ᱥᱳᱦᱟᱜᱽᱯᱩᱨ
| ᱥᱳᱦᱟᱜᱽᱯᱩᱨ | |
|---|---|
| ᱱᱚᱜᱚᱨ | |
  ᱥᱳᱦᱟᱜᱽᱯᱩᱨ  ᱥᱳᱦᱟᱜᱽᱯᱩᱨ | |
| Coordinates: 22°42′N 78°12′E / 22.7°N 78.2°ECoordinates: 22°42′N 78°12′E / 22.7°N 78.2°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱢᱚᱫᱷᱭᱚ ᱯᱨᱚᱫᱮᱥ |
| ᱦᱚᱱᱚᱛ | ᱱᱚᱨᱢᱚᱫᱟᱯᱩᱨᱚᱢ |
| ᱥᱚᱨᱠᱟᱨ | |
| • ᱞᱮᱠᱟᱱ | ᱰᱮᱢᱚᱠᱨᱮᱴᱤᱠ |
| • ᱪᱟᱪᱞᱟᱣ | ᱵᱤᱫᱷᱟᱭᱚᱠ ᱟᱨ ᱢᱮᱭᱚᱨ |
| • ᱢᱮᱭᱚᱨ | ᱥᱚᱱᱛᱳᱥ ᱢᱟᱞᱵᱷᱤᱭᱟ |
| • ᱵᱤᱫᱷᱟᱭᱚᱠ | ᱵᱤᱡᱚᱭᱯᱟᱞ ᱥᱤᱝ |
| ᱩᱥᱩᱞ | 323 ᱢᱤᱴᱚᱨ (1060 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱞᱮᱠᱷᱟᱜᱩᱴ | ᱒᱕,᱐᱔᱐ |
| ᱯᱟᱹᱨᱥᱤ ᱠᱚ | |
| • ᱟᱹᱢᱟᱹᱞᱮᱛ | ᱦᱤᱱᱫᱤ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱔᱖᱑᱗᱗᱑ |
| ᱴᱮᱞᱤᱯᱷᱚᱱ ᱠᱳᱰ | ᱐᱗᱕᱗᱕ |
| ᱜᱟᱹᱰᱤ ᱨᱤᱡᱤᱥᱴᱨᱤ | MP 05 |
ᱥᱳᱦᱟᱜᱽᱯᱩᱨ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱱᱚᱨᱢᱚᱫᱟᱯᱩᱨᱚᱢ ᱦᱚᱱᱚᱛ ᱨᱮ ᱢᱮᱱᱟᱜ ᱢᱤᱫ ᱥᱚᱦᱚᱨ ᱟᱨ ᱱᱚᱜᱚᱨ ᱯᱚᱧᱪᱟᱭᱚᱛ ᱠᱟᱱᱟ ᱾ ᱱᱚᱶᱟ ᱫᱚ ᱱᱚᱨᱢᱚᱫᱟᱯᱩᱨᱚᱢ ᱦᱚᱱᱚᱛ ᱨᱮᱱᱟᱜ ᱦᱩᱰᱤᱧᱦᱟᱹᱴᱤᱧ ᱟᱨ ᱩᱛᱱᱟᱹᱣ ᱵᱚᱱᱚᱛ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱥᱳᱦᱟᱜᱽᱯᱩᱨ ᱫᱚ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱥᱳᱦᱟᱜᱽᱯᱩᱨ ᱫᱚ ᱯᱟᱱ ᱪᱟᱥ ᱞᱟᱹᱜᱤᱫ ᱧᱩᱛᱩᱢ ᱢᱮᱱᱟᱜᱼᱟ ᱟᱨ ᱱᱚᱰᱮ ᱠᱷᱚᱱ ᱟᱹᱰᱤ ᱜᱟᱱ ᱯᱟᱱ ᱪᱟᱥ ᱦᱩᱭᱩᱜᱼᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱨᱤᱴᱤᱥ ᱥᱤᱧᱚᱛ ᱨᱮ ᱱᱟᱣᱟᱵᱽ ᱠᱚᱵᱷᱤ ᱩᱡᱽ ᱡᱟᱯᱷᱚᱨ ᱟᱞᱵᱤ ᱟᱜ ᱜᱳᱸᱰᱣᱟᱱᱟ ᱨᱟᱡᱚᱥᱴᱷᱤ ᱨᱮᱱᱟᱜ ᱨᱟᱡᱽᱜᱟᱲ ᱞᱮᱠᱟᱛᱮ ᱦᱚᱸ ᱥᱳᱦᱟᱜᱽᱯᱩᱨ ᱫᱚ ᱵᱟᱰᱟᱭᱚᱜᱼᱟ ᱾ ᱱᱚᱶᱟ ᱥᱚᱦᱚᱨ ᱫᱚ ᱥᱩᱦᱟᱜᱚᱯᱩᱨ-ᱥᱚᱵᱷᱚᱠᱭᱚᱯᱩᱨ-ᱥᱳᱱᱤᱛᱯᱩᱨ ᱧᱩᱛᱩᱢ ᱛᱮ ᱧᱩᱛᱩᱢ ᱟᱠᱟᱱᱟ ᱾ ᱫᱣᱟᱯᱟᱨ ᱭᱩᱜᱚ ᱨᱮ ᱱᱚᱣᱟ ᱫᱚ ᱥᱤᱵᱚ ᱵᱷᱚᱫᱽ ᱨᱟᱠᱥᱚ ᱨᱟᱡᱟ ᱵᱚᱱᱟᱥᱩᱨ ᱟᱜ ᱨᱟᱡᱚᱥᱴᱷᱤ ᱨᱮᱱᱟᱜ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱵᱚᱝᱜᱟ ᱠᱨᱤᱥᱱᱟ ᱥᱟᱶ ᱫᱩᱞᱟᱹᱲ ᱞᱟᱹᱲᱦᱟᱹᱭ ᱞᱮᱫᱮᱭᱟ ᱟᱨ ᱜᱚᱡ ᱮᱱᱟ ᱟᱨ ᱢᱚᱠᱥ ᱮ ᱧᱟᱢ ᱞᱮᱫᱼᱟ ᱾ ᱡᱚᱛᱚ ᱥᱮᱨᱢᱟ ᱜᱮ ᱱᱚᱰᱮ ᱢᱟᱨᱟᱝ ᱫᱩᱯᱩᱞᱟᱹᱲ ᱛᱮ ᱢᱚᱦᱟᱥᱤᱵᱷᱚᱨᱟᱛᱨᱤ ᱢᱟᱦᱟ ᱠᱚ ᱢᱟᱱᱟᱣᱟ ᱾
ᱚᱛᱱᱚᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱳᱦᱟᱜᱽᱯᱩᱨ ᱫᱚ 22°42′N 78°12′E / 22.7°N 78.2°E ᱨᱮ ᱢᱮᱱᱟᱜᱼᱟ ᱾[᱑] ᱱᱚᱶᱟ ᱨᱮᱱᱟᱜ ᱥᱚᱨᱮᱥ ᱩᱥᱩᱞ ᱫᱚ ᱓᱒᱓ ᱢᱤᱴᱚᱨ (᱑᱐᱕᱙ ᱯᱷᱤᱴ) ᱠᱟᱱᱟ ᱾ ᱱᱚᱶᱟ ᱴᱚᱴᱷᱟ ᱫᱚ ᱥᱚᱢᱟᱱ ᱜᱮᱭᱟ ᱟᱨ ᱢᱟᱰᱷᱟᱭ ᱞᱮᱠᱟᱱ ᱡᱟᱭᱜᱟ ᱛᱮ ᱯᱮᱨᱮᱡ ᱟᱠᱟᱱᱟ ᱾ ᱯᱟᱞᱠᱚᱢᱚᱛᱤ ᱫᱚ ᱱᱚᱰᱮᱱᱟᱜ ᱢᱤᱫᱴᱟᱹᱝ ᱜᱟᱰᱟ ᱠᱟᱱᱟ ᱾
ᱦᱚᱲ ᱞᱮᱠᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ,[᱒] ᱥᱳᱦᱟᱜᱽᱯᱩᱨ ᱫᱚ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱱᱚᱨᱢᱚᱫᱟᱯᱩᱨᱚᱢ ᱦᱚᱱᱚᱛ ᱨᱮ ᱢᱮᱱᱟᱜ ᱢᱤᱫ ᱱᱚᱜᱚᱨ ᱯᱚᱧᱪᱟᱭᱚᱛ ᱥᱚᱦᱚᱨ ᱠᱟᱱᱟ ᱾ ᱥᱳᱦᱟᱜᱽᱯᱩᱨ ᱥᱚᱦᱚᱨ ᱫᱚ ᱑᱕ ᱜᱚᱴᱟᱝ ᱣᱟᱨᱰ ᱨᱮ ᱦᱟᱹᱴᱤᱧ ᱟᱠᱟᱱᱟ, ᱡᱟᱦᱟᱸ ᱞᱟᱹᱜᱤᱫ ᱫᱚ ᱕ ᱥᱮᱨᱢᱟ ᱨᱮ ᱵᱟᱪᱷᱱᱟᱣ ᱦᱩᱭᱩᱜᱼᱟ ᱾ ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱥᱳᱦᱟᱜᱽᱯᱩᱨ ᱱᱚᱜᱚᱨ ᱯᱚᱧᱪᱟᱭᱚᱛ ᱨᱤᱱ ᱦᱚᱲ ᱮᱞ ᱫᱚ ᱒᱕,᱐᱔᱐ ᱦᱚᱲ ᱢᱮᱱᱟᱜ ᱠᱚᱣᱟ, ᱚᱱᱟ ᱢᱩᱸᱫᱽ ᱨᱮ ᱑᱒,᱙᱓᱓ ᱠᱚᱲᱟ ᱟᱨ ᱑᱒,᱑᱐᱗ ᱛᱤᱨᱞᱟᱹ ᱢᱮᱱᱟᱜ ᱠᱚᱣᱟ ᱾
᱐ ᱠᱷᱚᱱ ᱖ ᱥᱮᱨᱢᱟ ᱩᱢᱮᱨ ᱨᱤᱱ ᱜᱤᱫᱽᱨᱟᱹ ᱠᱚᱣᱟᱜ ᱞᱮᱠᱷᱟ ᱫᱚ ᱓᱐᱘᱔ ᱦᱚᱲ ᱢᱮᱱᱟᱜ ᱠᱚᱣᱟ, ᱡᱟᱦᱟᱸ ᱫᱚ ᱥᱳᱦᱟᱜᱽᱯᱩᱨ (ᱱᱚᱜᱚᱨ ᱯᱟᱞᱤᱠᱟ) ᱨᱮᱱᱟᱜ ᱑᱒.᱓᱒% ᱠᱟᱱᱟ ᱾ ᱥᱳᱦᱟᱜᱽᱯᱩᱨ ᱱᱚᱜᱚᱨ ᱯᱚᱧᱪᱟᱭᱚᱛ ᱨᱮ, ᱛᱤᱨᱞᱟᱹ ᱠᱚᱣᱟᱜ ᱡᱟᱱᱟᱝ ᱡᱟᱹᱱᱤ ᱫᱚ ᱙᱓᱖ ᱟᱨ ᱯᱚᱱᱚᱛ ᱨᱮ ᱙᱓᱑ ᱢᱮᱱᱟᱜᱼᱟ ᱾ ᱚᱱᱟ ᱵᱮᱜᱚᱨ, ᱢᱚᱫᱷᱭᱚ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱮᱵᱷᱚᱨᱮᱡᱽ ᱙᱑᱘ ᱨᱮᱱᱟᱜ ᱥᱚᱢᱟᱱ ᱨᱮ, ᱥᱳᱦᱟᱜᱽᱯᱩᱨ ᱨᱮ ᱜᱤᱫᱽᱨᱟᱹ ᱡᱟᱱᱟᱝ ᱡᱟᱹᱱᱤ ᱫᱚ ᱙᱑᱘ ᱜᱟᱱ ᱢᱮᱱᱟᱜᱼᱟ ᱾ ᱥᱳᱦᱟᱜᱽᱯᱩᱨ ᱥᱚᱦᱚᱨ ᱨᱮ ᱚᱞᱚᱜ ᱯᱟᱲᱦᱟᱣ ᱫᱚ ᱘᱔.᱕᱔% ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱯᱚᱱᱚᱛ ᱨᱮᱱᱟᱜ ᱖᱙.