ᱥᱩᱯᱨᱤᱭᱟ ᱯᱟᱴᱷᱚᱠ

ᱥᱩᱯᱨᱤᱭᱟ ᱯᱟᱴᱷᱚᱠ ᱠᱟᱯᱩᱨ (ᱡᱟᱱᱟᱢ ᱗ ᱡᱟᱱᱩᱣᱟᱨᱤ ᱑᱙᱖᱑) ᱫᱚ ᱥᱤᱧᱚᱛ ᱨᱮᱱ ᱢᱤᱫ ᱠᱩᱲᱤ ᱟᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱜᱩᱡᱽᱨᱟᱴᱤ ᱟᱨ ᱦᱤᱱᱫᱤ ᱯᱷᱤᱞᱢ ᱟᱨ ᱴᱮᱞᱤᱵᱤᱡᱚᱱ ᱨᱮ ᱠᱟᱹᱢᱤᱭᱟᱭ᱾ ᱩᱱᱤ ᱫᱚ ᱠᱷᱤᱪᱰᱤ ᱯᱷᱨᱮᱱᱪᱟᱭᱤᱡᱽ ᱨᱮ ᱦᱟᱱᱥᱟ ᱯᱟᱨᱮᱠᱷ ᱟᱜ ᱪᱤᱛᱟᱹᱨ ᱠᱷᱟᱹᱛᱤᱨ ᱟᱹᱰᱤ ᱜᱟᱱ ᱵᱟᱰᱟᱭ ᱟᱨ ᱥᱟᱨᱦᱟᱣ ᱮ ᱧᱟᱢ ᱟᱠᱟᱫᱟ᱾ ᱩᱱᱤ ᱫᱚ ᱟᱹᱰᱤ ᱜᱟᱱ ᱥᱤᱨᱯᱷᱟᱹ ᱮ ᱧᱟᱢ ᱟᱠᱟᱫᱟ ᱡᱟᱦᱟᱸ ᱨᱮ ᱢᱤᱫ ᱯᱷᱤᱞᱢᱯᱷᱮᱭᱟᱨ ᱳᱴᱤᱴᱤ ᱥᱤᱨᱯᱷᱟᱹ ᱟᱨ ᱯᱮᱭᱟ ᱯᱷᱤᱞᱢᱯᱷᱮᱭᱟᱨ ᱥᱤᱨᱯᱷᱟᱹ ᱥᱮᱞᱮᱫ ᱢᱮᱱᱟᱜᱼᱟ᱾ ᱩᱱᱤ ᱫᱚ ᱑᱙᱘᱐ ᱜᱮᱞᱟᱝ ᱨᱮᱱᱟᱜ ᱦᱤᱴ ᱴᱤᱵᱷᱤ ᱥᱤᱨᱤᱭᱟᱞ ᱤᱫᱷᱟᱨ ᱩᱫᱷᱟᱨ ᱨᱮᱦᱚᱸ ᱧᱮᱞ ᱧᱟᱢ ᱟᱠᱟᱱᱟ᱾^[᱑]

ᱟᱠᱴᱨᱮᱥ ᱫᱤᱱᱟ ᱯᱟᱴᱷᱚᱠ ᱨᱮᱱ ᱦᱩᱰᱤᱧ ᱠᱩᱲᱤ ᱜᱤᱫᱽᱨᱟᱹ, ᱩᱱᱤ ᱫᱚ ᱑᱙᱘᱘ ᱥᱮᱨᱢᱟ ᱨᱮ ᱟᱡ ᱨᱮᱱ ᱫᱚᱥᱟᱨ ᱡᱟᱶᱟᱭ, ᱟᱠᱴᱚᱨ ᱯᱟᱱᱠᱟᱡ ᱠᱟᱯᱩᱨ ᱥᱟᱶ ᱮ ᱵᱟᱯᱞᱟ ᱮᱱᱟ, ᱡᱟᱦᱟᱸᱭ ᱥᱟᱶ ᱩᱱᱤ ᱨᱮᱱ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱟᱨ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ᱾ ᱩᱱᱤ ᱨᱮᱱ ᱢᱤᱥᱨᱟᱛ ᱫᱚ ᱟᱠᱴᱨᱮᱥ ᱨᱟᱛᱱᱟ ᱯᱟᱴᱷᱚᱠ ᱥᱟᱦ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱟᱠᱴᱚᱨ ᱱᱟᱥᱤᱨᱩᱫᱽᱫᱤᱱ ᱥᱟᱦ ᱥᱟᱶ ᱮ ᱵᱟᱯᱞᱟ ᱟᱠᱟᱱᱟ᱾ ᱟᱠᱴᱚᱨ ᱥᱟᱦᱤᱫ ᱠᱟᱯᱩᱨ ᱫᱚ ᱟᱡ ᱨᱮᱱ ᱢᱟᱹᱱᱢᱤ ᱠᱚᱲᱟ ᱜᱤᱫᱽᱨᱟᱹ ᱠᱟᱱᱟᱭ᱾

ᱮᱛᱚᱦᱚᱵ ᱡᱤᱭᱚᱱ

ᱥᱩᱯᱨᱤᱭᱟ ᱫᱚ ᱗ ᱡᱟᱱᱩᱣᱟᱨᱤ ᱑᱙᱖᱑ ᱨᱮ ᱠᱟᱴᱷᱤᱭᱟᱣᱟᱰᱤ ᱜᱩᱡᱽᱨᱟᱴᱤ ᱛᱷᱤᱭᱮᱴᱚᱨ ᱟᱨᱴᱤᱥᱴ,^[᱒]^[᱓] ᱟᱨ ᱵᱮᱴᱮᱨᱟᱱ ᱟᱠᱴᱚᱨ, ᱫᱤᱱᱟ ᱯᱟᱴᱷᱚᱠ ᱟᱨ ᱢᱤᱫ ᱯᱟᱱᱡᱟᱵᱤ ᱵᱟᱵᱟ, ᱵᱟᱞᱫᱮᱵ ᱯᱟᱴᱷᱚᱠ, ᱥᱴᱟᱨ ᱨᱟᱡᱮᱥ ᱠᱷᱟᱱᱱᱟ ᱟᱨ ᱫᱤᱞᱤᱯ ᱠᱩᱢᱟᱨ ᱨᱮᱱ ᱰᱨᱮᱥᱢᱮᱠᱟᱨ ᱴᱷᱮᱱ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱨᱮᱱ ᱢᱤᱫ ᱢᱟᱨᱟᱝ ᱢᱤᱥᱨᱟᱛ, ᱨᱟᱛᱱᱟ ᱯᱟᱴᱷᱚᱠ, ᱦᱚᱸ ᱢᱤᱫ ᱛᱷᱤᱭᱮᱴᱚᱨ ᱟᱨ ᱯᱷᱤᱞᱢ ᱟᱠᱴᱚᱨ ᱠᱟᱱᱟᱭ᱾ ᱩᱱᱤ ᱫᱚ ᱫᱟᱫᱟᱨ, ᱢᱩᱢᱵᱟᱭ ᱨᱮ ᱯᱟᱨᱥᱤ ᱠᱚᱞᱚᱱᱤ ᱨᱮ ᱡᱟᱹᱛ ᱞᱮᱱᱟ, ᱟᱨ ᱡᱮᱹ ᱵᱤᱹ ᱵᱟᱪᱷᱟ ᱦᱟᱭ ᱥᱠᱩᱞ ᱨᱮ ᱥᱮᱞᱮᱫ ᱞᱮᱱᱟ᱾ ᱩᱱᱤ ᱫᱚ ᱯᱷᱟᱭᱤᱱ ᱟᱨᱴ ᱨᱮ ᱵᱮᱪᱞᱚᱨ ᱰᱤᱜᱽᱨᱤ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱵᱷᱟᱨᱚᱛᱱᱟᱴᱭᱚᱢ ᱨᱮ ᱵᱤᱥᱮᱥ ᱮᱱᱮᱡ ᱪᱮᱛᱟᱱ ᱨᱮ ᱢᱮᱱᱟᱜᱼᱟ, ᱱᱟᱞᱟᱱᱫᱟ ᱰᱮᱱᱥ ᱨᱤᱥᱚᱨᱪ ᱥᱮᱱᱴᱟᱨ, ᱢᱩᱢᱵᱟᱭ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ᱾

