Jump to content

ᱨᱚᱵᱤᱱᱫᱨᱚ ᱡᱟᱰᱮᱡᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱨᱚᱵᱤᱱᱫᱨᱚ ᱡᱟᱰᱮᱡᱟ
᱒᱐᱒᱔ ᱨᱮ ᱡᱟᱰᱮᱡᱟ
ᱟᱯᱱᱟᱨᱟᱜ ᱠᱟᱛᱷᱟ
ᱯᱩᱨᱟᱹ ᱧᱩᱛᱩᱢᱨᱚᱵᱤᱱᱫᱨᱚᱥᱤᱝ ᱚᱱᱤᱨᱩᱫᱷᱥᱤᱝ ᱡᱟᱰᱮᱡᱟ
ᱡᱟᱱᱟᱢ᱖ ᱰᱤᱥᱮᱢᱵᱚᱨ ᱑᱙᱘᱘ (1988-12-06) (᱓᱗ ᱥᱮᱨᱢᱟ)
ᱱᱟᱣᱟᱜᱟᱢ ᱜᱷᱮᱰ, ᱜᱩᱡᱽᱨᱟᱴ, ᱥᱤᱧᱚᱛ
ᱦᱚᱦᱚ ᱧᱩᱛᱩᱢᱡᱟᱰᱰᱩ,[᱑] ᱛᱷᱟᱞᱟᱯᱚᱛᱷᱤ[᱒]
ᱩᱥᱩᱞ1.73 m (5 ft 8 in)
ᱵᱮᱴᱤᱝᱞᱮᱸᱜᱟ ᱛᱤ ᱛᱮ ᱠᱟᱹᱢᱤ ᱭᱤᱡ
ᱵᱚᱞᱤᱝᱵᱟᱹᱭ ᱵᱟᱹᱭ ᱛᱮ ᱞᱮᱸᱜᱟ ᱛᱤ ᱚᱨᱛᱷᱚᱰᱚᱠᱥ
ᱯᱟᱴᱚᱞ ᱨᱟᱣᱩᱱᱰᱟᱨ
ᱥᱟᱹᱜᱟᱹᱭᱨᱤᱵᱷᱟᱵᱟ ᱡᱟᱰᱮᱡᱟ (ᱵᱟᱹᱦᱩ)
ᱡᱮᱜᱮᱛᱟᱹᱨᱤ ᱠᱟᱛᱷᱟ
ᱡᱟᱹᱛᱤᱭᱟᱹᱨᱤ ᱯᱟᱥᱴᱟ
  • ᱥᱤᱧᱚᱛ (᱒᱐᱐᱙ ᱠᱷᱚᱱ ᱱᱤᱛ ᱫᱷᱟᱹᱨᱤᱡ)
ᱮᱛᱚᱦᱚᱵ ᱴᱮᱥᱴ (ᱠᱮᱯ ᱒᱗᱕)᱑᱓ ᱰᱤᱥᱮᱢᱵᱚᱨ ᱒᱐᱑᱒ ᱵ ᱤᱝᱞᱮᱱᱰ
ᱢᱩᱪᱟᱹᱫ ᱴᱮᱥᱴ᱓᱑ ᱡᱩᱞᱟᱭ ᱒᱐᱒᱕ ᱵ ᱤᱝᱞᱮᱱᱰ
ᱴᱤ᱒᱐ᱟᱭ ᱮᱛᱚᱦᱚᱵ (ᱠᱮᱯ ᱒᱒){{{T20Idebutdate}}} ᱒᱐᱐᱙ v ᱥᱨᱤ ᱞᱚᱝᱠᱟ
ᱢᱩᱪᱟᱹᱫ ᱴᱤ᱒᱐ᱟᱭ᱒᱙ ᱡᱩᱱ ᱒᱐᱒᱔ ᱵ ᱮᱛᱚᱢ ᱟᱯᱷᱨᱤᱠᱟ
ᱴᱤ᱒᱐ᱟᱭ ᱥᱟᱨᱴ ᱮᱞ᱘ (ᱢᱟᱲᱟᱝ ᱘᱘)
ᱚᱲᱟᱜ ᱫᱚᱞ ᱨᱮᱭᱟᱜ ᱠᱟᱛᱷᱟ
ᱥᱮᱨᱢᱟᱫᱚᱞ
᱒᱐᱐᱖ ᱠᱷᱚᱱ ᱱᱤᱛ ᱫᱷᱟᱹᱨᱤᱡᱥᱚᱣᱨᱟᱥᱴᱨᱟ
᱒᱐᱐᱘–᱒᱐᱐᱙ᱨᱟᱡᱚᱥᱛᱷᱟᱱ ᱨᱳᱭᱟᱞᱥ
᱒᱐᱑᱑ᱠᱳᱪᱤ ᱴᱩᱥᱠᱮᱨᱥ ᱠᱮᱨᱟᱞ
᱒᱐᱑᱒–᱒᱐᱑᱕ᱪᱮᱱᱱᱟᱭ ᱥᱩᱯᱟᱨ ᱠᱤᱝ
᱒᱐᱑᱖–᱒᱐᱑᱗ᱜᱩᱡᱽᱨᱟᱴ ᱞᱟᱭᱮᱱ
᱒᱐᱑᱘ ᱠᱷᱚᱱ ᱱᱤᱛ ᱫᱷᱟᱹᱨᱤᱡᱪᱮᱱᱱᱟᱭ ᱥᱩᱯᱟᱨ ᱥᱤᱝ
ᱠᱟᱹᱢᱤ ᱦᱚᱨᱟ ᱥᱴᱮᱴᱟᱥᱴᱤᱠ
ᱦᱮᱯᱨᱟᱣ ᱴᱮᱥᱴ ᱳᱰᱤᱟᱭᱤ T20I FC
ᱢᱮᱪ ᱨᱮᱭᱟᱜ ᱮᱞ ᱘᱕ ᱒᱐᱔ ᱗᱔ ᱑᱔᱑
ᱨᱟᱱ ᱨᱮᱭᱟᱜ ᱮᱞ ᱓,᱘᱘᱖ ᱒,᱘᱐᱖ ᱕᱑᱕ ᱗,᱙᱗᱗
ᱵᱮᱴᱤᱝ ᱜᱷᱩᱸᱴ ᱓᱗.᱗᱒ ᱓᱒.᱖᱒ ᱒᱑.᱔᱕ ᱔᱕.᱐᱖
᱑᱐᱐/᱕᱐ ᱕/᱒᱗ ᱐/᱑᱓ ᱐/᱐ ᱑᱔/᱔᱓
ᱪᱮᱛᱟᱱ ᱥᱠᱳᱨ ᱑᱗᱕* ᱘᱗ ᱔᱖* ᱓᱓᱑
ᱵᱚᱞ ᱟᱠᱟᱫᱟᱭ ᱑᱙,᱓᱒᱖ ᱑᱐,᱑᱑᱖ ᱑,᱓᱕᱖ ᱓᱑,᱗᱗᱕
ᱣᱤᱠᱮᱴ ᱓᱓᱐ ᱒᱓᱑ ᱕᱔ ᱕᱖᱑
ᱵᱚᱞᱤᱝ ᱜᱷᱩᱸᱴ ᱒᱕.᱑᱖ ᱓᱕.᱔᱑ ᱒᱙.᱘᱕ ᱒᱔.᱑᱐
ᱤᱱᱤᱝᱥ ᱨᱮ ᱕ ᱣᱤᱠᱮᱴ ᱑᱕ ᱒ ᱐ ᱓᱖
ᱢᱮᱪ ᱨᱮ ᱑᱐ ᱣᱤᱠᱮᱴ ᱓ ᱐ ᱐ ᱑᱐
ᱪᱮᱛᱟᱱ ᱥᱠᱳᱨ ᱗/᱔᱒ ᱕/᱓᱓ ᱓/᱑᱕ ᱗/᱓᱑
ᱠᱮᱪ/ᱥᱴᱮᱢᱯᱤᱝ ᱔᱗/– ᱗᱖/– ᱒᱘/– ᱙᱗/–
ᱯᱷᱮᱰᱟᱛ: ESPNcricinfo, ᱔ ᱚᱜᱚᱥᱴ ᱒᱐᱒᱕