᱓᱒% ᱠᱷᱚᱱ ᱫᱚ ᱰᱷᱮᱨ ᱢᱮᱱᱟᱜᱼᱟ ᱾ ᱥᱳᱦᱟᱜᱽᱯᱩᱨ ᱨᱮ ᱠᱚᱲᱟ ᱠᱚᱣᱟᱜ ᱥᱮᱪᱮᱫ ᱫᱚ ᱙᱑.᱐᱖% ᱟᱨ ᱛᱤᱨᱞᱟᱹ ᱠᱚᱣᱟᱜ ᱥᱮᱪᱮᱫ ᱫᱚ ᱗᱗.᱕᱙% ᱢᱮᱱᱟᱜᱼᱟ ᱾
ᱥᱳᱦᱟᱜᱽᱯᱩᱨ ᱱᱚᱜᱚᱨ ᱯᱚᱧᱪᱟᱭᱚᱛ ᱫᱚ ᱕,᱒᱙᱑ ᱜᱚᱴᱟᱝ ᱚᱲᱟᱜ ᱨᱮᱱᱟᱜ ᱥᱟᱥᱚᱱ ᱪᱟᱪᱞᱟᱣ ᱴᱚᱴᱷᱟ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱫᱟᱜ ᱟᱨ ᱥᱤᱵᱽᱨᱮᱡᱽ ᱞᱮᱠᱟᱱ ᱢᱩᱬᱩᱛ ᱥᱩᱵᱤᱫᱷᱟ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱱᱚᱜᱚᱨ ᱯᱚᱧᱪᱟᱭᱚᱛ ᱨᱮᱱᱟᱜ ᱥᱤᱢᱟᱹ ᱛᱟᱞᱟ ᱨᱮ ᱥᱚᱲᱚᱠ ᱵᱮᱱᱟᱣ ᱟᱨ ᱱᱚᱶᱟ ᱨᱮᱱᱟᱜ ᱠᱟᱹᱢᱤ ᱴᱚᱴᱷᱟ ᱨᱮ ᱢᱮᱱᱟᱜ ᱡᱚᱛᱚ ᱡᱤᱱᱤᱥ ᱠᱚᱨᱮ ᱥᱩᱵᱤᱫᱷᱟ ᱮᱢ ᱨᱮᱱᱟᱜ ᱦᱚᱸ ᱫᱟᱲᱮ ᱢᱮᱱᱟᱜᱼᱟ ᱾
ᱧᱮᱞᱡᱚᱝ ᱴᱷᱟᱶ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱳᱦᱟᱜᱽᱯᱩᱨ ᱥᱩᱨ ᱨᱮ ᱢᱮᱱᱟᱜ ᱧᱮᱞᱡᱚᱝ ᱴᱷᱟᱶ ᱠᱚᱫᱚ ᱦᱩᱭᱩᱜ ᱠᱟᱱᱟ: ᱢᱟᱰᱷᱟᱭ, ᱡᱟᱦᱟᱸ ᱫᱚ ᱢᱤᱫ ᱵᱤᱨ ᱡᱤᱵᱽ ᱡᱤᱭᱟᱹᱞᱤ ᱵᱟᱜᱟᱱ ᱠᱟᱱᱟ ᱾ ᱱᱚᱣᱟ ᱫᱚ ᱥᱳᱦᱟᱜᱽᱯᱩᱨ ᱠᱷᱚᱱ ᱒᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱟᱨ ᱯᱟᱪᱢᱚᱰᱷᱤ, ᱡᱟᱦᱟᱸ ᱫᱚ ᱢᱤᱫ ᱧᱩᱛᱩᱢᱟᱱ ᱵᱩᱨᱩ ᱴᱷᱟᱶ ᱠᱟᱱᱟ ᱾ ᱱᱚᱣᱟ ᱫᱚ ᱥᱳᱦᱟᱜᱽᱯᱩᱨ ᱠᱷᱚᱱ ᱗᱒ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
ᱡᱟᱢᱱᱤ ᱥᱚᱨᱳᱵᱷᱟᱨ ᱦᱚᱸ ᱢᱤᱫ ᱧᱮᱞᱡᱚᱝ ᱴᱷᱟᱶ ᱠᱟᱱᱟ ᱾
