ᱦᱟᱣᱲᱟ-ᱜᱟᱭᱟ-ᱫᱤᱞᱞᱤ ᱞᱟᱭᱤᱱ
| ᱦᱟᱣᱲᱟ-ᱜᱟᱭᱟ-ᱫᱤᱞᱞᱤ ᱞᱟᱭᱤᱱ | |||
|---|---|---|---|
_Rajdhani_Express_(via_Gaya)_Route_map.png) ᱦᱟᱣᱲᱟ-ᱜᱟᱭᱟ-ᱫᱤᱞᱞᱤ ᱞᱟᱭᱤᱱ ᱨᱮᱱᱟᱜ ᱰᱟᱦᱟᱨ ᱱᱚᱠᱥᱟ | |||
| ᱢᱤᱫ ᱧᱮᱱᱮᱞ | |||
| ᱦᱟᱞᱚᱛ | ᱠᱟᱹᱢᱤᱦᱚᱨᱟ | ||
| ᱢᱟᱹᱞᱤᱠ | ᱥᱤᱧᱚᱛᱤᱭᱟᱹ ᱨᱮᱞ | ||
| ᱞᱳᱠᱟᱞ | ᱯᱚᱪᱷᱤᱢ ᱵᱟᱝᱞᱟ, ᱡᱷᱟᱨᱠᱷᱚᱸᱰ, ᱵᱤᱦᱟᱨ, ᱩᱛᱛᱚᱨ ᱯᱨᱚᱫᱮᱥ, ᱫᱤᱞᱞᱤ | ||
| ᱡᱤᱨᱟᱹᱣ ᱴᱷᱟᱶ | |||
| ᱥᱮᱵᱟ | |||
| ᱪᱟᱪᱞᱟᱣᱤᱡ | ᱥᱟᱢᱟᱝ ᱨᱮᱞᱣᱮ, ᱥᱟᱢᱟᱝ ᱛᱟᱞᱢᱟ ᱨᱮᱞᱣᱮ, ᱠᱚᱧᱮ ᱛᱟᱞᱢᱟ ᱨᱮᱞᱣᱮ, ᱠᱚᱧᱮ ᱨᱮᱞᱣᱮ | ||
| ᱱᱟᱜᱟᱢ | |||
| ᱪᱟᱹᱞᱩ | ᱑᱙᱐᱖ | ||
| ᱴᱮᱠᱱᱤᱠᱮᱞ ᱠᱟᱛᱷᱟ | |||
| ᱞᱟᱭᱤᱱ ᱨᱮᱭᱟᱜ ᱡᱤᱞᱤᱧ | 1,451 km (902 mi) | ||
| ᱴᱨᱮᱠ ᱨᱮᱭᱟᱜ ᱮᱞ | ᱒ | ||
| ᱴᱨᱮᱠ ᱜᱮᱡᱽ | 5 ft 6 in (᱑,᱖᱗᱖ mm) ᱵᱨᱚᱰ ᱜᱮᱡᱽ | ||
| ᱵᱤᱡᱽᱞᱤ ᱡᱚᱯᱲᱟᱣ | 25 kV 50 Hz AC OHLE during 1960–1966 | ||
| ᱚᱯᱟᱨᱮᱴᱤᱝ ᱥᱯᱤᱰ | up to 160 km/h | ||
| ᱥᱟᱱᱟᱢ ᱠᱷᱚᱱ ᱩᱥᱩᱞ | ᱠᱳᱰᱟᱨᱢᱟ 398 metres (1,306 ft) | ||
| |||
