ᱥᱳᱱᱤᱭᱟ ᱪᱟᱦᱟᱞ
ᱥᱳᱱᱤᱭᱟ ᱪᱟᱦᱟᱞ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱮᱢᱮᱪᱩᱨ ᱵᱚᱠᱥᱟᱨ ᱠᱟᱱᱟᱭ᱾ ᱩᱱᱤ ᱫᱚ ᱒᱐᱑᱘ ᱮ. ᱟᱭ. ᱵᱤ. ᱮ. ᱛᱤᱨᱞᱟᱹ ᱡᱮᱜᱮᱛ ᱵᱚᱠᱥᱤᱝ ᱪᱟᱢᱯᱤᱭᱟᱱᱥᱤᱯ ᱨᱮ ᱥᱤᱞᱵᱷᱚᱨ ᱢᱮᱰᱟᱞ ᱮ ᱟᱢᱮᱴ ᱟᱠᱟᱫᱟ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱪᱟᱦᱟᱞ ᱫᱚ ᱦᱚᱨᱤᱭᱟᱬᱟ ᱯᱚᱱᱚᱛ ᱨᱮᱱᱟᱜ ᱵᱷᱤᱣᱟᱱᱤ ᱦᱚᱱᱚᱛ ᱨᱮᱱᱟᱜ ᱱᱤᱢᱨᱤ ᱟᱹᱛᱩ ᱨᱮᱭ ᱡᱟᱱᱟᱢ ᱟᱠᱟᱱᱟ᱾ ᱩᱱᱤ ᱫᱚ ᱢᱤᱫ ᱪᱟᱹᱥᱤ ᱥᱨᱤ ᱡᱚᱭ ᱵᱷᱟᱜᱣᱟᱱ ᱟᱨ ᱚᱲᱟᱜ ᱨᱮ ᱠᱟᱹᱢᱤ ᱠᱟᱱ ᱟᱭᱳ ᱱᱤᱞᱟᱢ ᱨᱤᱱ ᱵᱟᱨᱭᱟ ᱜᱤᱫᱽᱨᱟᱹ ᱢᱩᱫᱽ ᱨᱮ ᱦᱩᱰᱤᱧ ᱦᱚᱯᱚᱱ ᱠᱟᱱᱟᱭ᱾
ᱩᱱᱤ ᱫᱚ ᱠᱟᱵᱤᱛᱟ ᱪᱟᱦᱟᱞ ᱴᱷᱮᱱ ᱠᱷᱚᱱ ᱤᱱᱥᱯᱤᱨᱮᱥᱟᱱ ᱦᱟᱛᱟᱣ ᱠᱟᱛᱮ ᱒᱐᱑᱑ ᱥᱟᱞ ᱨᱮ ᱵᱚᱠᱥᱤᱝ ᱮ ᱮᱛᱚᱦᱚᱵ ᱞᱮᱫᱟ᱾ ᱟᱨ ᱠᱳᱪ ᱡᱚᱜᱽᱫᱤᱥ ᱥᱤᱝ ᱩᱢᱩᱞ ᱨᱮ ᱵᱷᱤᱣᱟᱱᱤ ᱵᱚᱠᱥᱤᱝ ᱠᱞᱟᱵᱽ ᱨᱮ ᱛᱩᱨᱩᱭ ᱪᱟᱸᱫᱚ ᱴᱨᱮᱱᱤᱝ ᱦᱟᱛᱟᱣ ᱠᱟᱛᱮ, ᱩᱱᱤ ᱫᱚ ᱚᱱᱟ ᱥᱮᱨᱢᱟ ᱨᱮ ᱜᱮ ᱥᱠᱩᱞ-ᱞᱮᱵᱷᱮᱞ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱᱥᱤᱯ ᱨᱮ ᱥᱤᱞᱵᱷᱚᱨ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱫᱟ᱾ ᱩᱱᱤ ᱫᱚ ᱛᱟᱭᱚᱢ ᱨᱮᱱᱟᱜ ᱯᱮᱭᱟ ᱥᱮᱨᱢᱟ ᱞᱟᱹᱜᱤᱫ ᱵᱷᱤᱣᱟᱱᱤ ᱨᱮ ᱟᱡᱟᱜ ᱴᱨᱮᱱᱤᱝ ᱮ ᱪᱟᱞᱟᱣ ᱫᱚᱦᱚ ᱠᱮᱫᱟ᱾
ᱥᱳᱱᱤᱭᱟ ᱪᱟᱦᱟᱞ ᱫᱚ ᱡᱟᱨᱢᱟᱱᱤ ᱨᱤᱱᱤᱡ ᱳᱨᱱᱮᱞᱟ ᱣᱟᱦᱱᱚᱨ ᱴᱷᱮᱱ ᱯᱷᱟᱭᱱᱟᱞ ᱨᱮ ᱦᱟᱨᱟᱣ ᱠᱟᱛᱮ ᱒᱐᱑᱘ ᱮ. ᱟᱭ. ᱵᱤ. ᱮ. ᱛᱤᱨᱞᱟᱹ ᱡᱮᱜᱮᱛ ᱵᱚᱠᱥᱤᱝ ᱪᱟᱢᱯᱤᱭᱟᱱᱥᱤᱯ ᱨᱮᱱᱟᱜ ᱯᱷᱮᱫᱟᱨᱣᱮᱴ ᱰᱤᱵᱤᱡᱚᱱ (᱕᱔–᱕᱗ ᱠᱤᱞᱳ) ᱨᱮ ᱥᱤᱞᱵᱷᱚᱨ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱫᱟ᱾