ᱨᱚᱲᱭᱚᱢ (ᱨᱮᱰᱤᱭᱳ)

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱨᱚᱲᱭᱚᱢ

ᱥᱟᱬᱮᱥ ᱨᱮᱭᱟᱜ ᱟ.ᱰᱤ ᱦᱟᱦᱟᱲᱟ ᱟᱱᱟᱜ ᱵᱮᱱᱟᱣ ᱚᱰᱚᱠ ᱛᱟᱞᱟ ᱠᱷᱚᱱ ᱨᱚᱲᱭᱚᱢ ᱟᱨᱵᱟᱝ ᱨᱮᱰᱤᱭᱳ ᱦᱚᱸ ᱟᱨ ᱢᱤᱫᱴᱟ.ᱝ ᱠᱟᱱᱟ ᱾ ᱵᱤᱱ ᱛᱟᱨ ᱛᱮ ᱟ.ᱰᱤ ᱞᱮᱠᱟᱱ ᱟᱲᱟᱝ ᱟᱨ ᱥᱟᱰᱮ ᱡᱚᱛᱚ ᱥᱮᱦᱮᱫ ᱵᱷᱮᱡᱟ ᱦᱩᱭ ᱫᱟᱲᱮᱭᱟᱜᱼᱟ ᱟᱨᱵᱟᱝ ᱵᱤᱱᱟ. ᱛᱟᱨ ᱛᱮᱦᱚᱸ ᱱᱚᱣᱟ ᱠᱷᱚᱱ ᱫᱚ ᱨᱚᱲ ᱟᱸᱡᱚᱢᱚᱜᱼᱟ, ᱚᱱᱟᱛᱮ ᱱᱚᱣᱟ ᱨᱮᱭᱟᱜ ᱧᱩᱛᱩᱢ ᱫᱚ ᱨᱚᱲᱭᱚᱢ ᱢᱮᱱᱛᱮ ᱫᱚᱦᱚ ᱟᱠᱟᱱᱟ ᱾ ᱱᱚᱣᱟ ᱫᱚ ᱫᱤᱥᱚᱢ ᱨᱮᱭᱟᱜ ᱢᱤᱫ ᱞᱟ.ᱠᱛᱤ ᱞᱮᱠᱟᱱ ᱰᱟᱦᱟᱨ ᱠᱟᱱᱟ ᱦᱚᱲ ᱥᱟᱶ ᱥᱟ.ᱜᱟ.ᱭ ᱡᱚᱲᱟᱣ ᱨᱮᱭᱟᱜ ᱾ ᱵᱮᱣᱨᱟ, ᱥᱮᱨᱮᱧ, ᱨᱚᱯᱚᱲᱼᱜᱟᱯᱟᱞᱚᱪ, ᱟᱨ ᱜᱟᱭᱟᱱ ᱮᱢᱟᱱ ᱠᱚᱦᱚᱸ ᱵᱤᱡᱽᱞᱤ ᱟᱱᱟᱜ ᱥᱟᱰᱮ ᱦᱮᱞᱠᱟᱣ ᱨᱮ ᱟ.ᱨᱩᱯᱷᱮᱨᱟᱣ ᱠᱟᱛᱮ ᱦᱚᱭ ᱦᱤᱥᱤᱫ ᱨᱮᱠᱚ ᱟᱲᱟᱜ ᱜᱚᱫ ᱠᱟᱜᱼᱟ ᱾ ᱡᱟᱦᱟᱸᱨᱮ ᱱᱚᱣᱟ ᱥᱟᱰᱮ ᱟᱯᱱᱟᱨ ᱞᱟ.ᱜᱤᱫ ᱛᱮ ᱡᱚᱱᱛᱨᱚᱯᱟ.ᱛᱤ ᱟᱨ ᱨᱮᱰᱤᱭᱳ ᱥᱮᱴ ᱛᱟᱦᱮᱸᱱᱟ ᱾ ᱚᱱᱟᱨᱮ ᱱᱚᱣᱟ ᱥᱮᱴᱮᱨ ᱠᱟᱛᱮ ᱥᱟᱰᱮᱨᱮ ᱟ.ᱨᱩᱜᱼᱟ ᱾ ᱱᱚᱣᱟ ᱦᱚᱛᱮᱛᱮ ᱟ.ᱰᱤ ᱞᱮᱠᱟᱱ ᱠᱟ.ᱢᱤᱦᱚᱨᱟ ᱤᱱᱟ. ᱚᱠᱛᱚ ᱨᱮᱜᱮ ᱟᱸᱡᱚᱢ ᱦᱩᱭᱩᱜᱼᱟ ᱾ ᱨᱚᱲᱭᱚᱢ ᱠᱟ.ᱢᱤᱨᱮ ᱞᱟᱜᱟᱣ ᱞᱟ.