ᱠᱟᱹᱢᱤ ᱡᱤᱭᱚᱱ

ᱯᱟᱴᱷᱚᱠ ᱟᱜ ᱮᱠᱴᱤᱝ ᱨᱮ ᱯᱩᱭᱞᱩ ᱯᱟᱦᱴᱟ ᱫᱚ ᱟᱡ ᱮᱸᱜᱟᱛ ᱟᱜ ᱫᱤᱥᱟᱹ ᱩᱫᱩᱜ ᱛᱮ ᱢᱟᱭᱱᱟ ᱜᱩᱨᱡᱟᱨᱤ ᱜᱟᱭᱟᱱ ᱨᱩᱣᱟᱹᱲ ᱟᱹᱜᱩ ᱛᱟᱦᱮᱸ ᱠᱟᱱᱟ,^[᱔] ᱡᱟᱦᱟᱸ ᱫᱚ ᱫᱤᱱᱟ ᱯᱟᱴᱷᱚᱠ ᱢᱟᱲᱟᱝ ᱨᱮ ᱠᱟᱹᱢᱤ ᱞᱮᱫ ᱛᱟᱦᱮᱸᱫ᱾ ᱱᱚᱣᱟ ᱛᱟᱭᱚᱢ ᱫᱤᱱᱮᱥ ᱴᱷᱟᱠᱩᱨ ᱥᱟᱶ ᱵᱤᱣᱤᱭᱚᱱ ᱠᱟ ᱢᱟᱫᱟᱨᱥᱟ ᱧᱩᱛᱩᱢ ᱛᱮ ᱢᱤᱫ ᱜᱟᱭᱟᱱ ᱦᱩᱭ ᱞᱮᱱᱟ (ᱯᱷᱨᱮᱸᱪ ᱜᱟᱭᱟᱱ ᱚᱞᱤᱡ ᱢᱚᱞᱤᱭᱮᱨ ᱟᱜ ᱢᱤᱫ ᱜᱟᱭᱟᱱ ᱪᱮᱛᱟᱱ ᱨᱮ ᱵᱮᱥ ᱟᱠᱟᱱ), ᱡᱟᱦᱟᱸ ᱫᱚ ᱯᱨᱤᱛᱷᱵᱤ ᱛᱷᱤᱭᱮᱴᱚᱨ ᱨᱮ ᱥᱴᱮᱡ ᱞᱮᱱᱟ᱾ ᱱᱚᱰᱮ ᱡᱮᱱᱤᱯᱷᱟᱨ ᱠᱮᱱᱰᱟᱞ (ᱥᱟᱥᱤ ᱠᱟᱯᱩᱨ ᱨᱮᱱ ᱵᱟᱹᱦᱩᱜᱚᱢᱠᱮ) ᱩᱱᱤ ᱧᱮᱞ ᱠᱮᱫᱮᱭᱟ ᱟᱨ ᱥᱭᱟᱢ ᱵᱮᱱᱮᱜᱟᱞ ᱴᱷᱮᱱ ᱩᱱᱠᱩᱣᱟᱜ ᱚᱲᱟᱜ ᱯᱨᱚᱰᱟᱠᱥᱚᱱ ᱠᱟᱞᱤᱭᱩᱜ (᱑᱙᱘᱑) ᱞᱟᱹᱜᱤᱫ ᱥᱩᱯᱟᱨᱤᱥ ᱠᱮᱫᱮᱭᱟ, ᱡᱟᱦᱟᱸ ᱫᱚ ᱢᱚᱦᱟᱵᱷᱟᱨᱚᱛ ᱨᱮᱱᱟᱜ ᱢᱤᱫ ᱟᱰᱟᱯᱴᱮᱥᱚᱱ ᱠᱟᱱᱟ᱾ ᱥᱩᱵᱷᱟᱫᱽᱨᱟ ᱟᱜ ᱪᱤᱛᱟᱹᱨ ᱩᱫᱩᱜ ᱫᱚ ᱩᱱᱤ ᱵᱮᱥᱴ ᱥᱚᱯᱚᱨᱴᱤᱝ ᱟᱠᱴᱨᱮᱥ ᱞᱟᱹᱜᱤᱫ ᱯᱷᱤᱞᱢᱯᱷᱮᱭᱟᱨ ᱥᱤᱨᱯᱷᱟᱹ ᱮ ᱡᱤᱛᱠᱟᱹᱨ ᱠᱮᱫᱮᱭᱟ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱵᱤᱡᱮᱛᱟ (᱑᱙᱘᱒), ᱵᱟᱡᱟᱨ (᱑᱙᱘᱒), ᱢᱟᱥᱩᱢ (᱑᱙᱘᱓) ᱟᱨ ᱢᱤᱨᱪ ᱢᱟᱥᱟᱞᱟ (᱑᱙᱘᱕) ᱨᱮ ᱯᱟᱨᱯᱷᱚᱨᱢ ᱠᱮᱫᱟ᱾ ᱩᱱᱤ ᱫᱚ ᱵᱟᱭᱳᱯᱤᱠ ᱜᱟᱱᱫᱷᱤ (᱑᱙᱘᱒) ᱨᱮ ᱢᱤᱫ ᱠᱟᱹᱴᱤᱡ ᱨᱳᱞ ᱮ ᱛᱟᱦᱮᱸ ᱠᱟᱱᱟ ᱟᱨ ᱑᱙᱘᱘ ᱨᱮᱱᱟᱜ ᱯᱷᱨᱮᱸᱪ ᱯᱷᱤᱞᱢ, ᱫᱟ ᱵᱮᱝᱜᱚᱞᱤ ᱱᱟᱭᱤᱴ ᱨᱮ ᱥᱴᱟᱨ ᱞᱮᱱᱟ᱾ ᱩᱱᱤ ᱫᱚ ᱑᱙᱘᱙ ᱨᱮ ᱨᱟᱠᱷ ᱨᱮ ᱧᱮᱞ ᱞᱮᱱᱟ᱾ ᱑᱙᱘᱕ ᱨᱮ, ᱩᱱᱤ ᱢᱟᱞᱟᱭᱟᱞᱚᱢ ᱯᱷᱤᱞᱢ ᱟᱠᱟᱞᱟᱛᱷᱮ ᱟᱢᱵᱤᱞᱤ ᱨᱮ ᱴᱟᱭᱴᱮᱞ ᱨᱳᱞ ᱮ ᱠᱷᱮᱞ ᱞᱮᱫᱟ᱾

