ᱥᱩᱪᱤᱛᱟ ᱛᱨᱤᱵᱮᱫᱤ
ᱥᱩᱪᱤᱛᱟ ᱛᱨᱤᱵᱮᱫᱤ (ᱡᱟᱱᱟᱢ ᱒᱐ ᱥᱮᱯᱴᱮᱢᱵᱚᱨ ᱑᱙᱗᱖) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱦᱤᱱᱫᱤ ᱴᱤᱵᱷᱤ ᱰᱨᱟᱢᱟ ᱨᱮ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱵᱟᱰᱟᱭᱚᱜ ᱠᱟᱱᱟᱭ᱾ ᱩᱱᱤ ᱫᱚ ᱵᱟᱹᱲᱛᱤ ᱞᱮᱠᱟᱛᱮ ᱥᱴᱟᱨ ᱯᱞᱚᱥ ᱨᱮ ᱥᱟᱨᱦᱟᱣ ᱧᱟᱢ ᱟᱠᱟᱱ ᱰᱨᱟᱢᱮᱰᱤ ᱵᱟᱟ ᱵᱟᱦᱩ ᱟᱩᱨ ᱵᱮᱵᱤ ᱨᱮ ᱢᱤᱱᱟᱠᱷᱥᱤ ᱴᱷᱟᱠᱠᱚᱨ ᱨᱮᱱᱟᱜ ᱯᱚᱨᱴᱨᱮᱭᱟᱞ ᱞᱟᱹᱜᱤᱫ ᱩᱭᱦᱟᱹᱨ ᱢᱮᱱᱟᱜᱼᱟ, ᱡᱟᱦᱟᱸ ᱞᱟᱹᱜᱤᱫ ᱩᱱᱤ ᱫᱚ ᱵᱟᱨ ᱫᱷᱟᱣ ᱠᱚᱢᱤᱠ ᱨᱳᱞ ᱨᱮ ᱵᱮᱥᱴ ᱮᱠᱴᱨᱮᱥ ᱞᱟᱹᱜᱤᱫ ᱤᱱᱰᱤᱭᱟᱱ ᱴᱮᱞᱤ ᱟᱣᱟᱨᱰ ᱮ ᱡᱤᱛᱠᱟᱹᱨ ᱞᱮᱱᱟ, ᱟᱨ ᱵᱟᱨᱭᱟ ᱟᱨ ᱱᱳᱢᱤᱱᱮᱥᱚᱱ ᱮ ᱧᱟᱢ ᱞᱮᱫᱟ᱾
ᱱᱤᱡᱮᱨ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱩᱪᱤᱛᱟ ᱫᱚ ᱒᱐ ᱥᱮᱯᱴᱮᱢᱵᱚᱨ ᱑᱙᱗᱖ ᱨᱮ ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ ᱨᱮ ᱟᱱᱤᱞ ᱛᱨᱤᱵᱮᱫᱤ ᱟᱨ ᱜᱤᱛᱟ ᱛᱨᱤᱵᱮᱫᱤ ᱴᱷᱮᱱ ᱡᱟᱱᱟᱢ ᱞᱮᱱᱟᱭ᱾ ᱥᱩᱪᱤᱛᱟ ᱫᱚ ᱔᱒ ᱵᱚᱪᱷᱚᱨ ᱩᱢᱮᱨ ᱨᱮ ᱒᱒ ᱥᱮᱯᱴᱮᱢᱵᱚᱨ ᱒᱐᱑᱘ ᱨᱮ ᱱᱤᱜᱟᱢ ᱯᱟᱴᱮᱞ ᱥᱟᱶ ᱮ ᱵᱟᱯᱞᱟ ᱮᱱᱟ᱾
