ᱨᱚᱵᱤᱱᱫᱨᱚ ᱵᱷᱩᱥᱟᱨᱤ
| ᱨᱚᱵᱤᱱᱫᱨᱚ ᱵᱷᱩᱥᱟᱨᱤ | |
|---|---|
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱑᱗ ᱡᱩᱱ ᱑᱙᱕᱗ ᱵᱨᱟᱢᱦᱟᱯᱩᱨᱤ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ |
| ᱡᱟᱹᱛᱤᱭᱟᱹᱨᱤ | ᱥᱤᱧᱚᱛᱤᱭᱟᱹ |
| ᱨᱟᱡᱽᱟᱹᱨᱤ ᱫᱚᱞ | ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ |
| ᱠᱟᱹᱢᱤ | ᱥᱟᱫᱷᱟᱨᱚᱱ ᱢᱟᱨᱟᱝ ᱥᱩᱛᱨᱮᱛ (ᱜᱟᱶᱛᱟ) - ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱵᱤᱡᱮᱯᱤ |
| ᱣᱮᱵᱽᱥᱟᱭᱤᱴ | www |
ᱨᱚᱵᱤᱱᱫᱨᱚ ᱭᱚᱥᱣᱚᱱᱛᱨᱟᱣ ᱵᱷᱩᱥᱟᱨᱤ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ (ᱵᱤᱡᱮᱯᱤ) ᱨᱤᱱᱤᱡ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱢᱟᱨᱟᱝ ᱥᱩᱛᱨᱮᱛ (ᱜᱟᱶᱛᱟ) [᱑] ᱛᱟᱦᱮᱸ ᱠᱟᱱᱟᱭ ᱾[᱒][᱓] ᱩᱱᱤ ᱫᱚ ᱯᱟᱪᱮ ᱥᱤᱧᱚᱛ ᱞᱟᱹᱜᱤᱫ ᱨᱟᱥᱴᱨᱤᱭᱚ ᱥᱣᱚᱭᱚᱢᱥᱮᱵᱟᱠ ᱥᱟᱸᱜᱷ ᱨᱤᱱᱤᱡ ᱯᱨᱚᱪᱟᱨᱟᱠ (ᱯᱩᱨᱟᱹ ᱚᱠᱛᱚ ᱯᱟᱥᱱᱟᱣ ᱤᱡ) ᱟᱨ ᱟᱡᱟᱜ ᱡᱟᱹᱛᱤᱭᱟᱹᱨᱤ ᱠᱟᱹᱢᱤᱭᱟᱹ ᱭᱤᱡ ᱢᱟᱨᱮ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟᱭ ᱾
ᱱᱤᱡᱮᱨᱟᱜ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱗ ᱡᱩᱱ ᱑᱙᱕᱗ ᱨᱮ ᱢᱚᱦᱟᱨᱟᱥᱴᱨᱚ ᱨᱮᱱᱟᱜ ᱵᱨᱚᱢᱦᱟᱯᱩᱨᱤ ᱦᱚᱱᱚᱛ ᱨᱮ ᱢᱤᱫ ᱧᱩᱛᱩᱢᱟᱱ ᱵᱷᱩᱥᱟᱨᱤ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱩᱱᱤ ᱭᱤᱡ ᱜᱩᱨ ᱜᱚᱲᱚᱢ ᱦᱟᱲᱟᱢ ᱫᱚ ᱮᱰᱵᱷᱚᱠᱮᱴ ᱵᱷᱟᱥᱠᱚᱨᱨᱟᱣ ᱵᱷᱩᱥᱟᱨᱤ ᱛᱟᱞᱩᱠ ᱥᱟᱸᱜᱷᱪᱟᱞᱟᱠ ᱮ ᱛᱟᱦᱮᱸ ᱠᱟᱱᱟᱭ ᱾ ᱟᱡᱟᱜ ᱨᱤᱱ ᱟᱭᱳ-ᱵᱟᱵᱟ ᱠᱩ ᱥᱩᱢᱚᱱ ᱪᱚᱣᱡᱤ ᱟᱨ ᱭᱚᱥᱣᱚᱸᱛ ᱵᱷᱩᱥᱟᱨᱤ ᱛᱤᱠᱤᱱᱟᱜ ᱵᱟᱯᱞᱟ ᱫᱚ ᱑᱙᱕᱐ ᱥᱟᱞ ᱨᱮ ᱦᱩᱭ ᱞᱮᱱᱟ ᱛᱟᱦᱮᱸᱫ ᱾ ᱨᱚᱵᱤᱱᱫᱨᱚ ᱵᱷᱩᱥᱟᱨᱤ ᱭᱤᱡ ᱢᱤᱫᱴᱟᱹᱝ ᱢᱟᱨᱟᱝ ᱵᱚᱭᱦᱟ ᱨᱟᱢ, ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱤᱥᱨᱟ ᱨᱮᱠᱷᱟ, ᱦᱩᱰᱤᱧ ᱢᱤᱥᱨᱟ ᱨᱚᱧᱡᱟ ᱟᱨ ᱡᱚᱛᱚ ᱠᱷᱚᱱ ᱢᱤᱥᱨᱟ ᱢᱟᱫᱷᱩᱨᱤ ᱢᱮᱱᱟᱭᱟ ᱾ ᱩᱱᱤ ᱫᱚ ᱜᱤᱫᱽᱨᱟᱹ ᱚᱠᱛᱚ ᱠᱷᱚᱱ ᱜᱮ ᱥᱚᱸᱥᱚᱫᱽ ᱨᱤᱱᱤᱡ ᱥᱣᱚᱢᱥᱮᱵᱟᱠ ᱠᱟᱱᱟᱭ । ᱩᱱᱤ ᱫᱚ ᱨᱟᱥᱴᱨᱤᱭᱚ ᱥᱣᱚᱢᱥᱮᱵᱟᱠ ᱥᱚᱸᱥᱚᱫᱽ ᱥᱟᱶ ᱡᱩᱲᱟᱹᱣ ᱟᱠᱟᱱ ᱢᱟᱨᱟᱝ ᱵᱩᱫᱷᱤᱡᱤᱣᱤ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱩᱱᱤ ᱟᱡ ᱵᱟᱵᱟ ᱫᱚ ᱢᱤᱫ ᱪᱟᱹᱥᱤ ᱛᱟᱦᱮᱸ ᱠᱟᱱᱟᱭ ᱟᱨ ᱜᱚᱰᱷᱪᱤᱨᱳᱞᱤ ᱨᱮᱱᱟᱜ ᱣᱟᱥᱟ ᱟᱹᱛᱩ ᱨᱮ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱢᱩᱬᱩᱛ ᱞᱮᱠᱟᱛᱮ ᱠᱚᱢᱚᱨᱥ ᱨᱮ ᱯᱟᱲᱦᱟᱣᱜ ᱠᱟᱱ ᱛᱟᱦᱮᱸᱫ ᱟᱨ ᱩᱱᱤ ᱫᱚ ᱱᱟᱜᱽᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱥᱤᱧᱚᱛ ᱠᱷᱚᱱ ᱠᱚᱢᱚᱨᱥ ᱨᱮ ᱢᱟᱥᱴᱟᱨ ᱮ ᱯᱟᱲᱦᱟᱣᱜ ᱠᱟᱱ ᱛᱟᱦᱮᱸᱫ ᱾