ᱯᱟᱪᱢᱚᱰᱷᱤ ᱨᱮᱦᱚᱸ ᱱᱤᱡᱮᱨᱟᱜ ᱟᱨ ᱥᱚᱨᱠᱟᱨᱤ ᱤᱱᱥᱴᱤᱴᱭᱩᱥᱟᱱ ᱠᱚ ᱦᱚᱛᱮᱛᱮ ᱪᱟᱪᱞᱟᱣ ᱟᱠᱟᱱ ᱦᱚᱴᱮᱞ ᱠᱚ ᱢᱮᱱᱟᱜᱼᱟ ᱾ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱦᱳᱴᱮᱞ ᱟᱨ ᱵᱟᱨᱭᱟ ᱱᱤᱡᱮᱨᱟᱜ ᱨᱤᱥᱳᱨᱴ/ᱠᱳᱴᱮᱡᱽ ᱫᱚ ᱢᱚᱫᱷᱭᱚ ᱯᱨᱚᱫᱮᱥ ᱵᱤᱨᱫᱟᱹᱜᱟᱲ ᱠᱷᱚᱱ ᱠᱤᱪᱷᱩ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱟᱱᱦᱳᱱᱤ ᱫᱚ ᱢᱤᱫᱴᱟᱹᱝ ᱞᱚᱞᱚ ᱫᱟᱜ ᱨᱮᱱᱟᱜ ᱢᱩᱦᱟᱱᱟ ᱠᱟᱱᱟ, ᱱᱚᱣᱟ ᱫᱚ ᱥᱳᱦᱟᱜᱽᱯᱩᱨ ᱠᱷᱚᱱ ᱕᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱢᱟᱰᱷᱟᱭ ᱨᱮ ᱖-᱗ ᱜᱚᱴᱟᱝ ᱱᱤᱡᱮᱨᱟᱜ ᱦᱚᱴᱮᱞ ᱢᱮᱱᱟᱜᱼᱟ ᱾
ᱥᱟᱜᱟᱲᱚᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱛᱚ ᱠᱷᱚᱱ ᱥᱩᱨ ᱩᱰᱟᱹᱱ ᱰᱟᱹᱦᱤ ᱫᱚ ᱵᱷᱚᱯᱟᱞ ᱩᱰᱟᱹᱱ ᱰᱟᱹᱦᱤ ᱠᱟᱱᱟ, ᱡᱟᱦᱟᱸ ᱫᱚ ᱥᱳᱦᱟᱜᱽᱯᱩᱨ ᱠᱷᱚᱱ ᱑᱒᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
ᱥᱳᱦᱟᱜᱽᱯᱩᱨ ᱨᱮᱞᱣᱮ ᱥᱴᱮᱥᱚᱱ ᱫᱚ ᱨᱮᱞ ᱟᱨ ᱥᱚᱲᱚᱠ ᱰᱟᱦᱟᱨ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱟᱭᱢᱟ ᱜᱟᱱ ᱨᱮᱞᱜᱟᱹᱰᱤ ᱥᱳᱦᱟᱜᱽᱯᱩᱨ ᱨᱮᱞᱣᱮ ᱥᱴᱮᱥᱚᱱ ᱨᱮᱦᱚᱸ ᱛᱤᱸᱜᱩᱱᱟ ᱾ ᱥᱳᱦᱟᱜᱽᱯᱩᱨ ᱨᱮᱞᱣᱮ ᱥᱴᱮᱥᱚᱱ ᱫᱚ ᱤᱴᱟᱨᱥᱤ ᱡᱚᱸᱠᱥᱚᱱ ᱠᱷᱚᱱ ᱕᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
