ᱦᱚᱲᱢᱚ ᱥᱟᱶᱟᱨ

ᱦᱚᱲᱢᱚ ᱥᱟᱶᱟᱨ ᱨᱮᱱᱟᱜ ᱟᱭᱢᱟ ᱞᱮᱠᱟᱱ ᱩᱱᱩᱨᱩᱢ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱡᱚᱥ ᱞᱟᱹᱜᱤᱫ ᱚᱠᱛᱚ ᱡᱟᱹᱱᱤ ᱵᱮᱵᱷᱟᱨ ᱟᱹᱜᱩ ᱟᱠᱟᱱᱟ ᱾ ᱥᱟᱫᱷᱟᱨᱚᱱ ᱞᱮᱠᱟᱛᱮ, ᱱᱚᱣᱟ ᱫᱚ ᱦᱚᱲᱢᱚᱣᱟᱱ ᱟᱨ ᱵᱷᱟᱵᱽᱱᱟᱣᱟᱱ ᱱᱟᱯᱟᱭ ᱛᱟᱦᱮᱸᱱ ᱮ ᱵᱩᱡᱷᱟᱹᱣ ᱦᱚᱪᱚᱭᱟ, ᱵᱤᱥᱮᱥ ᱠᱟᱛᱮ ᱢᱟᱹᱱᱢᱤ ᱦᱚᱲᱢᱚ ᱨᱮᱱᱟᱜ ᱥᱟᱫᱷᱟᱨᱚᱱ ᱠᱟᱹᱢᱤ ᱦᱚᱨᱟ ᱥᱟᱶ ᱡᱚᱲᱟᱣ ᱟᱠᱟᱱ, ᱡᱟᱦᱟᱸ ᱨᱮ ᱟᱡᱟᱨ, ᱦᱟᱹᱥᱩ (ᱢᱚᱱᱮ ᱦᱟᱹᱥᱩ ᱥᱮᱞᱮᱫ ᱠᱟᱛᱮ), ᱟᱨᱵᱟᱝ ᱜᱷᱟᱹᱞ ᱠᱚ ᱵᱟᱝ ᱛᱟᱦᱮᱸᱱ ᱾

ᱦᱚᱲᱢᱚ ᱥᱟᱶᱟᱨ ᱫᱚ ᱱᱟᱯᱟᱭ ᱠᱟᱹᱢᱤ ᱦᱚᱨᱟ ᱠᱚ ᱡᱮᱞᱮᱠᱟ ᱱᱤᱭᱚᱢ ᱞᱮᱠᱟᱛᱮ ᱦᱚᱲᱢᱚ ᱠᱟᱹᱥᱨᱟᱹᱛ ᱟᱨ ᱞᱟᱹᱠᱛᱤ ᱡᱟᱹᱱᱤ ᱡᱟᱹᱯᱤᱫ ᱛᱟᱞᱟ ᱛᱮ ᱞᱟᱦᱟᱱᱛᱤ ᱫᱟᱲᱮᱭᱟᱜᱼᱟ,^[᱑] ᱟᱨ ᱵᱟᱹᱲᱤᱡ ᱠᱟᱹᱢᱤ ᱟᱨᱵᱟᱝ ᱚᱵᱚᱥᱛᱷᱟ ᱠᱚ ᱡᱮᱞᱮᱠᱟ ᱥᱤᱜᱽᱨᱮᱴ ᱧᱩ ᱟᱨᱵᱟᱝ ᱟᱹᱰᱤ ᱰᱮᱦᱮᱨ ᱪᱤᱱᱛᱟᱹ ᱠᱚ ᱠᱚᱢ ᱟᱨᱵᱟᱝ ᱵᱟᱹᱜᱤ ᱠᱟᱛᱮ ᱾ ᱦᱚᱲᱢᱚ ᱥᱟᱶᱟᱨ ᱨᱮ ᱚᱨᱥᱚᱝ ᱮᱢᱚᱜ ᱠᱟᱱ ᱠᱤᱪᱷᱩ ᱠᱟᱨᱚᱱ ᱫᱚ ᱱᱤᱡᱮᱨᱟᱜ ᱵᱟᱪᱷᱟᱣ ᱠᱷᱟᱹᱛᱤᱨ ᱦᱩᱭᱩᱜᱼᱟ, ᱡᱮᱞᱮᱠᱟ ᱵᱚᱛᱚᱨᱟᱱ ᱵᱮᱵᱷᱟᱨ ᱨᱮ ᱥᱮᱞᱮᱫᱚᱜ, ᱡᱚᱠᱷᱚᱱ ᱮᱴᱟᱜ ᱠᱟᱨᱚᱱ ᱠᱚᱫᱚ ᱥᱟᱶᱛᱟ ᱨᱮᱱᱟᱜ ᱰᱷᱟᱸᱪᱟ ᱠᱷᱟᱹᱛᱤᱨ ᱦᱩᱭᱩᱜᱼᱟ, ᱡᱮᱞᱮᱠᱟ ᱥᱟᱶᱛᱟ ᱫᱚ ᱱᱚᱝᱠᱟᱱ ᱰᱷᱟᱸᱪᱟ ᱛᱮ ᱥᱟᱯᱲᱟᱣ ᱟᱠᱟᱱᱟ ᱥᱮ ᱵᱟᱝ ᱡᱟᱦᱟᱸ ᱛᱮ ᱦᱚᱲ ᱠᱚ ᱞᱟᱹᱠᱛᱤᱭᱟᱱ ᱦᱚᱲᱢᱚ ᱥᱟᱶᱟᱨ ᱥᱮᱵᱟ ᱟᱞᱜᱟ ᱛᱮ ᱠᱚ ᱧᱟᱢ ᱫᱟᱲᱮᱭᱟᱜᱼᱟ ᱾ ᱮᱱᱛᱮ ᱨᱮᱦᱚᱸ, ᱟᱨ ᱠᱤᱪᱷᱩ ᱠᱟᱨᱚᱱ ᱫᱚ ᱱᱤᱡᱮᱨᱟᱜ ᱟᱨ ᱜᱟᱫᱮᱞ ᱵᱟᱪᱷᱟᱣ ᱠᱷᱚᱱ ᱵᱟᱦᱨᱮ ᱨᱮ ᱛᱟᱦᱮᱸᱱᱟ, ᱡᱮᱞᱮᱠᱟ ᱡᱮᱱᱮᱴᱤᱠ ᱟᱱᱟᱴ ᱠᱚ ᱾

