ᱥᱭᱟᱢᱟ (ᱮᱠᱴᱨᱮᱥ)
ᱥᱭᱟᱢᱟ (ᱡᱟᱱᱟᱢ ᱧᱩᱛᱩᱢ ᱠᱷᱩᱨᱥᱤᱫ ᱟᱠᱛᱟᱨ; ᱗ ᱡᱩᱱ ᱑᱙᱓᱕ – ᱑᱔ ᱱᱚᱵᱷᱮᱢᱵᱚᱨ ᱒᱐᱑᱗) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱦᱤᱱᱫᱤ ᱯᱷᱤᱞᱢ ᱨᱮ ᱧᱮᱞ ᱟᱠᱟᱱᱟᱭ᱾ ᱩᱱᱤ ᱫᱚ ᱑᱙᱔᱕ ᱟᱨ ᱑᱙᱘᱙ ᱛᱟᱞᱟ ᱨᱮ ᱠᱟᱹᱢᱤ ᱠᱮᱫᱟ, ᱟᱨ ᱩᱱᱤ ᱫᱚ ᱟᱹᱰᱤ ᱱᱟᱯᱟᱭ ᱛᱮ ᱟᱨ ᱯᱟᱨ (᱑᱙᱕᱔ ᱯᱷᱤᱞᱢ) ᱟᱨ ᱵᱟᱨᱥᱟᱛ ᱠᱤ ᱨᱟᱛ (᱑᱙᱖᱐ ᱯᱷᱤᱞᱢ) ᱨᱮ ᱟᱡᱟᱜ ᱨᱚᱞ ᱠᱷᱟᱹᱛᱤᱨ ᱵᱟᱰᱟᱭᱚᱜᱼᱟ᱾
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱷᱩᱨᱥᱤᱫ ᱟᱠᱛᱟᱨ ᱞᱮᱠᱟᱛᱮ ᱞᱟᱦᱚᱨ, ᱯᱟᱧᱡᱟᱵᱽ ᱵᱨᱤᱴᱤᱥ ᱤᱱᱰᱤᱭᱟ ᱨᱮ ᱗ ᱡᱩᱱ ᱑᱙᱓᱕ ᱨᱮ ᱢᱤᱫ ᱢᱩᱥᱞᱤᱢ ᱟᱨᱟᱭᱤᱱ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ, ᱥᱭᱟᱢᱟ ᱫᱚ ᱑᱙᱔᱐ ᱨᱮ ᱞᱟᱦᱚᱨ ᱠᱷᱚᱱ ᱢᱩᱢᱵᱟᱭ ᱪᱟᱞᱟᱣ ᱮᱱᱟᱭ᱾ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱞᱮᱠᱟᱛᱮ, ᱩᱱᱤ ᱫᱚ ᱱᱩᱨ ᱡᱟᱦᱟᱸ ᱟᱡ ᱡᱟᱶᱟᱭ ᱥᱚᱣᱠᱟᱛ ᱦᱩᱥᱮᱱ ᱨᱤᱡᱽᱵᱷᱤ ᱟᱜ ᱡᱤᱱᱟᱛ (᱑᱙᱔᱕ ᱯᱷᱤᱞᱢ) ᱟᱨ ᱢᱤᱨᱟᱵᱟᱭ (᱑᱙᱔᱗) ᱞᱮᱠᱟᱱ ᱠᱤᱪᱷᱩ ᱯᱷᱤᱞᱢ ᱨᱮ ᱠᱟᱹᱢᱤ ᱠᱮᱫᱟ᱾ ᱩᱱᱤ ᱫᱚ ᱥᱟᱢᱢᱤ ᱠᱟᱯᱩᱨ ᱥᱟᱶᱛᱮ ᱨᱚᱢᱟᱱᱴᱤᱠ ᱠᱞᱟᱥᱤᱠ ᱢᱤᱨᱡᱟ ᱥᱟᱦᱤᱵᱟᱱ (᱑᱙᱕᱗) ᱨᱮ ᱠᱟᱹᱢᱤ ᱠᱮᱫᱟ᱾
