ᱥᱭᱟᱢ ᱯᱚᱫᱚ ᱦᱟᱸᱥᱫᱟ
| ᱥᱭᱟᱢ ᱯᱚᱫᱚ ᱦᱟᱸᱥᱫᱟ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱪᱟᱱᱫᱟᱱᱯᱩᱨ, ᱰᱮᱵᱽᱨᱟ, ᱯᱟᱪᱷᱮ ᱢᱮᱫᱤᱱᱤᱯᱩᱨ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱚᱱᱚᱞᱤᱭᱟᱹ, ᱢᱟᱪᱮᱛ |
| ᱧᱩᱢᱱᱟᱢ | ᱟᱹᱲᱟᱹ ᱢᱩᱨᱟᱹᱭ ᱚᱱᱚᱞ |
| ᱟᱯᱟᱛ ᱮᱸᱜᱟᱛ | ᱠᱟᱠᱞᱟ ᱦᱟᱸᱥᱫᱟ (ᱟᱯᱟᱛ) ᱯᱟᱸᱪᱟᱢᱤ ᱦᱟᱸᱥᱫᱟ (ᱮᱸᱜᱟᱛ) |
ᱥᱭᱟᱢ ᱯᱚᱫᱚ ᱦᱟᱸᱥᱫᱟ ᱫᱚ ᱢᱤᱫ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ, ᱟᱹᱲᱟᱹ ᱢᱩᱨᱟᱹᱭ ᱜᱟᱵᱟᱱᱤᱡ ᱟᱨ ᱢᱟᱪᱮᱛ ᱠᱟᱱᱟᱭ ᱾ ᱩᱱᱤ ᱫᱚ ᱥᱟᱱᱛᱟᱲᱤ ᱟᱹᱲᱟᱹ ᱢᱩᱨᱟᱹᱭ ᱵᱮᱱᱟᱣ ᱨᱮ ᱟᱡᱟᱜ ᱮᱱᱮᱢ ᱞᱟᱹᱜᱤᱫ ᱵᱟᱰᱟᱭᱚᱜᱼᱟ ᱾
ᱡᱟᱱᱟᱢ ᱟᱨ ᱜᱷᱟᱨᱚᱸᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱭᱟᱢ ᱯᱚᱫᱚ ᱦᱟᱸᱥᱫᱟ ᱫᱚ ᱯᱟᱪᱷᱮ ᱢᱮᱫᱤᱱᱤᱯᱩᱨ ᱦᱚᱱᱚᱛ ᱨᱮᱭᱟᱜ ᱰᱮᱵᱽᱨᱟ ᱛᱷᱟᱱᱟ ᱨᱮᱱᱟᱜ ᱪᱟᱱᱫᱟᱱᱯᱩᱨ ᱟᱹᱛᱩ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱵᱟᱵᱟᱦᱟᱜ ᱧᱩᱛᱩᱢ ᱫᱚ ᱠᱟᱠᱞᱟ ᱦᱟᱸᱥᱫᱟ ᱟᱨ ᱟᱭᱳᱣᱟᱜ ᱧᱩᱛᱩᱢ ᱫᱚ ᱯᱟᱸᱪᱟᱢᱤ ᱦᱟᱸᱥᱫᱟ ᱾ ᱩᱱᱠᱩ ᱫᱚ ᱟᱹᱰᱤ ᱨᱮᱸᱜᱮᱡ ᱟᱨ ᱦᱟᱥᱟ ᱵᱟᱹᱱᱩᱜ ᱜᱷᱟᱨᱚᱸᱡᱽ ᱨᱤᱱ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱟᱡ ᱟᱭᱳ ᱵᱟᱵᱟ ᱫᱚ ᱫᱤᱱ ᱢᱩᱡᱩᱨᱤ ᱠᱟᱛᱮ ᱜᱷᱟᱨᱚᱸᱡᱽ ᱠᱚ ᱪᱟᱞᱟᱣᱮᱫ ᱛᱟᱦᱮᱸᱫ ᱾ ᱜᱩᱴ ᱛᱩᱨᱩᱭ ᱵᱚᱭᱦᱟ ᱢᱤᱥᱮᱨᱟ ᱠᱷᱚᱱ ᱥᱭᱟᱢ ᱯᱚᱫᱚ ᱦᱟᱸᱥᱫᱟ ᱫᱚ ᱛᱟᱞᱟᱭᱤᱡ ᱮ ᱛᱟᱦᱮᱸ ᱠᱟᱱᱟ ᱾
ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚ ᱟᱹᱛᱩ ᱟᱥᱲᱟ ᱠᱷᱚᱱ ᱮᱦᱚᱵ ᱞᱮᱱᱟ ᱾ ᱨᱮᱸᱜᱮᱡ ᱠᱷᱟᱹᱛᱤᱨ ᱟᱡᱟᱜ ᱚᱞ ᱯᱟᱲᱦᱟᱣ ᱨᱮ ᱟᱹᱰᱤ ᱦᱟᱨᱠᱮᱛ ᱦᱩᱭ ᱞᱮᱱᱟ ᱟᱨ ᱥᱮᱪᱮᱫ ᱥᱟᱶᱛᱮ ᱦᱚᱲ ᱚᱲᱟᱜ ᱨᱮ ᱠᱟᱹᱢᱤ ᱦᱚᱸ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱢᱟᱭᱥᱩᱨ ᱨᱮᱱᱟᱜ ᱤᱵᱷᱤᱱᱤᱝ ᱠᱚᱞᱮᱡᱽ ᱠᱷᱚᱱ ᱵᱷᱩᱜᱚᱞ ᱨᱮ ᱵᱤ. ᱮ. ᱯᱟᱥ ᱞᱮᱫᱟᱭ ᱾ ᱚᱱᱟ ᱛᱟᱭᱚᱢ ᱢᱟᱭᱥᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱮᱢ. ᱮ. ᱟᱨ ᱱᱮᱛᱟᱡᱤ ᱳᱯᱮᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱤᱝᱞᱤᱥ ᱛᱮ ᱮᱢ. ᱮ. ᱯᱟᱲᱦᱟᱣ ᱮ ᱮᱦᱚᱵ ᱞᱮᱫᱟ ᱢᱮᱱᱠᱷᱟᱱ ᱟᱭᱢᱟ ᱮᱴᱠᱮᱴᱚᱬᱮ ᱠᱷᱟᱹᱛᱤᱨ ᱱᱚᱶᱟ ᱠᱤᱱ ᱫᱚ ᱵᱟᱝ ᱯᱩᱨᱟᱹᱣ ᱞᱮᱱᱟ ᱾
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡ ᱫᱟᱫᱟ ᱨᱮᱞᱣᱮ ᱨᱮ ᱠᱟᱹᱢᱤ ᱧᱟᱢ ᱛᱟᱭᱚᱢ ᱜᱷᱟᱨᱚᱸᱡᱽ ᱨᱮᱱᱟᱜ ᱟᱵᱚᱥᱛᱟ ᱥᱩᱫᱷᱟᱹᱨ ᱞᱮᱱᱟ ᱾ ᱚᱱᱟ ᱨᱮᱱᱟᱜ ᱵᱟᱨ ᱥᱮᱨᱢᱟ ᱛᱟᱭᱚᱢ ᱥᱭᱟᱢ ᱯᱚᱫᱚ ᱦᱟᱸᱥᱫᱟ ᱦᱚᱸ ᱮᱛᱚᱢ ᱥᱤᱧᱚᱛ ᱨᱮ ᱨᱮᱞᱣᱮ ᱠᱟᱹᱢᱤᱭ ᱧᱟᱢ ᱞᱮᱫᱟ ᱾ ᱟᱡᱟᱜ ᱯᱩᱭᱞᱩ ᱯᱚᱥᱴᱤᱝ ᱫᱚ ᱮᱛᱚᱢ ᱨᱮᱞᱣᱮ ᱨᱮᱱᱟᱜ ᱵᱮᱝᱜᱟᱞᱳᱨ ᱥᱩᱨ ᱱᱚᱱᱫᱤ ᱦᱤᱞᱥ ᱢᱟᱭᱠᱨᱳᱣᱮᱵᱷ ᱥᱴᱮᱥᱚᱱ ᱨᱮ ᱦᱩᱭ ᱞᱮᱱᱟ ᱟᱨ ᱛᱟᱭᱚᱢ ᱛᱮ ᱢᱟᱭᱥᱩᱨ ᱢᱟᱭᱠᱨᱳᱣᱮᱵᱷ ᱥᱴᱮᱥᱚᱱ ᱛᱮᱠᱚ ᱩᱪᱟᱹᱲ ᱠᱮᱫᱮᱭᱟ ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱢᱟᱪᱮᱛ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱟ ᱾
ᱥᱟᱶᱦᱮᱫ ᱮᱱᱮᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱪᱮᱛ ᱠᱟᱹᱢᱤ ᱥᱟᱶᱛᱮ ᱒᱐᱑᱓ ᱥᱟᱞᱮ ᱠᱷᱚᱱ ᱩᱱᱤ ᱫᱚ ᱢᱤᱫ ᱟᱹᱲᱟᱹ ᱢᱩᱨᱟᱹᱭ ᱚᱞ ᱮ ᱮᱦᱚᱵ ᱞᱮᱫᱟ ᱾ ᱠᱳᱵᱷᱤᱰ-᱑᱙ ᱚᱠᱛᱚ ᱨᱮ ᱦᱮᱢᱟᱞ ᱡᱷᱟᱨᱱᱟ ᱯᱟᱨᱥᱟᱞᱮᱛ ᱨᱤᱱᱤᱡ ᱢᱩᱬᱩᱛ ᱢᱟᱹᱱᱤᱡ ᱨᱟᱹᱱᱤᱵᱟᱞᱟ ᱦᱟᱸᱥᱫᱟ ᱦᱟᱜ ᱜᱚᱲᱚ ᱛᱮ ᱱᱚᱶᱟ ᱟᱹᱲᱟᱹ ᱢᱩᱨᱟᱹᱭ ᱫᱚ ᱯᱟᱨᱥᱟᱞ ᱞᱮᱱᱟ᱾
ᱯᱩᱛᱷᱤ ᱧᱩᱛᱩᱢ:
- ᱯᱮᱱᱮ ᱯᱟᱹᱨᱥᱤ ᱯᱟᱹᱲᱭᱟᱹᱱ - ᱒᱐᱒᱒