ᱦᱤᱥᱤᱞᱟ ᱭᱟᱢᱤ

ᱦᱤᱥᱤᱞᱟ ᱭᱟᱢᱤ
ᱦᱤᱥᱤᱞᱟ ᱭᱟᱢᱤ
हिसिला यमी
	ᱦᱤᱥᱤᱞᱟ ᱭᱟᱢᱤ ᱫᱚ ᱱᱟᱶᱟ ᱫᱤᱞᱞᱤ ᱨᱮᱭᱟᱜ ᱤᱱᱰᱤᱭᱟ ᱦᱮᱵᱤᱴᱮᱴ ᱥᱮᱱᱴᱟᱨ ᱨᱮ ᱟᱡ ᱨᱮᱱ ᱠᱩᱲᱤ ᱜᱤᱫᱽᱨᱟᱹ ᱢᱟᱱᱩᱥᱤ ᱵᱷᱟᱴᱴᱟᱨᱟᱭ ᱵᱟᱨᱮᱛᱮ ᱯᱷᱤᱞᱢ "ᱰᱟᱴᱟᱨ ᱚᱯᱷ ᱱᱮᱯᱟᱞ" ᱥᱠᱨᱤᱱᱤᱝ ᱨᱮ ᱾
ᱱᱮᱯᱟᱞ ᱥᱳᱥᱤᱭᱟᱞᱤᱥᱴ ᱯᱟᱨᱴᱤ ᱨᱤᱱᱤᱡ ᱥᱚᱵᱽ ᱪᱮᱭᱟᱨᱢᱮᱱ
	ᱵᱟᱭᱴᱷᱮᱨ ᱟᱠᱟᱱᱤᱡ
	Assumed office ; ᱒᱘ ᱡᱩᱞᱟᱭ ᱒᱐᱒᱒
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱴᱷᱟᱶ ᱵᱮᱱᱟᱣ ᱟᱠᱟᱱᱟ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ	᱒᱕ ᱡᱩᱱ ᱑᱙᱕᱙ (᱖᱖ ᱥᱮᱨᱢᱟ); ᱠᱟᱴᱷᱢᱟᱱᱰᱩ
ᱡᱟᱹᱛᱤᱭᱟᱹᱨᱤ	ᱱᱮᱯᱟᱞᱤ
ᱨᱟᱡᱽᱟᱹᱨᱤ ᱫᱚᱞ	ᱯᱨᱚᱜᱚᱛᱤᱥᱤᱞ ᱞᱳᱠᱛᱟᱱᱛᱨᱤᱠ ᱯᱟᱨᱴᱤ
ᱮᱴᱟᱜ ᱨᱟᱡᱽᱟᱹᱨᱤ; ᱥᱟᱹᱜᱟᱹᱭ	ᱥᱤᱯᱤᱮᱱ (ᱢᱚᱣᱚᱭᱤᱥᱴ) (᱒᱐᱐᱑ - ᱒᱐᱑᱕); ᱱᱟᱭᱟ ᱥᱟᱠᱛᱤ ᱯᱟᱨᱴᱤ, ᱱᱮᱯᱟᱞ (᱒᱐᱑᱖ - ᱒᱐᱑᱙); ᱥᱚᱢᱟᱡᱽᱣᱟᱫᱤ ᱯᱟᱨᱴᱤ, ᱱᱮᱯᱟᱞ;
ᱡᱤᱭᱚᱱ ᱥᱚᱦᱮᱫ	ᱵᱟᱹᱵᱩᱨᱟᱢ ᱵᱷᱚᱴᱴᱚᱨᱟᱭ
ᱦᱚᱯᱚᱱ	᱑
ᱥᱮᱪᱮᱫ	ᱮᱢ. ᱟᱨᱠ.
ᱥᱮᱪᱮᱫ ᱟᱠᱷᱲᱟ	ᱱᱭᱩᱠᱮᱥᱞ ᱟᱯᱚᱱ ᱴᱟᱭᱤᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ
ᱠᱟᱹᱢᱤ	ᱨᱟᱡᱽᱟᱹᱨᱤᱭᱟᱹ, ᱛᱮᱛᱭᱟᱨᱤᱡ
ᱵᱟᱭᱱᱟ	ᱯᱟᱨᱵᱚᱛᱤ (ᱧᱩᱛᱩᱢ)

