ᱥᱩᱪᱤᱛᱨᱟ ᱯᱤᱞᱞᱟᱭ

ᱥᱩᱪᱤᱛᱨᱟ ᱯᱤᱞᱞᱟᱭ^[᱑] (ᱡᱟᱱᱟᱢ ᱒᱗ ᱚᱜᱚᱥᱴ ᱑᱙᱗᱐) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ, ᱢᱚᱰᱮᱞ, ᱮᱸᱠᱚᱨ ᱟᱨ ᱵᱷᱤᱡᱮ ᱠᱟᱱᱟᱭ᱾ ᱯᱷᱟᱫᱟᱨ ᱠᱚᱱᱥᱮᱭᱥᱟᱣ ᱨᱚᱰᱨᱤᱜᱮᱥ ᱠᱚᱞᱮᱡᱽ ᱚᱯᱷ ᱤᱧᱡᱤᱱᱤᱭᱚᱨᱤᱝ, ᱵᱟᱸᱫᱨᱟ (ᱯᱟᱪᱷᱮ), ᱢᱩᱢᱵᱟᱭ ᱠᱷᱚᱱ ᱤᱞᱮᱠᱴᱨᱚᱱᱤᱠ ᱤᱧᱡᱤᱱᱤᱭᱚᱨᱤᱝ ᱨᱮ ᱜᱨᱟᱡᱩᱭᱮᱴ ᱦᱩᱭ ᱠᱟᱛᱮ, ᱩᱱᱤ ᱫᱚ ᱤᱧᱡᱤᱱᱤᱭᱚᱨᱤᱝ ᱪᱮᱛᱟᱱ ᱟᱨᱴᱥ ᱨᱮ ᱠᱮᱨᱤᱭᱚᱨ ᱵᱟᱪᱷᱟᱣ ᱞᱮᱫᱟ᱾ ᱫᱤᱞ ᱪᱟᱦᱛᱟ ᱦᱟᱭ (᱒᱐᱐᱑), ᱯᱮᱡ ᱓ (᱒᱐᱐᱕), ᱞᱟᱜᱟ ᱪᱩᱱᱟᱨᱤ ᱢᱮᱭᱱ ᱫᱟᱜ (᱒᱐᱐᱗), ᱟᱨ ᱯᱷᱮᱥᱚᱱ (᱒᱐᱐᱘) ᱥᱟᱶᱛᱮ ᱢᱩᱵᱷᱤ ᱨᱳᱞ ᱵᱮᱜᱚᱨ, ᱥᱩᱪᱤᱛᱨᱟ ᱫᱚ ᱤᱱᱰᱤ ᱯᱚᱯ ᱟᱨ ᱨᱚᱠ ᱡᱮᱱᱚᱨ ᱨᱮ ᱢᱤᱫ ᱥᱤᱝᱜᱟᱨ ᱦᱚᱸ ᱠᱟᱱᱟᱭ ᱡᱟᱦᱟᱸ ᱨᱮᱱᱟᱜ ᱮᱞᱵᱚᱢ ᱥᱩᱪ ᱤᱥ ᱞᱟᱭᱤᱯᱷ ᱒᱐᱑᱑ ᱨᱮ ᱨᱤᱞᱤᱡᱽ ᱞᱮᱱᱟ᱾ ᱩᱱᱤ ᱫᱚ ᱢᱤᱫ ᱯᱩᱨᱟᱹᱣ ᱟᱠᱟᱱ ᱛᱷᱤᱭᱮᱴᱚᱨ ᱟᱨᱴᱤᱥᱴ ᱦᱚᱸ ᱠᱟᱱᱟᱭ᱾

ᱱᱤᱡᱮᱨ ᱡᱤᱭᱚᱱ

ᱡᱚᱠᱷᱚᱱ ᱥᱩᱪᱤᱛᱨᱟ ᱫᱚ ᱒᱐ ᱵᱚᱨᱥᱚ ᱨᱤᱱᱤᱡ ᱮ ᱛᱟᱦᱮᱸ ᱠᱟᱱᱟ ᱩᱱ ᱫᱚ ᱩᱱᱤ ᱯᱟᱣᱟᱱ ᱢᱟᱞᱤᱠ ᱥᱟᱶ ᱮ ᱵᱟᱯᱞᱟ ᱞᱮᱱᱟ ᱟᱨ ᱛᱟᱭᱚᱢ ᱛᱮ ᱰᱤᱵᱷᱳᱨᱥ ᱮᱱᱟ᱾ ᱒᱐᱐᱕ ᱨᱮ, ᱥᱩᱪᱤᱛᱨᱟ ᱫᱚ ᱰᱮᱱᱢᱟᱨᱠ ᱨᱤᱱᱤᱡ ᱤᱧᱡᱤᱱᱤᱭᱚᱨ ᱞᱟᱨᱥ ᱠᱤᱭᱮᱞᱰᱥᱮᱱ ᱥᱟᱶ ᱮ ᱵᱟᱯᱞᱟ ᱞᱮᱱᱟ, ᱡᱟᱦᱟᱸᱭ ᱫᱚ ᱩᱱᱤ ᱢᱤᱫ ᱥᱟᱹᱜᱟᱹᱭᱟᱱ ᱜᱟᱛᱮ ᱚᱲᱟᱜ ᱨᱮ ᱮ ᱧᱟᱯᱟᱢ ᱞᱮᱫᱮᱭᱟ᱾ ᱩᱱᱠᱩ ᱨᱤᱱ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱢᱮᱱᱟᱭᱟ᱾^[᱒]