ᱵᱟᱥ ᱥᱮ ᱴᱮᱠᱥᱤ ᱛᱮ ᱥᱳᱦᱟᱜᱽᱯᱩᱨ ᱥᱮᱴᱮᱨᱚᱜ ᱞᱟᱹᱜᱤᱫ ᱯᱚᱱᱚᱛ ᱨᱟᱡᱽ ᱰᱟᱦᱟᱨ ᱒᱒ ᱨᱮ ᱥᱮᱱᱚᱜ ᱞᱟᱹᱠᱛᱤ ᱾ ᱱᱚᱶᱟ ᱫᱚ ᱱᱚᱨᱢᱚᱫᱟᱯᱩᱨᱚᱢ ᱠᱷᱚᱱ ᱕᱐ ᱠᱤᱞᱚᱢᱤᱴᱚᱨ ᱟᱨ ᱵᱷᱚᱯᱟᱞ ᱠᱷᱚᱱ ᱑᱒᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱳᱦᱟᱜᱽᱯᱩᱨ ᱨᱮ ᱵᱚᱨᱠᱚᱛᱩᱞᱞᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱵᱷᱚᱯᱟᱞ ᱥᱟᱶ ᱡᱚᱲᱟᱣ ᱟᱠᱟᱱ ᱢᱤᱫ ᱯᱤ.ᱡᱤ. ᱠᱚᱞᱮᱡᱽ ᱢᱮᱱᱟᱜᱼᱟ ᱾ ᱟᱭᱢᱟ ᱥᱚᱨᱠᱟᱨᱤ ᱟᱨ ᱱᱤᱡᱮᱨᱟᱜ ᱟᱥᱲᱟ ᱦᱚᱸ ᱢᱮᱱᱟᱜᱼᱟ ᱾
ᱠᱚᱞᱮᱡᱽ-
- ᱡᱚᱵᱟᱦᱚᱨ ᱞᱟᱞ ᱱᱮᱦᱨᱩ ᱥᱢᱨᱤᱛᱤ ᱢᱚᱦᱟᱵᱤᱫᱽᱭᱟᱞᱚᱭ, ᱥᱳᱦᱟᱜᱽᱯᱩᱨ
ᱤᱱᱰᱚᱥᱴᱨᱤᱭᱟᱞ ᱴᱨᱮᱱᱤᱝ ᱤᱱᱥᱴᱤᱴᱭᱩᱴ
- ᱥᱚᱨᱠᱟᱨᱤ ᱤᱱᱰᱚᱥᱴᱨᱤᱭᱟᱞ ᱴᱨᱮᱱᱤᱝ ᱤᱱᱥᱴᱤᱴᱭᱩᱴ, ᱥᱳᱦᱟᱜᱽᱯᱩᱨ
ᱟᱥᱲᱟ-
- ᱥᱚᱨᱠᱟᱨᱤ ᱮᱥ. ᱡᱮ. ᱮᱞ. ᱪᱮᱛᱟᱱ ᱛᱟᱱᱟᱞᱟ ᱟᱥᱲᱟ
- ᱥᱚᱨᱠᱟᱨᱤ ᱠᱩᱲᱤ ᱩᱥᱩᱞ ᱛᱟᱱᱟᱞᱟ ᱟᱥᱲᱟ
- ᱥᱮᱱᱴ. ᱯᱟᱴᱨᱤᱠ ᱟᱜ ᱦᱟᱭᱤᱚᱨ ᱥᱮᱠᱮᱱᱰᱟᱨᱤ ᱟᱥᱲᱟ
- ᱥᱚᱨᱥᱣᱚᱛᱤ ᱪᱮᱛᱟᱱ ᱛᱟᱱᱟᱞᱟ ᱟᱥᱲᱟ
- ᱵᱤᱵᱮᱠᱟᱱᱚᱱᱫᱽ ᱯᱚᱵᱽᱞᱤᱠ ᱪᱮᱛᱟᱱ ᱛᱟᱱᱟᱞᱟ ᱟᱥᱲᱟ
- ᱜᱭᱟᱱ ᱥᱟᱜᱚᱨ ᱡᱮᱡᱟᱹᱛᱤᱭᱟᱹᱨᱤ ᱟᱥᱲᱟ
- ᱯᱷᱨᱮᱸᱰᱥ ᱪᱮᱛᱟᱱ ᱛᱟᱱᱟᱞᱟ ᱟᱥᱲᱟ
- ᱥᱨᱤ ᱜᱩᱨᱩ ᱠᱨᱤᱯᱟ ᱡᱚᱱᱚᱱᱚᱨᱡᱮᱱ ᱵᱤᱫᱷᱭᱟ ᱢᱚᱱᱫᱤᱨ
- ᱜᱮᱞᱮᱠᱥᱤ ᱡᱮᱡᱟᱹᱛᱤᱭᱟᱹᱨᱤ ᱫᱤᱥᱩᱣᱟᱹ ᱟᱥᱲᱟ
- ᱥᱚᱨᱚᱥᱣᱚᱛᱤ ᱜᱭᱟᱱ ᱥᱛᱷᱟᱞᱤ ᱟᱥᱲᱟ
- ᱱᱚᱨᱢᱚᱫᱟᱱᱪᱚᱞ ᱯᱚᱵᱽᱞᱤᱠ ᱟᱥᱲᱟ
- ᱢᱤᱱᱟᱠᱥᱤ ᱱᱨᱤᱛᱭᱟᱞᱚᱭ ᱵᱷᱟᱨᱚᱛᱱᱟᱴᱭᱚᱢ ᱰᱮᱱᱥ ᱟᱥᱲᱟ ᱾