ᱥᱯᱮᱱᱤᱥ ᱯᱟᱹᱨᱥᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
Hispanophone global world map language.svg

ᱥᱯᱮᱱᱤᱥ ᱯᱟᱹᱨᱥᱤ ᱫᱚ ᱦᱤᱸᱫᱽᱼᱤᱣᱨᱚᱯᱤᱭᱚ ᱯᱟᱹᱨᱥᱤ ᱜᱷᱟᱨᱚᱡᱽ ᱴᱮᱱᱟᱜ ᱨᱚᱢᱟᱸᱥ ᱦᱟᱹᱴᱤᱧ ᱨᱮᱱᱟᱜ ᱢᱤᱫ ᱯᱟᱹᱨᱥᱤ ᱠᱟᱱᱟ ᱾ ᱡᱮᱜᱮᱛ ᱨᱮ ᱵᱟᱹᱲᱛᱤ ᱜᱟᱱ ᱦᱚᱲ ᱠᱚ ᱨᱚᱲᱮᱫ ᱠᱟᱱ ᱯᱟᱹᱨᱥᱤ ᱠᱚ ᱢᱩᱫ ᱠᱷᱚᱱ ᱱᱚᱶᱟ ᱦᱚᱸ ᱢᱤᱫ ᱠᱟᱱᱟ ᱾ ᱥᱩᱨᱥᱩᱯᱩᱨ ᱔᱐ ᱠᱚᱨᱚᱲ ᱜᱟᱱ ᱦᱚᱲ ᱢᱮᱱᱟᱜ ᱠᱚᱣᱟ ᱟᱠᱚᱣᱟᱜ ᱡᱟᱱᱟᱢ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱮᱫᱼᱟ ᱾ [᱑][᱒] ᱥᱯᱮᱱᱚᱤᱥ ᱯᱟᱹᱨᱥᱤ ᱫᱚ ᱨᱟᱡᱽᱯᱟᱹᱨᱥᱤ ᱞᱮᱠᱟᱛᱮ ᱢᱟᱱᱚᱛ ᱮ ᱮᱢ ᱟᱠᱟᱫ ᱫᱤᱥᱚᱢ ᱠᱚᱫᱚ ᱦᱩᱭᱩᱜ ᱠᱟᱱᱟ ᱺ- ᱥᱯᱮᱱ, ᱟᱨᱡᱮᱱᱴᱤᱱᱟ, ᱪᱤᱞᱤ, ᱵᱚᱞᱤᱵᱤᱭᱟ, ᱯᱟᱱᱟᱢᱟ, ᱯᱚᱨᱟᱜᱩᱭ, ᱯᱮᱨᱩ, ᱢᱮᱠᱥᱤᱠᱚ, ᱠᱚᱥᱴᱟᱨᱤᱠᱟ, ᱮᱞ ᱥᱮᱞᱵᱟᱰᱚᱨ, ᱠᱭᱩᱵᱟ, ᱩᱨᱩᱜᱩᱭᱮ, ᱵᱤᱱᱤᱡᱩᱭᱮᱞ ᱮᱢᱟᱱ ᱮᱢᱟᱱ ᱾

ᱫᱚᱥᱟᱨ ᱨᱟᱡᱽᱯᱟᱹᱨᱥᱤ ᱞᱮᱠᱟᱛᱮ ᱖ ᱠᱚᱨᱚᱲ ᱜᱟᱱ ᱦᱚᱲ ᱥᱯᱮᱱᱤᱥ ᱯᱟᱹᱨᱥᱤ ᱠᱚ ᱵᱮᱵᱦᱟᱨᱮᱫᱼᱟ [᱒] ᱟᱨ ᱵᱤᱫᱮᱥ ᱯᱟᱹᱨᱥᱤ ᱞᱮᱠᱟᱛᱮ ᱒ ᱠᱚᱨᱚᱲ ᱜᱟᱱ ᱯᱟᱹᱴᱷᱣᱟᱹ ᱥᱯᱮᱱᱤᱥ ᱠᱚ ᱨᱚᱲ ᱠᱟᱱᱟ ᱾ ᱢᱮᱱᱰᱮᱨᱤᱱ ᱟᱨ ᱤᱝᱞᱤᱥ ᱛᱟᱭᱚᱢ ᱨᱮ ᱡᱮᱜᱮᱛ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱦᱚᱲ ᱠᱚ ᱨᱚᱲᱮᱫ ᱯᱟᱹᱨᱥᱤ ᱞᱮᱠᱟᱛᱮ ᱥᱯᱮᱱᱤᱥ ᱯᱟᱹᱨᱥᱤ ᱫᱚ ᱛᱮᱥᱟᱨ ᱴᱷᱟᱶ ᱨᱮ ᱦᱤᱡᱩᱜᱼᱟᱭ ᱾ [᱓]

