ᱥᱩᱵᱷᱟᱝᱜᱤ ᱠᱩᱞᱠᱚᱨᱱᱤ
ᱥᱩᱵᱷᱟᱝᱜᱤ ᱠᱩᱞᱠᱚᱨᱱᱤ (ᱡᱟᱱᱟᱢ ᱑᱙ ᱡᱩᱞᱟᱭ ᱑᱙᱕᱙) ᱫᱚ ᱢᱤᱫ ᱢᱟᱨᱮ ᱵᱷᱟᱨᱚᱛᱤᱭᱚ ᱠᱨᱤᱠᱮᱴ ᱠᱷᱮᱞᱚᱸᱰᱤᱭᱟᱹ ᱟᱨ ᱜᱮᱢ ᱨᱮᱱ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱥᱟᱠᱥᱮᱥᱯᱷᱩᱞ ᱮᱰᱢᱤᱱᱤᱥᱴᱨᱮᱴᱟᱨ ᱠᱷᱚᱱ ᱢᱤᱫ ᱦᱚᱲ ᱠᱟᱱᱟᱭ᱾ ᱩᱱᱤ ᱫᱚ ᱑᱙᱘᱕ ᱨᱮ ᱵᱷᱟᱨᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱪᱮᱛᱟᱱ ᱥᱯᱳᱨᱴᱤᱝ ᱚᱱᱚᱨ ᱚᱨᱡᱩᱱᱟ ᱟᱣᱟᱨᱰ ᱮ ᱧᱟᱢ ᱠᱮᱫᱟ᱾ ᱩᱱᱤ ᱫᱚ ᱳᱣᱤᱢᱮᱱᱥ ᱠᱨᱤᱠᱮᱴ ᱮᱥᱳᱥᱤᱭᱮᱥᱚᱱ ᱚᱯᱷ ᱤᱱᱰᱤᱭᱟ (ᱰᱟᱵᱽᱞᱩᱥᱤᱮᱟᱭᱤ) ᱨᱮᱱ ᱥᱮᱠᱨᱮᱴᱟᱨᱤ ᱮ ᱛᱟᱦᱮᱸ ᱠᱟᱱᱟ ᱡᱚᱠᱷᱚᱱ ᱒᱐᱐᱖ ᱨᱮ ᱰᱟᱵᱽᱞᱩᱥᱤᱮᱟᱭᱤ ᱫᱚ ᱵᱤᱥᱤᱥᱤᱟᱭᱤ ᱨᱮ ᱢᱚᱨᱡ ᱦᱩᱭ ᱮᱱᱟ᱾
ᱩᱱᱤ ᱫᱚ ᱢᱤᱫ ᱞᱮᱜᱽ-ᱥᱯᱤᱱᱟᱨ ᱟᱨ ᱢᱤᱫ ᱞᱟᱵᱽ ᱟᱣᱩᱴ-ᱳᱰᱟᱨ ᱵᱮᱴᱟᱨ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱳᱣᱤᱢᱮᱱᱥ ᱫᱤᱥᱚᱢ ᱵᱷᱤᱛᱨᱤ ᱠᱨᱤᱠᱮᱴ ᱨᱮ ᱢᱚᱦᱟᱨᱟᱥᱴᱨᱚ ᱛᱤᱨᱞᱟᱹ ᱠᱨᱤᱠᱮᱴ ᱴᱤᱢ ᱨᱮ ᱨᱮᱯᱨᱮᱡᱮᱱᱴ ᱠᱮᱫᱮᱭᱟ ᱟᱨ ᱑᱙᱗᱖ ᱨᱮ ᱣᱮᱥᱴ ᱤᱱᱰᱤᱡᱽ ᱛᱤᱨᱞᱟᱹ ᱠᱨᱤᱠᱮᱴ ᱴᱤᱢ ᱵᱤᱨᱩᱫᱷ ᱨᱮ ᱵᱷᱟᱨᱚᱛ ᱛᱤᱨᱞᱟᱹ ᱠᱨᱤᱠᱮᱴ ᱴᱤᱢ ᱨᱮᱱᱟᱜ ᱯᱩᱭᱞᱩ ᱛᱤᱨᱞᱟᱹ ᱠᱨᱤᱠᱮᱴ ᱥᱤᱨᱤᱡᱽ ᱨᱮ ᱟᱡᱟᱜ ᱡᱮᱡᱟᱹᱛᱤᱭᱟᱹᱨᱤ ᱮᱛᱚᱦᱚᱵ ᱮ ᱠᱚᱨᱟᱣ ᱠᱮᱫᱟ᱾ ᱩᱱᱤ ᱫᱚ ᱯᱩᱭᱞᱩ ᱤᱱᱤᱝᱥ ᱨᱮ ᱕-ᱣᱤᱠᱮᱴ ᱮ ᱦᱟᱛᱟᱣ ᱠᱮᱫᱟ, ᱟᱨ ᱱᱚᱣᱟ ᱯᱷᱤᱴ ᱫᱚ ᱩᱱᱤ ᱟᱡᱟᱜ ᱠᱮᱨᱤᱭᱚᱨ ᱨᱮ ᱠᱷᱮᱞ ᱞᱮᱫ ᱑᱙ ᱴᱮᱥᱴ ᱨᱮ ᱔ ᱫᱷᱟᱣ ᱫᱟᱦᱨᱟᱣ ᱠᱮᱫᱟ᱾
