ᱥᱩᱪᱮᱛᱟ ᱠᱟᱫᱮᱴᱷᱟᱱᱠᱟᱨ
ᱥᱩᱪᱮᱛᱟ ᱠᱟᱫᱮᱴᱷᱟᱱᱠᱟᱨ (ᱢᱟᱨᱟᱴᱷᱤ: सुचेता कडेठाणकर) ᱯᱩᱱᱮ ᱵᱷᱟᱨᱚᱛ ᱠᱷᱚᱱ, ᱡᱟᱦᱟᱸᱭ ᱫᱚ ᱱᱤᱛᱚᱜ ᱢᱤᱫ ᱱᱟᱯᱟᱭ ᱭᱳᱜᱟ ᱢᱟᱪᱮᱫ ᱞᱮᱠᱟᱛᱮ ᱵᱟᱰᱟᱭᱚᱜ ᱠᱟᱱᱟ, ᱩᱱᱤ ᱫᱚ ᱑᱕ ᱡᱩᱞᱟᱭ ᱒᱐᱑᱑ ᱨᱮ ᱜᱳᱵᱤ ᱵᱟᱹᱞᱤᱫᱷᱟᱹᱨᱛᱤ ᱯᱟᱨᱚᱢ ᱠᱟᱛᱮ ᱯᱩᱭᱞᱩ ᱵᱷᱟᱨᱚᱛᱤᱭᱚ ᱦᱚᱲ ᱦᱚᱸᱭ ᱵᱟᱰᱟᱭᱚᱜ ᱠᱟᱱᱟ᱾ ᱩᱱᱤ ᱫᱚ ᱢᱳᱝᱜᱳᱞᱤᱭᱟ ᱨᱮ ᱑,᱐᱐᱐ ᱢᱟᱭᱤᱞ (᱑,᱖᱐᱐ ᱠᱤᱞᱳᱢᱤᱴᱟᱨ) ᱮ ᱛᱟᱲᱟᱢ ᱞᱮᱫ-ᱟ, ᱮᱥᱤᱭᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱟᱹᱞᱤᱫᱷᱟᱹᱨᱛᱤ᱾ ᱠᱟᱫᱮᱴᱷᱟᱱᱠᱟᱨ ᱫᱚ ᱙ ᱜᱚᱴᱟᱝ ᱫᱤᱥᱚᱢ ᱠᱷᱚᱱ ᱑᱓ ᱦᱚᱲᱟᱜ ᱴᱤᱢ ᱨᱮ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱜᱟᱭᱤᱰᱮᱰ ᱮᱠᱥᱯᱮᱰᱤᱥᱚᱱ ᱫᱚ ᱯᱳᱨ-ᱣᱷᱤᱞ ᱰᱨᱟᱭᱤᱵᱽ ᱴᱨᱚᱠ, ᱴᱚᱴᱷᱟᱣᱟᱨᱤ ᱢᱳᱝᱜᱳᱞᱤᱭᱟᱱ ᱜᱟᱭᱤᱰ ᱟᱨ ᱑᱒ ᱜᱚᱴᱟᱝ ᱵᱮᱠᱴᱨᱤᱭᱟᱱ ᱳᱱᱴ ᱠᱚᱠᱚ ᱜᱚᱲᱚ ᱟᱠᱟᱫ ᱠᱚ ᱛᱟᱦᱮᱸᱫ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱩᱪᱮᱛᱟ ᱫᱚ ᱭᱳᱜᱟᱥᱟᱥᱛᱨᱚ ᱨᱮ ᱢᱟᱥᱴᱟᱨᱥ ᱰᱤᱜᱽᱨᱤ (ᱮᱢ.