ᱥᱩᱱᱤᱛᱟ ᱥᱤᱝ ᱪᱳᱠᱮᱱ
ᱥᱩᱱᱤᱛᱟ ᱥᱤᱝ ᱪᱳᱠᱮᱱ (ᱡᱟᱱᱟᱢ ᱥᱤᱹ ᱑᱙᱘᱕) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱵᱩᱨᱩ ᱫᱮᱡᱚᱜᱤᱡ ᱟᱨ ᱮᱠᱴᱤᱵᱷᱤᱥᱴ ᱠᱟᱱᱟᱭ ᱾ ᱩᱱᱤ ᱫᱚ ᱒᱐᱑᱑ ᱨᱮ ᱢᱟᱣᱩᱸᱴ ᱮᱵᱷᱮᱨᱮᱥᱴ ᱮ ᱫᱮᱡ ᱞᱮᱱᱟ ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱵᱟᱨᱭᱟ ᱡᱤᱞᱤᱧ ᱥᱟᱺᱜᱤᱧ ᱥᱟᱭᱠᱮᱞ ᱴᱨᱤᱯ ᱮ ᱠᱚᱨᱟᱣ ᱞᱮᱫᱼᱟ, ᱵᱟᱱᱟᱨ ᱜᱮ ᱦᱚᱭ ᱦᱤᱥᱤᱫ ᱟᱨ "ᱥᱮᱵᱷ, ᱮᱰᱩᱠᱮᱴ ᱫᱤ ᱜᱚᱨᱞ ᱪᱟᱭᱤᱞᱰ" ᱠᱮᱢᱯᱮᱭᱱ (ᱵᱮᱴᱤ ᱵᱟᱪᱟᱣ, ᱵᱮᱴᱤ ᱯᱟᱲᱷᱟᱣ) ᱮ ᱯᱨᱚᱢᱳᱴ ᱞᱟᱹᱜᱤᱫ ᱾ ᱩᱱᱤ ᱫᱚ ᱒᱐᱑᱖ ᱱᱟᱨᱤ ᱥᱟᱠᱛᱤ ᱯᱩᱨᱩᱥᱠᱟᱨ ᱥᱟᱶ ᱟᱹᱰᱤ ᱜᱟᱱ ᱟᱣᱟᱨᱰ ᱮ ᱧᱟᱢ ᱟᱠᱟᱫᱟ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱩᱱᱤᱛᱟ ᱥᱤᱝ ᱪᱳᱠᱮᱱ ᱫᱚ ᱑᱙᱘᱕ ᱨᱮ ᱢᱤᱫ ᱦᱤᱱᱫᱩ ᱜᱩᱨᱡᱟᱨ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱫᱚ ᱨᱮᱣᱟᱨᱤ (ᱦᱚᱨᱭᱟᱱᱟ) ᱟᱨ ᱠᱤᱥᱳᱨᱯᱩᱨᱟ (ᱨᱟᱡᱚᱥᱛᱷᱟᱱ) ᱨᱮᱭ ᱦᱟᱨᱟ ᱵᱩᱨᱩ ᱞᱮᱱᱟ ᱟᱨ ᱟᱡᱟᱜ ᱤᱥᱠᱩᱞᱤᱝ ᱫᱚ ᱚᱢᱨᱤᱛᱥᱚᱨ, (ᱯᱟᱱᱡᱟᱵᱽ) ᱨᱮᱭ ᱯᱩᱨᱟᱹᱣ ᱞᱮᱫᱼᱟ ᱾ ᱟᱡ ᱵᱟᱵᱟ ᱫᱚ ᱵᱚᱨᱰᱟᱨ ᱥᱤᱠᱩᱨᱤᱴᱤ ᱯᱷᱳᱨᱥ ᱨᱮᱭ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾ ᱪᱳᱠᱮᱱ ᱫᱚ ᱢᱟᱱᱟᱞᱤ ᱟᱨ ᱫᱟᱨᱡᱤᱞᱤᱝ ᱨᱮ ᱵᱩᱨᱩ ᱫᱮᱡ ᱵᱟᱵᱚᱛ ᱮ ᱯᱟᱲᱦᱟᱣ ᱞᱮᱫᱼᱟ ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱪᱳᱠᱮᱱ ᱫᱚ ᱢᱟᱱᱟᱞᱤ, ᱫᱟᱨᱡᱤᱞᱤᱝ ᱟᱨ ᱩᱛᱛᱚᱨᱠᱟᱥᱤ ᱨᱮ ᱢᱚᱬᱮ ᱜᱚᱴᱟᱝ ᱵᱩᱨᱩ ᱮ ᱫᱮᱡ ᱠᱮᱫᱼᱟ, ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱱᱮᱯᱟᱞ ᱦᱚᱛᱮᱛᱮ ᱢᱟᱣᱩᱸᱴ ᱮᱵᱷᱮᱨᱮᱥᱴ ᱨᱮᱱᱟᱜ ᱥᱟᱹᱢᱩᱸᱫ ᱥᱮᱱᱚᱜ ᱞᱟᱹᱜᱤᱫ ᱵᱟᱪᱷᱟᱣ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱒᱐᱑᱑ ᱨᱮ ᱮᱵᱷᱮᱨᱮᱥᱴ ᱮ ᱫᱮᱡ ᱞᱮᱱᱟ, ᱒᱕ ᱥᱮᱨᱢᱟ ᱩᱢᱮᱨ ᱨᱮ, ᱩᱱᱤ ᱫᱚ ᱦᱚᱨᱭᱟᱱᱟ ᱨᱮᱱᱤᱡ ᱡᱚᱛᱚ ᱠᱷᱚᱱ ᱠᱚᱢ ᱩᱢᱮᱨ ᱨᱮᱱᱟᱜ ᱛᱤᱨᱞᱟᱹ ᱮ ᱵᱮᱱᱟᱣ ᱮᱱᱟ, ᱱᱚᱣᱟ ᱫᱮᱡᱚᱜ ᱠᱟᱛᱮ ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱟᱨᱦᱚᱸ ᱟᱹᱰᱤ ᱜᱟᱱ ᱦᱤᱢᱟᱞᱚᱭᱟᱱ ᱪᱩᱲ ᱮ ᱫᱮᱡ ᱠᱮᱫᱼᱟ ᱾
᱒᱐᱑᱗ ᱨᱮ, ᱪᱳᱠᱮᱱ ᱫᱚ ᱠᱟᱱᱭᱟᱠᱩᱢᱟᱨᱤ ᱠᱷᱚᱱ ᱞᱮᱦ ᱦᱟᱹᱵᱤᱡ ᱔,᱒᱐᱐ ᱠᱤᱞᱳᱢᱤᱴᱚᱨ ᱥᱟᱭᱠᱮᱞ ᱴᱨᱤᱯ ᱮ ᱮᱛᱚᱦᱚᱵ ᱠᱮᱫᱼᱟ, ᱡᱟᱦᱟᱸ ᱨᱮᱱᱟᱜ ᱡᱚᱥ ᱫᱚ "ᱥᱮᱵᱷ, ᱮᱰᱩᱠᱮᱴ ᱫᱤ ᱜᱚᱨᱞ ᱪᱟᱭᱤᱞᱰ" (ᱵᱮᱴᱤ ᱵᱟᱪᱟᱣ, ᱵᱮᱴᱤ ᱯᱟᱲᱷᱟᱣ) ᱟᱨ "ᱯᱨᱤᱡᱟᱨᱵᱷ ᱤᱱᱵᱷᱟᱭᱨᱚᱱᱢᱮᱱᱴ" ᱠᱮᱢᱯᱮᱭᱱ ᱮ ᱯᱨᱚᱢᱳᱴ ᱞᱟᱹᱜᱤᱫ ᱛᱟᱦᱮᱸ ᱠᱟᱱᱟ ᱾ ᱢᱩᱪᱟᱹᱫ ᱨᱮ ᱩᱱᱤ ᱫᱚ ᱔,᱖᱕᱖ ᱠᱤᱞᱳᱢᱤᱴᱚᱨ ᱮ ᱠᱚᱵᱷᱚᱨ ᱞᱮᱫᱼᱟ ᱟᱨ ᱦᱚᱨ ᱨᱮ ᱒᱒᱐ ᱵᱤᱨ ᱫᱟᱨᱮ ᱮ ᱨᱚᱦᱚᱭ ᱞᱮᱫᱼᱟ ᱾ ᱴᱨᱤᱯ ᱛᱟᱭᱚᱢ ᱩᱱᱤ ᱫᱚ ᱵᱤᱵᱮᱠᱟᱱᱟᱱᱫᱚ ᱠᱮᱱᱫᱽᱨᱟ ᱨᱮᱱᱟᱜ ᱱᱮᱣᱛᱟ ᱨᱮ ᱭᱳᱜᱟ ᱪᱮᱫ ᱞᱟᱹᱜᱤᱫ ᱚᱢᱨᱤᱛᱥᱚᱨ ᱮ ᱨᱩᱣᱟᱲ ᱮᱱᱟ ᱾ ᱢᱟᱢᱛᱟ ᱥᱳᱰᱷᱟ ᱟᱜ ᱰᱤᱮᱥᱯᱤ ᱨᱮ ᱢᱟᱲᱟᱝ ᱵᱟᱦᱟᱞ ᱥᱟᱹᱠᱷᱭᱟᱹᱛ ᱛᱟᱭᱚᱢ ᱒᱐᱑᱘ ᱨᱮ ᱯᱟᱱᱡᱟᱵᱽ ᱟᱨ ᱦᱚᱨᱭᱟᱱᱟ ᱦᱟᱭᱤ ᱠᱳᱨᱴ ᱦᱚᱛᱮᱛᱮ ᱜᱚᱴᱟ ᱠᱟᱛᱮ ᱪᱳᱠᱮᱱ ᱫᱚ ᱦᱚᱨᱭᱟᱱᱟ ᱯᱳᱞᱤᱥ ᱨᱮ ᱰᱮᱯᱩᱴᱤ ᱥᱩᱯᱟᱨᱤᱱᱴᱮᱱᱰᱮᱱᱴ ᱚᱯᱷ ᱯᱳᱞᱤᱥ (ᱰᱤᱮᱥᱯᱤ) ᱞᱮᱠᱟᱛᱮ ᱵᱟᱦᱟᱞ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱥᱟᱶᱛᱮ ᱒᱐᱑᱘ ᱨᱮ ᱩᱱᱤ ᱫᱚ ᱟᱨᱦᱚᱸ ᱵᱮᱴᱤ ᱵᱟᱪᱟᱣ, ᱵᱮᱴᱤ ᱯᱟᱲᱷᱟᱣ ᱯᱨᱚᱢᱳᱴ ᱞᱟᱹᱜᱤᱫ ᱥᱟᱭᱠᱮᱞ ᱴᱨᱤᱯ ᱮ ᱠᱚᱨᱟᱣ ᱠᱮᱫᱼᱟ, ᱱᱚᱣᱟ ᱫᱷᱟᱣ ᱫᱚ ᱥᱳᱢᱱᱟᱛᱷ ᱢᱚᱱᱫᱤᱨ (ᱜᱩᱡᱽᱨᱟᱴ) ᱠᱷᱚᱱ ᱱᱮᱯᱟᱞ ᱦᱟᱹᱵᱤᱡ ᱕,᱐᱐᱐ ᱠᱤᱞᱳᱢᱤᱴᱚᱨ ᱮ ᱠᱚᱵᱷᱚᱨ ᱠᱮᱫᱼᱟ ᱾
ᱟᱣᱟᱨᱰ ᱟᱨ ᱨᱤᱠᱟᱜᱽᱱᱤᱥᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱪᱳᱠᱮᱱ ᱫᱚ ᱒᱐᱑᱖ ᱱᱟᱨᱤ ᱥᱟᱠᱛᱤ ᱯᱩᱨᱩᱥᱠᱟᱨ ᱮ ᱧᱟᱢ ᱞᱮᱫᱼᱟ, ᱡᱟᱦᱟᱸ ᱫᱚ ᱵᱷᱟᱨᱚᱛ ᱨᱮᱱᱤᱡ ᱯᱨᱮᱥᱤᱰᱮᱱᱴ ᱯᱨᱚᱱᱚᱵᱽ ᱢᱩᱠᱷᱟᱨᱡᱤ ᱦᱚᱛᱮᱛᱮ ᱮᱢ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱵᱚᱨᱰᱟᱨ ᱥᱤᱠᱩᱨᱤᱴᱤ ᱯᱷᱳᱨᱥ ᱵᱽᱨᱮᱵᱷ ᱰᱚᱴᱟᱨ, ᱫᱤ ᱵᱷᱟᱨᱚᱛ ᱜᱚᱣᱨᱟᱣ ᱟᱨ ᱫᱤ ᱠᱚᱞᱯᱚᱱᱟ ᱪᱟᱣᱞᱟ ᱟᱣᱟᱨᱰ ᱥᱟᱶ ᱦᱚᱸ ᱢᱟᱱᱚᱛ ᱮ ᱧᱟᱢ ᱟᱠᱟᱫᱟ ᱾