ᱦᱟᱣᱲᱟ-ᱜᱟᱭᱟ-ᱫᱤᱞᱞᱤ ᱫᱚ ᱢᱤᱫ ᱨᱮᱞᱣᱮ ᱞᱟᱭᱤᱱ ᱠᱟᱱᱟ ᱡᱟᱦᱟᱸ ᱫᱚ ᱦᱟᱣᱲᱟ ᱟᱨ ᱫᱤᱞᱞᱤ ᱡᱚᱲᱟᱣ ᱟᱠᱟᱫᱼᱟ ᱾ ᱱᱚᱣᱟ ᱞᱟᱭᱤᱱ ᱫᱚ ᱥᱤᱱᱫᱷᱩ-ᱜᱟᱝ ᱱᱟᱹᱭ ᱨᱮᱱᱟᱜ ᱚᱛ ᱦᱟᱥᱟ ᱟᱨ ᱪᱷᱚᱴᱟ ᱱᱟᱜᱽᱯᱩᱨ ᱰᱷᱤᱯᱮ ᱚᱛᱮᱛ ᱪᱮᱛᱟᱱ ᱛᱮ ᱦᱤᱡᱩᱜᱼᱟ ᱾ ᱱᱚᱣᱟ ᱫᱚ ᱯᱚᱪᱷᱤᱢ ᱵᱟᱝᱞᱟ, ᱡᱷᱟᱨᱠᱷᱚᱸᱰ, ᱵᱤᱦᱟᱨ, ᱩᱛᱛᱚᱨ ᱯᱨᱚᱫᱮᱥ ᱟᱨ ᱫᱤᱞᱞᱤ ᱨᱮ ᱑,᱔᱕᱑ ᱠᱤᱞᱚᱢᱤᱴᱚᱨ (᱙᱐᱒ ᱢᱤᱞ) ᱥᱟᱺᱜᱤᱧᱟ ᱾ ᱜᱨᱟᱱᱰ ᱠᱚᱨᱰ ᱫᱚ ᱱᱚᱶᱟ ᱞᱟᱭᱤᱱ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱟᱨ ᱚᱱᱟᱛᱮ ᱟᱭᱢᱟ ᱦᱚᱲ ᱱᱚᱶᱟ ᱫᱚ ᱦᱟᱣᱲᱟ-ᱫᱤᱞᱞᱤ ᱞᱟᱭᱤᱱ (ᱜᱨᱟᱱᱰ ᱠᱚᱨᱰ ᱦᱚᱛᱮᱛᱮ) ᱠᱚ ᱢᱮᱛᱟᱜ ᱠᱟᱱᱟ ᱾
ᱦᱟᱹᱴᱤᱧ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱨᱟᱝ ᱥᱚᱦᱚᱨ ᱠᱚ ᱡᱚᱲᱟᱣ ᱟᱠᱟᱱ ᱟᱹᱰᱤ ᱡᱤᱞᱤᱧ ᱟᱨ ᱠᱟᱹᱢᱤᱥᱟᱲᱟ ᱴᱨᱟᱸᱠ ᱞᱟᱭᱤᱱ ᱠᱷᱚᱱ ᱑,᱔᱕᱑ ᱠᱤᱞᱚᱢᱤᱴᱚᱨ (᱙᱐᱒ ᱢᱤᱞ) ᱡᱤᱞᱤᱧ ᱴᱨᱟᱸᱠ ᱞᱟᱭᱤᱱ ᱫᱚ ᱞᱟᱛᱟᱨ ᱨᱮ ᱮᱢ ᱟᱠᱟᱱ ᱦᱟᱹᱴᱤᱧ ᱠᱚ ᱨᱮ ᱚᱞ ᱟᱠᱟᱱᱟ:
- ᱦᱟᱣᱲᱟ-ᱵᱚᱨᱫᱷᱚᱢᱟᱱ ᱠᱚᱨᱰ
- ᱵᱚᱨᱫᱷᱚᱢᱟᱱ-ᱟᱥᱟᱱᱥᱳᱞ ᱦᱟᱹᱴᱤᱧ
- ᱟᱥᱟᱱᱥᱳᱞ-ᱜᱟᱭᱟ ᱦᱟᱹᱴᱤᱧ
- ᱜᱟᱭᱟ-ᱢᱩᱜᱚᱞᱥᱚᱨᱟᱭ ᱦᱟᱹᱴᱤᱧ
- ᱢᱩᱜᱚᱞᱥᱚᱨᱟᱭ-ᱠᱟᱱᱯᱩᱨ ᱦᱟᱹᱴᱤᱧ
- ᱠᱟᱱᱯᱩᱨ-ᱫᱤᱞᱞᱤ ᱦᱟᱹᱴᱤᱧ