ᱩᱱᱤ ᱨᱮᱱ ᱴᱮᱞᱤᱵᱤᱡᱚᱱ ᱨᱳᱞ ᱠᱚ ᱢᱩᱫᱽ ᱨᱮ ᱤᱫᱷᱟᱨ ᱩᱫᱷᱟᱨ, ᱮᱠ ᱢᱟᱦᱟᱞ ᱦᱚ ᱥᱟᱯᱱᱚ ᱠᱟ, ᱠᱷᱤᱪᱰᱤ, ᱵᱟ ᱵᱟᱦᱩ ᱟᱩᱨ ᱵᱮᱵᱤ ᱟᱨ ᱪᱟᱱᱪᱟᱱ ᱮᱢᱟᱱ ᱠᱚ ᱥᱮᱞᱮᱫ ᱢᱮᱱᱟᱜᱼᱟ᱾

᱑᱙᱙᱔ ᱨᱮ, ᱩᱱᱤ ᱨᱮᱱ ᱡᱟᱶᱟᱭ, ᱯᱟᱱᱠᱟᱡ ᱠᱟᱯᱩᱨ ᱟᱨ ᱩᱱᱤ ᱟᱠᱚᱣᱟᱜ ᱴᱤᱵᱷᱤ ᱯᱨᱚᱰᱟᱠᱥᱚᱱ ᱚᱲᱟᱜ, ᱜᱨᱟᱥ ᱠᱚᱢᱯᱟᱱᱤ ᱮ ᱮᱛᱚᱦᱚᱵ ᱠᱮᱫᱟ᱾ ᱢᱚᱦᱟᱱᱫᱟᱥ ᱵᱤᱹᱮᱹ ᱮᱞᱹᱮᱞᱹᱵᱤ ᱯᱩᱭᱞᱩ ᱥᱤᱨᱤᱭᱟᱞ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱩᱱᱠᱩ ᱵᱮᱱᱟᱨ ᱞᱟᱛᱟᱨ ᱨᱮ ᱯᱨᱚᱰᱩᱥ ᱟᱨ ᱮᱠᱴᱤᱝ ᱞᱮᱫ ᱛᱟᱦᱮᱸᱫ᱾