ᱮ.) ᱢᱮᱱᱟᱜ ᱛᱟᱭᱟ ᱟᱨ ᱥᱟᱸᱥᱠᱨᱤᱛ ᱨᱮ ᱦᱚᱸᱭ ᱯᱟᱹᱨᱩᱠᱷᱤᱭᱟᱹ ᱜᱮᱭᱟ᱾ ᱩᱱᱤ ᱫᱚ ᱟᱡᱟᱜ ᱭᱳᱜᱟ ᱪᱮᱪᱮᱫ ᱤᱱᱥᱴᱤᱴᱭᱩᱴ ᱠᱳᱦᱟᱢ ᱯᱷᱤᱴᱥ ᱠᱳᱦᱟᱢ ᱭᱳᱜᱟ ᱥᱟᱞᱟᱭ ᱪᱟᱞᱟᱣᱮᱫ-ᱟ, ᱡᱟᱦᱟᱸ ᱫᱚ ᱯᱩᱱᱮ ᱨᱮ ᱢᱮᱱᱟᱜ-ᱟ᱾ ᱩᱱᱤᱭᱟᱜ ᱚᱱᱞᱟᱭᱤᱱ ᱟᱨ ᱚᱯᱷᱞᱟᱭᱤᱱ ᱭᱳᱜᱟ ᱠᱞᱟᱥ ᱟᱨ ᱩᱱᱤᱭᱟᱜ ᱭᱳᱜᱟ ᱴᱤᱪᱟᱨ ᱴᱨᱮᱱᱤᱝ ᱠᱳᱨᱥ ᱠᱷᱚᱱ ᱴᱨᱮᱱᱤᱝ ᱟᱠᱟᱱ ᱢᱟᱨᱟᱝ ᱢᱟᱪᱮᱫ ᱠᱚᱣᱟᱜ ᱫᱚᱞ ᱫᱚ ᱥᱟᱹᱨᱤ ᱪᱮᱪᱮᱫ ᱞᱟᱹᱜᱤᱫ ᱠᱚ ᱵᱟᱰᱟᱭᱚᱜ-ᱟ᱾ ᱵᱮᱫᱤᱠ ᱪᱮᱱᱴᱤᱝ ᱵᱮᱜᱚᱨ ᱦᱚᱸ ᱩᱱᱤ ᱫᱚ ᱯᱟᱛᱟᱧᱡᱚᱞ ᱭᱳᱜᱟ ᱫᱚᱨᱥᱚᱱ, ᱛᱚᱛᱛᱣᱚᱵᱳᱫᱷᱚ ᱞᱮᱠᱟᱱ ᱵᱷᱟᱨᱚᱛᱤᱭᱚ ᱫᱷᱚᱨᱚᱢ ᱯᱚᱛᱚᱵ ᱠᱚ ᱯᱟᱲᱦᱟᱣ ᱞᱟᱹᱜᱤᱫ ᱚᱱᱞᱟᱭᱤᱱ ᱥᱮᱥᱚᱱ ᱠᱚᱭ ᱪᱟᱞᱟᱣᱟ᱾ ᱩᱱᱤ ᱫᱚ ᱟᱡᱟᱜ ᱭᱳᱜᱟ ᱯᱟᱹᱴᱷᱩᱣᱟᱹ ᱠᱚ ᱥᱟᱞᱟᱜ ᱫᱤᱱ ᱵᱷᱩᱨ ᱡᱩᱲᱟᱹᱭ ᱛᱟᱦᱮᱸᱱ ᱞᱟᱹᱜᱤᱫ ᱮ ᱵᱟᱰᱟᱭᱚᱜ-ᱟ ᱟᱨ ᱮ ᱠᱩᱥᱤᱭᱟᱜ-ᱟ᱾ ᱩᱱᱤᱭᱟᱜ ᱯᱚᱨᱤᱵᱚᱨᱛᱚᱱ ᱟᱨ ᱵᱨᱚᱦᱢᱟ ᱢᱩᱦᱩᱨᱛᱟ ᱥᱟᱫᱷᱚᱱᱟ ᱞᱮᱠᱟᱱ ᱛᱟᱹᱠᱤᱱ ᱟᱜᱟᱢ ᱯᱨᱳᱜᱨᱟᱢ ᱠᱚᱫᱚ ᱥᱮᱨᱢᱟ ᱵᱷᱩᱨ ᱛᱟᱦᱮᱸᱱᱟ᱾
