ᱨᱚᱵᱤᱱᱫᱨᱚ ᱥᱤᱝ ᱠᱩᱥᱣᱟᱦᱟ
| ᱨᱚᱵᱤᱱᱫᱨᱚ ᱥᱤᱝ | |
|---|---|
 ᱨᱚᱵᱤᱱᱫᱨᱚ ᱥᱤᱝ | |
| ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ | |
| ᱟᱹᱢᱟᱹᱞᱤ ᱨᱮ ᱑᱙᱙᱕ – ᱒᱐᱐᱐ | |
| ᱵᱟᱪᱷᱱᱟᱣ ᱮᱞᱟᱠᱟ | ᱟᱨᱣᱟᱞ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ |
| ᱟᱹᱢᱟᱹᱞᱤ ᱨᱮ ᱒᱐᱑᱕ – ᱒᱐᱒᱐ | |
| ᱵᱟᱪᱷᱱᱟᱣ ᱮᱞᱟᱠᱟ | ᱟᱨᱣᱟᱞ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱐᱗-᱐᱑-᱑᱙᱕᱓ ᱦᱤᱪᱷᱟᱱ ᱵᱤᱜᱷᱟ |
| ᱨᱟᱡᱽᱟᱹᱨᱤ ᱫᱚᱞ | ᱨᱟᱥᱴᱨᱤᱭᱚ ᱡᱚᱱᱛᱟ ᱫᱚᱞ |
| ᱜᱳ/ᱵᱟᱵᱟ | ᱵᱤᱞᱚᱢ ᱦᱚᱨᱫᱚᱭᱟᱞ ᱥᱤᱝ (ᱵᱟᱵᱟ) |
| ᱚᱲᱟᱜ | ᱦᱤᱪᱷᱟᱱ ᱵᱤᱜᱷᱟ, ᱫᱟᱣᱫᱽᱱᱚᱜᱚᱨ, ᱚᱣᱨᱚᱝᱜᱟᱵᱟᱫᱽ, ᱵᱤᱦᱟᱨ, ᱥᱤᱧᱚᱛ |
| ᱠᱟᱹᱢᱤ | ᱨᱟᱡᱽᱟᱹᱨᱤᱭᱟᱹ |
| ᱣᱮᱵᱽᱥᱟᱭᱤᱴ | |
ᱨᱚᱵᱤᱱᱫᱨᱚ ᱥᱤᱝ ᱡᱟᱦᱟᱸᱭ ᱫᱚ ᱨᱚᱵᱤᱱᱫᱨᱚ ᱥᱤᱝ ᱠᱩᱥᱣᱟᱦᱟ[᱑] ᱧᱩᱛᱩᱢ ᱛᱮ ᱦᱚᱸᱭ ᱵᱟᱰᱟᱭᱚᱜᱼᱟ, ᱫᱚ ᱵᱤᱦᱟᱨ ᱨᱤᱱᱤᱡ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱟᱨᱣᱟᱞ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱵᱟᱨ ᱫᱷᱟᱣ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱚᱱ ᱟᱠᱟᱱᱟ ᱾[᱒] ᱥᱤᱝ ᱫᱚ ᱡᱚᱱᱛᱟ ᱫᱚᱞ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟᱭ ᱟᱨ ᱛᱟᱭᱚᱢ ᱛᱮ ᱨᱟᱥᱴᱨᱤᱭᱚ ᱡᱚᱱᱛᱟ ᱫᱚᱞ ᱨᱤᱱᱤᱡ ᱥᱚᱦᱮᱛ ᱞᱮᱠᱟᱛᱮᱭ ᱵᱮᱱᱟᱣ ᱮᱱᱟ ᱾ ᱩᱱᱤ ᱫᱚ ᱵᱤᱦᱟᱨ ᱨᱤᱱᱤᱡ ᱢᱟᱨᱮ ᱥᱤᱨᱟᱹ ᱢᱚᱱᱛᱨᱤ ᱞᱟᱞᱩ ᱯᱨᱚᱥᱟᱫᱽ ᱭᱟᱫᱚᱵᱽ ᱟᱜ ᱢᱤᱫ ᱧᱩᱛᱩᱢᱟᱱ ᱜᱚᱲᱚᱭᱤᱡ ᱞᱮᱠᱟᱛᱮ ᱵᱟᱰᱟᱭᱚᱜᱼᱟ ᱾ ᱥᱤᱝ ᱫᱚ ᱠᱚᱢᱭᱩᱱᱤᱥᱴ ᱯᱟᱛᱷᱟᱢ ᱨᱤᱱᱤᱡ ᱠᱟᱱᱟᱭ ᱟᱨ ᱨᱟᱡᱽᱟᱹᱨᱤ ᱨᱮ ᱥᱮᱞᱮᱫᱚᱜ ᱢᱟᱬᱟᱝ ᱨᱮ ᱩᱱᱤ ᱫᱚ ᱵᱤᱦᱟᱨ ᱨᱮᱭᱟᱜ ᱞᱟᱞ ᱠᱚᱨᱤᱰᱚᱨ ᱨᱮ ᱠᱟᱹᱢᱤ ᱠᱟᱱ ᱢᱤᱫ ᱥᱟᱥᱛᱨᱚ ᱱᱟᱠᱥᱞᱤ ᱜᱟᱶᱛᱟ ᱨᱤᱱᱤᱡ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟᱭ ᱾[᱓][᱔]
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱝ ᱫᱚ ᱦᱚᱨᱫᱚᱭᱟᱞ ᱥᱤᱝ ᱟᱜ ᱚᱲᱟᱜ ᱨᱮ ᱡᱟᱱᱟᱢ ᱞᱮᱱᱟᱭ ᱟᱨ ᱟᱡᱟᱜ ᱡᱤᱭᱚᱱ ᱫᱚ ᱯᱟᱴᱱᱟ ᱨᱮᱭᱟᱜ ᱡᱚᱜᱽᱫᱮᱵᱽ ᱯᱟᱛᱷ ᱨᱮ ᱛᱟᱦᱮᱸ ᱠᱟᱱᱟ ᱾ ᱱᱩᱠᱩ ᱫᱚ ᱵᱤᱦᱟᱨ ᱨᱮᱭᱟᱜ ᱠᱩᱥᱣᱟᱦᱟ (ᱠᱳᱭᱨᱤ) ᱡᱟᱹᱛᱤ ᱨᱤᱱ ᱠᱟᱱᱟ ᱠᱚ ᱾[᱕] ᱯᱟᱴᱱᱟ ᱨᱮ ᱥᱮᱴᱮᱨᱚᱜ ᱢᱟᱬᱟᱝ ᱩᱱᱤ ᱫᱚ ᱢᱤᱫ ᱠᱟᱹᱢᱤᱭᱟᱱ ᱢᱚᱣᱡᱤᱥᱴ ᱮ ᱛᱟᱦᱮᱸ ᱠᱟᱱᱟᱭ ᱾ ᱥᱤᱝ ᱟᱜ ᱡᱟᱱᱟᱢ ᱫᱚ ᱢᱤᱫ ᱪᱟᱹᱥᱤ ᱜᱷᱟᱨᱚᱸᱡᱽ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ, ᱡᱟᱦᱟᱸ ᱨᱮ ᱵᱤᱦᱟᱨ ᱨᱮᱭᱟᱜ ᱚᱣᱨᱟᱝᱜᱟᱵᱟᱫᱽ ᱦᱚᱱᱚᱛ ᱨᱮ ᱔.᱓᱒ ᱮᱠᱚᱨ ᱡᱟᱜᱟ ᱵᱮᱜᱚᱨ ᱚᱣᱨᱟᱝᱜᱟᱵᱟᱫᱽ ᱨᱮ ᱚᱲᱟᱜ ᱡᱟᱜᱟ ᱦᱚᱸ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱵᱤᱦᱟᱨ ᱯᱚᱱᱚᱛ ᱨᱮ ᱠᱟᱹᱢᱤ ᱠᱟᱱ ᱟᱭᱢᱟ ᱱᱟᱠᱥᱞᱤ ᱜᱟᱶᱛᱟ ᱠᱚ ᱦᱚᱛᱮᱛᱮ ᱡᱟᱭᱜᱟ ᱢᱟᱹᱞᱤᱠ ᱠᱚ ᱵᱤᱨᱩᱫᱷ ᱨᱮ ᱦᱩᱞ ᱨᱮ ᱥᱮᱞᱮᱫ ᱞᱮᱱᱟᱭ ᱾ ᱡᱟᱭᱜᱟ ᱢᱟᱹᱞᱤᱠ ᱟᱨ ᱱᱟᱠᱥᱟᱞᱤ ᱠᱟᱹᱢᱤᱭᱟᱹ ᱠᱚ ᱛᱟᱞᱟ ᱨᱮ ᱦᱤᱸᱥᱟ ᱚᱠᱛᱚ ᱨᱮ, ᱩᱱᱤ ᱫᱚ ᱠᱟᱨᱟᱵᱟᱥ ᱠᱷᱚᱱ ᱵᱟᱧᱪᱟᱣ ᱞᱟᱹᱜᱤᱫ ᱑᱓-᱑᱔ ᱥᱮᱨᱢᱟ ᱫᱷᱟᱹᱨᱤᱡ ᱡᱟᱹᱛᱤ ᱞᱟᱛᱟᱨ ᱨᱮ ᱪᱟᱞᱟᱣ ᱦᱩᱭᱮᱱ ᱛᱟᱭᱟ ᱾ ᱱᱚᱣᱟ ᱚᱠᱛᱚ ᱨᱮ ᱩᱱᱤᱭᱟᱜ ᱚᱲᱟᱜ ᱨᱮ ᱑᱓᱕ ᱫᱷᱟᱣ ᱪᱟᱯᱟᱞᱟᱣ ᱞᱮᱱᱟ ᱟᱨ ᱩᱱᱤᱭᱟᱜ ᱟᱭᱳ ᱵᱟᱵᱟ ᱟᱜ ᱡᱤᱱᱤᱥ ᱠᱚ ᱯᱩᱞᱤᱥ ᱠᱚ ᱡᱷᱟᱹᱞ ᱠᱮᱫᱟ ᱾ ᱑᱙᱙᱐ ᱥᱮᱨᱢᱟ ᱨᱮ ᱞᱟᱞᱩ ᱯᱨᱚᱥᱟᱫᱽ ᱭᱟᱫᱚᱵᱽ ᱫᱚ ᱩᱱᱤᱭᱟᱜ ᱧᱟᱢ ᱞᱮᱫᱟᱭ ᱟᱨ ᱭᱟᱫᱚᱵᱽ ᱫᱚ ᱯᱚᱱᱚᱛ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱮᱱ ᱛᱟᱭᱚᱢ, ᱢᱤᱫ ᱧᱮᱞ ᱛᱚᱞᱟᱥ ᱨᱤᱯᱳᱨᱴ ᱨᱮ ᱩᱱᱤ ᱵᱤᱨᱩᱫᱷ ᱨᱮ ᱡᱚᱛᱚ ᱯᱷᱮᱰᱤᱝ ᱠᱮᱥ ᱠᱚ ᱪᱟᱵᱟ ᱠᱮᱫᱟ ᱾ ᱑᱙᱙᱔ ᱥᱟᱞ ᱨᱮ, ᱦᱚᱱᱚᱛ ᱯᱩᱞᱤᱥ ᱩᱱᱤ ᱵᱤᱨᱩᱫᱷ ᱨᱮ ᱨᱮᱡᱤᱥᱴᱟᱨ ᱟᱠᱟᱱ ᱡᱚᱛᱚ ᱠᱮᱥ ᱨᱮ ᱠᱞᱤᱱ ᱪᱤᱴ ᱠᱚ ᱮᱢ ᱞᱮᱫᱮᱭᱟ ᱾ ᱵᱷᱟᱨᱚᱛ ᱨᱮᱱᱟᱜ ᱵᱟᱪᱷᱱᱟᱣ ᱠᱚᱢᱤᱥᱚᱱ ᱨᱮ ᱥᱮᱞᱮᱫ ᱟᱠᱟᱱ ᱟᱡᱟᱜ ᱵᱟᱪᱷᱱᱟᱣ ᱟᱯᱷᱤᱰᱤᱭᱟ ᱨᱮ, ᱢᱤᱫᱴᱟᱹᱝ ᱨᱤᱵᱚᱞᱵᱚᱨ ᱟᱨ ᱢᱤᱫᱴᱟᱹᱝ ᱨᱟᱭᱯᱷᱚᱞ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾[᱖][᱗]
ᱩᱱᱤ ᱫᱚ ᱩᱥᱟ ᱥᱚᱨᱚᱱ ᱥᱟᱶ ᱵᱟᱯᱞᱟ ᱞᱮᱱᱟᱭ, ᱡᱟᱦᱟᱸᱭ ᱠᱷᱚᱱ ᱩᱱᱤ ᱨᱤᱱ ᱵᱟᱨᱭᱟ ᱠᱚᱲᱟ ᱜᱤᱫᱽᱨᱟᱹ ᱜᱚᱣᱨᱚᱣ ᱟᱨ ᱥᱚᱥᱤᱠᱟᱱᱛ ᱯᱨᱚᱵᱷᱟᱠᱚᱨ ᱠᱤᱱ ᱡᱟᱱᱟᱢ ᱞᱮᱱᱟ ᱾ ᱥᱤᱝ ᱫᱚ ᱞᱟᱞᱩ ᱯᱨᱚᱥᱟᱫᱽ ᱭᱟᱫᱚᱵᱽ ᱤᱫᱤ ᱛᱮ ᱨᱟᱡᱽᱟᱹᱨᱤ ᱨᱮᱭ ᱥᱮᱞᱮᱫ ᱞᱮᱱᱟ, ᱡᱟᱦᱟᱸᱭ ᱫᱚ ᱑᱙᱙᱕ ᱥᱟᱞᱮ ᱨᱮ ᱟᱨᱣᱟᱞ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱡᱚᱱᱛᱟ ᱫᱚᱞ ᱨᱤᱱᱤᱡ ᱠᱚᱱᱰᱮᱰᱮᱴ ᱮ ᱵᱮᱱᱟᱣ ᱠᱮᱫᱼᱟ ᱾[᱘]
᱒᱐᱑᱕ ᱥᱟᱞ ᱨᱮ, ᱩᱱᱤ ᱫᱚ ᱟᱨᱣᱟᱞ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱨᱟᱥᱴᱨᱤᱭᱚ ᱡᱚᱱᱛᱟ ᱫᱚᱞ (ᱟᱨᱡᱮᱰᱤ) ᱨᱤᱱᱤᱡ ᱠᱚᱱᱰᱤᱰᱮᱴ ᱮ ᱛᱟᱦᱮᱸ ᱠᱟᱱᱟᱭ ᱟᱨ ᱩᱱᱤ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱨᱤᱱᱤᱡ ᱪᱤᱛᱨᱚᱱᱡᱚᱱ ᱠᱩᱢᱟᱨ ᱠᱷᱚᱱ ᱡᱤᱛᱟᱹᱣ ᱮᱱᱟ ᱾ ᱱᱚᱣᱟ ᱵᱟᱪᱷᱱᱟᱣ ᱨᱮ ᱩᱱᱤ ᱫᱚ ᱕᱕,᱒᱙᱕ ᱵᱷᱚᱴ ᱧᱟᱢ ᱞᱮᱫᱟᱭ, ᱡᱚᱠᱷᱚᱱ ᱠᱩᱢᱟᱨ ᱟᱨ ᱵᱷᱚᱠᱯᱟ-ᱢᱟᱞᱮ ᱠᱟᱱᱰᱤᱰᱮᱴ ᱢᱚᱦᱟᱱᱚᱱᱫᱽ ᱥᱤᱝ ᱫᱚᱥᱟᱨ ᱟᱨ ᱛᱮᱥᱟᱨ ᱴᱷᱟᱶ ᱮ ᱟᱢᱮᱴ ᱞᱮᱫᱼᱟ ᱾[᱙]
