ᱦᱟᱢᱥᱟ ᱱᱟᱱᱫᱤᱱᱤ
| ᱦᱟᱢᱥᱟ ᱱᱟᱱᱫᱤᱱᱤ | |
|---|---|
.jpg) ᱦᱟᱢᱥᱟ ᱱᱟᱱᱫᱤᱱᱤ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | Poonam Bartake[᱑] ᱯᱩᱱᱮ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ |
| ᱠᱟᱹᱢᱤ | ᱮᱠᱴᱨᱮᱥ, ᱢᱚᱰᱮᱞ |
| ᱠᱟᱹᱢᱤ ᱚᱠᱛᱚ | 2004–ᱱᱤᱛ |
ᱦᱟᱢᱥᱟ ᱱᱟᱱᱫᱤᱱᱤ (ᱡᱟᱱᱟᱢ ᱯᱩᱱᱚᱢ ᱵᱟᱨᱴᱟᱠᱮ) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱢᱚᱰᱮᱞ, ᱮᱱᱮᱡᱤᱭᱟᱹ, ᱟᱨ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱛᱮᱞᱩᱜᱩ ᱥᱤᱱᱮᱢᱟ ᱨᱮ ᱠᱟᱹᱢᱤ ᱠᱷᱟᱹᱛᱤᱨ ᱵᱟᱰᱟᱭᱚᱜᱼᱟᱭ᱾ ᱩᱱᱤ ᱫᱚ ᱢᱟᱟᱥᱴᱟᱨᱥ ᱢᱮᱜᱟᱡᱤᱱ, ᱥᱮᱞᱤᱵᱽᱨᱤᱴᱤ ᱠᱨᱤᱠᱮᱴ ᱞᱤᱜᱽ, ᱟᱨ ᱦᱟᱭᱫᱨᱟᱵᱟᱫᱽ ᱤᱱᱴᱟᱨᱱᱮᱥᱱᱟᱞ ᱯᱷᱮᱥᱚᱱ ᱣᱤᱠ ᱒᱐᱑᱑ ᱟᱨ ᱒᱐᱑᱓ ᱨᱮ ᱢᱚᱰᱮᱞᱤᱝ ᱟᱠᱟᱫᱟ᱾ ᱟᱡᱟᱜ ᱡᱟᱱᱟᱢ ᱧᱩᱛᱩᱢ ᱫᱚ ᱯᱩᱱᱚᱢ ᱠᱟᱱᱟ, ᱚᱱᱟ ᱧᱩᱛᱩᱢ ᱛᱮ ᱩᱱᱤ ᱫᱚ ᱟᱡᱟᱜ ᱯᱩᱭᱞᱩ ᱠᱤᱪᱷᱩ ᱯᱷᱤᱞᱢ ᱨᱮ ᱧᱮᱞ ᱞᱮᱱᱟ, ᱢᱮᱱᱠᱷᱟᱱ ᱪᱮᱫᱟᱜ ᱥᱮ ᱯᱷᱤᱞᱢ ᱤᱱᱰᱚᱥᱴᱨᱤ ᱨᱮ ᱯᱩᱱᱚᱢ ᱧᱩᱛᱩᱢ ᱟᱭᱢᱟ ᱦᱚᱲ ᱠᱚᱣᱟᱜ ᱛᱟᱦᱮᱸ ᱠᱟᱱᱟ, ᱚᱱᱟ ᱠᱷᱟᱹᱛᱤᱨ ᱰᱤᱨᱮᱠᱴᱚᱨ ᱵᱟᱢᱥᱤ ᱫᱚ ᱩᱱᱤ ᱦᱟᱢᱥᱟ ᱱᱟᱱᱫᱤᱱᱤ ᱧᱩᱛᱩᱢ ᱮ ᱫᱚᱦᱚ ᱠᱮᱫᱟ᱾ ᱒᱐᱑᱕ ᱨᱮ, ᱩᱱᱤ ᱛᱮᱞᱩᱜᱩ ᱱᱟᱜᱟᱢᱤᱭᱟᱹ ᱨᱩᱫᱽᱨᱚᱢᱟᱫᱮᱵᱤ ᱨᱮ ᱞᱟᱹᱲᱦᱟᱹᱭ ᱨᱟᱡᱽᱠᱩᱢᱟᱨᱤ ᱢᱚᱫᱚᱱᱤᱠᱟ ᱮ ᱠᱟᱹᱢᱤ ᱠᱮᱫᱟ᱾ ᱩᱱᱤ ᱫᱚ ᱡᱟᱹᱥᱛᱤ ᱠᱟᱭᱛᱮ ᱛᱮᱞᱩᱜᱩ ᱯᱷᱤᱞᱢ ᱤᱱᱰᱚᱥᱴᱨᱤ ᱨᱮ ᱟᱭᱴᱮᱢ ᱱᱚᱢᱵᱚᱨ ᱨᱮ ᱧᱮᱞᱚᱜ ᱜᱮᱭᱟ᱾[᱒]
