢᱮᱱᱟᱜᱼᱟ ᱾
ᱯᱷᱤᱞᱢ ᱵᱮᱱᱟᱣ ᱨᱮ ᱟᱡᱟᱜ ᱟᱪᱤᱵᱷᱢᱮᱱᱴ ᱠᱚ ᱵᱮᱜᱚᱨ, ᱥᱩᱨᱮᱥ ᱵᱟᱵᱩ ᱫᱚ ᱤᱱᱰᱟᱥᱴᱨᱤ ᱨᱮ ᱥᱟᱨᱦᱟᱣ ᱮ ᱧᱟᱢ ᱟᱠᱟᱫᱟ, ᱯᱷᱤᱞᱢ ᱥᱟᱶ ᱡᱚᱯᱚᱲᱟᱣ ᱚᱱᱚᱞ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱱᱟᱯᱟᱭ ᱚᱱᱚᱞᱤᱭᱟᱹ ᱞᱮᱠᱟᱛᱮ ᱯᱷᱤᱞᱢ ᱠᱨᱤᱴᱤᱠᱥ ᱥᱤᱨᱯᱷᱟᱹ ᱮ ᱧᱟᱢ ᱟᱠᱟᱫᱟ ᱾ ᱯᱮ ᱜᱮᱞᱟᱝ ᱥᱮᱨᱢᱟ ᱠᱷᱚᱱ ᱦᱚᱸ ᱵᱟᱹᱲᱛᱤ ᱚᱠᱛᱚ ᱨᱮᱱᱟᱜ ᱠᱟᱹᱢᱤ ᱡᱤᱭᱚᱱ ᱥᱟᱶᱛᱮ, ᱥᱩᱨᱮᱥ ᱫᱚ ᱯᱷᱤᱞᱢ ᱯᱨᱚᱰᱚᱠᱥᱚᱱ ᱨᱮᱱᱟᱜ ᱫᱩᱱᱤᱭᱟᱹ ᱨᱮᱦᱚᱸᱭ ᱵᱚᱞᱚ ᱟᱠᱟᱱᱟ ᱾[᱔]
ᱢᱤᱫ ᱟᱨᱴᱤᱥᱴ ᱞᱮᱠᱟᱛᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱷᱤᱞᱢ ᱤᱱᱰᱟᱥᱴᱨᱤ ᱨᱮ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱵᱮᱜᱚᱨ, ᱥᱩᱨᱮᱥ ᱵᱟᱵᱩ ᱫᱚ ᱢᱤᱫ ᱱᱟᱯᱟᱭ ᱤᱞᱟᱥᱴᱨᱮᱴᱟᱨ ᱞᱮᱠᱟᱛᱮ ᱦᱚᱸ ᱧᱩᱛᱩᱢ ᱮ ᱧᱟᱢ ᱟᱠᱟᱫᱟ ᱾ ᱩᱱᱤ ᱫᱚ ᱢᱟᱝᱜᱟᱞᱟᱢ, ᱵᱷᱟᱱᱤᱛᱷᱟ, ᱟᱨ ᱰᱤ.ᱥᱤ. ᱵᱩᱠᱥ ᱥᱮᱞᱮᱫ ᱛᱮ ᱧᱩᱛᱩᱢᱟᱱ ᱢᱟᱞᱟᱭᱟᱞᱟᱢ ᱯᱟᱛᱷᱟᱢ ᱠᱚ ᱥᱟᱶᱮ ᱠᱟᱹᱢᱤ ᱟᱠᱟᱫᱟ ᱾
ᱥᱩᱨᱮᱥ ᱵᱟᱵᱩ ᱫᱚ ᱟᱡᱟᱜ ᱦᱚᱨᱟ ᱛᱮ ᱢᱤᱫ ᱠᱤᱣᱨᱮᱴᱮᱰ ᱯᱮᱱᱴᱟᱨ ᱠᱟᱱᱟᱭ, ᱟᱨ ᱟᱡᱟᱜ ᱟᱨᱴᱣᱟᱨᱠ ᱫᱚ ᱠᱮᱨᱟᱞᱟ ᱜᱚᱴᱟ ᱨᱮ ᱟᱭᱢᱟ ᱠᱚᱨᱯᱚᱨᱮᱴ ᱠᱚᱢᱯᱟᱹᱱᱤ ᱟᱨ ᱦᱮᱨᱤᱴᱮᱡᱽ ᱦᱳᱴᱮᱞ ᱠᱚᱨᱮᱱᱟᱜ ᱵᱳᱨᱰᱨᱩᱢ, ᱞᱚᱵᱤ, ᱟᱨ ᱰᱨᱚᱭᱤᱝ ᱨᱩᱢ ᱠᱚᱨᱮ ᱴᱷᱟᱶ ᱮ ᱧᱟᱢ ᱟᱠᱟᱫᱟ ᱾ ᱟᱡᱟᱜ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱯᱨᱚᱡᱮᱠᱴ ᱠᱚ ᱢᱩᱫᱽ ᱨᱮ ᱴᱨᱟᱵᱷᱟᱱᱠᱳᱨ ᱨᱟᱡᱚᱥᱛᱤ ᱨᱮᱱᱟᱜ ᱱᱟᱜᱟᱢ ᱩᱫᱩᱜ ᱥᱚᱫᱚᱨᱮᱫ ᱑᱐᱐ ᱜᱚᱴᱟᱝ ᱯᱮᱱᱴᱤᱝ ᱨᱮᱱᱟᱜ ᱢᱤᱫ ᱥᱤᱨᱤᱡᱽ ᱥᱮᱞᱮᱫ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱠᱳᱪᱤᱱ ᱨᱮᱱᱟᱜ ᱴᱨᱟᱵᱷᱟᱱᱠᱳᱨ ᱦᱳᱴᱮᱞ ᱨᱮ ᱩᱫᱩᱜ ᱥᱚᱫᱚᱨ ᱟᱠᱟᱱᱟ ᱾
ᱠᱮᱨᱤᱠᱮᱪᱟᱨ ᱟᱨᱴ ᱨᱮ ᱢᱤᱫ ᱥᱯᱮᱥᱤᱭᱟᱞᱤᱥᱴ ᱞᱮᱠᱟᱛᱮ, ᱵᱟᱵᱩ ᱟᱜ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱠᱚᱞᱮᱠᱥᱚᱱ ᱨᱮ ᱧᱩᱛᱩᱢᱟᱱ ᱢᱳᱦᱚᱱᱞᱟᱞ ᱟᱜ ᱗᱕ ᱜᱚᱴᱟᱝ ᱠᱮᱨᱤᱠᱮᱪᱟᱨ ᱢᱮᱱᱟᱜᱼᱟ ᱾ ᱟᱡᱟᱜ ᱠᱮᱨᱤᱠᱮᱪᱟᱨ ᱠᱚᱫᱚ ᱢᱳᱦᱚᱱᱞᱟᱞ ᱟᱜ ᱯᱩᱱ-ᱜᱮᱞᱟᱝ ᱥᱮᱨᱢᱟ ᱨᱮᱱᱟᱜ ᱠᱟᱹᱢᱤ ᱡᱤᱭᱚᱱ ᱨᱮ ᱟᱡ ᱦᱚᱛᱮᱛᱮ ᱠᱚᱨᱟᱣ ᱟᱠᱟᱱ ᱢᱩᱬᱩᱛ ᱪᱩᱨᱤᱛ ᱠᱚ ᱪᱮᱛᱟᱱ ᱨᱮ ᱵᱮᱱᱟᱣ ᱟᱠᱟᱱᱟ ᱾
ᱥᱩᱨᱮᱥ ᱵᱟᱵᱩ ᱫᱚ ᱪᱤᱛᱨᱟᱵᱷᱩᱢᱤ, ᱢᱟᱛᱷᱨᱩᱵᱷᱩᱢᱤ, ᱢᱟᱫᱷᱭᱟᱢᱟᱢ ᱟᱨ ᱨᱟᱥᱴᱨᱟ ᱫᱤᱯᱤᱠᱟ ᱥᱤᱱᱮᱢᱟ ᱨᱮ ᱯᱷᱨᱤᱞᱟᱱᱥ ᱠᱚᱞᱚᱢᱱᱤᱥᱴ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱟ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱩᱨᱮᱥ ᱵᱟᱵᱩ ᱫᱚ ᱯᱟᱛᱷᱟᱱᱟᱢᱛᱷᱤᱴᱴᱟ ᱨᱮᱱᱟᱜ ᱵᱷᱟᱞᱞᱟᱢᱠᱩᱞᱟᱢ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱫᱚ ᱱᱮᱥᱱᱟᱞ ᱦᱟᱭ ᱤᱥᱠᱩᱞ, ᱵᱷᱟᱞᱞᱟᱢᱠᱩᱞᱟᱢ ᱨᱮᱭ ᱯᱟᱲᱦᱟᱣ ᱞᱮᱱᱟ, ᱟᱨ ᱢᱟᱨ ᱛᱷᱳᱢᱟ ᱠᱚᱞᱮᱡᱽ, ᱛᱤᱨᱩᱵᱷᱟᱞᱞᱟ ᱠᱷᱚᱱ ᱟᱡᱟᱜ ᱯᱨᱤ-ᱰᱤᱜᱽᱨᱤ ᱥᱮᱪᱮᱫ ᱮ ᱯᱩᱨᱟᱹᱣ ᱞᱮᱫᱟ ᱟᱨ ᱛᱟᱭᱚᱢ ᱛᱮ ᱑᱙᱙᱑ ᱥᱟᱞᱮ ᱨᱮ ᱯᱷᱟᱭᱤᱱ ᱟᱨᱴᱥ ᱠᱚᱞᱮᱡᱽ, ᱛᱤᱨᱩᱵᱚᱱᱚᱱᱛᱯᱩᱨᱚᱢ ᱠᱷᱚᱱ ᱯᱷᱟᱭᱤᱱ ᱟᱨᱴᱥ ᱨᱮ ᱵᱮᱪᱮᱞᱚᱨ ᱰᱤᱜᱽᱨᱤ ᱥᱟᱶᱛᱮ ᱜᱨᱮᱡᱩᱭᱮᱴ ᱮᱱᱟᱭ ᱾