ᱜᱤᱫ ᱛᱮᱫᱚ ᱢᱟᱨᱠᱳᱱᱤᱭᱟᱜ ᱡᱤᱛᱠᱟ.ᱨ ᱵᱟᱝ ᱦᱤᱲᱤᱧᱚᱜᱼᱟ ᱾ ᱢᱟᱨᱠᱳᱱᱤ ᱑᱘᱙᱙ ᱥᱟᱞᱮᱨᱮ ᱨᱚᱲᱭᱚᱢ ᱨᱮᱭᱟᱜ ᱜᱚᱲᱚ ᱥᱚᱦᱚᱫ ᱛᱮ ᱤᱸᱜᱽᱞᱤᱥ ᱪᱟᱱᱮᱞ ᱨᱮᱭᱟᱜ ᱫᱩᱥᱨᱟ.ᱯᱟᱦᱴᱟ ᱫᱷᱟ.ᱵᱤᱡ ᱵᱮᱣᱨᱟᱭ ᱵᱷᱮᱡᱟ ᱫᱟᱲᱮᱭᱟᱫ ᱛᱟᱦᱮᱸᱫ ᱾ ᱑᱙᱒᱐ ᱠᱷᱚᱱ ᱑᱙᱓᱐ ᱥᱟᱞ ᱵᱷᱤᱛᱨᱤ ᱨᱮ ᱨᱚᱲᱭᱚᱢ ᱨᱮᱭᱟᱜ ᱱᱟᱯᱟᱭ ᱵᱮᱵᱷᱟᱨ ᱞᱟ.ᱜᱤᱫ ᱠᱩᱨᱩᱢᱩᱴᱩ ᱪᱟᱞᱟᱣ ᱮᱱᱟ ᱾ ᱠᱚᱞᱱᱮᱞ ᱞᱤᱸᱰᱵᱚᱨᱜᱽ ᱟᱴᱞᱟᱱᱴᱤᱠ ᱪᱮᱛᱟᱱ ᱨᱮ ᱩᱰᱟ.ᱱ ᱥᱟᱸᱜᱷᱟᱨ ᱚᱠᱛᱚ ᱨᱮᱭᱟᱜ ᱞᱮᱠᱷᱟᱡᱚᱠᱷᱟᱭ ᱮᱢ ᱞᱮᱫ ᱛᱟᱦᱮᱸᱱ ᱾ ᱯᱟᱞᱮ ᱑᱒᱐ ᱠᱷᱚᱱ ᱦᱚᱸ ᱵᱟ.ᱲᱛᱤ ᱛᱟᱞᱢᱟ ᱦᱚᱛᱮᱛᱮ ᱱᱤᱛᱚᱜ ᱫᱤᱥᱚᱢ ᱥᱮ ᱫᱤᱥᱚᱢ ᱵᱟᱦᱮᱨ ᱨᱮ ᱥᱟᱭ ᱜᱮᱥᱟᱭ ᱠᱷᱚᱱ ᱦᱚᱸ ᱵᱟ.ᱲᱛᱤ ᱨᱚᱲᱭᱚᱢ ᱛᱟᱞᱢᱟ ᱦᱚᱨᱚᱵᱚᱨᱚ ᱞᱮᱠᱟᱱ ᱞᱮᱠᱟᱱ ᱠᱟ.ᱢᱤᱦᱚᱨᱟ ᱨᱚᱲᱭᱚᱢ ᱦᱚᱛᱮᱛᱮ ᱪᱷᱟᱨᱟᱣ ᱠᱟ.ᱢᱤᱨᱮ ᱜᱷᱳᱲ ᱟᱠᱟᱱᱟ ᱾ ᱡᱚᱛᱚ ᱞᱮᱠᱟᱱ ᱵᱚᱭᱚᱥ ᱟᱨ ᱡᱚᱛᱚ ᱞᱮᱠᱟᱱ ᱦᱟ.ᱴᱤᱧ ᱨᱤᱱ ᱦᱚᱲ ᱞᱟ.ᱜᱤᱫ ᱟ.ᱰᱤᱜᱟᱱ ᱞᱟ.ᱠᱛᱤ ᱞᱮᱠᱟᱱ ᱠᱟ.ᱢᱤᱦᱚᱨᱟ ᱨᱚᱲᱭᱚᱢ ᱦᱚᱛᱮᱛᱮ ᱯᱟᱨᱥᱟᱞ ᱦᱩᱭᱩᱜ ᱠᱟᱱᱟ ᱾ ᱨᱚᱲᱭᱚᱢ ᱛᱟᱞᱢᱟ ᱨᱤᱱᱤᱡ ᱩᱫᱩᱜᱤᱭᱟ., ᱞᱮᱠᱟᱱ ᱞᱮᱠᱟᱱ ᱠᱟ.ᱢᱤᱭᱟ. ᱠᱚ, ᱵᱟᱰᱚᱦᱤ ᱠᱚᱣᱟᱜ ᱜᱚᱲᱚ ᱥᱚᱦᱚᱫ ᱛᱮ ᱟ. ᱰᱤ ᱞᱮᱠᱟᱱ ᱠᱟ.ᱢᱤᱦᱚᱨᱟ ᱠᱚ ᱥᱚᱫᱚᱨ ᱥᱟᱢᱟᱝ ᱫᱟᱲᱮᱭᱟᱜ ᱠᱟᱱᱟ ᱾

