ᱥᱩᱵᱷᱟ ᱠᱷᱚᱴᱮ
| ᱥᱩᱵᱷᱟ ᱵᱟᱞᱥᱟᱵᱷᱟᱨ | |
|---|---|
 ᱠᱷᱚᱴᱮ ᱟᱭᱤ ᱴᱤ ᱮ ᱥᱤᱨᱯᱟᱹ ᱒᱐᱑᱐ ᱨᱮ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱮᱠᱴᱨᱮᱥ |
| ᱧᱩᱢᱱᱟᱢ | ᱯᱷᱤᱞᱢ & ᱛᱷᱤᱭᱮᱴᱟᱨ |
| ᱡᱤᱭᱚᱱ ᱥᱚᱦᱮᱫ | D.M. Balsavar (m. 1960; died 2024) |
| ᱦᱚᱯᱚᱱ | 2 (including Bhavana Balsavar) |
| ᱜᱷᱟᱨᱚᱸᱡᱽ | ᱫᱩᱨᱜᱟᱹ ᱠᱷᱚᱴᱮ (aunt) ᱣᱤᱡᱩ ᱠᱷᱚᱴᱮ (brother) |
ᱥᱩᱵᱷᱟ ᱵᱟᱞᱥᱟᱵᱷᱟᱨ (ᱡᱟᱱᱟᱢ ᱠᱷᱚᱴᱮ) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱯᱷᱤᱞᱢ ᱟᱨ ᱴᱮᱞᱤᱵᱷᱤᱡᱚᱱ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱟᱹᱰᱤ ᱜᱟᱱ ᱦᱤᱱᱫᱤ-ᱯᱟᱹᱨᱥᱤ ᱟᱨ ᱠᱤᱪᱷᱩ ᱢᱟᱨᱟᱴᱷᱤ-ᱯᱟᱹᱨᱥᱤ ᱯᱷᱤᱞᱢ ᱨᱮ ᱠᱟᱹᱢᱤ ᱟᱠᱟᱫᱟᱭ᱾ ᱩᱱᱤ ᱫᱚ ᱯᱟᱭᱨᱟ ᱟᱨ ᱥᱟᱭᱠᱮᱞ ᱪᱟᱞᱟᱣ ᱨᱮ ᱢᱟᱨᱮ ᱛᱤᱨᱞᱟᱹ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱ ᱦᱚᱸ ᱠᱟᱱᱟᱭ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱩᱵᱷᱟ ᱠᱷᱚᱴᱮ ᱫᱚ ᱢᱤᱫ ᱢᱟᱨᱟᱴᱷᱤ-ᱠᱚᱸᱠᱟᱬᱤ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ, ᱩᱱᱤ ᱫᱚ ᱧᱩᱛᱩᱢᱟᱱ ᱢᱟᱨᱟᱴᱷᱤ ᱛᱷᱤᱭᱮᱴᱟᱨ ᱯᱟᱨᱥᱚᱱᱟᱞᱤᱴᱤ ᱱᱟᱱᱫᱩ ᱠᱷᱚᱴᱮ ᱨᱮᱱ ᱠᱩᱲᱤ ᱠᱟᱱᱟᱭ ᱟᱨ ᱟᱡᱤᱡ ᱮᱨᱟ ᱫᱚ ᱠᱚᱨᱱᱟᱴᱚᱠ ᱨᱮᱱᱟᱜ ᱢᱟᱝᱜᱟᱞᱳᱨ ᱨᱮᱱ ᱠᱚᱸᱠᱟᱬᱤ ᱛᱤᱨᱞᱟᱹ ᱛᱟᱦᱮᱸ ᱠᱟᱱᱟᱭ᱾ ᱮᱠᱴᱚᱨ ᱵᱤᱡᱩ ᱠᱷᱚᱴᱮ ᱫᱚ ᱩᱱᱤ ᱨᱮᱱ ᱦᱩᱰᱤᱧ ᱵᱚᱭᱦᱟᱭ ᱛᱟᱦᱮᱸ ᱠᱟᱱᱟ᱾[᱑] ᱢᱟᱨᱮ ᱮᱠᱴᱨᱮᱥ ᱫᱩᱨᱜᱟ ᱠᱷᱚᱴᱮ ᱫᱚ ᱥᱩᱵᱷᱟ ᱟᱜ ᱵᱟᱵᱟ ᱨᱮᱱ ᱵᱚᱭᱦᱟ ᱨᱮᱱ ᱮᱨᱟᱭ ᱛᱟᱦᱮᱸ ᱠᱟᱱᱟ᱾ ᱥᱩᱵᱷᱟ ᱨᱮᱱ ᱟᱭᱳ ᱛᱮᱫ ᱟᱭᱳ ᱵᱟᱵᱟ ᱫᱚ ᱱᱟᱭᱟᱢᱯᱟᱞᱞᱤ ᱦᱚᱸ ᱢᱤᱫ ᱮᱠᱴᱚᱨ ᱮ ᱛᱟᱦᱮᱸ ᱠᱟᱱᱟ᱾
ᱥᱩᱵᱷᱟ ᱠᱷᱚᱴᱮ ᱫᱚ ᱥᱮᱸᱴ ᱛᱮᱨᱮᱥᱟ'ᱥ ᱦᱟᱭ ᱥᱠᱩᱞ, ᱪᱟᱨᱱᱤ ᱨᱳᱰ ᱟᱨ ᱥᱮᱸᱴ ᱠᱳᱞᱚᱢᱵᱟ ᱥᱠᱩᱞ (ᱜᱟᱢᱫᱮᱵᱤ) ᱨᱮᱭ ᱯᱟᱲᱦᱟᱣ ᱞᱮᱫᱟ᱾ ᱠᱩᱲᱤ ᱜᱤᱫᱽᱨᱟᱹ ᱞᱮᱠᱟᱛᱮ, ᱩᱱᱤ ᱫᱚ ᱯᱟᱭᱨᱟ ᱟᱨ ᱥᱟᱭᱠᱮᱞ ᱪᱟᱞᱟᱣ ᱨᱮᱭ ᱱᱟᱯᱟᱭ ᱛᱟᱦᱮᱸ ᱠᱟᱱᱟ, ᱟᱨ ᱢᱤᱫ ᱚᱠᱛᱚ ᱨᱮ ᱡᱚᱠᱷᱚᱱ ᱟᱹᱰᱤ ᱠᱚᱢ ᱛᱤᱨᱞᱟᱹ ᱦᱚᱸ ᱱᱚᱝᱠᱟᱱ ᱠᱷᱮᱞ ᱠᱚᱨᱮ ᱠᱚ ᱦᱤᱡᱩᱜ ᱠᱟᱱ ᱛᱟᱦᱮᱸᱱ, ᱩᱱ ᱫᱚ ᱩᱱᱤ ᱯᱮᱭᱟ ᱥᱮᱨᱢᱟ ᱑᱙᱕᱒-᱕᱕ ᱦᱟᱹᱵᱤᱡ ᱯᱟᱭᱨᱟ ᱟᱨ ᱥᱟᱭᱠᱮᱞ ᱪᱟᱞᱟᱣ ᱨᱮ ᱛᱤᱨᱞᱟᱹ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱ ᱮ ᱛᱟᱦᱮᱸ ᱠᱟᱱᱟ᱾ ᱥᱠᱩᱞ ᱯᱩᱨᱟᱹᱣ ᱠᱟᱛᱮ, ᱩᱱᱤ ᱫᱚ ᱣᱤᱞᱥᱚᱱ ᱠᱚᱞᱮᱡᱽ ᱠᱷᱚᱱ ᱤᱝᱞᱤᱥ ᱞᱤᱴᱮᱨᱮᱪᱚᱨ ᱨᱮ ᱜᱨᱮᱡᱩᱭᱮᱴ ᱞᱮᱱᱟᱭ᱾