ᱯᱷᱤᱞᱢ ᱠᱮᱨᱤᱭᱚᱨ

ᱢᱩᱢᱵᱟᱭ ᱨᱮ ᱥᱠᱩᱞ ᱨᱮ ᱛᱟᱦᱮᱸ ᱚᱠᱛᱚ, ᱯᱤᱞᱞᱟᱭ ᱫᱚ ᱛᱷᱤᱭᱮᱴᱚᱨ ᱨᱮ ᱟᱹᱰᱤ ᱜᱮ ᱨᱤᱠᱟᱹ ᱛᱟᱦᱮᱸ ᱠᱟᱱᱟ ᱢᱮᱱᱠᱷᱟᱱ ᱩᱱᱤ ᱫᱚ ᱑᱙᱙᱑ ᱨᱮ ᱤᱞᱮᱠᱴᱨᱚᱱᱤᱠᱥ ᱤᱧᱡᱤᱱᱤᱭᱚᱨᱤᱝ ᱨᱮ ᱵᱤ.ᱤ. ᱥᱟᱶ ᱜᱨᱟᱡᱩᱭᱮᱴ ᱮᱱᱟ᱾^[᱓] ᱩᱱᱤ ᱫᱚ ᱩᱥᱟᱹᱨᱟ ᱜᱮ ᱞᱚᱱᱰᱚᱱ ᱞᱟᱹᱜᱤᱫ ᱮ ᱪᱟᱞᱟᱣ ᱮᱱᱟ, ᱡᱟᱦᱟᱸ ᱨᱮ ᱩᱱᱤ ᱢᱤᱫ ᱜᱤᱫᱽᱨᱟᱹ ᱠᱚᱣᱟᱜ ᱛᱷᱤᱭᱮᱴᱚᱨ ᱨᱮ ᱥᱮᱞᱮᱫ ᱮᱱᱟ᱾ ᱩᱱᱤ ᱫᱚ ᱑᱙᱙᱓ ᱨᱮ ᱢᱩᱵᱷᱤ ᱨᱮ ᱮᱠᱴᱤᱝ ᱮ ᱮᱛᱚᱦᱚᱵ ᱠᱮᱫᱟ ᱡᱚᱠᱷᱚᱱ ᱩᱱᱤ ᱫᱚ ᱯᱷᱨᱮᱸᱪ ᱯᱷᱤᱞᱢ ᱞᱮ ᱯᱨᱤᱠᱥ ᱰ'ᱭᱩᱱ ᱯᱷᱮᱢ ᱨᱮ ᱟᱡᱟᱜ ᱯᱩᱭᱞᱩ ᱨᱳᱞ ᱮ ᱧᱟᱢ ᱞᱮᱫᱟ ᱟᱨ ᱥᱟᱶᱛᱮ ᱤᱝᱜᱽᱞᱤᱥ ᱯᱷᱤᱞᱢ ᱜᱩᱨᱩ ᱤᱱ ᱥᱮᱵᱷᱮᱱ ᱨᱮ ᱦᱚᱸ ᱨᱳᱞ ᱧᱟᱢ ᱞᱮᱫᱟ᱾ ᱩᱱᱤ ᱫᱚ ᱟᱯᱟᱪᱮ ᱤᱱᱰᱤᱭᱟᱱ ᱟᱜ “ᱟᱨᱮᱸᱡᱽᱰ ᱢᱮᱨᱤᱡᱽ” (᱑᱙᱙᱓) ᱟᱨ ᱳᱭᱮᱥᱤᱥ (ᱵᱮᱸᱰ) ᱟᱜ “ᱢᱚᱨᱱᱤᱝ ᱜᱞᱚᱨᱤ (ᱳᱭᱮᱥᱤᱥ ᱥᱚᱝ)” (᱑᱙᱙᱕) ᱨᱮᱱᱟᱜ ᱢᱤᱭᱩᱡᱤᱠ ᱵᱷᱤᱰᱤᱭᱳ ᱨᱮᱦᱚᱸᱭ ᱧᱮᱞ ᱟᱠᱟᱱᱟ᱾