ᱟᱥᱲᱟ ᱠᱟ.ᱢᱤᱦᱚᱨᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱮᱛᱮᱫᱤᱭᱟ. ᱠᱚ ᱦᱩᱫᱤᱥ ᱨᱮ ᱫᱚᱦᱚ ᱠᱟᱛᱮ ᱨᱚᱲᱭᱚᱢ ᱦᱚᱛᱮᱛᱮ ᱟᱥᱲᱟ ᱠᱟ.ᱢᱤᱦᱚᱨᱟ ᱩᱪᱷᱟ.ᱱ ᱞᱟ.ᱜᱤᱫ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾ ᱜᱟᱭᱟᱱ, ᱠᱟ.ᱦᱱᱤ ᱟᱨ ᱥᱮᱨᱮᱧ ᱛᱟᱞᱟᱛᱮ ᱞᱮᱠᱟᱱ ᱞᱮᱠᱟᱱ ᱥᱮᱪᱮᱫ ᱥᱟᱢᱟᱱ ᱥᱚᱫᱚᱨ ᱥᱟᱢᱟᱝ ᱦᱩᱭᱩᱜᱼᱟ ᱾ ᱱᱚᱣᱟ ᱨᱮ ᱜᱤᱫᱽᱨᱟ. ᱵᱟᱰᱚᱦᱤᱭᱟ. ᱠᱚᱦᱚᱸ ᱫᱟᱣ ᱠᱚ ᱦᱟᱛᱟᱣᱟ ᱾