ᱨᱚᱵᱤᱱᱫᱨᱚᱥᱤᱝ ᱚᱱᱤᱨᱩᱫᱷᱥᱤᱝ ᱡᱟᱰᱮᱡᱟ (ᱡᱟᱱᱟᱢ ᱖ ᱰᱤᱥᱮᱢᱵᱚᱨ ᱑᱙᱘᱘) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱠᱨᱤᱠᱮᱴᱟᱨ ᱠᱟᱱᱟᱭ ᱾ ᱱᱩᱭ ᱫᱚ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱨᱤᱠᱮᱴ ᱫᱚᱞ ᱨᱮ ᱢᱤᱫ ᱫᱤᱱ ᱟᱨ ᱴᱮᱥᱴ ᱨᱮᱭ ᱠᱷᱮᱞ ᱟᱠᱟᱜᱼᱟ ᱾ ᱩᱱᱤ ᱫᱚ ᱢᱤᱫ ᱚᱞᱨᱟᱣᱩᱱᱰᱚᱨ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱞᱮᱸᱜᱟ ᱛᱤ ᱛᱮ ᱠᱟᱹᱢᱤ ᱵᱮᱴᱥ ᱟᱨ ᱞᱮᱸᱜᱟ ᱛᱤ ᱛᱮ ᱚᱨᱛᱷᱚᱰᱚᱠᱥ ᱥᱯᱤᱱ ᱵᱮᱴᱥ ᱮ ᱠᱷᱮᱞ ᱟᱭᱟ ᱾ ᱩᱱᱤ ᱫᱚ ᱯᱟᱥᱱᱟᱣ ᱞᱮᱠᱟᱛᱮ ᱢᱤᱫ ᱢᱟᱨᱟᱝ ᱚᱞ ᱨᱟᱣᱩᱱᱰᱟᱨ ᱟᱨ ᱟᱡᱟᱜ ᱯᱤᱲᱤ ᱨᱤᱱᱤᱡ ᱢᱤᱫ ᱥᱚᱨᱮᱥ ᱯᱷᱤᱞᱰᱟᱨ ᱞᱮᱠᱟᱛᱮ ᱢᱟᱱᱟᱣ ᱟᱠᱟᱱᱟᱭ ᱾ ᱩᱱᱤ ᱫᱚ ᱯᱟᱹᱦᱤᱞ ᱫᱷᱟᱯ ᱠᱨᱤᱠᱮᱴ ᱨᱮ ᱥᱚᱨᱟᱥᱴᱨᱟ ᱨᱮᱭᱟᱜ ᱯᱨᱚᱛᱷᱤᱥ ᱮ ᱦᱟᱛᱟᱣ ᱟᱠᱟᱫᱟ ᱟᱨ ᱵᱷᱟᱨᱚᱱ ᱯᱨᱤᱢᱤᱭᱟᱨ ᱞᱤᱜᱽ ᱨᱮ ᱪᱮᱱᱱᱟᱭ ᱥᱩᱯᱟᱨ ᱠᱤᱝᱥ ᱨᱤᱱᱤᱡ ᱠᱮᱯᱴᱮᱱ ᱦᱩᱭ ᱟᱠᱟᱱᱟ ᱾ᱡᱟᱰᱮᱡᱟ ᱒᱐᱑᱓ ᱟᱨ ᱒᱐᱒᱕ ᱨᱮ ᱟᱭᱤᱥᱤᱥᱤ ᱪᱟᱢᱯᱤᱭᱟᱱᱥ ᱴᱨᱳᱯᱤ ᱡᱤᱛᱠᱟᱹᱨ ᱟᱠᱟᱱ ᱤᱱᱰᱤᱭᱟᱱ ᱴᱤᱢ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱥᱚᱦᱮᱫ ᱛᱟᱦᱮᱸ ᱠᱟᱱᱟᱭ, ᱩᱱᱤ ᱫᱚ ᱒᱐᱒᱔ ᱟᱭᱤ.ᱥᱤ.ᱥᱤ. ᱴᱤ.᱒᱐ ᱡᱮᱜᱮᱛ ᱠᱟᱯ ᱡᱤᱛᱠᱟᱹᱨ ᱟᱠᱟᱱ ᱤᱱᱰᱤᱭᱟᱱ ᱴᱤᱢ ᱨᱤᱱᱤᱡ ᱦᱟᱹᱴᱤᱧ ᱦᱚᱸ ᱛᱟᱦᱮᱸ ᱠᱟᱱᱟᱭ ᱾

ᱡᱟᱰᱮᱡᱟ ᱫᱚ ᱤᱱᱰᱤᱭᱟᱱ ᱟᱱᱰᱚᱨ ᱑᱙ ᱠᱨᱤᱠᱮᱴ ᱴᱤᱢ ᱨᱮᱱ ᱩᱯ-ᱠᱮᱯᱴᱮᱱ ᱠᱟᱱᱟᱭ, ᱡᱟᱦᱟᱸ ᱫᱚ ᱒᱐᱐᱘ ᱨᱮ ᱢᱟᱞᱮᱥᱤᱭᱟ ᱨᱮ ᱡᱮᱜᱮᱛ ᱠᱟᱯ ᱡᱤᱛᱠᱟᱹᱨ ᱞᱮᱱᱟ, ᱡᱟᱦᱟᱸ ᱫᱚ ᱢᱟᱲᱟᱝ ᱤᱱᱰᱤᱭᱟᱱ ᱠᱟᱯᱴᱮᱱ ᱵᱷᱤᱨᱟᱴ ᱠᱳᱦᱞᱤ ᱤᱫᱤ ᱛᱮᱭ ᱡᱤᱛᱠᱟᱹᱨ ᱞᱮᱱᱟ ᱾[᱓] ᱩᱱᱤ ᱫᱚ ᱘ ᱯᱷᱮᱵᱽᱨᱩᱣᱟᱨᱤ ᱒᱐᱐᱙ ᱨᱮ ᱥᱨᱤᱞᱚᱝᱠᱟ ᱨᱮ ᱟᱡᱟᱜ ᱢᱤᱫ ᱫᱤᱱ ᱨᱮ ᱮᱛᱚᱦᱚᱵ ᱞᱮᱫᱼᱟ ᱟᱨ ᱚᱱᱟ ᱢᱮᱪ ᱨᱮ ᱗᱗ ᱜᱚᱴᱟᱝ ᱵᱚᱞ ᱨᱮ ᱖᱐ ᱨᱟᱱ ᱮ ᱦᱟᱢᱮᱴ ᱞᱮᱫᱼᱟ ᱾ ᱢᱮᱱᱠᱷᱟᱱ, ᱩᱱᱤ ᱫᱚ ᱯᱩᱱ ᱥᱮᱨᱢᱟ ᱛᱟᱭᱚᱢ, ᱑᱓ ᱰᱤᱥᱮᱢᱵᱚᱨ ᱒᱐᱑᱒ ᱦᱤᱞᱚᱜ ᱱᱟᱜᱽᱯᱩᱨ ᱨᱮ ᱤᱝᱞᱮᱱᱰ ᱵᱤᱨᱩᱫᱷ ᱨᱮ ᱴᱮᱥᱴ ᱠᱨᱤᱠᱮᱴ ᱨᱮ ᱯᱩᱭᱞᱩ ᱫᱷᱟᱣ ᱮ ᱠᱷᱮᱞ ᱞᱮᱫᱼᱟ ᱾[᱔]

