ᱥᱩᱯᱚᱨᱱᱟ ᱵᱟᱠᱥᱤ ᱜᱟᱝᱜᱩᱞᱤ
| ᱥᱩᱯᱚᱨᱱᱟ ᱵᱟᱠᱥᱤ ᱜᱟᱝᱜᱩᱞᱤ | |
|---|---|
.jpg) ᱒᱐᱑᱖ ᱨᱮ | |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | Environmentalist, animal activist |
| ᱧᱩᱢᱱᱟᱢ | ᱱᱟᱨᱤ ᱥᱚᱠᱛᱤ ᱥᱤᱨᱯᱷᱟᱹ |
ᱥᱩᱯᱚᱨᱱᱟ ᱵᱟᱠᱥᱤ ᱜᱟᱝᱜᱩᱞᱤ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱤᱵᱷᱤᱥᱴ ᱠᱟᱱᱟᱭ ᱡᱟᱦᱟᱸ ᱫᱚ ᱡᱟᱱᱣᱟᱨ ᱥᱟᱶ ᱵᱮᱵᱷᱟᱨ ᱟᱨ ᱵᱤᱥᱮᱥ ᱠᱟᱛᱮ ᱠᱚᱭᱫᱤ ᱵᱮᱱᱟᱣ ᱠᱟᱛᱮ ᱫᱚᱦᱚ ᱟᱠᱟᱫ ᱦᱟᱹᱛᱤ ᱵᱟᱵᱚᱛ ᱛᱮ ᱪᱤᱱᱛᱟᱹ ᱢᱮᱱᱟᱜ ᱛᱟᱭᱟ ᱾ ᱩᱱᱤ ᱫᱚ ᱒᱐᱑᱖ ᱨᱮ ᱵᱷᱟᱨᱚᱛ ᱨᱮ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱪᱮᱛᱟᱱ ᱥᱤᱨᱯᱷᱟᱹ ᱱᱟᱨᱤ ᱥᱟᱠᱛᱤ ᱯᱩᱨᱚᱥᱠᱟᱨ ᱮ ᱮᱢ ᱟᱫᱮᱭᱟ ᱾
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱙᱑ ᱨᱮ ᱩᱱᱤ ᱫᱚ ᱵᱮᱸᱜᱽᱞᱩᱨᱩ (ᱵᱮᱸᱜᱽᱞᱳᱨ) ᱨᱮ ᱵᱮᱱᱟᱣ ᱠᱟᱛᱮ ᱥᱤ.ᱭᱩ.ᱯᱤ.ᱮ. (ᱠᱚᱢᱯᱮᱥᱟᱱ ᱟᱱᱞᱤᱢᱤᱴᱮᱰ ᱯᱞᱟᱥ ᱮᱠᱥᱚᱱ) ᱨᱤᱱ ᱵᱩᱱᱤᱭᱟᱹᱫᱤ ᱠᱚ ᱢᱩᱫᱽ ᱨᱮ ᱢᱤᱫ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱢᱤᱫ ᱴᱨᱟᱥᱴᱤ ᱟᱨ ᱥᱤ.ᱭᱩ.ᱯᱤ.ᱮ. ᱨᱤᱱᱤᱡ ᱥᱩᱛᱨᱮᱛ ᱮ ᱵᱮᱱᱟᱣ ᱮᱱᱟ ᱾ ᱚᱱᱟ ᱜᱟᱶᱛᱟ ᱫᱚ ᱯᱩᱱᱭᱟ ᱥᱮᱱᱴᱟᱨ ᱮ ᱪᱟᱞᱟᱣ ᱮᱫ ᱛᱟᱦᱮᱸᱱᱟ, ᱚᱱᱟ ᱫᱚ ᱵᱟᱱᱟᱨᱣᱟ ᱠᱚ, ᱥᱟᱹᱯ ᱠᱚ, ᱪᱮᱬᱮ ᱪᱤᱯᱨᱩᱝ ᱟᱨ ᱮᱴᱟᱜ ᱵᱚᱱᱚᱡᱤᱵᱽ ᱠᱚ ᱵᱟᱧᱪᱟᱣ ᱟᱨ ᱯᱩᱱᱚᱨᱵᱟᱥ ᱮ ᱮᱢᱟ ᱾[᱑]
᱑᱙᱙᱙ ᱨᱮ ᱩᱱᱤ ᱫᱚ ᱡᱤᱵᱽ ᱡᱤᱭᱟᱹᱞᱤ ᱵᱟᱧᱪᱟᱣ ᱟᱨ ᱯᱩᱱᱚᱨᱵᱟᱥ ᱥᱮᱱᱴᱟᱨ (ᱰᱟᱵᱽᱞᱩ.ᱟᱨ.ᱟᱨ.ᱥᱤ.) ᱨᱤᱱ ᱥᱟᱦᱟᱭᱚᱠ ᱵᱩᱱᱤᱭᱟᱹᱫᱤ ᱮ ᱵᱮᱱᱟᱣ ᱠᱮᱫᱟ ᱟᱨ ᱟᱡᱟᱜ ᱢᱟᱱᱚᱛᱤᱭᱟᱹ ᱯᱨᱮᱥᱤᱰᱮᱱᱴ ᱮ ᱵᱮᱱᱟᱣ ᱮᱱᱟ ᱾[᱒]
ᱜᱟᱝᱜᱩᱞᱤ ᱫᱚ ᱒᱐᱑᱓ ᱨᱮ ᱵᱷᱟᱨᱚᱛ ᱨᱮᱱᱟᱜ ᱦᱟᱹᱛᱤ ᱪᱮᱛᱟᱱ ᱴᱟᱥᱠ ᱯᱷᱳᱨᱥ ᱨᱮ ᱠᱟᱹᱢᱤ ᱟᱠᱟᱫᱟ ᱾ ᱵᱷᱟᱨᱚᱛ ᱨᱮ ᱦᱟᱹᱛᱤ ᱠᱚ ᱪᱮᱛᱟᱱ ᱨᱮ ᱛᱷᱨᱮᱴ ᱢᱮᱱᱟᱜᱼᱟ, ᱢᱮᱱᱠᱷᱟᱱ ᱱᱩᱠᱩ ᱫᱚ ᱵᱷᱟᱨᱚᱛ ᱨᱮ ᱵᱟᱹᱲᱛᱤ ᱠᱚ ᱧᱟᱢᱚᱜᱼᱟ ᱾ ᱢᱮᱱᱠᱷᱟᱱ ᱜᱟᱝᱜᱩᱞᱤ ᱞᱟᱹᱭ ᱮᱫᱟᱭ ᱡᱮ ᱱᱚᱣᱟ ᱨᱮ ᱟᱹᱯᱟᱨ ᱔,᱐᱐᱐ ᱡᱟᱱᱣᱟᱨ ᱠᱚ ᱥᱮᱞᱮᱫ ᱢᱮᱱᱟᱜ ᱠᱚᱣᱟ ᱡᱟᱦᱟᱸᱭ ᱠᱚᱭᱫᱤ ᱵᱮᱱᱟᱣ ᱠᱟᱛᱮ ᱠᱚ ᱫᱚᱦᱚ ᱟᱠᱟᱫ ᱠᱚᱣᱟ ᱟᱨ "ᱞᱟᱜᱽᱵᱷᱟᱜ ᱡᱚᱛᱚ ᱜᱮ" ᱵᱟᱹᱲᱤᱡ ᱞᱮᱠᱟᱛᱮ ᱟᱹᱠᱷᱨᱤᱧ ᱵᱮᱯᱟᱨ ᱦᱩᱭ ᱟᱠᱟᱱ ᱛᱟᱠᱚᱣᱟ ᱾ ᱟᱭᱢᱟ ᱫᱚ ᱯᱚᱨᱭᱟᱴᱚᱠ ᱠᱚ ᱨᱟᱹᱥᱠᱟᱹ ᱟᱹᱜᱩᱭ ᱨᱮ ᱥᱮᱞᱮᱫ ᱢᱮᱱᱟᱜ ᱠᱚᱣᱟ ᱡᱟᱦᱟᱸ ᱨᱮ ᱦᱟᱹᱛᱤ ᱞᱟᱹᱜᱽᱲᱟ ᱞᱟᱹᱜᱽᱲᱤ ᱨᱮ, ᱯᱷᱩᱴᱵᱚᱞ ᱢᱮᱪ ᱨᱮ ᱥᱮ ᱠᱚᱞᱚᱨ ᱠᱚ ᱵᱮᱱᱟᱣ ᱮᱫ ᱠᱚᱣᱟ ᱾ ᱜᱟᱝᱜᱩᱞᱤ ᱞᱟᱹᱭ ᱮᱫᱟᱭ ᱡᱮ ᱵᱷᱟᱨᱚᱛ ᱨᱤᱱ ᱦᱚᱲ ᱠᱚᱣᱟᱜ ᱟᱯᱱᱟᱨ ᱴᱷᱟᱶ ᱨᱮ ᱦᱟᱹᱛᱤ ᱠᱚ ᱨᱮᱱᱟᱜ ᱵᱤᱥᱮᱥ ᱴᱷᱟᱶ ᱢᱮᱱᱟᱜᱼᱟ ᱾
