ᱥᱮᱞᱤ ᱠᱤᱥᱳᱨ

ᱥᱮᱞᱤ ᱠᱤᱥᱳᱨ
ᱥᱮᱞᱤ ᱠᱤᱥᱳᱨ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ	ᱥᱮᱞᱤ ᱵᱟᱵᱩ ᱠᱩᱢᱟᱨ; ᱫᱩᱵᱟᱭ, United Arab Emirates
ᱫᱤᱥᱚᱢᱤᱭᱟᱹ	ᱥᱤᱧᱚᱛᱤᱭᱟᱹ
ᱠᱟᱹᱢᱤ	ᱮᱠᱴᱨᱮᱥ
ᱠᱟᱹᱢᱤ ᱚᱠᱛᱚ	2006–2014; 2017–present

ᱥᱮᱞᱤ ᱠᱤᱥᱳᱨ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱯᱷᱤᱞᱢ ᱟᱨ ᱴᱮᱞᱤᱵᱷᱤᱡᱚᱱ ᱮᱠᱴᱨᱮᱥ ᱠᱟᱱᱟᱭ᱾ ᱩᱱᱤ ᱫᱚ ᱠᱩᱢᱠᱩᱢᱟᱯᱩᱵᱷᱩ ᱨᱮ ᱥᱟᱞᱤᱱᱤ, ᱛᱷᱟᱝᱜᱟ ᱢᱤᱱᱠᱟᱞ ᱨᱮ ᱵᱟᱰᱤᱵᱷᱩ ᱟᱨ ᱢᱤᱱᱱᱟᱞ ᱢᱩᱨᱟᱞᱤ ᱨᱮ ᱩᱥᱟ ᱨᱮᱱᱟᱜ ᱨᱳᱞ ᱞᱟᱹᱜᱤᱫ ᱵᱟᱰᱟᱭᱚᱜ ᱠᱟᱱᱟᱭ᱾ ᱩᱱᱤ ᱫᱚ ᱒᱐᱐᱖ ᱨᱮ ᱥᱚᱨᱮᱥ ᱮᱠᱴᱨᱮᱥ ᱞᱟᱹᱜᱤᱫ ᱠᱮᱨᱟᱞᱟ ᱯᱚᱱᱚᱛ ᱴᱮᱞᱤᱵᱷᱤᱡᱚᱱ ᱥᱤᱨᱯᱷᱟᱹᱭ ᱧᱟᱢ ᱠᱮᱫᱟ᱾

ᱮᱛᱚᱦᱚᱵ ᱡᱤᱭᱚᱱ

ᱥᱮᱞᱤ ᱨᱮᱱ ᱵᱟᱵᱟ, ᱡᱮ. ᱱᱟᱵᱩ ᱠᱩᱢᱟᱨ, ᱫᱚ ᱫᱩᱵᱟᱭ, ᱭᱩᱱᱟᱭᱴᱮᱰ ᱟᱨᱚᱵᱽ ᱮᱢᱤᱨᱟᱴᱥ ᱨᱮ ᱢᱤᱫ ᱥᱤᱵᱷᱤᱞ ᱤᱱᱡᱤᱱᱤᱭᱟᱨ ᱞᱮᱠᱟᱛᱮ ᱠᱟᱹᱢᱤ ᱠᱟᱱᱟᱭ᱾ ᱟᱡ ᱮᱸᱜᱟᱛ ᱥᱤᱞᱟ ᱫᱚ ᱢᱤᱫ ᱚᱲᱟᱜ ᱨᱮᱱ ᱛᱤᱨᱞᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱢᱤᱫ ᱢᱟᱨᱟᱝ ᱵᱚᱭᱦᱟ ᱟᱨ ᱢᱤᱫ ᱵᱩᱦᱤᱱ ᱢᱮᱱᱟᱭᱟ᱾ ᱥᱮᱞᱤ ᱨᱮᱱ ᱵᱚᱭᱦᱟ ᱫᱚ ᱵᱟᱯᱞᱟ ᱟᱠᱟᱱᱟᱭ ᱟᱨ ᱟᱢᱮᱨᱤᱠᱟ ᱨᱮ ᱛᱟᱦᱮᱸᱱ ᱠᱟᱱᱟᱭ᱾ ᱟᱡ ᱵᱩᱦᱤᱱ, ᱥᱤᱵᱤᱞᱤ ᱫᱚ ᱢᱤᱫ ᱢᱟᱪᱮᱛᱟᱱᱤ ᱞᱮᱠᱟᱛᱮ ᱠᱟᱹᱢᱤ ᱠᱟᱱᱟᱭ᱾^[᱑]

ᱥᱮᱞᱤ ᱫᱚ ᱢᱚᱥᱠᱟᱴ ᱟᱨ ᱱᱤᱭᱩ ᱤᱱᱰᱤᱭᱟᱱ ᱢᱳᱰᱮᱞ ᱥᱠᱩᱞ, ᱫᱩᱵᱟᱭ ᱨᱮ ᱯᱟᱲᱦᱟᱣ ᱠᱮᱫᱟᱭ᱾ ᱩᱱᱤ ᱫᱚ ᱥᱤᱝᱜᱟᱯᱩᱨ ᱠᱷᱚᱱ ᱢᱟᱥ ᱢᱤᱰᱤᱭᱟ ᱟᱨ ᱠᱚᱢᱭᱩᱱᱤᱠᱮᱥᱚᱱ ᱨᱮ ᱢᱤᱫ ᱰᱤᱯᱞᱳᱢᱟ ᱢᱮᱱᱟᱜ ᱛᱟᱭᱟ ᱟᱨ ᱥᱳᱥᱤᱭᱚᱞᱳᱡᱤ ᱨᱮ ᱟᱨ ᱢᱤᱫ ᱰᱤᱯᱞᱳᱢᱟ ᱢᱮᱱᱟᱜ ᱛᱟᱭᱟ᱾ ᱥᱮᱞᱤ ᱫᱚ ᱤ-ᱜᱚᱵᱷᱚᱨᱱᱮᱱᱥ ᱨᱮ ᱟᱡᱟᱜ ᱯᱳᱥᱴ ᱜᱨᱮᱡᱩᱣᱮᱥᱚᱱ ᱮ ᱠᱚᱨᱟᱣ ᱠᱮᱫᱟ᱾

ᱠᱟᱹᱢᱤ

ᱥᱮᱞᱤ ᱠᱤᱥᱳᱨ ᱫᱚ ᱟᱢᱨᱤᱛᱟ ᱴᱤᱵᱷᱤ ᱨᱮ ᱴᱮᱞᱤᱠᱟᱥᱴ ᱟᱠᱟᱱ ᱥᱤᱨᱤᱭᱟᱞ ᱛᱷᱟᱱᱤᱭᱮ ᱨᱮ ᱟᱡᱟᱜ ᱨᱳᱞ ᱞᱟᱹᱜᱤᱫ ᱒᱐᱐᱖ ᱨᱮ ᱥᱚᱨᱮᱥ ᱮᱠᱴᱨᱮᱥ ᱨᱮᱱᱟᱜ ᱠᱮᱨᱟᱞᱟ ᱥᱚᱨᱠᱟᱨ ᱨᱮᱱᱟᱜ ᱥᱤᱨᱯᱷᱟᱹ ᱮ ᱧᱟᱢ ᱠᱮᱫᱟ᱾ ᱥᱮᱞᱤ ᱨᱮᱱᱟᱜ ᱯᱩᱭᱞᱩ ᱢᱟᱞᱟᱭᱟᱞᱚᱢ ᱢᱩᱵᱷᱤ ᱫᱚ ᱥᱚᱝᱠᱚᱨ ᱨᱟᱢᱠᱨᱤᱥᱱᱚᱱ ᱦᱚᱛᱮᱛᱮ ᱰᱟᱭᱨᱮᱠᱴ ᱟᱠᱟᱱ ᱠᱮᱨᱟᱞᱟ ᱠᱮᱯᱷᱮ ᱛᱟᱦᱮᱸ ᱠᱟᱱᱟ᱾ ᱥᱮᱞᱤ ᱨᱮᱱᱟᱜ ᱯᱩᱭᱞᱩ ᱛᱟᱢᱤᱞ ᱢᱩᱵᱷᱤ ᱫᱚ ᱨᱟᱢ ᱦᱚᱛᱮᱛᱮ ᱰᱟᱭᱨᱮᱠᱴ ᱟᱠᱟᱱ ᱛᱷᱟᱝᱜᱟ ᱢᱤᱱᱠᱟᱞ ᱛᱟᱦᱮᱸ ᱠᱟᱱᱟ᱾ ᱥᱮᱞᱤ ᱫᱚ ᱢᱟᱱᱤᱡ ᱯᱨᱮᱢᱱᱟᱛᱷ ᱦᱚᱛᱮᱛᱮ ᱰᱟᱭᱨᱮᱠᱴ ᱟᱠᱟᱱ ᱦᱤᱱᱫᱤ ᱢᱩᱵᱷᱤ ᱫᱟ ᱣᱮᱭᱤᱴᱤᱝ ᱨᱩᱢ ᱨᱮ ᱧᱮᱞ ᱞᱮᱱᱟᱭ᱾^[᱒] ᱩᱱᱤ ᱢᱳᱦᱤᱱᱤᱭᱟᱴᱴᱚᱢ, ᱠᱩᱪᱤᱯᱩᱰᱤ ᱟᱨ ᱵᱷᱟᱨᱚᱛᱱᱟᱴᱭᱚᱢ ᱥᱟᱶᱛᱮ ᱠᱞᱟᱥᱤᱠ ᱵᱷᱟᱨᱚᱛᱤᱭᱚ ᱮᱱᱮᱡ ᱯᱷᱳᱨᱢ ᱠᱚᱭ ᱪᱮᱫ ᱠᱮᱫᱟ᱾

ᱥᱮᱞᱤ ᱫᱚ ᱠᱟᱱᱟᱠᱟᱠᱩᱱᱱᱩ, ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱨᱮ ᱦᱩᱭ ᱟᱠᱟᱱ ᱢᱤᱥ ᱯᱷᱞᱟᱣᱟᱨ ᱥᱳ ᱠᱚᱱᱴᱮᱥᱴ ᱞᱟᱹᱜᱤᱫ ᱫᱚᱥᱟᱨ ᱨᱟᱱᱟᱨ ᱚᱯ ᱞᱮᱠᱟᱛᱮ ᱵᱟᱪᱷᱟᱣ ᱞᱮᱱᱟᱭ᱾^[᱓] ᱥᱮᱞᱤ ᱢᱟᱞᱟᱭᱟᱞᱚᱢ ᱢᱩᱵᱷᱤ ᱠᱟᱱᱟᱞᱠᱟᱱᱱᱟᱰᱤ ᱨᱮ ᱮᱠᱴᱤᱝ ᱠᱮᱫᱟ ᱡᱟᱦᱟᱸ ᱫᱚ ᱡᱟᱭᱟᱱ ᱯᱳᱰᱩᱵᱟᱞ ᱦᱚᱛᱮᱛᱮ ᱰᱟᱭᱨᱮᱠᱴ ᱞᱮᱱᱟ ᱢᱮᱱᱠᱷᱟᱱ ᱱᱚᱣᱟ ᱫᱚ ᱚᱠᱟ ᱚᱠᱛᱚ ᱨᱮᱦᱚᱸ ᱵᱟᱝ ᱩᱪᱷᱟᱹᱱ ᱞᱮᱱᱟ᱾^[᱔] ᱠᱤᱥᱳᱨ ᱫᱚ ᱠᱩᱢᱠᱩᱢᱟᱯᱩᱵᱷᱩ ᱨᱮ ᱥᱟᱞᱤᱱᱤ ᱨᱩᱫᱽᱨᱟᱱ ᱟᱜ ᱯᱳᱨᱴᱨᱮᱭᱟᱞ ᱞᱟᱹᱜᱤᱫ ᱢᱟᱞᱟᱭᱟᱞᱤ ᱚᱲᱟᱜ ᱨᱮ ᱧᱩᱛᱩᱢᱟᱱ ᱜᱮᱭᱟᱭ᱾ ᱚᱱᱟ ᱯᱨᱳᱰᱟᱠᱥᱚᱱ ᱯᱩᱨᱟᱹᱣ ᱠᱟᱛᱮ, ᱩᱱᱤ ᱫᱚ ᱴᱮᱞᱤᱵᱷᱤᱡᱚᱱ ᱠᱷᱚᱱ ᱢᱤᱫ ᱵᱨᱮᱠ ᱮ ᱦᱟᱛᱟᱣ ᱠᱮᱫᱟ᱾ ᱒᱐᱑᱗ ᱨᱮ ᱩᱱᱤ ᱫᱚ ᱥᱛᱨᱤᱯᱟᱫᱚᱢ ᱨᱮ ᱵᱟᱞᱟᱥᱩᱫᱟ ᱟᱜ ᱯᱳᱨᱴᱨᱮᱭᱟᱞ ᱛᱟᱞᱟᱛᱮ ᱨᱩᱣᱟᱹᱲ ᱦᱮᱡ ᱮᱱᱟ᱾

ᱥᱟᱹᱠᱷᱭᱟᱹᱛ

↑ "Latest News – Shelly is shy on screen but bold in real life". www.ukmalayalee.com. Archived from the original on 30 September 2018.
↑ "Thriller The Waiting Room to release on Friday: IBNLive.com > Videos". 16 January 2010. Archived from the original on 16 January 2010.
↑ M, Athira (3 April 2013). "Starry dreams". The Hindu. Retrieved 7 September 2019.
↑ "Thanga Meenkal Tamil Review". TamilPlex.com. 11 November 2013. Archived from the original on 30 September 2018. Retrieved 13 April 2014.

ᱵᱟᱦᱨᱮ ᱡᱚᱱᱚᱲ

ᱥᱮᱞᱤ ᱠᱤᱥᱳᱨ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)

[1] "Latest News – Shelly is shy on screen but bold in real life". www.ukmalayalee.com. Archived from the original on 30 September 2018.

[2] "Thriller The Waiting Room to release on Friday: IBNLive.com > Videos". 16 January 2010. Archived from the original on 16 January 2010.

[3] M, Athira (3 April 2013). "Starry dreams". The Hindu. Retrieved 7 September 2019.

[4] "Thanga Meenkal Tamil Review". TamilPlex.com. 11 November 2013. Archived from the original on 30 September 2018. Retrieved 13 April 2014.

[᱑]

[᱒]

[᱓]

[᱔]