ᱥᱳᱱᱟᱢ ᱠᱟᱯᱩᱨ
ᱥᱳᱱᱟᱢ ᱠᱟᱯᱩᱨ ᱟᱦᱩᱡᱟ (ᱡᱟᱱᱟᱢ ᱙ ᱡᱩᱱ ᱑᱙᱘᱕) ᱫᱚ ᱢᱤᱫ ᱥᱤᱧᱚᱛᱤᱭᱟ. ᱟᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱦᱤᱱᱫᱤ ᱯᱷᱤᱞᱢ ᱨᱮ ᱠᱟ.ᱢᱤ ᱟᱠᱟᱫ-ᱟ ᱾ ᱱᱩᱭ ᱫᱚ ᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱥᱤᱨᱯᱷᱟᱹ ᱟᱨ ᱯᱷᱤᱞᱢ ᱯᱷᱮᱭᱟᱨ ᱥᱤᱨᱯᱷᱟᱹ ᱥᱟᱶᱛᱮ ᱟᱭᱢᱟ ᱥᱤᱨᱯᱷᱟᱹᱭ ᱟᱢᱮᱴ ᱟᱠᱟᱫ-ᱟ ᱾ ᱠᱟᱯᱩᱨ ᱫᱚ ᱒᱐᱑᱒ ᱠᱷᱚᱱ ᱒᱐᱑᱖ ᱫᱷᱟᱹᱵᱤᱡ ᱯᱷᱳᱨᱵᱽᱥ ᱤᱱᱰᱤᱭᱟ ᱨᱮᱱᱟᱜ ᱥᱮᱞᱤᱵᱽᱨᱤᱴᱤ ᱑᱐᱐ ᱨᱮᱱᱟᱜ ᱞᱤᱥᱴ ᱨᱮᱭ ᱛᱟᱦᱮᱸ ᱠᱟᱱᱟ ᱾
ᱟᱱᱤᱞ ᱠᱟᱯᱩᱨ ᱟᱜ ᱠᱩᱲᱤ ᱠᱟᱱᱟᱭ ᱾ ᱩᱱᱤ ᱫᱚ ᱒᱐᱐᱕ ᱥᱟᱞ ᱨᱮ ᱥᱚᱱᱡᱚᱭ ᱞᱤᱞᱟ ᱵᱷᱚᱱᱥᱟᱞᱤ ᱟᱜ ᱯᱷᱤᱞᱢ ᱵᱞᱮᱠ ᱨᱮ ᱟᱥᱤᱥᱴᱮᱱᱴ ᱰᱤᱨᱮᱠᱴᱚᱨ ᱞᱮᱠᱟᱛᱮ ᱟᱡᱟᱜ ᱠᱮᱨᱤᱭᱚᱨ ᱮ ᱮᱛᱚᱦᱚᱵ ᱞᱮᱫ-ᱟ ᱾ ᱒᱐᱐᱗ ᱥᱟᱞ ᱨᱮ ᱵᱷᱟᱱᱥᱟᱞᱤ ᱭᱟᱜ ᱨᱳᱢᱟᱱᱴᱤᱠ ᱰᱨᱟᱢᱟ ᱥᱟᱣᱟᱨᱤᱭᱟ (᱒᱐᱐᱗) ᱨᱮ ᱟᱡᱟᱜ ᱮᱱᱮᱡ ᱮᱛᱚᱦᱚᱵ ᱞᱮᱫᱟᱭ, ᱡᱟᱦᱟᱸ ᱫᱚ ᱵᱚᱠᱥ ᱚᱯᱷᱤᱥ ᱨᱮ ᱯᱷᱞᱚᱯ ᱞᱮᱱ ᱛᱟᱦᱮᱸᱫ ᱾ ᱟᱨ ᱒᱐᱑᱐ ᱥᱟᱞ ᱨᱮ ᱨᱳᱢᱟᱱᱴᱤᱠ ᱠᱚᱢᱮᱰᱤ ᱤᱧ ᱦᱮᱴ ᱞᱩᱵᱽ ᱥᱴᱳᱨᱤᱥ (I Hate Luv Storys) ᱨᱮ ᱟᱡᱟᱜ ᱯᱩᱭᱞᱩ ᱠᱮᱢᱚᱨᱥᱤᱭᱟᱞ ᱥᱠᱮᱥ ᱮ ᱧᱟᱢ ᱞᱮᱫᱼᱟ ᱾ ᱱᱚᱶᱟ ᱛᱟᱭᱚᱢ ᱠᱮᱨᱟᱞᱟ ᱨᱮ ᱟᱹᱰᱤ ᱜᱟᱱ ᱵᱮᱯᱟᱨᱤ ᱵᱟᱭᱯᱮᱨᱟᱣ ᱟᱨ ᱨᱩᱣᱟᱹᱲᱟᱱ ᱨᱳᱞ ᱠᱚ ᱦᱩᱭ ᱞᱮᱱ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱟᱡᱟᱜ ᱱᱟᱯᱟᱭ ᱵᱟᱵᱚᱫ ᱛᱮ ᱠᱚ ᱨᱤᱠᱟᱹᱣ ᱠᱮᱫᱼᱟ ᱾ ᱒᱐᱑᱓ ᱥᱟᱞ ᱨᱮᱱᱟᱜ ᱨᱟᱺᱪᱤ ᱦᱤᱴ ᱫᱚ ᱠᱟᱯᱩᱨ ᱟᱜ ᱠᱮᱨᱤᱭᱚᱨ ᱨᱮ ᱢᱤᱫ ᱢᱩᱪᱟᱹᱫ ᱴᱷᱟᱶ ᱮ ᱟᱢᱮᱴ ᱞᱮᱫᱼᱟ, ᱟᱭᱢᱟ ᱥᱤᱨᱯᱷᱟᱹ ᱨᱮ ᱟᱡᱟᱜ ᱥᱟᱨᱦᱟᱣ ᱟᱨ ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱨᱮᱥ ᱧᱩᱛᱩᱢ ᱮ ᱧᱟᱢ ᱞᱮᱫᱼᱟ ᱾
