Jump to content

ᱦᱚᱲ ᱮᱞ ᱦᱚᱲᱢᱚ ᱥᱟᱶᱟᱨ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱦᱚᱲ ᱮᱞ ᱦᱚᱲᱢᱚ ᱥᱟᱶᱟᱨ ᱫᱚ "ᱢᱤᱫ ᱜᱩᱴ ᱦᱚᱲ ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ ᱚᱨᱡᱚ, ᱡᱟᱦᱟᱸ ᱨᱮ ᱚᱱᱟ ᱜᱩᱴ ᱵᱷᱤᱛᱨᱤ ᱨᱮᱭᱟᱜ ᱚᱨᱡᱚ ᱦᱟᱹᱴᱤᱧ ᱦᱚᱸ ᱥᱮᱞᱮᱫ ᱢᱮᱱᱟᱜᱼᱟ" ᱞᱮᱠᱟᱛᱮ ᱞᱟᱹᱭ ᱟᱠᱟᱱᱟ᱾[᱑] ᱱᱚᱣᱟ ᱨᱮᱭᱟᱜ ᱡᱚᱥ ᱫᱚ ᱜᱚᱴᱟ ᱢᱟᱹᱱᱢᱤ ᱡᱟᱹᱛᱤᱭᱟᱜ ᱦᱚᱲᱢᱚ ᱥᱟᱶᱟᱨ ᱩᱛᱱᱟᱹᱣ᱾ ᱱᱚᱣᱟ ᱨᱮ ᱯᱮᱭᱟ ᱦᱟᱹᱴᱤᱧ ᱢᱮᱱᱟᱜᱼᱟ ᱢᱮᱱᱛᱮ ᱞᱟᱹᱭ ᱟᱠᱟᱱᱟ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ "ᱦᱚᱲᱢᱚ ᱥᱟᱶᱟᱨ ᱚᱨᱡᱚ, ᱦᱚᱲᱢᱚ ᱥᱟᱶᱟᱨ ᱜᱚᱴᱟᱭᱤᱡ ᱠᱚᱣᱟᱜ ᱨᱩᱯ, ᱟᱨ ᱟᱹᱨᱤ ᱟᱨ ᱠᱟᱹᱢᱤᱦᱚᱨᱟ ᱠᱚ"᱾[᱑]

ᱦᱚᱲ ᱮᱞ ᱦᱚᱲᱢᱚ ᱥᱟᱶᱟᱨ ᱨᱮᱭᱟᱜ ᱢᱩᱬᱩᱛ ᱡᱚᱥ ᱫᱚ ᱦᱩᱭᱩᱜ ᱠᱟᱱᱟ ᱵᱷᱮᱜᱟᱨ ᱵᱷᱮᱜᱟᱨ ᱦᱚᱲ ᱜᱩᱴ ᱠᱚ ᱛᱟᱞᱟ ᱨᱮ ᱦᱚᱲᱢᱚ ᱥᱟᱶᱟᱨ ᱵᱟᱝ ᱥᱚᱢᱟᱱ ᱟᱨᱵᱟᱝ ᱵᱷᱮᱯᱮᱫ ᱠᱚᱢ ᱠᱚᱨᱟᱣ, ᱡᱟᱦᱟᱸ ᱫᱚ ᱮᱴᱟᱜ ᱠᱟᱹᱨᱚᱱ ᱠᱚ ᱥᱟᱶᱛᱮ ᱦᱚᱲᱢᱚ ᱥᱟᱶᱟᱨ ᱨᱮᱭᱟᱜ ᱥᱟᱶᱛᱟᱨᱤ ᱜᱚᱴᱟᱭᱤᱡ (ᱥᱮ.ᱰᱤ.ᱳ.ᱮᱭᱤᱪ) ᱠᱷᱟᱹᱛᱤᱨ ᱦᱩᱭᱩᱜᱼᱟ᱾ ᱥᱮ.ᱰᱤ.ᱳ.ᱮᱭᱤᱪ ᱨᱮ ᱚᱱᱟ ᱡᱚᱛᱚ ᱠᱟᱹᱨᱚᱱ ᱠᱚ (ᱥᱟᱶᱛᱟᱨᱤ, ᱯᱚᱨᱤᱵᱮᱥ, ᱞᱟᱠᱪᱟᱨ ᱟᱨ ᱦᱚᱲᱢᱚ ᱜᱚᱲᱦᱚᱱ) ᱥᱮᱞᱮᱫ ᱢᱮᱱᱟᱜᱼᱟ ᱡᱟᱦᱟᱸ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱦᱚᱲ ᱠᱚ ᱡᱟᱱᱟᱢᱚᱜᱼᱟ, ᱦᱟᱨᱟᱜᱼᱟ, ᱟᱨ ᱟᱠᱚᱣᱟᱜ ᱡᱤᱭᱚᱱ ᱵᱷᱩᱨ ᱠᱟᱹᱢᱤᱭᱟ ᱡᱟᱦᱟᱸ ᱫᱚ ᱢᱟᱹᱱᱢᱤ ᱦᱚᱲ ᱮᱞ ᱨᱮᱭᱟᱜ ᱦᱚᱲᱢᱚ ᱥᱟᱶᱟᱨ ᱨᱮ ᱢᱤᱫ ᱢᱟᱯ ᱜᱟᱱᱚᱜ ᱚᱨᱥᱚᱝ ᱯᱟᱲᱟᱣ ᱫᱟᱲᱮᱭᱟᱜᱼᱟ᱾[᱒] ᱦᱚᱲ ᱮᱞ ᱦᱚᱲᱢᱚ ᱥᱟᱶᱟᱨ ᱩᱭᱦᱟᱹᱨ ᱫᱚ ᱢᱤᱫ ᱦᱚᱲ-ᱛᱷᱚᱠ ᱠᱷᱚᱱ ᱫᱷᱮᱭᱟᱱ ᱵᱚᱫᱚᱞ ᱨᱮᱭᱟᱜ ᱪᱤᱛᱟᱹᱨ ᱮ ᱥᱚᱫᱚᱨᱟ, ᱡᱟᱦᱟᱸ ᱫᱚ ᱵᱟᱹᱲᱛᱤ ᱢᱩᱬᱩᱛ ᱨᱟᱱ ᱢᱩᱨᱜᱟᱹᱱ ᱨᱮᱭᱟᱜ ᱜᱩᱱ ᱠᱟᱱᱟ᱾ ᱱᱚᱣᱟ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱦᱚᱲ ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ ᱨᱮ ᱚᱨᱥᱚᱝ ᱯᱟᱲᱟᱣᱮᱫ ᱟᱭᱢᱟ ᱠᱟᱹᱨᱚᱱ ᱠᱚ ᱥᱚᱞᱦᱮ ᱠᱟᱛᱮ ᱫᱤᱥᱩᱣᱟᱹ ᱦᱚᱲᱢᱚ ᱥᱟᱶᱟᱨ ᱮᱡᱮᱱᱥᱤ ᱠᱚᱣᱟᱜ ᱠᱞᱟᱥᱤᱠ ᱠᱩᱨᱩᱢᱩᱴᱩ ᱠᱚ ᱯᱩᱨᱟᱹᱣ ᱨᱮᱭᱟᱜ ᱦᱚᱸᱭ ᱠᱷᱚᱡᱟ᱾ ᱡᱮᱜᱮᱛ ᱦᱚᱲᱢᱚ ᱥᱟᱶᱟᱨ ᱜᱟᱶᱛᱟ ᱨᱮᱭᱟᱜ ᱠᱚᱢᱤᱥᱚᱱ ᱚᱱ ᱥᱳᱥᱤᱭᱟᱞ ᱰᱤᱴᱟᱨᱢᱤᱱᱮᱱᱴᱥ ᱚᱯᱷ ᱦᱮᱞᱛᱷ ᱒᱐᱐᱘ ᱥᱟᱞᱮ ᱨᱮ ᱨᱤᱯᱳᱨᱴ ᱮᱢ ᱞᱮᱫᱟᱭ ᱡᱮ ᱥᱮ.ᱰᱤ.ᱳ.ᱮᱭᱤᱪ ᱚᱡᱮ ᱠᱚᱜᱮ ᱵᱟᱹᱲᱛᱤ ᱟᱡᱟᱨ ᱟᱨ ᱜᱷᱟᱹᱞ ᱞᱟᱹᱜᱤᱫ ᱫᱟᱹᱭᱤ ᱠᱟᱱᱟ, ᱟᱨ ᱱᱚᱣᱟ ᱠᱚᱜᱮ ᱥᱟᱱᱟᱢ ᱫᱤᱥᱚᱢ ᱨᱮ ᱦᱚᱲᱢᱚ ᱥᱟᱶᱟᱨ ᱵᱟᱝ ᱥᱚᱢᱟᱱ ᱨᱮᱭᱟᱜ ᱢᱩᱬᱩᱛ ᱠᱟᱹᱨᱚᱱ ᱠᱟᱱᱟ᱾[᱓] ᱭᱩ.ᱮᱥ ᱨᱮ, ᱮᱲᱟᱣ ᱜᱟᱱᱚᱜ ᱜᱩᱡᱩᱜ ᱫᱚᱨ ᱨᱮᱭᱟᱜ ᱗᱐% ᱫᱚ ᱥᱮ.ᱰᱤ.ᱳ.ᱮᱭᱤᱪ ᱠᱷᱟᱹᱛᱤᱨ ᱦᱩᱭᱩᱜᱼᱟ ᱢᱮᱱᱛᱮ ᱟᱸᱡᱚᱢ ᱞᱮᱱᱟ᱾[᱔] ᱦᱚᱲ ᱮᱞ ᱦᱚᱲᱢᱚ ᱥᱟᱶᱟᱨ ᱧᱮᱱᱮᱞ ᱠᱷᱚᱱ, ᱦᱚᱲᱢᱚ ᱥᱟᱶᱟᱨ ᱫᱚ ᱠᱷᱟᱹᱞᱤ ᱟᱡᱟᱨ ᱠᱷᱚᱱ ᱯᱷᱩᱨᱜᱟᱹᱞ ᱟᱵᱚᱥᱛᱟ ᱞᱮᱠᱟᱛᱮ ᱵᱟᱝ ᱢᱮᱱ ᱠᱟᱛᱮ "ᱦᱚᱲ ᱠᱚᱣᱟᱜ ᱡᱤᱭᱚᱱ ᱨᱮᱭᱟᱜ ᱮᱴᱠᱮᱴᱚᱬᱮ ᱟᱨ ᱵᱚᱫᱚᱞ ᱠᱚ ᱥᱟᱶ ᱠᱷᱟᱯ ᱠᱷᱟᱣᱟᱣ, ᱛᱮᱞᱟ ᱮᱢ, ᱟᱨᱵᱟᱝ ᱥᱟᱢᱵᱽᱲᱟᱣ ᱨᱮᱭᱟᱜ ᱫᱟᱲᱮ" ᱞᱮᱠᱟᱛᱮ ᱞᱟᱹᱭ ᱟᱠᱟᱱᱟ᱾[᱕]

ᱡᱮᱜᱮᱛ ᱦᱚᱲᱢᱚ ᱥᱟᱶᱟᱨ ᱜᱟᱶᱛᱟ (ᱰᱟᱵᱽᱞᱩ.ᱮᱭᱤᱪ.ᱳ) ᱑᱙᱔᱖ ᱥᱟᱞᱮ ᱨᱮ ᱦᱚᱲᱢᱚ ᱥᱟᱶᱟᱨ ᱫᱚ ᱟᱡᱟᱜ ᱵᱟᱹᱲᱛᱤ ᱢᱮᱱᱮᱛ ᱨᱮ "ᱥᱟᱱᱟᱢ ᱞᱮᱠᱟᱛᱮ ᱦᱚᱲᱢᱚ, ᱢᱚᱱᱮ, ᱟᱨ ᱥᱟᱶᱛᱟᱨᱤ ᱱᱟᱯᱟᱭ ᱛᱟᱦᱮᱸᱱ ᱨᱮᱭᱟᱜ ᱢᱤᱫ ᱟᱵᱚᱥᱛᱟ ᱟᱨ ᱠᱷᱟᱹᱞᱤ ᱟᱡᱟᱨ ᱟᱨᱵᱟᱝ ᱫᱩᱨᱵᱚᱞ ᱨᱮᱭᱟᱜ ᱚᱵᱷᱟᱵᱽ ᱫᱚ ᱵᱟᱝ ᱠᱟᱱᱟ" ᱢᱮᱱᱛᱮᱭ ᱞᱟᱹᱭ ᱞᱮᱫᱟ᱾[᱖][᱗]

