ᱨᱚᱵᱤᱞᱳᱪᱚᱱ ᱢᱩᱨᱢᱩ
ᱨᱚᱵᱤᱞᱳᱪᱚᱱ ᱢᱩᱨᱢᱩ (ᱤᱝᱨᱮᱡᱤ: Rabilochan Murmu) ᱫᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱠᱟᱹᱦᱱᱤᱭᱟᱹ ᱟᱨ ᱯᱟᱛᱷᱟᱢ ᱥᱟᱥᱟᱯᱲᱟᱣᱤᱡ ᱮ ᱛᱟᱦᱮᱸ ᱠᱟᱱᱟ᱾ ᱥᱟᱱᱛᱟᱲᱤ ᱯᱟᱹᱨᱥᱤ ᱟᱨ ᱥᱟᱶᱦᱮᱫ ᱩᱛᱱᱟᱹᱣ ᱨᱮ ᱩᱱᱤ ᱫᱚ ᱢᱤᱫ ᱛᱷᱤᱨ ᱠᱟᱹᱢᱤᱭᱟᱹ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱟ᱾
ᱡᱟᱱᱟᱢ ᱟᱨ ᱜᱷᱟᱨᱚᱸᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱚᱵᱤᱞᱳᱪᱚᱱ ᱢᱩᱨᱢᱩ ᱫᱚ ᱒᱒ ᱚᱠᱴᱚᱵᱚᱨ ᱑᱙᱔᱕ ᱥᱟᱞᱮ ᱨᱮ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱭᱟᱜ ᱵᱟᱸᱠᱩᱲᱟ ᱦᱚᱱᱚᱛ ᱛᱟᱹᱨᱤ ᱨᱮ ᱢᱮᱱᱟᱜ 'ᱛᱤᱞᱩᱰᱤᱦ ᱩᱫᱚᱭᱯᱩᱨ' ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ ᱾[᱑] ᱟᱡ ᱵᱟᱵᱟᱦᱟᱜ ᱧᱩᱛᱩᱢ ᱫᱚ ᱵᱷᱤᱧᱡᱩᱞᱟᱞ ᱢᱩᱨᱢᱩ ᱟᱨ ᱟᱭᱳᱣᱟᱜ ᱧᱩᱛᱩᱢ ᱫᱚ ᱞᱚᱠᱷᱢᱤ ᱢᱩᱨᱢᱩ ᱛᱟᱦᱮᱸ ᱠᱟᱱᱟ ᱾[᱑]
ᱱᱤᱛᱚᱜ ᱫᱚ ᱩᱱᱤ ᱦᱩᱜᱽᱞᱤ ᱦᱚᱱᱚᱛ ᱨᱮᱭᱟᱜ ᱠᱷᱚᱱᱱᱟᱱ ᱥᱩᱨ ᱨᱚᱜᱷᱩᱱᱟᱛᱷᱯᱩᱨ ᱨᱮᱭ ᱜᱤᱨᱟᱹᱵᱟᱥ ᱟᱠᱟᱱᱟ᱾[᱒]