ᱦᱤᱥᱤᱞᱟ ᱭᱟᱢᱤ (ᱱᱮᱯᱟᱞᱤ: हिसिला यमी) (ᱡᱟᱱᱟᱢ ᱒᱕ ᱡᱩᱱ ᱑᱙᱕᱙), ᱡᱟᱦᱟᱸᱭ ᱫᱚ ᱟᱡᱟᱜ ᱡᱤᱛᱠᱟᱹᱨ ᱧᱩᱛᱩᱢ ᱯᱟᱨᱵᱚᱛᱤ ᱧᱩᱛᱩᱢ ᱛᱮᱦᱚᱸ ᱵᱟᱰᱟᱭᱚᱜᱼᱟ, ᱩᱱᱤ ᱫᱚ ᱢᱤᱫ ᱱᱮᱯᱟᱞᱤ ᱨᱟᱡᱽᱟᱹᱨᱤᱭᱟᱹ ᱟᱨ ᱨᱟᱡᱽᱟᱹᱨᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱱᱮᱯᱟᱞ ᱥᱳᱥᱤᱭᱟᱞᱤᱥᱴ ᱯᱟᱨᱴᱤ ᱨᱤᱱᱤᱡ ᱡᱚᱜᱚ ᱯᱟᱨᱥᱮᱛ ᱟᱨ ᱱᱮᱯᱟᱞ ᱡᱟᱠᱟᱛ ᱛᱤᱨᱞᱟᱹ ᱠᱚᱣᱟᱜ ᱥᱟᱥᱚᱱ (ᱠᱨᱟᱱᱴᱤᱠᱟᱨᱤ) ᱨᱤᱱᱤᱡ ᱢᱟᱨᱮ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾

ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ

ᱟᱡ ᱵᱟᱵᱟ ᱫᱷᱚᱨᱢᱚ ᱨᱚᱛᱱᱚ ᱭᱟᱢᱤ ᱫᱚ ᱢᱤᱫ ᱱᱮᱯᱟᱞᱤ ᱥᱟᱶᱛᱟ ᱠᱟᱹᱢᱤᱭᱟᱹ, ᱚᱱᱚᱞᱤᱭᱟᱹ ᱟᱨ ᱥᱚᱨᱠᱟᱨ ᱨᱤᱱᱤᱡ ᱩᱯ ᱢᱚᱱᱛᱨᱤ ᱛᱟᱦᱮᱸ ᱠᱟᱱᱟᱭ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱭᱟᱢᱤ ᱫᱚ ᱑᱙᱘᱒ ᱨᱮ ᱫᱤᱞᱞᱤ, ᱥᱤᱧᱚᱛ ᱨᱮ ᱥᱠᱩᱞ ᱚᱯᱷ ᱯᱞᱟᱱᱤᱝ ᱮᱱᱰ ᱟᱨᱠᱤᱴᱮᱠᱪᱚᱨ ᱠᱷᱚᱱ ᱜᱨᱮᱡᱩᱮᱴ ᱟᱠᱟᱱᱟᱭ ᱾ ᱩᱱᱤ ᱫᱚ ᱑᱙᱙᱕ ᱥᱟᱞᱮ ᱨᱮ ᱭᱩᱠᱮ ᱨᱮᱱᱟᱜ ᱱᱭᱩᱠᱮᱥᱞ ᱟᱯᱚᱱ ᱴᱟᱭᱤᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱮᱢ. ᱟᱨᱠ. ᱨᱮᱱᱟᱜ ᱰᱤᱜᱽᱨᱤ ᱯᱩᱨᱟᱹᱣ ᱠᱮᱫᱟᱭ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱠᱟᱹᱢᱤᱭᱟᱹ