ᱡᱩᱢᱤᱫ ᱫᱤᱥᱚᱢ ᱨᱮᱱᱟᱜ ᱛᱩᱨᱩᱭ ᱜᱚᱴᱟᱝ ᱥᱚᱨᱠᱟᱨᱤ ᱢᱟᱱᱚᱛᱟᱱ ᱯᱟᱹᱨᱥᱤ ᱢᱩᱸᱫᱽ ᱨᱮ ᱥᱯᱮᱱᱤᱥ ᱦᱚᱸ ᱢᱮᱱᱟᱜ ᱜᱮᱭᱟ ᱾ ᱭᱩᱨᱚᱯᱤᱭᱚ ᱜᱟᱶᱛᱟ ᱨᱮ ᱥᱯᱮᱱᱤᱥ ᱫᱚ ᱚᱯᱷ᱾ᱥᱤᱭᱟᱞ ᱯᱟᱹᱨᱥᱤ ᱞᱮᱠᱟᱛᱮ ᱵᱮᱵᱷᱟᱨᱚᱜ ᱠᱟᱱᱟ ᱾ [᱔]

ᱟᱢᱮᱨᱤᱠᱟ ᱨᱤᱱ ᱤᱝᱞᱤᱥ ᱯᱟᱹᱨᱥᱤ ᱛᱮ ᱨᱚᱲᱮᱫ ᱦᱚᱲ ᱠᱚ ᱫᱚᱥᱟᱨ ᱯᱟᱹᱨᱥᱤ ᱞᱮᱠᱟᱛᱮ ᱥᱯᱮᱱᱤᱥ ᱯᱟᱹᱨᱥᱤ ᱪᱮᱫᱚᱜ ᱠᱚ ᱠᱩᱥᱤᱭᱟᱜ ᱠᱟᱱᱟ ᱾ ᱒᱐ ᱥᱟᱭ ᱥᱥᱮᱨᱢᱟ ᱥᱮᱫ ᱠᱷᱚᱱ ᱥᱯᱮᱱᱤᱥ ᱯᱟᱹᱨᱥᱤ ᱫᱚ ᱵᱤᱫᱮᱥ ᱯᱟᱹᱨᱥᱤ ᱞᱮᱠᱟᱛᱮ ᱦᱚᱲ ᱠᱚ ᱪᱮᱫᱚᱜ ᱠᱟᱱᱟᱜ ᱫᱚ ᱵᱟᱹᱲᱛᱤ ᱟᱜᱩᱶᱟᱠᱟᱱᱟ ᱾ ᱒᱑ ᱥᱟᱭ ᱥᱮᱨᱢᱟ ᱥᱮᱫ ᱠᱷᱚᱱ ᱫᱚ ᱤᱝᱞᱤᱥ ᱯᱟᱹᱨᱥᱤ ᱛᱟᱭᱚᱢ ᱨᱮ ᱫᱚᱥᱟᱨ ᱵᱟᱹᱲᱛᱤ ᱠᱚ ᱥᱮᱪᱮᱫᱚᱜ ᱠᱟᱱ ᱴᱷᱟᱶ ᱨᱮ ᱥᱯᱮᱱᱤᱥ ᱯᱟᱹᱨᱥᱤ ᱦᱤᱡᱩᱜ ᱠᱟᱱᱟ ᱾[᱔]

ᱧᱩᱛᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱯᱮᱱ ᱟᱨ ᱥᱯᱮᱱᱤᱥ ᱯᱟᱹᱨᱥᱤ ᱠᱚ ᱨᱚᱲᱮᱫ ᱮᱴᱟᱜ ᱫᱤᱥᱚᱢ ᱠᱚᱨᱮ ᱥᱯᱮᱱᱤᱥ, ᱠᱚᱥᱴᱮᱞᱤᱭᱚᱱ ᱟᱨ ᱮᱥᱯᱟᱱᱚᱭᱮᱞ ᱧᱩᱛᱩᱢ ᱛᱮ ᱠᱚ ᱵᱟᱰᱟᱭᱮᱫᱼᱟ ᱾ [᱕]