ᱯᱩᱭᱞᱩ ᱨᱮᱰᱤᱭᱳ ᱥᱴᱮᱥᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱑᱘ ᱥᱟᱞᱮᱨᱮ ᱞᱤ ᱫᱤ ᱯᱷᱳᱨᱮᱥᱴ ᱫᱚ ᱱᱭᱩ ᱭᱚᱨᱠ ᱨᱮᱭᱟᱜ ᱦᱟᱭᱵᱨᱤᱡᱽ ᱴᱚᱴᱷᱟᱨᱮ ᱫᱩᱱᱤᱭᱟ. ᱨᱮᱭᱟᱜ ᱯᱩᱭᱞᱩ ᱨᱮᱰᱤᱭᱳ ᱥᱴᱮᱥᱚᱱ ᱮ ᱮᱛᱚᱦᱚᱵ ᱠᱮᱫᱼᱟ ᱾ ᱤᱠᱷᱟ.ᱱ ᱛᱤᱱᱟ.ᱝ ᱫᱤᱱ ᱠᱷᱟᱱ ᱜᱮ ᱱᱚᱣᱟ ᱠᱟᱛᱷᱟ ᱯᱩᱞᱤᱥ ᱠᱚ ᱵᱟᱰᱟᱭ ᱧᱟᱢ ᱠᱮᱫᱼᱟ ᱟᱨ ᱨᱮᱰᱤᱭᱳ ᱥᱴᱮᱥᱚᱱ ᱠᱚ ᱵᱚᱸᱫᱽ ᱚᱪᱚ ᱠᱮᱫ ᱠᱚᱣᱟ ᱾

ᱢᱤᱫ ᱥᱮᱨᱢᱟ ᱛᱟᱭᱚᱢ ᱞᱤ ᱫᱟ ᱯᱷᱳᱨᱮᱥᱴ ᱫᱚ ᱑᱙᱑᱙ ᱥᱟᱞᱮᱨᱮ ᱥᱮᱱ ᱯᱷᱨᱮᱱᱥᱤᱥᱠᱳ ᱨᱮ ᱟᱨ ᱢᱤᱫ ᱨᱮᱰᱤᱭᱳ ᱥᱴᱮᱥᱚᱱ ᱮ ᱮᱛᱚᱦᱚᱵ ᱠᱮᱫᱼᱟ ᱾

ᱱᱚᱵᱷᱮᱢᱵᱚᱨ ᱑᱙᱒᱐ ᱥᱟᱞᱮᱨᱮ ᱱᱚᱣᱥᱮᱱᱟ ᱠᱚᱣᱟᱜ ᱨᱮᱰᱤᱭᱳ ᱵᱤᱵᱷᱟᱜᱽ ᱨᱮᱭ ᱠᱟ.ᱢᱤ ᱦᱩᱭ ᱟᱠᱟᱫ ᱯᱷᱨᱮᱸᱠ ᱠᱟᱱᱟᱨᱰ ᱫᱚ ᱫᱩᱱᱤᱭᱟ. ᱨᱮ ᱯᱩᱭᱞᱩ ᱫᱷᱟᱣ ᱠᱟᱱᱩᱱ ᱰᱟᱦᱟᱨ ᱛᱮ ᱨᱮᱰᱤᱭᱳ ᱥᱴᱮᱥᱚᱱ ᱮᱛᱚᱦᱚᱵᱽ ᱨᱮᱭᱟᱜ ᱫᱟᱣ ᱮ ᱟᱢᱮᱴ ᱠᱮᱫᱼᱟ ᱾

ᱛᱤᱱᱟ.ᱝ ᱥᱮᱨᱢᱟ ᱠᱷᱟᱱ ᱜᱮ ᱧᱮᱞ ᱧᱮᱞ ᱛᱮ ᱡᱮᱜᱮᱛ ᱡᱟᱠᱟᱛ ᱨᱮ ᱥᱟᱭ ᱜᱮᱥᱟᱭ ᱨᱮᱰᱤᱭᱳ ᱥᱴᱮᱥᱚᱱ ᱠᱟ.ᱢᱤ ᱞᱟ.ᱜᱤᱫ ᱮ ᱮᱛᱚᱦᱚᱵ ᱠᱮᱫᱼᱟ ᱾