ᱱᱟᱜᱟᱢ

ᱡᱮᱜᱮᱛ ᱦᱚᱲᱢᱚ ᱥᱟᱶᱟᱨ ᱜᱟᱶᱛᱟ ᱣᱟᱜ ᱩᱱᱩᱨᱩᱢ

ᱦᱚᱲᱢᱚ ᱥᱟᱶᱟᱨ ᱫᱚ ᱦᱚᱲᱢᱚᱣᱟᱱ, ᱢᱚᱱᱮᱣᱟᱱ ᱟᱨ ᱥᱟᱶᱛᱟᱣᱟᱱ ᱱᱟᱯᱟᱭ ᱛᱟᱦᱮᱸᱱ ᱨᱮᱱᱟᱜ ᱢᱤᱫ ᱯᱩᱨᱟᱹ ᱚᱵᱚᱥᱛᱷᱟ ᱠᱟᱱᱟ ᱟᱨ ᱱᱚᱣᱟ ᱫᱚ ᱥᱩᱢᱩᱝ ᱟᱡᱟᱨ ᱟᱨᱵᱟᱝ ᱨᱩᱣᱟᱹ ᱠᱷᱚᱱ ᱯᱷᱟᱨᱱᱟᱣ ᱛᱟᱦᱮᱸᱱ ᱫᱚ ᱵᱟᱝ ᱠᱟᱱᱟ ᱾

"Constitution". World Health Organization. Retrieved 25 September 2024.

