ᱦᱟᱭᱯᱮᱥᱤᱭᱟ

Hypatia (ᱦᱟᱭᱯᱮᱥᱤᱭᱟ)
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ	ᱜᱚᱴᱟᱜᱩᱴᱤ 350–370 AD Alexandria, Province of Egypt, Roman Empire
ᱜᱩᱨ	March 415 AD (aged 45–65) Alexandria, Province of Egypt, Eastern Roman Empire
Era	Ancient philosophy
Region	Western philosophy
School	Neoplatonism
Main interests	Mathematics Astronomy

ᱦᱟᱭᱯᱮᱥᱤᱭᱟ(Hypatia) (ᱡᱟᱱᱟᱢ: ᱜᱚᱴᱟᱜᱩᱴᱤ 350–370 – ᱜᱩᱨ: March 415 AD) ᱫᱚ ᱢᱤᱫ ᱦᱚᱲ Neoplatonist ᱫᱟᱨᱥᱚᱱᱤᱠ (philosopher), ᱮᱸᱜᱮᱞ ᱥᱟᱬᱮᱥᱤᱭᱟᱹ (astronomer), ᱟᱨ ᱮᱞᱠᱷᱟ ᱥᱟᱬᱮᱥᱤᱭᱟᱹ (mathematician) ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ Alexandria ᱨᱮ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸ ᱫᱚ ᱩᱱ ᱡᱚᱠᱷᱮᱡ Roman province of Egypt ᱨᱮᱭᱟᱜ ᱢᱤᱫ ᱢᱟᱨᱟᱝ ᱱᱟᱜᱟᱨ ᱛᱟᱦᱮᱸ ᱠᱟᱱᱟ ᱾ ᱟᱞᱮᱠᱡᱟᱱᱰᱨᱤᱭᱟ ᱨᱮ ᱦᱟᱭᱯᱮᱥᱤᱭᱟ ᱫᱚ ᱢᱤᱫ ᱧᱩᱛᱩᱢᱟᱱ ᱪᱤᱱᱛᱟᱹᱦᱤ ᱛᱟᱦᱮᱸ ᱠᱟᱱᱟᱭ ᱡᱟᱦᱟᱸᱭ ᱫᱚ Philosophy ᱟᱨ Astronomy ᱥᱟᱛᱟᱢ ᱠᱚᱭ ᱯᱟᱲᱦᱟᱣ ᱮᱫ ᱛᱟᱦᱮᱸᱫ ᱾ ᱟᱡᱟᱜ ᱡᱤᱭᱚᱱ ᱠᱟᱞ ᱨᱮ ᱩᱱᱤ ᱫᱚ ᱢᱤᱫ ᱢᱟᱨᱟᱝ ᱢᱟᱪᱮᱛ ᱟᱨ ᱵᱩᱫᱷᱤᱭᱟᱹ ᱥᱟᱞᱟᱦᱠᱟᱨ ᱞᱮᱠᱟᱛᱮ ᱟᱹᱰᱤ ᱧᱩᱛᱩᱢ ᱮ ᱟᱢᱮᱴ ᱞᱮᱫᱼᱟ ᱾ ᱦᱟᱭᱯᱮᱥᱤᱭᱟ ᱫᱚ ᱯᱩᱭᱞᱩ female mathematician ᱠᱟᱱᱟᱭ ᱡᱟᱦᱟᱸᱭᱟᱜ ᱡᱤᱭᱚᱱ ᱤᱫᱤ ᱠᱟᱛᱮ ᱱᱟᱜᱟᱢ ᱨᱮ ᱵᱷᱟᱹᱜᱤ ᱥᱟᱹᱦᱤᱡ ᱚᱞ ᱢᱮᱱᱟᱜᱼᱟ ᱾ ᱩᱱᱤ ᱫᱚ Diophantus ᱟᱜ ᱜᱮᱞ-ᱯᱮ ᱵᱷᱟᱜᱽ ᱨᱮᱭᱟᱜ Arithmetica ᱟᱨ Apollonius of Perga ᱟᱜ conic sections ᱪᱮᱛᱟᱱ ᱨᱮ ᱴᱤᱠᱟᱹ (commentary) ᱠᱚᱭ ᱚᱞ ᱞᱮᱫᱼᱟ ᱾ ᱟᱭᱢᱟ ᱯᱟᱹᱱᱰᱤᱛ ᱠᱚᱣᱟᱜ ᱯᱟᱹᱛᱭᱟᱹᱣ ᱢᱮᱱᱟᱜᱼᱟ ᱡᱮ ᱩᱱᱤ ᱫᱚ Ptolemy ᱟᱜ Almagest ᱚᱞ ᱥᱟᱯᱲᱟᱣ ᱨᱮᱦᱚᱸ ᱜᱚᱲᱚᱭ ᱮᱢ ᱞᱮᱫᱼᱟ ᱾

