ᱦᱟᱞᱯᱟᱛᱤ ᱦᱚᱲ
| ᱰᱷᱮᱨ ᱧᱚᱜ ᱦᱚᱲ ᱮᱞ ᱢᱮᱱᱟᱜ ᱠᱚ ᱴᱚᱴᱷᱟ | |
|---|---|
| ᱥᱤᱧᱚᱛ | ᱖᱗᱕,᱙᱔᱕[᱑][᱒] |
| ᱜᱩᱡᱽᱨᱟᱴ | ᱖᱔᱓,᱑᱒᱐[᱒] |
| ᱢᱚᱦᱟᱨᱟᱥᱴᱨᱚ | ᱑᱘,᱖᱙᱗[᱒] |
| ᱫᱟᱢᱟᱱ ᱟᱨ ᱫᱤᱣ | ᱑᱑,᱐᱘᱗[᱒] |
| ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ | ᱒,᱗᱐᱓[᱒] |
| ᱠᱚᱨᱱᱟᱴᱚᱠ | ᱒᱖᱔[᱒] |
| ᱜᱳᱣᱟ | ᱗᱔[᱒] |
| ᱯᱟᱹᱨᱥᱤ ᱠᱚ | |
| ᱟᱥᱚᱠᱟᱭ ᱛᱮ ᱫᱩᱵᱽᱞᱤ ᱟᱨ ᱜᱩᱡᱽᱨᱟᱴᱤ | |
ᱦᱟᱞᱯᱟᱛᱤ ᱫᱚ ᱟᱥᱚᱠᱟᱭ ᱛᱮ ᱥᱤᱧᱚᱛ ᱨᱮᱱᱟᱜ ᱜᱩᱡᱽᱨᱟᱴ ᱯᱚᱱᱚᱛ ᱨᱮ ᱠᱚ ᱧᱟᱢᱚᱜᱼᱟ ᱾ ᱱᱩᱠᱩᱣᱟᱜ ᱛᱷᱚᱲᱟ ᱜᱟᱱ ᱦᱚᱲ ᱮᱞ ᱫᱚ ᱥᱩᱨ ᱥᱩᱯᱩᱨ ᱯᱚᱱᱚᱛ ᱟᱨ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱠᱚᱨᱮ ᱦᱚᱸ ᱢᱮᱱᱟᱜ ᱠᱚᱣᱟ ᱾ ᱱᱩᱠᱩ ᱫᱚ ᱛᱟᱞᱵᱷᱤᱭᱟ ᱵᱟᱝᱠᱷᱟᱱ ᱛᱟᱞᱵᱷᱤ ᱨᱟᱴᱷᱳᱲ ᱢᱮᱱᱛᱮ ᱦᱚᱸ ᱠᱚ ᱵᱟᱰᱟᱭᱚᱜᱼᱟ ᱾[᱓][᱔]
ᱥᱤᱨᱡᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱩᱠᱩᱣᱟᱜ ᱧᱩᱛᱩᱢ ᱫᱚ ᱦᱤᱱᱫᱤ ᱪᱟᱥᱵᱟᱥ ᱠᱟᱹᱢᱤᱭᱟᱹ ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱢᱤᱫ ᱦᱩᱰᱤᱧ ᱪᱟᱹᱥᱤ ᱾ ᱦᱟᱞᱯᱟᱛᱤ ᱠᱚᱣᱟᱜ ᱞᱟᱹᱭ ᱞᱮᱠᱟᱛᱮ ᱩᱱᱠᱩ ᱫᱚ ᱨᱟᱴᱷᱳᱲ ᱨᱟᱡᱽᱯᱩᱛ ᱠᱟᱱᱟ ᱠᱚ, ᱡᱟᱦᱟᱸᱭ ᱫᱚ ᱪᱟᱥᱵᱟᱥ ᱠᱟᱹᱢᱤ ᱟᱯᱱᱟᱨ ᱠᱷᱟᱹᱛᱤᱨ ᱱᱚᱣᱟ ᱧᱩᱛᱩᱢ ᱠᱚ ᱧᱟᱢ ᱟᱠᱟᱫᱟ ᱾ ᱜᱩᱡᱽᱨᱟᱴᱤ ᱯᱟᱹᱨᱥᱤ ᱛᱮ ᱦᱟᱞᱯᱟᱛᱤ ᱨᱮᱱᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ 'ᱦᱟᱹᱞᱤᱭᱟᱹ' ᱵᱟᱝᱠᱷᱟᱱ 'ᱪᱟᱹᱥᱤ' ᱾ ᱦᱟᱞᱯᱟᱛᱤ ᱠᱚᱫᱚ ᱥᱩᱨᱟᱴ, ᱵᱷᱟᱞᱥᱟᱰ, ᱵᱷᱟᱨᱩᱪ ᱟᱨ ᱵᱷᱟᱫᱳᱫᱚᱨᱟ ᱦᱚᱱᱚᱛ ᱠᱚᱨᱮ ᱠᱚ ᱧᱟᱢᱚᱜᱼᱟ ᱾ [᱕] ᱢᱚᱦᱟᱨᱟᱥᱴᱨᱚ ᱨᱮᱦᱚᱸ ᱦᱟᱞᱯᱟᱛᱤ ᱠᱚᱫᱚ ᱨᱟᱴᱷᱳᱲ ᱵᱚᱝᱥᱚ ᱨᱮᱱ ᱢᱮᱱᱛᱮ ᱠᱚ ᱞᱟᱹᱭᱚᱜᱼᱟ ᱾ ᱱᱩᱠᱩ ᱫᱚ ᱟᱥᱚᱠᱟᱭ ᱛᱮ ᱴᱷᱟᱱᱮ ᱦᱚᱱᱚᱛ ᱨᱮ ᱠᱚ ᱛᱟᱦᱮᱸᱱᱟ, ᱟᱨ ᱜᱩᱡᱽᱨᱟᱴᱤ ᱯᱟᱹᱨᱥᱤ ᱛᱮᱠᱚ ᱨᱚᱲᱟ ᱾ [᱖]
ᱱᱤᱛᱚᱜ ᱟᱜ ᱚᱵᱚᱥᱛᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱩᱠᱩ ᱫᱚ ᱔ ᱜᱚᱴᱟᱝ ᱯᱚᱱᱚᱛ ᱟᱨ ᱒ ᱜᱚᱴᱟᱝ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱨᱮ ᱞᱮᱠᱷᱟᱥᱤᱫ ᱟᱹᱫᱤᱵᱟᱹᱥᱤ (Scheduled Tribes) ᱞᱮᱠᱟᱛᱮ ᱥᱮᱞᱮᱫ ᱢᱮᱱᱟᱜ ᱠᱚᱣᱟ: ᱜᱳᱣᱟ, ᱜᱩᱡᱽᱨᱟᱴ, ᱠᱚᱨᱱᱟᱴᱚᱠ, ᱢᱚᱦᱟᱨᱟᱥᱴᱨᱚ, ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱟᱵᱮᱞᱤ ᱟᱨ ᱫᱟᱢᱟᱱ ᱟᱨ ᱫᱤᱣ ᱾[᱑]
ᱜᱩᱡᱽᱨᱟᱴ ᱨᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱥᱟᱶᱛᱟ ᱨᱮ ᱵᱟᱨ ᱜᱮᱞ (᱒᱐) ᱜᱚᱴᱟᱝ ᱪᱟᱸᱜᱟ-ᱦᱟᱹᱴᱤᱧ ᱢᱮᱱᱟᱜᱼᱟ, ᱢᱩᱬᱩᱛ ᱠᱚᱫᱚ ᱦᱩᱭᱩᱜ ᱠᱟᱱᱟ: ᱛᱟᱞᱟᱵᱤᱭᱟ, ᱨᱟᱴᱷᱳᱰᱤᱭᱟ, ᱵᱳᱦᱟᱨᱤᱭᱟ, ᱫᱟᱢᱟᱨᱤᱭᱟ, ᱵᱷᱟᱞᱥᱟᱰᱤᱭᱟ, ᱚᱞᱯᱟᱰᱤᱭᱟ, ᱢᱟᱱᱰᱟᱵᱷᱤᱭᱟ, ᱩᱢᱵᱮᱨᱤᱭᱟ, ᱜᱷᱟᱝᱜᱷᱳᱰᱤᱭᱟ, ᱠᱷᱳᱰᱤᱭᱟ, ᱪᱳᱨᱤᱭᱟ, ᱩᱠᱷᱟᱨᱤᱭᱟ, ᱵᱟᱨᱟᱢᱤᱭᱟ, ᱵᱟᱨᱤᱭᱟ, ᱱᱟᱨᱫᱟ, ᱦᱟᱭᱵᱷᱤᱭᱟ, ᱛᱷᱟᱠᱩᱨᱟ, ᱠᱟᱨᱪᱟ, ᱣᱟᱛᱟᱞ, ᱯᱟᱨᱥᱤ ᱨᱟᱴᱷᱳᱲ ᱟᱨ ᱞᱟᱞᱫᱟᱛᱣᱟᱞᱟ ᱨᱟᱴᱷᱳᱲ ᱾ ᱱᱚᱣᱟ ᱠᱩᱴᱤ (clans) ᱠᱚᱫᱚ ᱥᱚᱢᱟᱱ ᱛᱷᱚᱠ ᱨᱮᱱ ᱠᱟᱱᱟ ᱠᱚ ᱟᱨ ᱟᱯᱟᱱ-ᱟᱹᱯᱤᱱ ᱨᱮ ᱵᱟᱯᱞᱟ ᱥᱟᱹᱜᱟᱹᱭ ᱠᱚ ᱛᱚᱞᱟ, ᱮᱠᱮᱱ ᱛᱟᱞᱟᱵᱤᱭᱟ ᱵᱟᱹᱜᱤ ᱠᱟᱛᱮ, ᱡᱟᱦᱟᱸᱭ ᱫᱚ ᱟᱠᱚᱣᱟᱜ ᱨᱟᱡᱽᱯᱩᱛ ᱵᱚᱝᱥᱚ ᱠᱷᱟᱹᱛᱤᱨ ᱮᱴᱟᱜ ᱠᱷᱚᱱ ᱪᱮᱛᱟᱱ ᱨᱮ ᱠᱚ ᱢᱚᱱᱮᱭᱟ ᱾ ᱦᱟᱞᱯᱟᱛᱤ ᱫᱚ ᱜᱩᱡᱽᱨᱟᱴᱤ ᱯᱟᱹᱨᱥᱤ ᱛᱮᱠᱚ ᱨᱚᱲᱟ ᱾ [᱗] ᱦᱟᱞᱯᱟᱛᱤ ᱠᱚᱫᱚ ᱦᱩᱰᱤᱧ ᱪᱟᱹᱥᱤ ᱟᱨ ᱵᱤᱱ-ᱦᱟᱥᱟ ᱪᱟᱥ ᱠᱟᱹᱢᱤᱭᱟᱹ ᱠᱟᱱᱟ ᱠᱚ ᱾ ᱱᱩᱠᱩ ᱴᱷᱮᱱ ᱵᱤᱴᱠᱤᱞ, ᱜᱟᱹᱭ ᱟᱨ ᱢᱮᱨᱚᱢ ᱠᱚ ᱦᱚᱸ ᱢᱮᱱᱟᱜ ᱠᱚᱣᱟ ᱟᱨ ᱛᱳᱣᱟ ᱟᱹᱠᱷᱨᱤᱧ ᱠᱟᱹᱢᱤ ᱨᱮᱦᱚᱸ ᱠᱚ ᱡᱚᱲᱟᱣ ᱢᱮᱱᱟᱜ ᱠᱚᱣᱟ ᱾ ᱛᱷᱚᱲᱟ ᱜᱟᱱ ᱦᱚᱲ ᱫᱚ ᱵᱮᱯᱟᱨᱤ ᱟᱨ ᱟᱹᱛᱩ ᱨᱮᱱ ᱫᱩᱠᱟᱹᱱᱤᱭᱟᱹ ᱠᱟᱱᱟ ᱠᱚ ᱾ ᱟᱭᱢᱟ ᱦᱟᱞᱯᱟᱛᱤ ᱫᱚ ᱥᱩᱨᱟᱴ ᱟᱨ ᱚᱦᱢᱚᱫᱟᱵᱟᱫᱽ ᱛᱮᱠᱚ ᱥᱮᱱ ᱟᱠᱟᱱᱟ, ᱡᱟᱦᱟᱸ ᱨᱮ ᱩᱱᱠᱩ ᱦᱤᱨᱟᱹ ᱜᱮᱫ (diamond cutting) ᱠᱟᱹᱢᱤ ᱨᱮ ᱠᱚ ᱞᱟᱜᱟᱣ ᱟᱠᱟᱱᱟ ᱾[᱘]
ᱢᱚᱦᱟᱨᱟᱥᱴᱨᱚ ᱨᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱚᱦᱟᱨᱟᱥᱴᱨᱚ ᱨᱮ ᱦᱟᱞᱯᱟᱛᱤ ᱥᱟᱶᱛᱟ ᱫᱚ ᱟᱭᱢᱟ ᱪᱟᱸᱜᱟ-ᱦᱟᱹᱴᱤᱧ ᱨᱮ ᱢᱮᱱᱟᱜᱼᱟ ᱡᱟᱦᱟᱸᱭ ᱫᱚ ᱟᱯᱟᱱ-ᱟᱹᱯᱤᱱ ᱵᱟᱯᱞᱟ ᱵᱟᱠᱚ ᱠᱚᱨᱟᱣᱟ ᱾ ᱱᱩᱠᱩᱣᱟᱜ ᱛᱷᱚᱲᱟ ᱪᱟᱸᱜᱟ-ᱦᱟᱹᱴᱤᱧ ᱠᱚᱫᱚ ᱦᱩᱭᱩᱜ ᱠᱟᱱᱟ: ᱵᱟᱢᱚᱱᱤᱭᱟ, ᱜᱟᱨᱟᱥᱤᱭᱟ, ᱠᱟᱨᱪᱟ, ᱢᱟᱱᱰᱵᱷᱤᱭᱟ, ᱨᱟᱴᱷᱳᱲ, ᱨᱟᱡᱽᱯᱩᱛ ᱟᱨ ᱛᱟᱨᱟᱵᱷᱤᱭᱟ ᱾ ᱱᱩᱠᱩᱣᱟᱜ ᱢᱩᱬᱩᱛ ᱠᱟᱹᱢᱤ ᱫᱚ ᱪᱟᱥᱵᱟᱥ ᱠᱟᱱᱟ ᱾ ᱱᱚᱣᱟ ᱥᱟᱶᱛᱟ ᱫᱚ ᱦᱩᱰᱤᱧ ᱦᱟᱥᱟ ᱢᱟᱹᱞᱤᱠ ᱟᱨ ᱵᱤᱱ-ᱦᱟᱥᱟ ᱪᱟᱥ ᱠᱟᱹᱢᱤᱭᱟᱹ ᱨᱮ ᱦᱟᱹᱴᱤᱧ ᱢᱮᱱᱟᱜ ᱠᱚᱣᱟ ᱾ ᱱᱩᱠᱩ ᱫᱚ ᱦᱤᱱᱫᱩ ᱠᱟᱱᱟ ᱠᱚ, ᱟᱨ ᱱᱩᱠᱩᱣᱟᱜ ᱨᱟᱭ-ᱨᱤᱛ ᱫᱚ ᱥᱩᱨ ᱨᱮᱱ ᱟᱹᱫᱤᱵᱟᱹᱥᱤ ᱡᱮᱞᱮᱠᱟ ᱫᱷᱳᱰᱤᱭᱟ ᱟᱨ ᱣᱟᱨᱞᱤ ᱥᱟᱶ ᱢᱤᱫ ᱜᱮᱭᱟ ᱾ [᱙]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 "List of notified Scheduled Tribes" (PDF). Census India. Archived from the original (PDF) on 7 November 2013. Retrieved 15 December 2013.
- 1 2 3 4 5 6 7 "A-11 Individual Scheduled Tribe Primary Census Abstract Data and its Appendix". Census of India 2011. Office of the Registrar General & Census Commissioner, India. Retrieved 2017-03-24.
- ↑ People of India Gujarat Volume XXI Part One edited by R.B Lal, P.B.S.V Padmanabham, G Krishnan & M Azeez Mohideen pages 346-350
- ↑ People of India Maharshtra Volume XXX Part One edited by B.V Bhanu, B.R Bhatnagar, D.K Bose, V.S Kulkarni and J Sreenath pages 571-577
- ↑ People of India Gujarat Volume XXI Part One edited by R.B Lal, P.B.S.V Padmanabham, G Krishnan & M Azeez Mohideen pages 346-350
- ↑ People of India Maharshtra Volume XXX Part One edited by B.V Bhanu, B.R Bhatnagar, D.K Bose, V.S Kulkarni and J Sreenath pages 571-577
- ↑ People of India Gujarat Volume XXI Part One edited by R.B Lal, P.B.S.V Padmanabham, G Krishnan & M Azeez Mohideen pages 346-350
- ↑ People of India Gujarat Volume XXI Part One edited by R.B Lal, P.B.S.V Padmanabham, G Krishnan & M Azeez Mohideen pages 346-350
- ↑ People of India Maharshtra Volume XXX Part One edited by B.V Bhanu, B.R Bhatnagar, D.K Bose, V.S Kulkarni and J Sreenath pages 571-577
ᱪᱷᱟᱸᱪ:Social groups of Gujarat ᱪᱷᱟᱸᱪ:Scheduled Tribes in Maharashtra