ᱦᱚᱲᱢᱚ ᱥᱟᱶᱟᱨ ᱨᱮᱱᱟᱜ ᱦᱟᱹᱴᱤᱧ ᱠᱚ

ᱦᱚᱲᱢᱚ ᱥᱟᱶᱟᱨ

ᱦᱚᱲᱢᱚᱣᱟᱱ ᱯᱷᱤᱴᱱᱮᱥ ᱫᱚ ᱱᱟᱯᱟᱭ ᱦᱚᱲᱢᱚ ᱥᱟᱶᱟᱨ ᱮ ᱵᱩᱡᱷᱟᱹᱣ ᱦᱚᱪᱚᱭᱟ ᱾ ᱱᱚᱣᱟ ᱫᱚ ᱡᱮᱱᱮᱴᱤᱠ ᱠᱟᱨᱚᱱ ᱟᱨ ᱚᱱᱟ ᱥᱟᱶᱛᱮ ᱥᱟᱶᱛᱟᱣᱟᱱ, ᱠᱟᱹᱣᱰᱤᱟᱹᱨᱤ ᱟᱨ ᱯᱟᱨᱤᱵᱮᱥ ᱠᱟᱨᱚᱱ ᱠᱚ ᱪᱮᱛᱟᱱ ᱨᱮ ᱵᱷᱚᱨᱥᱟ ᱟᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ, ᱢᱤᱫ ᱦᱚᱲᱟᱜ ᱡᱤᱱ ᱫᱚ ᱟᱡᱟᱜ ᱦᱚᱲᱢᱚᱣᱟᱱ ᱥᱟᱶᱟᱨ ᱞᱟᱹᱜᱤᱫ ᱠᱤᱪᱷᱩ ᱜᱟᱱ ᱫᱟᱹᱭᱵᱷᱟᱨ ᱨᱮ ᱢᱮᱱᱟᱜᱼᱟ, ᱢᱮᱱᱠᱷᱟᱱ ᱮᱴᱟᱜ ᱚᱵᱚᱥᱛᱷᱟ ᱠᱚᱦᱚᱸ ᱢᱮᱱᱟᱜᱼᱟ: ᱟᱢ ᱚᱠᱟᱨᱮ ᱮᱢ ᱛᱟᱦᱮᱸᱱᱟ, ᱟᱢ ᱥᱩᱨ ᱨᱮᱱᱟᱜ ᱫᱟᱜ ᱟᱨ ᱦᱚᱭ ᱛᱤᱱᱟᱹᱜ ᱥᱟᱯᱷᱟ ᱢᱮᱱᱟᱜᱼᱟ ᱟᱨ ᱟᱢᱟᱜ ᱥᱟᱶᱛᱟᱣᱟᱱ ᱟᱨ ᱢᱮᱰᱤᱠᱟᱞ ᱰᱷᱟᱸᱪᱟ ᱛᱤᱱᱟᱹᱜ ᱱᱟᱯᱟᱭᱟ ᱾ ᱱᱚᱣᱟ ᱫᱚ ᱱᱤᱭᱚᱢ ᱞᱮᱠᱟᱛᱮ ᱦᱚᱲᱢᱚ ᱠᱟᱹᱢᱤ, ᱱᱟᱯᱟᱭ ᱡᱚᱢᱟᱜ ᱟᱨ ᱯᱩᱥᱴᱤ, ᱟᱨ ᱦᱚᱲᱢᱚ ᱡᱤᱨᱟᱹᱣ ᱞᱟᱹᱜᱤᱫ ᱱᱟᱯᱟᱭ ᱡᱤᱨᱟᱹᱣ ᱨᱮᱱᱟᱜ ᱚᱨᱡᱚ ᱠᱟᱱᱟ ᱾ ᱢᱤᱫ ᱦᱚᱲ ᱡᱟᱦᱟᱸᱭ ᱦᱚᱲᱢᱚ ᱛᱮ ᱯᱷᱤᱴ ᱮ ᱛᱟᱦᱮᱸᱱᱟ, ᱩᱱᱤ ᱫᱚ ᱵᱟᱝ ᱦᱟᱸᱠᱟᱣ ᱠᱟᱛᱮ ᱛᱟᱲᱟᱢ ᱟᱨᱵᱟᱝ ᱫᱟᱹᱲ ᱫᱟᱲᱮᱭᱟᱜᱼᱟᱭ ᱟᱨ ᱫᱤᱱᱟᱹᱢ ᱫᱤᱱ ᱨᱮᱱᱟᱜ ᱠᱟᱹᱢᱤ ᱠᱚ ᱮᱴᱟᱜ ᱦᱚᱲᱟᱜ ᱜᱚᱲᱚ ᱵᱟᱝ ᱦᱟᱛᱟᱣ ᱠᱟᱛᱮ ᱜᱮᱭ ᱠᱚᱨᱟᱣ ᱫᱟᱲᱮᱭᱟᱜᱼᱟ ᱾ ᱢᱤᱫ ᱦᱚᱲ ᱛᱤᱱᱟᱹᱜ ᱮ ᱠᱟᱹᱢᱤ ᱫᱟᱲᱮᱭᱟᱜᱼᱟ ᱚᱱᱟ ᱫᱚ ᱟᱡᱟᱜ ᱩᱢᱮᱨ ᱟᱨ ᱩᱱᱤ ᱠᱚᱲᱟ ᱠᱟᱱᱟᱭ ᱥᱮ ᱠᱩᱲᱤ ᱚᱱᱟ ᱪᱮᱛᱟᱱ ᱨᱮ ᱞᱟᱜᱟᱣ ᱛᱟᱦᱮᱸᱱᱟ ᱾