ᱦᱮᱞᱫᱤ ᱯᱤᱯᱚᱞ ᱒᱐᱒᱐

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱮᱞᱫᱤ ᱯᱤᱯᱚᱞ ᱒᱐᱒᱐, ᱫᱚ ᱢᱤᱫ ᱣᱮᱵᱽᱥᱟᱭᱤᱴ ᱠᱟᱱᱟ ᱡᱟᱦᱟᱸ ᱫᱚ ᱭᱩ.ᱮᱥ. ᱰᱤᱯᱟᱨᱴᱢᱮᱱᱴ ᱳᱯᱷ ᱦᱮᱞᱛᱷ ᱮᱱᱰ ᱦᱤᱣᱢᱮᱱ ᱥᱟᱨᱵᱷᱤᱥᱮᱥ ᱦᱚᱛᱮᱛᱮ ᱥᱚᱦᱚᱫ ᱟᱠᱟᱱᱟ, ᱡᱟᱦᱟᱸ ᱫᱚ ᱥᱚᱨᱡᱚᱱ ᱡᱮᱱᱮᱨᱟᱞᱟᱜ ᱚᱯᱷᱤᱥ ᱟᱨ ᱮᱴᱟᱜ ᱠᱚᱣᱟᱜ ᱓᱔ ᱥᱮᱨᱢᱟ ᱨᱮᱱᱟᱜ ᱠᱩᱨᱩᱢᱩᱴᱩ ᱨᱮᱱᱟᱜ ᱚᱨᱡᱚ ᱮ ᱩᱫᱩᱜ ᱥᱚᱫᱚᱨᱟ᱾ ᱱᱚᱶᱟ ᱫᱚ ᱔᱒ ᱜᱚᱴᱟᱝ ᱥᱟᱛᱟᱢ ᱮ ᱪᱤᱱᱦᱟᱹᱣᱟ ᱡᱟᱦᱟᱸ ᱫᱚ ᱦᱚᱲᱢᱚ ᱥᱟᱶᱟᱨ ᱨᱮᱱᱟᱜ ᱥᱟᱶᱛᱟᱨᱤ ᱩᱱᱩᱨᱩᱢ ᱠᱚ ᱞᱮᱠᱟᱛᱮ ᱢᱟᱱᱟᱣᱜᱼᱟ ᱟᱨ ᱦᱚᱲ ᱮᱞ ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ ᱥᱩᱫᱷᱟᱹᱨ ᱞᱟᱹᱜᱤᱫ ᱞᱟᱜᱵᱷᱟᱜ ᱑᱒᱐᱐ ᱜᱟᱱ ᱴᱷᱟᱹᱣᱠᱟᱹ ᱡᱚᱥ ᱠᱚ ᱪᱤᱱᱦᱟᱹᱣ ᱟᱠᱟᱫᱟ᱾ ᱱᱚᱶᱟ ᱫᱚ ᱵᱟᱪᱷᱟᱣ ᱟᱠᱟᱱ ᱥᱟᱛᱟᱢ ᱠᱚ ᱞᱟᱹᱜᱤᱫ ᱱᱤᱛᱚᱜᱟᱜ ᱠᱷᱚᱸᱫᱽᱨᱚᱱ ᱨᱮᱱᱟᱜ ᱡᱚᱱᱚᱲ ᱠᱚᱭ ᱮᱢᱚᱜᱼᱟ ᱟᱨ ᱱᱚᱶᱟ ᱮᱴᱠᱮᱴᱚᱬᱮ ᱠᱚ ᱥᱚᱞᱦᱮ ᱞᱟᱹᱜᱤᱫ ᱥᱟᱶᱛᱟ ᱨᱮᱱᱟᱜ ᱥᱮᱞᱮᱫᱚᱜ ᱟᱹᱰᱤ ᱞᱟᱹᱠᱛᱤᱭᱟᱱ ᱢᱮᱱᱛᱮᱭ ᱪᱤᱱᱦᱟᱹᱣ ᱟᱨ ᱜᱚᱲᱚᱭ ᱮᱢᱚᱜᱼᱟ᱾[᱘]

ᱠᱟᱹᱣᱰᱤᱭᱟᱹᱨᱤ ᱵᱟᱝᱼᱥᱚᱢᱟᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱮᱼᱦᱟᱹᱞᱤ, ᱦᱚᱲ ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ ᱥᱟᱶ ᱱᱚᱶᱟ ᱨᱮᱭᱟᱜ ᱥᱟᱹᱜᱟᱹᱭ ᱟᱨ ᱠᱟᱹᱣᱰᱤᱭᱟᱹᱨᱤ ᱵᱟᱝᱼᱥᱚᱢᱟᱱ ᱥᱟᱛᱟᱢ ᱪᱮᱛᱟᱱ ᱨᱮ ᱮᱯᱤᱰᱮᱢᱤᱭᱚᱞᱚᱡᱤᱥᱴ ᱠᱚᱣᱟᱜ ᱜᱚᱨᱚᱡᱽ ᱵᱟᱹᱲᱛᱤ ᱟᱠᱟᱱᱟ᱾ ᱥᱟᱶᱛᱟᱼᱠᱟᱹᱣᱰᱤᱭᱟᱹᱨᱤ ᱦᱟᱞᱚᱛ ᱟᱨ ᱦᱚᱲᱢᱚ ᱥᱟᱶᱟᱨ ᱛᱟᱞᱟ ᱨᱮ ᱢᱤᱫ ᱟᱹᱰᱤ ᱠᱮᱴᱮᱡ ᱥᱟᱹᱜᱟᱹᱭ ᱢᱮᱱᱟᱜᱼᱟ᱾ ᱱᱚᱶᱟ ᱥᱟᱹᱜᱟᱹᱭ ᱱᱚᱶᱟᱭ ᱩᱫᱩᱜᱼᱟ ᱡᱮ, ᱮᱴᱟᱜ ᱡᱚᱛᱚ ᱦᱚᱲ ᱠᱚ ᱵᱮᱥ ᱛᱟᱦᱮᱸᱱ ᱡᱚᱠᱷᱮᱡ ᱮᱠᱮᱱ ᱨᱮᱸᱜᱮᱡ ᱦᱚᱲ ᱜᱮ ᱵᱟᱠᱚ ᱨᱩᱣᱟᱹᱜᱼᱟ, ᱪᱮᱫᱟᱜ ᱥᱮ ᱨᱤᱫᱟᱹᱭ ᱨᱩᱣᱟᱹ, ᱟᱞᱥᱟᱨ, ᱴᱟᱭᱤᱯ ᱒ ᱰᱟᱭᱵᱮᱴᱤᱥ, ᱨᱤᱣᱢᱮᱴᱚᱭᱮᱰ ᱟᱨᱛᱷᱨᱟᱭᱴᱤᱥ, ᱛᱤᱱᱟᱹᱜ ᱜᱟᱱ ᱞᱮᱠᱟᱱᱟᱜ ᱠᱮᱱᱥᱟᱨ ᱟᱨ ᱚᱠᱛᱚ ᱢᱟᱬᱟᱝ ᱦᱟᱲᱟᱢᱚᱜ ᱞᱮᱠᱟᱱ ᱨᱩᱣᱟᱹ ᱠᱚᱫᱚ ᱡᱚᱛᱚ ᱞᱮᱠᱟᱱ ᱥᱟᱶᱛᱟᱼᱠᱟᱹᱣᱰᱤᱭᱟᱹᱨᱤ ᱛᱷᱚᱠ ᱨᱮ ᱧᱮᱞᱚᱜᱼᱟ᱾ ᱮᱥᱹᱤᱹᱮᱥ ᱜᱽᱨᱮᱰᱤᱭᱮᱱᱴ ᱨᱮᱭᱟᱜ ᱥᱟᱹᱨᱤᱭᱟᱹᱛ ᱛᱟᱦᱮᱸᱱ ᱨᱮᱦᱚᱸ, ᱱᱚᱶᱟ ᱨᱮᱭᱟᱜ ᱮᱛᱮᱫ ᱤᱫᱤ ᱠᱟᱛᱮ ᱛᱚᱨᱠᱚ ᱢᱮᱱᱟᱜᱼᱟ᱾ ᱟᱭᱢᱟ ᱠᱷᱚᱸᱫᱽᱨᱚᱸᱫᱤᱭᱟᱹ ᱠᱚ (ᱮ. ᱞᱮᱭ, ᱥᱤ. ᱡᱮᱱᱠᱥ, ᱮ. ᱠᱞᱟᱨᱠᱣᱮᱥᱴ — ᱨᱟᱥᱮᱞ ᱥᱮᱡᱽ ᱣᱟᱨᱠᱤᱝ ᱯᱮᱯᱚᱨᱥ ᱦᱚᱸ ᱧᱮᱞ ᱢᱮ) ᱠᱤᱥᱟᱹᱬ ᱦᱚᱲ ᱠᱚᱣᱟᱜ ᱵᱟᱹᱲᱛᱤ ᱠᱟᱹᱣᱰᱤᱭᱟᱹᱨᱤ ᱥᱩᱵᱤᱫᱷᱟ ᱠᱷᱟᱹᱛᱤᱨ ᱠᱟᱹᱣᱰᱤᱭᱟᱹᱨᱤ ᱦᱟᱞᱚᱛ ᱟᱨ ᱜᱩᱡᱩᱜ ᱫᱚᱨ ᱛᱟᱞᱟ ᱨᱮ ᱢᱤᱫ ᱴᱷᱟᱹᱣᱠᱟᱹ ᱥᱟᱹᱜᱟᱹᱭ ᱠᱚ ᱧᱮᱞᱟ, ᱢᱮᱱᱠᱷᱟᱱ ᱥᱟᱶᱛᱟ ᱦᱟᱞᱚᱛ ᱵᱷᱮᱯᱮᱜᱽ ᱠᱷᱟᱹᱛᱤᱨ ᱟᱹᱰᱤ ᱠᱚᱢ ᱥᱟᱹᱜᱟᱹᱭ ᱠᱚ ᱧᱟᱢᱟ᱾