ᱮᱠᱴᱤᱝ ᱠᱷᱚᱱ ᱑᱑ ᱥᱮᱨᱢᱟ ᱨᱮᱱᱟᱜ ᱵᱤᱨᱟᱢ ᱛᱟᱭᱚᱢ, ᱩᱱᱤ ᱫᱚ ᱒᱐᱐᱕ ᱯᱷᱤᱞᱢ ᱥᱟᱨᱠᱟᱨ ᱨᱮ ᱥᱴᱟᱨ ᱞᱮᱱᱟ, ᱡᱟᱦᱟᱸ ᱛᱟᱭᱚᱢ ᱒᱐᱐᱘ ᱨᱮ ᱱᱚᱣᱟ ᱨᱮᱱᱟᱜ ᱥᱤᱠᱣᱮᱞ, ᱥᱟᱨᱠᱟᱨ ᱨᱟᱡ ᱦᱩᱭ ᱞᱮᱱᱟ᱾ ᱩᱱᱤ ᱫᱚ ᱢᱤᱫ ᱥᱚᱵᱽᱥᱟᱨᱵᱤᱭᱮᱱᱴ ᱮᱸᱜᱟᱛ ᱮ ᱪᱤᱛᱟᱹᱨ ᱞᱮᱫᱟ ᱡᱟᱦᱟᱸᱭ ᱫᱚ ᱟᱡ ᱨᱮᱱ ᱠᱚᱲᱟ ᱥᱟᱶ ᱡᱮᱱᱮᱨᱮᱥᱚᱱ ᱜᱮᱯ ᱯᱩᱨᱟᱹᱣ ᱞᱟᱹᱜᱤᱫ ᱠᱩᱨᱩᱢᱩᱴᱩ ᱮᱫᱟ ᱣᱮᱠ ᱟᱯ ᱥᱤᱰ (᱒᱐᱐᱙) ᱨᱮ᱾ ᱯᱷᱤᱞᱢᱯᱷᱮᱭᱟᱨ ᱢᱮᱜᱟᱡᱤᱱ ᱫᱚ ᱒᱐᱑᱓ ᱨᱮᱱᱟᱜ ᱜᱚᱞᱤᱭᱚᱱ ᱠᱤ ᱨᱟᱥᱞᱤᱞᱟ ᱨᱟᱢ-ᱞᱤᱞᱟ ᱨᱮ ᱩᱱᱤᱭᱟᱜ ᱥᱤᱱᱤᱥᱴᱟᱨ ᱫᱷᱟᱱᱠᱚᱨ ᱵᱟ ᱟᱜ ᱨᱮᱱᱰᱟᱨᱤᱝ ᱫᱚ "ᱩᱱᱤᱭᱟᱜ ᱠᱟᱹᱢᱤ ᱨᱮᱱᱟᱜ ᱣᱟᱴᱟᱨᱥᱮᱰ" ᱢᱮᱱᱛᱮ ᱠᱚ ᱢᱮᱛᱟᱣᱟᱫᱮ ᱛᱟᱦᱮᱸᱫ᱾ ᱠᱮᱨᱤ ᱚᱱ ᱠᱮᱥᱟᱨ (᱒᱐᱑᱖) ᱫᱚ ᱩᱱᱤᱭᱟᱜ ᱯᱩᱭᱞᱩ ᱜᱩᱡᱽᱨᱟᱴᱤ ᱯᱷᱤᱞᱢ ᱛᱟᱦᱮᱸ ᱠᱟᱱᱟ᱾

ᱥᱟᱹᱠᱷᱭᱟᱹᱛ

↑ Deol, Taran (1 December 2019). "Idhar Udhar, the Hindi sitcom we desperately need today". ThePrint (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 14 April 2020.
↑ "Supriya Pathak plays Taapsee Pannu's mother in Rashmi Rocket, first look unveiled". Bollywood Hungama (in ᱟᱝᱜᱽᱨᱮᱡᱤ). 7 January 2021. Retrieved 16 November 2021.
↑ "B'day Special: 'खिचड़ी' की हंसा का बर्थडे है आज". Navbharat Times (in ᱦᱤᱱᱫᱤ). Retrieved 16 November 2021.
↑ "Supriya Pathak On Why Playing A Mother On Screen Excites Her". ndtv.com. 10 December 2018.

ᱵᱟᱦᱨᱮ ᱡᱚᱱᱚᱲ

ᱥᱩᱯᱨᱤᱭᱟ ᱯᱟᱴᱷᱚᱠ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)

[1] Deol, Taran (1 December 2019). "Idhar Udhar, the Hindi sitcom we desperately need today". ThePrint (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 14 April 2020.

[2] "Supriya Pathak plays Taapsee Pannu's mother in Rashmi Rocket, first look unveiled". Bollywood Hungama (in ᱟᱝᱜᱽᱨᱮᱡᱤ). 7 January 2021. Retrieved 16 November 2021.

[3] "B'day Special: 'खिचड़ी' की हंसा का बर्थडे है आज". Navbharat Times (in ᱦᱤᱱᱫᱤ). Retrieved 16 November 2021.

[4] "Supriya Pathak On Why Playing A Mother On Screen Excites Her". ndtv.com. 10 December 2018.

[᱑]

[᱒]

[᱓]

[᱔]