ᱰᱤᱨᱮᱠᱴᱚᱨ ᱵᱤᱡᱚᱭ ᱵᱷᱟᱴᱴ ᱩᱱᱤ ᱫᱚ ᱥᱴᱮᱡᱽ ᱧᱩᱛᱩᱢ ᱥᱭᱟᱢᱟ ᱮᱢᱟᱫᱮᱭᱟ, ᱡᱟᱦᱟᱸ ᱫᱚ ᱟᱡᱟᱜ ᱢᱩᱵᱷᱤ ᱨᱮ ᱠᱨᱮᱰᱤᱴ ᱦᱩᱭᱩᱜᱼᱟ᱾ ᱩᱱᱤ ᱫᱚ ᱜᱩᱨᱩ ᱫᱚᱛᱛ ᱟᱜ ᱠᱞᱟᱥᱤᱠ ᱟᱨ ᱯᱟᱨ (᱑᱙᱕᱔ ᱯᱷᱤᱞᱢ) ᱨᱮ ᱥᱴᱟᱨᱤᱝ ᱨᱚᱞ ᱠᱚ ᱛᱟᱦᱮᱸ ᱠᱟᱱᱟ, ᱟᱨ ᱛᱟᱭᱚᱢ ᱛᱮ ᱵᱟᱨᱥᱟᱛ ᱠᱤ ᱨᱟᱛ (᱑᱙᱖᱐ ᱯᱷᱤᱞᱢ) ᱨᱮ, ᱡᱟᱦᱟᱸ ᱫᱚ ᱥᱚᱢᱵᱷᱚᱵᱚᱛ ᱩᱱᱤᱭᱟᱜ ᱱᱟᱯᱟᱭ ᱯᱟᱨᱯᱷᱚᱨᱢᱟᱱᱥ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱑᱙᱕᱐ ᱟᱨ ᱑᱙᱖᱐ ᱨᱮ ᱢᱤᱫ ᱢᱩᱬᱩᱛ ᱥᱴᱟᱨ ᱛᱟᱦᱮᱸ ᱠᱟᱱᱟᱭ ᱟᱨ ᱑᱕᱐ ᱠᱷᱚᱱ ᱵᱟᱹᱲᱛᱤ ᱢᱩᱵᱷᱤ ᱨᱮ ᱠᱟᱹᱢᱤ ᱠᱮᱫᱟ, ᱟᱹᱰᱤ ᱜᱟᱱ ᱫᱚ ᱥᱴᱟᱨᱤᱝ ᱨᱚᱞ ᱨᱮ᱾ ᱑᱙᱕᱒ – ᱖᱐ ᱚᱠᱛᱚ ᱨᱮ, ᱩᱱᱤ ᱫᱚ ᱘᱐ ᱜᱚᱴᱟᱝ ᱯᱷᱤᱞᱢ ᱨᱮ ᱧᱮᱞ ᱮᱱᱟᱭ, ᱡᱟᱹᱥᱛᱤ ᱫᱚ ᱞᱤᱰᱤᱝ ᱨᱚᱞ ᱨᱮ᱾
ᱟᱣᱟᱨᱰ ᱟᱨ ᱨᱮᱠᱚᱜᱽᱱᱤᱥᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤᱭᱟᱜ ᱱᱟᱯᱟᱭ ᱵᱟᱰᱟᱭ ᱠᱟᱱ ᱨᱚᱞ ᱫᱚ ᱟᱨ ᱯᱟᱨ (᱑᱙᱕᱔), ᱵᱟᱨᱥᱟᱛ ᱠᱤ ᱨᱟᱛ (᱑᱙᱖᱐) ᱟᱨ ᱛᱟᱨᱟᱱᱟ ᱨᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱢᱤᱞᱟᱱ, ᱵᱷᱟᱭ-ᱵᱷᱟᱭ (᱑᱙᱕᱖), ᱢᱤᱨᱡᱟ ᱥᱟᱦᱤᱵᱟᱱ (᱑᱙᱕᱗), ᱵᱷᱟᱵᱷᱤ (᱑᱙᱕᱗) ᱟᱨ ᱥᱟᱨᱟᱫᱟ (᱑᱙᱕᱗) ᱨᱮ ᱟᱡᱟᱜ ᱯᱟᱨᱯᱷᱚᱨᱢᱟᱱᱥ ᱛᱟᱞᱟ ᱛᱮ ᱟᱡᱟᱜ ᱵᱷᱟᱹᱜᱤ ᱜᱩᱱ ᱠᱷᱟᱹᱛᱤᱨ ᱦᱚᱸ ᱵᱟᱰᱟᱭ ᱧᱟᱢ ᱠᱮᱫᱟ᱾ ᱥᱟᱨᱟᱫᱟ ᱨᱮ ᱟᱡᱟᱜ ᱯᱟᱨᱯᱷᱚᱨᱢᱟᱱᱥ ᱞᱟᱹᱜᱤᱫ, ᱩᱱᱤ ᱫᱚ ᱵᱮᱥᱴ ᱥᱚᱯᱚᱨᱴᱤᱝ ᱮᱠᱴᱨᱮᱥ ᱞᱟᱹᱜᱤᱫ ᱯᱷᱤᱞᱢᱯᱷᱮᱭᱟᱨ ᱟᱣᱟᱨᱰ ᱮ ᱧᱟᱢ ᱠᱮᱫᱟ᱾
ᱩᱱᱤ ᱫᱚ ᱕᱐ ᱜᱮᱞᱟᱝ ᱨᱮᱱ ᱛᱟᱭᱚᱢ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱥᱮᱨᱮᱧ ᱰᱤᱨᱮᱠᱴᱚᱨ ᱟᱨ ᱚᱱᱚᱬᱦᱤᱭᱟᱹ ᱠᱚᱣᱟᱜ ᱨᱤᱫᱟᱢ ᱟᱨ ᱞᱤᱨᱤᱠᱥ ᱨᱮ ᱟᱹᱰᱤ ᱜᱮ ᱨᱟᱹᱥᱠᱟᱹ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱪᱮᱛᱟᱱ ᱨᱮ ᱯᱤᱠᱪᱟᱨ ᱠᱟᱛᱮ ᱥᱮᱨᱮᱧ ᱠᱚ ᱡᱮᱞᱮᱠᱟ "ᱮ ᱫᱤᱞ ᱢᱩᱡᱷᱮ ᱵᱟᱛᱟ ᱫᱮ", "ᱳ ᱪᱟᱸᱫᱽ ᱡᱟᱦᱟᱸ ᱣᱳ ᱡᱟᱭᱮ", "ᱮ ᱞᱳ ᱢᱮᱱ ᱦᱟᱨᱤ ᱯᱤᱭᱟ", "ᱫᱮᱠᱷᱳ, ᱣᱳ ᱪᱟᱸᱫᱽ ᱪᱷᱩᱯ ᱠᱮ ᱠᱟᱨᱛᱟ ᱦᱟᱭ ᱠᱭᱟ ᱤᱥᱟᱨᱮ", "ᱪᱷᱩᱯᱟ ᱠᱟᱨ ᱢᱮᱨᱤ ᱟᱸᱠᱷᱚᱱ ᱠᱳ", "ᱥᱩᱱ ᱥᱩᱱ ᱥᱩᱱ ᱥᱩᱱ ᱡᱟᱞᱤᱢᱟ" ᱟᱨ "ᱡᱟ ᱨᱮ ᱠᱟ ᱨᱮ ᱵᱟᱫᱟᱨᱟ" ᱟᱡᱟᱜ ᱥᱮᱱᱥᱤᱴᱤᱵᱽ ᱮᱠᱴᱤᱝ ᱨᱮᱱᱟᱜ ᱩᱫᱟᱦᱚᱨᱚᱱ ᱠᱟᱱᱟ᱾ ᱩᱱᱤ ᱫᱚ ᱫᱳ ᱵᱟᱦᱮᱱ (᱑᱙᱕᱙) ᱨᱮ ᱰᱚᱵᱚᱞ ᱨᱚᱞ ᱠᱮᱫᱟ, ᱡᱟᱦᱟᱸ ᱨᱮ ᱡᱟᱣᱟᱸᱭ ᱠᱩᱲᱤ ᱠᱤᱱ ᱵᱟᱰᱟᱭ ᱠᱮᱫᱟ ᱡᱮ ᱩᱱᱠᱩᱣᱟᱜ ᱪᱟᱨᱟᱠᱴᱟᱨ ᱨᱮ ᱯᱩᱨᱟᱹ ᱵᱷᱮᱜᱟᱨ ᱜᱮᱭᱟ᱾