ᱡᱤᱭᱚᱱ (Life)

ᱦᱟᱨᱟ ᱵᱩᱨᱩ (Upbringing)

ᱦᱟᱭᱯᱮᱥᱤᱭᱟ ᱫᱚ ᱮᱞᱠᱷᱟ ᱥᱟᱬᱮᱥᱤᱭᱟᱹ Theon of Alexandria ᱨᱮᱱ ᱦᱚᱯᱚᱱ ᱮᱨᱟ ᱛᱟᱦᱮᱸ ᱠᱟᱱᱟᱭ ᱾ ᱛᱷᱤᱭᱚᱱ ᱫᱚ "Mouseion" ᱧᱩᱛᱩᱢᱟᱱ ᱢᱤᱫ ᱵᱤᱨᱫᱟᱹᱜᱟᱲ ᱨᱤᱱᱤᱡ ᱢᱩᱬᱩᱛ ᱮ ᱛᱟᱦᱮᱸ ᱠᱟᱱᱟ ᱾ ᱛᱷᱤᱭᱚᱱ ᱫᱚ Euclid ᱟᱜ Elements ᱯᱩᱛᱷᱤ ᱨᱮᱭᱟᱜ ᱱᱟᱣᱟ ᱨᱩᱯ ᱮ ᱥᱟᱯᱲᱟᱣ ᱞᱮᱫᱼᱟ, ᱡᱟᱦᱟᱸ ᱫᱚ ᱥᱟᱭ ᱥᱟᱭ ᱥᱮᱨᱢᱟ ᱫᱷᱟᱹᱵᱤᱡ ᱯᱟᱲᱦᱟᱣ ᱞᱟᱹᱜᱤᱫ ᱵᱮᱵᱷᱟᱨᱚᱜ ᱠᱟᱱ ᱛᱟᱦᱮᱸᱫ ᱾ ᱦᱟᱭᱯᱮᱥᱤᱭᱟ ᱟᱡ ᱟᱭᱳ ᱵᱟᱵᱚᱛ ᱛᱮᱫᱚ ᱡᱟᱦᱟᱸᱱ ᱵᱟᱰᱟᱭ ᱠᱟᱛᱷᱟ ᱵᱟᱹᱱᱩᱜᱼᱟ ᱾ ᱦᱟᱭᱯᱮᱥᱤᱭᱟ ᱟᱜ ᱡᱟᱱᱟᱢ ᱥᱮᱨᱢᱟ ᱤᱫᱤ ᱠᱟᱛᱮ ᱛᱟᱨᱠᱚ ᱢᱮᱱᱟᱜᱼᱟ, ᱢᱮᱱᱠᱷᱟᱱ ᱟᱭᱢᱟ ᱦᱚᱲ ᱓᱕᱐ ᱠᱷᱚᱱ ᱓᱗᱐ AD ᱵᱷᱤᱛᱨᱤ ᱨᱮ ᱠᱚ ᱢᱟᱱᱟᱣᱟ ᱾

ᱠᱟᱹᱢᱤ ᱠᱟᱹᱥᱱᱤ (Career)

ᱦᱟᱭᱯᱮᱥᱤᱭᱟ ᱫᱚ ᱢᱤᱫ Neoplatonist ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ Plato ᱟᱨ Aristotle ᱟᱜ ᱫᱚᱨᱥᱚᱱ ᱪᱮᱛᱟᱱ ᱨᱮ ᱜᱟᱞᱚᱪ ᱮ ᱮᱢᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱟᱞᱮᱠᱡᱟᱱᱰᱨᱤᱭᱟ ᱨᱮᱭᱟᱜ ᱰᱟᱦᱟᱨ ᱠᱚᱨᱮ ᱫᱟᱬᱟ ᱠᱟᱛᱮ ᱦᱚᱲ ᱠᱚ ᱞᱟᱹᱜᱤᱫ ᱵᱷᱟᱥᱚᱬ ᱮ ᱮᱢᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱢᱤᱫ ᱯᱮᱜᱟᱱ (pagan) ᱮ ᱛᱟᱦᱮᱸ ᱠᱟᱱ ᱨᱮᱦᱚᱸ, ᱤᱥᱟᱹᱭ (Christian) ᱯᱟᱹᱴᱷᱩᱣᱟᱹ ᱠᱚ ᱥᱟᱶ ᱟᱹᱰᱤ ᱱᱟᱯᱟᱭ ᱥᱟᱹᱜᱟᱹᱭ ᱛᱟᱦᱮᱸ ᱠᱟᱱ ᱛᱟᱭᱟ ᱾ ᱩᱱᱤ ᱨᱮᱱ ᱢᱤᱫ ᱧᱩᱛᱩᱢᱟᱱ ᱪᱮᱪᱮᱫᱤᱭᱟᱹ ᱫᱚ Synesius of Cyrene ᱮ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱛᱟᱭᱚᱢ ᱛᱮ ᱵᱤᱥᱚᱯ (bishop) ᱮ ᱵᱮᱱᱟᱣ ᱞᱮᱱᱟ ᱾