ᱡᱤᱭᱚᱱ ᱠᱟᱹᱦᱱᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱩᱪᱮᱛᱟ ᱫᱚ ᱯᱩᱱᱮ ᱨᱮᱭᱟᱜ ᱯᱷᱟᱨᱜᱩᱥᱚᱱ ᱠᱚᱞᱮᱡᱽ ᱠᱷᱚᱱ ᱱᱟᱜᱟᱢ ᱨᱮ ᱯᱳᱥᱴ ᱜᱨᱮᱡᱩᱭᱮᱴ ᱰᱤᱜᱽᱨᱤ ᱢᱮᱱᱟᱜ ᱛᱟᱭᱟ᱾ ᱩᱱᱤ ᱫᱚ ᱭᱳᱜᱟᱥᱟᱥᱛᱨᱚ ᱨᱮ ᱦᱚᱸ ᱢᱟᱥᱴᱟᱨᱥ ᱢᱮᱱᱟᱜ ᱛᱟᱭᱟ᱾ ᱮᱛᱚᱦᱚᱵ ᱨᱮ ᱩᱱᱤ ᱫᱚ ᱢᱤᱫ ᱥᱟମ୍ᱵᱟᱫᱤᱠ (ᱡᱚᱨᱱᱟᱞᱤᱥᱴ) ᱮ ᱛᱟᱦᱮᱸ ᱠᱟᱱᱟ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱢᱤᱫ ᱟᱭᱤᱴᱤ ᱯᱨᱳᱯᱷᱮᱥᱱᱟᱞ ᱮ ᱵᱮᱱᱟᱣ ᱮᱱᱟ, ᱥᱤᱢᱮᱱᱴᱮᱠ ᱨᱮ ᱞᱤᱰ ᱤᱱᱯᱷᱳᱨᱢᱮᱥᱚᱱ ᱰᱮᱵᱷᱮᱞᱚᱯᱟᱨ ᱞᱮᱠᱟᱛᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ᱾ ᱟᱡᱟᱜ ᱠᱩᱨᱩᱢᱩᱴᱩ ᱦᱳᱵᱤ, ᱢᱤᱫ ᱮᱢᱟᱪᱭᱩᱨ ᱥᱯᱳᱨᱴᱥ ᱯᱟᱨᱥᱚᱱ ᱞᱮᱠᱟᱛᱮ, ᱮᱰᱵᱷᱮᱱᱪᱟᱨ ᱥᱯᱳᱨᱴᱥ ᱠᱟᱱᱟ, ᱡᱟᱦᱟᱸ ᱨᱮ ᱵᱩᱨᱩ ᱨᱮ ᱴᱨᱮᱠᱤᱝ, ᱥᱟᱭᱠᱮᱞ ᱪᱟᱞᱟᱣ, ᱜᱟᱰᱟ ᱯᱟᱨᱚᱢ ᱟᱨ ᱵᱟᱹᱞᱤᱫᱷᱟᱹᱨᱛᱤ ᱛᱟᱲᱟᱢ ᱥᱮᱞᱮᱫ ᱢᱮᱱᱟᱜ-ᱟ᱾ ᱩᱱᱤ ᱫᱚ ᱒᱐᱐᱘ ᱨᱮ ᱢᱟᱣᱩᱱᱴ ᱮᱵᱷᱮᱨᱮᱥᱴ ᱵᱮᱥ ᱠᱮᱢᱯ ᱟᱨ ᱤᱱᱟᱹ ᱛᱟᱭᱚᱢ ᱟᱭᱢᱟ ᱦᱤᱢᱟᱞᱚᱭᱟᱱ ᱴᱨᱮᱠ ᱟᱨ ᱮᱠᱥᱯᱮᱰᱤᱥᱚᱱ ᱠᱚᱨᱮ ᱦᱟᱛᱟᱣ ᱟᱠᱟᱫᱟ᱾ ᱩᱱᱤ ᱫᱚ ᱥᱟᱦᱭᱟᱫᱨᱤ ᱵᱩᱨᱩ ᱨᱮ ᱟᱹᱰᱤ ᱟᱭᱢᱟ ᱴᱨᱮᱠ ᱠᱚᱭ ᱪᱟᱞᱟᱣ ᱟᱠᱟᱫᱟ᱾