᱑᱙᱙᱐ ᱨᱮ ᱯᱚᱧᱪᱟᱭᱚᱛ ᱨᱟᱡᱽ ᱞᱟᱹᱜᱤᱫ ᱛᱮ ᱞᱟᱹᱲᱦᱟᱹᱭ ᱚᱠᱛᱚ ᱨᱮ, ᱭᱟᱢᱤ ᱫᱚ ᱟᱹᱰᱤ ᱩᱥᱩᱞ ᱛᱤᱨᱞᱟᱹ ᱟᱹᱭᱩᱨᱤᱭᱟᱹ ᱠᱚ ᱢᱩᱸᱫᱽ ᱨᱮ ᱢᱤᱫᱴᱟᱹᱝ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱑᱙᱘᱑ - ᱑᱙᱘᱒ ᱨᱮ ᱚᱞ ᱤᱱᱰᱤᱭᱟ ᱱᱮᱯᱟᱞᱤ ᱥᱴᱩᱰᱮᱸᱴᱥ ᱤᱭᱩᱱᱤᱭᱚᱱ ᱨᱤᱱᱤᱡ ᱡᱮᱱᱮᱨᱟᱞ ᱥᱮᱠᱨᱮᱴᱟᱨᱤ ᱮ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱑᱙᱘᱓ ᱠᱷᱚᱱ ᱑᱙᱙᱖ ᱫᱷᱟᱹᱵᱤᱡ ᱯᱩᱞᱪᱚᱣᱠ ᱠᱮᱢᱯᱚᱥ ᱨᱮ ᱤᱱᱥᱴᱤᱴᱭᱩᱴ ᱚᱯᱷ ᱤᱸᱡᱤᱱᱤᱭᱚᱨᱤᱝ ᱨᱮ ᱞᱮᱠᱪᱚᱨ ᱮ ᱛᱟᱦᱮᱸ ᱠᱟᱱᱟᱭ ᱾ ᱑᱙᱙᱕ ᱨᱮ ᱩᱱᱤ ᱫᱚ ᱱᱮᱯᱟᱞ ᱡᱟᱠᱟᱛ ᱛᱤᱨᱞᱟᱹ ᱥᱚᱝᱜᱚᱴᱷᱚᱱ (ᱠᱨᱩᱣᱟᱱᱴᱤᱠᱟᱨᱤ) ᱨᱤᱱᱤᱡ ᱯᱟᱨᱥᱮᱛ ᱮ ᱛᱟᱦᱮᱸ ᱮᱱᱟ ᱟᱨ ᱵᱟᱨ ᱥᱮᱨᱢᱟ ᱞᱟᱹᱜᱤᱫ ᱮ ᱯᱩᱨᱟᱹᱣ ᱞᱮᱫᱼᱟ ᱾ ᱱᱮᱯᱟᱞ ᱨᱮᱱᱟᱜ ᱠᱚᱢᱭᱩᱱᱤᱥᱴ ᱯᱟᱨᱴᱤ (ᱢᱟᱳᱣᱤᱡᱽ) ᱦᱚᱛᱮᱛᱮ ᱪᱟᱞᱟᱣ ᱟᱠᱟᱱ ᱯᱤᱯᱩᱞᱥ ᱣᱟᱨ ᱨᱮᱱᱟᱜ ᱮᱛᱚᱦᱚᱵ ᱛᱟᱭᱚᱢ ᱩᱱᱤ ᱑᱙᱙᱖ ᱥᱟᱞᱮ ᱨᱮ ᱵᱤᱨᱩᱫᱷ ᱨᱮᱭ ᱦᱮᱡ ᱮᱱᱟ ᱾ ᱒᱐᱐᱑ ᱥᱮᱨᱢᱟ ᱠᱷᱚᱱ, ᱩᱱᱤ ᱫᱚ ᱥᱤᱯᱤᱮᱱ (ᱢᱚᱣᱚᱭᱤᱥᱴ) ᱨᱮᱭᱟᱜ ᱛᱟᱞᱢᱟ ᱠᱚᱢᱤᱴᱤ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟᱭ ᱟᱨ ᱩᱱᱤ ᱫᱚ ᱱᱚᱣᱟ ᱚᱱᱚᱞ ᱨᱮᱭᱟᱜ ᱡᱮᱜᱮᱛᱟᱹᱨᱤ ᱛᱷᱚᱠ ᱨᱮᱭ ᱠᱟᱹᱢᱤ ᱟᱠᱟᱫᱟ ᱾