ᱩᱱᱤ ᱫᱚ ᱢᱤᱫ ᱤᱱᱴᱟᱨᱵᱷᱤᱭᱩ ᱨᱮ ᱢᱮᱱ ᱠᱮᱫᱟ: "ᱤᱧ ᱫᱚ ᱠᱟᱹᱢᱤ ᱵᱟᱵᱚᱛ ᱛᱮ ᱥᱮᱪᱮᱫ ᱦᱟᱛᱟᱣ ᱨᱮᱱᱟᱜ ᱫᱚᱨᱠᱟᱨ ᱵᱟᱹᱱᱩᱜ ᱛᱤᱧᱟ... ᱤᱧ ᱫᱚ ᱠᱚᱱᱯᱷᱤᱰᱮᱱᱴ ᱛᱟᱦᱮᱸ ᱠᱟᱱᱟ ᱟᱨ ᱟᱹᱰᱤ ᱵᱟᱹᱲᱛᱤ ᱵᱷᱟᱵᱱᱟ ᱨᱮᱱᱟᱜ ᱫᱚᱨᱠᱟᱨ ᱵᱟᱝ ᱛᱟᱦᱮᱸ ᱠᱟᱱ ᱛᱤᱧᱟ᱾" ᱩᱱᱤ ᱢᱮᱱ ᱠᱮᱫᱟ ᱡᱮ ᱥᱴᱟᱨ ᱠᱚ ᱡᱟᱱᱟᱢᱚᱜᱼᱟ ᱟᱨ ᱵᱟᱠᱚ ᱵᱮᱱᱟᱣᱜᱼᱟ᱾
ᱡᱚᱱᱤ ᱣᱟᱠᱟᱨ ᱟᱨ ᱥᱭᱟᱢᱟ ᱫᱚ ᱪᱷᱩ ᱢᱟᱱᱛᱟᱨ, ᱟᱨ ᱯᱟᱨ, ᱢᱩᱥᱟᱯᱷᱤᱨ ᱠᱷᱟᱱᱟ, ᱠᱷᱳᱛᱟ ᱯᱟᱭᱥᱟ ᱟᱨ ᱠᱷᱮᱞ ᱠᱷᱤᱞᱟᱨᱤ ᱠᱟ ᱞᱮᱠᱟᱱ ᱯᱷᱤᱞᱢ ᱨᱮ ᱠᱟᱹᱢᱤ ᱟᱠᱟᱫᱟ᱾
ᱛᱟᱭᱚᱢ ᱥᱮᱨᱢᱟ ᱨᱮ, ᱩᱱᱤᱭᱟᱜ ᱩᱭᱦᱟᱹᱨ ᱠᱟᱱ ᱨᱚᱞ ᱨᱟᱡᱮᱥ ᱠᱷᱟᱱᱱᱟ ᱟᱜ ᱢᱟᱥᱴᱟᱨᱡᱤ (᱑᱙᱘᱕) ᱟᱨ ᱟᱡᱟᱱᱟᱵᱤ (᱑᱙᱗᱔) ᱟᱨ ᱥᱟᱣᱟᱱ ᱵᱷᱟᱰᱚᱱ (᱑᱙᱗᱐) ᱟᱨ ᱫᱤᱞ ᱫᱤᱭᱟ ᱫᱟᱨᱫ ᱞᱤᱭᱟ (᱑᱙᱖᱖) ᱞᱮᱠᱟᱱ ᱯᱷᱤᱞᱢ ᱨᱮ ᱦᱮᱡ ᱮᱱᱟ᱾
ᱱᱤᱡᱮᱨᱟᱜ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱑᱙᱕᱓ ᱨᱮ ᱥᱤᱱᱮᱢᱟᱴᱚᱜᱨᱟᱯᱷᱟᱨ ᱯᱷᱟᱞᱤ ᱢᱤᱥᱛᱨᱤ ᱥᱟᱶ ᱮ ᱵᱟᱯᱞᱟ ᱮᱱᱟ᱾ ᱩᱱᱤᱭᱟᱜ ᱡᱟᱶᱟᱭ ᱫᱚ ᱵᱚᱢᱵᱮ, ᱤᱱᱰᱤᱭᱟ ᱨᱮᱱ ᱢᱤᱫ ᱯᱟᱨᱥᱤ (ᱡᱳᱨᱳᱟᱥᱴᱨᱤᱭᱟᱱ) ᱠᱟᱱᱟᱭ᱾ ᱩᱱᱠᱩ ᱫᱚ ᱟᱠᱚᱣᱟᱜ ᱵᱟᱯᱞᱟ ᱑᱐ ᱥᱮᱨᱢᱟ ᱦᱟᱹᱵᱤᱡ ᱠᱚ ᱫᱚᱦᱚ ᱠᱮᱫᱟ, ᱪᱮᱫᱟᱜ ᱥᱮ ᱥᱭᱟᱢᱟᱣᱟᱜ ᱠᱮᱨᱤᱭᱟᱨ ᱦᱟᱹᱱ ᱦᱩᱭ ᱫᱟᱲᱮᱭᱟᱜᱼᱟ ᱡᱩᱫᱤ ᱟᱡᱟᱜ ᱵᱟᱯᱞᱟ ᱵᱟᱰᱟᱭ ᱧᱟᱢᱚᱜᱼᱟ; ᱚᱱᱟ ᱫᱤᱱ ᱨᱮ ᱱᱚᱝᱠᱟ ᱠᱚ ᱢᱚᱱᱮᱭᱮᱫ ᱛᱟᱦᱮᱸᱫ ᱡᱮ ᱛᱤᱨᱞᱟᱹ ᱥᱴᱟᱨ ᱠᱚᱣᱟᱜ ᱯᱷᱮᱱ ᱯᱷᱚᱞᱳᱣᱤᱝ ᱩᱱᱠᱩ ᱵᱟᱯᱞᱟ ᱞᱮᱱ ᱠᱷᱟᱱ ᱜᱮ ᱠᱚᱢᱚᱜᱼᱟ᱾ ᱵᱟᱯᱞᱟ ᱫᱚ ᱟᱠᱚᱣᱟᱜ ᱯᱩᱭᱞᱩ ᱜᱤᱫᱽᱨᱟᱹ, ᱟᱠᱚᱣᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱠᱚᱲᱟ ᱜᱤᱫᱽᱨᱟᱹ ᱡᱟᱱᱟᱢᱚᱜ ᱢᱟᱲᱟᱝ ᱨᱮ ᱦᱚᱲ ᱠᱚ ᱴᱷᱮᱱ ᱥᱚᱫᱚᱨ ᱮᱱᱟ᱾ ᱚᱱᱟ ᱡᱩᱨᱤ ᱫᱚ ᱯᱮᱭᱟ ᱜᱤᱫᱽᱨᱟᱹ ᱠᱚ ᱛᱟᱦᱮᱸ ᱠᱟᱱᱟ, ᱵᱟᱨᱭᱟ ᱠᱚᱲᱟ ᱜᱤᱫᱽᱨᱟᱹ, ᱯᱷᱟᱨᱩᱠᱷ ᱟᱨ ᱨᱳᱦᱤᱱ, ᱟᱨ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱥᱤᱨᱨᱤᱱ᱾ ᱯᱷᱟᱞᱤ ᱢᱤᱥᱛᱨᱤ ᱫᱚ ᱑᱙᱗᱙ ᱨᱮ ᱜᱩᱨ ᱮᱱᱟ, ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱢᱩᱢᱵᱟᱭ ᱨᱮᱜᱮ ᱛᱟᱦᱮᱸ ᱮᱱᱟ᱾ ᱩᱱᱠᱩᱣᱟᱜ ᱵᱟᱯᱞᱟ ᱫᱚ ᱱᱟᱯᱟᱭ ᱛᱮ ᱠᱟᱹᱢᱤ ᱠᱮᱫᱟ ᱟᱨ ᱩᱱᱠᱩ ᱫᱚ ᱢᱤᱫ ᱥᱟᱶ ᱱᱟᱯᱟᱭ ᱛᱮ ᱠᱚ ᱛᱟᱦᱮᱸ ᱠᱟᱱᱟ᱾ ᱒᱐᱑᱓ ᱨᱮᱱᱟᱜ ᱤᱱᱴᱟᱨᱵᱷᱤᱭᱩ ᱨᱮ, ᱩᱱᱤ ᱢᱮᱱ ᱠᱮᱫᱟ, "ᱤᱧᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱫᱩᱨᱵᱚᱞᱛᱟ ᱫᱚ ᱡᱚᱛᱚ ᱡᱚᱠᱷᱚᱱ ᱯᱷᱟᱞᱤ ᱛᱟᱦᱮᱸ ᱠᱟᱱᱟ᱾"
