ᱦᱟᱣᱵᱟᱢ ᱳᱝᱵᱤ ᱝᱟᱝᱵᱤ ᱫᱮᱵᱤ
| ᱦᱟᱣᱵᱟᱢ ᱳᱝᱵᱤ ᱝᱟᱝᱵᱤ ᱫᱮᱵᱤ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑ ᱟᱜᱚᱥᱴ ᱑᱙᱒᱔ ᱩᱨᱤᱯᱚᱠ ᱵᱚᱪᱚᱥᱯᱚᱛᱤ ᱞᱮᱭᱠᱟᱭ, ᱤᱢᱯᱷᱟᱞ, ᱢᱟᱱᱤᱯᱩᱨ, ᱥᱤᱧᱚᱛ |
| ᱜᱩᱨ | ᱑᱒ ᱡᱩᱱ ᱒᱐᱑᱔ ᱤᱢᱯᱷᱟᱞ |
| ᱵᱟᱭ ᱴᱷᱟᱶ | 21°06′11″N 72°27′51″E / 21.1030°N 72.4641°E |
| ᱠᱟᱹᱢᱤ | ᱠᱞᱟᱥᱤᱠᱟᱞ ᱮᱱᱮᱡᱤᱭᱟᱹ, ᱥᱮᱨᱮᱧᱤᱭᱟᱹ |
| ᱡᱤᱭᱚᱱ ᱥᱚᱦᱮᱫ | ᱦᱟᱣᱵᱟᱢ ᱟᱢᱩᱵᱟ ᱥᱤᱝ |
| ᱟᱯᱟᱛ ᱮᱸᱜᱟᱛ | ᱠᱳᱭᱡᱟᱢ ᱵᱚᱠᱩᱞ ᱥᱤᱝ |
| ᱥᱤᱨᱯᱷᱟᱹ | ᱯᱚᱫᱽᱢᱚ ᱥᱨᱤ
ᱟᱥᱟᱢ ᱥᱚᱨᱠᱟᱨ ᱵᱤᱨᱟᱝᱜᱚᱱᱟ ᱢᱟᱱᱤᱯᱩᱨ ᱥᱚᱨᱠᱟᱨ ᱥᱚᱱᱟ ᱢᱮᱰᱟᱞ ᱢᱟᱱᱤᱯᱩᱨ ᱯᱚᱱᱚᱛ ᱠᱟᱞᱟ ᱮᱠᱟᱰᱮᱢᱤ ᱥᱤᱨᱯᱷᱟᱹ ᱱᱨᱤᱛᱭᱚ ᱵᱷᱩᱥᱚᱬ ᱥᱤᱨᱯᱷᱟᱹ ᱥᱚᱝᱜᱤᱛ ᱱᱟᱴᱚᱠ ᱮᱠᱟᱰᱮᱢᱤ ᱥᱤᱨᱯᱷᱟᱹ |
| ᱣᱮᱵᱽᱥᱟᱭᱤᱴ | ᱚᱯᱷᱤᱥᱤᱭᱟᱞ ᱣᱮᱵᱽᱥᱟᱭᱤᱴ |
ᱦᱟᱣᱵᱟᱢ ᱳᱝᱵᱤ ᱝᱟᱝᱵᱤ ᱫᱮᱵᱤ (᱑ ᱟᱜᱚᱥᱴ ᱑᱙᱒᱔ – ᱑᱒ ᱡᱩᱱ ᱒᱐᱑᱔) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱠᱞᱟᱥᱤᱠᱟᱞ ᱮᱱᱮᱡᱤᱭᱟᱹ ᱟᱨ ᱥᱮᱨᱮᱧᱤᱭᱟᱹ ᱛᱟᱦᱮᱸ ᱠᱟᱱᱟᱭ,[᱑] ᱡᱟᱦᱟᱸᱭ ᱫᱚ ᱢᱟᱱᱤᱯᱩᱨᱤ ᱮᱱᱮᱡ ᱨᱩᱯ ᱞᱟᱭ ᱦᱚᱨᱟᱣᱵᱟ ᱟᱨ ᱨᱟᱥ ᱨᱮ ᱟᱡᱟᱜ ᱯᱟᱹᱨᱩᱠᱷᱤᱭᱟᱹ ᱞᱟᱹᱜᱤᱫ ᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ ᱾[᱒][᱓][᱔] ᱒᱐᱑᱐ ᱥᱟᱞᱮ ᱨᱮ, ᱥᱤᱧᱚᱛ ᱥᱚᱨᱠᱟᱨ ᱫᱚ ᱦᱟᱣᱵᱟᱢ ᱳᱝᱵᱤ ᱝᱟᱝᱵᱤ ᱫᱮᱵᱤ ᱫᱚ ᱯᱚᱫᱽᱢᱚ ᱥᱨᱤ ᱥᱤᱨᱯᱷᱟᱹ ᱛᱮᱭ ᱢᱟᱹᱱ ᱦᱟᱞᱟᱝ ᱞᱮᱫᱮᱭᱟ, ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱱᱟᱜ ᱯᱩᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨᱤᱭᱟᱹ ᱥᱤᱨᱯᱷᱟᱹ ᱠᱟᱱᱟ ᱾[᱕][᱖]
ᱡᱤᱭᱚᱱ ᱠᱟᱛᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱦᱟᱣᱵᱟᱢ ᱳᱝᱵᱤ ᱝᱟᱝᱵᱤ ᱫᱮᱵᱤ ᱫᱚ ᱑ ᱟᱜᱚᱥᱴ ᱑᱙᱒᱔ ᱨᱮ[᱒] ᱥᱤᱧᱚᱛᱤᱭᱟᱹ ᱯᱚᱱᱚᱛ ᱢᱟᱱᱤᱯᱩᱨ ᱨᱮᱱᱟᱜ ᱤᱢᱯᱷᱟᱞ, ᱩᱨᱤᱯᱚᱠ ᱵᱚᱪᱚᱥᱯᱚᱛᱤ ᱞᱮᱭᱠᱟᱭ ᱨᱮ ᱠᱳᱭᱡᱟᱢ ᱵᱚᱠᱩᱞ ᱥᱤᱝ ᱴᱷᱮᱱ ᱮ ᱡᱟᱱᱟᱢ ᱞᱮᱱᱟ, ᱡᱟᱦᱟᱸᱭ ᱫᱚ ᱢᱤᱫ ᱴᱚᱴᱷᱟᱠᱤᱭᱟᱹ ᱩᱯᱨᱩᱢᱟᱱ ᱥᱚᱝᱠᱤᱨᱛᱚᱱ ᱯᱟᱞᱟ[᱗] ᱩᱫᱩᱜ ᱥᱚᱫᱚᱨᱤᱡ ᱮ ᱛᱟᱦᱮᱸ ᱠᱟᱱᱟ ᱾[᱑] ᱩᱱᱤ ᱫᱚ ᱢᱚᱬᱮ ᱥᱮᱨᱢᱟ ᱩᱢᱮᱨ ᱠᱷᱚᱱ ᱜᱮ ᱢᱟᱱᱤᱯᱩᱨᱤ ᱥᱚᱝᱜᱤᱨᱛᱚᱱ ᱥᱚᱝᱜᱷ ᱠᱷᱚᱱ ᱢᱟᱱᱤᱯᱩᱨᱤ ᱮᱱᱮᱡ ᱟᱨ ᱥᱮᱨᱮᱧ ᱪᱮᱪᱮᱫ ᱮ ᱮᱦᱚᱵ ᱞᱮᱫᱼᱟ ᱟᱨ ᱑᱙᱓᱐ ᱥᱟᱞᱮ ᱨᱮ ᱠᱚᱞᱠᱟᱛᱟ ᱨᱮ ᱡᱚᱭᱯᱟᱭᱜᱩᱲᱤ ᱯᱷᱮᱥᱴᱤᱵᱷᱟᱞ ᱨᱮ ᱢᱤᱫ ᱵᱟᱰᱚᱦᱤ ᱞᱮᱠᱟᱛᱮ ᱮᱛᱚᱦᱚᱵ ᱞᱮᱫᱼᱟ ᱾ ᱛᱟᱭᱚᱢ ᱛᱮ, ᱩᱱᱤ ᱫᱚ ᱑᱙᱓᱒ ᱠᱷᱚᱱ ᱑᱙᱔᱐ ᱫᱷᱟᱹᱵᱤᱡ ᱧᱩᱛᱩᱢᱟᱱ ᱢᱟᱪᱮᱛ ᱠᱚ ᱡᱮᱞᱮᱠᱟ ᱜᱩᱨᱩ ᱟᱴᱚᱢᱵᱟ ᱥᱤᱝ, ᱭᱩᱢᱱᱟᱢ ᱳᱡᱷᱟ ᱱᱟᱴᱩᱢ ᱥᱤᱝ, ᱜᱩᱨᱩ ᱮᱢ. ᱟᱢᱩᱵᱤ ᱥᱤᱝ,[᱘] ᱟᱨ ᱝᱟᱝᱜᱚᱢ ᱳᱡᱷᱟ ᱡᱩᱜᱤᱱᱫᱽᱨᱚ ᱥᱤᱝ ᱟᱜ ᱛᱟᱹᱨᱤ ᱨᱮ ᱞᱟᱭ ᱦᱚᱨᱟᱣᱵᱟ, ᱨᱟᱥ ᱟᱨ ᱵᱩᱨᱩ ᱴᱚᱴᱷᱟ ᱨᱮᱱᱟᱜ ᱮᱛᱷᱱᱤᱠ ᱮᱱᱮᱡ ᱨᱩᱯ ᱠᱚᱭ ᱯᱟᱲᱦᱟᱣ ᱞᱮᱫᱼᱟ ᱾[᱒] ᱩᱱᱤ ᱫᱚ ᱩᱥᱛᱟᱫᱽ ᱢᱮᱭᱥᱱᱟᱢ ᱵᱤᱫᱷᱩ ᱥᱤᱝ ᱟᱨ ᱪᱤᱝᱜᱟᱠᱷᱟᱢ ᱨᱟᱫᱷᱟᱪᱚᱨᱚᱬ ᱥᱤᱝ ᱴᱷᱮᱱ ᱠᱷᱚᱱ ᱠᱞᱟᱥᱤᱠᱟᱞ ᱥᱮᱨᱮᱧ ᱦᱚᱸᱭ ᱪᱮᱫ ᱞᱮᱫᱼᱟ ᱾[᱒][᱑] ᱢᱟᱱᱤᱯᱩᱨ ᱨᱤᱱᱤᱡ ᱯᱩᱭᱞᱩ ᱠᱞᱟᱥᱤᱠᱟᱞ ᱥᱮᱨᱮᱧᱤᱭᱟᱹ ᱞᱮᱠᱟᱛᱮ ᱵᱟᱰᱟᱭᱚᱜ ᱠᱟᱱ ᱝᱟᱝᱵᱤ ᱫᱮᱵᱤ ᱫᱚ ᱚᱞ ᱤᱱᱰᱤᱭᱟ ᱨᱮᱰᱤᱭᱳ ᱞᱟᱹᱜᱤᱫ ᱨᱮᱠᱚᱨᱰᱤᱝ ᱮ ᱮᱦᱚᱵ ᱞᱮᱫᱼᱟ ᱟᱨ ᱑᱙᱔᱘ ᱥᱟᱞᱮ ᱨᱮ ᱢᱟᱱᱤᱯᱩᱨᱤ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱯᱩᱭᱞᱩ ᱯᱷᱤᱪᱚᱨ ᱯᱷᱤᱞᱢ ᱢᱟᱭᱱᱩ ᱯᱮᱢᱪᱟ,[᱙] ᱞᱟᱹᱜᱤᱫ ᱯᱞᱮᱵᱮᱠ ᱥᱮᱨᱮᱧ ᱦᱚᱸᱭ ᱥᱮᱨᱮᱧ ᱞᱮᱫᱼᱟ ᱾[᱑] ᱡᱚᱠᱷᱚᱱ ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱢᱟᱱᱤᱯᱩᱨ ᱮᱱᱮᱡ ᱮᱠᱟᱰᱮᱢᱤ ᱵᱮᱱᱟᱣ ᱞᱮᱱᱟ,[᱑᱐] ᱝᱟᱝᱵᱤ ᱫᱮᱵᱤ ᱫᱚ ᱮᱱᱮᱡ ᱟᱨ ᱥᱮᱨᱮᱧ ᱵᱤᱵᱷᱟᱜᱽ ᱨᱮ ᱢᱤᱫ ᱯᱷᱮᱠᱟᱞᱴᱤ ᱢᱮᱢᱵᱟᱨ ᱞᱮᱠᱟᱛᱮᱭ ᱵᱟᱦᱟᱞ ᱞᱮᱱᱟ ᱾[᱒] ᱮᱠᱟᱰᱮᱢᱤ, ᱡᱟᱦᱟᱸ ᱫᱚ ᱮᱛᱚᱦᱚᱵ ᱨᱮ ᱢᱤᱫ ᱛᱟᱞᱟᱢᱟᱞᱟ ᱞᱮᱠᱟᱱ ᱤᱱᱥᱴᱤᱴᱤᱭᱩᱥᱚᱱ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱞᱟᱭ ᱦᱚᱨᱟᱣᱵᱟ ᱨᱤᱱᱤᱡ ᱢᱟᱪᱮᱫ ᱞᱮᱠᱟᱛᱮ ᱫᱮᱵᱤ ᱟᱜ ᱠᱟᱹᱢᱤ ᱚᱠᱛᱚ ᱨᱮ ᱟᱭᱢᱟ ᱥᱮᱨᱢᱟ ᱫᱷᱟᱹᱵᱤᱡ ᱩᱛᱱᱟᱹᱣ ᱮᱱᱟ ᱾[᱑᱑] ᱩᱱᱤ ᱫᱚ ᱞᱟᱭ ᱦᱚᱨᱟᱣᱵᱟ ᱪᱮᱛᱟᱱ ᱨᱮ ᱠᱷᱚᱸᱫᱽᱨᱚᱸᱫᱽ ᱟᱠᱟᱫᱼᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱟᱨ ᱤᱱᱥᱴᱤᱴᱤᱭᱩᱥᱚᱱ ᱞᱟᱹᱜᱤᱫ ᱢᱤᱫ ᱥᱤᱞᱟᱵᱚᱥ ᱵᱮᱱᱟᱣ ᱨᱮᱱᱟᱜ ᱥᱨᱮᱭ ᱦᱚᱸ ᱧᱟᱢ ᱟᱠᱟᱫᱼᱟ ᱾ ᱩᱱᱤ ᱫᱚ ᱞᱚᱞᱤᱛ ᱠᱚᱞᱟ ᱵᱷᱚᱵᱚᱱ ᱨᱮ ᱟᱡᱟᱜ ᱯᱟᱲᱦᱟᱣ ᱞᱟᱦᱟ ᱤᱫᱤ ᱠᱟᱛᱮ ᱟᱡ ᱛᱮᱦᱚᱸᱭ ᱟᱯᱰᱮᱴ ᱮᱱᱟ ᱟᱨ ᱑᱙᱓᱖ ᱠᱷᱚᱱ ᱑᱙᱔᱕ ᱥᱟᱞ ᱫᱷᱟᱹᱵᱤᱡ ᱢᱟᱱᱤᱯᱩᱨ ᱰᱨᱟᱢᱟᱴᱤᱠ ᱤᱭᱩᱱᱤᱭᱚᱱ, ᱨᱩᱯᱢᱚᱦᱚᱞ ᱛᱷᱤᱭᱮᱴᱚᱨ ᱟᱨ ᱟᱨᱭᱚᱱ ᱛᱷᱤᱭᱮᱴᱚᱨ ᱞᱟᱹᱜᱤᱫ ᱢᱤᱫ ᱮᱠᱴᱨᱮᱥ ᱞᱮᱠᱟᱛᱮ ᱠᱟᱹᱢᱤ ᱞᱮᱫᱼᱟ ᱾[᱑] ᱫᱮᱵᱤ ᱫᱚ ᱡᱮ.ᱮᱱ.ᱮᱢ. ᱮᱱᱮᱡ ᱮᱠᱟᱰᱮᱢᱤ ᱨᱮ ᱟᱡᱟᱜ ᱠᱟᱹᱢᱤᱭ ᱞᱟᱦᱟ ᱤᱫᱤ ᱠᱮᱫᱼᱟ ᱡᱟᱦᱟᱸ ᱨᱮ ᱩᱱᱤ ᱑᱙᱖᱖ ᱥᱟᱞᱮ ᱨᱮ ᱯᱷᱳᱞᱠ ᱟᱨ ᱠᱚᱢᱤᱭᱩᱱᱤᱴᱤ ᱮᱱᱮᱡ ᱵᱤᱵᱷᱟᱜᱽ ᱨᱤᱱᱤᱡ ᱢᱩᱬᱩᱛ ᱮ ᱵᱮᱱᱟᱣ ᱮᱱᱟ ᱟᱨ ᱑᱙᱘᱕ ᱥᱟᱞᱮ ᱨᱮ ᱟᱡᱟᱜ ᱨᱤᱴᱟᱭᱟᱨᱢᱮᱱᱴ ᱚᱠᱛᱚ ᱨᱮ ᱮᱠᱟᱰᱮᱢᱤ ᱨᱤᱱᱤᱡ ᱵᱷᱟᱭᱤᱥ ᱯᱨᱤᱱᱥᱤᱯᱟᱞ ᱯᱚᱫᱽ ᱨᱮᱭ ᱛᱟᱦᱮᱸ ᱠᱟᱱᱟ ᱾[᱒][᱑] ᱫᱮᱵᱤ, ᱟᱡᱟᱜ ᱠᱟᱹᱢᱤ ᱚᱠᱛᱚ ᱨᱮ, ᱨᱤᱯᱚᱵᱽᱞᱤᱠ ᱰᱮ ᱯᱷᱳᱞᱠ ᱰᱟᱱᱥ ᱯᱷᱮᱥᱴᱤᱵᱷᱟᱞ, ᱱᱮᱥᱱᱟᱞ ᱰᱟᱱᱥ ᱯᱷᱮᱥᱴᱤᱵᱷᱟᱞ ᱟᱨ ᱤᱱᱴᱟᱨ ᱥᱴᱮᱴ ᱠᱚᱞᱪᱟᱨᱟᱞ ᱮᱠᱥᱪᱮᱸᱡᱽ ᱯᱨᱚᱜᱨᱟᱢ ᱞᱮᱠᱟᱱ ᱟᱭᱢᱟ ᱡᱟᱹᱛᱤᱭᱟᱹᱨᱤ ᱟᱨ ᱡᱮᱡᱟᱹᱛᱤᱭᱟᱹᱨᱤ ᱚᱠᱛᱚ ᱟᱨ ᱯᱟᱨᱟᱵᱽ ᱠᱚᱨᱮᱭ ᱥᱮᱞᱮᱫ ᱟᱠᱟᱱᱟ ᱾[᱑] ᱝᱟᱝᱵᱤ ᱫᱮᱵᱤ ᱫᱚ ᱑᱙᱔᱑ ᱥᱟᱞᱮ ᱨᱮ ᱦᱟᱣᱵᱟᱢ ᱟᱢᱩᱵᱟ ᱥᱤᱝ ᱥᱟᱶ ᱮ ᱵᱟᱯᱞᱟ ᱞᱮᱱᱟ ᱟᱨ ᱩᱱᱠᱤᱱ ᱨᱤᱱ ᱢᱤᱫᱴᱟᱹᱝ ᱠᱚᱲᱟ ᱜᱤᱫᱽᱨᱟᱹᱭ ᱛᱟᱦᱮᱸ ᱠᱟᱱᱟ ᱾[᱑] ᱩᱱᱤ ᱫᱚ ᱑᱑ ᱡᱩᱱ ᱒୦᱑᱔ ᱨᱮ ᱟᱡᱟᱜ ᱚᱲᱟᱜ ᱩᱨᱤᱯᱚᱠ ᱛᱳᱣᱨᱟᱝᱵᱟᱢ ᱞᱮᱭᱠᱟᱭ, ᱤᱢᱯᱷᱟᱞ ᱨᱮᱭ ᱜᱩᱨ ᱮᱱᱟ ᱾[᱒]
ᱥᱤᱨᱯᱷᱟᱹ ᱟᱨ ᱢᱟᱹᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱥᱟᱢ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱵᱤᱨᱟᱝᱜᱚᱱᱟ ᱩᱯᱟᱫᱷᱤ ᱟᱨ ᱢᱟᱱᱤᱯᱩᱨ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱥᱚᱱᱟ ᱢᱮᱰᱟᱞ ᱧᱟᱢ ᱟᱠᱟᱫ ᱝᱟᱝᱵᱤ ᱫᱮᱵᱤ ᱫᱚ ᱑᱙᱘᱐ ᱥᱟᱞᱮ ᱨᱮ ᱢᱟᱱᱤᱯᱩᱨ ᱯᱚᱱᱚᱛ ᱠᱟᱞᱟ ᱮᱠᱟᱰᱮᱢᱤ ᱥᱤᱨᱯᱷᱟᱹ ᱛᱮᱭ ᱢᱟᱹᱱ ᱦᱟᱞᱟᱝ ᱞᱮᱱᱟ ᱾[᱒][᱑] ᱵᱟᱨ ᱥᱮᱨᱢᱟ ᱛᱟᱭᱚᱢ, ᱑᱙᱘᱕ ᱥᱟᱞᱮ ᱨᱮ, ᱢᱟᱱᱤᱯᱩᱨᱤ ᱥᱟᱦᱤᱛᱭᱚ ᱯᱚᱨᱤᱥᱚᱫᱽ ᱫᱚ ᱩᱱᱤ ᱱᱨᱤᱛᱭᱚ ᱵᱷᱩᱥᱚᱬ ᱥᱤᱨᱯᱷᱟᱹ ᱛᱮᱭ ᱢᱟᱹᱱ ᱦᱟᱞᱟᱝ ᱞᱮᱫᱮᱭᱟ ᱾[᱒][᱑] ᱑᱙᱙᱓ ᱥᱟᱞᱮ ᱨᱮ, ᱩᱱᱤ ᱫᱚ ᱥᱚᱝᱜᱤᱛ ᱱᱟᱴᱚᱠ ᱮᱠᱟᱰᱮᱢᱤ ᱥᱤᱨᱯᱷᱟᱹ ᱮ ᱧᱟᱢ ᱞᱮᱫᱼᱟ ᱾[᱔] ᱥᱤᱧᱚᱛ ᱥᱚᱨᱠᱟᱨ ᱫᱚ ᱩᱱᱤ, ᱒᱐᱑᱐ ᱥᱟᱞᱮ ᱨᱮ, ᱯᱚᱫᱽᱢᱚ ᱥᱨᱤ ᱨᱮᱱᱟᱜ ᱱᱟᱜᱟᱨᱤᱭᱟᱹ ᱥᱤᱨᱯᱷᱟᱹ ᱞᱟᱹᱜᱤᱫ ᱨᱤᱯᱚᱵᱽᱞᱤᱠ ᱰᱮ ᱚᱱᱚᱨᱥ ᱛᱟᱹᱞᱠᱟᱹ ᱨᱮᱭ ᱥᱮᱞᱮᱫ ᱞᱮᱫᱮᱭᱟ ᱾[᱒][᱑][᱔]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 3 4 5 6 7 8 9 10 11 "E Pao". E Pao. 23 April 2010. Retrieved 18 December 2014.
- 1 2 3 4 5 6 7 8 9 10 "Sangeet Natak Akademi". Sangeet Natak Akademi. 2014. Archived from the original on 19 December 2014. Retrieved 18 December 2014.
- ↑ "Indian Express". Indian Express. 7 April 2010. Archived from the original on 24 December 2014. Retrieved 18 December 2014.
- 1 2 3 "India online". India online. 2014. Archived from the original on 13 June 2017. Retrieved 18 December 2014.
- ↑ "Padma Shri" (PDF). Padma Shri. 2014. Archived from the original (PDF) on 15 October 2015. Retrieved 11 November 2014.
