ᱥᱩᱱᱤᱛᱤ ᱫᱮᱵᱤ
| ᱥᱩᱱᱤᱛᱤ ᱫᱮᱵᱤ | |
|---|---|
.jpg) Her Highness Maharani Suniti Devi, CIE of Cooch Behar in the year 1887 in London | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | 30 September 1864 ᱠᱚᱞᱠᱟᱛᱟ, ᱵᱨᱤᱴᱤᱥ ᱨᱟᱡᱽ |
| ᱜᱩᱨ | 10 November 1932 (aged 68) ᱨᱟᱺᱪᱤ, ᱵᱨᱤᱴᱤᱥ ᱨᱟᱡᱽ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱧᱩᱢᱱᱟᱢ | ᱥᱟᱶᱛᱟ ᱠᱟᱹᱢᱤᱭᱟᱹ, Educator |
ᱥᱩᱱᱤᱛᱤ ᱫᱮᱵᱤ ᱥᱤ. ᱟᱭ. ᱤ. (᱓᱐ ᱥᱮᱯᱴᱮᱢᱵᱚᱨ ᱑᱘᱖᱔ – ᱑᱐ ᱱᱚᱵᱷᱮᱢᱵᱚᱨ ᱑᱙᱓᱒) ᱫᱚ ᱵᱨᱤᱴᱤᱥ ᱵᱷᱟᱨᱚᱛ ᱨᱮ ᱠᱩᱪ ᱵᱮᱦᱟᱨ ᱨᱮᱱᱟᱜ ᱨᱟᱡᱽᱠᱩᱢᱟᱨᱤ ᱯᱚᱱᱚᱛ ᱨᱮᱱ ᱢᱚᱦᱟᱨᱟᱱᱤᱭ ᱛᱟᱦᱮᱸ ᱠᱟᱱᱟ᱾[᱑]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱠᱚᱞᱠᱟᱛᱟ ᱨᱮᱱ ᱧᱩᱛᱩᱢᱟᱱ ᱵᱨᱟᱦᱢᱳ ᱥᱟᱢᱟᱡᱽ ᱥᱩᱫᱷᱟᱹᱨᱤᱭᱟᱹ, ᱠᱮᱥᱩᱵ ᱪᱚᱸᱫᱽᱨᱚ ᱥᱮᱱ ᱟᱨ ᱡᱚᱜᱚᱱᱢᱳᱦᱤᱱᱤ ᱥᱮᱱ ᱨᱮᱱ ᱦᱚᱯᱚᱱ ᱮᱨᱟᱭ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱑᱘᱗᱘ ᱨᱮ ᱠᱩᱪ ᱵᱮᱦᱟᱨ ᱨᱮᱱ ᱢᱚᱦᱟᱨᱟᱡᱟ ᱱᱨᱤᱯᱮᱱᱫᱽᱨᱚ ᱱᱟᱨᱟᱭᱚᱱ (᱑᱘᱖᱓-᱑᱙᱑᱑) ᱥᱟᱶ ᱮ ᱵᱟᱯᱞᱟ ᱮᱱᱟ, ᱩᱱ ᱡᱚᱠᱷᱮᱡ ᱩᱱᱤ ᱫᱚ ᱥᱩᱢᱩᱝ ᱜᱮ ᱑᱔ ᱥᱮᱨᱢᱟ ᱩᱢᱮᱨ ᱨᱮᱱ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱵᱟᱯᱞᱟ ᱛᱟᱭᱚᱢ ᱵᱟᱨᱭᱟ ᱥᱮᱨᱢᱟ ᱫᱷᱟᱹᱵᱤᱡ ᱟᱡ ᱵᱟᱵᱟ ᱴᱷᱮᱱ ᱮ ᱛᱟᱦᱮᱸ ᱮᱱᱟ, ᱪᱮᱫᱟᱜ ᱥᱮ ᱱᱟᱨᱟᱭᱚᱱ ᱫᱚ ᱟᱠᱚᱣᱟᱜ ᱵᱟᱯᱞᱟ ᱛᱟᱭᱚᱢ ᱜᱮ ᱪᱮᱛᱟᱱ ᱥᱮᱪᱮᱫ ᱞᱟᱹᱜᱤᱫ ᱞᱚᱱᱰᱚᱱ ᱮ ᱥᱮᱱ ᱮᱱᱟ᱾[᱒]
ᱩᱱᱤ ᱫᱚ ᱯᱩᱱᱭᱟ ᱠᱚᱲᱟ ᱜᱤᱫᱽᱨᱟᱹ ᱟᱨ ᱯᱮᱭᱟ ᱠᱩᱲᱤ ᱜᱤᱫᱽᱨᱟᱹ ᱨᱮᱱ ᱟᱭᱳᱭ ᱛᱟᱦᱮᱸ ᱠᱟᱱᱟ: ᱠᱚᱲᱟ ᱜᱤᱫᱽᱨᱟᱹ ᱨᱟᱡᱮᱱᱫᱽᱨᱚ ᱱᱟᱨᱟᱭᱚᱱ (ᱡᱟ.᱑᱘᱘᱒), ᱡᱤᱛᱮᱱᱫᱽᱨᱚ ᱱᱟᱨᱟᱭᱚᱱ (ᱡᱟ.᱑᱘᱘᱖), ᱵᱷᱤᱠᱴᱚᱨ ᱱᱤᱛᱭᱮᱸᱫᱽᱨᱚ ᱱᱟᱨᱟᱭᱚᱱ (ᱡᱟ.᱑᱘᱘᱘), ᱟᱨ ᱦᱤᱛᱮᱱᱫᱽᱨᱚ ᱱᱟᱨᱟᱭᱚᱱ (ᱡᱟ.᱑᱘᱙᱐), ᱟᱨ ᱠᱩᱲᱤ ᱜᱤᱫᱽᱨᱟᱹ ᱥᱩᱠᱨᱤᱛᱤ ᱫᱮᱵᱤ (ᱡᱟ.᱑᱘᱘᱔), ᱯᱨᱚᱛᱤᱵᱷᱟ ᱫᱮᱵᱤ (ᱡᱟ.᱑᱘᱙᱑) ᱟᱨ ᱥᱩᱫᱷᱤᱨᱟ ᱫᱮᱵᱤ (ᱡᱟ.᱑᱘᱙᱔)᱾
ᱟᱡ ᱨᱮᱱ ᱦᱚᱯᱚᱱ ᱮᱨᱟ ᱥᱩᱫᱷᱤᱨᱟ ᱟᱨ ᱯᱨᱚᱛᱤᱵᱷᱟ ᱫᱚ ᱤᱝᱞᱮᱸᱰ ᱨᱮ ᱣᱟᱭᱤᱴᱣᱤᱠ ᱢᱮᱱᱳᱨ ᱨᱮᱱ ᱟᱞᱟᱱ ᱟᱨ ᱢᱟᱭᱤᱞᱥ ᱢᱮᱱᱰᱚᱨ ᱨᱮᱱ ᱵᱟᱨᱭᱟ ᱵᱚᱭᱦᱟ ᱥᱟᱶ ᱠᱤᱱ ᱵᱟᱯᱞᱟ ᱮᱱᱟ᱾ ᱢᱮᱱᱳᱨ ᱫᱚ ᱡᱟᱹᱛᱤᱭᱟᱹᱨᱤ ᱴᱨᱟᱥᱴ ᱨᱮᱱᱟᱜ ᱦᱟᱹᱴᱤᱧ ᱠᱟᱱᱟ ᱟᱨ ᱫᱟᱬᱟᱱ ᱞᱟᱹᱜᱤᱫ ᱡᱷᱤᱡ ᱜᱮᱭᱟ᱾ ᱥᱩᱠᱨᱤᱛᱤ ᱫᱮᱵᱤ ᱫᱚ ᱥᱣᱟᱨᱱᱟᱠᱩᱢᱟᱨᱤ ᱫᱮᱵᱤ (ᱨᱚᱵᱤᱱᱫᱽᱨᱚᱱᱟᱛᱷ ᱴᱮᱜᱳᱨ ᱨᱮᱱ ᱢᱤᱥᱤ) ᱟᱨ ᱡᱟᱱᱟᱠᱤ ᱱᱟᱛᱷ ᱜᱷᱳᱥᱟᱞ ᱨᱮᱱ ᱡᱚᱛᱚ ᱠᱷᱚᱱ ᱢᱟᱨᱟᱝ ᱦᱚᱯᱚᱱ ᱡᱭᱳᱛᱥᱱᱟ ᱱᱟᱛᱷ ᱜᱷᱳᱥᱟᱞ ᱥᱟᱶ ᱮ ᱵᱟᱯᱞᱟ ᱮᱱᱟ᱾ ᱥᱩᱱᱤᱛᱤ ᱫᱮᱵᱤ ᱨᱮᱱ ᱠᱚᱲᱟ ᱜᱤᱫᱽᱨᱟᱹ ᱠᱷᱚᱱ, ᱨᱟᱡᱮᱱᱫᱽᱨᱚ ᱱᱟᱨᱟᱭᱚᱱ ᱟᱨ ᱡᱤᱛᱮᱱᱫᱽᱨᱚ ᱱᱟᱨᱟᱭᱚᱱ ᱛᱟᱭᱚᱢ ᱛᱮ ᱠᱩᱪ ᱵᱮᱦᱟᱨ ᱨᱮᱱ ᱢᱚᱦᱟᱨᱟᱡᱟ ᱠᱤᱱ ᱵᱮᱱᱟᱣ ᱮᱱᱟ᱾ ᱜᱟᱭᱟᱛᱨᱤ ᱫᱮᱵᱤ ᱟᱨ ᱤᱞᱟ ᱫᱮᱵᱤ ᱫᱚ ᱟᱡ ᱦᱚᱯᱚᱱ ᱡᱤᱛᱮᱱᱫᱽᱨᱚ ᱱᱟᱨᱟᱭᱚᱱ ᱵᱷᱩᱯ ᱵᱟᱦᱟᱫᱩᱨ ᱨᱮᱱ ᱦᱚᱯᱚᱱ ᱮᱨᱟ ᱠᱤᱱ ᱛᱟᱦᱮᱸ ᱠᱟᱱᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱘᱘᱗ ᱨᱮ, ᱟᱡ ᱡᱩᱨᱤ ᱱᱤᱯᱮᱱᱫᱽᱨᱚ ᱱᱟᱨᱟᱭᱚᱱ ᱫᱚ GCIE ᱮ ᱧᱟᱢ ᱠᱮᱫᱟ ᱟᱨ ᱩᱱᱤ ᱫᱚ CIE ᱮ ᱧᱟᱢ ᱠᱮᱫᱟ᱾ ᱥᱩᱱᱤᱛᱤ ᱫᱮᱵᱤ ᱫᱚ CIE ᱧᱟᱢ ᱟᱠᱟᱫ ᱯᱩᱭᱞᱩ ᱵᱷᱟᱨᱚᱛᱤᱭᱟᱹ ᱛᱤᱨᱞᱟᱹᱭ ᱵᱮᱱᱟᱣ ᱮᱱᱟ᱾ ᱩᱱᱤ ᱫᱚ ᱑᱘᱙᱘ ᱨᱮ ᱨᱟᱱᱤ ᱵᱷᱤᱠᱴᱳᱨᱤᱭᱟ ᱟᱜ ᱰᱟᱭᱢᱚᱸᱰ ᱡᱩᱵᱞᱤ ᱥᱟᱶᱛᱮ ᱑᱙᱑᱑ ᱨᱮ ᱫᱤᱞᱞᱤ ᱫᱩᱨᱵᱟᱨ ᱨᱮ ᱟᱡ ᱡᱩᱨᱤ ᱠᱩᱪ ᱵᱮᱦᱟᱨ ᱨᱮᱱ ᱢᱚᱦᱟᱨᱟᱡᱟ ᱥᱟᱶᱛᱮ ᱥᱮᱞᱮᱫ ᱞᱮᱱᱟ᱾ ᱩᱱᱤ ᱫᱚ ᱟᱡ ᱢᱤᱥᱤ, ᱥᱩᱪᱟᱨᱩ ᱫᱮᱵᱤ ᱥᱟᱶ ᱩᱱᱠᱩᱣᱟᱜ ᱥᱚᱨᱮᱥ ᱯᱚᱥᱟᱠ ᱞᱟᱹᱜᱤᱫ ᱠᱤᱱ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱱᱟ᱾
