ᱥᱮᱠᱷᱯᱮᱴ ᱢᱚᱥᱡᱤᱫᱽ ᱟᱨ ᱥᱟᱨᱟᱭ
| ᱥᱮᱠᱷᱯᱮᱴ ᱢᱚᱥᱡᱤᱫᱽ ᱟᱨ ᱥᱟᱨᱟᱭ | |
|---|---|
 ᱒᱐᱒᱐ ᱨᱮ ᱢᱚᱥᱡᱤᱫᱽ | |
| Religion | |
| Affiliation | ᱤᱥᱞᱟᱢ (former) |
| Location | |
  ᱥᱤᱧᱚᱛ ᱨᱮ ᱴᱷᱟᱶ | |
| Geographic coordinates | 17°24′23″N 78°23′48″E / 17.406308709429457°N 78.39657671317416°ECoordinates: 17°24′23″N 78°23′48″E / 17.406308709429457°N 78.39657671317416°E |
ᱥᱮᱠᱷᱯᱮᱴ ᱢᱚᱥᱡᱤᱫᱽ ᱟᱨ ᱥᱟᱨᱟᱭ ᱫᱚ ᱢᱤᱫ ᱢᱟᱨᱮ ᱢᱚᱥᱡᱤᱫᱽ ᱟᱨ ᱢᱤᱫ ᱥᱟᱨᱟᱭ (ᱵᱤᱥᱨᱟᱢ ᱚᱲᱟᱜ) ᱠᱟᱱᱟ, ᱡᱟᱦᱟᱸ ᱫᱚ ᱱᱤᱛᱚᱜ ᱨᱟᱹᱯᱩᱫ ᱞᱮᱠᱟ ᱢᱮᱱᱟᱜᱼᱟ, ᱱᱚᱣᱟ ᱫᱚ ᱜᱳᱞᱠᱳᱱᱰᱟ ᱥᱩᱨ ᱦᱟᱭᱫᱽᱨᱟᱵᱟᱫᱽ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱛᱮᱞᱮᱝᱜᱟᱱᱟ ᱯᱚᱱᱚᱛ ᱨᱮᱱᱟᱜ ᱦᱟᱭᱫᱽᱨᱟᱵᱟᱫᱽ ᱦᱚᱱᱚᱛ ᱨᱮ ᱢᱮᱱᱟᱜᱼᱟ, ᱥᱤᱧᱚᱛ᱾ ᱢᱟᱨᱮ ᱢᱚᱥᱡᱤᱫᱽ ᱟᱨ ᱥᱮᱨᱟᱭ ᱫᱚ ᱯᱚᱱᱚᱛ ᱨᱩᱠᱷᱤᱭᱟᱹ ᱢᱩᱱᱭᱩᱢ3ᱱᱴ ᱞᱮᱠᱟᱛᱮ ᱚᱞ ᱢᱮᱱᱟᱜᱼᱟ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱫᱚ ᱑᱐᱔᱓ ᱮ.ᱮᱪ. (᱑᱖᱓᱓/᱑᱖᱓᱔ ᱥᱤ.ᱤ.) ᱨᱮ ᱟᱵᱽᱫᱩᱞᱞᱟ ᱠᱩᱛᱩᱵᱽ ᱥᱟᱦ ᱮ ᱵᱮᱱᱟᱣ ᱞᱮᱫ ᱛᱟᱦᱮᱸᱱᱟ ᱜᱳᱞᱠᱳᱱᱰᱟ ᱨᱮ ᱦᱤᱡᱩᱜ ᱥᱮᱱᱚᱜ ᱦᱚᱲ ᱠᱚ ᱞᱟᱹᱜᱤᱫ ᱟᱨ ᱱᱚᱣᱟ ᱫᱚ ᱵᱤᱫᱟᱨ ᱥᱮᱱᱚᱜ ᱦᱚᱨ ᱨᱮ ᱛᱟᱦᱮᱸ ᱠᱟᱱᱟ᱾[᱑] ᱱᱚᱣᱟ ᱫᱚ ᱢᱤᱫ ᱦᱮᱨᱤᱴᱮᱡᱽ ᱥᱴᱨᱚᱠᱪᱚᱨ ᱠᱟᱱᱟ ᱟᱨ ᱒᱐᱑᱘ ᱦᱟᱹᱵᱤᱡ ᱱᱚᱣᱟ ᱨᱮᱱᱟᱜ ᱵᱟᱦᱟᱞ ᱨᱮᱱᱟᱜ ᱞᱟᱹᱠᱛᱤ ᱛᱟᱦᱮᱸ ᱠᱟᱱᱟ᱾[᱒][᱓]