ᱢᱤᱫ ᱦᱚᱲᱢᱚ ᱛᱮ ᱯᱷᱤᱴ ᱦᱚᱲᱟᱜ ᱫᱚ ᱟᱡᱟᱜ ᱩᱥᱩᱞ ᱡᱟᱹᱱᱤ ᱱᱟᱯᱟᱭ ᱦᱟᱢᱟᱞ ᱛᱟᱦᱮᱸᱱᱟ ᱾ ᱩᱥᱩᱞ ᱟᱨ ᱦᱟᱢᱟᱞ ᱛᱟᱞᱟ ᱨᱮᱱᱟᱜ ᱡᱚᱲᱟᱣ ᱫᱚ ᱵᱚᱰᱤ ᱢᱟᱥ ᱤᱱᱰᱮᱠᱥ ᱠᱚ ᱢᱮᱛᱟᱜᱼᱟ ᱾ ᱢᱤᱫ ᱩᱥᱩᱞ ᱦᱚᱲ ᱫᱚ ᱰᱮᱦᱮᱨ ᱦᱟᱢᱟᱞ ᱠᱟᱛᱮ ᱦᱚᱸ ᱯᱷᱤᱴ ᱮ ᱛᱟᱦᱮᱸ ᱫᱟᱲᱮᱭᱟᱜᱼᱟ ᱾ ᱡᱩᱫᱤ ᱢᱤᱫ ᱦᱚᱲ ᱟᱡᱟᱜ ᱩᱥᱩᱞ ᱡᱟᱹᱱᱤ ᱟᱹᱰᱤ ᱰᱮᱦᱮᱨ ᱦᱟᱢᱟᱞ ᱟᱨᱵᱟᱝ ᱟᱹᱰᱤ ᱱᱟᱱᱦᱟ ᱜᱮᱭᱟᱭ, ᱮᱱᱠᱷᱟᱱ ᱱᱚᱣᱟ ᱫᱚ ᱟᱡᱟᱜ ᱦᱚᱲᱢᱚ ᱥᱟᱶᱟᱨ ᱨᱮ ᱚᱨᱥᱚᱝ ᱯᱟᱲᱟᱣ ᱫᱟᱲᱮᱭᱟᱜᱼᱟ ᱾^[᱒] ᱱᱟᱯᱟᱭ ᱦᱚᱲᱢᱚ ᱥᱟᱶᱟᱨ ᱫᱚ ᱢᱟᱹᱱᱢᱤᱭᱟᱜ ᱨᱟᱹᱥᱠᱟᱹ ᱟᱨ ᱱᱟᱯᱟᱭ ᱛᱟᱦᱮᱸᱱ ᱞᱟᱹᱜᱤᱫ ᱢᱩᱬᱩᱛ ᱡᱤᱱᱤᱥ ᱠᱟᱱᱟ ᱾ ᱱᱚᱣᱟ ᱫᱚ ᱠᱟᱹᱣᱰᱤᱟᱹᱨᱤ ᱞᱟᱦᱟᱱᱛᱤ ᱨᱮᱦᱚᱸ ᱢᱟᱨᱟᱝ ᱮᱱᱮᱢ ᱮ ᱮᱢᱟ, ᱪᱮᱫᱟᱜ ᱥᱮ ᱦᱚᱲᱢᱚ ᱥᱟᱶᱟᱨ ᱦᱚᱲ ᱫᱚ ᱡᱮᱞᱮᱧ ᱫᱤᱱ ᱠᱚ ᱵᱟᱧᱪᱟᱣ ᱛᱟᱦᱮᱸᱱᱟ, ᱰᱮᱦᱮᱨ ᱠᱟᱹᱢᱤ ᱠᱚ ᱠᱚᱨᱟᱣ ᱫᱟᱲᱮᱭᱟᱜᱼᱟ, ᱟᱨ ᱰᱮᱦᱮᱨ ᱠᱟᱹᱣᱰᱤ ᱠᱚ ᱵᱟᱧᱪᱟᱣ ᱫᱟᱲᱮᱭᱟᱜᱼᱟ ᱾ ᱟᱭᱢᱟ ᱠᱟᱨᱚᱱ ᱠᱚ ᱦᱚᱲᱢᱚ ᱥᱟᱶᱟᱨ ᱨᱮᱱᱟᱜ ᱚᱵᱚᱥᱛᱷᱟ ᱟᱨ ᱢᱤᱫ ᱫᱤᱥᱚᱢ ᱨᱮ ᱟᱡ ᱨᱤᱱ ᱦᱚᱲ ᱠᱚ ᱞᱟᱹᱜᱤᱫ ᱱᱟᱯᱟᱭ ᱦᱚᱲᱢᱚ ᱥᱟᱶᱟᱨ ᱥᱮᱵᱟ ᱮᱢᱚᱜ ᱨᱮᱱᱟᱜ ᱫᱟᱲᱮ ᱪᱮᱛᱟᱱ ᱨᱮ ᱚᱨᱥᱚᱝ ᱮ ᱮᱢᱟ ᱾^[᱓]