ᱱᱤᱡᱮᱨᱟᱜ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱩᱨᱮᱥ ᱵᱟᱵᱩ ᱫᱚ ᱥᱤᱱᱫᱷᱩ ᱠᱮ ᱥᱩᱨᱮᱥ ᱥᱟᱶᱮ ᱵᱟᱯᱞᱟ ᱟᱠᱟᱱᱟ ᱟᱨ ᱩᱱᱠᱤᱱ ᱨᱤᱱ ᱵᱟᱨᱭᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ ᱾
ᱯᱷᱤᱞᱢᱳᱜᱽᱨᱟᱯᱷᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱥᱮᱨᱢᱟ | ᱧᱩᱛᱩᱢ | ᱰᱟᱭᱨᱮᱠᱴᱚᱨ | ᱠᱨᱮᱰᱤᱴ ᱞᱮᱠᱟᱛᱮ | ᱱᱳᱴᱥ | ||
|---|---|---|---|---|---|---|
| ᱠᱟᱹᱦᱱᱤ | ᱥᱠᱨᱤᱱᱯᱞᱮ | ᱰᱟᱭᱞᱚᱜᱽ | ||||
| ᱒᱐᱐᱐ | ᱫᱟᱫᱟ ᱥᱟᱦᱤᱵᱽ | ᱵᱤᱱᱟᱭᱟᱱ | No | Yes | Yes | |
| ᱒᱐᱐᱒ | ᱛᱷᱟᱱᱰᱟᱵᱷᱟᱢ | ᱥᱟᱡᱤ ᱠᱟᱭᱞᱟᱥ | Yes | Yes | Yes | |
| ᱒᱐᱐᱕ | ᱯᱷᱟᱭᱤᱵᱽ ᱯᱷᱤᱝᱜᱟᱨᱥ | ᱥᱟᱱᱡᱤᱵᱽ ᱨᱟᱡᱽ | Yes | Yes | Yes | |
| ᱒᱐᱐᱘ | ᱥᱣᱟᱨᱱᱟᱢ | ᱵᱷᱮᱱᱩᱜᱳᱯᱟᱱ | Yes | Yes | Yes | |
| ᱒᱐᱐᱙ | ᱥᱣᱟᱯᱱᱟᱢᱟᱞᱤᱠᱟ | ᱠᱮᱮ ᱫᱮᱵᱷᱟᱨᱟᱡᱟᱱ | No | Yes | Yes | |
| ᱒᱐᱑᱐ | ᱥᱤᱠᱠᱟᱨ | ᱮᱢ ᱯᱟᱫᱽᱢᱟᱠᱩᱢᱟᱨ | Yes | Yes | Yes | |
| ᱒᱐᱑᱑ | ᱫᱟ ᱯᱷᱤᱞᱢᱤᱥᱴᱟᱨ | ᱥᱟᱱᱡᱤᱵᱽ ᱨᱟᱡᱽ | Yes | Yes | Yes | |
| ᱒᱐᱑᱒ | ᱛᱷᱤᱨᱩᱵᱷᱟᱢᱵᱟᱰᱤ ᱛᱷᱟᱢᱯᱟᱱ | ᱮᱢ ᱯᱟᱫᱽᱢᱟᱠᱩᱢᱟᱨ | Yes | Yes | Yes | |
| ᱒᱐᱑᱓ | ᱱᱟᱫᱟᱱ | ᱠᱟᱢᱟᱞ | Yes | Yes | Yes | [᱕] |
| ᱒᱐᱑᱕ | ᱫᱟ ᱨᱤᱯᱳᱨᱴᱟᱨ | ᱵᱷᱮᱱᱩᱜᱳᱯᱟᱱ | Yes | Yes | Yes | |
