ᱥᱩᱯᱨᱤᱭᱟ ᱠᱟᱨᱱᱤᱠ
ᱥᱩᱯᱨᱤᱭᱟ ᱠᱟᱨᱱᱤᱠ (ᱡᱟᱱᱟᱢ ᱑᱓ ᱢᱟᱨᱪ ᱑᱙᱗᱕) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱦᱤᱱᱫᱤ ᱥᱤᱱᱮᱢᱟ, ᱛᱮᱞᱩᱜᱩ ᱥᱤᱱᱮᱢᱟ, ᱢᱟᱨᱟᱴᱷᱤ ᱥᱤᱱᱮᱢᱟ ᱟᱨ ᱴᱮᱞᱤᱵᱤᱡᱚᱱ ᱨᱮ ᱟᱡᱟᱜ ᱠᱟᱹᱢᱤ ᱠᱷᱟᱹᱛᱤᱨ ᱩᱨᱩᱢ ᱢᱮᱱᱟᱭᱟ᱾ ᱥᱩᱯᱨᱤᱭᱟ ᱫᱚ ᱢᱟᱨᱮ ᱢᱚᱰᱮᱞ, ᱯᱷᱞᱟᱭᱤᱴ ᱮᱴᱮᱱᱰᱮᱱᱴ ᱟᱨ ᱯᱤᱟᱨ ᱚᱯᱷᱤᱥᱚᱨ ᱠᱟᱱᱟᱭ᱾
ᱯᱟᱨᱥᱚᱱᱟᱞ ᱞᱟᱭᱤᱯᱷ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱨᱱᱤᱠ ᱫᱚ ᱠᱚᱢ ᱩᱢᱮᱨ ᱨᱮᱜᱮ ᱠᱟᱹᱢᱤ ᱮᱦᱚᱵ ᱞᱮᱫᱟ᱾ ᱠᱟᱨᱱᱤᱠ, ᱡᱟᱦᱟᱸᱭ ᱫᱚ ᱑᱐ ᱟᱜ ᱥᱴᱟᱱᱰᱟᱨᱰ ᱯᱟᱥ ᱟᱠᱟᱫᱟ, ᱟᱡ ᱠᱷᱚᱱ ᱠᱚᱢ ᱩᱢᱮᱨ ᱜᱤᱫᱽᱨᱟᱹ ᱠᱷᱚᱱ ᱞᱮᱥᱚᱱ ᱮ ᱦᱟᱛᱟᱣ ᱠᱮᱫᱟ᱾ ᱩᱱᱤ ᱟᱭᱢᱟ ᱫᱳᱠᱟᱱ ᱨᱮ ᱠᱟᱹᱢᱤ ᱠᱮᱫᱟ᱾ ᱠᱟᱨᱱᱤᱠ ᱫᱚ ᱛᱟᱭᱚᱢ ᱛᱮ ᱥᱟᱣᱫᱤ ᱟᱨᱚᱵᱤᱭᱟ ᱪᱟᱞᱟᱣ ᱮᱱᱟ᱾ ᱚᱸᱰᱮ ᱩᱱᱤ ᱫᱚ ᱵᱷᱮᱞ ᱮ ᱦᱚᱨᱚᱜ ᱠᱮᱫᱟ ᱟᱨ ᱚᱸᱰᱮ ᱯᱷᱞᱟᱭᱤᱴ ᱮᱴᱮᱱᱰᱮᱱᱴ ᱞᱮᱠᱟᱛᱮ ᱮᱭᱟᱨᱞᱟᱭᱤᱱ ᱠᱚᱢᱯᱟᱱᱤ ᱨᱮ ᱠᱟᱹᱢᱤ ᱠᱮᱫᱟ᱾ ᱠᱟᱨᱱᱤᱠ ᱫᱚ ᱵᱷᱟᱨᱚᱛ ᱨᱩᱣᱟᱹᱲ ᱦᱮᱡ ᱮᱱᱟ᱾ ᱑᱙᱙᱒ ᱠᱷᱚᱱ ᱩᱱᱤ ᱮᱠᱴᱤᱝ ᱥᱮᱫ ᱮ ᱢᱩᱦᱰᱟᱹᱣ ᱮᱱᱟ᱾
ᱴᱮᱞᱤᱵᱤᱡᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱙᱖ ᱨᱮ, ᱠᱟᱨᱱᱤᱠ ᱫᱚ ᱢᱟᱨᱟᱴᱷᱤ ᱮᱠᱴᱚᱨ ᱨᱟᱢᱮᱥ ᱵᱷᱟᱴᱠᱟᱨ ᱥᱟᱶ ᱢᱟᱨᱟᱴᱷᱤ ᱴᱤᱵᱷᱤ ᱥᱤᱨᱤᱭᱟᱞ ᱛᱤᱥᱨᱟ ᱫᱳᱞᱟ ᱨᱮ ᱠᱟᱹᱢᱤ ᱠᱮᱫᱟ ᱡᱚᱠᱷᱚᱱ ᱱᱚᱣᱟ ᱫᱚ ᱫᱩᱨᱫᱚᱨᱥᱚᱱ ᱪᱮᱱᱮᱞ ᱨᱮ ᱛᱟᱦᱮᱸ ᱠᱟᱱᱟ᱾