ᱨᱟᱡᱽᱟᱹᱨᱤ ᱠᱟᱹᱢᱤ ᱡᱤᱭᱚᱱ

ᱩᱱᱤ ᱫᱚ ᱑᱘ ᱡᱩᱱ ᱒᱐᱐᱓ ᱥᱟᱞ ᱨᱮ ᱥᱚᱨᱠᱟᱨ ᱟᱨ ᱢᱟᱣᱤᱥ ᱛᱟᱞᱟ ᱨᱮ ᱪᱟᱞᱟᱣ ᱠᱟᱱ ᱥᱟᱹᱛᱤᱭᱟᱹᱛ ᱜᱟᱯᱟᱞᱢᱟᱨᱟᱣ ᱚᱠᱛᱚ ᱯᱩᱭᱞᱩ ᱫᱷᱟᱣ ᱥᱚᱫᱚᱨ ᱮᱱᱟᱭ ᱾

᱒᱐᱐᱕ ᱥᱟᱞ ᱨᱮᱭᱟᱜ ᱮᱛᱚᱦᱚᱵ ᱨᱮ, ᱵᱟᱹᱵᱩᱨᱟᱢ ᱵᱷᱚᱴᱴᱟᱨᱟᱭ ᱟᱨ ᱫᱤᱱᱟ ᱱᱟᱛᱷ ᱥᱚᱨᱢᱟ ᱥᱟᱶᱛᱮ ᱩᱱᱠᱤᱱ ᱫᱚ ᱯᱟᱨᱴᱤ ᱟᱹᱭᱩᱨ ᱦᱚᱛᱮᱛᱮ ᱵᱚᱫᱚᱞ ᱠᱮᱫ ᱠᱚᱣᱟ ᱾ ᱡᱩᱞᱟᱭ ᱨᱮ ᱩᱱᱤ ᱫᱚ ᱛᱟᱞᱢᱟ ᱠᱚᱢᱤᱥᱚᱱ ᱨᱮᱭ ᱥᱮᱞᱮᱫ ᱞᱮᱱᱟ ᱾