- ↑ "Economic Times". Economic Times. 2010. Retrieved 18 December 2014.
- ↑ Jamini Devi (2010). Cultural History of Manipur: Sija Laioibi and the Maharas. Mittal Publications. p. 140. ISBN 9788183243421.
- ↑ Chowdhurie, Tapati (12 June 2014). "A doer who was devotee". The Hindu. Retrieved 25 June 2018.
- ↑ "Mainu Pemcha". E Pao. 2014. Retrieved 19 December 2014.
- ↑ "JNMDA". Sangeet Natak Akademi. 2014. Archived from the original on 19 December 2014. Retrieved 19 December 2014.
- ↑ "JNMDA faculty". Sangeet Natak Akademi. 2014. Archived from the original on 19 December 2014. Retrieved 19 December 2014.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- "Economic Times". Economic Times. 2010. Retrieved 18 December 2014.
- ᱑᱙᱒᱔ ᱨᱮ ᱡᱟᱱᱟᱢ ᱠᱚ
- ᱒᱐᱑᱔ ᱨᱮ ᱜᱩᱨ ᱠᱚ
- ᱟᱨᱴᱥ ᱨᱮ ᱯᱚᱫᱽᱢᱚ ᱥᱨᱤ ᱧᱟᱢᱤᱡ
- ᱢᱟᱱᱤᱯᱩᱨᱤ ᱮᱱᱮᱡᱤᱭᱟᱹ ᱠᱚ
- ᱢᱟᱱᱤᱯᱩᱨ ᱨᱤᱱ ᱥᱮᱨᱮᱧᱤᱭᱟᱹ ᱠᱚ
- ᱥᱚᱝᱜᱤᱛ ᱱᱟᱴᱚᱠ ᱮᱠᱟᱰᱮᱢᱤ ᱥᱤᱨᱯᱷᱟᱹ ᱧᱟᱢᱤᱡ
- ᱤᱢᱯᱷᱟᱞ ᱨᱤᱱ ᱦᱚᱲ ᱠᱚ
- ᱥᱤᱧᱚᱛᱤᱭᱟᱹ ᱛᱤᱨᱞᱟᱹ ᱠᱞᱟᱥᱤᱠᱟᱞ ᱥᱮᱨᱮᱧᱤᱭᱟᱹ ᱠᱚ
- ᱥᱤᱧᱚᱛᱤᱭᱟᱹ ᱛᱤᱨᱞᱟᱹ ᱠᱞᱟᱥᱤᱠᱟᱞ ᱮᱱᱮᱡᱤᱭᱟᱹ ᱠᱚ
- ᱒૦ ᱟᱱᱟᱜ ᱥᱟᱭ ᱥᱮᱨᱢᱟ ᱨᱤᱱ ᱥᱤᱧᱚᱛᱤᱭᱟᱹ ᱮᱱᱮᱡᱤᱭᱟᱹ ᱠᱚ
- ᱒૦ ᱟᱱᱟᱜ ᱥᱟᱭ ᱥᱮᱨᱢᱟ ᱨᱤᱱ ᱥᱤᱧᱚᱛᱤᱭᱟᱹ ᱛᱤᱨᱞᱟᱹ ᱵᱟᱰᱚᱦᱤ ᱠᱚ
- ᱢᱟᱱᱤᱯᱩᱨ ᱨᱤᱱ ᱮᱱᱮᱡᱤᱭᱟᱹ ᱠᱚ
- ᱢᱟᱱᱤᱯᱩᱨ ᱨᱤᱱ ᱛᱤᱨᱞᱟᱹ ᱵᱟᱰᱚᱦᱤ ᱠᱚ
- ᱢᱟᱱᱤᱯᱩᱨ ᱨᱤᱱ ᱵᱟᱰᱚᱦᱤ ᱠᱚ
- ᱒૦ ᱟᱱᱟᱜ ᱥᱟᱭ ᱥᱮᱨᱢᱟ ᱨᱤᱱ ᱥᱤᱧᱚᱛᱤᱭᱟᱹ ᱛᱤᱨᱞᱟᱹ ᱥᱮᱨᱮᱧᱤᱭᱟᱹ ᱠᱚ