ᱟᱨᱠᱤᱴᱮᱠᱪᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱚᱥᱡᱤᱫᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱨᱮ ᱢᱚᱥᱡᱤᱫᱽ ᱫᱚ ᱢᱤᱫ ᱨᱮᱠᱴᱟᱝᱜᱩᱞᱟᱨ ᱯᱞᱤᱱᱛᱷ ᱪᱮᱛᱟᱱ ᱨᱮ ᱛᱤᱸᱜᱩ ᱟᱠᱟᱱᱟ᱾ ᱯᱞᱤᱱᱛᱷ ᱨᱮᱱᱟᱜ ᱡᱤᱞᱤᱧ ᱫᱚ ᱓᱗ ᱵᱟᱭ ᱒᱔ ᱢᱤᱴᱟᱨ (᱑᱒᱑ ᱵᱟᱭ ᱗᱘ ᱯᱷᱩᱴ) ᱢᱮᱱᱟᱜᱼᱟ ᱟᱨ ᱱᱚᱣᱟ ᱨᱮᱱᱟᱜ ᱩᱥᱩᱞ ᱫᱚ ᱐.᱙᱑ ᱢᱤᱴᱟᱨ (᱓ ᱯᱷᱩᱴ) ᱢᱮᱱᱟᱜᱼᱟ᱾ ᱢᱚᱥᱡᱤᱫᱽ ᱫᱚ ᱞᱟᱭᱤᱢᱥᱴᱚᱱ ᱛᱮ ᱵᱮᱱᱟᱣ ᱟᱠᱟᱱᱟ᱾ ᱯᱷᱮᱥᱮᱰ ᱨᱮ ᱯᱮᱭᱟ ᱟᱨᱪᱰ ᱫᱩᱣᱟᱹᱨ ᱢᱮᱱᱟᱜᱼᱟ, ᱡᱟᱦᱟᱸ ᱨᱮᱱᱟᱜ ᱩᱥᱩᱞ ᱫᱚ ᱔.᱖ ᱢᱤᱴᱟᱨ (᱑᱕ ᱯᱷᱩᱴ) ᱟᱨ ᱡᱤᱞᱤᱧ ᱫᱚ ᱓.᱐ ᱢᱤᱴᱟᱨ (᱑᱐ ᱯᱷᱩᱴ) ᱢᱮᱱᱟᱜᱼᱟ᱾ ᱫᱩᱣᱟᱹᱨ ᱪᱮᱛᱟᱱ ᱨᱮ ᱢᱤᱫ ᱵᱟᱱᱰ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱞᱟᱜᱽᱵᱷᱟᱜᱽ ᱐.᱙᱑ ᱢᱤᱴᱟᱨ (᱓ ᱯᱷᱩᱴ) ᱨᱮᱱᱟᱜ ᱵᱟᱱᱰ ᱨᱮ ᱵᱽᱞᱩ, ᱜᱽᱨᱤᱱ ᱟᱨ ᱭᱮᱞᱳ ᱤᱱᱟᱢᱮᱞᱰ ᱴᱟᱭᱤᱞᱥ ᱢᱮᱱᱟᱜᱼᱟ, ᱚᱱᱟ ᱥᱟᱶᱛᱮ ᱯᱩᱸᱰ ᱚᱞ ᱢᱮᱱᱟᱜᱼᱟ᱾ ᱡᱟᱹᱥᱛᱤ ᱜᱟᱱ ᱴᱟᱭᱤᱞᱥ ᱫᱚ ᱧᱩᱨ ᱪᱟᱵᱟ ᱟᱠᱟᱱᱟ᱾ ᱢᱚᱥᱡᱤᱫᱽ ᱨᱮᱱᱟᱜ ᱪᱷᱟᱛ ᱫᱚ ᱯᱮᱭᱟ ᱥᱮᱞᱳ ᱰᱳᱢ ᱠᱚ ᱥᱟᱯᱚᱴ ᱮᱫᱼᱟ᱾[᱔][᱕]
ᱢᱚᱥᱡᱤᱫᱽ ᱨᱮᱱᱟᱜ ᱵᱷᱤᱛᱨᱤ ᱨᱮ ᱤᱱᱟᱢᱮᱞᱰ ᱴᱟᱭᱤᱞ ᱠᱟᱹᱢᱤ ᱨᱮᱱᱟᱜ ᱪᱤᱱᱦᱟᱹ ᱧᱮᱞᱚᱜ ᱠᱟᱱᱟ᱾ ᱯᱟᱪᱮ ᱠᱟᱸᱛ ᱨᱮ ᱵᱽᱞᱟᱠ ᱵᱟᱥᱟᱞᱴ ᱨᱮ ᱠᱟᱴᱟᱣ ᱠᱟᱛᱮ ᱵᱮᱱᱟᱣ ᱟᱠᱟᱱ ᱤᱱᱥᱠᱨᱤᱯᱥᱚᱱ ᱨᱮᱱᱟᱜ ᱛᱩᱨᱩᱭ ᱜᱚᱴᱟᱝ ᱯᱮᱱᱮᱞ ᱢᱮᱱᱟᱜᱼᱟ᱾ ᱱᱚᱣᱟ ᱢᱩᱸᱫᱽ ᱠᱷᱚᱱ ᱯᱩᱱᱭᱟᱹ ᱨᱮ ᱯᱟᱨᱥᱤᱭᱟᱱ ᱵᱷᱚᱨᱥ ᱢᱮᱱᱟᱜᱼᱟ, ᱢᱤᱫ ᱨᱮ ᱠᱩᱨᱟᱱ ᱠᱷᱚᱱ ᱢᱤᱫ ᱩᱫᱫᱷᱟᱨᱟᱱ ᱢᱮᱱᱟᱜᱼᱟ ᱟᱨ ᱢᱩᱪᱟᱹᱫ ᱯᱮᱱᱮᱞ ᱨᱮ ᱱᱚᱣᱟ ᱵᱮᱱᱟᱣ ᱨᱮᱱᱟᱜ ᱢᱟᱹᱦᱤᱛ ᱮ.ᱮᱪ. ᱑᱐᱔᱓ (᱑᱖᱓᱓/᱑᱖᱓᱔) ᱨᱮᱠᱚᱨᱰ ᱢᱮᱱᱟᱜᱼᱟ᱾