ᱡᱟᱰᱮᱡᱟ ᱫᱚ ᱒᱐᱑᱒ ᱥᱮᱨᱢᱟ ᱨᱮ ᱪᱮᱱᱱᱟᱭ ᱥᱩᱯᱚᱨ ᱠᱤᱝᱥ ᱯᱞᱮᱭᱟᱨᱥ ᱟᱠᱥᱚᱱ ᱨᱮ ᱒᱐ ᱞᱟᱠᱷ ᱰᱚᱞᱟᱨ ᱨᱮᱭ ᱦᱟᱛᱟᱣ ᱞᱮᱫ ᱛᱟᱦᱮᱸᱫ ᱾ ᱪᱮᱱᱱᱟᱭ ᱥᱩᱯᱚᱨ ᱠᱤᱝᱥ ᱨᱮᱱᱟᱜ ᱟᱭᱤ ᱯᱤ ᱮᱞ ᱠᱷᱚᱱ ᱵᱟᱨ ᱥᱤᱡᱚᱱ ᱞᱟᱹᱜᱤᱫ ᱵᱟᱱᱫᱷᱟᱣ ᱠᱟᱛᱮ ᱒᱐᱑᱖ ᱟᱭᱤ ᱯᱤ ᱮᱞ ᱠᱷᱤᱞᱟᱲᱤᱭᱟᱹ ᱳᱠᱥᱟᱱ ᱨᱮ ᱜᱩᱡᱟᱨᱟᱴ ᱞᱟᱭᱚᱱᱥ ᱫᱚ ᱙.᱕ ᱠᱳᱴᱤ ᱛᱮ ᱠᱤᱨᱤᱧ ᱠᱮᱫᱮᱭᱟ ᱾ ᱒᱒ ᱡᱟᱱᱩᱣᱟᱨᱤ ᱒᱐᱑᱗ ᱨᱮ, ᱡᱟᱰᱮᱡᱟ ᱑᱕᱐ ᱢᱤᱫ ᱫᱤᱱ ᱡᱮᱡᱟᱹᱛᱤᱭᱟᱹᱨᱤ ᱣᱤᱠᱮᱴ ᱦᱟᱛᱟᱣ ᱠᱟᱛᱮ ᱯᱩᱭᱞᱩ ᱵᱷᱟᱨᱚᱛᱤᱭᱚ ᱞᱮᱸᱜᱟ ᱛᱤ ᱥᱯᱤᱱᱟᱨ ᱮ ᱵᱮᱱᱟᱣ ᱮᱱᱟᱭ ᱾ ᱡᱚᱠᱷᱚᱱ ᱩᱱᱤ ᱫᱚ ᱥᱮᱢ ᱵᱤᱞᱤᱝᱥ ᱤᱰᱮᱱ ᱜᱟᱨᱰᱮᱱᱥ, ᱠᱚᱞᱠᱟᱛᱟ ᱨᱮ ᱵᱟᱨᱚᱱ ᱠᱮᱫᱮᱭᱟᱭ ᱾[᱕]

ᱢᱟᱨᱪ ᱒᱐᱑᱗ ᱨᱮ, ᱩᱱᱤ ᱫᱚ ᱨᱚᱵᱤᱪᱚᱸᱫᱽᱨᱚᱱ ᱟᱥᱣᱤᱱ ᱯᱟᱨᱚᱢ ᱠᱟᱛᱮ ᱫᱷᱟᱹᱨᱛᱤ ᱨᱮ ᱥᱤᱨᱟᱹ ᱨᱮᱠ ᱵᱚᱞᱚᱨ ᱦᱩᱭᱮᱱᱟᱭ, ᱚᱠᱚᱭ ᱫᱚ ᱟᱹᱰᱤ ᱫᱤᱱ ᱫᱷᱟᱹᱨᱤᱡ ᱚᱱᱟ ᱴᱷᱟᱶ ᱨᱮ ᱛᱟᱦᱮᱸ ᱠᱟᱱᱟᱭ ᱾[᱖] ᱩᱱᱤ ᱫᱚ ᱮᱢᱮᱥ ᱫᱷᱚᱱᱤ ᱛᱟᱭᱚᱢ ᱒᱐᱒᱒ ᱟᱭᱤ ᱯᱤ ᱮᱞ ᱥᱤᱡᱚᱱ ᱨᱮ ᱪᱮᱱᱱᱟᱭ ᱥᱩᱯᱟᱨ ᱠᱤᱝ ᱟᱭᱤ ᱯᱤ ᱮᱞ ᱯᱷᱨᱮᱱᱪᱟᱭᱤᱡᱽ ᱨᱤᱱᱤᱡ ᱠᱮᱯᱴᱮᱱ ᱞᱮᱠᱟᱛᱮ ᱩᱪᱷᱟᱹᱱ ᱞᱮᱱᱟᱭ ᱾[᱗] ᱢᱮᱱᱠᱷᱟᱱ ᱩᱱᱤ ᱫᱚ ᱥᱤᱡᱟᱹᱱ ᱛᱟᱞᱟ ᱨᱮᱜᱮ ᱯᱚᱫᱽ ᱫᱚᱭ ᱟᱲᱟᱜ ᱜᱤᱰᱤ ᱠᱮᱫᱼᱟ ᱾[᱘]

ᱮᱛᱚᱦᱚᱵ ᱡᱤᱭᱚᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱰᱮᱡᱟ ᱫᱚ ᱖ ᱰᱤᱥᱮᱢᱵᱚᱨ ᱑᱙᱘᱘ ᱥᱟᱞᱮᱨᱮ ᱜᱩᱡᱽᱨᱟᱴ ᱨᱮᱱᱟᱜ ᱡᱟᱢᱱᱚᱜᱚᱨ ᱦᱚᱱᱚᱛ ᱨᱮᱱᱟᱜ ᱱᱟᱣᱟᱜᱟᱢ ᱜᱷᱮᱰ ᱥᱚᱦᱚᱨ ᱨᱮ ᱢᱤᱫ ᱜᱩᱡᱽᱨᱟᱴᱤ ᱦᱤᱱᱫᱩ ᱨᱟᱡᱽᱯᱩᱛ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾[᱙][᱑᱐][᱑᱑] ᱟᱡ ᱵᱟᱵᱟ ᱟᱱᱤᱨᱩᱫᱷ ᱫᱚ ᱢᱤᱫ ᱯᱨᱟᱭᱵᱷᱮᱴ ᱨᱩᱠᱷᱤᱭᱟᱹ ᱮᱡᱮᱱᱥᱤ ᱨᱮ ᱪᱚᱣᱠᱤᱫᱟᱨ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱟᱡ ᱵᱟᱵᱟ ᱫᱚ ᱢᱮᱱᱮᱫ ᱛᱟᱦᱮᱸᱱ ᱩᱱᱤ ᱫᱚ ᱯᱷᱟᱹᱫᱽ ᱨᱮ ᱢᱤᱫ ᱳᱯᱷᱤᱥᱚᱨ ᱦᱩᱭᱩᱜ ᱢᱟ ᱢᱮᱱᱛᱮᱭ ᱠᱩᱥᱤᱭᱟᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱩᱱᱤᱭᱟᱜ ᱫᱚ ᱠᱨᱤᱠᱮᱴ ᱨᱮᱜᱮ ᱢᱚᱱᱮ ᱛᱟᱦᱮᱸ ᱠᱟᱱᱟ ᱾ ᱜᱤᱫᱽᱨᱟᱹ ᱚᱠᱛᱚ ᱨᱮ ᱩᱱᱤ ᱫᱚ ᱟᱡ ᱵᱟᱵᱟ ᱟᱹᱰᱤ ᱜᱮ ᱵᱚᱛᱚᱨ ᱟᱭᱟᱭ ᱾[᱑᱒] ᱒᱐᱐᱕ ᱥᱟᱞᱮᱨᱮ ᱟᱡ ᱟᱭᱳ ᱞᱚᱛᱟ ᱟᱜ ᱜᱷᱚᱴᱚᱱ ᱨᱮ ᱜᱚᱡ ᱮᱱᱟᱭ ᱟᱨ ᱟᱭᱳ ᱟᱜ ᱜᱚᱡ ᱨᱮᱱᱟᱜ ᱟᱸᱥ ᱛᱮ ᱟᱡ ᱫᱚ ᱠᱨᱤᱠᱮᱴ ᱠᱷᱚᱱ ᱥᱟᱺᱜᱤᱧ ᱨᱮᱭ ᱛᱟᱦᱮᱸ ᱮᱱᱟ ᱾ ᱟᱡ ᱟᱭᱳ ᱫᱚ ᱢᱤᱫ ᱱᱚᱨᱥ ᱠᱟᱱᱟᱭ ᱾[᱑᱓] ᱩᱱᱠᱩ ᱫᱚ ᱡᱟᱢᱱᱚᱜᱚᱨ ᱨᱮ ᱠᱚ ᱛᱟᱦᱮᱱ ᱠᱟᱱᱟ ᱾[᱑᱔]

