ᱥᱩᱱᱤᱞ ᱪᱚᱱᱫᱽᱨᱚ ᱦᱟᱸᱥᱫᱟᱜ
| ᱥᱩᱱᱤᱞ ᱪᱚᱱᱫᱽᱨᱚ ᱦᱟᱸᱥᱫᱟᱜ | |
|---|---|
| ᱡᱟᱱᱟᱢ | ᱚᱜᱚᱥᱴ ᱑᱕, ᱑᱙᱗᱔ ᱞᱮᱣᱟᱜᱟᱲᱟ, ᱯᱩᱨᱩᱞᱤᱭᱟᱹ ᱡᱤᱞᱟᱹ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱵᱟᱦᱟᱱᱟ ᱧᱩᱛᱩᱢ | ᱢᱚᱝᱜᱚᱞ ᱫᱟᱫᱟ |
| ᱠᱟᱹᱢᱤ | ᱚᱱᱚᱞᱤᱭᱟᱹ, ᱜᱟᱭᱟᱱᱤᱭᱟᱹ, ᱛᱚᱨᱡᱚᱢᱟᱤᱭᱟᱹ |
| ᱯᱟᱹᱨᱥᱤ | ᱥᱟᱱᱛᱟᱲᱤ |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
| ᱚᱠᱛᱚ | ᱑᱙᱙᱐–ᱱᱤᱛ ᱦᱟᱹᱵᱤᱡ |
| ᱚᱱᱚᱞ ᱛᱷᱚᱠ | ᱜᱟᱭᱟᱱ, ᱚᱱᱚᱬᱦᱮ, ᱜᱟᱢᱟᱢ |
ᱥᱩᱱᱤᱞ ᱪᱚᱱᱫᱽᱨᱚ ᱦᱟᱸᱥᱫᱟᱜ (ᱡᱟᱱᱟᱢ: ᱑᱕ ᱟᱜᱚᱥᱴ ᱑᱙᱗᱔) ᱫᱚ ᱢᱤᱫ ᱧᱩᱛᱩᱢᱟᱱ ᱥᱟᱱᱛᱟᱲᱤ ᱡᱩᱣᱟᱹᱱ ᱚᱱᱚᱞᱤᱭᱟᱹ, ᱜᱟᱭᱟᱱᱤᱭᱟᱹ ᱟᱨ ᱛᱚᱨᱡᱚᱢᱟᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱫᱩᱱᱤᱭᱟᱹ ᱨᱮ ᱢᱚᱝᱜᱚᱞ ᱫᱟᱫᱟ ᱫᱟᱱᱟᱝ ᱧᱩᱛᱩᱢ (Pen name) ᱛᱮᱦᱚᱸ ᱟᱹᱰᱤ ᱜᱮ ᱩᱨᱩᱢ ᱢᱮᱱᱟᱜ ᱛᱟᱭᱟ ᱾
ᱡᱟᱱᱟᱢ ᱟᱨ ᱜᱷᱟᱨᱚᱸᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱩᱱᱤᱞ ᱪᱚᱱᱫᱽᱨᱚ ᱦᱟᱸᱥᱫᱟᱜ ᱫᱚ ᱑᱕ ᱟᱜᱚᱥᱴ ᱑᱙᱗᱔ ᱥᱟᱞ ᱨᱮ ᱯᱩᱨᱩᱞᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱵᱳᱨᱳ ᱛᱷᱟᱱᱟ ᱟᱹᱛᱩ ᱞᱮᱣᱟᱜᱟᱲᱟ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱡ ᱵᱟᱵᱟ ᱦᱟᱜ ᱧᱩᱛᱩᱢ ᱫᱚ ᱨᱟᱢᱮᱥᱥᱚᱨ ᱦᱟᱸᱥᱫᱟᱜ ᱟᱨ ᱟᱭᱳ ᱣᱟᱜ ᱧᱩᱛᱩᱢ ᱫᱚ ᱯᱤᱝᱠᱤ ᱦᱟᱸᱥᱫᱟᱜ ᱛᱟᱦᱮᱸ ᱠᱟᱱᱟ ᱾