ᱥᱩᱵᱷᱟᱸᱜᱤ ᱠᱩᱞᱠᱚᱨᱱᱤ ᱕ ᱡᱮᱡᱟᱹᱛᱤᱭᱟᱹᱨᱤ ᱴᱩᱨ ᱨᱮ ᱒᱗ ᱳᱰᱤᱟᱭᱤ ᱨᱮᱭ ᱠᱷᱮᱞ ᱟᱠᱟᱫᱟ:
- ᱑᱙᱗᱘ ᱣᱤᱢᱮᱱᱥ ᱠᱨᱤᱠᱮᱴ ᱣᱟᱨᱞᱰ ᱠᱟᱯ (᱒ ᱢᱮᱪ)
- ᱑᱙᱘᱒ ᱣᱤᱢᱮᱱᱥ ᱠᱨᱤᱠᱮᱴ ᱣᱟᱨᱞᱰ ᱠᱟᱯ (᱑᱒ ᱢᱮᱪ)
- ᱑᱙᱘᱓/᱘᱔ ᱵᱷᱟᱨᱚᱛ ᱨᱮ ᱚᱥᱴᱨᱮᱞᱤᱭᱟ ᱛᱤᱨᱞᱟᱹ (᱔ ᱢᱮᱪ)
- ᱑᱙᱘᱔/᱘᱕ ᱵᱷᱟᱨᱚᱛ ᱨᱮ ᱱᱤᱭᱩᱡᱤᱞᱮᱱᱰ ᱛᱤᱨᱞᱟᱹ (᱖ ᱢᱮᱪ)
- ᱑᱙᱘᱖ ᱤᱝᱞᱮᱱᱰ ᱨᱮ ᱵᱷᱟᱨᱚᱛ ᱛᱤᱨᱞᱟᱹ (᱓ ᱢᱮᱪ)
- ᱠᱩᱞᱠᱚᱨᱱᱤ ᱫᱚ ᱤᱝᱞᱮᱱᱰ ᱵᱤᱨᱩᱫᱷ ᱨᱮ ᱢᱤᱫᱴᱟᱝ (ᱢᱤᱫ ᱤᱝᱞᱮᱱᱰ ᱵᱤᱨᱩᱫᱷ ᱨᱮ ᱟᱨ ᱵᱟᱨᱭᱟ ᱚᱥᱴᱨᱮᱞᱤᱭᱟ ᱵᱤᱨᱩᱫᱷ ᱨᱮ) ᱓ ᱴᱮᱥᱴ ᱢᱮᱪ ᱟᱨ ᱤᱝᱞᱮᱱᱰ ᱵᱤᱨᱩᱫᱷ ᱨᱮ ᱢᱤᱫ ᱳᱰᱤᱟᱭᱤ ᱢᱮᱪ ᱨᱮ ᱵᱷᱟᱨᱚᱛ ᱮ ᱠᱟᱯᱴᱮᱱ ᱞᱮᱫᱟ᱾
᱑᱙᱙᱑ ᱨᱮ ᱴᱮᱥᱴ ᱠᱨᱤᱠᱮᱴ ᱠᱷᱚᱱ ᱨᱤᱴᱟᱭᱟᱨ ᱛᱟᱭᱚᱢ, ᱩᱱᱤ ᱫᱚ ᱢᱤᱫ ᱠᱨᱤᱠᱮᱴ ᱮᱰᱢᱤᱱᱤᱥᱴᱨᱮᱴᱟᱨ ᱮ ᱵᱮᱱᱟᱣ ᱮᱱᱟ ᱟᱨ ᱩᱱᱤ ᱫᱚ ᱰᱟᱵᱽᱞᱩᱥᱤᱮᱟᱭᱤ ᱨᱮᱱ ᱥᱮᱠᱨᱮᱴᱟᱨᱤ ᱮ ᱛᱟᱦᱮᱸ ᱠᱟᱱᱟ ᱡᱚᱠᱷᱚᱱ ᱒᱐᱐᱖ ᱨᱮ ᱰᱟᱵᱽᱞᱩᱥᱤᱮᱟᱭᱤ ᱫᱚ ᱵᱤᱥᱤᱥᱤᱟᱭᱤ ᱨᱮ ᱢᱚᱨᱡ ᱦᱩᱭ ᱮᱱᱟ᱾ ᱱᱤᱛᱚᱜ, ᱩᱱᱤ ᱫᱚ ᱮᱥᱤᱭᱟᱱ ᱠᱨᱤᱠᱮᱴ ᱠᱟᱣᱩᱱᱥᱤᱞ ᱨᱮᱱ ᱨᱮᱯᱨᱮᱡᱮᱱᱴ ᱠᱟᱛᱮ ᱟᱭᱤᱥᱤᱥᱤ ᱣᱤᱢᱮᱱᱥ ᱠᱨᱤᱠᱮᱴ ᱠᱚᱢᱤᱴᱤ ᱨᱮᱱ ᱦᱟᱹᱴᱤᱧ ᱠᱟᱱᱟᱭ᱾