ᱥᱩᱯᱨᱤᱭᱟ ᱯᱤᱞᱜᱟᱶᱠᱚᱨ

ᱥᱩᱯᱨᱤᱭᱟ ᱯᱤᱞᱜᱟᱶᱠᱚᱨ (ᱡᱟᱱᱟᱢ ᱧᱩᱛᱩᱢ ᱥᱟᱵᱽᱱᱤᱥ) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱟᱹᱰᱤ ᱜᱟᱱ ᱢᱟᱨᱟᱴᱷᱤ ᱟᱨ ᱦᱤᱱᱫᱤ ᱯᱷᱤᱞᱢ ᱟᱨ ᱴᱮᱞᱤᱵᱤᱡᱚᱱ ᱥᱤᱨᱤᱡᱽ ᱨᱮ ᱠᱟᱹᱢᱤ ᱟᱠᱟᱫᱟᱭ᱾ ᱩᱱᱤ ᱫᱚ ᱮᱠᱴᱚᱨ ᱥᱟᱪᱤᱱ ᱯᱤᱞᱜᱟᱶᱠᱚᱨ ᱥᱟᱶ ᱮ ᱵᱟᱯᱞᱟ ᱟᱠᱟᱱᱟ ᱟᱨ ᱟᱡᱟᱜ ᱥᱩᱯᱟᱨᱦᱤᱴ ᱯᱷᱤᱞᱢ ᱱᱚᱣᱨᱤ ᱢᱤᱞᱮ ᱱᱚᱣᱨᱭᱟᱞᱟ ᱨᱮ ᱪᱟᱢᱮᱞᱤ ᱞᱮᱠᱟᱛᱮ ᱰᱮᱵᱭᱩ ᱞᱮᱫᱟ, ᱡᱟᱦᱟᱸ ᱞᱟᱹᱜᱤᱫ ᱩᱱᱤ ᱫᱚ ᱯᱷᱤᱞᱢᱯᱷᱮᱭᱟᱨ ᱟᱣᱟᱨᱰ ᱯᱷᱚᱨ ᱵᱮᱥᱴ ᱮᱠᱴᱨᱮᱥ – ᱢᱟᱨᱟᱴᱷᱤ ᱮ ᱡᱤᱛᱠᱟᱹᱨ ᱞᱮᱱᱟ᱾ ᱩᱱᱤ ᱫᱚ ᱢᱚᱦᱟᱨᱟᱥᱴᱨᱚ ᱥᱴᱮᱴ ᱯᱷᱤᱞᱢ ᱟᱣᱟᱨᱰ ᱦᱚᱸᱭ ᱡᱤᱛᱠᱟᱹᱨ ᱟᱠᱟᱫᱟ᱾ ᱩᱱᱤ ᱫᱚ ᱱᱚᱪ ᱵᱟᱞᱤᱭᱮ ᱑ ᱨᱤᱱᱤᱡ ᱡᱤᱛᱠᱟᱹᱨᱤᱭᱟᱹ ᱠᱟᱱᱟᱭ᱾^[᱑]

ᱮᱛᱚᱦᱚᱵ ᱟᱨ ᱱᱤᱡᱮᱨ ᱡᱤᱭᱚᱱ

ᱯᱤᱞᱜᱟᱶᱠᱚᱨ ᱫᱚ ᱑᱖ ᱚᱜᱚᱥᱴ ᱑᱙᱖᱗ ᱨᱮ ᱥᱩᱯᱨᱤᱭᱟ ᱥᱟᱵᱽᱱᱤᱥ ᱞᱮᱠᱟᱛᱮ ᱢᱩᱢᱵᱟᱭ, ᱵᱷᱟᱨᱚᱛ ᱨᱮ ᱢᱤᱫ ᱢᱚᱦᱟᱨᱟᱥᱴᱨᱤᱭᱚ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟ᱾^[᱒] ᱩᱱᱤ ᱫᱚ ᱟᱡᱤᱡ ᱡᱟᱶᱟᱭ ᱥᱟᱪᱤᱱ ᱯᱤᱞᱜᱟᱶᱠᱚᱨ ᱥᱟᱶ ᱢᱤᱫ ᱢᱟᱨᱟᱴᱷᱤ ᱢᱩᱵᱷᱤ ᱱᱚᱣᱨᱤ ᱢᱤᱞᱮ ᱱᱚᱣᱨᱭᱟᱞᱟ ᱨᱮ ᱥᱩᱴᱤᱝ ᱚᱠᱛᱚ ᱮ ᱧᱟᱯᱟᱢ ᱞᱮᱫᱮᱭᱟ, ᱡᱟᱦᱟᱸ ᱫᱚ ᱩᱱᱤ ᱰᱤᱨᱮᱠᱴ ᱮᱫ ᱛᱟᱦᱮᱸᱱᱟ᱾ ᱩᱱᱠᱩ ᱫᱚ ᱑᱙᱘᱕ ᱨᱮ ᱠᱤᱱ ᱵᱟᱯᱞᱟ ᱞᱮᱱᱟ, ᱡᱚᱠᱷᱚᱱ ᱩᱱᱤ ᱫᱚ ᱑᱘ ᱥᱮᱨᱢᱟ ᱨᱤᱱᱤᱡ ᱮ ᱛᱟᱦᱮᱸ ᱠᱟᱱᱟ ᱟᱨ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱥᱨᱤᱭᱟ ᱯᱤᱞᱜᱟᱶᱠᱚᱨ ᱢᱮᱱᱟᱭᱟ᱾^[᱓]

