ᱥᱱᱮᱦ ᱨᱟᱬᱟ
ᱥᱱᱮᱦ ᱨᱟᱬᱟ (ᱡᱟᱱᱟᱢ ᱑᱘ ᱯᱷᱮᱵᱽᱨᱩᱣᱟᱨᱤ ᱑᱙᱙᱔) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱠᱨᱤᱠᱮᱴ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱱᱮᱛᱟᱨ ᱨᱮᱞᱣᱮᱡᱽ ᱟᱨ ᱵᱷᱟᱨᱚᱛ ᱛᱤᱨᱞᱟᱹ ᱡᱟᱹᱛᱤᱭᱟᱹᱨᱤ ᱴᱤᱢ ᱞᱟᱹᱜᱤᱫ ᱡᱚᱡᱚᱢ-ᱛᱤ ᱛᱮ ᱚᱯᱷ ᱵᱨᱮᱠ ᱵᱚᱞᱚᱨ ᱟᱨ ᱡᱚᱡᱚᱢ-ᱛᱤ ᱵᱮᱴᱟᱨ ᱞᱮᱠᱟᱛᱮᱭ ᱠᱷᱮᱞᱟ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱵᱮᱠᱜᱨᱟᱣᱩᱸᱰ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱬᱟ ᱫᱚ ᱫᱮᱦᱨᱟᱫᱩᱱ ᱨᱮᱱᱟᱜ ᱵᱟᱦᱨᱮ ᱥᱤᱢᱟᱱᱟ ᱨᱮ ᱢᱮᱱᱟᱜ ᱥᱤᱱᱟᱣᱞᱟ ᱠᱷᱚᱱ ᱮ ᱦᱮᱡ ᱟᱠᱟᱱᱟ᱾ ᱩᱱᱤ ᱨᱮᱱ ᱵᱟᱵᱟ ᱫᱚ ᱢᱤᱫ ᱪᱟᱹᱥᱤ ᱠᱟᱱᱟᱭ᱾
ᱡᱮᱜᱮᱛᱟᱹᱨᱤ ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱒᱐᱑᱔ ᱨᱮ ᱥᱨᱤᱞᱚᱝᱠᱟ ᱵᱤᱨᱩᱫᱷ ᱛᱤᱨᱞᱟᱹ ᱠᱚᱣᱟᱜ ᱣᱟᱱ ᱰᱮ ᱤᱱᱴᱟᱨᱱᱮᱥᱱᱟᱞ ᱟᱨ ᱛᱤᱨᱞᱟᱹ ᱠᱚᱣᱟᱜ ᱴᱣᱮᱱᱴᱤ᱒᱐ ᱤᱱᱴᱟᱨᱱᱮᱥᱱᱟᱞ ᱨᱮ ᱯᱩᱭᱞᱩ ᱫᱷᱟᱣ ᱮ ᱮᱱᱮᱡ ᱞᱮᱫ ᱛᱟᱦᱮᱸᱱᱟ᱾
