ᱥᱩᱫᱟᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱥᱩᱫᱟᱱ ᱨᱮᱱᱟᱜ ᱪᱤᱨ

ᱥᱩᱫᱟᱱ (English pronunciation (U.S.) /suˈdæn, suː-/ ( listen), (GB) /suˈdɑːn, -ˈdæn/; Arabic: السودان‎ as-Sūdān) ᱫᱚ ᱦᱩᱭᱩᱜ ᱠᱟᱱᱟ ᱟᱯᱷᱨᱤᱠᱟ ᱢᱟᱦᱟᱫᱮᱥ ᱨᱮᱱᱟᱜ ᱩᱛᱟᱹᱨ ᱥᱮᱡ ᱨᱮᱱᱟᱜ ᱢᱤᱫᱴᱮᱱ ᱫᱤᱥᱚᱢ᱾ ᱟᱯᱷᱨᱤᱠᱟ ᱨᱮᱱᱟᱜ ᱡᱚᱛᱚᱠᱷᱚᱡ ᱞᱟᱹᱴᱩ ᱫᱤᱥᱚᱢ ᱠᱟᱱᱟ ᱥᱩᱫᱟᱱ᱾ ᱱᱚᱸᱰᱮ ᱤᱥᱞᱟᱢ ᱫᱷᱚᱨᱚᱢ ᱨᱮᱱ ᱡᱟᱹᱥᱛᱤ ᱢᱮᱱᱟᱜ ᱠᱩᱣᱟ᱾ ᱱᱚᱣᱟ ᱫᱤᱥᱚᱢ ᱨᱮ ᱟᱹᱰᱤ ᱠᱟᱡᱟᱠ ᱞᱟᱹᱲᱦᱟᱹᱭ ᱪᱟᱞᱩ ᱛᱮᱜᱮ ᱢᱮᱱᱟᱜᱼᱟ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱖᱐ ᱜᱮᱥᱟᱭ ᱥᱮᱨᱢᱟ ᱞᱟᱦᱟ ᱠᱷᱚᱡ ᱱᱚᱸᱰᱮ ᱫᱚ ᱢᱟᱱᱣᱟᱠᱩ ᱛᱟᱸᱦᱮᱸᱱᱠᱟᱱ ᱛᱟᱸᱦᱮᱸᱱᱟ᱾ ᱟᱫᱚ ᱘ ᱜᱮᱥᱟᱭ ᱥᱮᱨᱢᱟ ᱠᱷᱚᱱ ᱢᱟᱱᱣᱟ ᱫᱚ ᱚᱲᱟᱜ ᱫᱩᱣᱟᱹᱨ ᱠᱟᱛᱮ ᱱᱚᱣᱟ ᱫᱤᱥᱚᱢ ᱨᱮ ᱛᱟᱸᱦᱮᱸᱱᱠᱩ ᱮᱛᱦᱚᱵ ᱠᱟᱫᱟ᱾ ᱩᱱ ᱡᱚᱠᱷᱚᱡ ᱩᱝᱠᱩ ᱫᱚ ᱡᱤᱵ ᱡᱤᱭᱟᱹᱞᱤ ᱟᱹᱥᱩᱞ ᱟᱨ ᱪᱟᱥ ᱵᱟᱥ ᱠᱟᱛᱮ ᱠᱤᱣᱤ ᱠᱩ ᱯᱟᱨᱚᱢᱮᱛ ᱛᱟᱸᱦᱮᱸᱱᱟ᱾ ᱥᱮᱫᱟᱭ ᱠᱷᱚᱡ ᱜᱮ ᱢᱤᱥᱚᱨ ᱥᱟᱶᱛᱮ ᱥᱩᱫᱟᱱ ᱨᱮᱱᱟᱜ ᱟᱹᱰᱤ ᱵᱷᱟᱜᱮ ᱜᱟᱛᱮ ᱛᱟᱸᱦᱮᱸᱠᱟᱱᱟ᱾ ᱥᱩᱫᱟᱱ ᱨᱮ ᱤᱥᱞᱟᱢ ᱟᱨ ᱤᱥᱟᱹᱣᱭ ᱫᱷᱚᱨᱚᱢ ᱯᱟᱥᱱᱟᱣ ᱞᱮᱱᱟ᱾ ᱚᱫᱚ ᱱᱮᱛᱚᱜ ᱫᱚ ᱤᱥᱞᱟᱢ ᱫᱷᱚᱨᱚᱢ ᱨᱮᱱ ᱦᱚᱲᱜᱮ ᱡᱟᱹᱥᱛᱤ ᱢᱮᱱᱟᱜ ᱠᱩᱣᱟ᱾

ᱚᱛᱱᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱩᱫᱟᱱ ᱨᱮᱱᱟᱜ ᱚᱛ ᱦᱟᱥᱟ ᱫᱚ ᱦᱩᱭᱩᱜ ᱠᱟᱱᱟ 1,886,068 square kilometres (728,215 sq mi)᱾ ᱥᱩᱫᱟᱱ ᱨᱮᱱᱟᱜ ᱩᱛᱟᱹᱨ ᱥᱮᱡ ᱢᱤᱥᱚᱨ, ᱩᱛᱟᱹᱨ ᱯᱩᱨᱩᱵ ᱥᱮᱡ ᱞᱳᱦᱤᱛ ᱫᱚᱨᱮᱭᱟ, ᱯᱩᱨᱩᱵ ᱥᱮᱡ ᱤᱨᱤᱛᱨᱤᱭᱟ ᱟᱨ ᱤᱛᱷᱤᱭᱳᱯᱤᱭᱟ, ᱫᱟᱹᱠᱷᱤᱱ ᱯᱩᱨᱩᱵ ᱥᱮᱡ ᱠᱮᱱᱤᱭᱟ ᱟᱨ ᱩᱜᱟᱱᱰᱟ, ᱫᱟᱹᱠᱷᱤᱱ ᱯᱟᱪᱷᱤᱢ ᱥᱮᱡ ᱠᱚᱝᱜᱳ, ᱟᱯᱷᱨᱤᱠᱟᱱ ᱨᱤᱯᱟᱵᱞᱤᱠ, ᱯᱟᱹᱪᱷᱤᱢ ᱥᱮᱡ ᱪᱟᱸᱫ, ᱩᱛᱟᱹᱨ ᱯᱟᱹᱪᱷᱤᱢ ᱥᱮᱡ ᱞᱤᱵᱤᱭᱟ ᱢᱮᱱᱟᱜᱼᱟ᱾ ᱥᱩᱫᱟᱱ ᱨᱮᱱᱟᱜ ᱫᱟᱹᱠᱷᱤᱱ ᱥᱮᱡ ᱟᱹᱰᱤ ᱠᱟᱡᱟᱠ ᱫᱟᱜ ᱦᱩᱭ ᱵᱟᱲᱟᱜᱼᱟ᱾ ᱩᱛᱟᱹᱨ ᱥᱮᱡ ᱱᱩᱵᱤᱭᱟᱱ ᱥᱮᱡ ᱱᱟᱥᱮᱱᱟᱜ ᱢᱳᱨᱩᱵᱷᱩᱢᱤ ᱦᱚᱸ ᱢᱮᱱᱟᱜᱼᱟ᱾

ᱯᱟᱹᱨᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱩᱫᱟᱱ ᱨᱮᱱᱟᱜ ᱥᱚᱨᱠᱟᱨᱤ ᱯᱟᱹᱨᱥᱤ ᱫᱚ ᱟᱨᱵᱤ ᱟᱨ ᱮᱝᱨᱮᱡᱤ ᱠᱟᱱᱟ᱾ ᱥᱩᱫᱟᱱ ᱨᱮ ᱕᱙᱗ ᱜᱚᱴᱟᱝ ᱡᱟᱹᱛᱤ ᱢᱮᱱᱟᱜ ᱠᱩᱣᱟ᱾ ᱟᱨ ᱱᱩᱠᱩ ᱡᱟᱹᱛᱤ ᱠᱩᱣᱟ ᱑᱓᱓ ᱜᱚᱴᱟᱝ ᱜᱚᱜᱚ ᱯᱟᱹᱨᱥᱤ ᱢᱮᱱᱟᱜᱼᱟ᱾

ᱫᱷᱚᱨᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱩᱫᱟᱱ ᱨᱮᱫᱚ ᱥᱟᱭᱠᱚᱨᱟ ᱗᱐ ᱡᱚᱱᱜᱮ ᱤᱥᱞᱟᱢ ᱫᱷᱚᱨᱚᱢ ᱨᱮᱱ ᱠᱟᱱᱟᱠᱩ᱾ ᱥᱟᱭᱠᱚᱨᱟ ᱒᱕ ᱫᱚ ᱟᱹᱫᱤᱵᱟᱹᱥᱤ ᱟᱨ ᱥᱟᱭᱠᱚᱨᱟ ᱕ ᱫᱚ ᱤᱥᱟᱹᱭ ᱫᱷᱚᱨᱚᱢ ᱨᱮᱱ ᱦᱚᱲ ᱢᱮᱱᱟᱜ ᱠᱩᱣᱟ᱾

ᱟᱨᱦᱚᱸ ᱧᱮᱞᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]