ᱥᱟᱨᱟᱭ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱨᱟᱭ ᱨᱮ ᱓᱐ ᱜᱚᱴᱟᱝ ᱚᱲᱟᱜ, ᱥᱟᱹᱲᱤ ᱟᱨ ᱩᱸᱴ ᱞᱟᱹᱜᱤᱫ ᱛᱟᱵᱮᱞᱟ ᱟᱨ ᱢᱤᱫ ᱟᱱᱡᱟᱱᱟ ᱥᱩᱯᱷᱤ ᱥᱟᱸᱛ ᱟᱜ ᱛᱚᱵᱽᱨᱚ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱫᱚ ᱕᱐᱐ ᱦᱚᱲ ᱠᱚ ᱥᱟᱢᱟᱣ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱱᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Varma, Dr. Anand Raj. "Shaikpet sarai ravaged by nature". Telangana Today (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2018-11-23.
- ↑ "Crumbling Shaikpet Sarai & mosque crave attention". The Times of India. Retrieved 2018-11-23.
- ↑ "Shaikpet: A historic locality lost". The Times of India. Retrieved 2018-11-23.
- ↑ Yazdani, Ghulam. Annual Report Of The Archaeological Department Of His Exalted Highness The Nizams Dominions, 1346 F. (1936-37 AC) (PDF). Baptist Mission Press. pp. 2–3.
- ↑ Nayeem, M. A. (2006). The Heritage of the Qutb Shahis of Golconda and Hyderabad (in ᱟᱝᱜᱽᱨᱮᱡᱤ). Hyderabad Publishers. ISBN 978-81-85492-23-0.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
Media related to ᱥᱮᱠᱷᱯᱮᱴ ᱢᱚᱥᱡᱤᱫᱽ ᱟᱨ ᱥᱟᱨᱟᱭ at Wikimedia Commons