ᱚᱲᱟᱜ ᱠᱮᱨᱤᱭᱟᱨ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱩᱣᱟᱹᱱ ᱠᱮᱨᱤᱭᱟᱨ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱰᱮᱡᱟ ᱫᱚ ᱒᱐᱐᱕ ᱥᱟᱞ ᱨᱮ ᱑᱖ ᱵᱚᱪᱷᱚᱨ ᱩᱢᱮᱨ ᱨᱮ ᱥᱤᱧᱚᱛ ᱞᱟᱹᱜᱤᱫ ᱟᱡᱟᱜ ᱯᱩᱭᱞᱩ ᱟᱱᱰᱚᱨ-᱑᱙ ᱠᱷᱮᱞ ᱮ ᱠᱷᱮᱞ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱥᱨᱤᱞᱚᱝᱠᱟ ᱨᱮ ᱒᱐᱐᱖ ᱟᱱᱰᱚᱨ-᱑᱙ ᱠᱨᱤᱠᱮᱴ ᱡᱮᱜᱮᱛ ᱠᱟᱯ ᱞᱟᱹᱜᱤᱫ ᱥᱤᱧᱚᱛᱤᱭᱟᱹ ᱫᱚᱞ ᱨᱮᱭ ᱵᱟᱪᱷᱚᱱ ᱞᱮᱱᱟ ᱾ ᱤᱱᱰᱤᱭᱟ ᱫᱚ ᱨᱟᱱᱤᱯᱷᱤᱡᱚᱨ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮ ᱡᱟᱰᱮᱡᱟ ᱯᱟᱠᱤᱥᱛᱟᱱ ᱴᱷᱮᱱ ᱯᱷᱟᱭᱱᱟᱞ ᱨᱮ ᱯᱮᱭᱟ ᱣᱤᱠᱮᱴ ᱦᱟᱛᱟᱣ ᱠᱟᱛᱮ ᱡᱚᱛᱚ ᱠᱚ ᱟᱥᱚᱞ ᱠᱮᱫᱮᱭᱟ ᱾ ᱩᱱᱤ ᱫᱚ ᱒᱐᱐᱘ ᱟᱱᱰᱚᱨ ᱑᱙ ᱠᱨᱤᱠᱮᱴ ᱡᱮᱜᱮᱛ ᱠᱟᱯ ᱨᱮ ᱡᱤᱛᱠᱟᱹᱨ ᱟᱠᱟᱱ ᱥᱤᱧᱚᱛᱤᱭᱟᱹ ᱴᱤᱢ ᱨᱮ ᱩᱯ ᱠᱟᱯᱴᱮᱱ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱴᱩᱨᱱᱟᱢᱮᱱᱴ ᱨᱮ ᱵᱚᱞ ᱮᱱᱮᱡ ᱨᱮ ᱟᱹᱰᱤ ᱢᱩᱬ ᱞᱮᱠᱟᱭ ᱛᱟᱦᱮᱸ ᱠᱟᱱᱟ ᱟᱨ ᱑᱓.᱖᱐ ᱮᱵᱷᱚᱨᱮᱡᱽ ᱛᱮ ᱑᱐ ᱣᱤᱠᱮᱴ ᱮ ᱦᱟᱢᱮᱴ ᱞᱮᱫ ᱛᱟᱦᱮᱸᱫ ᱾[᱑᱕]

ᱯᱩᱭᱞᱩ ᱛᱷᱚᱠ ᱠᱨᱤᱠᱮᱴ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱰᱮᱡᱟ ᱫᱚ ᱒᱐᱐᱖-᱐᱗ ᱨᱮ ᱫᱟᱞᱤᱯ ᱴᱨᱚᱯᱷᱤ ᱨᱮ ᱯᱩᱭᱞᱩ ᱛᱷᱚᱠ ᱠᱨᱤᱠᱮᱴ ᱨᱮ ᱮᱛᱚᱦᱚᱵ ᱞᱮᱫᱼᱟ ᱾ ᱩᱱᱤ ᱫᱚ ᱫᱟᱞᱤᱯ ᱴᱨᱚᱯᱷᱤ ᱨᱮ ᱯᱟᱪᱮ ᱴᱚᱴᱷᱟ ᱟᱨ ᱨᱟᱱᱡᱤ ᱴᱨᱚᱯᱷᱤ ᱨᱮ ᱥᱳᱣᱨᱟᱥᱴᱨᱚ ᱞᱟᱹᱜᱤᱫ ᱮ ᱠᱷᱮᱞ ᱞᱮᱫᱼᱟ ᱾[᱑᱖]

᱒᱐᱑᱒ ᱥᱟᱞ ᱨᱮ, ᱡᱟᱰᱮᱡᱟ ᱫᱚ ᱱᱟᱜᱟᱢ ᱨᱤᱱᱤᱡ ᱤᱨᱟᱹᱞ ᱟᱹᱱᱤᱡ ᱟᱨ ᱯᱩᱭᱞᱩ ᱤᱱᱰᱤᱭᱟᱱ ᱠᱷᱮᱞᱚᱸᱰᱤᱭᱟᱹᱭ ᱵᱮᱱᱟᱣ ᱮᱱᱟ ᱡᱟᱦᱟᱸᱭ ᱫᱚ ᱟᱡᱟᱜ ᱠᱮᱨᱤᱭᱚᱨ ᱨᱮ ᱯᱮᱭᱟ ᱯᱩᱭᱞᱩ ᱛᱷᱚᱠ ᱨᱮ ᱯᱮᱭᱟ ᱴᱨᱤᱞ ᱥᱮᱱᱪᱩᱨᱤ ᱮ ᱦᱟᱛᱟᱣ ᱞᱮᱫᱼᱟ ᱾ ᱱᱚᱶᱟ ᱨᱮ ᱩᱱᱤ ᱫᱚ ᱰᱳᱱ ᱵᱨᱟᱰᱢᱟᱱ, ᱵᱨᱤᱭᱮᱱ ᱞᱟᱨᱟ, ᱵᱤᱞ ᱯᱳᱱᱥᱯᱳᱨᱰ, ᱣᱮᱞᱤ ᱦᱮᱢᱚᱱᱰ, ᱰᱤ. ᱡᱤ. ᱜᱨᱮᱥ, ᱜᱨᱮᱢ ᱦᱤᱠ ᱟᱨ ᱢᱟᱭᱠ ᱦᱟᱥᱤ ᱛᱟᱭᱚᱢ ᱛᱮ ᱫᱚᱥᱟᱨ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱟᱜ ᱯᱩᱭᱞᱩ ᱴᱨᱟᱭᱵᱷᱮᱞ ᱥᱮᱱᱪᱩᱨᱤ ᱫᱚ ᱒᱐᱑᱑ ᱨᱮᱱᱟᱜ ᱮᱛᱚᱦᱚᱵ ᱨᱮ ᱳᱰᱤᱥᱟ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ, ᱡᱟᱦᱟᱸ ᱨᱮ ᱩᱱᱤ ᱓᱗᱕ ᱵᱚᱞ ᱨᱮ ᱓᱑᱔ ᱨᱟᱱ ᱮ ᱦᱟᱛᱟᱣ ᱞᱮᱫ ᱛᱟᱦᱮᱸᱫ ᱾ ᱟᱡᱟᱜ ᱫᱚᱥᱟᱨ ᱴᱨᱤᱯᱞ ᱥᱮᱱᱪᱩᱨᱤ ᱫᱚ ᱱᱚᱵᱷᱮᱢᱵᱚᱨ ᱒᱐᱑᱒ ᱨᱮ ᱜᱩᱡᱽᱨᱟᱴ ᱨᱮ ᱦᱩᱭ ᱞᱮᱱᱟ, ᱡᱟᱦᱟᱸ ᱨᱮ ᱩᱱᱤ ᱫᱚ ᱓᱐ ᱨᱟᱱ ᱮ ᱦᱟᱢᱮᱴ ᱞᱮᱫ ᱛᱟᱦᱮᱸᱫ ᱾ ᱩᱱᱤᱭᱟᱜ ᱯᱮᱭᱟ ᱴᱨᱟᱭᱵᱷᱮᱞ ᱥᱮᱱᱪᱩᱨᱤ ᱫᱚ ᱰᱤᱥᱮᱢᱵᱚᱨ ᱒᱐᱑᱒ ᱨᱮ ᱨᱮᱞᱣᱮ ᱨᱮ ᱦᱩᱭ ᱞᱮᱱᱟ, ᱡᱟᱦᱟᱸ ᱨᱮ ᱩᱱᱤ ᱕᱐᱑ ᱵᱚᱞ ᱨᱮ ᱓᱓᱑ ᱨᱟᱱ ᱮ ᱦᱟᱛᱟᱣ ᱞᱮᱫ ᱛᱟᱦᱮᱸᱫ ᱾ ᱡᱟᱰᱮᱡᱟ ᱫᱚ ᱒᱓ ᱵᱚᱪᱷᱚᱨ ᱩᱢᱮᱨ ᱨᱮᱜᱮ ᱱᱚᱶᱟ ᱮᱱᱮᱡ ᱮ ᱟᱢᱮᱴ ᱞᱮᱫ ᱛᱟᱦᱮᱸᱫ ᱾[᱑᱗]

ᱡᱮᱡᱟᱹᱛᱤᱭᱟᱹᱨᱤ ᱠᱮᱨᱤᱭᱟᱨ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱰᱮᱡᱟ ᱫᱚ ᱒᱐᱐᱘-᱐᱙ ᱨᱚᱱᱡᱤ ᱴᱨᱳᱯᱤ ᱨᱮ ᱟᱡᱟᱜ ᱧᱩᱛᱩᱢᱟᱱ ᱡᱚᱛᱚ ᱦᱮᱯᱨᱟᱣ - ᱔᱒ ᱣᱤᱠᱮᱴ ᱟᱨ ᱗᱓᱙ ᱨᱟᱱ - ᱤᱫᱤ ᱛᱮ ᱡᱟᱹᱛᱤᱭᱟᱹᱨᱤ ᱵᱟᱪᱷᱟᱣᱤᱭᱟᱹ ᱠᱚᱣᱟᱜ ᱟᱸᱥ ᱮ ᱧᱟᱢ ᱞᱮᱫᱼᱟ ᱟᱨ ᱥᱨᱤᱞᱚᱝᱠᱟ ᱨᱮ ᱢᱤᱫ ᱫᱤᱱ ᱨᱮᱱᱟᱜ ᱥᱤᱨᱯᱟᱹ ᱞᱟᱹᱜᱤᱫ ᱛᱮ ᱵᱟᱪᱷᱟᱣ ᱮᱱᱟᱭ ᱾ ᱘ ᱯᱷᱮᱵᱽᱨᱩᱣᱟᱨᱤ ᱒᱐᱐᱙ ᱨᱮ ᱥᱤᱨᱤᱡᱽ ᱨᱮᱱᱟᱜ ᱢᱩᱪᱟᱹᱫ ᱠᱷᱮᱞ ᱨᱮ ᱟᱡᱟᱜ ᱡᱮᱡᱟᱹᱛᱤᱭᱟᱹᱨᱤ ᱮᱛᱚᱦᱚᱵ ᱦᱩᱭ ᱞᱮᱱᱟ, ᱡᱟᱦᱟᱸ ᱨᱮ ᱩᱱᱤ ᱖᱐* ᱨᱟᱱ ᱮ ᱦᱟᱛᱟᱣ ᱠᱮᱫᱼᱟ, ᱢᱮᱱᱠᱷᱟᱱ ᱥᱤᱧᱚᱛ ᱫᱚ ᱱᱚᱣᱟ ᱠᱷᱮᱞ ᱨᱮᱭ ᱦᱟᱨᱟᱣ ᱮᱱᱟ ᱾ ᱒᱐᱐᱙ ᱥᱮᱨᱢᱟ ᱨᱮᱱᱟᱜ ᱴᱤ-᱒᱐ ᱡᱮᱜᱮᱛ ᱠᱟᱯ ᱨᱮ ᱡᱟᱰᱮᱡᱟ ᱫᱚ ᱤᱝᱞᱮᱱᱰ ᱴᱷᱮᱱ ᱵᱷᱟᱨᱚᱛ ᱫᱤᱥᱚᱢ ᱟᱜ ᱦᱟᱨ ᱨᱮ ᱟᱹᱰᱤ ᱟᱞᱜᱟ ᱛᱮ ᱨᱟᱱ ᱵᱟᱭ ᱦᱟᱛᱟᱣ ᱞᱮᱫ ᱛᱮ ᱠᱚ ᱠᱩᱠᱞᱤ ᱞᱮᱫᱮᱭᱟ ᱾ ᱱᱮᱛᱟᱨᱟᱜ ᱳᱞ ᱨᱟᱣᱩᱱᱰᱚᱨ ᱭᱩᱥᱩᱯ ᱯᱟᱛᱷᱟᱱ ᱟᱜ ᱵᱟᱹᱲᱤᱡ ᱯᱷᱳᱨᱢ ᱛᱟᱭᱚᱢ, ᱡᱟᱰᱮᱡᱟ ᱒᱐᱐᱙ ᱥᱟᱞ ᱨᱮᱱᱟᱜ ᱢᱩᱪᱟᱹᱫ ᱨᱮ ᱳᱰᱤᱟᱭᱤ ᱴᱤᱢ ᱨᱮ ᱗ ᱟᱱᱟᱜ ᱴᱷᱟᱶ ᱮ ᱦᱟᱛᱟᱣ ᱠᱮᱫᱼᱟ ᱾ ᱒᱑ ᱱᱚᱵᱷᱮᱢᱵᱚᱨ ᱒᱐᱐᱙ ᱨᱮ ᱠᱚᱴᱚᱠ ᱨᱮ ᱥᱨᱤᱞᱚᱝᱠᱟ ᱵᱤᱨᱩᱫᱷ ᱯᱮᱭᱟ ᱣᱟᱱᱰᱮ ᱨᱮ, ᱡᱟᱰᱮᱡᱟ ᱫᱚ ᱯᱩᱱᱭᱟᱹ ᱣᱤᱠᱮᱴ ᱦᱟᱛᱟᱣ ᱞᱟᱹᱜᱤᱫ ᱛᱮ ᱢᱟᱱ ᱚᱯᱷ ᱫᱤ ᱢᱮᱪ ᱥᱤᱨᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱩᱱᱤᱭᱟᱜ ᱡᱚᱛᱚ ᱠᱷᱚᱱ ᱱᱟᱯᱟᱭ ᱵᱚᱞᱤᱝ ᱫᱚ ᱔ - ᱓᱒ ᱠᱟᱱᱟ ᱾[᱑᱘]