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱟᱣᱲᱟ ᱠᱷᱚᱱ ᱥᱟᱦᱮᱵᱽᱜᱚᱸᱡᱽ ᱫᱷᱟᱹᱨᱤᱡ ᱢᱤᱫ ᱞᱟᱭᱤᱱ ᱨᱮᱱᱟᱜ ᱵᱮᱱᱟᱣ ᱫᱚ ᱑᱘᱕᱑ ᱥᱮᱨᱢᱟ ᱨᱮ ᱮᱛᱚᱦᱚᱵ ᱞᱮᱱᱟ ᱾ ᱯᱩᱭᱞᱩ ᱦᱟᱣᱲᱟ-ᱫᱤᱞᱞᱤ ᱞᱟᱭᱤᱱ ᱫᱚ ᱑᱘᱖᱖ ᱥᱟᱞ ᱨᱮ ᱵᱮᱱᱟᱣ ᱞᱮᱱᱟ ᱾[᱑] ᱨᱟᱱᱤᱜᱚᱸᱡᱽ-ᱠᱤᱭᱩᱞ ᱦᱟᱹᱴᱤᱧ ᱯᱩᱨᱟᱹᱣ ᱥᱟᱶᱛᱮ, ᱯᱟᱴᱱᱟ ᱦᱚᱛᱮᱛᱮ ᱠᱷᱟᱴᱚ ᱦᱟᱣᱲᱟ-ᱫᱤᱞᱞᱤ ᱢᱩᱬᱩᱛ ᱞᱟᱭᱤᱱ ᱫᱚ ᱑᱘᱗᱑ ᱥᱮᱨᱢᱟ ᱨᱮ ᱵᱮᱵᱷᱟᱨ ᱞᱮᱱᱟ ᱾[᱒] ᱑᱙᱐᱑ ᱥᱮᱨᱢᱟ ᱨᱮ ᱥᱤᱛᱟᱨᱟᱢᱯᱩᱨ-ᱜᱟᱭᱟ-ᱢᱩᱜᱚᱞᱥᱚᱨᱟᱭ ᱢᱟᱨᱟᱝ ᱠᱚᱨᱰ, ᱡᱟᱦᱟᱸ ᱫᱚ ᱦᱟᱣᱲᱟ-ᱫᱤᱞᱞᱤ ᱥᱟᱹᱜᱟᱹᱭ ᱟᱨᱦᱚᱸ ᱠᱚᱢ ᱞᱮᱫᱼᱟ, ᱱᱚᱣᱟ ᱫᱚ ᱑᱙᱐᱑ ᱥᱮᱨᱢᱟ ᱨᱮ ᱯᱩᱨᱟᱹᱣ ᱞᱮᱱᱟ, ᱢᱮᱱᱠᱷᱟᱱ ᱥᱚᱨᱠᱟᱨᱤ ᱞᱮᱠᱟᱛᱮ ᱑᱙᱐᱖ ᱥᱮᱨᱢᱟ ᱨᱮᱱᱟᱜ ᱖ ᱰᱤᱥᱮᱢᱵᱚᱨ ᱨᱮ ᱥᱤᱧᱚᱛ ᱨᱤᱱᱤᱡ ᱣᱚᱭᱚᱥᱚᱨᱟᱭ ᱟᱨ ᱜᱚᱵᱷᱚᱨᱱᱚᱨ ᱡᱮᱱᱮᱨᱟᱞ ᱞᱚᱨᱰ ᱢᱤᱱᱴᱳ ᱦᱚᱛᱮᱛᱮ ᱱᱚᱣᱟ ᱠᱚᱨᱰ ᱨᱮᱱᱟᱜ ᱯᱩᱨᱟᱹᱣ ᱦᱩᱭ ᱞᱮᱱᱟ ᱾[᱓]
ᱤᱞᱮᱠᱴᱨᱤᱯᱷᱤᱠᱮᱥᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱟᱣᱲᱟ-ᱵᱚᱨᱫᱷᱚᱢᱟᱱ ᱠᱳᱨᱰ ᱨᱮᱱᱟᱜ ᱤᱞᱮᱠᱴᱨᱤᱯᱷᱤᱞᱰ ᱫᱚ ᱑᱙᱖᱔-᱑᱙᱖᱖ ᱨᱮ ᱦᱩᱭ ᱞᱮᱱᱟ ᱾ ᱵᱚᱨᱫᱷᱚᱢᱟᱱ-ᱢᱚᱬᱠᱚᱨ-ᱵᱟᱨᱤᱭᱟ ᱥᱮᱠᱴᱚᱨ ᱫᱚ ᱑᱙᱖᱔-᱖᱖ ᱥᱟᱞ ᱨᱮ, ᱵᱟᱨᱤᱭᱟ-ᱟᱥᱚᱱᱥᱳᱞ ᱥᱮᱠᱴᱚᱨ ᱫᱚ ᱑᱙᱖᱐-᱖᱑ ᱥᱟᱞ ᱨᱮ, ᱟᱥᱚᱱᱥᱳᱞ ᱠᱷᱚᱱ ᱜᱟᱭᱟ ᱥᱮᱠᱴᱚᱨ ᱫᱚ ᱑᱙᱖᱐-᱖᱒ ᱥᱟᱞ ᱨᱮ, ᱜᱟᱭᱟ-ᱢᱩᱜᱚᱞᱥᱚᱨᱟᱭ ᱥᱮᱠᱴᱚᱨ ᱫᱚ ᱑᱙᱖᱒ ᱥᱟᱞ ᱨᱮ, ᱢᱩᱜᱚᱞᱥᱚᱨᱟᱭ-ᱠᱟᱱᱯᱩᱨ ᱥᱮᱠᱴᱚᱨ ᱫᱚ ᱑᱙᱖᱔-᱖᱙ ᱥᱟᱞ ᱨᱮ ᱟᱨ ᱠᱟᱱᱯᱩᱨ-ᱱᱚᱣᱟ ᱫᱤᱞᱞᱤ ᱦᱟᱹᱴᱤᱧ ᱫᱚ ᱑᱙᱖᱖-᱑᱙᱗᱗ ᱨᱮ ᱤᱞᱮᱠᱴᱨᱤᱯᱷᱤᱠᱮᱥᱚᱱ ᱦᱩᱭ ᱞᱮᱱᱟ ᱾[᱔]
ᱦᱟᱣᱲᱟ-ᱜᱟᱭᱟ-ᱫᱤᱞᱞᱤ ᱰᱟᱦᱟᱨ ᱫᱚ ᱥᱤᱧᱚᱛ ᱨᱮᱱᱟᱜ ᱯᱩᱭᱞᱩ ᱢᱩᱬ ᱰᱟᱦᱟᱨ ᱠᱟᱱᱟ ᱡᱟᱦᱟᱸ ᱫᱚ ᱯᱩᱨᱟᱹᱣ ᱛᱮ ᱵᱤᱡᱽᱞᱤ ᱞᱟᱜᱟᱣ ᱟᱠᱟᱱᱟ (ᱮᱥᱤ ᱴᱨᱟᱠᱥᱚᱱ) ᱾[᱕]
᱑᱙᱖᱕ ᱥᱮᱨᱢᱟ ᱨᱮ, ᱟᱥᱚᱱᱥᱳᱞ-ᱵᱟᱨᱮᱞᱤ ᱯᱟᱥᱮᱱᱡᱚᱨ ᱫᱚ ᱥᱟᱢᱟᱝ ᱨᱮᱞᱣᱮ ᱨᱮ ᱮᱥᱤ ᱞᱳᱠᱳ ᱦᱚᱛᱮᱛᱮ ᱦᱮᱡ ᱟᱠᱟᱱ ᱯᱩᱭᱞᱩ ᱡᱷᱟᱹᱞ ᱥᱟᱺᱜᱤᱧ ᱨᱮᱱᱟᱜ ᱡᱤᱞᱤᱧ ᱜᱟᱹᱰᱤ ᱛᱟᱦᱮᱸ ᱠᱟᱱᱟ ᱾[᱖]
ᱴᱟᱹᱯᱤᱥ ᱨᱮᱱᱟᱜ ᱥᱤᱢᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱟᱣᱲᱟ-ᱜᱟᱭᱟ-ᱫᱤᱞᱞᱤ ᱞᱟᱭᱤᱱ ᱨᱮᱱᱟᱜ ᱵᱟᱹᱲᱛᱤ ᱦᱟᱹᱴᱤᱧ ᱫᱚ ᱑᱐ ᱠᱤᱞᱚᱢᱤᱴᱚᱨ ᱦᱟᱹᱴᱤᱧ ᱨᱮᱱᱟᱜ ᱞᱟᱭᱤᱱ ᱞᱮᱠᱟᱛᱮ ᱥᱮᱞᱮᱫ ᱟᱠᱟᱱᱟ, ᱡᱟᱦᱟᱸ ᱨᱮ ᱴᱨᱮᱱ ᱠᱚ ᱑᱖᱐ ᱠᱤᱞᱚᱢᱤᱴᱚᱨ ᱦᱟᱹᱴᱤᱧ ᱨᱮ ᱥᱮᱱᱚᱜᱼᱟ, ᱢᱮᱱᱠᱷᱟᱱ ᱛᱤᱱᱟᱹᱜ ᱜᱟᱱ ᱦᱟᱹᱴᱤᱧ ᱨᱮ ᱑᱒᱐ ᱠᱷᱚᱱ ᱑᱓᱐ ᱠᱤᱞᱚᱢᱤᱴᱚᱨ ᱦᱟᱹᱴᱤᱧ ᱨᱮ ᱥᱮᱱᱚᱜᱼᱟ ᱾ ᱦᱟᱣᱲᱟ ᱨᱟᱡᱽᱫᱷᱱᱤ (ᱦᱟᱣᱲᱟ ᱟᱨ ᱱᱟᱶᱟ ᱫᱤᱞᱞᱤ ᱛᱟᱞᱟ ᱨᱮ) ᱚᱥᱴᱟᱱ ᱘᱕.᱘ ᱠᱤᱞᱚᱢᱤᱴᱚᱨ ᱜᱚᱴᱟ ᱴᱟᱲᱟᱝ ᱨᱮ ᱟᱨ ᱥᱤᱭᱟᱞᱫᱟ ᱨᱟᱡᱽᱫᱷᱟᱱᱤ (ᱥᱤᱭᱟᱞᱫᱟ ᱟᱨ ᱱᱟᱶᱟ ᱫᱤᱞᱞᱤ ᱛᱟᱞᱟ ᱨᱮ) ᱚᱥᱴᱟᱱ ᱘᱒.᱗᱐ ᱠᱤᱞᱚᱢᱤᱴᱚᱨ ᱜᱚᱴᱟ ᱴᱟᱲᱟᱝ ᱨᱮ ᱪᱟᱞᱟᱜ ᱠᱟᱱᱟ ᱾[᱗][᱘]