ᱜᱩᱨ (Death)

ᱯᱮᱪᱷᱮ ᱨᱮᱭᱟᱜ ᱠᱟᱛᱷᱟ (Background)

᱓᱘᱒ ᱠᱷᱚᱱ ᱔᱑᱒ AD ᱫᱷᱟᱹᱵᱤᱡ ᱟᱞᱮᱠᱡᱟᱱᱰᱨᱤᱭᱟ ᱨᱮᱱ ᱵᱤᱥᱚᱯ ᱫᱚ Theophilus ᱮ ᱛᱟᱦᱮᱸ ᱠᱟᱱᱟᱭ ᱾ ᱛᱷᱤᱭᱳᱯᱷᱤᱞᱚᱥ ᱫᱚ ᱦᱟᱭᱯᱮᱥᱤᱭᱟ ᱟᱜ ᱵᱤᱨᱫᱟᱹᱜᱟᱲ ᱪᱮᱛᱟᱱ ᱨᱮ ᱡᱟᱦᱟᱸᱱ ᱮᱴᱠᱮᱴᱚᱬᱮ ᱵᱟᱭ ᱵᱮᱱᱟᱣ ᱞᱮᱫᱼᱟ ᱾ ᱢᱮᱱᱠᱷᱟᱱ ᱔᱑᱒ ᱥᱮᱨᱢᱟ ᱨᱮ ᱛᱷᱤᱭᱳᱯᱷᱤᱞᱚᱥ ᱮ ᱜᱩᱨ ᱮᱱ ᱛᱟᱭᱚᱢ Cyril ᱵᱤᱥᱚᱯ ᱮ ᱵᱮᱱᱟᱣ ᱮᱱᱟ ᱾ ᱥᱤᱨᱤᱞ ᱟᱨ ᱟᱞᱮᱠᱡᱟᱱᱰᱨᱤᱭᱟ ᱨᱮᱱ ᱨᱳᱢᱟᱱ ᱯᱨᱤᱯᱷᱮᱠᱴ (Roman prefect) Orestes ᱛᱟᱞᱟ ᱨᱮ ᱨᱟᱡᱽᱟᱹᱨᱤ ᱞᱟᱹᱲᱦᱟᱹᱭ ᱮᱦᱚᱵ ᱮᱱᱟ ᱾ ᱦᱟᱭᱯᱮᱥᱤᱭᱟ ᱫᱚ ᱳᱨᱮᱥᱴᱮᱥ ᱨᱤᱱᱤᱡ ᱜᱟᱛᱮ ᱟᱨ ᱥᱟᱞᱟᱦᱠᱟᱨ ᱮ ᱛᱟᱦᱮᱸ ᱠᱟᱱᱟ ᱾ ᱦᱚᱲ ᱠᱚ ᱛᱟᱞᱟ ᱨᱮ ᱱᱚᱣᱟ ᱦᱩᱞᱟᱹᱜ ᱯᱟᱥᱱᱟᱣ ᱮᱱᱟ ᱡᱮ ᱦᱟᱭᱯᱮᱥᱤᱭᱟ ᱜᱮ ᱳᱨᱮᱥᱴᱮᱥ ᱫᱚ ᱥᱤᱨᱤᱞ ᱥᱟᱶ ᱢᱤᱞᱚᱱ ᱵᱟᱭ ᱮᱢᱟᱭ ᱠᱟᱱᱟ ᱾ ᱚᱱᱟᱛᱮ ᱔᱑᱕ AD ᱨᱮ ᱢᱤᱫ ᱤᱥᱟᱹᱭ ᱵᱷᱤᱲ (mob) ᱦᱚᱛᱮᱛᱮ ᱦᱟᱭᱯᱮᱥᱤᱭᱟ ᱫᱚ ᱟᱹᱰᱤ ᱵᱟᱹᱲᱤᱡ ᱞᱮᱠᱟᱛᱮ ᱠᱚ ᱜᱚᱡ ᱠᱮᱫᱮᱭᱟ ᱾