ᱟᱡ ᱡᱩᱨᱤ ᱫᱚ ᱩᱱᱤᱭᱟᱜ ᱧᱩᱛᱩᱢ ᱨᱮ ᱑᱘᱘᱑ ᱨᱮ ᱠᱩᱲᱤ ᱠᱚᱣᱟᱜ ᱟᱥᱲᱟᱭ ᱛᱷᱟᱯᱚᱱ ᱠᱮᱫᱟ ᱡᱟᱦᱟᱸ ᱫᱚ ᱛᱟᱭᱚᱢ ᱛᱮ ᱥᱩᱱᱤᱛᱤ ᱮᱠᱟᱰᱮᱢᱤ ᱧᱩᱛᱩᱢ ᱛᱮ ᱵᱟᱰᱟᱭ ᱮᱱᱟ᱾ ᱥᱩᱱᱤᱛᱤ ᱫᱮᱵᱤ ᱫᱚ ᱟᱥᱲᱟ ᱛᱷᱟᱯᱚᱱ ᱯᱟᱹᱪᱷᱞᱟᱹ ᱨᱮᱱᱟᱜ ᱫᱤᱢᱟᱜᱽ ᱛᱟᱦᱮᱸ ᱠᱟᱱᱟ᱾[᱓][᱔]
ᱩᱱᱤ ᱫᱚ ᱢᱤᱫ ᱥᱮᱪᱮᱫᱤᱭᱟᱹ ᱟᱨ ᱢᱤᱫ ᱛᱤᱨᱞᱟᱹ ᱨᱟᱭ ᱮᱠᱴᱤᱵᱷᱤᱥᱴ ᱠᱟᱱᱟᱭ ᱦᱚᱲᱢᱚ ᱠᱷᱚᱱ, ᱱᱚᱣᱟ ᱤᱱᱥᱴᱤᱴᱭᱩᱥᱚᱱ ᱞᱟᱹᱜᱤᱫ ᱥᱮᱨᱢᱟᱠᱤᱭᱟᱹ ᱜᱨᱟᱱᱴ ᱮ ᱮᱢ ᱮᱫ ᱛᱟᱦᱮᱸᱱᱟ, ᱠᱩᱲᱤ ᱯᱟᱹᱴᱷᱩᱣᱟᱹ ᱠᱚ ᱴᱭᱩᱥᱚᱱ ᱯᱷᱤᱥ ᱮᱢ ᱠᱷᱚᱱ ᱦᱚᱸᱭ ᱯᱷᱩᱨᱜᱟᱹᱞ ᱠᱚ ᱮᱫ ᱛᱟᱦᱮᱸᱱᱟ ᱟᱨ ᱩᱱᱤ ᱫᱚ ᱥᱟᱠᱥᱮᱥ ᱯᱟᱹᱴᱷᱩᱣᱟᱹ ᱠᱚ ᱦᱚᱸᱭ ᱥᱤᱨᱯᱷᱟᱹ ᱠᱚ ᱮᱢᱟ ᱠᱚ ᱠᱟᱱ ᱛᱟᱦᱮᱸᱱᱟ᱾ ᱩᱱᱤ ᱫᱚ ᱚᱲᱟᱜ ᱠᱷᱚᱱ ᱟᱥᱲᱟ ᱟᱨ ᱨᱩᱣᱟᱹᱲ ᱛᱮ ᱠᱩᱲᱤ ᱯᱟᱹᱴᱷᱩᱣᱟᱹ ᱠᱚ ᱟᱹᱜᱩ ᱤᱫᱤ ᱞᱟᱹᱜᱤᱫ ᱨᱟᱡᱽᱢᱚᱦᱚᱞ ᱜᱟᱹᱰᱤ ᱨᱮᱱᱟᱜ ᱥᱟᱯᱲᱟᱣ ᱦᱚᱸᱭ ᱫᱚᱦᱚ ᱮᱫ ᱛᱟᱦᱮᱸᱱᱟ᱾ ᱡᱟᱦᱟᱸ ᱜᱮ ᱵᱤᱵᱟᱹᱫ ᱵᱟᱧᱪᱟᱣ ᱞᱟᱹᱜᱤᱫ ᱩᱱᱤ ᱫᱚ ᱟᱫᱮᱥ ᱮ ᱮᱢ ᱠᱮᱫᱟ ᱡᱮ ᱜᱟᱹᱰᱤ ᱨᱮᱱᱟᱜ ᱡᱷᱟᱨᱠᱟ ᱫᱚ ᱛᱤᱨᱯᱟᱹᱞ ᱛᱮ ᱮᱥᱮᱫ ᱡᱟᱹᱨᱩᱨᱟ᱾