ᱨᱮᱰᱤᱭᱳ ᱨᱮ Advertisements ᱮᱢ ᱑᱙᱒᱓ ᱥᱟᱞᱮᱨᱮᱭ ᱮᱛᱚᱦᱚᱵ ᱠᱮᱫᱼᱟ ᱾ ᱤᱱᱟ. ᱛᱟᱭᱚᱢ ᱵᱨᱤᱴᱮᱱ ᱨᱮ ᱵᱤᱵᱤᱥᱤ ᱟᱨ ᱟᱢᱮᱨᱤᱠᱟ ᱨᱮ ᱥᱤᱵᱤᱮᱥ ᱟᱨ ᱮᱱᱵᱤᱥᱤ ᱞᱮᱠᱟᱱ ᱥᱚᱨᱠᱟᱨᱤ ᱨᱮᱰᱤᱭᱳ ᱥᱴᱮᱥᱚᱱ ᱮᱢᱟᱱ ᱮᱛᱚᱦᱚᱵ ᱦᱩᱭ ᱮᱱᱟ ᱾

ᱱᱚᱵᱷᱮᱢᱵᱚᱨ ᱑᱙᱔᱑ ᱥᱟᱞᱮᱨᱮ ᱥᱩᱵᱷᱟᱥ ᱪᱚᱸᱫᱽᱨᱚ ᱵᱳᱥ ᱫᱚ ᱡᱚᱨᱢᱟᱱᱤ ᱠᱷᱚᱱ ᱨᱮᱰᱤᱭᱳ ᱛᱮ ᱵᱷᱟᱨᱚᱛᱤᱭᱟ. ᱠᱚ ᱥᱟᱶ ᱥᱟ.ᱜᱟ.ᱭ ᱮ ᱡᱚᱲᱟᱣ ᱞᱮᱫᱼᱟ ᱾

ᱵᱷᱟᱨᱚᱛ ᱟᱨ ᱨᱚᱲᱭᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱒᱗ ᱫᱷᱟ.ᱵᱤᱡ ᱵᱷᱟᱨᱚᱛ ᱨᱮᱦᱚᱸ ᱟ.ᱰᱤ ᱟᱢᱫᱟ ᱨᱮᱰᱤᱭᱳ ᱠᱞᱳᱵᱽ ᱠᱚ ᱛᱷᱟᱯᱚᱱ ᱦᱩᱭ ᱟᱠᱟᱫ ᱛᱟᱦᱮᱸᱫ ᱾ ᱑᱙᱓᱖ ᱥᱟᱞᱮᱨᱮ ᱵᱷᱟᱨᱚᱛ ᱨᱮ ᱥᱚᱨᱠᱟᱨᱤ "ᱤᱢᱯᱮᱨᱤᱭᱟᱞ ᱨᱮᱰᱤᱭᱳ ᱳᱯᱷ ᱤᱱᱰᱤᱭᱟ" ᱨᱮᱠᱚ ᱮᱦᱚᱵ ᱠᱮᱫᱼᱟ ᱡᱟᱦᱟᱸ ᱫᱚ ᱯᱷᱩᱨᱜᱟ.ᱞ ᱛᱟᱭᱚᱢ ᱳᱞ ᱤᱱᱰᱤᱭᱟ ᱨᱮᱰᱤᱭᱳ ᱥᱮ ᱥᱮᱨᱢᱟ ᱟᱲᱟᱝ ᱵᱮᱱᱟᱣ ᱮᱱᱟ ᱾

ᱟᱨ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/Outline_of_radio

https://en.m.wikipedia.org/wiki/Radio_broadcasting

https://en.m.wikipedia.org/wiki/Radio_quiet_zone

ᱥᱟᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

http://www.radio-electronics.com/info/rf-technology-design/index.php

http://www.radio-electronics.com/info/rf-technology-design/index.php

https://books.google.com/books?id=nZAVGBoPevUC&pg=PA25&lr=&as_brr=3&ei=F4-sSKuzO6XmtgO4393BBA&sig=ACfU3U0g0vtYCOzP0LCCzdRfr7bgKwvTNg#PPA24,M1

https://en.m.wikipedia.org/wiki/International_Standard_Book_Number

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/Wikimedia_Commons

https://commons.wikimedia.org/wiki/Special:Search/Category:Radio

https://en.wikiquote.org/wiki/Special:Search/Radio