ᱮᱛᱚᱦᱚᱵ ᱟᱨ ᱱᱤᱡᱮᱨ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱟᱢᱥᱟ ᱱᱟᱱᱫᱤᱱᱤ ᱫᱚ ᱯᱩᱱᱮ ᱨᱮ ᱡᱟᱱᱟᱢ ᱟᱨ ᱦᱟᱨᱟ ᱵᱩᱨᱩ ᱟᱠᱟᱱᱟ᱾ ᱛᱟᱭᱚᱢ ᱛᱮ ᱩᱱᱤ ᱢᱩᱢᱵᱟᱭ ᱮ ᱩᱪᱟᱹᱲ ᱮᱱᱟ ᱢᱤᱫ ᱢᱚᱰᱮᱞ ᱵᱮᱱᱟᱣ ᱞᱟᱹᱜᱤᱫ᱾ ᱩᱱᱤ ᱫᱚ ᱒᱐᱐᱒ ᱠᱷᱚᱱ ᱜᱮ ᱢᱚᱰᱮᱞᱤᱝ ᱤᱱᱰᱚᱥᱴᱨᱤ ᱨᱮ ᱢᱮᱱᱟᱭᱟ, ᱟᱨ ᱢᱟᱟᱥᱴᱟᱨᱥ ᱢᱮᱜᱟᱡᱤᱱ, ᱥᱮᱞᱤᱵᱽᱨᱤᱴᱤ ᱠᱨᱤᱠᱮᱴ ᱞᱤᱜᱽ, ᱦᱟᱭᱫᱨᱟᱵᱟᱫᱽ ᱤᱱᱴᱟᱨᱱᱮᱥᱱᱟᱞ ᱯᱷᱮᱥᱚᱱ ᱣᱤᱠ ᱒᱐᱑᱑ ᱟᱨ ᱒᱐᱑᱓, ᱟᱨ ᱟᱭᱢᱟ ᱴᱮᱞᱤᱵᱤᱡᱚᱱ ᱠᱚᱢᱚᱨᱥᱤᱭᱟᱞ ᱨᱮ ᱢᱚᱰᱮᱞᱤᱝ ᱟᱠᱟᱫᱟ᱾ ᱩᱱᱤ ᱵᱮᱯᱟᱨ ᱨᱮ ᱜᱨᱮᱡᱩᱣᱮᱴ ᱮᱱᱟ ᱟᱨ ᱒᱐᱐᱙ ᱨᱮ ᱦᱭᱩᱢᱮᱱ ᱨᱤᱥᱳᱨᱥ ᱨᱮ ᱢᱤᱫ ᱯᱤᱡᱤ (ᱯᱚᱥᱴᱜᱨᱮᱡᱩᱣᱮᱴ) ᱠᱚᱨᱥ ᱨᱮᱭ ᱵᱷᱤᱲᱟᱹᱣ ᱞᱮᱱ ᱛᱟᱦᱮᱸᱫ᱾
᱒᱐᱒᱑ ᱨᱮ, ᱦᱟᱢᱥᱟ ᱱᱟᱱᱫᱤᱱᱤ ᱫᱚ ᱮᱱᱟᱭᱩᱱᱥ ᱠᱮᱫᱟ ᱡᱮ ᱩᱱᱤ ᱫᱚ ᱜᱨᱮᱰ ᱓ ᱤᱱᱵᱷᱮᱥᱤᱵᱽ ᱠᱟᱨᱥᱤᱱᱳᱢᱟ (ᱵᱨᱮᱥᱴ ᱠᱮᱱᱥᱟᱨ) ᱧᱟᱢ ᱟᱠᱟᱫᱮᱭᱟ ᱤᱱᱥᱴᱟᱜᱨᱟᱢ ᱦᱚᱛᱮᱛᱮ᱾ ᱩᱱᱤ ᱱᱚᱣᱟ ᱦᱚᱸ ᱞᱟᱹᱭ ᱠᱮᱫᱟ ᱡᱮ ᱩᱱᱤ ᱵᱤᱟᱨᱥᱤᱮ᱑ (ᱦᱮᱨᱮᱰᱤᱴᱟᱨᱤ ᱵᱨᱮᱥᱴ ᱠᱮᱱᱥᱟᱨ) ᱞᱟᱹᱜᱤᱫ ᱯᱳᱡᱮᱴᱤᱵᱷ ᱮ ᱴᱮᱥᱴ ᱟᱠᱟᱫᱟ ᱚᱱᱟ ᱨᱮᱭᱟᱜ ᱢᱮᱱᱮᱛ ᱫᱚ ᱱᱚᱣᱟ ᱠᱟᱱᱟ ᱡᱮ ᱩᱱᱤ ᱟᱨ ᱢᱤᱫ ᱵᱨᱮᱥᱴ ᱠᱮᱱᱥᱟᱨ ᱨᱮᱭᱟᱜ ᱗᱐% ᱪᱟᱱᱥ ᱟᱨ ᱟᱡᱟᱜ ᱡᱤᱭᱚᱱ ᱵᱷᱩᱨ ᱳᱵᱷᱟᱨᱤᱭᱟᱱ ᱠᱮᱱᱥᱟᱨ ᱨᱮᱭᱟᱜ ᱔᱕% ᱪᱟᱱᱥ ᱛᱟᱦᱮᱸᱱᱟ ᱟᱨ ᱚᱱᱟ ᱨᱤᱥᱠ ᱠᱚᱢ ᱞᱟᱹᱜᱤᱫ ᱢᱤᱫ ᱱᱟᱯᱟᱭ ᱦᱚᱨ ᱫᱚ ᱠᱤᱪᱷᱩ ᱵᱷᱮᱨᱤ ᱮᱠᱥᱴᱮᱱᱥᱤᱵᱷ ᱯᱨᱳᱯᱷᱟᱭᱞᱟᱠᱴᱤᱠ ᱥᱟᱨᱡᱟᱨᱤ ᱛᱟᱞᱟ ᱛᱮ ᱜᱮ ᱦᱩᱭ ᱫᱟᱲᱮᱭᱟᱜᱼᱟ᱾ ᱠᱤᱢᱳᱛᱷᱮᱨᱟᱯᱤ ᱨᱮᱭᱟᱜ ᱥᱟᱭᱤᱠᱮᱞ ᱪᱟᱞᱟᱣ ᱛᱟᱭᱚᱢ, ᱩᱱᱤ ᱰᱤᱥᱮᱢᱵᱚᱨ ᱒᱐᱒᱒ ᱨᱮ ᱟᱡᱟᱜ ᱠᱟᱹᱢᱤ ᱫᱚ ᱮᱛᱚᱦᱚᱵ ᱨᱩᱣᱟᱹᱲ ᱠᱮᱫᱟ᱾[᱓]