᱑ ᱮᱯᱨᱤᱞ ᱒᱐᱐᱗ ᱨᱮ, ᱦᱤᱥᱤᱞᱟ ᱭᱟᱢᱤ ᱫᱚ ᱯᱷᱤᱡᱤᱠᱟᱞ ᱯᱞᱟᱱᱤᱝ ᱟᱨ ᱠᱚᱱᱥᱴᱨᱟᱠᱥᱚᱱ ᱢᱚᱱᱛᱨᱤ ᱞᱮᱠᱟᱛᱮ ᱱᱮᱯᱟᱞ ᱨᱮᱱᱟᱜ ᱢᱩᱪᱟᱹᱫ ᱥᱚᱨᱠᱟᱨ ᱨᱮ ᱥᱮᱞᱮᱫ ᱮᱱᱟᱭ ᱾^[᱑] ᱥᱮᱯᱴᱮᱢᱵᱚᱨ ᱠᱷᱚᱱ ᱰᱤᱥᱮᱢᱵᱚᱨ ᱒᱐᱐᱗ ᱫᱷᱟᱹᱨᱤᱡ ᱢᱟᱣᱳᱣᱟᱫᱤ ᱠᱚ ᱥᱚᱨᱠᱟᱨ ᱠᱷᱚᱱ ᱵᱟᱦᱟᱞ ᱠᱮᱫ ᱛᱟᱭᱚᱢ, ᱓᱑ ᱰᱤᱥᱮᱢᱵᱚᱨ ᱒᱐᱐᱗ ᱦᱤᱞᱚᱜ ᱭᱟᱢᱤ ᱫᱚ ᱢᱚᱥᱛᱨᱤ ᱯᱨᱚᱡᱟᱱᱛ ᱢᱚᱱᱛᱨᱤ ᱞᱮᱠᱟᱛᱮ ᱥᱟᱨᱦᱟᱣ ᱮ ᱦᱟᱛᱟᱣ ᱠᱮᱫᱼᱟ ᱾^[᱒] ᱒᱐᱐᱘ ᱥᱮᱨᱢᱟ ᱨᱮ ᱠᱟᱴᱷᱢᱟᱱᱰᱩ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱡᱤᱛᱠᱟᱹᱨ ᱠᱟᱛᱮ ᱩᱱᱤ ᱫᱚ ᱥᱚᱝᱥᱚᱫᱽ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱥᱮᱯᱴᱮᱢᱵᱚᱨ ᱨᱮ ᱩᱱᱤ ᱫᱚ ᱥᱤᱯᱤᱮᱱ (ᱢᱚᱣᱚᱭᱤᱥᱴ) ᱨᱤᱱᱤᱡ ᱥᱚᱨᱠᱟᱨ ᱨᱮ ᱴᱩᱨᱤᱡᱚᱢ ᱟᱨ ᱥᱤᱵᱷᱤᱞ ᱮᱵᱤᱭᱮᱴᱚᱱ ᱢᱚᱱᱛᱨᱤ ᱞᱮᱠᱟᱛᱮᱭ ᱥᱮᱞᱮᱫ ᱞᱮᱱᱟ ᱾

᱒᱐᱑᱕ ᱥᱟᱞ ᱨᱮ, ᱭᱟᱢᱤ ᱟᱨ ᱵᱷᱚᱴᱴᱟᱨᱟᱭ ᱫᱚ ᱥᱤᱯᱤᱮᱱ (ᱢᱚᱣᱚᱭᱤᱥᱴ) ᱠᱷᱚᱱ ᱵᱷᱮᱜᱟᱨ ᱞᱮᱱᱟᱭ ᱾ ᱒᱐᱑᱖ ᱥᱟᱞᱮ ᱨᱮ, ᱩᱱᱤ ᱫᱚ ᱱᱟᱭᱚ ᱥᱚᱠᱛᱤ ᱯᱟᱨᱴᱤ ᱵᱮᱱᱟᱣ ᱞᱮᱫᱟᱭ ᱾^[᱓] ᱙ ᱢᱮ ᱒᱐᱑᱙ ᱨᱮ, ᱱᱟᱭᱚ ᱥᱚᱛᱭᱚ ᱫᱚ ᱯᱷᱮᱰᱮᱨᱟᱞ ᱥᱳᱥᱤᱭᱟᱞᱤᱥᱴ ᱯᱷᱳᱨᱢ ᱥᱟᱶ ᱢᱮᱥᱟ ᱠᱟᱛᱮ ᱥᱚᱢᱟᱡᱽᱣᱟᱫᱤ ᱯᱟᱨᱴᱤ, ᱱᱮᱯᱟᱞ ᱮ ᱵᱮᱱᱟᱣ ᱞᱮᱫᱼᱟ ᱾^[᱔] ᱛᱟᱭᱚᱢ ᱛᱮ, ᱥᱚᱢᱟᱡᱽᱣᱟᱫᱤ ᱯᱟᱨᱴᱤ ᱨᱟᱥᱴᱨᱤᱭᱚ ᱡᱚᱱᱛᱟ ᱯᱟᱨᱴᱤ ᱥᱟᱶ ᱢᱮᱥᱟ ᱠᱟᱛᱮ ᱡᱚᱱᱛᱟ ᱥᱚᱢᱟᱡᱽᱣᱟᱫᱤ ᱯᱟᱨᱴᱤ ᱵᱮᱱᱟᱣ ᱠᱮᱫᱟ ᱾^[᱕] ᱒᱐᱒᱐ ᱥᱮᱨᱢᱟ ᱦᱟᱹᱵᱤᱡ, ᱟᱡ ᱫᱚ ᱡᱚᱱᱛᱟ ᱥᱚᱢᱟᱡᱽᱣᱟᱫᱤ ᱯᱟᱨᱴᱤ ᱨᱤᱱᱤᱡ ᱥᱚᱦᱮᱛ ᱠᱟᱱᱟᱭ ᱾^[᱖]

