ᱥᱳᱢᱟᱭ ᱠᱤᱥᱠᱩ
| ᱥᱳᱢᱟᱭ ᱠᱤᱥᱠᱩ | |
|---|---|
 ᱥᱳᱢᱟᱭ ᱠᱤᱥᱠᱩ ᱟᱜ ᱪᱤᱛᱟᱹᱨ | |
| ᱡᱟᱱᱟᱢ | ᱒᱕ ᱯᱷᱮᱵᱽᱨᱩᱣᱟᱨᱤ ᱑᱙᱕᱙ ᱵᱚᱥᱚᱱᱛᱚᱯᱩᱨ ᱟᱛᱳ, ᱥᱟᱢᱟᱝ ᱵᱚᱨᱫᱷᱚᱢᱟᱱ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱠᱟᱹᱢᱤ | ᱚᱱᱚᱞᱤᱭᱟᱹ, ᱥᱟᱹᱨᱤᱫᱷᱚᱨᱚᱢ ᱠᱟᱹᱢᱤᱭᱟᱹ |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
| ᱥᱟᱛᱟᱢ | ᱥᱟᱹᱨᱤ ᱫᱷᱚᱨᱚᱢ |
ᱥᱳᱢᱟᱭ ᱠᱤᱥᱠᱩ (ᱡᱟᱱᱟᱢ ᱑᱙᱕᱙) ᱫᱚ ᱵᱷᱟᱨᱚᱛ ᱨᱮᱱ ᱢᱤᱫ ᱥᱟᱱᱛᱟᱲᱤ ᱯᱟᱹᱨᱥᱤ ᱚᱱᱚᱞᱤᱭᱟᱹ ᱠᱟᱱᱟᱭ᱾
ᱧᱩᱛᱩᱢᱟᱱ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤᱭᱟᱜ ᱫᱤᱥᱟᱹ ᱩᱫᱩᱜ ᱛᱮ ᱥᱮᱨᱢᱟ ᱨᱮ ᱯᱩᱱ ᱪᱟᱸᱫᱚᱠᱤᱭᱟᱹ ᱥᱟᱱᱛᱟᱲᱤ ᱥᱟᱶᱦᱮᱫ ᱯᱟᱛᱷᱟᱢ ᱛᱚᱯᱚᱞ ᱪᱷᱟᱯᱟ ᱮᱦᱚᱵ ᱮᱱᱟ᱾[᱑] ᱱᱚᱣᱟ ᱨᱮ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱭᱟᱜ ᱥᱚᱨᱮᱥᱟᱜ ᱠᱚ ᱥᱚᱫᱚᱨ ᱥᱟᱢᱟᱝᱚᱜ ᱠᱟᱱᱟ᱾
ᱥᱟᱶᱦᱮᱫ ᱪᱟᱨᱪᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡᱟᱜ ᱚᱞ ᱯᱩᱛᱷᱤ ᱠᱚᱫᱚ
- ᱨᱚᱛᱚᱱ - ᱒᱐᱐᱒ (ᱜᱟᱢᱟᱢ ᱯᱩᱛᱷᱤ)
- ᱱᱟᱢᱟᱞᱤᱭᱟᱹ - ᱒᱐᱐᱘ (ᱜᱟᱢᱟᱢ ᱯᱩᱛᱷᱤ)
ᱥᱤᱨᱯᱟᱹ ᱟᱨ ᱢᱟᱹᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱥᱟᱦᱤᱛᱛᱚ ᱮᱠᱟᱰᱮᱢᱤ ᱥᱟᱶ ᱡᱚᱲᱟᱣ ᱠᱟᱛᱮ ᱥᱮᱢᱥᱚᱝ ᱫᱟᱨᱟᱭ ᱛᱮ ᱠᱤᱥᱠᱩ ᱫᱚ ᱒᱐᱑᱐ ᱨᱮ ᱴᱮᱜᱳᱨ ᱥᱟᱶᱦᱮᱫ ᱥᱤᱨᱯᱟᱹ ᱛᱮᱠᱚ ᱢᱟᱹᱱ ᱟᱠᱟᱫᱮᱭᱟ᱾[᱒] ᱱᱚᱣᱟ ᱫᱟ ᱩᱱᱤ ᱟᱡᱟᱜ ᱒᱐᱐᱘ ᱥᱮᱨᱢᱟ ᱨᱮ ᱪᱷᱟᱯᱟ ᱟᱠᱟᱱ ᱱᱟᱢᱟᱞᱤᱭᱟᱹ ᱜᱟᱢᱟᱢ ᱠᱷᱟᱹᱛᱤᱨ ᱛᱮᱭ ᱧᱟᱢ ᱟᱠᱟᱫᱟ᱾[᱓] ᱱᱟᱢᱟᱞᱤᱭᱟᱹ ᱜᱟᱢᱟᱢ ᱨᱮ ᱠᱟᱹᱥᱟᱹᱭ - ᱠᱩᱣᱟᱹᱨᱤ ᱜᱟᱰᱟ ᱨᱮ ᱰᱮᱢ ᱠᱚ ᱛᱚᱞ ᱠᱮᱫ ᱛᱟᱭᱚᱢ ᱚᱸᱰᱮ ᱨᱮᱱ ᱫᱟᱜ ᱰᱩᱵᱤ ᱥᱟᱱᱛᱟᱲ ᱦᱚᱲ ᱠᱚᱣᱟᱜ ᱡᱤᱭᱚᱱ ᱪᱤᱛᱟᱹᱨ ᱥᱟᱵᱽ ᱨᱟᱠᱟᱵ ᱟᱠᱟᱱᱟ᱾[᱒][᱔]
