ᱦᱟᱹᱨᱭᱟᱹᱲ ᱥᱟᱠᱟᱢ
| ᱥᱟᱯᱲᱟᱣᱤᱡ | ᱰᱨ. ᱥᱩᱦᱨᱤᱫᱽ ᱠᱩᱢᱟᱨ ᱵᱷᱳᱣᱢᱤᱠ |
|---|---|
| ᱛᱷᱚᱠ | ᱥᱟᱱᱛᱟᱲᱤ ᱥᱟᱶᱦᱮᱫ ᱯᱟᱛᱷᱟᱢ |
| ᱯᱟᱨᱥᱟᱞ ᱚᱠᱛᱚ | ᱯᱮ-ᱪᱟᱸᱫᱚᱠᱤᱭᱟᱹ |
| ᱯᱟᱯᱟᱨᱥᱟᱞᱤᱡ | ᱢᱟᱨᱟᱝ ᱵᱩᱨᱩ ᱯᱨᱮᱥ |
| ᱯᱩᱭᱞᱩ ᱩᱪᱷᱟᱹᱱ | ᱑᱙᱖᱓ |
| ᱫᱤᱥᱚᱢ |  ᱥᱤᱧᱚᱛ |
| ᱯᱟᱹᱨᱥᱤ | ᱥᱟᱱᱛᱟᱲᱤ |
ᱥᱟᱱᱛᱟᱲᱤ ᱯᱟᱹᱨᱥᱤ ᱟᱨ ᱥᱟᱶᱦᱮᱫ ᱨᱮᱱᱟᱜ ᱦᱟᱨᱟᱵᱩᱨᱩ ᱨᱮ ᱡᱟᱦᱟᱸ ᱯᱟᱛᱷᱟᱢ ᱠᱚ ᱨᱮᱱᱟᱜ ᱮᱱᱮᱢ ᱵᱟᱝ ᱦᱤᱲᱤᱧᱚᱜᱼᱟ, ᱚᱱᱟ ᱠᱚ ᱢᱩᱫᱽ ᱨᱮ ᱰᱨ. ᱥᱩᱦᱨᱤᱫᱽ ᱠᱩᱢᱟᱨ ᱵᱷᱳᱣᱢᱤᱠ ᱦᱚᱛᱮᱛᱮ ᱥᱟᱯᱲᱟᱣ ᱟᱠᱟᱱ 'ᱦᱟᱹᱨᱭᱟᱹᱲ ᱥᱟᱠᱟᱢ' ᱯᱟᱛᱷᱟᱢ ᱫᱚ ᱢᱤᱫ ᱧᱩᱛᱩᱢᱟᱱ ᱴᱷᱟᱶ ᱮ ᱦᱟᱢᱮᱴ ᱟᱠᱟᱫᱼᱟ᱾[᱑]
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱯᱟᱛᱷᱟᱢ ᱫᱚ ᱑᱙᱖᱓ ᱥᱟᱞ ᱠᱷᱚᱱ ᱩᱪᱷᱟᱹᱱ ᱮᱦᱚᱵ ᱞᱮᱱᱟ᱾ ᱮᱛᱚᱦᱚᱵ ᱨᱮ ᱒᱔ ᱯᱟᱨᱜᱟᱱᱟ ᱨᱮᱱᱟᱜ ᱠᱮᱱᱤᱝ ᱴᱟᱣᱩᱱ ᱨᱮ ᱢᱮᱱᱟᱜ 'ᱥᱩᱱᱫᱚᱨᱵᱚᱱ ᱦᱟᱡᱤ ᱫᱮᱥᱟᱨᱚᱛ ᱠᱚᱞᱮᱡᱽ' ᱨᱮ ᱵᱷᱤᱛ ᱯᱟᱛᱷᱟᱢ (Wall Magazine) ᱞᱮᱠᱟᱛᱮ ᱱᱚᱣᱟ ᱫᱚ ᱯᱩᱭᱞᱩ ᱩᱪᱷᱟᱹᱱ ᱞᱮᱱᱟ᱾ ᱩᱱ ᱚᱠᱛᱚ ᱨᱮ ᱱᱚᱣᱟ ᱯᱟᱛᱷᱟᱢ ᱫᱚ ᱵᱟᱨ-ᱯᱟᱹᱨᱥᱤ ᱛᱮ (Bilingual) ᱛᱟᱦᱮᱸ ᱠᱟᱱᱟ᱾ ᱚᱱᱟ ᱠᱚᱞᱮᱡᱽ ᱨᱤᱱᱤᱡ ᱯᱨᱤᱱᱥᱤᱯᱟᱞᱟᱜ ᱫᱤᱥ-ᱦᱩᱫᱤᱥ ᱞᱮᱠᱟᱛᱮ ᱰᱨ. ᱵᱷᱳᱣᱢᱤᱠ ᱫᱚ ᱠᱚᱞᱮᱡᱽ ᱨᱤᱱ ᱜᱮ ᱛᱤᱱᱟᱹᱜ ᱜᱟᱱ ᱥᱟᱱᱛᱟᱲ ᱯᱟᱹᱴᱷᱩᱣᱟᱹ ᱠᱚ ᱥᱟᱶ ᱢᱮᱥᱟ ᱠᱟᱛᱮ 'ᱵᱷᱤᱛ ᱯᱟᱛᱷᱟᱢ' ᱠᱷᱚᱱ 'ᱦᱟᱹᱨᱭᱟᱹᱲ ᱥᱟᱠᱟᱢ' ᱯᱟᱛᱷᱟᱢ ᱞᱮᱠᱟᱛᱮᱭ ᱩᱪᱷᱟᱹᱱ ᱠᱮᱫᱼᱟ᱾
ᱛᱟᱭᱚᱢ ᱛᱮ ᱯᱟᱛᱷᱟᱢ ᱨᱤᱱᱤᱡ ᱥᱟᱯᱲᱮᱛ ᱰᱨ. ᱥᱩᱦᱨᱤᱫᱽ ᱠᱩᱢᱟᱨ ᱵᱷᱳᱣᱢᱤᱠ ᱫᱚ ᱫᱮᱥᱟᱨᱚᱛ ᱠᱚᱞᱮᱡᱽ ᱠᱷᱚᱱ ᱵᱚᱫᱚᱞ ᱠᱟᱛᱮ ᱦᱩᱜᱽᱞᱤ ᱨᱮᱱᱟᱜ ᱨᱟᱢᱢᱳᱦᱚᱱ ᱠᱚᱞᱮᱡᱽ ᱛᱮᱭ ᱦᱮᱡ ᱮᱱᱟ᱾ ᱱᱚᱸᱰᱮ ᱦᱚᱸ ᱟᱭᱢᱟ ᱥᱟᱱᱛᱟᱲ ᱯᱟᱹᱴᱷᱩᱣᱟᱹ ᱠᱚᱣᱟᱜ ᱥᱟᱹᱜᱟᱹᱭ ᱨᱮᱭ ᱦᱮᱡ ᱮᱱᱟ᱾ ᱚᱱᱟ ᱚᱨᱡᱚ ᱞᱮᱠᱟᱛᱮ 'ᱦᱟᱹᱨᱭᱟᱹᱲ ᱥᱟᱠᱟᱢ' ᱫᱚ ᱠᱷᱟᱹᱞᱤ ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮᱱᱟᱜ ᱥᱟᱶᱦᱮᱫ ᱯᱟᱛᱷᱟᱢ ᱨᱮ ᱵᱚᱫᱚᱞ ᱮᱱᱟ ᱟᱨ ᱯᱮ-ᱪᱟᱸᱫᱚᱠᱤᱭᱟᱹ (Quarterly) ᱞᱮᱠᱟᱛᱮ ᱞᱮᱛᱟᱲ ᱩᱪᱷᱟᱹᱱᱚᱜ ᱛᱟᱦᱮᱸᱭᱮᱱᱟ᱾ ᱱᱚᱣᱟ ᱚᱠᱛᱚ ᱜᱮ 'ᱦᱟᱹᱨᱭᱟᱹᱲ ᱥᱟᱠᱟᱢ' ᱯᱟᱛᱷᱟᱢ ᱨᱮᱱᱟᱜ 'ᱥᱚᱱᱟ ᱡᱩᱜᱽ' ᱢᱮᱱᱛᱮ ᱞᱮᱠᱷᱟᱜᱼᱟ᱾ ᱥᱮᱨᱮᱧ, ᱚᱱᱚᱲᱦᱮ, ᱠᱟᱹᱦᱱᱤ, ᱛᱚᱨᱡᱚᱢᱟ, ᱚᱱᱚᱞ ᱮᱢᱟᱱ ᱠᱚ ᱞᱮᱛᱟᱲ ᱩᱪᱷᱟᱹᱱ ᱠᱷᱟᱹᱛᱤᱨ ᱯᱟᱛᱷᱟᱢ ᱨᱮᱱᱟᱜ ᱢᱟᱹᱱ ᱟᱨ ᱢᱤᱫ ᱩᱥᱩᱞ ᱛᱮ ᱥᱮᱴᱮᱨ ᱮᱱᱟ᱾ ᱱᱚᱣᱟ ᱞᱟᱹᱭ ᱵᱟᱹᱲᱛᱤ ᱵᱟᱝ ᱦᱩᱭᱩᱜᱼᱟ ᱡᱮ, 'ᱦᱟᱹᱨᱭᱟᱹᱲ ᱥᱟᱠᱟᱢ' ᱯᱟᱛᱷᱟᱢ ᱛᱟᱞᱟ ᱛᱮᱜᱮ ᱛᱚᱨᱡᱚᱢᱟ ᱥᱟᱶᱦᱮᱫ ᱫᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱵᱚᱞᱚ ᱞᱮᱱᱟ᱾ ᱱᱚᱣᱟ ᱞᱮᱠᱟᱛᱮ ᱱᱚᱣᱟ ᱯᱟᱛᱷᱟᱢ ᱨᱮᱱᱟᱜ ᱱᱟᱜᱟᱢᱤᱭᱟᱹ ᱢᱚᱦᱚᱛ ᱢᱮᱱᱟᱜᱼᱟ᱾
ᱮᱭᱟᱭ ᱜᱮᱞᱟᱝ (70s) ᱨᱮᱱᱟᱜ ᱛᱟᱞᱟᱢᱟᱞᱟ ᱨᱮ ᱰᱨ. ᱵᱷᱳᱣᱢᱤᱠ ᱦᱟᱣᱲᱟ ᱨᱮᱱᱟᱜ ᱩᱞᱩᱵᱮᱲᱤᱭᱟ ᱠᱚᱞᱮᱡᱽ ᱛᱮᱭ ᱦᱮᱡ ᱮᱱᱟ᱾ ᱢᱮᱫᱤᱱᱤᱯᱩᱨ (ᱱᱤᱛᱚᱜ ᱯᱩᱨᱵᱚ ᱢᱮᱫᱤᱱᱤᱯᱩᱨ) ᱡᱤᱞᱞᱟᱹ ᱨᱮᱱᱟᱜ ᱢᱮᱪᱮᱫᱟ ᱧᱩᱛᱩᱢᱟᱱ ᱡᱟᱭᱜᱟ ᱨᱮ ᱵᱟᱥᱟᱜ ᱮ ᱮᱦᱚᱵ ᱠᱮᱫᱼᱟ᱾ ᱚᱱᱟ ᱠᱷᱟᱹᱛᱤᱨ 'ᱦᱟᱹᱨᱭᱟᱹᱲ ᱥᱟᱠᱟᱢ' ᱯᱟᱛᱷᱟᱢ ᱨᱮᱱᱟᱜ ᱴᱷᱤᱠᱟᱹᱱᱟ ᱦᱚᱸ ᱵᱚᱫᱚᱞ ᱮᱱᱟ᱾ ᱢᱮᱪᱮᱫᱟ ᱨᱮ ᱰᱨ. ᱵᱷᱳᱣᱢᱤᱠ 'ᱢᱟᱨᱟᱝ ᱵᱩᱨᱩ ᱯᱨᱮᱥ' ᱧᱩᱛᱩᱢ ᱛᱮ ᱢᱤᱫ ᱯᱨᱮᱥ ᱮ ᱛᱷᱟᱯᱚᱱ ᱠᱮᱫᱼᱟ ᱟᱨ ᱚᱱᱟ ᱯᱨᱮᱥ ᱠᱷᱚᱱ ᱜᱮ 'ᱦᱟᱹᱨᱭᱟᱹᱲ ᱥᱟᱠᱟᱢ' ᱯᱟᱛᱷᱟᱢ ᱫᱚ ᱞᱮᱛᱟᱲ ᱩᱪᱷᱟᱹᱱ ᱮᱦᱚᱵ ᱮᱱᱟ᱾ ᱯᱟᱛᱷᱟᱢ ᱨᱮᱱᱟᱜ ᱴᱷᱤᱠᱟᱹᱱᱟ ᱫᱚ ᱦᱩᱭ ᱮᱱᱟ– ᱢᱟᱨᱟᱝ ᱵᱩᱨᱩ ᱯᱨᱮᱥ, ᱢᱮᱪᱮᱫᱟ, ᱢᱮᱫᱤᱱᱤᱯᱩᱨ᱾ ᱱᱚᱣᱟ ᱯᱟᱛᱷᱟᱢ ᱡᱮᱞᱮᱠᱟ ᱟᱭᱢᱟ ᱱᱟᱣᱟ ᱚᱱᱚᱲᱦᱤᱭᱟᱹ, ᱥᱟᱶᱦᱮᱫᱤᱭᱟᱹ ᱠᱚᱭ ᱩᱫᱽᱜᱟᱹᱣ ᱟᱠᱟᱫ ᱠᱚᱣᱟ ᱚᱱᱠᱟ ᱜᱮ ᱟᱭᱢᱟ ᱧᱩᱛᱩᱢᱟᱱ ᱚᱱᱚᱲᱦᱤᱭᱟᱹ, ᱥᱟᱶᱦᱮᱫᱤᱭᱟᱹ ᱠᱚᱦᱚᱸᱭ ᱛᱮᱭᱟᱨ ᱟᱠᱟᱫ ᱠᱚᱣᱟ ᱡᱟᱦᱟᱸᱭ ᱠᱚᱫᱚ ᱱᱤᱛ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱᱟᱜ ᱦᱟᱨᱟᱵᱩᱨᱩ ᱨᱮ ᱟᱠᱚᱣᱟᱜ ᱡᱤᱣᱤ ᱠᱚ ᱟᱞᱟᱭ ᱟᱠᱟᱫᱼᱟ᱾[᱒]
ᱮᱱᱮᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱸᱰᱮ ᱞᱟᱹᱭ ᱞᱟᱹᱠᱛᱤ ᱠᱟᱱᱟ, ᱥᱟᱱᱛᱟᱲᱤ ᱥᱟᱶᱦᱮᱫ ᱨᱤᱱᱤᱡ ᱢᱟᱨᱟᱝ ᱚᱱᱚᱲᱦᱤᱭᱟᱹ ᱡᱟᱦᱟᱸᱭ ᱫᱚ 'ᱢᱚᱦᱟᱠᱚᱵᱤ' ᱦᱚᱸ ᱠᱚ ᱢᱮᱛᱟᱭᱟ, ᱩᱱᱤ ᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ ᱣᱟᱜ ᱟᱭᱢᱟ ᱥᱮᱨᱮᱧ ᱟᱨ ᱚᱱᱚᱲᱦᱮ ᱠᱚᱫᱚ ᱯᱟᱱᱰᱩᱞᱤᱯᱤ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱯᱟᱛᱷᱟᱢ ᱜᱮ ᱛᱟᱭᱚᱢ ᱡᱩᱜᱽ ᱨᱤᱱ ᱦᱚᱲ ᱠᱚ ᱴᱷᱮᱱ ᱥᱟᱹᱫᱷᱩ ᱨᱟᱢᱪᱟᱸᱫᱽ ᱮ ᱛᱩᱞ ᱫᱚᱦᱚ ᱠᱮᱫᱮᱭᱟ ᱩᱱᱤᱭᱟᱜ ᱚᱱᱚᱞ ᱠᱚ ᱩᱪᱷᱟᱹᱱ ᱛᱟᱞᱟ ᱛᱮ᱾ ᱠᱷᱟᱹᱞᱤ ᱥᱟᱹᱫᱷᱩ ᱨᱟᱢᱪᱟᱸᱫᱽ ᱥᱩᱢᱩᱝ ᱫᱚ ᱵᱟᱝ, ᱢᱟᱨᱟᱝ ᱚᱱᱚᱲᱦᱤᱭᱟᱹ ᱨᱟᱢᱫᱟᱥ ᱴᱩᱰᱩ-ᱟᱜ ᱡᱤᱭᱚᱱ ᱪᱩᱨᱤᱛ ᱚᱱᱚᱞ ᱯᱩᱭᱞᱩ ᱫᱷᱟᱣ 'ᱦᱟᱹᱨᱭᱟᱹᱲ ᱥᱟᱠᱟᱢ' ᱯᱟᱛᱷᱟᱢ ᱨᱮᱜᱮ ᱩᱪᱷᱟᱹᱱ ᱞᱮᱱᱟ ᱟᱨ 'ᱠᱷᱮᱨᱣᱟᱞ ᱵᱚᱝᱥᱚᱺ ᱫᱷᱚᱨᱚᱢ ᱯᱩᱛᱷᱤ'-ᱨᱮᱱᱟᱜ ᱜᱩᱨᱩᱛᱚ ᱥᱟᱱᱛᱟᱲ ᱯᱟᱹᱴᱷᱩᱣᱟᱹ ᱠᱚ ᱵᱩᱡᱷᱟᱹᱣ ᱧᱟᱢ ᱠᱮᱫᱼᱟ᱾