ᱩᱱᱤ ᱫᱚ ᱞᱚᱱᱰᱚᱱ ᱨᱮᱭᱟᱜ ᱳᱵᱷᱟᱞ ᱨᱮ ᱤᱝᱞᱮᱱᱰ ᱥᱟᱶ ᱛᱮ ᱛᱮᱥᱟᱨ ᱢᱤᱫ ᱢᱟᱦᱟᱸ ᱨᱮ ᱤᱱᱰᱤᱭᱟᱱ ᱢᱤᱫ ᱢᱟᱦᱟᱸ ᱴᱤᱢ ᱨᱮᱭ ᱨᱩᱣᱟᱹᱲ ᱮᱱᱟᱭ ᱾ ᱑᱙ ᱳᱵᱷᱚᱨ ᱛᱟᱭᱚᱢ ᱤᱱᱰᱤᱭᱟ ᱕᱘-᱕ ᱥᱠᱳᱨ ᱥᱟᱶ ᱠᱨᱤᱡᱽ ᱨᱮ ᱦᱮᱡ ᱠᱟᱛᱮ, ᱩᱱᱤ ᱫᱚ ᱗᱘ ᱨᱟᱱ ᱮ ᱦᱟᱛᱟᱣ ᱠᱮᱫᱼᱟ, ᱢᱚᱦᱮᱱᱫᱨᱚ ᱥᱤᱝ ᱫᱷᱚᱱᱤ ᱥᱟᱶ ᱑᱑᱒ ᱟᱨ ᱨᱚᱵᱤᱪᱚᱸᱫᱽᱨᱚᱱ ᱚᱥᱣᱤᱱ ᱥᱟᱶ ᱕.᱑ ᱳᱵᱚᱨ ᱨᱮ ᱕᱙ ᱨᱟᱱ ᱥᱮᱞᱮᱫ ᱠᱟᱛᱮ ᱟᱡᱟᱜ ᱴᱤᱢ ᱫᱚ ᱕᱐ ᱳᱵᱚᱨ ᱨᱮ ᱒᱓᱔-᱗ ᱥᱠᱳᱨ ᱦᱟᱛᱟᱣ ᱠᱮᱫᱼᱟ ᱾ ᱩᱱᱤ ᱟᱡᱟᱜ ᱙ ᱳᱵᱚᱨ ᱨᱮ ᱒-᱔᱒ ᱨᱟᱱ ᱮ ᱮᱢ ᱞᱮᱫ ᱛᱟᱦᱮᱸᱫ ᱟᱨ "ᱯᱞᱮᱭᱟᱨ ᱚᱯᱷ ᱫ ᱢᱮᱪ" ᱠᱚ ᱵᱟᱪᱷᱚᱱ ᱞᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱤᱝᱞᱮᱱᱰ ᱫᱚ ᱫᱟᱜ ᱛᱮ ᱟᱬᱜᱚ ᱟᱠᱟᱱ ᱠᱷᱮᱞ ᱨᱮ ᱡᱤᱛᱟᱹᱣ ᱮᱱᱟ ᱾ ᱞᱚᱨᱰᱥ ᱨᱮ ᱯᱩᱱ ᱢᱟᱦᱟᱸ ᱨᱮ ᱩᱱᱤᱭᱟᱜ ᱮᱱᱮᱡ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱛᱟᱦᱮᱸ ᱠᱟᱱᱟ: ᱩᱱᱤ ᱫᱚ ᱥᱤᱢᱟᱹ ᱠᱷᱚᱱ ᱢᱤᱫᱴᱟᱹᱝ ᱵᱟᱹᱲᱤᱡ ᱛᱷᱨᱚ ᱥᱟᱶᱛᱮ ᱯᱩᱱᱭᱟᱹ ᱟᱹᱰᱤ ᱞᱟᱹᱠᱛᱤᱭᱟᱱ ᱚᱵᱷᱚᱨᱛᱷᱨᱚ ᱮ ᱮᱢᱟ ᱠᱟᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱩᱱᱤ ᱫᱚ ᱢᱩᱪᱟᱹᱫ ᱵᱳᱞ ᱨᱮ ᱥᱤᱢᱟᱹ ᱨᱮ ᱢᱤᱫᱴᱟᱹᱝ ᱠᱮᱪ ᱮ ᱦᱟᱢᱮᱴ ᱞᱮᱫ ᱛᱟᱦᱮᱸᱫ ᱾[᱑᱙]

ᱯᱷᱮᱵᱨᱩᱣᱟᱨᱤ ᱒᱐᱑᱒ ᱨᱮ ᱚᱥᱴᱨᱮᱞᱤᱭᱟ ᱥᱮᱱᱚᱜ ᱨᱮᱱᱟᱜ ᱫᱚᱥᱟᱨ ᱴᱤ-᱒᱐ ᱨᱮ, ᱡᱟᱰᱮᱡᱟ ᱫᱚ ᱓ ᱳᱵᱷᱚᱨ ᱨᱮ ᱑/᱑᱖ ᱨᱮᱱᱟᱜ ᱯᱨᱚᱯᱷᱮᱥᱚᱱ ᱞᱮᱫ ᱛᱟᱦᱮᱸᱫ ᱟᱨ ᱚᱥᱴᱨᱮᱞᱤᱭᱟ ᱤᱱᱰᱤ ᱨᱮ ᱵᱟᱨᱭᱟ ᱨᱟᱱ ᱟᱣᱩᱴ ᱞᱮᱫ ᱛᱟᱦᱮᱸᱫ ᱾ ᱵᱷᱟᱨᱚᱛ ᱫᱚ ᱠᱷᱮᱞ ᱡᱤᱛᱟᱹᱣ ᱮᱱᱟ ᱟᱨ ᱡᱟᱰᱮᱡᱟ ᱫᱚ ᱟᱡᱟᱜ ᱯᱷᱤᱞᱰᱤᱝ ᱞᱟᱹᱜᱤᱫ ᱛᱮ ᱢᱮᱱ ᱚᱯᱷ ᱫᱤ ᱢᱮᱪ ᱮ ᱵᱟᱪᱷᱚᱱ ᱮᱱᱟ ᱾[᱒᱐]

ᱨᱚᱱᱡᱤ ᱴᱨᱳᱯᱤ ᱥᱤᱡᱟᱹᱱ ᱒᱐᱑᱒-᱑᱓ ᱨᱮᱭᱟᱜ ᱮᱛᱚᱦᱚᱵ ᱨᱮ ᱩᱱᱤᱭᱟᱜ ᱥᱟᱨᱦᱟᱣ ᱥᱚᱫᱚᱨ ᱛᱟᱭᱚᱢ, ᱡᱚᱠᱷᱚᱱ ᱩᱱᱤ ᱫᱚ ᱯᱩᱱᱭᱟᱹ ᱢᱮᱪ ᱨᱮ ᱵᱟᱨᱭᱟ ᱓᱐᱐+ ᱥᱠᱳᱨ ᱵᱮᱱᱟᱣ ᱠᱮᱫᱼᱟ (ᱥᱩᱨᱚᱛ ᱨᱮ ᱜᱩᱡᱽᱨᱟᱴ ᱵᱤᱨᱩᱫᱷ ᱨᱮ ᱔/᱑᱒᱕ ᱟᱨ ᱫᱚᱦᱲᱟ ᱛᱮ ᱓᱐᱓*; ᱨᱚᱱᱡᱤ ᱴᱨᱳᱯᱷᱤ ᱒᱐᱑᱒-᱑᱓ ᱨᱮ ᱨᱟᱡᱽᱠᱚᱴ ᱨᱮ ᱨᱮᱞᱣᱮ ᱵᱤᱨᱩᱫᱷ ᱨᱮ ᱓᱓᱑ ᱟᱨ ᱓/᱑᱐᱙), ᱩᱱᱤ ᱫᱚ ᱱᱟᱜᱽᱯᱩᱨ ᱨᱮ ᱤᱝᱞᱮᱱᱰ ᱥᱟᱶ ᱯᱩᱱ ᱟᱱᱟᱜ ᱴᱮᱥᱴ ᱠᱷᱮᱞ ᱞᱟᱹᱜᱤᱫ ᱑᱕ ᱜᱚᱴᱟᱝ ᱨᱟᱹᱥᱤᱭᱟᱹ ᱵᱷᱟᱨᱚᱛ ᱴᱮᱥᱴ ᱫᱚᱞ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱠᱚ ᱦᱚᱦᱚ ᱞᱮᱱᱟ ᱾[᱒᱑] ᱱᱟᱜᱽᱯᱩᱨ ᱨᱮ ᱤᱝᱞᱮᱱᱰ ᱥᱟᱶ ᱟᱡᱟᱜ ᱯᱩᱭᱞᱩ ᱴᱮᱥᱴ ᱨᱮ ᱩᱱᱤ ᱫᱚ ᱗᱐ ᱳᱵᱷᱚᱨ ᱵᱚᱞ ᱠᱟᱛᱮ ᱓/᱑᱑᱗ ᱣᱤᱠᱮᱴ ᱮ ᱦᱟᱛᱟᱣ ᱠᱮᱫᱼᱟ ᱾ [᱒᱒]