ᱥᱟᱶᱦᱮᱫ ᱮᱱᱮᱢ ᱟᱨ ᱥᱟᱥᱟᱯᱲᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱹᱦᱱᱤ ᱚᱞ ᱵᱮᱜᱚᱨ ᱦᱚᱸ ᱥᱟᱶᱦᱮᱫ ᱨᱮᱱᱟᱜ ᱮᱴᱟᱜ ᱦᱟᱹᱴᱤᱧ ᱠᱚᱨᱮ ᱟᱡᱟᱜ ᱚᱞ ᱠᱚ ᱧᱮᱞᱚᱜᱼᱟ᱾ ᱟᱡᱟᱜ ᱚᱞ ᱠᱚᱫᱚ ᱟᱭᱢᱟ ᱯᱟᱛᱷᱟᱢ ᱠᱚᱨᱮ ᱯᱟᱨᱥᱟᱞ ᱟᱠᱟᱱᱟ᱾ ᱟᱡᱟᱜ ᱠᱟᱹᱦᱱᱤ ᱠᱚᱫᱚ ᱢᱩᱬᱩᱛ ᱞᱮᱠᱟᱛᱮ ᱜᱷᱟᱨᱚᱸᱡᱽ ᱟᱨ ᱥᱟᱶᱛᱟ ᱨᱮᱱᱟᱜ ᱵᱷᱤᱛ ᱪᱮᱛᱟᱱ ᱨᱮ ᱜᱚᱲᱦᱚᱱ ᱟᱠᱟᱱᱟ᱾ ᱜᱷᱟᱨᱚᱸᱡᱽ ᱨᱮᱱᱟᱜ ᱟᱱᱟᱴ, ᱵᱷᱩᱞ ᱵᱩᱡᱷᱟᱹᱣ, ᱟᱨ ᱥᱟᱶᱛᱟ ᱨᱮᱱᱟᱜ ᱮᱴᱠᱮᱴᱚᱬᱮ ᱠᱚ ᱟᱹᱰᱤ ᱥᱟᱹᱨᱤ ᱪᱤᱛᱟᱹᱨ ᱞᱮᱠᱟᱛᱮᱭ ᱥᱚᱫᱚᱨ ᱟᱠᱟᱫᱟ ᱟᱨ ᱚᱱᱟ ᱨᱮᱱᱟᱜ ᱥᱚᱞᱦᱮ ᱰᱟᱦᱟᱨ ᱦᱚᱸᱭ ᱩᱫᱩᱜ ᱟᱠᱟᱫᱟ᱾ ᱥᱟᱶᱛᱟ ᱨᱮᱱᱟᱜ ᱱᱟᱦᱟᱪᱟᱨ ᱟᱨ ᱫᱩᱠᱷ ᱦᱚᱸ ᱟᱡᱟᱜ ᱠᱟᱹᱦᱱᱤ ᱨᱮ ᱯᱷᱚᱴᱮᱞ ᱨᱟᱠᱟᱵ ᱟᱠᱟᱱᱟ᱾[᱒]
ᱠᱟᱹᱦᱱᱤᱭᱟᱹ ᱥᱟᱶᱛᱮ ᱢᱤᱫ ᱥᱟᱥᱟᱯᱲᱟᱣᱤᱡ ᱞᱮᱠᱟᱛᱮ ᱦᱚᱸ ᱩᱱᱤ ᱟᱡᱟᱜ ᱫᱟᱲᱮᱭ ᱩᱫᱩᱜ ᱟᱠᱟᱫᱟ᱾ ᱑᱙᱙᱕ ᱥᱟᱞᱮ ᱠᱷᱚᱱ ᱩᱱᱤ ᱫᱚ "ᱪᱟ-ᱪᱳ" ᱧᱩᱛᱩᱢᱟᱱ ᱢᱤᱫ ᱯᱮᱼᱪᱟᱸᱫᱚᱠᱤᱭᱟᱹ ᱥᱟᱶᱦᱮᱫ ᱯᱟᱛᱷᱟᱢ ᱮ ᱥᱟᱯᱲᱟᱣᱮᱫ ᱛᱟᱦᱮᱸᱫ᱾ ᱱᱚᱶᱟ ᱯᱟᱛᱷᱟᱢ ᱛᱟᱞᱟ ᱛᱮ ᱩᱱᱤ ᱢᱚᱪᱟ ᱠᱟᱛᱷᱟ ᱥᱟᱶᱦᱮᱫ ᱠᱚ ᱛᱩᱢᱟᱹᱞ ᱡᱟᱣᱨᱟ ᱠᱟᱛᱮ ᱚᱞ ᱫᱚᱦᱚᱭ ᱨᱮᱱᱟᱜ ᱮ ᱠᱩᱨᱩᱢᱩᱴᱩ ᱞᱮᱫᱟ᱾ ᱱᱚᱶᱟ ᱨᱮ ᱟᱭᱢᱟ ᱫᱟᱢᱟᱱ ᱚᱱᱚᱞ ᱠᱚ ᱦᱚᱸ ᱯᱟᱨᱥᱟᱞ ᱟᱠᱟᱱᱟ ᱾[᱒]
ᱯᱟᱨᱥᱟᱞ ᱟᱠᱟᱱ ᱯᱚᱛᱚᱵ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱟᱦᱞᱟ (Ahla): ᱱᱚᱶᱟ ᱯᱚᱛᱚᱵ ᱫᱚ ᱑᱙᱙᱑ ᱥᱟᱞᱮ ᱨᱮ ᱯᱟᱨᱥᱟᱞ ᱟᱠᱟᱱᱟ ᱾[᱑]