ᱮᱴᱟᱜ ᱠᱷᱚᱸᱫᱽᱨᱚᱸᱫᱤᱭᱟᱹ ᱠᱚ ᱡᱮᱞᱮᱠᱟ ᱨᱤᱪᱟᱨᱰ ᱡᱤᱹ ᱣᱤᱞᱠᱤᱱᱥᱚᱱ, ᱡᱮᱹ ᱞᱤᱸᱪ, ᱟᱨ ᱡᱤᱹ ᱮᱹ ᱠᱟᱯᱞᱟᱱ ᱠᱚ ᱧᱟᱢ ᱟᱠᱟᱫᱟ ᱡᱮ ᱠᱟᱹᱣᱰᱤᱭᱟᱹᱨᱤ ᱥᱩᱵᱤᱫᱷᱟ ᱟᱨ ᱦᱚᱲᱢᱚ ᱥᱟᱶᱟᱨ ᱥᱮᱵᱟ ᱨᱮ ᱥᱮᱴᱮᱨ ᱫᱚᱦᱚ ᱥᱟᱢᱵᱽᱲᱟᱣ ᱠᱟᱛᱮ ᱦᱚᱸ ᱥᱟᱶᱛᱟᱼᱠᱟᱹᱣᱰᱤᱭᱟᱹᱨᱤ ᱦᱟᱞᱚᱛ ᱫᱚ ᱦᱚᱲᱢᱚ ᱥᱟᱶᱟᱨ ᱨᱮ ᱟᱹᱰᱤ ᱵᱟᱹᱲᱛᱤ ᱯᱨᱚᱵᱷᱟᱵᱽ ᱮᱢᱟᱭ᱾ ᱥᱟᱶᱛᱟ ᱦᱟᱞᱚᱛ ᱥᱟᱶ ᱦᱚᱲᱢᱚ ᱥᱟᱶᱟᱨ ᱡᱚᱲᱟᱣ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱᱟᱜ ᱫᱚ ᱦᱩᱭᱩᱜ ᱠᱟᱱᱟ ᱦᱚᱣᱟᱭᱤᱴᱦᱚᱞ ᱥᱴᱟᱰᱤᱡᱽ — ᱞᱚᱱᱰᱚᱱ ᱨᱮ ᱥᱚᱨᱠᱟᱨᱤ ᱠᱟᱹᱢᱤᱭᱟᱹ ᱠᱚ ᱪᱮᱛᱟᱱ ᱨᱮ ᱦᱩᱭ ᱟᱠᱟᱱ ᱢᱤᱫ ᱥᱤᱨᱤᱡᱽ ᱠᱷᱚᱸᱫᱽᱨᱚᱸᱫᱽ᱾ ᱱᱚᱶᱟ ᱠᱷᱚᱸᱫᱽᱨᱚᱸᱫᱽ ᱠᱚᱨᱮ ᱧᱟᱢ ᱟᱠᱟᱱᱟ ᱡᱮ, ᱤᱝᱞᱚᱸᱰ ᱨᱮᱱ ᱡᱚᱛᱚ ᱥᱚᱨᱠᱟᱨᱤ ᱠᱟᱹᱢᱤᱭᱟᱹ ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ ᱥᱮᱵᱟ ᱨᱮ ᱥᱚᱢᱟᱱ ᱥᱮᱴᱮᱨ ᱛᱟᱦᱮᱸᱱ ᱨᱮᱦᱚᱸ, ᱥᱟᱶᱛᱟ ᱦᱟᱞᱚᱛ ᱟᱨ ᱦᱚᱲᱢᱚ ᱥᱟᱶᱟᱨ ᱛᱟᱞᱟ ᱨᱮ ᱢᱤᱫ ᱠᱮᱴᱮᱡ ᱥᱟᱹᱜᱟᱹᱭ ᱛᱟᱦᱮᱸ ᱠᱟᱱᱟ᱾ ᱠᱷᱚᱸᱫᱽᱨᱚᱸᱫᱽ ᱠᱚᱨᱮ ᱧᱟᱢ ᱟᱠᱟᱱᱟ ᱡᱮ ᱱᱚᱶᱟ ᱥᱟᱹᱜᱟᱹᱭ ᱫᱚ ᱦᱚᱲᱢᱚ ᱥᱟᱶᱟᱨ ᱨᱮ ᱯᱨᱚᱵᱷᱟᱵᱽ ᱮᱢᱚᱜ ᱚᱵᱷᱮᱥ ᱠᱚ ᱡᱮᱞᱮᱠᱟ ᱵᱮᱭᱟᱢ, ᱥᱤᱜᱽᱨᱮᱴ ᱧᱩ ᱟᱨ ᱯᱟᱹᱣᱨᱟᱹ ᱧᱩ ᱠᱚ ᱥᱟᱢᱵᱽᱲᱟᱣ ᱫᱚᱦᱚ ᱠᱟᱛᱮ ᱦᱚᱸ ᱠᱮᱴᱮᱡ ᱜᱮ ᱛᱟᱦᱮᱸ ᱠᱟᱱᱟ᱾ ᱱᱚᱶᱟ ᱵᱮᱜᱚᱨ ᱦᱚᱸ, ᱱᱚᱶᱟ ᱧᱮᱞ ᱟᱠᱟᱱᱟ ᱡᱮ ᱛᱤᱱᱟᱹᱜ ᱜᱮ ᱨᱟᱱ ᱢᱩᱨᱜᱟᱹᱱ ᱥᱮᱵᱟ ᱮᱢ ᱨᱮᱦᱚᱸ ᱡᱟᱦᱟᱸᱭᱟᱜ ᱴᱟᱭᱤᱯ ᱑ ᱰᱟᱭᱵᱮᱴᱤᱥ ᱥᱮ ᱨᱤᱣᱢᱮᱴᱚᱭᱮᱰ ᱟᱨᱛᱷᱨᱟᱭᱴᱤᱥ ᱧᱟᱢ ᱨᱮᱭᱟᱜ ᱥᱚᱢᱵᱷᱚᱵᱚᱱᱟ ᱵᱟᱭ ᱠᱚᱢᱟᱭᱟ — ᱮᱱᱛᱮ ᱨᱮᱦᱚᱸ ᱱᱚᱶᱟ ᱵᱟᱱᱟᱨ ᱜᱮ ᱠᱚᱢ ᱥᱟᱶᱛᱟᱼᱠᱟᱹᱣᱰᱤᱭᱟᱹᱨᱤ ᱦᱟᱞᱚᱛ ᱨᱮᱱ ᱦᱚᱲ ᱠᱚ ᱛᱟᱞᱟ ᱨᱮ ᱵᱟᱹᱲᱛᱤ ᱧᱮᱞᱚᱜᱼᱟ᱾ ᱢᱩᱪᱟᱹᱫ ᱨᱮ, ᱱᱚᱶᱟ ᱧᱟᱢ ᱟᱠᱟᱱᱟ ᱡᱮ ᱫᱷᱟᱹᱨᱛᱤ ᱨᱮᱱᱟᱜ ᱡᱚᱛᱚ ᱠᱷᱚᱱ ᱠᱤᱥᱟᱹᱬ ᱯᱩᱱ ᱦᱟᱹᱴᱤᱧ ᱨᱮᱭᱟᱜ ᱢᱤᱫ ᱦᱟᱹᱴᱤᱧ ᱫᱤᱥᱚᱢ ᱠᱚ ᱛᱟᱞᱟ ᱨᱮ (ᱞᱚᱠᱥᱮᱢᱵᱟᱨᱜᱽ ᱠᱷᱚᱱ ᱥᱞᱳᱵᱷᱟᱠᱤᱭᱟ ᱫᱷᱟᱹᱵᱤᱡᱟᱜ ᱢᱤᱫ ᱥᱮᱴ) ᱫᱤᱥᱚᱢ ᱨᱮᱭᱟᱜ ᱠᱤᱥᱟᱹᱬ ᱟᱨ ᱥᱟᱫᱷᱟᱨᱚᱱ ᱦᱚᱲ ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ ᱛᱟᱞᱟ ᱨᱮ ᱠᱚᱱᱚ ᱥᱟᱹᱜᱟᱹᱭ ᱵᱟᱹᱱᱩᱜᱼᱟ — ᱡᱟᱦᱟᱸ ᱫᱚ ᱱᱚᱶᱟᱭ ᱩᱫᱩᱜᱟ ᱡᱮ ᱢᱤᱫ ᱴᱷᱟᱹᱣᱠᱟᱹ ᱛᱷᱚᱠ ᱯᱟᱨᱚᱢ ᱠᱟᱛᱮ, ᱠᱤᱥᱟᱹᱬ ᱨᱮᱭᱟᱜ ᱮᱠᱟᱞ ᱛᱷᱚᱠ ᱫᱚ ᱦᱚᱲ ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ ᱨᱮ ᱟᱹᱰᱤ ᱠᱚᱢ ᱯᱨᱚᱵᱷᱟᱵᱽ ᱮᱢᱟᱭ, ᱢᱮᱱᱠᱷᱟᱱ ᱫᱤᱥᱚᱢ ᱵᱷᱤᱛᱨᱤ ᱨᱮᱭᱟᱜ ᱛᱩᱞᱟᱹᱡᱚᱠᱷᱟ ᱛᱷᱚᱠ ᱫᱚ ᱯᱨᱚᱵᱷᱟᱵᱽ ᱮᱢᱟᱭ ᱜᱮᱭᱟ᱾

ᱢᱚᱱᱼᱥᱟᱶᱛᱟᱠᱤᱭᱟᱹ ᱪᱤᱱᱛᱟᱹ ᱨᱮᱭᱟᱜ ᱫᱷᱟᱨᱚᱱᱟ ᱫᱚ ᱱᱚᱶᱟ ᱵᱩᱡᱷᱟᱹᱣ ᱚᱪᱚᱭ ᱞᱟᱹᱜᱤᱫ ᱮ ᱨᱤᱠᱟᱹᱭᱟ ᱡᱮ ᱪᱮᱫ ᱞᱮᱠᱟ ᱛᱮ ᱢᱚᱱᱼᱥᱟᱶᱛᱟᱠᱤᱭᱟᱹ ᱜᱷᱚᱴᱚᱱ ᱠᱚ ᱡᱮᱞᱮᱠᱟ ᱦᱟᱞᱚᱛ ᱟᱨ ᱥᱟᱶᱛᱟ ᱦᱟᱹᱴᱤᱧ ᱫᱚ ᱮᱥᱹᱤᱹᱮᱥ ᱜᱽᱨᱮᱰᱤᱭᱮᱱᱴ ᱥᱟᱶ ᱡᱚᱲᱟᱣ ᱟᱭᱢᱟ ᱨᱩᱣᱟᱹ ᱨᱮᱭᱟᱜ ᱮᱛᱮᱫ ᱮ ᱵᱮᱱᱟᱣ ᱫᱟᱲᱮᱭᱟᱜᱼᱟ᱾ ᱠᱟᱹᱣᱰᱤᱭᱟᱹᱨᱤ ᱵᱟᱝᱼᱥᱚᱢᱟᱱ ᱨᱮᱭᱟᱜ ᱪᱮᱛᱟᱱ ᱛᱷᱚᱠ ᱫᱚ ᱥᱟᱶᱛᱟ ᱨᱮᱱᱟᱜ ᱪᱮᱛᱟᱱᱼᱞᱟᱛᱟᱨ ᱦᱟᱹᱴᱤᱧ ᱮ ᱠᱮᱴᱮᱡᱟ ᱟᱨ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱥᱟᱶᱛᱟᱠᱤᱭᱟᱹ ᱥᱟᱹᱜᱟᱹᱭ ᱨᱮᱱᱟᱜ ᱢᱟᱱ ᱮ ᱠᱷᱟᱨᱟᱯᱟ — ᱡᱟᱦᱟᱸ ᱫᱚ ᱟᱹᱰᱤ ᱵᱟᱹᱲᱛᱤ ᱛᱷᱚᱠ ᱨᱮᱱᱟᱜ ᱪᱤᱱᱛᱟᱹ ᱟᱨ ᱪᱤᱱᱛᱟᱹ ᱥᱟᱶ ᱡᱚᱲᱟᱣ ᱨᱩᱣᱟᱹ ᱠᱚᱭ ᱥᱤᱨᱡᱟᱹᱣᱟ᱾ ᱨᱤᱪᱟᱨᱰ ᱣᱤᱞᱠᱤᱱᱥᱚᱱ ᱮ ᱧᱟᱢ ᱟᱠᱟᱫᱟ ᱡᱮ ᱱᱚᱶᱟ ᱫᱚ ᱥᱩᱢᱩᱝ ᱥᱟᱶᱛᱟ ᱨᱮᱱ ᱡᱚᱛᱚ ᱠᱷᱚᱱ ᱨᱮᱸᱜᱮᱡ ᱦᱚᱲ ᱠᱚ ᱞᱟᱹᱜᱤᱫ ᱜᱮ ᱵᱟᱝ, ᱵᱚᱨᱚᱝ ᱡᱚᱛᱚ ᱠᱷᱚᱱ ᱠᱤᱥᱟᱹᱬ ᱦᱚᱲ ᱠᱚ ᱞᱟᱹᱜᱤᱫ ᱦᱚᱸ ᱥᱟᱹᱨᱤ ᱜᱮᱭᱟ᱾ ᱠᱟᱹᱣᱰᱤᱭᱟᱹᱨᱤ ᱵᱟᱝᱼᱥᱚᱢᱟᱱ ᱫᱚ ᱡᱚᱛᱚ ᱦᱚᱲᱟᱜ ᱦᱚᱲᱢᱚ ᱥᱟᱶᱟᱨ ᱞᱟᱹᱜᱤᱫ ᱜᱮ ᱠᱷᱟᱨᱟᱯᱟ᱾

ᱵᱟᱝᱼᱥᱚᱢᱟᱱ ᱫᱚ ᱥᱩᱢᱩᱝ ᱢᱟᱹᱱᱢᱤ ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ ᱨᱮ ᱜᱮ ᱯᱨᱚᱵᱷᱟᱵᱽ ᱵᱟᱭ ᱮᱢᱟ᱾ ᱣᱤᱥᱠᱚᱱᱥᱤᱱ ᱡᱟᱹᱛᱤᱭᱟᱹᱨᱤ ᱯᱨᱟᱭᱢᱮᱴ ᱠᱷᱚᱸᱫᱽᱨᱚᱱ ᱛᱟᱞᱢᱟ ᱨᱮ ᱰᱮᱵᱷᱤᱰ ᱮᱭᱤᱪᱹ ᱮᱵᱳᱴ ᱮ ᱧᱟᱢ ᱟᱠᱟᱫᱟ ᱡᱮ ᱟᱭᱢᱟ ᱯᱨᱟᱭᱢᱮᱴ ᱯᱨᱚᱡᱟᱹᱛᱤ ᱠᱚ ᱛᱟᱞᱟ ᱨᱮ, ᱠᱚᱢ ᱥᱚᱢᱟᱱᱟᱱ ᱥᱟᱶᱛᱟᱠᱤᱭᱟᱹ ᱜᱚᱲᱦᱚᱱ ᱫᱚ ᱥᱟᱶᱛᱟᱠᱤᱭᱟᱹ ᱞᱮᱠᱟᱛᱮ ᱞᱟᱛᱟᱨ ᱨᱮ ᱢᱮᱱᱟᱜ ᱡᱤᱣᱤ ᱠᱚ ᱴᱷᱮᱱ ᱪᱤᱱᱛᱟᱹ ᱦᱚᱨᱢᱚᱱ ᱨᱮᱭᱟᱜ ᱵᱟᱹᱲᱛᱤ ᱛᱷᱚᱠ ᱥᱟᱶ ᱡᱩᱲᱟᱹᱣ ᱢᱮᱱᱟᱜᱼᱟ᱾ ᱥᱴᱮᱱᱯᱷᱚᱨᱰ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱ ᱨᱚᱵᱟᱨᱴ ᱥᱟᱯᱳᱞᱥᱠᱤ ᱭᱟᱜ ᱠᱷᱚᱸᱫᱽᱨᱚᱸᱫᱽ ᱦᱚᱸ ᱱᱚᱝᱠᱟᱱᱟᱜ ᱚᱨᱡᱚ ᱜᱮᱭ ᱮᱢᱟ᱾