ᱥᱟᱶᱦᱮᱫ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱟᱸᱥᱫᱟᱜ ᱜᱚᱢᱠᱮ ᱫᱚ ᱟᱡᱟᱜ ᱤᱥᱠᱩᱞ ᱡᱤᱭᱚᱱ ᱠᱷᱚᱱ ᱜᱮ ᱥᱟᱶᱦᱮᱫ ᱪᱟᱨᱪᱟ ᱨᱮ ᱜᱚᱲᱚᱡ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱠᱟᱹᱴᱤᱡ ᱜᱟᱭᱟᱱ ᱚᱞ ᱠᱷᱚᱱ ᱜᱮ ᱟᱡᱟᱜ ᱥᱟᱶᱦᱮᱫ ᱡᱤᱭᱚᱱ ᱮ ᱮᱛᱚᱦᱚᱵ ᱞᱮᱫᱟ ᱾ ᱩᱱᱤ ᱫᱚ ᱟᱭᱢᱟ ᱜᱟᱱ ᱠᱟᱹᱴᱤᱡ ᱟᱨ ᱞᱟᱹᱴᱩ ᱜᱟᱭᱟᱱ ᱠᱚᱭ ᱚᱞ ᱟᱠᱟᱫᱟ ᱾ ᱜᱟᱭᱟᱱ ᱚᱱᱚᱞᱤᱭᱟᱹ ᱞᱮᱠᱟᱛᱮ ᱩᱱᱤ ᱫᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱢᱤᱫ ᱵᱷᱮᱜᱟᱨ ᱩᱨᱩᱢ ᱮ ᱵᱮᱱᱟᱣ ᱟᱠᱟᱫᱟ ᱾
ᱟᱡᱟᱜ ᱚᱱᱚᱬᱦᱮ ᱟᱨ ᱠᱟᱹᱦᱱᱤ ᱠᱚᱫᱚ ᱵᱟᱹᱲᱛᱤ ᱠᱟᱭᱛᱮ "ᱢᱚᱝᱜᱚᱞ ᱫᱟᱫᱟ" ᱧᱩᱛᱩᱢ ᱛᱮ ᱵᱷᱮᱜᱟᱨ ᱵᱷᱮᱜᱟᱨ ᱯᱟᱛᱷᱟᱢ ᱠᱚᱨᱮ ᱩᱪᱷᱟᱹᱱ ᱟᱠᱟᱱᱟ ᱾ ᱩᱱᱤ ᱫᱚ ᱡᱮᱜᱮᱛ ᱜᱟᱹᱠᱷᱩᱲᱤᱭᱟᱹ ᱨᱚᱵᱤᱱᱫᱨᱚᱱᱟᱛᱷ ᱴᱷᱟᱠᱩᱨ ᱟᱜ "ᱜᱤᱛᱟᱧᱡᱚᱞᱤ" ᱥᱟᱱᱛᱟᱲᱤ ᱛᱮᱭ ᱛᱚᱨᱡᱚᱢᱟ ᱟᱠᱟᱫᱟ, ᱡᱟᱦᱟᱸ ᱫᱚ "ᱥᱮᱨᱮᱧ ᱟᱸᱡᱽᱞᱮ" ᱧᱩᱛᱩᱢ ᱛᱮ ᱩᱪᱷᱟᱹᱱ ᱟᱠᱟᱱᱟ ᱾
ᱧᱩᱛᱩᱢᱟᱱ ᱯᱩᱛᱷᱤ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱥᱮᱨᱮᱧ ᱟᱸᱡᱽᱞᱮ (ᱜᱤᱛᱟᱧᱡᱚᱞᱤ ᱨᱮᱭᱟᱜ ᱛᱚᱨᱡᱚᱢᱟ)
- ᱡᱤᱣᱮᱫ ᱵᱚᱸᱜᱟ (ᱜᱟᱢᱟᱢ ᱯᱩᱛᱷᱤ)