ᱨᱟᱡᱽᱫᱷᱟᱱᱤ ᱮᱠᱥᱯᱨᱮᱥ ᱫᱚ ᱯᱩᱭᱞᱩ ᱫᱷᱟᱣ ᱑᱙᱖᱙ ᱥᱮᱨᱢᱟ ᱨᱮ ᱱᱟᱶᱟ ᱫᱤᱞᱞᱤ ᱠᱷᱚᱱ ᱦᱟᱣᱲᱟ ᱛᱟᱞᱟ ᱛᱮ ᱪᱟᱞᱟᱣ ᱞᱮᱱᱟ ᱾ ᱑,᱔᱕᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱪᱟᱞᱟᱜ ᱞᱟᱹᱜᱤᱫ ᱱᱚᱣᱟ ᱫᱚ ᱑᱗ ᱴᱟᱲᱟᱝ ᱒᱐ ᱴᱤᱯᱤᱡ ᱚᱠᱛᱚ ᱦᱟᱛᱟᱣ ᱞᱮᱱᱟ ᱾[᱙]
ᱯᱩᱭᱞᱩ ᱫᱩᱨᱚᱱᱛᱳ ᱵᱟᱝ-ᱛᱤᱸᱜᱩ ᱮᱠᱥᱯᱨᱮᱥ ᱑᱘ ᱥᱮᱯᱴᱮᱢᱵᱚᱨ ᱒᱐᱐᱙ ᱨᱮ ᱥᱤᱭᱟᱞᱫᱟ ᱟᱨ ᱱᱟᱶᱟ ᱫᱤᱞᱞᱤ ᱛᱟᱞᱟ ᱨᱮ ᱮᱛᱚᱦᱚᱵ ᱞᱮᱱᱟ ᱾ ᱱᱚᱶᱟ ᱛᱟᱭᱚᱢ ᱮᱴᱟᱜ ᱥᱴᱮᱥᱚᱱ ᱠᱚ ᱛᱟᱞᱟ ᱨᱮᱦᱚᱸ ᱱᱚᱝᱠᱟᱱ ᱟᱭᱢᱟ ᱴᱨᱮᱱ ᱠᱚ ᱪᱟᱞᱟᱣ ᱞᱮᱱᱟ ᱾[᱑᱐]
ᱯᱩᱭᱞᱩ ᱵᱟᱨ ᱰᱮᱠᱚᱨ ᱥᱩᱯᱚᱨᱯᱟᱥᱴ ᱴᱨᱮᱱ ᱫᱚ ᱑ ᱚᱠᱴᱚᱵᱚᱨ ᱑᱙᱗᱐ ᱨᱮ ᱦᱟᱣᱲᱟ ᱟᱨ ᱫᱷᱟᱱᱵᱟᱫᱽ ᱛᱟᱞᱟ ᱨᱮ ᱪᱟᱞᱟᱣ ᱮᱦᱚᱵ ᱞᱮᱱᱟ ᱾[᱑᱐]
ᱯᱟᱥᱮᱱᱡᱚᱨ ᱞᱟᱲᱟᱣᱱᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱞᱟᱭᱤᱱ ᱨᱮ ᱱᱟᱶᱟ ᱫᱤᱞᱞᱤ, ᱟᱞᱤᱜᱚᱲ, ᱠᱟᱱᱯᱩᱨ ᱥᱮᱱᱴᱨᱟᱞ, ᱤᱞᱟᱦᱟᱵᱟᱫᱽ, ᱢᱩᱜᱚᱞᱥᱚᱨᱟᱭ, ᱜᱟᱭᱟ, ᱫᱷᱟᱱᱵᱟᱫᱽ, ᱟᱥᱚᱱᱥᱳᱞ ᱟᱨ ᱦᱟᱣᱲᱟ ᱫᱚ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱨᱮᱱᱟᱜ ᱢᱩᱬᱩᱛ ᱑᱐᱐ ᱵᱩᱠᱤᱝ ᱥᱴᱮᱥᱚᱱ ᱨᱮ ᱥᱮᱞᱮᱫ ᱢᱮᱱᱟᱜᱼᱟ ᱾[᱑᱑]