ᱚᱛᱱᱚᱜᱟᱱ ᱵᱮ-ᱥᱚᱢᱟᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱚᱴᱟ ᱫᱷᱟᱹᱨᱛᱤ ᱨᱮᱭᱟᱜ ᱟᱭᱢᱟ ᱫᱤᱥᱚᱢ ᱠᱚᱨᱮ ᱚᱛᱱᱚᱜᱟᱱ ᱵᱷᱮᱜᱟᱨ ᱞᱮᱠᱟᱛᱮ ᱥᱟᱶᱟᱨ ᱚᱨᱡᱚ ᱠᱚᱨᱮ ᱱᱟᱯᱟᱭ ᱛᱮ ᱚᱞ-ᱫᱚᱦᱚ ᱟᱠᱟᱱ ᱵᱷᱮᱜᱟᱨ ᱢᱮᱱᱟᱜᱼᱟ᱾ ᱱᱚᱶᱟ ᱨᱮ ᱟᱢᱮᱨᱤᱠᱟ ᱦᱚᱸ ᱥᱮᱞᱮᱫ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱥᱟᱶᱟᱨ ᱥᱮᱵᱟ ᱵᱮᱵᱷᱟᱨ ᱟᱨ ᱠᱷᱚᱨᱚᱪ ᱨᱮᱭᱟᱜ ᱚᱛᱱᱚᱜᱟᱱ ᱵᱷᱮᱜᱟᱨ ᱥᱮᱞᱮᱫ ᱠᱟᱛᱮ ᱦᱟᱥᱯᱟᱛᱟᱞ ᱨᱮᱯᱷᱟᱨᱮᱞ ᱴᱚᱴᱷᱟ ᱨᱮᱭᱟᱜ ᱛᱷᱟᱨ ᱫᱷᱟᱹᱵᱤᱡ ᱵᱷᱮᱜᱟᱨ ᱧᱮᱞᱚᱜᱼᱟ (ᱡᱟᱦᱟᱸ ᱫᱚ ᱢᱤᱫ ᱴᱚᱴᱷᱟᱠᱤᱭᱟᱹ ᱥᱟᱶᱟᱨ ᱥᱮᱵᱟ ᱵᱟᱡᱟᱨ ᱞᱮᱠᱟᱛᱮ ᱵᱟᱰᱟᱭᱚᱜᱼᱟ, ᱡᱟᱦᱟᱸ ᱫᱚ ᱯᱚᱱᱚᱛ ᱥᱤᱢᱟᱹ ᱯᱟᱨᱚᱢ ᱫᱟᱲᱮᱭᱟᱜᱼᱟ, ᱟᱨ ᱟᱢᱮᱨᱤᱠᱟ ᱨᱮ ᱱᱚᱝᱠᱟᱱᱟᱜ ᱓᱐᱖ ᱜᱚᱴᱟᱝ ᱢᱮᱱᱟᱜᱼᱟ)᱾[᱙][᱑᱐] ᱢᱮᱱᱠᱷᱟᱱ, ᱡᱟᱹᱛᱤᱭᱟᱹᱨᱤ-ᱦᱩᱰᱤᱧ ᱚᱛᱱᱚᱜ ᱠᱚ ᱞᱟᱹᱜᱤᱫ ᱥᱟᱶᱟᱨ ᱩᱫᱩᱜᱤᱭᱟᱹ ᱠᱚᱨᱮᱱᱟᱜ ᱰᱟᱴᱟ ᱧᱟᱢᱚᱜ ᱫᱚ ᱮᱞ, ᱰᱟᱴᱟ ᱯᱷᱮᱰᱟᱛ ᱟᱨ ᱚᱛᱱᱚᱜᱟᱱ ᱢᱟᱯ ᱞᱮᱠᱟᱛᱮ ᱥᱤᱢᱟᱹ ᱜᱮᱭᱟ᱾ ᱓᱘ ᱜᱚᱴᱟᱝ ᱳ.ᱤ.ᱥᱤ.ᱰᱤ ᱫᱤᱥᱚᱢ ᱠᱚᱨᱮ, ᱴᱚᱴᱷᱟ, ᱥᱮ ᱚᱱᱟ ᱥᱚᱢᱟᱱ ᱢᱟᱨᱟᱝ ᱡᱟᱹᱛᱤᱭᱟᱹᱨᱤ-ᱦᱩᱰᱤᱧ ᱮᱱᱴᱤᱴᱤ ᱠᱚ ᱫᱚ, ᱜᱩᱡᱩᱜ ᱟᱨ ᱨᱩᱣᱟᱹ ᱩᱫᱩᱜᱤᱭᱟᱹ ᱵᱟᱱᱟᱨ ᱞᱟᱹᱜᱤᱫ ᱜᱮ ᱢᱩᱬᱩᱛ ᱚᱛᱱᱚᱜᱟᱱ ᱛᱷᱟᱨ ᱠᱟᱱᱟ᱾ ᱦᱩᱰᱤᱧ ᱚᱛᱱᱚᱜ ᱠᱚᱨᱮ ᱥᱟᱶᱟᱨ ᱩᱫᱩᱜᱤᱭᱟᱹ ᱧᱟᱢᱚᱜ ᱫᱚ ᱟᱹᱰᱤ ᱠᱚᱢ ᱜᱮ ᱛᱟᱦᱮᱸ ᱠᱟᱱᱟ, ᱟᱨ ᱚᱛᱱᱚᱜᱟᱱ ᱩᱱᱩᱨᱩᱢ, ᱥᱟᱶᱟᱨ ᱩᱫᱩᱜᱤᱭᱟᱹ, ᱦᱚᱲ ᱮᱞ ᱨᱮᱭᱟᱜ ᱩᱢᱮᱨ ᱥᱤᱢᱟᱹ ᱟᱨ ᱧᱟᱢᱚᱜ ᱠᱟᱱ ᱥᱮᱨᱢᱟ ᱠᱚ ᱞᱮᱠᱟᱛᱮ ᱟᱹᱰᱤ ᱵᱷᱮᱜᱟᱨ ᱛᱟᱦᱮᱸ ᱠᱟᱱᱟ᱾ ᱥᱟᱱᱟᱢ ᱜᱷᱚᱴᱚᱱ ᱠᱚᱨᱮ ᱜᱮ, ᱚᱛᱱᱚᱜᱟᱱ ᱥᱤᱢᱟᱹ ᱠᱚᱨᱮ ᱥᱩᱢᱩᱝ ᱯᱨᱚᱥᱟᱥᱚᱱᱤᱠ ᱩᱱᱩᱨᱩᱢ ᱠᱚ ᱵᱮᱵᱷᱟᱨ ᱞᱮᱱᱟ᱾[᱑᱑]

ᱱᱚᱶᱟ ᱵᱷᱮᱜᱟᱨ ᱠᱚᱨᱮ ᱡᱟᱹᱛᱤ, ᱡᱟᱱᱟᱝ, ᱨᱮᱸᱜᱮᱡ ᱦᱟᱞᱚᱛ, ᱥᱮᱪᱮᱫ ᱛᱷᱟᱨ ᱟᱨ ᱴᱷᱟᱶ ᱨᱮᱭᱟᱜ ᱟᱯᱮᱠᱷᱤᱠ ᱮᱱᱮᱢ ᱤᱫᱤ ᱠᱟᱛᱮ ᱱᱤᱛ ᱦᱚᱸ ᱨᱟᱯᱟᱪᱟᱜ ᱪᱟᱞᱟᱜ ᱠᱟᱱ ᱜᱮᱭᱟ᱾ ᱮᱸᱜᱟᱛ ᱟᱨ ᱜᱤᱫᱽᱨᱟᱹ ᱥᱟᱶᱟᱨ ᱵᱤᱣᱨᱳ ᱨᱮᱭᱟᱜ ᱮᱯᱤᱰᱮᱢᱤᱭᱚᱞᱚᱡᱤ ᱚᱯᱷᱤᱥ ᱫᱚ ᱚᱨᱡᱚ ᱠᱚ ᱪᱮᱛᱟᱱ ᱨᱮ ᱟᱲᱮ-ᱯᱟᱥᱮ (ᱚᱛᱱᱚᱜᱟᱱ) ᱵᱷᱮᱨᱤᱭᱮᱵᱚᱞ ᱠᱚᱨᱮᱱᱟᱜ ᱠᱚᱱᱯᱷᱟᱣᱩᱱᱰᱤᱝ ᱚᱨᱥᱚᱝ ᱠᱚᱢ ᱞᱟᱹᱜᱤᱫ ᱥᱟᱶᱟᱨ ᱵᱟᱝ-ᱥᱚᱢᱟᱱ ᱠᱚ ᱪᱮᱛᱟᱱ ᱨᱮ ᱠᱷᱚᱸᱫᱽᱨᱚᱸᱫᱽ ᱡᱚᱠᱷᱮᱡ ᱢᱤᱫ ᱵᱤᱥᱞᱮᱥᱚᱱᱟᱱ ᱦᱚᱨᱟ (ᱯᱷᱤᱠᱥᱰ ᱮᱯᱷᱮᱠᱴᱥ ᱥᱮ ᱦᱟᱭᱵᱨᱤᱰ ᱯᱷᱤᱠᱥᱰ ᱮᱯᱷᱮᱠᱴᱥ) ᱵᱮᱵᱷᱟᱨ ᱨᱮᱭᱟᱜ ᱫᱤᱥᱟᱹ ᱮ ᱮᱢᱚᱜᱼᱟ᱾[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ]

ᱥᱟᱢᱟᱞᱚᱪᱚᱱᱟ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱲ ᱮᱞ ᱥᱟᱶᱟᱨ ᱟᱨ ᱱᱚᱶᱟ ᱨᱮᱭᱟᱜ ᱟᱱᱢᱟᱱ ᱠᱚ ᱪᱮᱛᱟᱱ ᱨᱮ ᱞᱮᱛᱟᱲ ᱥᱟᱢᱟᱞᱚᱪᱚᱱᱟ ᱦᱩᱭ ᱟᱠᱟᱱᱟ᱾[᱑᱒][᱑᱓]

ᱪᱟᱸᱜᱟ ᱴᱚᱴᱷᱟ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱷᱟᱨᱚᱸᱡᱽ ᱯᱚᱨᱛᱚᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱷᱟᱨᱚᱸᱡᱽ ᱯᱞᱮᱱᱤᱝ ᱠᱟᱹᱢᱤᱦᱚᱨᱟ ᱠᱚ (ᱜᱤᱫᱽᱨᱟᱹ ᱡᱟᱱᱟᱢ ᱴᱮᱠᱟᱣ, ᱡᱟᱱᱟᱝ ᱥᱮᱪᱮᱫ, ᱟᱨ ᱨᱩᱠᱷᱤᱭᱟᱹ ᱡᱟᱱᱟᱝ ᱥᱟᱹᱜᱟᱹᱭ ᱯᱟᱥᱱᱟᱣ ᱥᱮᱞᱮᱫ ᱛᱮ) ᱦᱚᱲ ᱮᱞ ᱥᱟᱶᱟᱨ ᱨᱮ ᱢᱤᱫ ᱢᱩᱬᱩᱛ ᱮᱱᱮᱢ ᱠᱚ ᱮᱢᱚᱜᱼᱟ᱾ ᱜᱷᱟᱨᱚᱸᱡᱽ ᱯᱚᱨᱛᱚᱱ ᱫᱚ ᱨᱟᱱ ᱥᱟᱬᱮᱥ ᱨᱮ ᱡᱚᱛᱚ ᱠᱷᱚᱱ ᱠᱚᱢ-ᱠᱷᱚᱨᱚᱪ ᱟᱨ ᱚᱨᱡᱚᱣᱟᱱ ᱛᱤᱠᱤᱪᱷᱟ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ᱾[᱑᱔] ᱜᱷᱟᱨᱚᱸᱡᱽ ᱯᱚᱨᱛᱚᱱ ᱫᱚ ᱵᱟᱝ ᱠᱷᱚᱡᱚᱜ ᱯᱮᱨᱮᱡ ᱦᱚᱲᱢᱚ ᱟᱨ ᱡᱟᱱᱟᱝ ᱥᱟᱹᱜᱟᱹᱭ ᱛᱮ ᱩᱪᱟᱹᱲᱚᱜ ᱟᱡᱟᱨ ᱠᱚ ᱯᱟᱥᱱᱟᱣ ᱠᱚᱢ ᱠᱟᱛᱮ ᱡᱤᱣᱤ ᱟᱨ ᱠᱟᱹᱣᱰᱤᱭ ᱵᱟᱧᱪᱟᱣᱟ᱾[᱑᱔] ᱫᱟᱹᱭᱠᱟᱹ ᱞᱮᱠᱟᱛᱮ, ᱡᱩᱢᱤᱫᱽ ᱯᱚᱱᱚᱛ ᱨᱮᱭᱟᱜ ᱡᱮᱜᱮᱛ ᱡᱟᱠᱟᱛ ᱩᱛᱱᱟᱹᱣ ᱮᱡᱮᱱᱥᱤ ᱟᱡᱟᱜ ᱡᱮᱜᱮᱛ ᱡᱟᱠᱟᱛ ᱜᱷᱟᱨᱚᱸᱡᱽ ᱯᱚᱨᱛᱚᱱ ᱠᱟᱹᱢᱤᱦᱚᱨᱟ ᱨᱮᱭᱟᱜ ᱞᱟᱵᱷ ᱞᱮᱠᱟᱛᱮ ᱞᱟᱛᱟᱨ ᱨᱮᱭᱟᱜ ᱠᱚᱭ ᱥᱮᱞᱮᱫ ᱟᱠᱟᱫᱟ:[᱑᱕]