ᱠᱮᱨᱤᱭᱚᱨ

ᱯᱤᱞᱜᱟᱶᱠᱚᱨ ᱫᱚ ᱟᱹᱰᱤ ᱠᱚᱢ ᱴᱮᱞᱤᱵᱤᱡᱚᱱ ᱥᱤᱨᱤᱭᱟᱞ ᱨᱮ ᱮᱠᱴᱤᱝ ᱟᱠᱟᱫᱟᱭ; ᱩᱱᱠᱩ ᱢᱩᱫᱽ ᱨᱮ ᱡᱟᱦᱟᱸ ᱠᱚ ᱟᱹᱰᱤ ᱧᱩᱛᱩᱢᱟᱱ ᱢᱮᱱᱟᱜᱼᱟ ᱚᱱᱟ ᱫᱚ ᱛᱩ ᱛᱩ ᱢᱮᱭᱱ ᱢᱮᱭᱱ, ᱠᱩᱪ ᱨᱚᱝ ᱯᱭᱟᱨ ᱠᱮ ᱟᱭᱥᱮ ᱵᱷᱤ, ᱥᱟᱥᱩᱨᱟᱞ ᱜᱮᱱᱫᱟ ᱯᱷᱩᱞ, ᱨᱟᱫᱷᱟ ᱠᱤ ᱵᱮᱴᱤᱭᱟᱱ ᱠᱩᱪ ᱠᱟᱨ ᱫᱤᱠᱷᱟᱭᱮᱸᱜᱤ ᱟᱨ ᱠᱟᱰᱵᱷᱤ ᱠᱷᱟᱴᱴᱤ ᱢᱤᱴᱷᱤ᱾ ᱛᱩ ᱛᱩ ᱢᱮᱭᱱ ᱢᱮᱭᱱ ᱫᱚ ᱢᱤᱫ ᱜᱚᱜᱚ-ᱦᱚᱲ ᱟᱨ ᱦᱚᱯᱚᱱ-ᱮᱨᱟ ᱛᱟᱞᱟ ᱨᱮ ᱵᱷᱮᱜᱟᱨ ᱟᱨ ᱫᱩᱞᱟᱹᱲ ᱧᱮᱞ ᱞᱟᱹᱜᱤᱫ ᱢᱤᱫ ᱠᱚᱢᱤᱠ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮ ᱩᱱᱤ ᱫᱚ ᱦᱚᱯᱚᱱ-ᱮᱨᱟ ᱮ ᱠᱷᱮᱞ ᱞᱮᱫᱟ᱾ ᱱᱚᱣᱟ ᱨᱮᱱᱟᱜ ᱥᱤᱠᱣᱮᱞ, ᱠᱟᱰᱵᱷᱤ ᱠᱷᱟᱴᱴᱤ ᱢᱤᱴᱷᱤ ᱨᱮ, ᱩᱱᱤ ᱫᱚ ᱠᱷᱮᱞ ᱞᱟᱹᱜᱤᱫ ᱢᱤᱫ ᱱᱟᱣᱟ ᱨᱳᱞ ᱮ ᱧᱟᱢ ᱠᱮᱫᱟ — ᱢᱤᱫ ᱜᱚᱜᱚ-ᱦᱚᱲ ᱞᱮᱠᱟᱛᱮ᱾ ᱒᱐᱑᱑ ᱨᱮ, ᱩᱱᱤ ᱫᱚ ᱠᱚᱢᱮᱰᱤ ᱥᱳ, ᱠᱚᱢᱮᱰᱤ ᱠᱟ ᱢᱟᱦᱟ ᱢᱩᱠᱟᱵᱟᱞᱟ ᱨᱮ ᱥᱮᱞᱮᱫ ᱞᱮᱱᱟ᱾