᱒᱐᱑᱖ ᱨᱮ ᱢᱤᱫ ᱡᱟᱝᱜᱟ ᱨᱮ ᱜᱷᱟᱣ ᱦᱩᱭ ᱛᱟᱭᱚᱢ, ᱩᱱᱤ ᱫᱚ ᱡᱟᱹᱛᱤᱭᱟᱹᱨᱤ ᱴᱤᱢ ᱠᱷᱚᱱ ᱵᱟᱦᱨᱮ ᱛᱟᱦᱮᱸ ᱮᱱᱟ, ᱟᱨ ᱟᱨᱦᱚᱸ ᱢᱚᱬᱮ ᱥᱮᱨᱢᱟ ᱫᱷᱟᱹᱵᱤᱡ ᱡᱮᱜᱮᱛᱟᱹᱨᱤ ᱠᱨᱤᱠᱮᱴ ᱵᱟᱭ ᱠᱷᱮᱞ ᱫᱟᱲᱮᱭᱟᱫᱟ᱾ ᱱᱚᱣᱟ ᱚᱠᱛᱚ ᱨᱮ, ᱩᱱᱤ ᱫᱚ ᱚᱲᱟᱜ ᱠᱨᱤᱠᱮᱴ ᱮ ᱠᱷᱮᱞ ᱞᱮᱫᱟ, ᱟᱨ ᱵᱷᱟᱨᱚᱛ ᱵᱤ ᱞᱟᱹᱜᱤᱫ ᱦᱚᱸᱭ ᱠᱷᱮᱞ ᱞᱮᱫ ᱛᱟᱦᱮᱸᱱᱟ᱾
ᱢᱮ ᱒᱐᱒᱑ ᱨᱮ, ᱩᱱᱤ ᱫᱚ ᱤᱝᱞᱮᱸᱰ ᱨᱮᱱ ᱛᱤᱨᱞᱟᱹ ᱠᱨᱤᱠᱮᱴ ᱴᱤᱢ ᱵᱤᱨᱩᱫᱷ ᱩᱱᱠᱩᱣᱟᱜ ᱢᱤᱫ ᱳᱣᱟᱱ-ᱚᱯᱷ ᱢᱮᱪ ᱞᱟᱹᱜᱤᱫ ᱵᱷᱟᱨᱚᱛ ᱨᱮᱱᱟᱜ ᱴᱮᱥᱴ ᱥᱠᱣᱟᱰ ᱨᱮᱭ ᱧᱩᱛᱩᱢ ᱞᱮᱱᱟ᱾ ᱨᱟᱬᱟ ᱫᱚ ᱑᱖ ᱡᱩᱱ ᱒᱐᱒᱑ ᱨᱮ ᱤᱝᱞᱮᱸᱰ ᱵᱤᱨᱩᱫᱷ ᱟᱡᱟᱜ ᱴᱮᱥᱴ ᱨᱮ ᱯᱩᱭᱞᱩ ᱫᱷᱟᱣ ᱮ ᱮᱱᱮᱡ ᱞᱮᱫ ᱛᱟᱦᱮᱸᱱᱟ᱾
ᱡᱟᱱᱩᱣᱟᱨᱤ ᱒᱐᱒᱒ ᱨᱮ, ᱩᱱᱤ ᱫᱚ ᱱᱤᱣᱡᱤᱞᱮᱸᱰ ᱨᱮ ᱦᱩᱭᱩᱜ ᱠᱟᱱ ᱒᱐᱒᱒ ᱛᱤᱨᱞᱟᱹ ᱠᱨᱤᱠᱮᱴ ᱣᱟᱨᱞᱰ ᱠᱟᱯ ᱞᱟᱹᱜᱤᱫ ᱵᱷᱟᱨᱚᱛ ᱨᱮᱱᱟᱜ ᱴᱤᱢ ᱨᱮᱭ ᱧᱩᱛᱩᱢ ᱞᱮᱱᱟ᱾ ᱡᱩᱞᱟᱭ ᱒᱐᱒᱒ ᱨᱮ, ᱩᱱᱤ ᱫᱚ ᱤᱝᱞᱮᱸᱰ ᱨᱮᱱᱟᱜ ᱵᱟᱨᱢᱤᱝᱦᱟᱢ ᱨᱮ ᱦᱩᱭᱩᱜ ᱠᱟᱱ ᱒᱐᱒᱒ ᱠᱚᱢᱚᱱᱣᱮᱞᱛᱷ ᱜᱮᱢᱥ ᱨᱮ ᱠᱨᱤᱠᱮᱴ ᱴᱩᱨᱱᱟᱢᱮᱱᱴ ᱞᱟᱹᱜᱤᱫ ᱵᱷᱟᱨᱚᱛ ᱨᱮᱱᱟᱜ ᱴᱤᱢ ᱨᱮᱭ ᱧᱩᱛᱩᱢ ᱞᱮᱱᱟ᱾
ᱵᱷᱟᱨᱚᱛ ᱨᱮᱱ ᱛᱤᱨᱞᱟᱹ ᱵᱷᱚᱨᱥᱮᱥ ᱫᱟᱠᱷᱤᱱ ᱟᱯᱷᱨᱤᱠᱟ ᱨᱮᱱ ᱛᱤᱨᱞᱟᱹ ᱣᱟᱱ-ᱚᱯᱷ ᱴᱮᱥᱴ ᱚᱠᱛᱚ, ᱥᱱᱮᱦ ᱨᱟᱬᱟ ᱫᱚ ᱴᱮᱥᱴ ᱠᱨᱤᱠᱮᱴ ᱨᱮ ᱑᱐-ᱣᱤᱠᱮᱴ ᱦᱚᱞ ᱦᱟᱛᱟᱣ ᱞᱟᱹᱜᱤᱫ ᱯᱩᱭᱞᱩ ᱛᱤᱨᱞᱟᱹ ᱥᱯᱤᱱᱟᱨ ᱮ ᱵᱮᱱᱟᱣ ᱮᱱᱟ᱾