ᱛᱩᱢᱟᱹᱞ ᱥᱟᱶᱦᱮᱫ (Collection literature), ᱥᱤᱨᱡᱚᱱ ᱥᱟᱶᱦᱮᱫ, ᱛᱚᱨᱡᱚᱢᱟ ᱥᱟᱶᱦᱮᱫ ᱮᱢᱟᱱ ᱠᱚ ᱞᱮᱛᱟᱲ ᱩᱪᱷᱟᱹᱱ ᱠᱷᱟᱹᱛᱤᱨ 'ᱦᱟᱹᱨᱭᱟᱹᱲ ᱥᱟᱠᱟᱢ' ᱯᱟᱛᱷᱟᱢ ᱫᱚ ᱢᱤᱫ ᱩᱥᱩᱞ ᱴᱷᱟᱶ ᱨᱮᱭ ᱛᱷᱟᱯᱚᱱ ᱟᱠᱟᱱᱟ᱾ ᱱᱤᱛᱚᱜ ᱫᱚ ᱯᱟᱛᱷᱟᱢ ᱵᱟᱝ ᱩᱪᱷᱟᱹᱱᱚᱜ ᱠᱟᱱᱟ᱾[᱓]
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱯᱚᱨᱤᱢᱚᱞ ᱦᱮᱢᱵᱽᱨᱚᱢ. ᱥᱟᱶᱛᱟᱞᱤ ᱥᱟᱦᱤᱛᱛᱮᱨ ᱤᱛᱤᱦᱟᱥ (in ᱵᱟᱝᱞᱟ). ᱱᱤᱨᱢᱚᱞ ᱵᱩᱠ ᱮᱡᱮᱱᱥᱤ. pp. ᱒᱕᱐.
{{cite book}}:|access-date=requires|url=(help) - ↑ ᱯᱚᱨᱤᱢᱚᱞ ᱦᱮᱢᱵᱽᱨᱚᱢ. ᱥᱟᱶᱛᱟᱞᱤ ᱥᱟᱦᱤᱛᱛᱮᱨ ᱤᱛᱤᱦᱟᱥ (in ᱵᱟᱝᱞᱟ). ᱱᱤᱨᱢᱚᱞ ᱵᱩᱠ ᱮᱡᱮᱱᱥᱤ. pp. ᱒᱕᱐.
{{cite book}}:|access-date=requires|url=(help) - ↑ ᱯᱚᱨᱤᱢᱚᱞ ᱦᱮᱢᱵᱽᱨᱚᱢ. ᱥᱟᱶᱛᱟᱞᱤ ᱥᱟᱦᱤᱛᱛᱮᱨ ᱤᱛᱤᱦᱟᱥ (in ᱵᱟᱝᱞᱟ). ᱱᱤᱨᱢᱚᱞ ᱵᱩᱠ ᱮᱡᱮᱱᱥᱤ. pp. ᱒᱕᱐.
{{cite book}}:|access-date=requires|url=(help)