ᱢᱚᱱᱮ ᱥᱟᱶᱟᱨ

ᱢᱚᱱᱮ ᱥᱟᱶᱟᱨ ᱫᱚ ᱢᱤᱫ ᱦᱚᱲᱟᱜ ᱵᱷᱟᱵᱽᱱᱟ ᱟᱨ ᱢᱚᱱᱮ ᱥᱟᱬᱮᱥᱣᱟᱱ ᱱᱟᱯᱟᱭ ᱛᱟᱦᱮᱸᱱ ᱮ ᱵᱩᱡᱷᱟᱹᱣ ᱦᱚᱪᱚᱭᱟ ᱾ "ᱵᱷᱟᱵᱽᱱᱟ ᱟᱨ ᱢᱚᱱᱮ ᱥᱟᱬᱮᱥᱣᱟᱱ ᱱᱟᱯᱟᱭ ᱛᱟᱦᱮᱸᱱ ᱨᱮᱱᱟᱜ ᱢᱤᱫ ᱚᱵᱚᱥᱛᱷᱟ ᱡᱟᱦᱟᱸ ᱨᱮ ᱢᱤᱫ ᱦᱚᱲ ᱟᱡᱟᱜ ᱩᱭᱦᱟᱹᱨ ᱟᱨ ᱵᱷᱟᱵᱽᱱᱟ ᱫᱟᱲᱮ ᱵᱮᱵᱷᱟᱨ ᱫᱟᱲᱮᱭᱟᱜᱼᱟ, ᱥᱟᱶᱛᱟ ᱨᱮ ᱱᱟᱯᱟᱭ ᱛᱮᱭ ᱛᱟᱦᱮᱸ ᱰᱟᱲᱮᱭᱟᱜᱼᱟ, ᱟᱨ ᱫᱤᱱᱟᱹᱢ ᱡᱤᱭᱚᱱ ᱨᱮᱱᱟᱜ ᱥᱟᱫᱷᱟᱨᱚᱱ ᱞᱟᱹᱠᱛᱤ ᱠᱚᱭ ᱯᱩᱨᱟᱹᱣ ᱫᱟᱲᱮᱭᱟᱜᱼᱟ ᱾"