ᱩᱱᱤ ᱫᱚ ᱢᱟᱨᱟᱴᱷᱤ ᱯᱷᱤᱞᱢ ᱨᱮᱦᱚᱸ ᱵᱟᱰᱟᱭ ᱧᱟᱢ ᱮᱱᱮᱢ ᱢᱮᱱᱟᱜ ᱛᱟᱭᱟ᱾ ᱡᱟᱦᱟᱸ ᱢᱩᱵᱷᱤ ᱨᱮ ᱩᱱᱤ ᱫᱚ ᱟᱡᱤᱡ ᱡᱟᱶᱟᱭ ᱥᱟᱪᱤᱱ ᱯᱤᱞᱜᱟᱶᱠᱚᱨ ᱥᱟᱶ ᱮ ᱮᱠᱴᱤᱝ ᱟᱠᱟᱫᱟ, ᱡᱮᱞᱮᱠᱟ ᱱᱚᱣᱨᱤ ᱢᱤᱞᱮ ᱱᱚᱣᱨᱭᱟᱞᱟ, ᱢᱟᱡᱷᱟ ᱯᱟᱛᱤ ᱠᱟᱨᱳᱰᱯᱟᱛᱤ, ᱟᱥᱤ ᱦᱤ ᱵᱟᱱᱣᱟ ᱵᱟᱱᱣᱤ, ᱟᱭᱛᱭᱟ ᱜᱷᱚᱨᱚᱛ ᱜᱷᱚᱨᱳᱵᱟ, ᱱᱚᱣᱨᱟ ᱢᱟᱡᱷᱟ ᱱᱚᱣᱥᱟᱪᱟ ᱫᱚ ᱟᱹᱰᱤ ᱢᱟᱨᱟᱝ ᱥᱚᱠᱥᱮᱥ ᱠᱚ ᱛᱟᱦᱮᱸ ᱠᱟᱱᱟ᱾

ᱯᱤᱞᱜᱟᱶᱠᱚᱨ ᱫᱚ ᱟᱹᱰᱤ ᱠᱚᱢ ᱢᱩᱵᱷᱤ ᱨᱮᱦᱚᱸ ᱮᱠᱴᱤᱝ ᱟᱠᱟᱫᱟ, ᱡᱮᱞᱮᱠᱟ ᱟᱣᱟᱨᱟ ᱯᱟᱜᱟᱞ ᱫᱤᱣᱟᱱᱟ, ᱟᱮᱛᱵᱟᱨ, ᱫᱤᱣᱟᱱᱮ ᱦᱩᱭᱮ ᱯᱟᱜᱟᱞ ᱟᱨ ᱵᱟᱨᱥᱟᱛ᱾

ᱯᱤᱞᱜᱟᱶᱠᱚᱨ ᱟᱨ ᱥᱟᱪᱤᱱ ᱫᱚ ᱮᱱᱮᱡ ᱥᱳ, ᱱᱚᱪ ᱵᱟᱞᱤᱭᱮ ᱨᱮ ᱢᱤᱫ ᱥᱟᱶᱛᱮ ᱠᱤᱱ ᱧᱮᱞ ᱞᱮᱱᱟ ᱟᱨ ᱥᱤᱡᱚᱱ ᱑ ᱨᱤᱱᱤᱡ ᱡᱤᱛᱠᱟᱹᱨᱤᱭᱟᱹ ᱞᱮᱠᱟᱛᱮ ᱠᱤᱱ ᱚᱰᱚᱠ ᱞᱮᱱᱟ᱾

ᱥᱟᱹᱠᱷᱭᱟᱹᱛ

↑ "Star One launches star-studded dance show Nach Baliye - Canada News, Canada Immigration, Canada Visa, Immigration and Settlement, USA Visit, Immigration Rules, Immigration consultants". 2016-03-09. Archived from the original on 9 March 2016. Retrieved 2023-11-01.
↑ "Inside Sachin and Supriya Pilgaonkar's Birthday Celebration". News18 (in ᱟᱝᱜᱽᱨᱮᱡᱤ). 2022-08-18. Retrieved 2023-11-01.
↑ Salunkhe, Sanjana (2 June 2020). "I got it from my daughter: 3 mothers share the beauty hacks and lessons they learnt through quarantine". Vogue India.

ᱵᱟᱦᱨᱮ ᱡᱚᱱᱚᱲ

ᱥᱩᱯᱨᱤᱭᱟ ᱯᱤᱞᱜᱟᱶᱠᱚᱨ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)

[1] "Star One launches star-studded dance show Nach Baliye - Canada News, Canada Immigration, Canada Visa, Immigration and Settlement, USA Visit, Immigration Rules, Immigration consultants". 2016-03-09. Archived from the original on 9 March 2016. Retrieved 2023-11-01.

[2] "Inside Sachin and Supriya Pilgaonkar's Birthday Celebration". News18 (in ᱟᱝᱜᱽᱨᱮᱡᱤ). 2022-08-18. Retrieved 2023-11-01.

[3] Salunkhe, Sanjana (2 June 2020). "I got it from my daughter: 3 mothers share the beauty hacks and lessons they learnt through quarantine". Vogue India.

[᱑]

[᱒]

[᱓]