- ᱩᱱᱤ ᱫᱚ ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱨᱮᱱᱟᱜ ᱯᱚᱥᱪᱤᱢᱵᱚᱝᱜᱚ ᱥᱟᱱᱛᱟᱞᱤ ᱮᱠᱮᱰᱢᱤ, ᱯᱟᱦᱴᱟ ᱠᱷᱚᱱ ᱥᱟᱨᱚᱫᱟ ᱯᱨᱚᱥᱟᱫᱽ ᱥᱢᱨᱤᱛᱤ ᱯᱩᱨᱚᱥᱠᱟᱨ ᱦᱚᱸᱭ ᱧᱟᱢ ᱟᱠᱟᱫᱟ᱾[᱕]
ᱜᱚᱱᱚᱴᱷᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱑᱙᱘᱘ ᱥᱟᱞ ᱨᱮ ᱦᱩᱜᱽᱞᱤ ᱡᱤᱞᱟᱹ ᱥᱟᱱᱛᱟᱞᱤ ᱥᱟᱦᱤᱛᱛᱚ ᱯᱚᱨᱤᱥᱚᱫᱽ ᱮ ᱛᱮᱭᱟᱨ ᱠᱮᱫᱟ, ᱡᱟᱦᱟᱸ ᱫᱚ ᱱᱟᱦᱟᱜ ᱥᱟᱱᱛᱟᱞᱤ ᱥᱟᱦᱤᱛᱛᱚ ᱵᱟᱹᱭᱥᱤ ᱢᱮᱱᱛᱮ ᱵᱟᱰᱟᱭᱚᱜ ᱠᱟᱱᱟ᱾ ᱩᱱᱤ ᱫᱚ ᱮᱛᱦᱚᱵ ᱠᱷᱚᱱ ᱱᱤᱛ ᱫᱷᱟᱹᱵᱤᱡ ᱥᱟᱱᱛᱟᱲᱤ ᱥᱟᱦᱤᱛᱛᱚ ᱵᱟᱹᱭᱥᱤ ᱥᱚᱛ, ᱱᱟᱯᱟᱭ ᱢᱚᱱᱮ ᱟᱨ ᱫᱟᱲᱮ ᱥᱟᱶᱛᱮᱭ ᱪᱟᱞᱟᱣ ᱤᱫᱤᱭᱮᱫᱼᱟ᱾
ᱡᱤᱭᱚᱱᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱫᱳᱢᱟᱭ ᱠᱤᱥᱠᱩ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱥᱟᱢᱟᱝ ᱵᱚᱨᱫᱷᱚᱢᱟᱱ ᱦᱚᱱᱚᱛ ᱨᱮᱭᱟᱜ ᱵᱚᱥᱚᱱᱛᱚᱯᱩᱨ ᱢᱤᱫ ᱦᱩᱰᱤᱧ ᱟᱹᱛᱩ ᱨᱮ ᱨᱚᱥᱤᱠᱞᱟᱞ ᱠᱤᱥᱠᱩ ᱟᱨ ᱯᱷᱩᱞᱢᱚᱱᱤ ᱠᱤᱥᱠᱩ ᱟᱜ ᱱᱟᱯᱟᱭ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ᱾ ᱩᱱᱤ ᱫᱚ ᱟᱡ ᱟᱭᱳ ᱵᱟᱵᱟ ᱨᱮᱱ ᱜᱮᱞ ᱜᱤᱫᱽᱨᱟᱹ ᱠᱚ ᱢᱩᱫᱽ ᱨᱮ ᱛᱮᱥᱟᱨ ᱦᱚᱯᱚᱱ ᱠᱟᱱᱟᱭ᱾ ᱩᱱᱤ ᱫᱚ ᱵᱚᱥᱚᱱᱛᱚᱯᱩᱨ ᱜᱳᱣᱩᱲᱢᱳᱦᱚᱱ ᱯᱨᱟᱭᱢᱟᱨᱤ ᱥᱠᱩᱞ ᱠᱷᱚᱱ ᱮᱛᱚᱦᱚᱵ ᱥᱮᱪᱮᱫ ᱮ ᱧᱟᱢ ᱞᱮᱫᱟ ᱟᱨ ᱚᱱᱟ ᱛᱟᱭᱚᱢ ᱡᱟᱢᱟᱞᱯᱩᱨ ᱦᱟᱭᱟᱨ ᱥᱮᱠᱮᱱᱰᱟᱨᱤ ᱥᱠᱩᱞ ᱨᱮ ᱯᱟᱲᱦᱟᱣ ᱞᱮᱱᱟᱭ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱟᱨᱮ ᱪᱟᱱᱟᱪ ᱨᱮ ᱵᱚᱧᱪᱤᱜᱽᱨᱟᱢ ᱵᱤᱦᱟᱨᱤ ᱞᱟᱞ ᱦᱟᱭ ᱥᱠᱩᱞ ᱨᱮ ᱵᱷᱩᱨᱛᱤ ᱮᱱᱟᱭ ᱟᱨ ᱑᱙᱗᱖ ᱨᱮ ᱦᱟᱭᱟᱨ ᱥᱮᱠᱮᱱᱰᱟᱨᱤ ᱯᱟᱥ ᱠᱮᱫᱟᱭ᱾ ᱩᱱᱤ ᱫᱚ ᱑᱙᱘᱑ ᱥᱟᱞᱮ ᱨᱮ ᱵᱚᱨᱫᱷᱚᱢᱟᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱟᱣᱛᱟ ᱨᱮ ᱢᱮᱱᱟᱜ ᱦᱟᱨᱤᱯᱟᱞ ᱵᱤᱵᱮᱠᱟᱱᱚᱱᱫᱚ ᱠᱚᱞᱮᱡᱽ ᱠᱷᱚᱱ ᱵᱮᱪᱞᱟᱨ ᱰᱤᱜᱽᱨᱤ ᱧᱟᱢ ᱠᱮᱫᱟᱭ, ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱯᱟᱹᱪᱷᱤᱢ ᱵᱮᱝᱜᱟᱞ ᱨᱮᱭᱟᱜ ᱞᱟᱹᱠᱛᱤᱭᱟᱱ ᱡᱤᱱᱤᱥ ᱥᱟᱯᱞᱟᱭ ᱠᱚᱨᱯᱳᱨᱮᱥᱚᱱ ᱵᱤᱵᱷᱟᱜᱽ ᱨᱮ ᱤᱱᱥᱯᱮᱠᱴᱚᱨ ᱞᱮᱠᱟᱛᱮ ᱥᱮᱞᱮᱫ ᱮᱱᱟᱭ᱾ ᱩᱱᱤ ᱒᱐᱑᱙ ᱨᱮ ᱟᱡᱟᱜ ᱡᱮᱞᱮᱝ ᱥᱮᱵᱟ ᱠᱮᱨᱤᱭᱟᱨ ᱯᱩᱨᱟᱹᱣ ᱠᱟᱛᱮ ᱡᱤᱨᱟᱹᱣ ᱮᱱᱟᱭ᱾
ᱤᱨᱟᱹᱞ ᱜᱮᱞ ᱨᱮᱭᱟᱜ ᱢᱩᱪᱟᱹᱫ ᱥᱮᱫ ᱨᱮ ᱨᱮᱸᱜᱮᱡ, ᱵᱮᱼᱥᱤᱠᱷᱱᱟᱹᱛ, ᱫᱤᱱᱟᱹᱢ ᱡᱤᱭᱚᱱ ᱨᱮᱭᱟᱜ ᱞᱟᱹᱲᱦᱟᱹᱭ ᱟᱨ ᱚᱱᱟ ᱚᱠᱛᱮ ᱨᱮᱭᱟᱜ ᱥᱟᱹᱨᱤ ᱥᱛᱤᱛᱤ ᱨᱮᱭᱟᱜ ᱟᱹᱱᱟᱹᱲᱤ ᱠᱚ ᱛᱮ ᱩᱱᱤ ᱫᱚ ᱚᱞ ᱮ ᱮᱛᱚᱦᱚᱵ ᱠᱮᱫᱟ᱾
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Agnihotri, Jaya (2011-05-13). "Samsung Tagore Awards: Right award in write times". The Economic Times. ISSN 0013-0389. Retrieved 2024-04-28.
- 1 2 "Somai Kisku honoured with prestigious Tagore awards". The Times of India. 2011-05-10. ISSN 0971-8257. Retrieved 2024-04-28.
- ↑ Somai Kisku Awarded with Prestigious Tagore Award "Somai Kisku honoured with prestigious Tagore awards". The Times of India. 10 May 2011.
- ↑ "Writers awarded for their contribution to Indian languages". Hindustan Times (in ᱟᱝᱜᱽᱨᱮᱡᱤ). 2011-05-06. Retrieved 2024-04-28.
- ↑ Nijaswa, Sanwaddata (18 February 2021). "Somai kisku got rewarded for his contribution in saontali-literature". Anandabazar Patrika. p. 1. Retrieved 28 April 2024.