ᱯᱤᱞᱞᱟᱭ ᱫᱚ ᱛᱚᱵᱮ ᱢᱩᱢᱵᱟᱭ ᱮ ᱨᱩᱣᱟᱹᱲ ᱦᱮᱡ ᱮᱱᱟ ᱟᱨ ᱩᱱᱤ ᱢᱤᱫ ᱵᱷᱤᱡᱮ ᱞᱮᱠᱟᱛᱮ ᱠᱟᱹᱢᱤ ᱨᱮᱱᱟᱜ ᱚᱯᱷᱚᱨ ᱮ ᱧᱟᱢ ᱠᱮᱫᱟ᱾ ᱩᱱᱤ ᱫᱚ ᱯᱩᱭᱞᱩ ᱟᱯᱟᱪᱮ ᱤᱱᱰᱤᱭᱟᱱ ᱦᱚᱛᱮᱛᱮ ᱢᱤᱫ ᱢᱤᱭᱩᱡᱤᱠ ᱵᱷᱤᱰᱤᱭᱳ ᱨᱮ ᱟᱨ ᱛᱚᱵᱮ ᱵᱟᱞᱞᱤ ᱥᱟᱜᱩ ᱟᱜ "ᱫᱤᱞ ᱪᱤᱡᱽ ᱦᱮ ᱠᱭᱟ" ᱵᱷᱤᱰᱤᱭᱳ ᱨᱮ ᱧᱮᱞ ᱞᱮᱱᱟ᱾ ᱩᱱᱤ ᱫᱚ ᱴᱮᱞᱤᱵᱤᱡᱚᱱ ᱨᱮᱦᱚᱸ ᱥᱤᱢᱯᱞᱤ ᱥᱟᱣᱛᱷ, ᱨᱮᱰ ᱟᱞᱚᱨᱴ, ᱦᱤᱯ ᱦᱤᱯ ᱦᱩᱨᱨᱮ, ᱵᱮᱤᱱᱛᱮᱦᱟ, ᱨᱤᱥᱛᱟ.ᱠᱚᱢ, ᱟᱨ ᱠᱮᱵᱟᱨᱮᱴ ᱠᱮᱵᱟᱨᱮᱴ ᱞᱮᱠᱟᱱ ᱥᱳ ᱥᱟᱶ ᱵᱚᱞᱚ ᱟᱠᱟᱱᱟ᱾ ᱯᱤᱞᱞᱟᱭ ᱫᱚ ᱒᱐᱑᱖ ᱦᱚᱞᱤᱣᱩᱰ ᱯᱷᱤᱞᱢ ᱫᱟ ᱟᱫᱚᱨ ᱥᱟᱭᱤᱰ ᱚᱯᱷ ᱫᱟ ᱰᱳᱨ ᱨᱮ ᱟᱨ ᱒᱐᱑᱗ ᱤᱱᱰᱤ ᱯᱷᱤᱞᱢ ᱫᱟ ᱵᱷᱮᱞᱤ ᱨᱮ ᱧᱮᱞᱚᱜ ᱠᱟᱱᱟ, ᱡᱟᱦᱟᱸ ᱞᱟᱹᱜᱤᱫ ᱩᱱᱤ ᱫᱚ ᱒᱐᱑᱗ ᱨᱮ ᱫᱟ ᱞᱚᱝ ᱟᱭᱞᱮᱸᱰ ᱤᱱᱴᱚᱨᱱᱮᱥᱱᱟᱞ ᱯᱷᱤᱞᱢ ᱯᱷᱮᱥᱴᱤᱵᱷᱟᱞ ᱟᱨ ᱫᱟ ᱢᱤᱞᱟᱱ ᱤᱱᱴᱚᱨᱱᱮᱥᱱᱟᱞ ᱯᱷᱤᱞᱢᱢᱮᱠᱟᱨᱥ ᱯᱷᱮᱥᱴᱤᱵᱷᱟᱞ ᱵᱟᱱᱟᱨ ᱨᱮ ᱜᱮ ᱵᱮᱥᱴ ᱮᱠᱴᱨᱮᱥ ᱟᱣᱟᱨᱰ ᱮ ᱡᱤᱛᱠᱟᱹᱨ ᱟᱠᱟᱫᱟ᱾^[᱔]

ᱥᱟᱹᱠᱷᱭᱟᱹᱛ

↑ "My Birthday is on 27 August". Twitter suchitra pillai.
↑ Chavda, Sanaya (11 November 2011). "Suchitra Pillai and Lars Kjeldsen is a perfect pair". The Times of India. Retrieved 29 July 2023.
↑ "Alumni Spotlights". alumni.frcrce.ac.in. Retrieved 2 January 2023.
↑ "Suchitra Pillai on cloud nine with award for 'The Valley' - Times of India". The Times of India. Retrieved 30 December 2017.

ᱵᱟᱦᱨᱮ ᱡᱚᱱᱚᱲ

ᱥᱩᱪᱤᱛᱨᱟ ᱯᱤᱞᱞᱟᱭ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)

[1] "My Birthday is on 27 August". Twitter suchitra pillai.

[2] Chavda, Sanaya (11 November 2011). "Suchitra Pillai and Lars Kjeldsen is a perfect pair". The Times of India. Retrieved 29 July 2023.

[3] "Alumni Spotlights". alumni.frcrce.ac.in. Retrieved 2 January 2023.

[4] "Suchitra Pillai on cloud nine with award for 'The Valley' - Times of India". The Times of India. Retrieved 30 December 2017.

[᱑]

[᱒]

[᱓]

[᱔]