ᱠᱟᱯᱩᱨ ᱫᱚ ᱟᱡᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱮᱯᱟᱨᱤ ᱥᱟᱹᱠᱷᱭᱟᱹᱛ ᱫᱚ ᱵᱷᱟᱜᱽ ᱢᱤᱞᱠᱷᱟ ᱵᱷᱟᱜᱽ (᱒᱐᱑᱓) ᱟᱨ ᱥᱟᱱᱡᱩ (᱒᱐᱑᱘) ᱨᱮ ᱥᱚᱯᱳᱨᱴᱤᱝ ᱨᱳᱞ ᱟᱨ ᱨᱳᱢᱟᱱᱥ ᱯᱨᱮᱢ ᱨᱚᱛᱚᱱ ᱫᱷᱚᱱ ᱯᱮᱭᱳ (᱒᱐᱑᱕) ᱨᱮ ᱢᱩᱬᱩᱛ ᱨᱳᱞ ᱮ ᱟᱢᱮᱴ ᱞᱮᱫᱼᱟ ᱾ ᱒᱐᱑᱖ ᱥᱟᱞ ᱨᱮ ᱱᱤᱨᱡᱟ ᱵᱷᱟᱱᱳᱛ ᱮᱱᱮᱡ ᱠᱟᱛᱮ ᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱥᱤᱨᱯᱷᱟᱹ - ᱥᱯᱮᱥᱤᱭᱟᱞ ᱢᱮᱱᱥᱚᱱ ᱟᱨ ᱯᱷᱤᱞᱢᱯᱷᱮᱭᱟᱨ ᱥᱤᱨᱯᱷᱟᱹ (ᱠᱨᱤᱴᱤᱠᱥ) ᱮ ᱟᱢᱮᱴ ᱞᱮᱫᱼᱟ ᱾ ᱒᱐᱑᱘ ᱥᱟᱞ ᱨᱮ ᱱᱤᱨᱡᱟ ᱵᱷᱟᱱᱳᱛ ᱮᱱᱮᱡ ᱠᱟᱛᱮ ᱒᱐᱑᱘ ᱥᱟᱞ ᱨᱮ ᱵᱷᱤᱲᱤ ᱫᱤ ᱣᱮᱰᱤᱝ ᱯᱷᱤᱞᱢ ᱨᱮ ᱮᱱᱮᱡ ᱞᱮᱫᱼᱟ ᱾ ᱱᱚᱶᱟ ᱛᱟᱭᱚᱢ ᱵᱟᱨᱭᱟ ᱠᱩᱲᱤ ᱦᱩᱰᱤᱧ ᱯᱷᱤᱞᱢ ᱟᱨ ᱢᱤᱫ ᱦᱟᱴ ᱛᱟᱦᱮᱸ ᱠᱟᱱᱟ ᱾
ᱠᱟᱯᱩᱨ ᱫᱚ ᱢᱚᱪᱟ ᱠᱮᱱᱥᱟᱨ ᱟᱨ ᱮᱞ.ᱡᱤ.ᱴᱤ.ᱵᱤ.ᱴᱤ. ᱠᱚᱣᱟᱜ ᱨᱟᱭᱨᱤᱛ ᱠᱚ ᱵᱟᱰᱟᱭ ᱦᱚᱪᱚ ᱨᱮ ᱜᱚᱲᱚ ᱮᱢᱚᱜ ᱠᱟᱱᱟᱭ ᱾ ᱟᱡᱟᱜ ᱨᱚᱲ ᱨᱚᱝ ᱞᱟᱹᱜᱤᱫ ᱛᱮ ᱢᱤᱰᱤᱭᱟ ᱨᱮ ᱵᱟᱰᱟᱭᱚᱜᱼᱟ, ᱠᱟᱯᱩᱨ ᱫᱚ ᱥᱳᱥᱤᱭᱟᱞ ᱢᱤᱰᱤᱭᱟ ᱴᱨᱚᱞᱤᱝ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾ ᱩᱱᱤ ᱫᱚ ᱵᱮᱯᱟᱨᱤᱭᱟᱹ ᱟᱱᱚᱱᱫᱽ ᱟᱦᱩᱡᱟ ᱥᱟᱶᱮ ᱵᱟᱯᱞᱟ ᱟᱠᱟᱱᱟᱭ, ᱡᱟᱦᱟᱸᱭ ᱥᱟᱶ ᱢᱤᱫ ᱠᱚᱲᱟ ᱜᱤᱫᱽᱨᱟ. ᱢᱮᱱᱟᱭᱟ ᱾