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱯᱮᱱᱤᱥ ᱯᱟᱹᱨᱥᱤ ᱫᱚ ᱚᱥᱤᱥᱴ ᱞᱟᱴᱤ ᱯᱟᱹᱨᱥᱤ ᱠᱷᱚᱱ ᱜᱟᱥᱟᱣ ᱰᱚᱠ ᱟᱠᱟᱱᱟ, ᱡᱟᱦᱟᱸ ᱫᱚ ᱒᱑᱐ BC ᱨᱮ ᱨᱚᱢᱟᱱ ᱦᱚᱲ ᱠᱚ ᱟᱹᱜᱩ ᱞᱮᱫ ᱛᱟᱦᱮᱸᱫ ᱤᱵᱮᱨᱤᱭᱟᱱ ᱯᱮᱱᱤᱥᱩᱞᱟ ᱨᱮ ᱾ ᱥᱯᱮᱱᱤᱥ ᱫᱚ ᱫᱚᱲᱦᱚ ᱯᱟᱹᱨᱥᱤ ᱞᱮᱠᱟᱛᱮ ᱑᱓ ᱥᱟᱭ ᱥᱮᱨᱢᱟ ᱨᱮᱠᱚ ᱩᱛᱱᱟᱹᱶ ᱞᱮᱫ ᱛᱟᱦᱮᱸᱫ ᱴᱚᱞᱮᱰᱚ ᱨᱮ ᱾[᱖] ᱑᱙᱔᱒ ᱥᱟᱞᱮ ᱨᱮ ᱮᱞᱤᱭᱚ ᱟᱱᱴᱚᱱᱤᱭᱚ ᱰᱤ ᱱᱮᱵᱽᱨᱤᱡᱟ, ᱥᱟᱞᱟᱢᱟᱠᱟ ᱛᱮᱭ ᱞᱮᱫ ᱨᱚᱱᱚᱲ ᱯᱚᱛᱚᱵ ᱫᱚ ᱯᱩᱭᱞᱩ ᱢᱚᱰᱚᱨᱱ ᱤᱶᱨᱚᱯᱤᱭᱟᱱ ᱯᱟᱹᱨᱥᱤ ᱨᱮᱱᱟᱜ ᱠᱟᱱᱟ ᱾ [᱗] ᱑᱖ ᱥᱟᱭ ᱥᱮᱨᱢᱟ ᱥᱮᱫ ᱛᱮ ᱫᱚ ᱱᱚᱶᱟ ᱯᱟᱹᱨᱥᱤ ᱟᱢᱮᱨᱤᱠᱟ ᱟᱨ ᱥᱯᱮᱱᱤᱥ ᱤᱥᱴ ᱤᱸᱰᱤᱡᱽ ᱥᱮᱫ ᱠᱚ ᱤᱫᱤ ᱯᱟᱨᱚᱢ ᱞᱮᱫ ᱛᱟᱦᱮᱸᱫ ᱾

ᱚᱛᱱᱚ ᱪᱷᱮᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱯᱮᱱᱤᱥ ᱯᱟᱹᱨᱥᱤ ᱱᱚᱠᱥᱟ

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Logga in på NE". NE.se (in Swedish). Retrieved 2019-03-16. 
  2. ᱒.᱐ ᱒.᱑ "Spanish". Ethnologue. 2010-01-01. Retrieved 2019-03-16. 
  3. "Top Ten Internet Languages in The World". Internet Statistics. 2017-12-31. Retrieved 2019-03-16. 
  4. ᱔.᱐ ᱔.᱑ "स्पेनिश भाषा (Spanish language)". CultureAlley's Blog (in Hindi). 2012-10-03. Retrieved 2019-03-16. 
  5. "Names given to the Spanish language". Wikipedia. 2002-10-22. Retrieved 2019-03-18. 
  6. "History of the Spanish language". Wikipedia. 2004-07-13. Retrieved 2019-03-18. 
  7. "Spanish language". Wikipedia. 1973-03-15. Retrieved 2019-03-18.