᱒᱐᱐᱓ ᱥᱟᱞᱮ ᱨᱮ, ᱟᱡᱤᱡ ᱦᱩᱰᱤᱧ ᱜᱤᱫᱽᱨᱟᱹ ᱜᱳᱣᱨᱚᱣ ᱩᱨᱯᱷ ᱫᱤᱵᱚᱠᱚᱨ ᱫᱚ ᱵᱤᱦᱟᱨ ᱨᱮᱭᱟᱜ ᱚᱣᱨᱟᱝᱜᱟᱵᱟᱫᱽ ᱦᱚᱱᱚᱛ ᱨᱮᱭᱟᱜ ᱦᱤᱪᱷᱟᱱ ᱵᱤᱜᱷᱟ ᱟᱹᱛᱩ ᱥᱩᱨ ᱨᱮ ᱜᱩᱞᱤ ᱛᱮᱠᱚ ᱜᱚᱡ ᱠᱮᱫᱮᱭᱟ ᱠᱚ ᱾ ᱜᱳᱣᱨᱚᱣ ᱫᱚ ᱟᱹᱛᱩ ᱨᱮ ᱢᱤᱫᱴᱟᱹᱝ ᱯᱩᱞᱴᱨᱤ ᱯᱷᱚᱨᱢ ᱨᱤᱱᱤᱡ ᱢᱟᱹᱞᱤᱠ ᱮ ᱛᱟᱦᱮᱸ ᱠᱟᱱᱟᱭ ᱟᱨ ᱟᱡᱟᱜ ᱡᱟᱱᱟᱢ ᱟᱹᱛᱩ ᱨᱮᱭ ᱛᱟᱦᱮᱸ ᱠᱟᱱᱟᱭ ᱾[᱑] ᱜᱳᱣᱨᱚᱣ ᱫᱚ ᱒᱐᱒᱐ ᱥᱟᱞ ᱨᱮ ᱟᱨᱣᱟᱞ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱯᱷᱩᱨᱜᱟᱹᱞ ᱠᱟᱱᱰᱤᱰᱮᱴ ᱞᱮᱠᱟᱛᱮ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱞᱟᱹᱲᱦᱟᱹᱭ ᱞᱮᱫ ᱛᱟᱦᱮᱸᱫ ᱾[᱑᱐]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 "Ex MLA Ravindra Singh' son Diwakar shot dead". Prabhat Khabar. Archived from the original on 16 May 2023. Retrieved 9 October 2023.
- ↑ "Son of RJD former MLA from Arwal killed". News 18. Archived from the original on 21 April 2023. Retrieved 9 October 2023.
- ↑ "Neta mulls EMI plea to apex court". The Telegraph. Retrieved 9 October 2023.
- ↑ "Ravinder Singh". Archived from the original on 7 May 2024. Retrieved 7 May 2024.
- ↑ Personal interview of former Arwal MLA Ravindra Singh (in Hindi). 9 October 2023. Comment occurs between 2:00 and 3:00. Archived from the original on 7 May 2024. Retrieved 11 October 2023 – via YouTube.
{{cite AV media}}: CS1 maint: unrecognized language (link) - ↑ "Ravindra Singh winner". Myneta. Archived from the original on 9 August 2022. Retrieved 9 October 2023.
- ↑ "Too poor to pay fine only have car and guns". The Hindu. Archived from the original on 12 October 2023. Retrieved 9 October 2023.
- ↑ "Former RJD MLA Son Murder: गोलियों से गूंजा रोहिणी आचार्य का ससुराल, लालू के करीबी पूर्व विधायक के बेटे की हत्या". ABP news. Archived from the original on 16 April 2023. Retrieved 9 October 2023.
- ↑ "Arwal Election results". Firstpost. Archived from the original on 30 March 2023. Retrieved 9 October 2023.
- ↑ "Bihar: औरंगाबाद में RJD के पूर्व विधायक के बेटे की हत्या, अपराधियों ने गोलियों से भूना; पिता पर ही आरोप". Dainik Jagran. Archived from the original on 24 May 2023. Retrieved 9 October 2023.