| ᱥᱟᱨ ᱥᱤ.ᱯᱤ. | ᱥᱟᱡᱩᱱ ᱠᱟᱨᱭᱟᱞ | Yes | Yes | Yes | [᱖] | |
| ᱠᱟᱱᱟᱞ | ᱮᱢ ᱯᱟᱫᱽᱢᱟᱠᱩᱢᱟᱨ | Yes | Yes | Yes | [᱗] | |
| ᱒᱐᱑᱖ | ᱡᱟᱞᱟᱢ | ᱮᱢ ᱯᱟᱫᱽᱢᱟᱠᱩᱢᱟᱨ | Yes | Yes | Yes | |
| ᱒᱐᱒᱒ | ᱳᱨᱩᱛᱷᱤ | ᱵᱷᱤ. ᱠᱮ. ᱯᱨᱟᱠᱟᱥ | Yes | Yes | Yes | |
| ᱒᱐᱒᱓ | ᱞᱟᱭᱤᱵᱽ | ᱵᱷᱤ. ᱠᱮ. ᱯᱨᱟᱠᱟᱥ | Yes | Yes | Yes | |
| ᱢᱟᱱᱳᱦᱟᱨᱟᱱᱩᱢ ᱡᱟᱱᱟᱠᱤᱭᱩᱢ | ᱥᱩᱨᱮᱥ ᱵᱟᱵᱩ | No | No | No | ᱞᱟᱹᱭ ᱥᱚᱫᱚᱨ ᱟᱠᱟᱱᱟ [᱘] | |
| ᱒᱐᱒᱔ | ᱟᱨᱟᱵᱤᱠᱠᱟᱫᱟᱞᱤᱱᱴᱮ ᱨᱟᱱᱤ | ᱮᱢ ᱯᱟᱫᱽᱢᱟᱠᱩᱢᱟᱨ, ᱥᱩᱨᱮᱥ ᱵᱟᱵᱩ | Yes | Yes | Yes | |
| ᱒᱐᱒᱖ | ᱯᱟᱞᱞᱤᱪᱟᱴᱴᱟᱢᱵᱤ | ᱰᱤᱡᱳ ᱡᱳᱥ ᱮᱱᱴᱳᱱᱤ | Yes | No | No | [᱙] |
ᱥᱤᱨᱯᱷᱟᱹ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱙᱘ ᱥᱟᱞᱮ ᱨᱮ ᱡᱚᱛᱚ ᱠᱷᱚᱱ ᱱᱟᱯᱟᱭ ᱤᱞᱟᱥᱴᱨᱮᱴᱟᱨ ᱞᱟᱹᱜᱤᱫ ᱮᱱ.ᱥᱤ.ᱤ.ᱟᱨ.ᱴᱤ (NCERT) ᱡᱟᱹᱛᱤᱭᱟᱹᱨᱤ ᱥᱤᱨᱯᱷᱟᱹ ᱾
ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱱᱟᱯᱟᱭ ᱤᱞᱟᱥᱴᱨᱮᱴᱟᱨ ᱞᱟᱹᱜᱤᱫ ᱯᱚᱱᱚᱛ ᱥᱤᱨᱯᱷᱟᱹ ᱾
᱑᱙᱖᱗ ᱟᱨ ᱑᱙᱙᱖ ᱥᱟᱞᱮ ᱨᱮ ᱡᱚᱛᱚ ᱠᱷᱚᱱ ᱱᱟᱯᱟᱭ ᱜᱤᱫᱽᱨᱟᱹ ᱤᱞᱟᱥᱴᱨᱮᱥᱚᱱ ᱞᱟᱹᱜᱤᱫ ᱵᱷᱤᱢᱟ ᱵᱟᱞᱟᱥᱟᱦᱤᱛᱭᱚ ᱥᱤᱨᱯᱷᱟᱹ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "ഒരു ക്ലീഷേക്കും പിറകെ പോകാന് 'ഒരുത്തീ'ക്ക് നേരമില്ല S Suresh Babu, Oruthee, The Cue". YouTube. 20 March 2022.
