ᱦᱟᱸᱥ ᱦᱟᱥᱤᱞ
| ᱥᱟᱯᱲᱟᱣᱤᱡ | ᱚᱨᱡᱩᱱ ᱪᱚᱨᱚᱱ ᱦᱮᱢᱵᱽᱨᱚᱢ |
|---|---|
| ᱛᱷᱚᱠ | ᱥᱟᱶᱦᱮᱫ ᱯᱟᱛᱷᱟᱢ |
| ᱯᱟᱨᱥᱟᱞ ᱚᱠᱛᱚ | ᱥᱮᱨᱢᱟᱠᱤᱭᱟᱹ |
| ᱯᱟᱯᱟᱨᱥᱟᱞᱤᱡ | ᱟᱹᱫᱤᱵᱟᱹᱥᱤ ᱥᱴᱩᱰᱮᱱᱴᱥ ᱮᱥᱳᱥᱤᱭᱮᱥᱚᱱ |
| ᱯᱩᱭᱞᱩ ᱩᱪᱷᱟᱹᱱ | ᱑᱙᱗᱔ |
| ᱢᱩᱪᱟᱹᱫ ᱩᱪᱷᱟᱹᱱ | ᱵᱟᱝ ᱵᱟᱰᱟᱭ ᱠᱟᱱᱟ |
| ᱫᱤᱥᱚᱢ | ᱥᱤᱧᱚᱛ |
| ᱴᱷᱟᱶ | ᱵᱷᱩᱵᱽᱱᱮᱥᱚᱨ, ᱳᱰᱤᱥᱟ |
| ᱯᱟᱹᱨᱥᱤ | ᱥᱟᱱᱛᱟᱲᱤ |
ᱦᱟᱸᱥ ᱦᱟᱥᱤᱞ ᱫᱚ ᱑᱙᱗᱔ ᱥᱟᱞ ᱨᱮ ᱩᱪᱷᱟᱹᱱ ᱟᱠᱟᱱ ᱢᱤᱫ ᱥᱟᱱᱛᱟᱲᱤ ᱥᱟᱶᱦᱮᱫ ᱯᱟᱛᱷᱟᱢ ᱠᱟᱱᱟ ᱾ ᱱᱚᱶᱟ ᱯᱟᱛᱷᱟᱢ ᱨᱮᱱ ᱥᱟᱯᱲᱟᱣᱤᱡ ᱫᱚ ᱥᱟᱱᱛᱟᱲ ᱚᱱᱚᱞᱤᱭᱟᱹ ᱟᱨ ᱜᱟᱹᱠᱷᱩᱲ ᱚᱱᱚᱬᱦᱤᱭᱟᱹ ᱚᱨᱡᱩᱱ ᱪᱚᱨᱚᱱ ᱦᱮᱢᱵᱽᱨᱚᱢ ᱮ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱫᱚ ᱢᱤᱫ ᱥᱮᱨᱢᱟᱠᱤᱭᱟᱹ ᱩᱪᱷᱟᱹᱱᱚᱜ ᱠᱟᱱ ᱯᱟᱛᱷᱟᱢ ᱛᱟᱦᱮᱸ ᱠᱟᱱᱟ ᱾[᱑]
ᱩᱪᱷᱟᱹᱱ ᱟᱨ ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱶᱟ ᱯᱟᱛᱷᱟᱢ ᱫᱚ 'ᱟᱹᱫᱤᱵᱟᱹᱥᱤ ᱥᱴᱩᱰᱮᱱᱴᱥ ᱮᱥᱳᱥᱤᱭᱮᱥᱚᱱ' (Adivasi Students Association) ᱦᱚᱛᱮᱛᱮ ᱩᱪᱷᱟᱹᱱᱚᱜ ᱠᱟᱱ ᱛᱟᱦᱮᱸᱫ ᱾ ᱳᱰᱤᱥᱟ ᱨᱮᱱᱟᱜ ᱵᱷᱩᱵᱽᱱᱮᱥᱚᱨ ᱨᱮ ᱢᱮᱱᱟᱜ B.J.B. ᱠᱚᱞᱮᱡᱽ ᱨᱮᱱᱟᱜ P. M. ᱦᱚᱥᱴᱮᱞ ᱠᱷᱚᱱ ᱱᱚᱶᱟ ᱫᱚ ᱩᱪᱷᱟᱹᱱ ᱞᱮᱱᱟ ᱾ ᱵᱟᱰᱟᱭ ᱧᱟᱢᱚᱜᱼᱟ ᱡᱮ, B.J.B. ᱠᱚᱞᱮᱡᱽ ᱨᱮᱱ ᱥᱟᱱᱛᱟᱲ ᱯᱟᱹᱴᱷᱩᱣᱟᱹ ᱠᱚ ᱢᱤᱞᱟᱹᱣ ᱠᱟᱛᱮ 'ᱟᱹᱫᱤᱵᱟᱹᱥᱤ ᱥᱴᱩᱰᱮᱱᱴᱥ ᱮᱥᱳᱥᱤᱭᱮᱥᱚᱱ' ᱠᱚ ᱵᱮᱨᱮᱫ ᱞᱮᱫᱼᱟ ᱾ ᱯᱟᱹᱴᱷᱩᱣᱟᱹ ᱠᱚᱣᱟᱜ ᱱᱟᱱᱟᱼᱦᱩᱱᱟᱹᱨ ᱮᱴᱠᱮᱴᱚᱬᱮ ᱥᱚᱞᱦᱮ ᱞᱟᱹᱜᱤᱫ ᱱᱚᱶᱟ ᱜᱟᱶᱛᱟ ᱵᱮᱨᱮᱫ ᱞᱮᱱ ᱨᱮᱦᱚᱸ, ᱡᱚᱛᱚ ᱠᱚᱣᱟᱜ ᱠᱩᱨᱩᱢᱩᱴᱩ ᱛᱮ ᱢᱤᱫ ᱥᱮᱨᱢᱟᱠᱤᱭᱟᱹ ᱥᱟᱶᱦᱮᱫ ᱯᱟᱛᱷᱟᱢ ᱩᱪᱷᱟᱹᱱ ᱨᱮᱱᱟᱜ ᱰᱟᱦᱟᱨ ᱠᱚ ᱯᱟᱸᱡᱟ ᱞᱮᱫᱼᱟ ᱾ ᱱᱚᱶᱟ ᱯᱟᱛᱷᱟᱢ ᱨᱮᱱᱟᱜ ᱧᱩᱛᱩᱢ ᱫᱚ 'ᱦᱟᱸᱥ ᱦᱟᱥᱤᱞ' ᱠᱚ ᱫᱚᱦᱚ ᱞᱮᱫᱼᱟ ᱾
ᱯᱟᱛᱷᱟᱢ ᱨᱮᱱᱟᱜ ᱥᱟᱶᱦᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱚᱞᱮᱡᱽ ᱯᱟᱹᱴᱷᱩᱣᱟᱹ ᱠᱚᱣᱟᱜ ᱥᱮᱨᱮᱧ, ᱚᱱᱚᱬᱦᱮ, ᱠᱟᱹᱦᱱᱤ ᱟᱨ ᱚᱱᱚᱞ ᱠᱚᱛᱮ ᱱᱚᱶᱟ ᱯᱟᱛᱷᱟᱢ ᱫᱚ ᱥᱟᱡᱟᱣ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱚᱠᱛᱚ ᱨᱮ ᱱᱚᱶᱟ ᱫᱚ ᱯᱟᱹᱴᱷᱩᱣᱟᱹ ᱠᱚ ᱛᱟᱞᱟ ᱨᱮ ᱥᱟᱶᱦᱮᱫ ᱪᱟᱨᱪᱟ ᱨᱮᱱᱟᱜ ᱢᱤᱫ ᱢᱟᱨᱟᱝ ᱴᱷᱟᱶ ᱮ ᱟᱢᱮᱴ ᱞᱮᱫᱼᱟ ᱾
ᱱᱤᱛᱚᱜ ᱚᱵᱚᱥᱛᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱶᱟ ᱯᱟᱛᱷᱟᱢ ᱫᱚ ᱛᱤᱱᱟᱹᱜ ᱥᱮᱨᱢᱟ ᱦᱟᱹᱵᱤᱡ ᱪᱟᱹᱞᱩ ᱛᱟᱦᱮᱸ ᱠᱟᱱᱟ, ᱚᱱᱟ ᱨᱮᱱᱟᱜ ᱥᱟᱹᱠᱷᱭᱟᱹᱛ ᱫᱚ ᱵᱟᱝ ᱧᱟᱢ ᱟᱠᱟᱱᱟ ᱾ ᱱᱮᱛᱟᱨ ᱫᱚ ᱱᱚᱶᱟ ᱯᱟᱛᱷᱟᱢ ᱵᱟᱝ ᱩᱪᱷᱟᱹᱱᱚᱜ ᱠᱟᱱᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱦᱮᱢᱵᱽᱨᱚᱢ, ᱯᱚᱨᱤᱢᱚᱞ. ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱᱟᱜ ᱱᱟᱜᱟᱢ (Santali Sahitya Itihas) (in Bengali). ᱠᱚᱞᱠᱟᱛᱟ: ᱱᱤᱨᱢᱚᱞ ᱵᱩᱠ ᱮᱡᱮᱱᱥᱤ. p. 337.