ᱢᱟᱨᱪ ᱒᱐᱑᱖ ᱨᱮ ᱜᱟᱝᱜᱩᱞᱤ ᱱᱟᱣᱟ ᱫᱤᱞᱞᱤ ᱥᱮᱱ ᱮᱱᱟ, ᱚᱸᱰᱮ ᱩᱱᱤ ᱵᱷᱟᱨᱚᱛ ᱨᱮ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱪᱮᱛᱟᱱ ᱥᱤᱨᱯᱷᱟᱹ, ᱱᱟᱨᱤ ᱥᱟᱠᱛᱤ ᱯᱩᱨᱚᱥᱠᱟᱨ ᱛᱮ ᱥᱤᱨᱯᱷᱟᱹ ᱠᱚ ᱮᱢᱟᱫᱮᱭᱟ ᱾ ᱥᱤᱨᱯᱷᱟᱹ ᱫᱚ ᱫᱤᱥᱚᱢ ᱜᱚᱢᱠᱮ ᱯᱨᱚᱬᱚᱵ ᱢᱩᱠᱷᱟᱨᱡᱤ ᱦᱚᱛᱮᱛᱮ ᱫᱤᱥᱚᱢ ᱜᱚᱢᱠᱮ ᱢᱟᱦᱟᱞ (ᱨᱟᱥᱴᱨᱚᱯᱚᱛᱤ ᱵᱷᱚᱵᱚᱱ) ᱨᱮ ᱵᱮᱱᱟᱣ ᱦᱩᱭ ᱞᱮᱱᱟ ᱾ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱩᱛᱱᱟᱹᱣ ᱢᱚᱱᱛᱨᱟᱞᱟᱭ ᱱᱚᱣᱟ ᱟᱠᱷᱲᱟ ᱥᱟᱯᱲᱟᱣ ᱞᱮᱫ ᱛᱟᱦᱮᱸᱱᱟ ᱟᱨ ᱰᱟᱵᱽᱞᱩ.ᱥᱤ.ᱰᱤ. ᱢᱚᱱᱛᱨᱤ ᱢᱟᱱᱮᱠᱟ ᱜᱟᱱᱫᱷᱤ ᱚᱸᱰᱮ ᱥᱮᱴᱮᱨ ᱛᱟᱦᱮᱸ ᱠᱟᱱᱟ ᱟᱨ ᱩᱱᱤ ᱫᱚ ᱡᱚᱛᱚ ᱥᱤᱨᱯᱷᱟᱹ ᱡᱤᱛᱠᱟᱹᱨᱤᱭᱟᱹ ᱢᱤᱫ ᱤᱱᱥᱯᱮᱨᱮᱥᱟᱱ ᱞᱮᱠᱟᱛᱮ "ᱛᱤᱨᱞᱟᱹ ᱥᱟᱠᱛᱤ" ᱥᱤᱨᱯᱷᱟᱹ ᱞᱮᱠᱟᱛᱮ ᱩᱯᱨᱩᱢ ᱠᱮᱫ ᱠᱚᱣᱟ ᱾
᱒᱐᱑᱖ ᱨᱮ ᱰᱟᱵᱽᱞᱩ.ᱟᱨ.ᱟᱨ.ᱥᱤ. ᱵᱷᱟᱨᱚᱛ ᱨᱮᱱᱟᱜ ᱥᱩᱯᱨᱤᱢ ᱠᱳᱨᱴ ᱴᱷᱮᱱ ᱭᱟᱪᱱᱟ ᱠᱮᱫᱟ ᱡᱮ ᱦᱟᱹᱛᱤ ᱠᱚ ᱠᱚᱭᱫᱤ ᱵᱮᱱᱟᱣ ᱠᱟᱛᱮ ᱫᱚᱦᱚ ᱵᱟᱹᱲᱤᱡ ᱜᱮᱭᱟ ᱢᱮᱱᱛᱮ ᱨᱩᱞ ᱢᱮᱱᱟᱜᱼᱟ ᱾