- ↑ "Ashwini Kaul". imdb.
- ↑ "List of Malayalam Movies screenplay written by S Suresh Babu".
- ↑ "S Suresh Babu ventures into production; six films announced". cinemaexpress (in ᱟᱝᱜᱽᱨᱮᱡᱤ). Retrieved 2023-01-06.
- ↑ "'Nadan' review: Kamal succeeds in portraying troubles dogging theatre". Deccanchronicle (in ᱟᱝᱜᱽᱨᱮᱡᱤ). 24 November 2013. Retrieved 2013-11-24.
- ↑ "Sir C P Movie Review". Timesofindia (in ᱟᱝᱜᱽᱨᱮᱡᱤ). Retrieved 2015-04-24.
- ↑ "'Kanal': An ember out in the cold". Onmanorama (in ᱟᱝᱜᱽᱨᱮᱡᱤ). Retrieved 2015-10-22.
- ↑ "അഭിനേതാക്കൾക്ക് പുറമേ സാങ്കേതിക വിദഗ്ധരെയും തേടി മനോഹരനും ജാനകിയും". ManoramaOnline (in ᱢᱟᱞᱟᱭᱟᱞᱟᱹᱢ). Retrieved 2023-01-06.
- ↑ "Pallichattambi teaser: Tovino Thomas fights oppression in 1950s-set period action drama". Cinema Express (in ᱟᱝᱜᱽᱨᱮᱡᱤ). 2026-03-23. Retrieved 2026-04-30.
ᱵᱟᱦᱨᱮ ᱡᱚᱱᱚᱲ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱥᱩᱨᱮᱥ ᱵᱟᱵᱩ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- Infobox person using alma mater
- CS1 ᱢᱟᱞᱟᱭᱟᱞᱟᱹᱢ-language sources (ml)
- ᱢᱟᱞᱟᱭᱟᱞᱟᱢ ᱯᱷᱤᱞᱢ ᱰᱟᱭᱨᱮᱠᱴᱚᱨ ᱠᱚ
- ᱢᱟᱞᱟᱭᱟᱞᱤ ᱦᱚᱲ ᱠᱚ
- ᱡᱤᱣᱤᱫ ᱦᱚᱲ ᱠᱚ
- ᱢᱟᱞᱟᱭᱟᱞᱟᱢ ᱥᱠᱨᱤᱱᱨᱟᱭᱴᱚᱨ ᱠᱚ
- ᱑᱙᱖᱗ ᱡᱟᱱᱟᱢ
- ᱠᱚᱱᱱᱚᱰ ᱥᱠᱨᱤᱱᱨᱟᱭᱴᱚᱨ ᱠᱚ
- ᱢᱩᱵᱷᱟᱴᱴᱩᱯᱩᱡᱷᱟ ᱨᱮᱱ ᱦᱚᱲ ᱠᱚ
- ᱮᱨᱱᱟᱠᱩᱞᱟᱢ ᱦᱚᱱᱚᱛ ᱨᱮᱱ ᱚᱱᱚᱞᱤᱭᱟᱹ ᱠᱚ
- ᱛᱟᱢᱤᱞ ᱥᱠᱨᱤᱱᱨᱟᱭᱴᱚᱨ ᱠᱚ
- ᱛᱮᱞᱩᱜᱩ ᱥᱠᱨᱤᱱᱨᱟᱭᱴᱚᱨ ᱠᱚ
- ᱠᱳᱪᱤ ᱨᱮᱱ ᱯᱷᱤᱞᱢ ᱰᱟᱭᱨᱮᱠᱴᱚᱨ ᱠᱚ
- ᱒᱑-ᱟᱱᱟᱜ ᱥᱟᱭ ᱥᱮᱨᱢᱟ ᱨᱮᱱ ᱥᱤᱧᱚᱛᱤᱭᱟᱹ ᱰᱨᱟᱢᱟᱴᱤᱥᱴ ᱟᱨ ᱯᱞᱮᱨᱟᱭᱤᱴ ᱠᱚ
- ᱠᱳᱪᱤ ᱨᱮᱱ ᱥᱠᱨᱤᱱᱨᱟᱭᱴᱚᱨ ᱠᱚ
- ᱒᱑-ᱟᱱᱟᱜ ᱥᱟᱭ ᱥᱮᱨᱢᱟ ᱨᱮᱱ ᱥᱤᱧᱚᱛᱤᱭᱟᱹ ᱥᱠᱨᱤᱱᱨᱟᱭᱴᱚᱨ ᱠᱚ