ᱢᱚᱱᱮ ᱥᱟᱶᱟᱨ ᱵᱟᱵᱚᱛ ᱛᱮ ᱩᱭᱦᱟᱹᱨ ᱨᱮᱱᱟᱜ ᱢᱤᱫ ᱰᱟᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱢᱤᱫ ᱦᱚᱲ ᱛᱤᱱᱟᱹᱜ ᱱᱟᱯᱟᱭ ᱛᱮᱭ ᱠᱟᱹᱢᱤ ᱰᱟᱲᱮᱭᱟᱜ ᱠᱟᱱᱟ ᱚᱱᱟ ᱧᱮᱞ ᱾ ᱟᱡ ᱛᱮ ᱰᱟᱲᱮᱭᱟᱱ ᱟᱨ ᱱᱟᱯᱟᱭ ᱵᱩᱡᱷᱟᱹᱣ; ᱥᱟᱫᱷᱟᱨᱚᱱ ᱛᱷᱚᱠ ᱨᱮᱱᱟᱜ ᱥᱴᱨᱮᱥ ᱥᱟᱢᱵᱽᱲᱟᱣ ᱰᱟᱲᱮ; ᱱᱟᱯᱟᱭ ᱜᱟᱛᱮ ᱟᱨ ᱜᱷᱟᱨᱚᱸᱡᱽ ᱛᱟᱦᱮᱸᱱ, ᱟᱨ ᱢᱤᱫ ᱯᱷᱩᱨᱜᱟᱹᱞ ᱡᱤᱭᱚᱱ ᱠᱷᱟᱸᱰᱟᱣ; ᱟᱨ ᱟᱱᱟᱴ ᱚᱠᱛᱚ ᱠᱷᱚᱱ ᱟᱹᱰᱤ ᱞᱚᱜᱚᱱ ᱨᱩᱣᱟᱹᱲ ᱦᱮᱡ ᱰᱟᱲᱮ ᱜᱮ ᱢᱚᱱᱮ ᱥᱟᱶᱟᱨ ᱨᱮᱱᱟᱜ ᱪᱤᱱᱦᱟᱹ ᱠᱟᱱᱟ ᱾ ᱟᱵᱚ ᱡᱚᱛᱚ ᱦᱚᱲ ᱜᱮ ᱚᱠᱛᱚ ᱡᱟᱹᱱᱤ ᱪᱤᱱᱛᱟᱹ, ᱵᱷᱟᱵᱽᱱᱟ, ᱟᱹᱲᱤᱥ ᱟᱨᱵᱟᱝ ᱮᱴᱟᱜ ᱟᱱᱟᱴ ᱵᱷᱟᱵᱽᱱᱟ ᱠᱚ ᱵᱩᱡᱷᱟᱹᱣ ᱫᱚ ᱥᱟᱫᱷᱟᱨᱚᱱ ᱠᱟᱛᱷᱟ ᱠᱟᱱᱟ ᱾ ᱰᱷᱮᱨ ᱦᱚᱲ ᱞᱟᱹᱜᱤᱫ ᱫᱚ ᱱᱚᱣᱟ ᱵᱷᱟᱵᱽᱱᱟ ᱠᱚ ᱠᱤᱪᱷᱩ ᱚᱠᱛᱚ ᱞᱟᱹᱜᱤᱫ ᱜᱮ ᱛᱟᱦᱮᱸᱱᱟ ᱟᱨ ᱡᱟᱦᱟᱸᱱ ᱢᱟᱨᱟᱝ ᱟᱱᱟᱴ ᱵᱟᱝ ᱠᱟᱛᱮ ᱜᱮ ᱪᱟᱵᱟᱜᱼᱟ ᱾ ᱮᱱᱛᱮ ᱨᱮᱦᱚᱸ, ᱠᱤᱪᱷᱩ ᱦᱚᱲ ᱞᱟᱹᱜᱤᱫ ᱫᱚ ᱱᱚᱣᱟ ᱵᱟᱹᱲᱤᱡ ᱵᱷᱟᱵᱽᱱᱟ ᱠᱚ ᱚᱠᱛᱚ ᱥᱟᱶᱛᱮ ᱟᱨᱦᱚᱸ ᱵᱟᱹᱲᱤᱡᱚᱜᱼᱟ ᱟᱨ ᱢᱚᱱᱮ ᱥᱟᱶᱟᱨ ᱨᱮᱱᱟᱜ ᱟᱱᱟᱴ ᱡᱮᱞᱮᱠᱟ ᱰᱤᱯᱨᱮᱥᱚᱱ, ᱪᱤᱱᱛᱟᱹ, ᱥᱴᱨᱮᱥ ᱟᱨᱵᱟᱝ ᱳ.ᱥᱤ.ᱰᱤ ᱨᱮ ᱵᱚᱫᱚᱞ ᱰᱟᱲᱮᱭᱟᱜᱼᱟ ᱾^[᱔]

