ᱦᱚᱨᱣᱟᱱᱛ ᱠᱳᱣᱨ
ᱦᱚᱨᱣᱟᱱᱛ ᱠᱳᱣᱨ (ᱡᱟᱱᱟᱢ ᱕ ᱡᱩᱞᱟᱭ ᱑᱙᱘᱐) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱰᱤᱥᱠᱚᱥ ᱛᱷᱨᱚᱣᱟᱨ ᱟᱨ ᱥᱚᱴ ᱯᱩᱴᱟᱨ ᱠᱟᱱᱟᱭ ᱾ ᱩᱱᱤ ᱫᱚ ᱒᱐᱐᱒ ᱮᱥᱤᱭᱟᱱ ᱪᱟᱢᱯᱤᱭᱟᱱᱥᱤᱯ ᱨᱮ ᱥᱤᱞᱵᱷᱚᱨ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱫᱼᱟ, ᱒᱐᱐᱓ ᱮᱥᱤᱭᱟᱱ ᱪᱟᱢᱯᱤᱭᱟᱱᱥᱤᱯ ᱨᱮ ᱯᱩᱱᱭᱟᱹ ᱴᱷᱟᱶ ᱮ ᱯᱩᱨᱟᱹᱣ ᱞᱮᱫᱼᱟ ᱟᱨ ᱒᱐᱐᱖ ᱠᱚᱢᱚᱱᱣᱮᱞᱛᱷ ᱜᱮᱢᱥ ᱨᱮ ᱮᱭᱟᱭ ᱴᱷᱟᱶ ᱮ ᱧᱟᱢ ᱞᱮᱫᱼᱟ ᱾ ᱱᱚᱣᱟ ᱵᱮᱜᱚᱨ ᱦᱚᱸ ᱩᱱᱤ ᱫᱚ ᱒᱐᱐᱔ ᱚᱞᱤᱢᱯᱤᱠ ᱜᱮᱢᱥ ᱨᱮᱭ ᱦᱮᱯᱨᱟᱣ ᱞᱮᱱᱟ ᱟᱨ ᱠᱩᱣᱟᱞᱤᱯᱷᱟᱭᱤᱝ ᱨᱟᱣᱩᱱᱰ ᱨᱮ ᱑᱓ ᱟᱱᱟᱜ ᱴᱷᱟᱶ ᱮ ᱟᱢᱮᱴ ᱞᱮᱫᱼᱟ ᱾ ᱟᱡᱤᱡ ᱯᱟᱨᱥᱚᱱᱟᱞ ᱠᱚᱪ ᱫᱚ ᱯᱟᱨᱵᱤᱨ ᱥᱤᱝ ᱠᱟᱱᱟᱭ ᱾ ᱒᱐᱑᱐ ᱠᱚᱢᱚᱱᱣᱮᱞᱛᱷ ᱜᱮᱢᱥ ᱨᱮ, ᱩᱱᱤ ᱰᱤᱥᱠᱚᱥ ᱛᱷᱨᱚᱣ ᱤᱵᱷᱮᱱᱴ ᱨᱮ ᱥᱤᱞᱵᱷᱚᱨ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱫᱼᱟ ᱾
ᱟᱡᱟᱜ ᱯᱟᱨᱥᱚᱱᱟᱞ ᱵᱮᱥᱴ ᱛᱷᱨᱚ ᱫᱚ ᱖᱓.᱐᱕ ᱢᱤᱴᱚᱨ ᱠᱟᱱᱟ, ᱡᱟᱦᱟᱸ ᱫᱚ ᱚᱜᱚᱥᱴ ᱒᱐᱐᱔ ᱨᱮ ᱠᱤᱭᱮᱵᱽ ᱨᱮ ᱦᱟᱢᱮᱴ ᱞᱮᱱ ᱛᱟᱦᱮᱸᱱᱟ ᱾ ᱩᱱᱤ ᱒᱐᱐᱘ ᱵᱮᱡᱤᱝ ᱚᱞᱤᱢᱯᱤᱠ ᱨᱮᱭ ᱦᱮᱯᱨᱟᱣ ᱞᱮᱱᱟ, ᱢᱮᱱᱠᱷᱟᱱ ᱯᱷᱟᱭᱱᱟᱞ ᱨᱮ ᱥᱮᱴᱮᱨ ᱵᱟᱭ ᱫᱟᱲᱮ ᱞᱮᱫᱼᱟ ᱟᱨ ᱠᱩᱣᱟᱞᱤᱯᱷᱟᱭᱟᱨ ᱨᱮ ᱕᱖.᱔᱒ ᱢᱤᱴᱚᱨ ᱛᱷᱨᱚ ᱥᱟᱶ ᱑᱗ ᱟᱱᱟᱜ ᱨᱮᱝᱠ ᱮ ᱟᱢᱮᱴ ᱞᱮᱫᱼᱟ ᱾