᱒᱐᱑᱙ ᱨᱮ ᱩᱱᱤ ᱫᱚ ᱠᱚᱢᱮᱱᱴ ᱮᱢᱮᱫ ᱛᱟᱦᱮᱸ ᱠᱟᱱᱟ ᱡᱚᱠᱷᱚᱱ ᱨᱟᱡᱚᱥᱛᱷᱟᱱ ᱯᱟᱨᱚᱢᱯᱟᱨᱤᱠ ᱯᱚᱨᱚᱵᱽ ᱨᱮ ᱦᱟᱹᱛᱤ ᱠᱚ ᱠᱚᱞᱚᱨ ᱠᱟᱛᱮ ᱱᱟᱯᱟᱭ ᱡᱚᱠᱷᱟ ᱞᱟᱹᱜᱤᱫ ᱠᱚᱢᱯᱤᱴᱤᱥᱚᱱ ᱨᱮ ᱦᱟᱹᱴᱤᱧ ᱠᱚ ᱦᱟᱛᱟᱣᱮᱫ ᱛᱟᱦᱮᱸᱱᱟ ᱾ ᱚᱱᱟ ᱯᱚᱨᱚᱵᱽ ᱫᱚ ᱵᱚᱸᱫᱽ ᱠᱚ ᱮᱢᱟᱫ ᱛᱟᱦᱮᱸᱱᱟ ᱾ ᱨᱚᱝ ᱵᱮᱱᱟᱣ ᱫᱟᱜ ᱮᱵᱷᱤᱰᱮᱸᱥ ᱨᱮᱱᱟᱜ ᱯᱷᱳᱴᱳᱜᱽᱨᱟᱯᱷ ᱫᱚ ᱡᱟᱱᱣᱟᱨ ᱟᱹᱭᱫᱟᱹᱨᱤ ᱮᱠᱴᱤᱵᱷᱤᱥᱴ ᱦᱚᱛᱮᱛᱮ ᱢᱤᱫ ᱵᱟᱰᱟᱭ ᱮ ᱵᱮᱱᱟᱣ ᱠᱮᱫᱟ ᱾ ᱠᱤᱪᱷᱩ ᱦᱚᱲ ᱱᱚᱣᱟ ᱨᱚᱝ ᱫᱚ ᱯᱟᱨᱚᱢᱯᱟᱨᱤᱠ ᱦᱩᱭ ᱠᱷᱟᱹᱛᱤᱨ ᱥᱚᱢᱚᱨᱛᱷᱟᱱ ᱠᱚ ᱮᱢ ᱠᱮᱫᱟ, ᱢᱮᱱᱠᱷᱟᱱ ᱩᱱᱤ ᱫᱚ ᱡᱟᱣᱟᱵᱽ ᱮᱢ ᱠᱮᱫᱟ ᱡᱮ ᱯᱟᱨᱚᱢᱯᱟᱨᱟ ᱠᱷᱚᱱ ᱡᱟᱱᱣᱟᱨ ᱟᱹᱭᱫᱟᱹᱨᱤ ᱫᱚ ᱵᱟᱹᱲᱛᱤ ᱢᱩᱦᱤᱢ ᱠᱟᱱᱟ ᱾[᱓]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "President Pranab Mukherjee presented 2015 Nari Shakti awards". Jagranjosh.com. 2016-03-09. Retrieved 2020-07-07.
- ↑ "Optimism As Fate Of India's Captive Elephants Hangs In Balance". HuffPost Canada (in ᱟᱝᱜᱽᱨᱮᱡᱤ). 2016-09-29. Retrieved 2020-07-07.
- ↑ "Czy one są szczęśliwe? Malowanie i przystrajanie słoni to tradycja festiwalu w Radżastanie [GALERIA]". www.national-geographic.pl (in ᱯᱚᱞᱤᱥ). Retrieved 2020-11-20.