ᱨᱮᱞᱜᱟᱹᱰᱤ ᱱᱟᱶᱟ ᱵᱮᱱᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱕᱒ ᱥᱟᱞ ᱨᱮ, ᱥᱟᱢᱟᱝ ᱨᱮᱞᱣᱮ, ᱠᱚᱧᱮ ᱨᱮᱞᱣᱮ ᱟᱨ ᱠᱚᱧᱮ-ᱥᱟᱢᱟᱝ ᱨᱮᱞᱣᱮ ᱠᱚ ᱵᱮᱱᱟᱣ ᱞᱮᱱᱟ ᱾ ᱥᱟᱢᱟᱝ ᱨᱮᱞᱣᱮ ᱫᱚ ᱢᱩᱜᱚᱞᱥᱚᱨᱟᱭ ᱨᱮᱱᱟᱜ ᱥᱟᱢᱟᱝ ᱨᱮ ᱤᱥᱴ ᱤᱱᱰᱤᱭᱟᱱ ᱨᱮᱞᱣᱮ ᱠᱚᱢᱯᱟᱹᱱᱤ ᱨᱮᱱᱟᱜ ᱢᱤᱫ ᱴᱷᱟᱶ ᱟᱨ ᱵᱮᱝᱜᱚᱞ ᱱᱟᱜᱽᱯᱩᱨ ᱨᱮᱞᱣᱮ ᱥᱟᱶᱛᱮ ᱵᱮᱱᱟᱣ ᱞᱮᱱᱟ ᱾ ᱠᱚᱧᱮ ᱨᱮᱞᱣᱮ ᱫᱚ ᱢᱩᱜᱚᱞᱥᱚᱨᱟᱭ ᱨᱮᱱᱟᱜ ᱯᱟᱪᱮ ᱥᱮᱫ ᱨᱮ ᱤᱥᱴ ᱤᱱᱰᱤᱭᱟᱱ ᱨᱮᱞᱣᱮ ᱠᱚᱢᱯᱟᱹᱱᱤ ᱨᱮᱱᱟᱜ ᱢᱤᱫ ᱴᱷᱟᱶ, ᱡᱚᱫᱷᱯᱩᱨ ᱨᱮᱞᱣᱮ, ᱵᱤᱠᱟᱱᱮᱨ ᱨᱮᱞᱣᱮ ᱟᱨ ᱥᱟᱢᱟᱝ ᱯᱚᱧᱡᱟᱵᱽ ᱨᱮᱞᱣᱮ ᱥᱟᱶᱛᱮ ᱵᱮᱱᱟᱣ ᱞᱮᱱᱟ ᱾ ᱠᱚᱧᱮ-ᱥᱟᱢᱟᱝ ᱨᱮᱞᱣᱮ ᱫᱚ ᱚᱵᱷᱚᱫᱽ ᱟᱨ ᱛᱤᱨᱦᱩᱴ ᱨᱮᱞᱣᱮ, ᱟᱥᱟᱢ ᱨᱮᱞᱣᱮ ᱟᱨ ᱵᱚᱢᱵᱮ, ᱵᱚᱰᱳᱫᱚᱨᱟ ᱟᱨ ᱛᱟᱞᱢᱟ ᱥᱤᱧᱚᱛ ᱨᱮᱞᱣᱮ ᱨᱮᱱᱟᱜ ᱢᱤᱫ ᱴᱷᱟᱶ ᱥᱟᱶᱛᱮ ᱵᱮᱱᱟᱣ ᱞᱮᱱᱟ ᱛᱟᱦᱮᱸᱫ ᱾[᱑᱒] ᱥᱟᱢᱟᱝ ᱛᱟᱞᱢᱟ ᱨᱮᱞᱣᱮ ᱫᱚ ᱑᱙᱙᱖-᱑᱙᱙᱗ ᱨᱮ ᱵᱮᱱᱟᱣ ᱞᱮᱱᱟ ᱾[᱑᱓] ᱠᱚᱧᱮ ᱛᱟᱞᱢᱟ ᱨᱮᱞᱣᱮ ᱫᱚ ᱒᱐᱐᱓ ᱥᱮᱨᱢᱟ ᱨᱮ ᱵᱮᱱᱟᱣ ᱞᱮᱱᱟ ᱾[᱑᱔]
ᱥᱚᱱᱟ ᱪᱮᱛᱟᱱ ᱰᱟᱹᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱟᱣᱲᱟ-ᱜᱟᱭᱟ-ᱫᱤᱞᱞᱤ ᱞᱟᱭᱤᱱ ᱫᱚ ᱥᱣᱚᱨᱱᱤᱢ ᱠᱣᱟᱴᱨᱚᱵᱷᱩᱡᱽ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾ ᱯᱩᱱᱭᱟᱹ ᱢᱟᱨᱟᱝ ᱢᱟᱦᱟᱱᱚᱜᱚᱨ (ᱱᱚᱶᱟ ᱫᱤᱞᱞᱤ, ᱢᱩᱢᱵᱟᱭ, ᱪᱮᱱᱱᱟᱭ ᱟᱨ ᱠᱚᱞᱠᱟᱛᱟ) ᱥᱟᱞᱟᱜ ᱡᱚᱲᱟᱣ ᱟᱠᱟᱱ ᱰᱟᱦᱟᱨ ᱠᱚ, ᱡᱟᱦᱟᱸ ᱫᱚ ᱥᱣᱟᱨᱱᱤᱢ ᱪᱟᱛᱩᱨᱵᱷᱩᱡᱽ ᱢᱮᱱᱛᱮ ᱵᱟᱰᱟᱭᱚᱜ ᱠᱟᱱᱟ, ᱡᱟᱦᱟᱸ ᱨᱮᱫᱚ ᱫᱟᱨᱟᱭ ᱛᱮ ᱥᱟᱱᱟᱢ ᱠᱷᱚᱱ ᱵᱟᱹᱲᱛᱤ ᱢᱟᱞ ᱟᱨ ᱥᱟᱱᱟᱢ ᱠᱷᱚᱱ ᱵᱟᱹᱲᱛᱤ ᱯᱟᱥᱮᱱᱡᱚᱨ ᱠᱚ ᱥᱮᱱᱚᱜᱼᱟ, ᱢᱮᱱᱠᱷᱟᱱ ᱚᱱᱟ ᱠᱚᱫᱚ ᱡᱤᱞᱤᱧ ᱫᱚ ᱑᱖% ᱜᱮ ᱦᱩᱭᱩᱜᱼᱟ ᱾[᱑᱕]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "IR History: Early days I (1832–1869)". IRFCA. Retrieved 21 March 2014.
- ↑ "IR History: Early days II (1870–1899)". Retrieved 21 March 2014.
- ↑ "IR History: Part III (1900–1947)". Retrieved 21 March 2014.
- ↑ "History of Electrification". IRFCA. Retrieved 21 March 2014.
- ↑ "IR History:Part V (1970-95)". IRFCA. Retrieved 21 March 2014.
- ↑ "IR History Part IV (1947–1970)". IRFCA (Indian Railways Fan Club). Retrieved 23 March 2014.
- ↑ "Permanent Way". Track Classifications. Retrieved 2012-01-15.
- ↑ "Trivia". Highest speed sections of track. Retrieved 21 March 2014.
- ↑ "Rajdhani Express and Duronto Express Trains". Make My Trip. Retrieved 21 March 2014.
- ↑ ᱑᱐.᱐ ᱑᱐.᱑ "IR History: Part VII (2000-present". IRFCA. Retrieved 21 March 2014.
- ↑ "Indian Railways Passenger Reservation Enquiry". Availability in trains for Top 100 Booking Stations of Indian Railways. IRFCA. Archived from the original on 10 ᱢᱮ 2014. Retrieved 21 ᱢᱟᱨᱪ 2014.
- ↑ "Geography – Railway Zones". IRFCA. Retrieved 21 March 2014.
- ↑ "East Central Railway". ECR. Archived from the original on 18 ᱯᱷᱮᱵᱽᱨᱩᱣᱟᱨᱤ 2015. Retrieved 25 ᱡᱟᱱᱩᱣᱟᱨᱤ 2014.
- ↑ "North Central Railway". NCR. Retrieved 21 March 2014.
- ↑ "Geography – Railway Zones". Major routes. IRFCA. Retrieved 21 March 2014.