ᱱᱤᱡᱮᱨᱟᱜ ᱡᱤᱭᱚᱱ

ᱭᱟᱢᱤ ᱟᱜ ᱵᱟᱯᱞᱟ ᱫᱚ ᱜᱟᱛᱮ ᱢᱟᱣᱳᱣᱟᱫᱤ ᱟᱹᱭᱩᱨᱤᱭᱟᱹ ᱵᱟᱹᱵᱩᱨᱟᱢ ᱵᱷᱚᱴᱴᱟᱨᱟᱭ ᱥᱟᱶᱮ ᱵᱟᱯᱞᱟ ᱞᱮᱱᱟᱭ ᱾ ᱱᱩᱭ ᱫᱚ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱠᱟᱱᱟᱭ ᱾

ᱥᱟᱹᱠᱷᱭᱟᱹᱛ

↑ "eKantipur.com - Nepal's No.1 News Portal". 2007-09-27. Archived from the original on 2007-09-27. Retrieved 2021-12-14.
↑ "Nepal swears in Maoist ministers", Al Jazeera, December 31, 2007.
↑ Mitra, Devirupa. "'We Did the Right Thing by Leaving Prachanda': Hisila Yami". The Wire. Retrieved 10 July 2020.
↑ "Forum, Naya Shakti unify to form Samajwadi Party". OnlineKhabar. 6 May 2019. Retrieved 10 July 2020.
↑ "Two key Madhesi parties in Nepal merge to form Janata Samajwadi Party". The Week. Retrieved 10 July 2020.
↑ "JSP-N MP's abduction case a hot potato". The Himalayan Times. 29 April 2020. Retrieved 10 July 2020.

ᱵᱟᱦᱨᱮ ᱡᱚᱱᱚᱲ

People’s Power in Nepal Archived ᱒᱐᱑᱑-᱐᱓-᱑᱗ at the Wayback Machine. – Article in Monthly Review by Yami
Turkish version of the article
Comments by Yami in Monthly Review Archived ᱒᱐᱑᱑-᱐᱓-᱑᱗ at the Wayback Machine.
Women's Participation in People's War in Nepal
NPR Interview with Comrade Parvati
http://nepalimahila.com/profile_hishila_yami.html%5B%5D

[1] "eKantipur.com - Nepal's No.1 News Portal". 2007-09-27. Archived from the original on 2007-09-27. Retrieved 2021-12-14.

[2] "Nepal swears in Maoist ministers", Al Jazeera, December 31, 2007.

[3] Mitra, Devirupa. "'We Did the Right Thing by Leaving Prachanda': Hisila Yami". The Wire. Retrieved 10 July 2020.

[4] "Forum, Naya Shakti unify to form Samajwadi Party". OnlineKhabar. 6 May 2019. Retrieved 10 July 2020.

[5] "Two key Madhesi parties in Nepal merge to form Janata Samajwadi Party". The Week. Retrieved 10 July 2020.

[6] "JSP-N MP's abduction case a hot potato". The Himalayan Times. 29 April 2020. Retrieved 10 July 2020.

[᱑]

[᱒]

[᱓]

[᱔]

[᱕]

[᱖]