ᱩᱱᱤ ᱫᱚ ᱤᱱᱥᱴᱟᱜᱨᱟᱢ ᱨᱮ ᱟᱡᱟᱜ ᱵᱟᱯᱞᱟ ᱯᱷᱳᱴᱳ ᱮ ᱥᱮᱭᱟᱨ ᱠᱮᱫᱟ ᱡᱟᱦᱟᱸ ᱫᱚ ᱵᱷᱟᱭᱨᱟᱞ ᱵᱮᱱᱟᱣ ᱮᱱᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱨᱤᱵᱮᱫᱤ ᱫᱚ ᱵᱟᱞᱣᱟᱱᱛ ᱰᱩᱞᱟᱴ ᱫᱟᱨᱟᱭ ᱛᱮ ᱚᱞ ᱟᱨ ᱰᱤᱨᱮᱠᱴ ᱟᱠᱟᱱ ᱥᱳᱨᱴ ᱯᱷᱤᱞᱢ "ᱮᱠ ᱥᱟᱣᱟᱞ ᱢᱩᱱᱤ ᱠᱟ" ᱨᱮ ᱢᱤᱫ ᱜᱤᱫᱽᱨᱟᱹ ᱟᱨᱴᱤᱥᱴ ᱞᱮᱠᱟᱛᱮ ᱟᱡᱟᱜ ᱮᱠᱴᱤᱝ ᱮ ᱮᱛᱚᱦᱚᱵ ᱠᱮᱫᱟ ᱟᱨ ᱥᱳᱨᱴ ᱯᱷᱤᱞᱢ ᱫᱚ ᱱᱮᱥᱱᱟᱞ ᱴᱮᱞᱤᱵᱤᱡᱚᱱ (ᱫᱩᱨ ᱫᱟᱨᱥᱟᱱ) ᱨᱮ ᱟᱭᱢᱟ ᱫᱷᱟᱣ ᱴᱮᱞᱤᱠᱟᱥᱴ ᱦᱩᱭ ᱞᱮᱱᱟ ᱩᱱᱤ ᱫᱚ ᱑᱙᱘᱓ ᱨᱮᱱᱟᱜ ᱵᱳᱞᱤᱣᱩᱰ ᱯᱷᱤᱞᱢ ᱣᱟᱦ ᱥᱟᱟᱛ ᱫᱤᱱ ᱨᱮ ᱦᱚᱸ ᱜᱤᱫᱽᱨᱟᱹ ᱟᱨᱴᱤᱥᱴ ᱞᱮᱠᱟᱛᱮ ᱮᱠᱴᱤᱝ ᱟᱠᱟᱫᱟ, ᱡᱟᱦᱟᱸ ᱨᱮ ᱟᱱᱤᱞ ᱠᱟᱯᱩᱨ, ᱱᱟᱥᱮᱨᱩᱫᱽᱫᱤᱱ ᱥᱟᱦ, ᱟᱨ ᱯᱟᱫᱽᱢᱤᱱᱤ ᱠᱚᱞᱦᱟᱯᱩᱨᱮ ᱫᱚ ᱢᱩᱬ ᱨᱳᱞ ᱨᱮ ᱢᱮᱱᱟᱜ ᱠᱚᱣᱟ᱾ ᱟᱡᱟᱜ ᱪᱟᱨᱤᱛ ᱫᱚ ᱪᱟᱱᱫᱟ ᱠᱚ ᱢᱮᱛᱟᱣᱟᱜ ᱠᱟᱱ ᱛᱟᱦᱮᱸᱱᱟ᱾
ᱩᱱᱤ ᱫᱚ ᱢᱩᱬᱩᱛ ᱞᱮᱠᱟᱛᱮ ᱵᱷᱟᱨᱚᱛᱤᱭᱚ ᱴᱮᱞᱤᱵᱤᱡᱚᱱ ᱵᱷᱟᱨᱚᱛᱤᱭᱚ ᱦᱤᱱᱫᱤ ᱴᱮᱞᱤᱵᱤᱡᱚᱱ ᱨᱮ ᱠᱟᱹᱢᱤ ᱟᱠᱟᱫᱟ᱾ ᱩᱱᱤ ᱫᱚ ᱦᱮᱴᱥ ᱚᱯᱷ ᱯᱨᱳᱰᱟᱠᱥᱚᱱ ᱨᱮᱱᱟᱜ ᱥᱩᱯᱟᱨ-ᱦᱤᱴ ᱴᱤᱵᱷᱤ ᱥᱤᱨᱤᱡᱽ ᱵᱟᱟ ᱵᱟᱦᱩ ᱟᱩᱨ ᱵᱮᱵᱤ ᱨᱮ ᱢᱤᱱᱟᱠᱷᱥᱤ ᱴᱷᱟᱠᱠᱚᱨ ᱨᱮᱱᱟᱜ ᱠᱚᱢᱤᱠ ᱪᱟᱨᱤᱛ ᱯᱚᱨᱴᱨᱮᱭᱤᱝ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱱᱟᱯᱟᱭ ᱵᱟᱰᱟᱭᱚᱜ ᱠᱟᱱᱟ, ᱡᱟᱦᱟᱸ ᱫᱚ ᱒᱐᱐᱕ ᱠᱷᱚᱱ ᱒᱐᱑᱐ ᱫᱷᱟᱹᱵᱤᱡ ᱥᱴᱟᱨ ᱯᱞᱚᱥ ᱦᱤᱱᱫᱤ ᱪᱮᱱᱮᱞ ᱨᱮ ᱮᱭᱟᱨ ᱞᱮᱱᱟ᱾