  • "ᱟᱹᱰᱤ ᱵᱚᱛᱚᱨᱟᱱ ᱯᱮᱨᱮᱡ ᱦᱚᱲᱢᱚ ᱚᱵᱚᱥᱛᱟ ᱠᱚᱢ ᱠᱟᱛᱮ ᱠᱩᱲᱤ ᱦᱚᱯᱚᱱ ᱠᱚᱣᱟᱜ ᱥᱟᱶᱟᱨ ᱨᱩᱠᱷᱤᱭᱟᱹ"
  • "ᱵᱟᱨᱭᱟ ᱯᱮᱨᱮᱡ ᱦᱚᱲᱢᱚ ᱛᱟᱞᱟ ᱨᱮ ᱞᱟᱹᱠᱛᱤᱭᱟᱱ ᱚᱠᱛᱚ ᱮᱢ ᱠᱟᱛᱮ ᱜᱤᱫᱽᱨᱟᱹ ᱠᱚᱣᱟᱜ ᱥᱟᱶᱟᱨ ᱨᱩᱠᱷᱤᱭᱟᱹ"
  • "ᱵᱟᱰᱟᱭᱡᱚᱝ ᱠᱟᱛᱷᱟ, ᱠᱟᱣᱩᱱᱥᱮᱞᱤᱝ, ᱟᱨ ᱠᱚᱲᱟ ᱠᱚᱣᱟᱜ ᱠᱚᱱᱰᱚᱢ ᱟᱨ ᱠᱩᱲᱤ ᱠᱚᱣᱟᱜ ᱠᱚᱱᱰᱚᱢ ᱧᱟᱢ ᱦᱚᱪᱚ ᱛᱟᱞᱟᱛᱮ ᱮᱪ.ᱟᱭ.ᱵᱷᱤ/ᱮᱰᱥ ᱥᱟᱞᱟᱜ ᱞᱟᱹᱲᱦᱟᱹᱭ"
  • "ᱜᱤᱫᱽᱨᱟᱹ ᱱᱚᱥᱴᱚ ᱠᱚᱢ"
  • "ᱠᱩᱲᱤ ᱦᱚᱯᱚᱱ ᱠᱚᱣᱟᱜ ᱟᱹᱭᱫᱟᱹᱨᱤ ᱟᱨ ᱥᱮᱪᱮᱫ, ᱠᱟᱹᱢᱤ, ᱟᱨ ᱥᱟᱶᱛᱟ ᱨᱮ ᱯᱩᱨᱟᱹ ᱥᱮᱞᱮᱫᱚᱜ ᱨᱮᱭᱟᱜ ᱫᱟᱣ ᱠᱚ ᱥᱚᱯᱚᱦᱚᱫ"
  • "ᱦᱚᱲ ᱮᱞ ᱵᱟᱹᱲᱛᱤᱜ ᱴᱷᱟᱠᱮᱫ ᱠᱟᱛᱮ ᱯᱚᱨᱤᱵᱮᱥ ᱨᱩᱠᱷᱤᱭᱟᱹ"

ᱢᱚᱱᱮ ᱥᱟᱶᱟᱨ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱱᱮ ᱥᱟᱶᱟᱨ ᱞᱟᱹᱜᱤᱫ ᱦᱚᱲ ᱮᱞ-ᱴᱮᱦᱟᱸᱰᱟᱜ ᱯᱮᱭᱟ ᱢᱩᱬᱩᱛ ᱞᱮᱠᱟᱱ ᱦᱚᱨᱟ ᱢᱮᱱᱟᱜᱼᱟ: ᱥᱟᱶᱟᱨ ᱥᱮᱵᱟ ᱥᱤᱥᱴᱮᱢ ᱨᱮᱭᱟᱜ ᱠᱟᱹᱢᱤᱦᱚᱨᱟ ᱠᱚ; ᱫᱤᱥᱩᱣᱟᱹ ᱥᱟᱶᱟᱨ ᱯᱨᱮᱠᱴᱤᱥ ᱠᱟᱹᱢᱤᱦᱚᱨᱟ ᱠᱚ; ᱟᱨ ᱥᱟᱶᱛᱟᱨᱤ, ᱠᱟᱹᱣᱰᱤᱟᱹᱨᱤ, ᱟᱨ ᱯᱚᱨᱤᱵᱮᱥ ᱟᱹᱨᱤ ᱨᱮᱭᱟᱜ ᱠᱟᱹᱢᱤᱦᱚᱨᱟ ᱠᱚ᱾ ᱥᱟᱶᱟᱨ ᱥᱮᱵᱟ ᱥᱤᱥᱴᱮᱢ ᱨᱮᱭᱟᱜ ᱠᱟᱹᱢᱤᱦᱚᱨᱟ ᱠᱚ ᱫᱚ ᱥᱟᱶᱟᱨ ᱥᱮᱵᱟ ᱥᱤᱥᱴᱮᱢ ᱟᱨ ᱦᱟᱥᱯᱟᱛᱟᱞ ᱨᱮᱱ ᱟᱹᱭᱩᱨᱤᱭᱟᱹ ᱠᱚ ᱦᱚᱛᱮᱛᱮ ᱪᱟᱪᱞᱟᱣᱜᱼᱟ᱾ ᱱᱚᱶᱟ ᱠᱟᱹᱢᱤᱦᱚᱨᱟ ᱠᱚᱨᱮᱱᱟᱜ ᱫᱟᱹᱭᱠᱟᱹ ᱠᱚ ᱢᱩᱫᱽ ᱨᱮ ᱠᱞᱤᱱᱤᱠᱟᱞ ᱢᱚᱱᱮ ᱥᱟᱶᱟᱨ ᱥᱮᱵᱟ ᱨᱮᱭᱟᱜ ᱫᱟᱲᱮ ᱵᱟᱹᱲᱛᱤ, ᱥᱟᱶᱛᱟ ᱨᱮᱱ ᱜᱚᱲᱚᱭᱤᱡ ᱠᱚ ᱞᱟᱹᱜᱤᱫ ᱯᱚᱨᱟᱢᱚᱨᱥᱚ ᱟᱨ ᱴᱨᱮᱱᱤᱝ ᱮᱢ, ᱟᱨ ᱫᱤᱥᱩᱣᱟᱹ ᱢᱚᱱᱮ ᱥᱟᱶᱟᱨ ᱞᱟᱹᱜᱤᱫ ᱟᱹᱨᱤ, ᱯᱨᱮᱠᱴᱤᱥ ᱟᱨ ᱯᱚᱨᱛᱚᱱ ᱠᱚ ᱵᱟᱰᱟᱭ ᱚᱪᱚ ᱞᱟᱹᱜᱤᱫ ᱢᱤᱫ ᱥᱟᱶᱛᱮ ᱥᱟᱶᱟᱨ ᱰᱟᱴᱟ ᱦᱟᱹᱴᱤᱧ ᱥᱮᱞᱮᱫ ᱢᱮᱱᱟᱜᱼᱟ᱾ ᱫᱤᱥᱩᱣᱟᱹ ᱥᱟᱶᱟᱨ ᱯᱨᱮᱠᱴᱤᱥ ᱠᱟᱹᱢᱤᱦᱚᱨᱟ ᱠᱚ ᱫᱚ ᱫᱤᱥᱩᱣᱟᱹ ᱥᱟᱶᱟᱨ ᱵᱤᱵᱷᱟᱜᱽ ᱨᱮᱱ ᱚᱯᱷᱤᱥᱟᱨ ᱠᱚ ᱦᱚᱛᱮᱛᱮ ᱪᱟᱪᱞᱟᱣᱜᱼᱟ᱾ ᱱᱚᱶᱟ ᱠᱟᱹᱢᱤᱦᱚᱨᱟ ᱠᱚᱨᱮ ᱟᱹᱨᱤ ᱵᱚᱫᱚᱞ ᱞᱟᱹᱜᱤᱫ ᱩᱠᱤᱞᱟᱹᱛᱤ, ᱢᱚᱱᱮ ᱟᱡᱟᱨ ᱨᱮᱭᱟᱜ ᱞᱟᱡᱟᱣ ᱥᱮ ᱵᱟᱹᱲᱤᱡ ᱩᱭᱦᱟᱹᱨ ᱠᱚᱢ ᱞᱟᱹᱜᱤᱫ ᱫᱤᱥᱩᱣᱟᱹ ᱥᱮᱵᱟ ᱜᱷᱳᱥᱱᱟ ᱮᱦᱚᱵ, ᱟᱨ ᱥᱟᱶᱛᱟᱠᱤᱭᱟᱹ ᱢᱚᱱᱮ ᱥᱟᱶᱟᱨ ᱨᱤᱥᱳᱨᱥ ᱠᱚ ᱧᱟᱢ ᱵᱟᱹᱲᱛᱤ ᱞᱟᱹᱜᱤᱫ ᱟᱣᱩᱴᱨᱤᱪ ᱠᱚᱨᱟᱣ ᱥᱮᱞᱮᱫ ᱢᱮᱱᱟᱜᱼᱟ᱾ ᱵᱟᱪᱷᱱᱟᱣ ᱟᱠᱟᱱ ᱚᱯᱷᱤᱥᱟᱨ ᱟᱨ ᱯᱨᱚᱥᱟᱥᱚᱱᱤᱠ ᱟᱹᱨᱤ ᱵᱮᱱᱟᱣᱤᱡ ᱠᱚᱫᱚ ᱥᱟᱶᱛᱟᱨᱤ, ᱠᱟᱹᱣᱰᱤᱟᱹᱨᱤ, ᱟᱨ ᱯᱚᱨᱤᱵᱮᱥ ᱟᱹᱨᱤ ᱠᱟᱹᱢᱤᱦᱚᱨᱟ ᱠᱚ ᱞᱟᱹᱜᱩᱭᱟ᱾ ᱱᱚᱶᱟ ᱠᱚᱨᱮ ᱠᱟᱹᱣᱰᱤ ᱟᱨ ᱚᱲᱟᱜ ᱨᱮᱭᱟᱜ ᱵᱮ-ᱨᱩᱠᱷᱤᱭᱟᱹ ᱠᱚᱢ ᱠᱚᱨᱟᱣ, ᱵᱟᱡᱟᱨ ᱨᱮᱭᱟᱜ ᱦᱟᱹᱨᱭᱟᱹᱲ ᱴᱷᱟᱶ ᱵᱟᱹᱲᱛᱤ ᱟᱨ ᱧᱤᱫᱟᱹ ᱥᱟᱰᱮ ᱵᱟᱹᱲᱤᱡ ᱠᱚᱢ ᱞᱟᱹᱜᱤᱫ ᱵᱮᱱᱟᱣ ᱟᱠᱟᱱ ᱥᱟᱪᱟᱨᱦᱮ ᱵᱚᱫᱚᱞ, ᱟᱨ ᱢᱚᱱᱮ ᱟᱡᱟᱨ ᱨᱮ ᱢᱮᱱᱟᱜ ᱦᱚᱲ ᱠᱚ ᱪᱮᱛᱟᱱ ᱨᱮ ᱢᱮᱱᱟᱜ ᱠᱟᱴᱷᱟᱢᱳᱜᱚᱛ ᱵᱟᱹᱲᱤᱡ ᱩᱭᱦᱟᱹᱨ ᱠᱚᱢ ᱠᱚᱨᱟᱣ ᱥᱮᱞᱮᱫ ᱛᱟᱦᱮᱸ ᱫᱟᱲᱮᱭᱟᱜᱼᱟ᱾[᱑᱖]

ᱦᱚᱲ ᱮᱞ ᱥᱟᱶᱟᱨ ᱪᱟᱪᱞᱟᱣ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱲ ᱮᱞ ᱥᱟᱶᱟᱨ ᱩᱛᱱᱟᱹᱣ ᱨᱮᱭᱟᱜ ᱢᱤᱫ ᱦᱚᱨᱟ ᱫᱚ ᱦᱩᱭᱩᱜ ᱠᱟᱱᱟ ᱦᱚᱲ ᱮᱞ ᱥᱟᱶᱟᱨ ᱪᱟᱪᱞᱟᱣ ᱛᱟᱞᱟᱛᱮ, ᱡᱟᱦᱟᱸ ᱫᱚ "ᱠᱩᱨᱩᱢᱩᱴᱩ ᱨᱮᱭᱟᱜ ᱴᱮᱠᱱᱤᱠᱟᱞ ᱴᱚᱴᱷᱟ ᱞᱮᱠᱟᱛᱮ ᱵᱟᱰᱟᱭᱚᱜᱼᱟ ᱡᱟᱦᱟᱸ ᱫᱚ ᱟᱭᱢᱟ ᱞᱮᱠᱟᱱ ᱦᱚᱲ-ᱟᱱ, ᱜᱟᱶᱛᱟᱠᱤᱭᱟᱹ ᱟᱨ ᱞᱟᱠᱪᱟᱨᱟᱱ ᱮᱱᱮᱢ ᱠᱚ ᱵᱮᱵᱷᱟᱨ ᱠᱟᱛᱮ ᱴᱷᱟᱹᱣᱠᱟᱹ ᱟᱠᱟᱱ ᱦᱚᱲ ᱮᱞ ᱨᱮᱭᱟᱜ ᱨᱩᱣᱟᱹ ᱦᱟᱨ ᱯᱮᱴᱟᱨᱱ (ᱢᱮᱱᱫᱚ, ᱨᱩᱣᱟᱹ ᱟᱨ ᱜᱷᱟᱣ ᱨᱮᱭᱟᱜ ᱵᱚᱡᱷᱟ) ᱟᱨ ᱥᱟᱶᱟᱨ ᱥᱮᱵᱟ ᱵᱮᱵᱷᱟᱨ ᱨᱮᱭᱟᱜ ᱵᱮᱵᱷᱟᱨ ᱩᱛᱱᱟᱹᱣ ᱨᱮ ᱜᱚᱲᱚᱭ ᱮᱢᱚᱜᱼᱟ"᱾[᱑᱗] ᱯᱤ.ᱮᱭᱤᱪ.ᱮᱢ ᱫᱚ ᱟᱨᱦᱚᱸ ᱵᱟᱹᱲᱛᱤ ᱡᱤᱞᱤᱧ ᱚᱠᱛᱚ ᱨᱮᱭᱟᱜ (ᱠᱨᱳᱱᱤᱠ) ᱚᱵᱚᱥᱛᱟ ᱟᱨ ᱟᱡᱟᱨ ᱠᱚ ᱥᱮᱞᱮᱫ ᱠᱟᱛᱮ, "ᱡᱚᱜᱟᱡᱚᱜᱽ ᱟᱨ ᱥᱚᱢᱚᱱᱱᱚᱭ ᱨᱮᱭᱟᱜ ᱢᱤᱫ ᱴᱷᱟᱶ" ᱵᱮᱵᱷᱟᱨ ᱠᱟᱛᱮ, ᱟᱨ "ᱟᱭᱢᱟ ᱞᱮᱠᱟᱱ ᱠᱞᱤᱱᱤᱠᱟᱞ ᱚᱵᱚᱥᱛᱟ ᱠᱚᱨᱮ ᱟᱜᱟᱢ ᱞᱟᱹᱭ ᱫᱟᱲᱮᱭᱟᱜ ᱢᱚᱰᱮᱞᱤᱝ" ᱦᱚᱛᱮᱛᱮ ᱟᱡᱟᱨ ᱪᱟᱪᱞᱟᱣ ᱠᱷᱚᱱ ᱵᱷᱮᱜᱟᱨ ᱜᱮᱭᱟ᱾[᱑᱘] ᱯᱤ.ᱮᱭᱤᱪ.ᱮᱢ ᱫᱚ ᱟᱡᱟᱨ ᱪᱟᱪᱞᱟᱣ ᱠᱷᱚᱱ ᱵᱟᱹᱲᱛᱤ ᱚᱥᱟᱨ ᱢᱮᱱᱛᱮ ᱢᱟᱱᱟᱣᱚᱜᱼᱟ ᱪᱮᱫᱟᱜ ᱥᱮ ᱱᱚᱶᱟ ᱨᱮ "ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱵᱚᱛᱚᱨ ᱨᱮ ᱢᱮᱱᱟᱜ ᱦᱚᱲ ᱠᱚ ᱞᱟᱹᱜᱤᱫ ᱤᱱᱴᱮᱱᱥᱤᱵᱷ ᱠᱮᱭᱟᱨ ᱪᱟᱪᱞᱟᱣ" ᱟᱨ "ᱟᱸᱫᱟᱡᱽ ᱟᱠᱟᱱ ᱥᱟᱶᱟᱨ ᱵᱚᱛᱚᱨ ᱨᱮᱭᱟᱜ ᱞᱟᱛᱟᱨ ᱛᱷᱟᱨ ᱨᱮ ᱢᱮᱱᱟᱜ ᱦᱚᱲ ᱠᱚ ᱞᱟᱹᱜᱤᱫ... ᱟᱯᱱᱟᱨᱟᱜ ᱥᱟᱶᱟᱨ ᱪᱟᱪᱞᱟᱣ" ᱦᱚᱸ ᱥᱮᱞᱮᱫ ᱢᱮᱱᱟᱜᱼᱟ᱾[᱑᱙] ᱯᱤ.ᱮᱭᱤᱪ.ᱮᱢ ᱥᱟᱶ ᱡᱚᱯᱚᱲᱟᱣ ᱟᱭᱢᱟ ᱚᱱᱚᱞ ᱠᱚᱫᱚ ᱯᱚᱯᱩᱞᱮᱥᱚᱱ ᱦᱮᱞᱛᱷ ᱢᱮᱱᱮᱡᱽᱢᱮᱱᱴ ᱨᱮ ᱪᱷᱟᱯᱟ ᱟᱠᱟᱱᱟ, ᱡᱟᱦᱟᱸ ᱫᱚ ᱰᱤ.ᱮᱢ.ᱮ.ᱮᱢ: ᱫᱟ ᱠᱮᱭᱟᱨ ᱠᱚᱱᱴᱤᱱᱤᱣᱩᱢ ᱮᱞᱟᱭᱮᱱᱥ ᱨᱮᱭᱟᱜ ᱚᱯᱷᱤᱥᱤᱭᱟᱞ ᱡᱟᱨᱱᱟᱞ ᱠᱟᱱᱟ᱾[᱒᱐] ᱥᱟᱶᱟᱨ ᱥᱮᱵᱟ ᱜᱟᱶᱛᱟ ᱠᱚ ᱚᱨᱡᱚᱣᱟᱱ ᱦᱚᱲ ᱮᱞ ᱥᱟᱶᱟᱨ ᱪᱟᱪᱞᱟᱣ ᱞᱟᱹᱜᱩ ᱥᱮᱫ ᱞᱟᱦᱟᱜ ᱨᱮ ᱜᱚᱲᱚ ᱞᱟᱹᱜᱤᱫ ᱞᱟᱛᱟᱨ ᱨᱮᱭᱟᱜ ᱨᱳᱰ ᱢᱮᱯ ᱨᱮᱭᱟᱜ ᱫᱤᱥᱟᱹ ᱮᱢ ᱟᱠᱟᱱᱟ:[᱒᱑]

  • ᱴᱷᱤᱠ-ᱴᱷᱟᱠ ᱨᱩᱜᱤ ᱨᱮᱡᱤᱥᱴᱨᱤ ᱠᱚ ᱵᱮᱱᱟᱣ
  • ᱨᱩᱜᱤ-ᱥᱮᱵᱟ ᱮᱢᱚᱜᱤᱡ ᱨᱮᱭᱟᱜ ᱡᱚᱯᱚᱲᱟᱣ ᱜᱚᱴᱟ
  • ᱨᱩᱜᱤ ᱨᱮᱡᱤᱥᱴᱨᱤ ᱠᱚᱨᱮ ᱴᱷᱤᱠ ᱮᱞᱠᱷᱟ ᱠᱚ ᱵᱩᱡᱷᱟᱹᱣ ᱚᱪᱚ
  • ᱠᱞᱤᱱᱤᱠᱟᱞ ᱟᱨ ᱠᱷᱚᱨᱚᱪ ᱢᱮᱴᱨᱤᱠᱥ ᱠᱚ ᱱᱚᱡᱚᱨ ᱫᱚᱦᱚ ᱟᱨ ᱢᱟᱯ
  • ᱢᱩᱞ ᱠᱞᱤᱱᱤᱠᱟᱞ ᱯᱨᱮᱠᱴᱤᱥ ᱜᱟᱭᱤᱰᱞᱟᱭᱤᱱ ᱠᱚ ᱢᱟᱱᱟᱣ ᱵᱟᱛᱟᱣ
  • ᱵᱚᱛᱚᱨ-ᱪᱟᱪᱞᱟᱣ ᱟᱣᱩᱴᱨᱤᱪ ᱨᱮ ᱥᱮᱞᱮᱫᱚᱜ
  • ᱵᱟᱦᱨᱮ ᱰᱟᱴᱟ ᱦᱟᱛᱟᱣ
  • ᱨᱩᱜᱤ ᱠᱚ ᱥᱟᱶ ᱡᱚᱜᱟᱡᱚᱜᱽ
  • ᱨᱩᱜᱤ ᱠᱚ ᱥᱮᱪᱮᱫ ᱟᱨ ᱩᱱᱠᱩ ᱥᱟᱶ ᱥᱮᱞᱮᱫᱚᱜ
  • ᱟᱸᱴ ᱠᱞᱤᱱᱤᱠᱟᱞ ᱯᱨᱮᱠᱴᱤᱥ ᱜᱟᱭᱤᱰᱞᱟᱭᱤᱱ ᱠᱚ ᱵᱮᱱᱟᱣ ᱟᱨ ᱢᱟᱱᱟᱣ ᱵᱟᱛᱟᱣ
  • ᱥᱮᱵᱟ ᱮᱢᱚᱜᱤᱡ ᱴᱤᱢ ᱟᱨ ᱨᱩᱜᱤ ᱛᱟᱞᱟ ᱨᱮ ᱱᱟᱯᱟᱭ ᱛᱮ ᱥᱚᱢᱚᱱᱱᱚᱭ
  • ᱴᱷᱟᱹᱣᱠᱟᱹ ᱚᱨᱡᱚ ᱠᱚ ᱯᱟᱸᱡᱟ ᱧᱟᱢ

