ᱥᱩᱱᱩᱢ
ᱥᱩᱱᱩᱢ ᱫᱚ ᱡᱟᱦᱟᱸ ᱜᱮ ᱢᱤᱫᱴᱟᱹᱝ ᱯᱚᱞᱟᱨ ᱵᱟᱝ ᱠᱟᱱ ᱨᱚᱥᱟᱭᱚᱱᱤᱠ ᱡᱤᱱᱤᱥ ᱠᱟᱱᱟ ᱡᱟᱦᱟᱸ ᱫᱚ ᱢᱩᱬ ᱨᱩᱯ ᱛᱮ ᱦᱟᱭᱰᱨᱚᱠᱟᱨᱵᱚᱱ ᱠᱷᱚᱱ ᱛᱮᱭᱟᱨ ᱟᱠᱟᱱᱟ ᱟᱨ ᱡᱟᱦᱟᱸ ᱫᱚ ᱦᱟᱭᱰᱨᱚᱯᱷᱚᱵᱤᱠ (ᱫᱟᱜ ᱥᱟᱶ ᱵᱟᱝ ᱢᱮᱥᱟᱜ ᱠᱟᱱᱟ) ᱟᱨ ᱞᱤᱯᱚᱯᱷᱤᱞᱤᱠ (ᱮᱴᱟᱜ ᱥᱩᱱᱩᱢ ᱥᱟᱶ ᱢᱮᱥᱟᱜ ᱠᱟᱱᱟ) ᱠᱟᱱᱟ ᱾ ᱥᱩᱱᱩᱢ ᱫᱚ ᱥᱟᱫᱷᱟᱨᱚᱬ ᱛᱮ ᱡᱩᱞᱩᱜᱼᱟᱱᱟᱜ (flammable) ᱟᱨ ᱥᱟᱨᱯᱷᱮᱥ ᱮᱠᱴᱤᱵᱷ (surface active) ᱜᱮᱭᱟ ᱾ ᱡᱟᱹᱥᱛᱤ ᱥᱩᱱᱩᱢ ᱫᱚ ᱵᱟᱝᱥᱟᱹᱱᱛᱤ ᱪᱩᱨᱵᱷᱤ (unsaturated lipids) ᱠᱟᱱᱟ ᱡᱟᱦᱟᱸ ᱫᱚ ᱜᱷᱟᱨᱚᱸᱡᱽ ᱨᱮᱱᱟᱜ ᱞᱚᱞᱚ (room temperature) ᱨᱮ ᱫᱟᱜ ᱜᱮ ᱛᱟᱦᱮᱱᱟ ᱾
ᱥᱩᱱᱩᱢ ᱨᱮᱱᱟᱜ ᱫᱤᱥᱣᱟᱹ ᱞᱟᱹᱱᱟᱹᱭ ᱫᱚ ᱨᱚᱥᱟᱭᱚᱱᱤᱠ ᱡᱚᱲᱟᱣ (chemical compounds) ᱨᱮᱱᱟᱜ ᱚᱱᱠᱟᱱ ᱜᱟᱫᱮᱞ ᱥᱮᱞᱮᱫ ᱟᱠᱟᱱᱟ ᱡᱟᱦᱟᱸ ᱫᱚ ᱜᱚᱲᱦᱚᱱ, ᱜᱩᱱ, ᱟᱨ ᱵᱮᱵᱷᱟᱨ ᱨᱮ ᱮᱴᱟᱜ ᱞᱮᱠᱟ ᱦᱚᱸ ᱦᱩᱭ ᱫᱟᱲᱮᱭᱟᱜᱼᱟ ᱾ ᱥᱩᱱᱩᱢ ᱫᱚ ᱡᱟᱱᱣᱟᱨ, ᱱᱟᱲᱤ ᱥᱮ ᱯᱮᱴᱨᱚᱨᱚᱥᱟᱭᱚᱱᱤᱠ (petrochemical) ᱠᱷᱚᱱ ᱦᱚᱸ ᱦᱩᱭ ᱫᱟᱲᱮᱭᱟᱜᱼᱟ, ᱟᱨ ᱚᱱᱟ ᱫᱚ ᱩᱰᱟᱹᱣᱜ ᱜᱩᱱ ᱥᱮ ᱵᱟᱝ ᱩᱰᱟᱹᱣᱜ ᱜᱩᱱ ᱦᱚᱸ ᱦᱩᱭ ᱫᱟᱲᱮᱭᱟᱜᱼᱟ᱾[᱑] ᱱᱚᱣᱟ ᱠᱚ ᱫᱚ ᱡᱚᱢ ᱡᱤᱱᱤᱥ (ᱡᱮᱢᱚᱱ: ᱚᱞᱤᱵᱽ ᱥᱩᱱᱩᱢ), ᱡᱩᱞᱩᱜᱟᱜ (ᱡᱮᱢᱚᱱ: ᱜᱷᱟᱨᱚᱸᱡᱽ ᱡᱩᱞ ᱥᱩᱱᱩᱢ), ᱳᱥᱟᱫ ᱠᱟᱹᱢᱤ (ᱡᱮᱢᱚᱱ: ᱢᱤᱱᱮᱨᱟᱞ ᱥᱩᱱᱩᱢ), ᱪᱤᱠᱟᱹᱬ ᱠᱟᱹᱢᱤ (ᱡᱮᱢᱚᱱ: ᱢᱚᱴᱚᱨ ᱥᱩᱱᱩᱢ), ᱟᱨ ᱜᱟᱞᱮ ᱜᱟᱱ ᱨᱚᱠᱚᱢ ᱨᱮᱱᱟᱜ ᱨᱚᱝ (paint), ᱯᱞᱟᱥᱴᱤᱠ, ᱟᱨ ᱮᱴᱟᱜ ᱡᱤᱱᱤᱥ ᱛᱮᱭᱟᱨ ᱨᱮ ᱵᱮᱵᱷᱟᱨᱚᱜ ᱠᱟᱱᱟ ᱾ ᱢᱟᱱᱣᱟ ᱥᱟᱶᱛᱟ ᱨᱮᱱᱟᱜ ᱜᱟᱞᱮ ᱜᱟᱱ ᱥᱮᱨᱢᱟ ᱟᱨ ᱨᱤᱛᱤᱼᱨᱤᱣᱟᱡᱽ ᱨᱮ ᱵᱤᱥᱮᱥ ᱛᱮᱭᱟᱨ ᱟᱠᱟᱱ ᱥᱩᱱᱩᱢ ᱫᱚ ᱥᱟᱯᱷᱟ ᱠᱟᱹᱢᱤ ᱞᱮᱠᱟᱛᱮ ᱵᱮᱵᱷᱟᱨᱚᱜ ᱠᱟᱱᱟ᱾
ᱟᱹᱰᱷᱮᱞ (Etymology)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱤᱝᱞᱤᱥ ᱨᱮ ᱯᱟᱦᱤᱞ ᱑᱑᱗᱖ ᱥᱟᱞ ᱨᱮ ᱧᱮᱞ ᱟᱠᱟᱱᱟ, 'ᱥᱩᱱᱩᱢ' (oil) ᱥᱟᱵᱽᱫᱚ ᱫᱚ ᱢᱟᱨᱮᱱ ᱯᱷᱨᱮᱸᱪ oile ᱠᱷᱚᱱ ᱦᱮᱡ ᱟᱠᱟᱱᱟ, ᱚᱱᱟ ᱫᱚ ᱞᱟᱴᱤᱱ oleum [᱒] ᱠᱷᱚᱱ, ᱡᱟᱦᱟᱸ ᱫᱚ ᱟᱨᱦᱚᱸ ᱜᱽᱨᱤᱠ ἔλαιον (elaion), "ᱚᱞᱤᱵᱽ ᱥᱩᱱᱩᱢ, ᱥᱩᱱᱩᱢ" [᱓] ᱠᱷᱚᱱ ᱟᱨ ᱚᱱᱟ ᱫᱚ ἐλαία (elaia), "ᱚᱞᱤᱵᱽ ᱫᱟᱨᱮ", "ᱚᱞᱤᱵᱽ ᱡᱚ" [᱔][᱕] ᱠᱷᱚᱱ ᱦᱮᱡ ᱟᱠᱟᱱᱟ᱾ ᱱᱚᱣᱟ ᱟᱹᱲᱟᱹ ᱨᱮᱱᱟᱜ ᱯᱟᱹᱦᱤᱞ ᱧᱮᱞ ᱟᱠᱟᱱ ᱨᱩᱯ ᱫᱚ ᱢᱟᱭᱥᱤᱱᱤᱭᱟᱱ ᱜᱽᱨᱤᱠ 𐀁𐀨𐀺, e-ra-wo ᱟᱨ 𐀁𐁉𐀺, e-rai-wo ᱠᱟᱱᱟ, ᱡᱟᱦᱟᱸ ᱫᱚ ᱞᱤᱱᱤᱭᱟᱨ ᱵᱤ (Linear B) ᱚᱞ ᱞᱮᱠᱟᱛᱮ ᱚᱞ ᱟᱠᱟᱱᱟ᱾ [᱖]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "oil". Oxford English Dictionary (3rd ed.). Oxford University Press. September 2005. (Subscription or UK public library membership required.)
- ↑ ἔλαιον. Liddell, Henry George; Scott, Robert; A Greek–English Lexicon at the Perseus Project.
- ↑ ἔλαιον. Liddell, Henry George; Scott, Robert; A Greek–English Lexicon at the Perseus Project.
- ↑ ἐλαία in Liddell and Scott.
- ↑ Harper, Douglas. "oil". Online Etymology Dictionary.
- ↑ "The Linear B word e-ra-wo". Palaeolexicon. Word study tool of ancient languages. "e-ra3-wo". Archived from the original on 2016-03-21. Retrieved 2014-03-22. Raymoure, K.A. "e-ra-wo". Minoan Linear A & Mycenaean Linear B. Deaditerranean. Archived from the original on 2016-03-20. Retrieved 2014-03-22.
<ref> tag defined in <references> has no name attribute.