ᱦᱚᱲᱢᱚ ᱥᱟᱶᱟᱨ

ᱦᱚᱲᱢᱚ ᱥᱟᱶᱟᱨ ᱫᱚ ᱢᱤᱫ ᱱᱚᱝᱠᱟᱱ ᱟᱡᱟᱨ ᱴᱷᱟᱠᱮᱫ ᱨᱮᱱᱟᱜ ᱠᱩᱨᱩᱢᱩᱴᱩ ᱠᱟᱱᱟ ᱡᱟᱦᱟᱸ ᱫᱚ ᱜᱟᱫᱮᱞ ᱞᱟᱹᱜᱤᱫ ᱵᱟᱹᱲᱤᱡᱟ, ᱟᱨ ᱡᱮᱞᱮᱧ ᱡᱤᱭᱚᱱ ᱟᱨᱵᱟᱝ ᱟᱢᱟᱜ ᱥᱟᱶᱟᱨ ᱞᱟᱦᱟᱱᱛᱤ ᱨᱮ ᱵᱟᱭ ᱜᱚᱲᱚᱣᱟ ᱾ ᱱᱚᱣᱟ ᱫᱚ ᱥᱟᱶᱛᱟ, ᱥᱚᱨᱠᱟᱨᱤ ᱟᱨ ᱱᱤᱡᱮᱨᱟᱜ ᱠᱞᱟᱵᱽ, ᱜᱟᱫᱮᱞ ᱟᱨ ᱢᱤᱫ ᱦᱚᱲ ᱠᱚᱣᱟᱜ ᱥᱟᱯᱲᱟᱣ ᱠᱩᱨᱩᱢᱩᱴᱩ ᱛᱮ ᱥᱟᱹᱛᱚᱜᱼᱟ ᱾

ᱱᱚᱣᱟ ᱫᱚ ᱢᱤᱫ ᱦᱚᱲ ᱵᱟᱵᱚᱛ ᱵᱟᱝ ᱠᱟᱛᱮ ᱟᱭᱢᱟ ᱦᱚᱲ ᱟᱨᱵᱟᱝ ᱥᱟᱱᱟᱢ ᱦᱚᱲ ᱠᱚᱣᱟᱜ ᱥᱟᱶᱟᱨ ᱵᱟᱵᱚᱛ ᱠᱟᱱᱟ ᱾ ᱦᱚᱲᱢᱚ ᱥᱟᱶᱟᱨ ᱫᱚ ᱟᱡᱟᱨ ᱞᱟᱦᱟᱱᱛᱤ ᱵᱟᱝ ᱠᱟᱛᱮ ᱚᱱᱟ ᱴᱷᱟᱠᱮᱫ ᱨᱮ ᱠᱟᱹᱢᱤᱭᱟ ᱾ ᱨᱩᱣᱟᱹ ᱠᱷᱚᱱ ᱵᱟᱧᱪᱟᱣ ᱛᱟᱦᱮᱸᱱ ᱞᱟᱹᱜᱤᱫ ᱠᱤᱪᱷᱩ ᱥᱟᱫᱷᱟᱨᱚᱱ ᱠᱟᱛᱷᱟ ᱠᱚ ᱢᱟᱱᱟᱣ ᱞᱟᱹᱠᱛᱤᱭᱟ: ᱛᱤ ᱟᱹᱨᱩᱵ, ᱱᱤᱭᱚᱢ ᱞᱮᱠᱟᱛᱮ ᱰᱚᱠᱴᱚᱨ ᱴᱷᱮᱱ ᱧᱮᱞ ᱦᱚᱪᱚ, ᱴᱤᱠᱟᱹ ᱮᱢᱚᱜ ᱠᱟᱹᱢᱤ ᱦᱚᱨᱟ, ᱥᱟᱯᱷᱟ ᱧᱩ ᱫᱟᱜ ᱵᱮᱵᱷᱟᱨ, ᱟᱨ ᱠᱚᱱᱰᱚᱢ ᱵᱮᱵᱷᱟᱨ ᱾ ᱡᱚᱠᱷᱚᱱ ᱩᱪᱟᱹᱲᱚᱜ ᱟᱡᱟᱨ ᱠᱚ ᱯᱟᱥᱱᱟᱣᱚᱜᱼᱟ, ᱩᱱ ᱚᱠᱛᱚ ᱥᱩᱯᱩᱨ ᱓᱐ ᱥᱮᱠᱮᱱᱰ ᱰᱷᱟᱹᱵᱤᱡ ᱛᱤ ᱟᱹᱨᱩᱵ ᱫᱚ ᱟᱹᱰᱤ ᱞᱟᱹᱠᱛᱤᱭᱟᱱ ᱜᱮᱭᱟ ᱾ ᱚᱠᱛᱚ-ᱚᱠᱛᱚ ᱨᱮ ᱟᱹᱰᱤ ᱰᱮᱦᱮᱨ ᱦᱚᱲ ᱠᱚ ᱴᱷᱮᱱ ᱠᱷᱚᱱ ᱥᱟᱺᱜᱤᱧ ᱨᱮ ᱛᱟᱦᱮᱸᱱ ᱟᱨᱵᱟᱝ ᱥᱟᱨᱡᱤᱠᱟᱞ ᱢᱟᱥᱠ ᱦᱚᱨᱚᱜ ᱦᱚᱸ ᱞᱟᱹᱠᱛᱤᱭᱟ ᱡᱮᱢᱚᱱ ᱟᱢ ᱟᱡ ᱛᱮᱢ ᱵᱟᱧᱪᱟᱣ ᱰᱟᱲᱮᱭᱟᱜ ᱟᱨ ᱟᱡᱟᱨ ᱯᱟᱥᱱᱟᱣ ᱦᱚᱸᱢ ᱴᱷᱟᱠᱮᱫ ᱰᱟᱲᱮᱭᱟᱜ ᱾ ᱦᱚᱲ ᱠᱚ ᱱᱟᱯᱟᱭ ᱛᱮ ᱛᱟᱦᱮᱸᱱ ᱞᱟᱹᱜᱤᱫ ᱥᱮᱪᱮᱫ ᱟᱨ ᱵᱤᱥᱮᱥ ᱠᱟᱛᱮ ᱡᱟᱱᱟᱝ ᱟᱨ ᱜᱤᱫᱽᱨᱟᱹ ᱡᱟᱱᱟᱢ ᱵᱟᱵᱚᱛ ᱵᱟᱰᱟᱭ ᱦᱚᱪᱚ ᱫᱚ ᱟᱹᱰᱤ ᱞᱟᱹᱠᱛᱤᱭᱟᱱ ᱠᱟᱛᱷᱟ ᱠᱟᱱᱟ ᱾

ᱥᱟᱹᱠᱷᱭᱟᱹᱛ

↑ "Benefits of Physical Activity". Centers for Disease Control and Prevention (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 5 April 2021. Retrieved 11 September 2021. ᱪᱷᱟᱸᱪ:Web archive
↑ Centers For Disease Control and Prevention https://www.cdc.gov/healthyweight/effects/index.html
↑ Diener, Ed; Chan, Micaela Y. (2011-01-27). "Happy People Live Longer: Subjective Well-Being Contributions to Health and Longevity". Applied Psychology: Health and Well-Being. 3 (1): 1–43. doi:10.1111/j.1758-0854.2010.01045.x. ISSN 1758-0846. S2CID 13490264.
↑ O’Neill, Desmond (April 2018). "1686c A systematic review of evidence for fitness to drive among people with mental health conditions of schizophrenia, stress/anxiety disorder, depression, personality disorder and obsessive compulsive disorder". Accident Prevention. BMJ Publishing Group Ltd: A16.3–A17. doi:10.1136/oemed-2018-icohabstracts.49.

[1] "Benefits of Physical Activity". Centers for Disease Control and Prevention (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 5 April 2021. Retrieved 11 September 2021. ᱪᱷᱟᱸᱪ:Web archive

[2] Centers For Disease Control and Prevention https://www.cdc.gov/healthyweight/effects/index.html

[3] Diener, Ed; Chan, Micaela Y. (2011-01-27). "Happy People Live Longer: Subjective Well-Being Contributions to Health and Longevity". Applied Psychology: Health and Well-Being. 3 (1): 1–43. doi:10.1111/j.1758-0854.2010.01045.x. ISSN 1758-0846. S2CID 13490264.

[4] O’Neill, Desmond (April 2018). "1686c A systematic review of evidence for fitness to drive among people with mental health conditions of schizophrenia, stress/anxiety disorder, depression, personality disorder and obsessive compulsive disorder". Accident Prevention. BMJ Publishing Group Ltd: A16.3–A17. doi:10.1136/oemed-2018-icohabstracts.49.

[᱑]

[᱒]

[᱓]

[᱔]