ᱥᱟᱶᱟᱨ ᱥᱮᱵᱟ ᱥᱩᱫᱷᱟᱹᱨ ᱟᱨ ᱦᱚᱲ ᱮᱞ ᱥᱟᱶᱟᱨ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱶᱟᱨ ᱥᱮᱵᱟ ᱥᱩᱫᱷᱟᱹᱨ ᱫᱚ ᱥᱮᱨᱣᱟᱣᱟᱱ ᱦᱟᱥᱯᱟᱛᱟᱞ ᱨᱮᱭᱟᱜ ᱠᱷᱚᱨᱚᱪ ᱨᱩᱣᱟᱹᱲ ᱢᱚᱰᱮᱞ ᱠᱚᱨᱮ ᱵᱚᱫᱚᱞ ᱮ ᱟᱹᱜᱩᱭᱮᱫᱟ᱾ ᱨᱩᱜᱤ ᱨᱩᱠᱷᱤᱭᱟᱹ ᱟᱨ ᱥᱟᱥᱛᱟ ᱥᱮᱵᱟ ᱟᱹᱱ ᱞᱟᱹᱜᱩᱜ ᱢᱟᱬᱟᱝ ᱨᱮ, ᱦᱟᱥᱯᱟᱛᱟᱞ ᱠᱚᱫᱚ ᱥᱮᱵᱟ-ᱞᱟᱹᱜᱤᱫ-ᱜᱚᱱᱚᱝ ᱢᱚᱰᱮᱞ ᱛᱟᱞᱟᱛᱮ ᱠᱟᱹᱢᱤᱦᱚᱨᱟ ᱨᱮᱭᱟᱜ ᱞᱮᱠᱷᱟ ᱪᱮᱛᱟᱱ ᱴᱮᱦᱟᱸᱰ ᱠᱟᱛᱮ ᱠᱷᱚᱨᱚᱪ ᱠᱚ ᱧᱟᱢ ᱨᱩᱣᱟᱹᱲᱮᱫ ᱛᱟᱦᱮᱸᱫ᱾ ᱯᱤ.ᱯᱤ.ᱮ.ᱥᱤ.ᱮ ᱛᱟᱹᱨᱤ ᱨᱮ, ᱠᱷᱚᱨᱚᱪ ᱨᱩᱣᱟᱹᱲ ᱢᱚᱰᱮᱞ ᱠᱚᱫᱚ ᱞᱮᱠᱷᱟ ᱠᱷᱚᱱ ᱜᱚᱱᱚᱝ ᱥᱮᱫ ᱩᱪᱟᱹᱲᱚᱜ ᱠᱟᱱᱟ᱾ ᱱᱟᱶᱟ ᱠᱷᱚᱨᱚᱪ ᱨᱩᱣᱟᱹᱲ ᱢᱚᱰᱮᱞ ᱠᱚᱫᱚ ᱠᱟᱹᱢᱤ ᱞᱮᱠᱟᱛᱮ ᱠᱩᱲᱟᱹᱭ, ᱢᱤᱫ ᱜᱚᱱᱚᱝ-ᱴᱮᱦᱟᱸᱰ ᱠᱷᱚᱨᱚᱪ ᱨᱩᱣᱟᱹᱲ ᱦᱚᱨᱟ ᱪᱮᱛᱟᱱ ᱨᱮ ᱵᱮᱱᱟᱣ ᱟᱠᱟᱱᱟ, ᱡᱟᱦᱟᱸ ᱫᱚ ᱨᱩᱜᱤ ᱠᱚᱣᱟᱜ ᱚᱨᱡᱚ ᱪᱮᱛᱟᱱ ᱨᱮ ᱠᱟᱹᱣᱰᱤᱟᱹᱨᱤ ᱫᱟᱣ ᱮᱢᱚᱜᱼᱟ ᱟᱨ ᱠᱟᱹᱣᱰᱤᱟᱹᱨᱤ ᱞᱮᱠᱟᱛᱮ ᱴᱮᱠᱟᱣ ᱛᱟᱦᱮᱸᱱ ᱞᱟᱹᱜᱤᱫ ᱟᱢᱮᱨᱤᱠᱟ ᱨᱮᱭᱟᱜ ᱦᱟᱥᱯᱟᱛᱟᱞ ᱠᱚᱣᱟᱜ ᱠᱟᱹᱢᱤ ᱦᱚᱨᱟ ᱟᱹᱰᱤ ᱡᱳᱨ ᱮ ᱵᱚᱫᱚᱞ ᱟᱠᱟᱫᱟ᱾[᱒᱒] ᱨᱩᱜᱤ ᱠᱚᱣᱟᱜ ᱥᱮᱵᱟ ᱨᱮᱭᱟᱜ ᱩᱱᱩᱭᱦᱟᱹᱨ ᱩᱛᱱᱟᱹᱣ ᱟᱨ ᱠᱷᱚᱨᱚᱪ ᱠᱚᱢ ᱪᱮᱛᱟᱱ ᱨᱮ ᱫᱷᱮᱭᱟᱱ ᱮᱢ ᱥᱟᱶᱛᱮ, ᱦᱟᱥᱯᱟᱛᱟᱞ ᱠᱚᱫᱚ ᱦᱚᱲ ᱮᱞ ᱥᱟᱶᱟᱨ ᱩᱛᱱᱟᱹᱣ ᱪᱮᱛᱟᱱ ᱨᱮᱦᱚᱸ ᱫᱷᱮᱭᱟᱱ ᱮᱢ ᱦᱩᱭᱩᱜ ᱛᱟᱠᱚᱣᱟ (ᱟᱭ.ᱮᱪ.ᱟᱭ ᱴᱨᱤᱯᱚᱞ ᱮᱢ[᱒᱓])᱾ ᱡᱚᱠᱷᱚᱱ ᱫᱟᱹᱭᱵᱚᱫᱷ ᱥᱮᱵᱟ ᱜᱟᱶᱛᱟ ᱠᱚ (ᱮ.ᱥᱤ.ᱳ) ᱞᱮᱠᱟᱱ ᱜᱚᱱᱚᱝ-ᱴᱮᱦᱟᱸᱰ ᱠᱷᱚᱨᱚᱪ ᱨᱩᱣᱟᱹᱲ ᱢᱚᱰᱮᱞ ᱠᱚᱨᱮ ᱥᱮᱞᱮᱫᱚᱜ ᱵᱟᱹᱲᱛᱤᱜᱼᱟ, ᱱᱚᱶᱟ ᱯᱚᱨᱛᱚᱱ ᱠᱚᱫᱚ ᱦᱚᱲ ᱮᱞ ᱥᱟᱶᱟᱨ ᱞᱟᱦᱟᱭ ᱨᱮ ᱜᱚᱲᱚᱭ ᱮᱢᱚᱜᱼᱟ᱾[᱒᱔] ᱮ.ᱥᱤ.ᱳ ᱢᱚᱰᱮᱞ ᱵᱷᱤᱛᱨᱤ ᱨᱮ, ᱦᱟᱥᱯᱟᱛᱟᱞ ᱠᱚᱫᱚ ᱴᱷᱟᱹᱣᱠᱟᱹ ᱜᱩᱱᱢᱟᱱ ᱵᱮᱸᱪᱢᱟᱨᱠ ᱠᱚ ᱯᱩᱨᱟᱹᱣ ᱦᱩᱭᱩᱜ ᱛᱟᱠᱚᱣᱟ, ᱴᱮᱠᱟᱣ ᱫᱟᱨᱟᱢ ᱪᱮᱛᱟᱱ ᱨᱮ ᱫᱷᱮᱭᱟᱱ ᱮᱢ ᱦᱩᱭᱩᱜ ᱛᱟᱠᱚᱣᱟ, ᱟᱨ ᱡᱤᱞᱤᱧ ᱚᱠᱛᱚ ᱨᱮᱭᱟᱜ ᱟᱡᱟᱨ ᱨᱮ ᱢᱮᱱᱟᱜ ᱨᱩᱜᱤ ᱠᱚ ᱟᱹᱰᱤ ᱡᱚᱛᱚᱱ ᱛᱮ ᱪᱟᱪᱞᱟᱣ ᱦᱩᱭᱩᱜ ᱛᱟᱠᱚᱣᱟ᱾[᱒᱕] ᱥᱮᱵᱟ ᱮᱢᱚᱜᱤᱡ ᱠᱚᱫᱚ ᱟᱠᱚᱨᱮᱱ ᱨᱩᱜᱤ ᱠᱚ ᱥᱟᱶᱟᱨ ᱫᱚᱦᱚ ᱟᱨ ᱦᱟᱥᱯᱟᱛᱟᱞ ᱠᱷᱚᱱ ᱵᱟᱦᱨᱮ ᱨᱮ ᱫᱚᱦᱚ ᱞᱟᱹᱜᱤᱫ ᱵᱟᱹᱲᱛᱤ ᱠᱟᱹᱣᱰᱤ ᱠᱚ ᱧᱟᱢᱟ᱾[᱒᱕] ᱯᱟᱲᱦᱟᱣ ᱠᱷᱚᱱ ᱵᱟᱰᱟᱭ ᱟᱠᱟᱱᱟ ᱡᱮ ᱯᱟᱨᱚᱢᱮᱱ ᱜᱮᱞ ᱥᱮᱨᱢᱟ ᱨᱮ ᱚᱱᱟ ᱥᱟᱶᱛᱟ ᱠᱚᱨᱮ ᱤᱱᱯᱮᱥᱮᱱᱴ ᱵᱷᱩᱨᱛᱤ ᱦᱟᱨ ᱠᱚᱢ ᱟᱠᱟᱱᱟ ᱡᱟᱦᱟᱸᱭ ᱫᱚ ᱮ.ᱥᱤ.ᱳ ᱢᱚᱰᱮᱞ ᱢᱟᱬᱟᱝ ᱨᱮᱠᱚ ᱟᱯᱱᱟᱨ ᱞᱮᱫᱟ ᱟᱨ ᱟᱣᱩᱴᱯᱮᱥᱮᱱᱴ ᱥᱮᱴᱤᱝ ᱨᱮ "ᱠᱚᱢ ᱨᱩᱣᱟᱹ" ᱨᱩᱜᱤ ᱠᱚ ᱛᱤᱠᱤᱪᱷᱟ ᱞᱟᱹᱜᱤᱫ ᱦᱚᱲ ᱮᱞ ᱥᱟᱶᱟᱨ ᱢᱟᱯ ᱠᱚ ᱞᱟᱹᱜᱩ ᱞᱮᱫᱟ᱾[᱒᱖] ᱥᱤᱠᱟᱜᱳ ᱴᱚᱴᱷᱟ ᱨᱮ ᱦᱩᱭ ᱞᱮᱱ ᱢᱤᱫ ᱯᱟᱲᱦᱟᱣ ᱨᱮ ᱥᱟᱱᱟᱢ ᱩᱢᱮᱨ ᱜᱟᱫᱮᱞ ᱨᱮ ᱤᱱᱯᱮᱥᱮᱱᱴ ᱵᱮᱵᱷᱟᱨ ᱦᱟᱨ ᱨᱮ ᱠᱚᱢ ᱧᱮᱞ ᱞᱮᱱᱟ, ᱡᱟᱦᱟᱸ ᱫᱚ ᱤᱱᱯᱮᱥᱮᱱᱴ ᱵᱷᱩᱨᱛᱤ ᱨᱮ ᱜᱩᱴ ᱢᱤᱫ ᱕% ᱮᱵᱷᱟᱨᱮᱡᱽ ᱠᱚᱢ ᱛᱟᱦᱮᱸ ᱠᱟᱱᱟ᱾[᱒᱗] ᱦᱟᱥᱯᱟᱛᱟᱞ ᱠᱚᱫᱚ ᱦᱚᱲ ᱮᱞ ᱥᱟᱶᱟᱨ ᱪᱟᱪᱞᱟᱣ ᱟᱨ ᱥᱟᱶᱛᱟ ᱨᱮᱱ ᱦᱚᱲ ᱠᱚ ᱱᱟᱯᱟᱭ ᱫᱚᱦᱚ ᱪᱮᱛᱟᱱ ᱨᱮ ᱫᱷᱮᱭᱟᱱ ᱮᱢ ᱫᱚ ᱠᱟᱹᱣᱰᱤᱟᱹᱨᱤ ᱞᱮᱠᱟᱛᱮ ᱞᱟᱵᱷ ᱟᱱᱟᱜ ᱠᱚ ᱢᱚᱱᱮᱭᱮᱫᱟ᱾[᱒᱘] ᱦᱚᱲ ᱮᱞ ᱥᱟᱶᱟᱨ ᱪᱟᱪᱞᱟᱣ ᱨᱮᱭᱟᱜ ᱡᱚᱥ ᱫᱚ ᱦᱩᱭᱩᱜ ᱠᱟᱱᱟ ᱨᱩᱜᱤ ᱨᱮᱭᱟᱜ ᱚᱨᱡᱚ ᱩᱛᱱᱟᱹᱣ ᱟᱨ ᱥᱟᱶᱟᱨ ᱯᱩᱸᱡᱤ ᱵᱟᱹᱲᱛᱤ᱾ ᱮᱴᱟᱜ ᱡᱚᱥ ᱠᱚᱨᱮ ᱟᱡᱟᱨ ᱴᱮᱠᱟᱣ ᱫᱟᱨᱟᱢ, ᱥᱮᱵᱟ ᱨᱮᱭᱟᱜ ᱯᱷᱟᱨᱟᱠ ᱪᱟᱵᱟᱭ, ᱟᱨ ᱥᱮᱵᱟ ᱮᱢᱚᱜᱤᱡ ᱠᱚ ᱞᱟᱹᱜᱤᱫ ᱠᱷᱚᱨᱚᱪ ᱵᱟᱧᱪᱟᱣ ᱥᱮᱞᱮᱫ ᱢᱮᱱᱟᱜᱼᱟ᱾[᱒᱙] ᱯᱟᱨᱚᱢᱮᱱ ᱛᱤᱱᱟᱹᱜ ᱜᱟᱱ ᱥᱮᱨᱢᱟ ᱨᱮ, ᱴᱮᱞᱤᱦᱮᱞᱛᱷ ᱥᱮᱵᱟ ᱩᱛᱱᱟᱹᱣ, ᱚᱱᱟ ᱴᱚᱴᱷᱟ ᱠᱚᱨᱮ ᱥᱟᱶᱛᱟ-ᱴᱮᱦᱟᱸᱰ ᱠᱞᱤᱱᱤᱠ ᱵᱮᱱᱟᱣ ᱡᱟᱦᱟᱸ ᱨᱮ ᱟᱹᱰᱤ ᱟᱭᱢᱟ ᱦᱚᱲ ᱮᱢᱟᱨᱡᱮᱱᱥᱤ ᱵᱤᱵᱷᱟᱜᱽ ᱫᱚ ᱯᱩᱭᱞᱩ ᱥᱮᱵᱟ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱮᱫᱟ, ᱟᱨ ᱥᱟᱶᱟᱨ ᱥᱮᱵᱟ ᱠᱚ ᱥᱚᱢᱚᱱᱱᱚᱭ ᱞᱟᱹᱜᱤᱫ ᱨᱩᱜᱤ ᱥᱮᱵᱟ ᱥᱚᱢᱚᱱᱱᱚᱭᱤᱡ ᱟᱜ ᱮᱱᱮᱢ ᱪᱮᱛᱟᱱ ᱨᱮ ᱵᱟᱹᱲᱛᱤ ᱠᱩᱨᱩᱢᱩᱴᱩ ᱮᱢ ᱦᱩᱭ ᱟᱠᱟᱱᱟ᱾[᱒᱘] ᱥᱟᱶᱟᱨ ᱫᱚ ᱢᱤᱫ ᱯᱩᱸᱡᱤ ᱡᱤᱱᱤᱥ ᱞᱮᱠᱟᱛᱮ ᱢᱟᱱᱟᱣ ᱜᱟᱱᱚᱜᱼᱟ; ᱥᱟᱶᱟᱨ ᱯᱩᱸᱡᱤ ᱫᱚ ᱢᱟᱹᱱᱢᱤ ᱯᱩᱸᱡᱤ ᱨᱮᱭᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱡᱮᱞᱮᱠᱟ ᱜᱨᱚᱥᱢᱮᱱ (Grossman) ᱢᱚᱰᱮᱞ ᱮ ᱵᱚᱨᱱᱚᱱ ᱟᱠᱟᱫᱟ᱾[᱓᱐] ᱥᱟᱶᱟᱨ ᱫᱚ ᱢᱤᱫ ᱵᱤᱱᱤᱭᱳᱜᱽ ᱡᱤᱱᱤᱥ ᱟᱨ ᱵᱮᱵᱷᱟᱨ ᱡᱤᱱᱤᱥ ᱵᱟᱱᱟᱨ ᱞᱮᱠᱟᱛᱮ ᱢᱟᱱᱟᱣ ᱜᱟᱱᱚᱜᱼᱟ᱾[᱓᱑] ᱢᱚᱴᱟ ᱟᱨ ᱫᱷᱩᱸᱜᱟᱹ ᱧᱩ ᱞᱮᱠᱟᱱ ᱩᱯᱟᱫᱟᱱ ᱠᱚ ᱥᱟᱶᱟᱨ ᱯᱩᱸᱡᱤ ᱪᱮᱛᱟᱱ ᱨᱮ ᱵᱟᱹᱲᱤᱡ ᱚᱨᱥᱚᱝ ᱮᱢᱚᱜᱼᱟ, ᱡᱚᱠᱷᱚᱱ ᱥᱮᱪᱮᱫ, ᱠᱩᱲᱟᱹᱭ ᱦᱟᱨ, ᱟᱨ ᱩᱢᱮᱨ ᱦᱚᱸ ᱥᱟᱶᱟᱨ ᱯᱩᱸᱡᱤ ᱪᱮᱛᱟᱱ ᱨᱮ ᱚᱨᱥᱚᱝ ᱮᱢ ᱫᱟᱲᱮᱭᱟᱜᱼᱟ᱾[᱓᱑] ᱡᱚᱠᱷᱚᱱ ᱦᱚᱲ ᱠᱚ ᱴᱮᱠᱟᱣ ᱫᱟᱨᱟᱢ ᱥᱮᱵᱟ ᱛᱟᱞᱟᱛᱮ ᱵᱟᱹᱲᱛᱤ ᱥᱟᱶᱟᱨ ᱠᱚ ᱛᱟᱦᱮᱸᱱᱟ, ᱩᱱᱠᱩ ᱴᱷᱮᱱ ᱟᱨᱦᱚᱸ ᱡᱤᱞᱤᱧ ᱟᱨ ᱥᱟᱶᱟᱨ ᱡᱤᱭᱚᱱ ᱠᱷᱟᱸᱰᱟᱣ, ᱵᱟᱹᱲᱛᱤ ᱠᱟᱹᱢᱤ ᱟᱨ ᱠᱟᱹᱣᱰᱤᱟᱹᱨᱤ ᱨᱮ ᱥᱮᱞᱮᱫᱚᱜ, ᱟᱨ ᱠᱚᱨᱟᱣ ᱟᱠᱟᱱ ᱠᱟᱹᱢᱤ ᱪᱮᱛᱟᱱ ᱨᱮ ᱴᱮᱦᱟᱸᱰ ᱠᱟᱛᱮ ᱵᱟᱹᱲᱛᱤ ᱟᱨᱡᱟᱣ ᱨᱮᱭᱟᱜ ᱫᱟᱲᱮ ᱛᱟᱦᱮᱸᱱᱟ᱾ ᱱᱚᱶᱟ ᱩᱯᱟᱫᱟᱱ ᱠᱚ ᱡᱚᱛᱚ ᱜᱮ ᱟᱭ ᱵᱟᱹᱲᱛᱤ ᱨᱮᱭᱟᱜ ᱫᱟᱲᱮ ᱢᱮᱱᱟᱜᱼᱟ᱾ ᱱᱤᱣ ᱤᱭᱚᱨᱠ ᱞᱮᱠᱟᱱ ᱛᱤᱱᱟᱹᱜ ᱜᱟᱱ ᱯᱚᱱᱚᱛ ᱫᱚ ᱦᱚᱲ ᱮᱞ ᱥᱟᱶᱟᱨ ᱥᱚᱞᱦᱮ ᱞᱟᱹᱜᱤᱫ ᱜᱚᱴᱟ ᱯᱚᱱᱚᱛ ᱨᱮ ᱯᱚᱨᱛᱚᱱ ᱠᱚ ᱞᱟᱹᱜᱩ ᱟᱠᱟᱫᱟ᱾ ᱱᱤᱣ ᱤᱭᱚᱨᱠ ᱯᱚᱱᱚᱛ ᱨᱮ ᱱᱚᱝᱠᱟᱱ ᱑᱑ ᱜᱚᱴᱟᱝ ᱠᱟᱹᱢᱤᱦᱚᱨᱟ ᱢᱮᱱᱟᱜᱼᱟ᱾[᱓᱒] ᱱᱚᱶᱟ ᱠᱟᱹᱢᱤᱦᱚᱨᱟ ᱠᱚᱫᱚ ᱟᱠᱚᱣᱟᱜ ᱴᱚᱴᱷᱟ ᱨᱮᱱ ᱦᱚᱲ ᱠᱚᱣᱟᱜ ᱞᱟᱹᱠᱛᱤ ᱠᱚ ᱥᱚᱞᱦᱮ ᱞᱟᱹᱜᱤᱫ ᱠᱟᱹᱢᱤᱭᱟ, ᱟᱨ ᱥᱟᱶᱛᱮ ᱟᱠᱚᱨᱮᱱ ᱥᱮᱴᱮᱨᱟᱱ ᱥᱟᱶᱛᱟ ᱴᱮᱦᱟᱸᱰ ᱜᱟᱶᱛᱟ ᱠᱚ ᱟᱨ ᱥᱟᱶᱛᱟᱨᱤ ᱥᱮᱵᱟ ᱠᱚ ᱰᱟᱴᱟ ᱡᱟᱣᱨᱟ, ᱥᱟᱶᱟᱨ ᱵᱷᱮᱜᱮᱫ ᱥᱚᱞᱦᱮ, ᱟᱨ ᱯᱨᱚᱢᱟᱱ-ᱴᱮᱦᱟᱸᱰ ᱮᱱᱮᱢ ᱠᱚ ᱯᱟᱸᱡᱟ ᱧᱟᱢ ᱨᱮ ᱜᱚᱲᱚᱭ ᱮᱢᱚᱜᱼᱟ ᱡᱟᱦᱟᱸ ᱫᱚ ᱢᱩᱪᱟᱹᱫ ᱨᱮ ᱡᱚᱛᱚ ᱦᱚᱲ ᱞᱟᱹᱜᱤᱫ ᱟᱨᱦᱚᱸ ᱱᱟᱯᱟᱭ ᱥᱟᱶᱟᱨ ᱮ ᱟᱹᱜᱩᱭᱟ᱾