ᱠᱚᱪᱤ ᱨᱮ ᱥᱤᱧᱚᱛ-ᱤᱝᱞᱮᱱᱰ ᱥᱤᱨᱤᱡᱽ ᱨᱮᱱᱟᱜ ᱫᱚᱥᱟᱨ ᱢᱤᱫ ᱫᱤᱱ ᱨᱮ, ᱡᱟᱰᱮᱡᱟ ᱫᱚ ᱓᱗ ᱜᱚᱴᱟᱝ ᱵᱚᱞ ᱨᱮ ᱖᱑ ᱨᱟᱱ ᱨᱮᱱᱟᱜ ᱤᱱᱜᱽᱨᱤ ᱠᱷᱮᱞ ᱞᱮᱫᱼᱟ, ᱡᱟᱦᱟᱸ ᱫᱚ ᱥᱤᱧᱚᱛ ᱒᱘᱕ ᱨᱟᱱ ᱨᱮᱱᱟᱜ ᱜᱩᱴ ᱥᱠᱳᱨ ᱫᱷᱟᱹᱨᱤᱡ ᱥᱮᱴᱮᱨ ᱞᱮᱱᱟᱭ ᱾ ᱫᱚᱥᱟᱨ ᱯᱟᱨᱤ ᱨᱮ, ᱩᱱᱤ ᱫᱚ ᱗ ᱳᱵᱷᱚᱨ ᱨᱮ ᱑᱒ ᱨᱟᱱ ᱮᱢ ᱠᱟᱛᱮ ᱵᱟᱨᱭᱟ ᱣᱤᱠᱮᱴ ᱮ ᱦᱟᱛᱟᱣ ᱠᱮᱫᱼᱟ, ᱡᱟᱦᱟᱸ ᱛᱮ ᱥᱤᱧᱚᱛ ᱤᱝᱞᱮᱱᱰ ᱑᱒᱗ ᱨᱟᱱ ᱛᱮ ᱦᱟᱨᱟᱣ ᱠᱟᱛᱮ ᱥᱤᱨᱤᱡᱽ ᱑-᱑ ᱛᱮ ᱥᱚᱢᱟᱱ ᱠᱮᱫᱼᱟ ᱾ ᱱᱚᱶᱟ ᱠᱷᱮᱞ ᱞᱟᱹᱜᱤᱫ ᱛᱮ ᱡᱟᱰᱮᱡᱟ ᱫᱚ ᱢᱟᱱ ᱚᱯᱷ ᱫᱤ ᱢᱮᱪ ᱥᱤᱨᱯᱷᱟᱹᱭ ᱟᱢᱮᱴ ᱞᱮᱫᱼᱟ ᱾[᱒᱓]

ᱡᱟᱰᱮᱡᱟ ᱜᱷᱟᱨᱚᱸᱡᱽ ᱒᱐᱒᱔ ᱨᱮ ᱱᱚᱨᱮᱱᱫᱨᱚ ᱢᱳᱫᱤ ᱥᱟᱶ ᱧᱟᱯᱟᱢ

ᱢᱮ ᱒᱐᱒᱔ ᱨᱮ, ᱩᱱᱤ ᱫᱚ ᱒᱐᱒᱔ ᱟᱭᱤᱥᱤᱥᱤ ᱠᱚᱲᱟ ᱴᱤ-᱒᱐ ᱡᱮᱜᱮᱛ ᱠᱟᱯ ᱴᱩᱨᱱᱟᱢᱮᱱᱴ ᱞᱟᱹᱜᱤᱫ ᱥᱤᱧᱚᱛ ᱨᱮᱱᱟᱜ ᱫᱚᱞ ᱨᱮ ᱧᱩᱛᱩᱢ ᱮᱱᱟᱭ ᱾[᱒᱔]

ᱤᱱᱰᱤᱭᱟᱱ ᱯᱨᱤᱢᱤᱭᱟᱨ ᱞᱤᱜᱽ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱚᱵᱤᱱᱫᱽᱨᱚ ᱡᱟᱰᱮᱡᱟ ᱫᱚ ᱒᱐᱐᱘ ᱥᱟᱞ ᱨᱮ ᱤᱱᱰᱤᱭᱟᱱ ᱯᱨᱤᱢᱤᱭᱟᱨ ᱞᱤᱜᱽ (ᱟᱭᱤᱯᱤᱮᱞ) ᱨᱮᱭᱟᱜ ᱯᱩᱭᱞᱩ ᱥᱮᱥᱚᱱ ᱞᱟᱹᱜᱤᱫ ᱨᱟᱡᱚᱥᱛᱷᱟᱱ ᱨᱚᱭᱮᱞᱥ ᱦᱚᱛᱮᱛᱮ ᱵᱟᱪᱷᱚᱱ ᱞᱮᱱᱟᱭ ᱟᱨ ᱩᱱᱤᱭᱟᱜ ᱡᱤᱛᱟᱹᱣ ᱨᱮ ᱞᱟᱹᱠᱛᱤᱭᱟᱱ ᱯᱟᱴ ᱮ ᱫᱮᱠᱷᱟᱣ ᱟᱠᱟᱫᱼᱟ (ᱨᱚᱭᱮᱞᱥ ᱫᱚ ᱯᱷᱟᱭᱱᱟᱞ ᱨᱮ ᱪᱮᱱᱱᱟᱭ ᱥᱩᱯᱚᱨ ᱠᱤᱝᱥ ᱠᱚᱭ ᱦᱟᱨᱟᱣ ᱞᱮᱫ ᱠᱚᱣᱟ) ᱾ ᱡᱟᱰᱮᱡᱟ ᱫᱚ ᱑᱔ ᱢᱮᱪ ᱨᱮ ᱑᱓᱑.᱐᱖ ᱨᱮᱱᱟᱜ ᱥᱴᱨᱟᱭᱤᱠ ᱨᱮᱴ ᱛᱮ ᱑᱓᱕ ᱨᱟᱱ ᱮ ᱦᱟᱛᱟᱣ ᱞᱮᱫᱼᱟ, ᱩᱱᱤᱭᱟᱜ ᱡᱚᱛᱚ ᱠᱷᱚᱱ ᱱᱟᱯᱟᱭ ᱨᱟᱱ ᱫᱚ ᱠᱤᱝᱜᱽᱥ ᱤᱞᱮᱵᱷᱮᱱ ᱯᱚᱧᱡᱟᱵᱽ ᱨᱮ ᱓᱖ ᱨᱟᱱ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱒᱐᱐᱙ ᱨᱮ ᱟᱨᱦᱚᱸ ᱱᱟᱯᱟᱭ ᱜᱮᱭ ᱠᱷᱮᱞ ᱞᱮᱫ ᱛᱟᱦᱮᱸᱫ, ᱑᱑᱐.᱙᱐ ᱨᱮᱱᱟᱜ ᱥᱴᱨᱟᱭᱤᱠ ᱨᱮᱴ ᱛᱮ ᱒᱙᱕ ᱨᱚᱱ ᱮ ᱦᱟᱛᱟᱣ ᱞᱮᱫ ᱛᱟᱦᱮᱸᱫ,[᱒᱕] ᱟᱨ ᱖.᱕ ᱨᱚᱱ ᱯᱚᱨ ᱚᱵᱚᱨ ᱠᱷᱚᱱ ᱠᱚᱢ ᱮ ᱮᱢᱟᱫ ᱛᱟᱦᱮᱸᱫ ᱾[᱒᱖] ᱨᱟᱡᱚᱥᱛᱷᱟᱱ ᱨᱚᱭᱮᱞᱥ ᱨᱤᱱᱤᱡ ᱠᱟᱯᱴᱮᱱ ᱥᱮᱱ ᱣᱟᱨᱱ ᱫᱚ ᱡᱟᱰᱮᱡᱟ ᱫᱚ "ᱥᱩᱯᱚᱨᱥᱴᱟᱨ ᱵᱮᱱᱟᱣ ᱨᱮ ᱢᱮᱱᱟᱭᱟ" ᱢᱮᱱᱛᱮᱭ ᱢᱮᱛᱟᱭ ᱠᱟᱱᱟ ᱾[᱒᱗] ᱣᱟᱨᱱ ᱫᱚ ᱩᱱᱤ "ᱨᱚᱠᱥᱴᱟᱨ" ᱧᱩᱛᱩᱢ ᱛᱮ ᱦᱚᱸᱭ ᱧᱩᱛᱩᱢ ᱠᱮᱫᱮᱭᱟ ᱾[᱒᱘]