ᱩᱱᱤ ᱫᱚ ᱟᱡ ᱢᱤᱥᱤ ᱥᱩᱪᱟᱨᱩ ᱫᱮᱵᱤ (ᱢᱚᱭᱩᱨᱵᱷᱚᱸᱡᱽ ᱨᱮᱱ ᱢᱚᱦᱟᱨᱟᱱᱤ) ᱥᱟᱶ ᱑᱙᱐᱘ ᱨᱮ ᱫᱟᱨᱡᱤᱞᱤᱝ ᱨᱮ ᱢᱚᱦᱟᱨᱟᱱᱤ ᱜᱟᱨᱞᱥ ᱦᱟᱭ ᱥᱠᱩᱞ ᱛᱷᱟᱯᱚᱱ ᱨᱮ ᱯᱟᱭᱥᱟ ᱦᱚᱸ ᱮ ᱮᱢ ᱠᱮᱫᱟ᱾ ᱩᱱᱤ ᱫᱚ ᱯᱚᱱᱚᱛ ᱯᱚᱨᱤᱥᱚᱫᱽ ᱨᱮᱱ ᱯᱟᱨᱥᱮᱛ ᱦᱚᱸᱭ ᱛᱟᱦᱮᱸ ᱠᱟᱱᱟ ᱟᱨ ᱑᱙᱓᱒ ᱨᱮ ᱟᱞ ᱵᱮᱝᱜᱚᱞ ᱣᱤᱢᱮᱱᱥ ᱭᱩᱱᱤᱭᱚᱱ ᱨᱮᱱ ᱦᱚᱸ ᱯᱩᱭᱞᱩ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟ ᱟᱨ ᱵᱮᱝᱜᱚᱞ ᱨᱮᱱ ᱮᱴᱟᱜ ᱛᱤᱨᱞᱟᱹ ᱨᱟᱭ ᱮᱠᱴᱤᱵᱷᱤᱥᱴ ᱠᱚ ᱥᱟᱶᱛᱮ ᱦᱚᱸᱭ ᱠᱟᱹᱢᱤ ᱞᱮᱫᱟ ᱡᱮᱞᱮᱠᱟ ᱪᱟᱨᱩᱞᱚᱛᱟ ᱢᱩᱠᱷᱚᱨᱡᱤ, ᱥᱟᱨᱚᱡᱽ ᱱᱟᱞᱤᱱᱤ ᱫᱟᱛ, ᱴᱤ. ᱟᱨ ᱱᱮᱞᱞᱤ ᱟᱨ ᱟᱡ ᱢᱤᱥᱤ ᱥᱩᱪᱟᱨᱩ ᱫᱮᱵᱤ᱾[᱕]
ᱩᱱᱤ ᱫᱚ ᱢᱤᱫ ᱯᱩᱛᱷᱤ "ᱫᱟ ᱵᱭᱩᱴᱤᱯᱷᱩᱞ ᱢᱳᱜᱚᱞ ᱯᱨᱤᱱᱥᱮᱥᱮᱥ" ᱦᱚᱸᱭ ᱚᱞ ᱠᱮᱫᱟ, ᱡᱟᱦᱟᱸ ᱫᱚ ᱑᱙᱑᱘ ᱨᱮ ᱣᱤ. ᱴᱷᱟᱠᱟᱨ ᱮᱸᱰ ᱠᱳ. ᱒ ᱠᱨᱤᱰ ᱞᱮᱱ, ᱞᱩᱰᱜᱮᱴ ᱦᱤᱞ, ᱞᱚᱱᱰᱚᱱ ᱦᱚᱛᱮᱛᱮ ᱯᱟᱵᱽᱞᱤᱥ ᱦᱩᱭ ᱞᱮᱱᱟ᱾ ᱱᱚᱣᱟ ᱯᱩᱛᱷᱤ ᱨᱮ ᱢᱳᱜᱚᱞ ᱨᱟᱡᱽᱠᱩᱢᱟᱨᱤ ᱢᱩᱢᱛᱟᱡᱽ ᱢᱚᱦᱚᱞ, ᱨᱮᱵᱟ, ᱡᱮᱵᱩᱱᱤᱥᱟ ᱟᱨ ᱱᱩᱨ ᱡᱟᱦᱟᱱ ᱨᱮᱱᱟᱜ ᱟᱹᱰᱤ ᱜᱟᱹᱦᱤᱨ ᱡᱤᱭᱚᱱ ᱠᱟᱹᱦᱱᱤ ᱥᱮᱞᱮᱫ ᱢᱮᱱᱟᱜᱼᱟ᱾ ᱩᱱᱤ ᱫᱚ ᱢᱤᱫ ᱥᱚᱨᱴ ᱥᱴᱳᱨᱤ ᱠᱚᱞᱮᱠᱥᱚᱱ, "ᱵᱮᱝᱜᱚᱞ ᱰᱟᱠᱳᱭᱤᱴᱥ ᱮᱸᱰ ᱴᱟᱭᱤᱜᱟᱨᱥ" ᱦᱚᱸᱭ ᱚᱞ ᱠᱮᱫᱟ, ᱡᱟᱦᱟᱸ ᱫᱚ ᱑᱙᱑᱖ ᱨᱮ ᱛᱷᱟᱠᱟᱨ, ᱥᱯᱤᱸᱠ ᱟᱨ ᱠᱚᱢᱯᱟᱹᱱᱤ, ᱠᱚᱞᱠᱟᱛᱟ ᱦᱚᱛᱮᱛᱮ ᱯᱟᱵᱽᱞᱤᱥ ᱦᱩᱭ ᱞᱮᱱᱟ᱾ ᱟᱡᱟᱜ ᱢᱩᱪᱟᱹᱫ ᱯᱟᱵᱽᱞᱤᱠᱮᱥᱚᱱ ᱫᱚ "ᱫᱟ ᱞᱟᱭᱤᱯ ᱚᱯᱷ ᱯᱨᱤᱱᱥᱮᱥ ᱭᱟᱥᱳᱫᱷᱟᱨᱟ: ᱣᱟᱭᱤᱯᱷ ᱮᱸᱰ ᱰᱤᱥᱟᱭᱤᱯᱞ ᱚᱯᱷ ᱫᱟ ᱞᱳᱨᱰ ᱵᱩᱫᱷᱟ," ᱞᱚᱱᱰᱚᱱ: ᱮᱞᱠᱤᱱ ᱢᱮᱛᱷᱭᱩᱥ ᱮᱸᱰ ᱢᱟᱨᱳᱴ ᱞᱤᱢᱤᱴᱮᱰ, ᱑᱙᱒᱙ ᱛᱟᱦᱮᱸ ᱠᱟᱱᱟ; ᱱᱚᱣᱟ ᱛᱟᱭᱚᱢ ᱛᱮ ᱠᱮᱥᱤᱱᱡᱟᱨ ᱞᱮᱜᱟᱥᱤ ᱨᱤᱯᱨᱤᱸᱴᱥ (www.kessinger.net) ᱦᱚᱛᱮᱛᱮ ᱫᱚᱲᱦᱟ ᱛᱮ ᱪᱷᱟᱯᱟ ᱦᱩᱭ ᱮᱱᱟ᱾
ᱩᱱᱤ ᱫᱚ ᱥᱮᱨᱢᱟ ᱑᱙᱓᱒ ᱨᱮ ᱨᱟᱸᱪᱤ ᱨᱮ ᱜᱚᱴᱟ ᱜᱮᱭ ᱜᱩᱨ ᱮᱱᱟ᱾
ᱴᱟᱭᱴᱤᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱘᱘᱗ – ᱠᱨᱟᱣᱩᱱ ᱚᱯᱷ ᱤᱱᱰᱤᱭᱟ ᱨᱮᱱᱟᱜ ᱳᱨᱰᱚᱨ ᱨᱮᱱ ᱠᱚᱢᱯᱟᱹᱱᱤᱭᱟᱱ ᱟᱡ ᱡᱩᱨᱤ ᱱᱨᱤᱯᱮᱱᱫᱽᱨᱚ ᱱᱟᱨᱟᱭᱚᱱ ᱥᱟᱶ ᱨᱟᱱᱤ ᱵᱷᱤᱠᱴᱳᱨᱤᱭᱟ ᱨᱮᱱᱟᱜ ᱜᱳᱞᱰᱮᱱ ᱡᱩᱵᱞᱤ ᱥᱮᱞᱤᱵᱨᱮᱥᱚᱱ ᱨᱮ ᱥᱮᱞᱮᱫ ᱨᱮᱱᱟᱜ ᱟᱣᱥᱚᱨ ᱪᱮᱛᱟᱱ ᱨᱮ᱾
ᱞᱮᱜᱟᱥᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱥᱲᱟ ᱥᱩᱱᱤᱛᱤ ᱮᱠᱟᱰᱮᱢᱤ, ᱥᱩᱱᱤᱛᱤ ᱨᱳᱰ ᱟᱨ ᱢᱤᱫ ᱫᱟᱜ ᱡᱟᱭᱜᱟ ᱫᱟ "ᱥᱩᱱᱤᱛᱤ ᱴᱮᱸᱠ" (ᱵᱟᱤᱨᱟᱜᱤ ᱰᱤᱜᱷᱤ ᱢᱮᱱᱛᱮ ᱦᱚᱸ ᱵᱟᱰᱟᱭᱚᱜ ᱠᱟᱱᱟ) ᱱᱚᱣᱟ ᱡᱚᱛᱚ ᱟᱡ ᱟᱹᱛᱩ ᱠᱩᱪ ᱵᱮᱦᱟᱨ ᱨᱮ ᱢᱮᱱᱟᱜᱼᱟ ᱱᱚᱣᱟ ᱫᱚ ᱟᱡᱟᱜ ᱧᱩᱛᱩᱢ ᱛᱮ ᱢᱮᱱᱟᱜᱼᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Sitter: H.H. Maharani Sunity Devi". Lafayette Negative Archive.
- ↑ Kaye, Joyoti Devi (1979). Sucharu Devi, Maharani of Mayurbhanj:Title Nirmul and Profulla Sen a Biography. Writers Workshop. pp. 18, 24.
- ↑ Maharani Sunity Devi at geni.com
- ↑ Royal History: Book of Facts and Events, Ch. 5.
- ↑ "Hidden behind a modest restaurant, decades of worth", indiatogether.com 31 August 2010
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Suniti Devi ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- ᱪᱷᱟᱸᱪ:Gutenberg author
- ᱪᱷᱟᱸᱪ:Librivox author
- Sunity Devee (1921), The Autobiography of an Indian Princess, London: J. Murray, on the Internet Archive