ᱥᱭᱟᱢᱟ ᱨᱮᱱ ᱥᱩᱨ ᱜᱟᱛᱮ ᱫᱚ ᱮᱠᱴᱨᱮᱥ ᱟᱢᱤᱛᱟ ᱟᱨ ᱡᱚᱱᱤ ᱣᱟᱠᱟᱨ ᱠᱤᱱ ᱛᱟᱦᱮᱸ ᱠᱟᱱᱟ᱾ ᱡᱚᱱᱤ ᱣᱟᱠᱟᱨ ᱨᱮᱱ ᱠᱚᱲᱟ ᱜᱤᱫᱽᱨᱟᱹ ᱱᱟᱥᱤᱨ ᱠᱟᱡᱤ ᱩᱱᱤᱭᱟᱜ ᱜᱩᱨ ᱨᱮᱱᱟᱜ ᱠᱷᱚᱵᱚᱨ ᱟᱸᱡᱚᱢ ᱠᱟᱛᱮ ᱫᱩᱠᱷ ᱮ ᱥᱚᱫᱚᱨ ᱠᱮᱫᱟ᱾ ᱢᱤᱫ ᱤᱱᱴᱟᱨᱵᱷᱤᱭᱩ ᱢᱤᱰᱼᱰᱮ ᱥᱟᱶᱛᱮ, ᱩᱱᱤ ᱢᱮᱱ ᱠᱮᱫᱟ, "ᱥᱭᱟᱢᱟ ᱟᱱᱴᱤ ᱟᱜ ᱫᱟᱹᱦᱤ ᱵᱟᱰᱟᱭ ᱧᱟᱢ ᱠᱟᱛᱮ ᱟᱹᱰᱤ ᱫᱩᱠᱷ ᱵᱩᱡᱷᱟᱹᱣ ᱠᱟᱱᱟ᱾ ᱩᱱᱤ ᱫᱚ ᱟᱭᱢᱟ ᱯᱷᱤᱞᱢ ᱨᱮ ᱤᱧ ᱵᱟᱵᱟ ᱥᱟᱶ ᱠᱟᱹᱢᱤ ᱟᱠᱟᱫᱟ ᱟᱨ ᱟᱹᱰᱤ ᱜᱟᱱ ᱨᱮ ᱩᱱᱤ ᱥᱟᱶ ᱡᱩᱨᱤ ᱦᱚᱸ ᱛᱟᱦᱮᱸ ᱠᱟᱱᱟ᱾ ᱫᱟᱹᱨᱤ ᱦᱚᱛᱮᱛᱮ ᱛᱮᱭᱟᱨ ᱟᱠᱟᱱ ᱯᱷᱤᱞᱢ ᱨᱮ "ᱡᱚᱱᱤ ᱣᱟᱠᱟᱨ", ᱩᱱᱤ ᱫᱚ ᱩᱱᱤ ᱥᱟᱶ ᱦᱤᱨᱚᱭᱤᱱ ᱛᱟᱦᱮᱸ ᱠᱟᱱᱟᱭ᱾ ᱩᱱᱤ ᱨᱮᱱ ᱠᱚᱲᱟ ᱜᱤᱫᱽᱨᱟᱹ ᱯᱷᱟᱨᱩᱠᱷ ᱢᱤᱥᱛᱨᱤ ᱢᱤᱫ ᱥᱤᱱᱮᱢᱟᱴᱚᱜᱨᱟᱯᱷᱟᱨ ᱠᱟᱱᱟᱭ᱾ ᱯᱷᱟᱨᱩᱠᱷ ᱟᱜ ᱢᱟᱲᱟᱝ ᱯᱷᱤᱞᱢ ᱫᱚ ᱮᱱᱜᱨᱮᱡᱤ ᱢᱮᱱ ᱠᱟᱛᱮ ᱦᱤᱴ ᱮᱱᱟ ᱥᱮᱨᱢᱟ ᱒᱐᱑᱘ ᱨᱮ᱾
ᱜᱩᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱭᱟᱢᱟ ᱫᱚ ᱑᱔ ᱱᱚᱵᱷᱮᱢᱵᱚᱨ ᱒᱐᱑᱗ ᱨᱮ ᱘᱒ ᱵᱚᱪᱷᱚᱨ ᱩᱢᱮᱨ ᱨᱮ ᱞᱩᱝ ᱤᱱᱯᱷᱮᱠᱥᱟᱱ ᱠᱷᱟᱹᱛᱤᱨ ᱛᱮ ᱜᱩᱨ ᱮᱱᱟ᱾ ᱩᱱᱤ ᱫᱚ ᱵᱚᱰᱟᱠᱟᱵᱟᱨᱟᱥᱛᱟᱱ, ᱢᱮᱨᱤᱱ ᱞᱟᱭᱤᱱᱥ ᱨᱮ ᱠᱚ ᱛᱚᱯᱟ ᱠᱮᱫᱮᱭᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱥᱭᱟᱢᱟ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- Shyama Filmography Upperstall