ᱱᱤᱡᱮᱨᱟᱜ ᱡᱤᱭᱚᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱰᱮᱡᱟ ᱫᱚ ᱑᱗ ᱮᱯᱨᱤᱞ ᱒᱐᱑᱖ ᱨᱮ ᱨᱤᱣᱟᱵᱟ ᱥᱳᱞᱟᱱᱠᱤ ᱥᱟᱶ ᱵᱟᱯᱞᱟ ᱞᱮᱱᱟᱭ ᱾[᱒᱙][᱓᱐] ᱡᱩᱱ ᱒᱐᱑᱗ ᱨᱮ ᱟᱡᱤᱡ ᱢᱤᱫᱴᱟᱹᱝ ᱠᱩᱲᱤ ᱜᱤᱫᱽᱨᱟᱹ ᱡᱟᱱᱟᱢ ᱞᱮᱱᱟᱭ ᱾[᱓᱑][᱓᱒] ᱨᱤᱣᱟᱵᱟ ᱫᱚ ᱜᱩᱡᱽᱨᱟᱴ ᱠᱷᱚᱱ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱨᱤᱱᱤᱡ ᱵᱤᱫᱷᱟᱭᱚᱠ ᱠᱟᱱᱟᱭ ᱾ ᱟᱡᱤᱡ ᱢᱤᱥᱨᱟ ᱟᱨ ᱟᱡ ᱵᱟᱵᱟ ᱫᱚ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱨᱤᱱ ᱥᱚᱦᱮᱫ ᱠᱟᱱᱟ ᱠᱤᱱ ᱾[᱓᱓]

ᱥᱟᱹᱠᱷᱭᱟᱹᱛ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  1. ↑ Bhattacharjee, Argha (30 September 2017). "Virat as 'Cheeku', Dhoni as 'Mahi' – The fascinating story behind the nicknames of Indian cricketers". DNA India. Retrieved 20 February 2022.
  2. ↑ Kumar, Saurabh (8 April 2024). "Ravindra Jadeja crowned as Cricket Thalapathy by CSK after bowling heroics vs KKR". India Today. Retrieved 9 December 2024.
  3. ↑ AadyaS (4 June 2022). "Where Are India's 2008 U19 World Cup Winning Squad Members Now?". Wisden. Retrieved 6 April 2025.
  4. ↑ "Ravindra Jadeja Debut and last played matches in Tests, ODIs, T20Is and other formats". ESPNcricinfo (in ᱟᱝᱜᱽᱨᱮᱡᱤ). Retrieved 25 August 2023.
  5. ↑ Sarmah, Bhargab (22 January 2017). "Ravindra Jadeja Becomes First Indian Left-Arm Spinner to Complete 150 Scalps in ODIs". NDTV (in ᱟᱝᱜᱽᱨᱮᱡᱤ). Archived from the original on 3 June 2025. Retrieved 27 February 2021.
  6. ↑ Sikdar, Sandip (21 March 2017). "Ravindra Jadeja Pips R Ashwin To Stay No.1, Cheteshwar Pujara No.2 In Batting List". NDTV. Archived from the original on 23 May 2025. Retrieved 2 September 2018.
  7. ↑ "MS Dhoni hands over CSK captaincy to Ravindra Jadeja". Cricbuzz (in ᱟᱝᱜᱽᱨᱮᱡᱤ). 24 March 2022. Retrieved 24 March 2022.
  8. ↑ ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named HT2022
  9. ↑ "Too mooch this Movember". Hindustan Times (in ᱟᱝᱜᱽᱨᱮᱡᱤ). 15 November 2013. Retrieved 31 July 2020.
  10. ↑ Yadav, Jyoti (15 April 2020). "Ravindra Jadeja must stop being a 'Rajput boy' and grow up to be a cricketer". ThePrint. Retrieved 31 July 2020.
  11. ↑ "Ravindra Jadeja". ESPNcricinfo. Retrieved 11 August 2020.
  12. ↑ "Ravindra Jadeja Biography". 7infi.com. Archived from the original on 30 July 2017. Retrieved 27 April 2017.
  13. ↑ "Striking it rich". The Indian Express.
  14. ↑ Latest World (20 February 2017), The Kapil Sharma Show Episode 84 Anushka Sharma And Virat Kohli in Kapil's Show 20th Feb 2017, archived from the original on 6 April 2017, retrieved 21 February 2017
  15. ↑ "ICC Under-19 World Cup, 2007/08 Records – India averages". ESPNcricinfo. Retrieved 17 June 2024.
  16. ↑ "First-class matches played by Ravi Jadeja (127)". CricketArchive. Retrieved 17 June 2024.
  17. ↑ Pandya, Haresh (2 December 2012). "Third triple puts Jadeja in elite company". ESPNcricinfo. Retrieved 6 January 2013.
  18. ↑ "India v Sri Lanka in 2009/10". CricketArchive. Retrieved 21 December 2009.
  19. ↑ "Jadeja's brain fade, and Swann's routine act". 11 September 2011. Retrieved 23 August 2016.
  20. ↑ Monga, Sidharth (3 February 2012). "Overdue win, unusual method". ESPNcricinfo. Retrieved 9 May 2015.
  21. ↑ "England in India 2012–13 : Zaheer Khan, Yuvraj Singh dropped; Parvinder Awana, Ravindra Jadeja picked | India v England". ESPNcricinfo. 9 December 2012. Retrieved 23 January 2013.
  22. ↑ "English cricket team in India – 4th Test". ESPNcricinfo. Retrieved 14 December 2012.
  23. ↑ "India vs England, 2nd ODI (D/N), Kochi, January 15, 2013". ESPNcricinfo. Retrieved 17 June 2024.
  24. ↑ "India's Squad for the ICC Men's T20I World Cup 2024". ScoreWaves (in ᱟᱝᱜᱽᱨᱮᱡᱤ). Retrieved 11 June 2024.
  25. ↑ "Indian Premier League, 2009 / Records / Most runs". ESPNcricinfo. Retrieved 19 November 2012.
  26. ↑ "Indian Premier League, 2009 / Records / Best economy rates". ESPNcricinfo. Retrieved 19 November 2012.
  27. ↑ Premachandran, Dileep (21 January 2009). "Warne predicts bright future for Jadeja the jewel". The Guardian. London. Retrieved 11 June 2013.
  28. ↑ "Ravindra Jadeja: The Rockstar of Indian cricket". Zee News. 27 January 2009. Retrieved 11 June 2013.
  29. ↑ "Ravindra Jadeja wedding: Five things you didn't know about Sir's marriage to Reeva Solanki". DNA India. 17 April 2016. Retrieved 16 July 2019.
  30. ↑ "Ravindra Jadeja ties knot with Reeva Solanki in grand fashion, see pics". The Indian Express (in Indian English). 19 April 2016. Retrieved 16 July 2019.
  31. ↑ "Ravindra Jadeja catches first glimpse of daughter. This was the star's reaction". Hindustan Times. 13 July 2017. Retrieved 16 July 2019.
  32. ↑ "Ravindra Jadeja, wife give baby daughter Sanskrit inspired name". The Indian Express. 13 June 2017. Retrieved 16 July 2019.
  33. ↑ "Gujarat polls: Ravindra Jadeja's father bats for Congress in Jamnagar north seat". The Times of India. 30 November 2022. ISSN 0971-8257. Retrieved 7 May 2025.

ᱵᱟᱦᱨᱮ ᱡᱚᱱᱚᱲ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
"https://sat.wikipedia.org/w/index.php?title=ᱨᱚᱵᱤᱱᱫᱨᱚ_ᱡᱟᱰᱮᱡᱟ&oldid=186413" ᱠᱷᱚᱱ ᱧᱟᱢ ᱟᱹᱜᱩᱭ