ᱟᱭᱴᱮᱢ ᱱᱚᱢᱵᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱓ ᱨᱮ, ᱟᱡᱟᱜ ᱯᱩᱱᱭᱟ ᱜᱚᱴᱟᱝ ᱨᱤᱞᱤᱡᱽ, ᱢᱤᱨᱪᱤ, ᱵᱷᱟᱭᱤ, ᱟᱛᱷᱟᱨᱤᱱᱴᱤᱠᱤ ᱫᱟᱨᱮᱰᱤ ᱟᱨ ᱨᱟᱢᱟᱭᱭᱟ ᱵᱟᱥᱛᱷᱟᱵᱷᱟᱭᱭᱟ ᱨᱮ ᱟᱭᱴᱮᱢ ᱱᱚᱢᱵᱚᱨ ᱨᱮ ᱠᱚ ᱯᱷᱤᱪᱟᱨ ᱞᱮᱫᱮᱭᱟ᱾ ᱩᱱᱤ ᱞᱟᱹᱭ ᱠᱮᱫᱟ ᱡᱮ ᱩᱱᱤ ᱠᱩᱥᱤ ᱢᱮᱱᱟᱭᱟ "ᱢᱤᱫ ᱢᱚᱬᱮ ᱢᱤᱱᱤᱴ ᱮᱱᱮᱡ ᱱᱚᱢᱵᱚᱨ ᱠᱟᱹᱢᱤ ᱠᱟᱛᱮ" ᱪᱮᱫᱟᱜ ᱥᱮ ᱱᱚᱣᱟ ᱩᱱᱤ "ᱯᱷᱤᱱᱳᱢᱮᱱᱚᱞ ᱨᱤᱪ" ᱮᱢᱟᱭᱟ ᱟᱨ "ᱟᱭᱢᱟ ᱦᱚᱲ ᱴᱷᱮᱱ ᱥᱮᱴᱮᱨᱚᱜ ᱞᱟᱹᱜᱤᱫ ᱢᱤᱫ ᱱᱟᱯᱟᱭ ᱯᱞᱮᱴᱯᱷᱚᱨᱢ" ᱮᱢᱟᱭᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "T'wood producers should improve: Poonam". The Times of India.
- ↑ "Grace is different from sensuality: Hamsa Nandini". The Times of India. 17 March 2014. Retrieved 3 April 2014.
- ↑ "Hamsa Nandini returns to sets on 38th birthday after battle with breast cancer: 'Feeling like I'm reborn'". 8 December 2022.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱦᱟᱢᱥᱟ ᱱᱟᱱᱫᱤᱱᱤ ᱯᱷᱮᱥᱵᱩᱠ ᱨᱮ
- ᱦᱟᱢᱥᱟ ᱱᱟᱱᱫᱤᱱᱤ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)