ᱥᱩᱵᱷᱟ ᱫᱚ ᱰᱤ. ᱮᱢ. ᱵᱟᱞᱥᱟᱵᱷᱟᱨ ᱥᱟᱶ ᱵᱟᱯᱞᱟ ᱟᱠᱟᱱᱟ, ᱡᱟᱦᱟᱸᱭ ᱫᱚ (ᱥᱩᱵᱷᱟ ᱟᱭᱳ ᱞᱮᱠᱟᱜᱮ) ᱢᱟᱝᱜᱟᱞᱳᱨ ᱨᱮᱱ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱱᱳᱥᱤᱞ ᱨᱮ ᱢᱟᱨᱠᱮᱴᱤᱝ ᱨᱮᱱ ᱵᱷᱟᱭᱤᱥ ᱯᱨᱮᱥᱤᱰᱮᱱᱴ ᱮ ᱛᱟᱦᱮᱸ ᱠᱟᱱᱟ, ᱢᱤᱫ ᱢᱩᱬ ᱵᱷᱟᱨᱚᱛᱤᱭᱚ ᱠᱚᱨᱯᱳᱨᱮᱴ᱾ ᱩᱱᱤ ᱫᱚ ᱢᱟᱨᱟᱴᱷᱤ ᱢᱩᱵᱷᱤ ᱪᱤᱢᱩᱠᱞᱟ ᱯᱟᱦᱩᱱᱟ (᱑᱙᱖᱘) ᱨᱮ ᱢᱤᱫ ᱠᱮᱢᱤᱭᱳ ᱨᱮ ᱧᱮᱞ ᱞᱮᱱᱟᱭ, ᱡᱟᱦᱟᱸ ᱫᱚ ᱩᱱᱤ ᱯᱨᱚᱰᱭᱩᱥ ᱟᱨ ᱰᱟᱭᱨᱮᱠᱴ ᱞᱮᱫᱟ᱾[᱒] ᱩᱱᱠᱩ ᱨᱮᱱ ᱠᱩᱲᱤ ᱜᱤᱫᱽᱨᱟᱹ ᱵᱷᱟᱵᱟᱱᱟ ᱵᱟᱞᱥᱟᱵᱷᱟᱨ ᱦᱚᱸ ᱢᱤᱫ ᱴᱤᱵᱷᱤ ᱮᱠᱴᱨᱮᱥ ᱠᱟᱱᱟᱭ᱾[᱓]
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ].jpg)
ᱩᱱᱤ ᱫᱚ ᱔ ᱵᱚᱪᱷᱚᱨ ᱩᱢᱮᱨ ᱨᱮ ᱜᱤᱫᱽᱨᱟᱹ ᱮᱠᱴᱚᱨ ᱞᱮᱠᱟᱛᱮ ᱟᱡᱟᱜ ᱥᱴᱮᱡᱽ ᱰᱮᱵᱩᱴ ᱮ ᱵᱮᱱᱟᱣ ᱞᱮᱫᱟ, ᱟᱨ ᱥᱤᱢᱟ (᱑᱙᱕᱕) ᱨᱮ ᱯᱩᱛᱞᱤ ᱞᱮᱠᱟᱛᱮ ᱯᱷᱤᱞᱢ ᱰᱮᱵᱩᱴ ᱮ ᱵᱮᱱᱟᱣ ᱞᱮᱫᱟ᱾ ᱟᱡᱟᱜ ᱱᱟᱯᱟᱭ ᱥᱟᱭᱠᱮᱞ ᱪᱟᱞᱟᱣ ᱩᱱᱤ ᱟᱹᱰᱤ ᱥᱟᱹᱜᱤᱧ ᱵᱟᱰᱟᱭ ᱞᱮᱫᱮᱭᱟ, ᱟᱨ ᱥᱤᱢᱟ ᱨᱮᱱᱟᱜ ᱴᱤᱢ ᱟᱡ ᱠᱟᱥᱴ ᱞᱟᱹᱜᱤᱫ ᱮ ᱦᱟᱛᱟᱣ ᱞᱮᱫᱮᱭᱟ᱾ ᱩᱱ ᱠᱷᱚᱱᱟᱜ ᱜᱮ, ᱩᱱᱤ ᱦᱤᱱᱫᱤ ᱟᱨ ᱢᱟᱨᱟᱴᱷᱤ ᱢᱩᱵᱷᱤ, ᱥᱴᱮᱡᱽ ᱥᱳ, ᱟᱨ ᱴᱤᱵᱷᱤ ᱥᱤᱨᱤᱭᱟᱞ ᱨᱮ ᱟᱹᱰᱤ ᱥᱟᱹᱜᱤᱧ ᱮ ᱮᱠᱴᱤᱝ ᱟᱠᱟᱫᱟ᱾ ᱩᱱᱤ ᱫᱚ ᱵᱟᱹᱲᱛᱤ ᱠᱟᱛᱮ ᱢᱮᱦᱢᱩᱫᱽ ᱥᱟᱢᱟᱝ ᱨᱮ ᱮᱠᱴᱤᱝ ᱟᱠᱟᱫᱟ ᱟᱨ ᱱᱩᱠᱤᱱ ᱡᱩᱨᱤ ᱫᱚ ᱥᱟᱥᱩᱨᱟᱞ, ᱵᱷᱟᱨᱳᱥᱟ, ᱡᱤᱫᱤ, ᱪᱷᱳᱴᱤ ᱵᱮᱦᱮᱱ, ᱥᱟᱸᱡᱷ ᱟᱣᱨ ᱥᱟᱵᱮᱨᱟ, ᱞᱚᱵᱷ ᱤᱱ ᱴᱳᱠᱤᱭᱳ, ᱜᱨᱟᱦᱟᱥᱛᱷᱤ, ᱦᱚᱢᱨᱟᱦᱤ ᱟᱨ ᱵᱮᱴᱤ ᱵᱮᱴᱮ ᱨᱮ ᱦᱤᱴ ᱮᱱᱟᱭ᱾ ᱩᱱᱤ ᱫᱚ ᱯᱮᱭᱤᱝ ᱜᱮᱥᱴ ᱟᱨ ᱮᱠ ᱫᱩᱩᱡᱮ ᱠᱮ ᱞᱤᱭᱮ ᱨᱮ ᱱᱮᱜᱮᱴᱤᱵᱷ ᱨᱳᱞ ᱦᱚᱸᱭ ᱠᱷᱮᱞ ᱟᱠᱟᱫᱟ᱾ ᱑᱙᱖᱒ ᱨᱮ, ᱩᱱᱤ ᱜᱷᱟᱨᱟᱱᱟ ᱟᱨ ᱥᱟᱥᱩᱨᱟᱞ ᱞᱟᱹᱜᱤᱫ ᱯᱷᱤᱞᱢᱯᱷᱮᱭᱟᱨ ᱥᱤᱨᱯᱷᱟᱹ ᱯᱷᱳᱨ ᱵᱮᱥᱴ ᱥᱚᱯᱚᱨᱴᱤᱝ ᱮᱠᱴᱨᱮᱥ ᱞᱟᱹᱜᱤᱫ ᱵᱟᱨᱭᱟ ᱱᱳᱢᱤᱱᱮᱥᱚᱱ ᱮ ᱧᱟᱢ ᱞᱮᱫᱟ, ᱢᱮᱱᱠᱷᱟᱱ ᱩᱱᱤ ᱫᱚ ᱱᱤᱨᱩᱯᱟ ᱨᱳᱭ ᱴᱷᱮᱱ ᱥᱤᱨᱯᱷᱟᱹᱭ ᱦᱟᱨᱟᱣ ᱮᱱᱟ᱾
ᱩᱱᱤ ᱫᱚ ᱦᱮᱨᱟ ᱯᱷᱮᱨᱤ, ᱦᱚᱢ ᱫᱳᱱᱳ, ᱵᱮᱪᱮᱞᱚᱨ'ᱥ ᱣᱟᱭᱤᱯᱷ ᱟᱨ ᱞᱮᱴᱥ ᱰᱩ ᱤᱴ (᱒᱐᱐᱐) ᱞᱮᱠᱟᱱ ᱠᱚᱢᱮᱰᱤ ᱯᱞᱮᱭ ᱰᱟᱭᱨᱮᱠᱴ ᱟᱠᱟᱫᱟ᱾ ᱟᱡᱟᱜ ᱦᱳᱢ ᱯᱨᱳᱰᱟᱠᱥᱚᱱ ᱵᱮᱪᱮᱞᱚᱨ'ᱥ ᱣᱟᱭᱤᱵᱷ (ᱢᱟᱨᱟᱴᱷᱤ ᱯᱞᱮ ᱜᱷᱳᱞᱟᱴ ᱜᱷᱳᱞ ᱠᱷᱚᱱ ᱟᱰᱟᱯᱴ ᱟᱠᱟᱱ) ᱢᱩᱢᱵᱟᱭ ᱟᱨ ᱟᱣᱨᱟᱝᱜᱟᱵᱟᱫᱽ ᱨᱮ ᱔᱐ ᱠᱷᱚᱱ ᱵᱟᱹᱲᱛᱤ ᱯᱟᱨᱯᱷᱚᱨᱢᱮᱱᱥ ᱦᱩᱭ ᱞᱮᱱᱟ᱾[᱔][᱕] ᱟᱡᱟᱜ ᱴᱤᱵᱷᱤ ᱥᱳ ᱡᱟᱵᱟᱱ ᱥᱟᱢᱵᱷᱟᱞᱠᱮ (ᱢᱟᱭᱤᱱᱰ ᱭᱳᱨ ᱞᱮᱝᱜᱣᱮᱡ ᱥᱤᱨᱤᱡ ᱪᱮᱛᱟᱱ ᱨᱮ ᱵᱮᱥ ᱛᱟᱦᱮᱸ ᱠᱟᱱ) ᱢᱤᱫ ᱢᱩᱬ ᱦᱤᱴ ᱛᱟᱦᱮᱸ ᱠᱟᱱᱟ᱾[᱖] ᱩᱱᱤ ᱫᱚ ᱡᱤ ᱢᱟᱨᱟᱴᱷᱤ ᱨᱮ ᱢᱟᱨᱟᱴᱷᱤ ᱴᱮᱞᱤᱥᱤᱨᱤᱭᱟᱞ ᱮᱠᱟ ᱞᱟᱜᱽᱱᱟᱪᱤ ᱛᱤᱥᱨᱤ ᱜᱳᱥᱴᱟ ᱨᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱟ᱾[᱗]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Rakhi Special: Bollywood's best brother-sister duo
- ↑ "Shubha Khote – Memories". cineplot.com. Retrieved 2016-08-12.
- ↑ Shobha Khote with daughter Bhavna Balsaver during 'SAB Ke Anokhe Awards' The Times of India, 26 June 2012.
- ↑ "Inside Out". The Indian Express. 30 March 2000. Retrieved 7 February 2012.
- ↑ "For theatre buffs". The Hindu. 15 April 2002. Archived from the original on 30 May 2004. Retrieved 7 February 2013.
- ↑ Pretty Funny! by V Gangadhar. Rediff.com, 5 October 1997.
- ↑ "Shubha Khote to make a comeback with Lage Raho Chachu - Times of India". The Times of India. 10 April 2015. Retrieved 2020-11-05.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱥᱩᱵᱷᱟ ᱠᱷᱚᱴᱮ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