ᱥᱟᱹᱠᱷᱭᱟᱹᱛ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  1. 1 2 Kindig D, Stoddart G (March 2003). "What is population health?". American Journal of Public Health. 93 (3): 380–3. doi:10.2105/ajph.93.3.380. PMC 1447747. PMID 12604476.
  2. ↑ "Social Determinants of Health overview tab". Archived from the original on 2014-09-27. Retrieved 2026-07-12.
  3. ↑ Meeting Report of World Conference of Social Determinants of Health held in Rio de Janeiro, Brazil, 2008.
  4. ↑ McGinnis JM, Williams-Russo P, Knickman JR (2002). "The case for more active policy attention to health promotion". Health Aff (Millwood). 21 (2): 78–93. doi:10.1377/hlthaff.21.2.78. PMID 11900188.{{cite journal}}: CS1 maint: multiple names: authors list (link). See also National Academies Press free publication: The Future of Public Health in the 21st Century.
  5. ↑ Frankish, CJ et al. "Health Impact Assessment as a Tool for Population Health Promotion and Public Policy" Archived ᱘ ᱢᱟᱨᱪ ᱒᱐᱑᱐ at the Wayback Machine.. Vancouver: Institute of Health Promotion Research, University of British Columbia, 1996. Retrieved 12 October 2008.
  6. ↑ World Health Organization. WHO definition of Health, Preamble to the Constitution of the World Health Organization as adopted by the International Health Conference, New York, 19–22 June 1946; signed on 22 July 1946 by the representatives of 61 States (Official Records of the World Health Organization, no. 2, p. 100) and entered into force on 7 April 1948. In Grad, Frank P. (2002). "The Preamble of the Constitution of the World Health Organization". Bulletin of the World Health Organization. 80 (12): 982. PMC 2567708. PMID 12571728.
  7. ↑ World Health Organization. 2006. Constitution of the World Health Organization – Basic Documents, Forty-fifth edition, Supplement, October 2006.
  8. ↑ ᱦᱮᱞᱫᱤ ᱯᱤᱯᱚᱞ ᱒᱐᱒᱐
  9. ↑ Chandra, A; Skinner, JS (2004). Geography and Racial Health Disparities, Chapter 16 of Critical Perspectives on Racial and Ethnic Differences in Health in Late Life (PDF). National Research Council.
  10. ↑ "Data by Region, the Dartmouth Atlas of Health Care". Retrieved 16 November 2013.
  11. ↑ Murray, Emily T.; Shelton, Nicola; Norman, Paul; Head, Jenny (2022-01-01). "Measuring the health of people in places: A scoping review of OECD member countries". Health & Place (in ᱟᱝᱜᱽᱨᱮᱡᱤ). 73. doi:10.1016/j.healthplace.2021.102731. ISSN 1353-8292. PMID 34929525. S2CID 245322428. {{cite journal}}: Unknown parameter |article-number= ignored (help)
  12. ↑ Coburn, David; Denny, Keith; Mykhalovskiy, Eric; McDonough, Peggy; Robertson, Ann; Love, Rhonda (2003). "Population Health in Canada: A Brief Critique". American Journal of Public Health. 93 (3): 392–396. doi:10.2105/AJPH.93.3.392. PMC 1447750. PMID 12604479.
  13. ↑ Raphael, Dennis; Bryant, Toba (1 June 2002). "The limitations of population health as a model for a new public health". Health Promotion International. 17 (2): 189–199. doi:10.1093/heapro/17.2.189. PMID 11986300.
  14. 1 2 Tsui AO, McDonald-Mosley R, Burke AE (April 2010). "Family planning and the burden of unintended pregnancies". Epidemiol Rev. 32 (1): 152–74. doi:10.1093/epirev/mxq012. PMC 3115338. PMID 20570955. International studies confirm that family planning is among the most cost-effective of all health interventions (80, 81). The cost savings stem from a reduction in unintended pregnancy, as well as a reduction in transmission of sexually transmitted infections, including HIV.
  15. ↑ USAID. Family planning Archived ᱑᱕ ᱚᱠᱴᱚᱵᱚᱨ ᱒᱐᱐᱘ at the Wayback Machine.. Retrieved 12 October 2008.
  16. ↑ Purtle, Jonathan; Nelson, Katherine L.; Counts, Nathaniel Z.; Yudell, Michael (2020-04-02). "Population-Based Approaches to Mental Health: History, Strategies, and Evidence". Annual Review of Public Health (in ᱟᱝᱜᱽᱨᱮᱡᱤ). 41 (1): 201–221. doi:10.1146/annurev-publhealth-040119-094247. ISSN 0163-7525. PMC 8896325. PMID 31905323.
  17. ↑ Hillman, Michael. Testimony before the Subcommittee on Health of the House Committee on Ways and Means, hearing on promoting disease management in Medicare Archived ᱘ ᱢᱮ ᱒᱐᱑᱗ at the Wayback Machine.. 16 April 2002. Retrieved 12 October 2008.
  18. ↑ Howe, Rufus, and Christopher Spence. Population health management: Healthways' PopWorks Archived ᱑᱗ ᱰᱤᱥᱮᱢᱵᱚᱨ ᱒᱐᱐᱘ at the Wayback Machine.. HCT Project 2004-07-17, volume 2, chapter 5, pages 291-297. Retrieved 12 October 2008.
  19. ↑ Coughlin JF, Pope J, Leedle BR (Apr 2006). "Old age, new technology, and future innovations in disease management and home health care" (PDF). Home Health Care Management & Practice. 18 (3): 196–207. doi:10.1177/1084822305281955. S2CID 26428539. Archived from the original (PDF) on 2009-03-19. Retrieved 2026-07-13.
  20. ↑ DMAA: The Care Continuum Alliance. Publications. Population Health Management Archived ᱒᱔ ᱥᱮᱯᱴᱮᱢᱵᱚᱨ ᱒᱐᱐᱘ at the Wayback Machine.. Retrieved 12 October 2008.
  21. ↑ Sanders, Dale A Landmark, 12-Point Review of Population Health Management Companies Archived ᱒᱐᱒᱑-᱐᱖-᱒᱑ at the Wayback Machine.. Retrieved 17 March 2014.
  22. ↑ "The Revised Medicare ACO Program: More Options ... And More Work Ahead". Health Affairs. 2015. doi:10.1377/forefront.20150616.048573. Retrieved 21 November 2015.
  23. ↑ "The IHI Triple Aim". www.ihi.org. Retrieved 21 November 2015.
  24. ↑ DeVore S, Champion RW (2011). "Driving Population Health Through Accountable Care Organizations". Health Affairs. 30 (1): 41–50. doi:10.1377/hlthaff.2010.0935. PMID 21209436.
  25. 1 2 "Accountable Care Organizations, Explained". Kaiser Health News (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2015-09-14. Retrieved 21 November 2015.
  26. ↑ Kutscher B. Outpatient care takes the inside track Archived ᱒᱐᱑᱖-᱐᱓-᱐᱙ at the Wayback Machine.. Modern Healthcare. 2012. Retrieved 31 October 2015.
  27. ↑ "Where Have All The Inpatients Gone? A Regional Study With National Implications". Health Affairs. 2014. doi:10.1377/forefront.20140106.035895.
  28. 1 2 "Population Health Management: Hospitals' Changing Employer Role". www.beckershospitalreview.com. 26 February 2014. Retrieved 21 November 2015.
  29. ↑ "What is Population Health Management?". Wellcentive (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Archived from the original on 22 November 2015. Retrieved 21 November 2015.
  30. ↑ Grossman M (1972). "On the Concept of Health Capital and the Demand for Health". Journal of Political Economy. 80 (2): 223–255. CiteSeerX 10.1.1.604.7202. doi:10.1086/259880. S2CID 27026628.
  31. 1 2 Folland S, Goodman A, Stano M. The economics of health and health care (Vol. 6): Upper Saddle River: Pearson Education; 2007.
  32. ↑ "Population Health Improvement Program". www.health.ny.gov. Retrieved 2022-03-10.

ᱵᱟᱦᱨᱮ ᱡᱚᱱᱚᱲ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
"https://sat.wikipedia.org/w/index.php?title=ᱦᱚᱲ_ᱮᱞ_ᱦᱚᱲᱢᱚ_ᱥᱟᱶᱟᱨ&oldid=196404" ᱠᱷᱚᱱ ᱧᱟᱢ ᱟᱹᱜᱩᱭ