ᱥᱮᱪᱮᱫ ᱟᱨ ᱮᱛᱚᱦᱚᱵ ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱩᱥᱟᱨᱤ ᱜᱷᱟᱨᱚᱸᱡᱽ ᱫᱚ ᱟᱡ ᱨᱤᱱ ᱯᱮᱭᱟ ᱦᱚᱯᱚᱱ ᱠᱩᱲᱤ ᱜᱤᱫᱽᱨᱟᱹ ᱥᱮᱪᱮᱫᱚᱜ ᱞᱟᱹᱜᱤᱫ ᱱᱟᱜᱽᱯᱩᱨ ᱠᱚ ᱦᱮᱡ ᱮᱱᱟ ᱾ ᱱᱟᱜᱽᱯᱩᱨ ᱨᱮᱱᱟᱜ ᱫᱷᱚᱨᱚᱢᱯᱮᱴ ᱦᱟᱭ ᱥᱠᱩᱞ ᱨᱮ ᱯᱚᱲᱦᱚᱱᱚᱜ ᱠᱟᱱ ᱚᱠᱛᱚ ᱨᱮ, ᱵᱷᱩᱥᱟᱨᱤ ᱫᱚ ᱠᱨᱤᱠᱮᱴ, ᱠᱟᱵᱟᱰᱤ, ᱠᱷᱳ-ᱠᱷᱳ, ᱯᱷᱩᱴᱵᱚᱞ ᱟᱨ ᱦᱚᱠᱤ ᱨᱮ ᱟᱥᱲᱟ ᱨᱮᱱᱟᱜ ᱩᱫᱩᱜ ᱠᱮᱫᱼᱟ ᱾ ᱑᱙᱗᱖-᱗᱗ ᱨᱮ ᱩᱱᱤ ᱫᱚ ᱫᱷᱚᱨᱚᱢᱯᱮᱴᱷ ᱠᱚᱞᱮᱡᱽ ᱨᱤᱱᱤᱡ ᱢᱩᱬᱩᱛ ᱥᱩᱛᱨᱮᱛ ᱞᱮᱠᱟᱛᱮ ᱵᱟᱪᱷᱚᱱ ᱮᱱᱟᱭ ᱟᱨ ᱟᱹᱰᱤ ᱢᱟᱨᱟᱝ ᱵᱷᱮᱜᱟᱨ ᱛᱮᱭ ᱡᱤᱛᱟᱹᱣ ᱮᱱᱟ ᱾ ᱩᱱᱤ ᱫᱚ ᱱᱟᱜᱽᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱠᱚᱢᱚᱨᱥ ᱨᱮ ᱢᱟᱪᱮᱛ ᱞᱮᱠᱟᱛᱮ ᱧᱟᱢ ᱠᱮᱫᱼᱟ ᱾ ᱩᱱᱤ ᱟᱡᱟᱜ ᱠᱚᱞᱮᱡᱽ ᱨᱮ ᱠᱨᱤᱠᱮᱴ ᱴᱤᱢ ᱨᱮ ᱠᱟᱯᱴᱮᱱ ᱦᱚᱸᱭ ᱛᱟᱦᱮᱸ ᱠᱟᱱᱟᱭ ᱾ ᱮᱢ. ᱠᱚᱢ ᱰᱤᱜᱽᱨᱤ ᱵᱤᱱᱤᱰ ᱨᱮ ᱩᱱᱤ ᱫᱚ ᱠᱚᱞᱮᱡᱽ ᱴᱚᱯᱚᱨ ᱮ ᱛᱟᱦᱮᱸ ᱠᱟᱱᱟᱭ ᱾ ᱑᱙᱗᱘-᱗᱙ ᱥᱮᱨᱢᱟ ᱨᱮ ᱩᱱᱤ ᱟᱡᱟᱜ ᱠᱚᱞᱮᱡᱽ ᱯᱟᱛᱷᱟᱢ ᱨᱮᱭᱟᱜ ᱥᱟᱥᱟᱯᱲᱟᱣᱤᱡ ᱵᱚᱨᱰ ᱨᱮ ᱛᱟᱦᱮᱸ ᱠᱟᱱᱟᱭ ᱾ ᱑᱙᱗᱙-᱘᱑ ᱨᱮ ᱩᱱᱤ ᱫᱚ ᱫᱷᱚᱨᱚᱢᱯᱮᱴᱷ ᱠᱚᱞᱮᱡᱽ ᱨᱮ ᱯᱨᱚᱯᱷᱮᱥᱚᱨ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱫᱷᱚᱨᱚᱢᱯᱮᱴᱷ ᱟᱨᱴᱥ ᱟᱨ ᱠᱚᱢᱚᱨᱥ ᱠᱚᱞᱮᱡᱽ ᱨᱮ ᱞᱮᱠᱪᱚᱨᱚᱨ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤ ᱮ ᱮᱛᱚᱦᱚᱵ ᱞᱮᱫᱼᱟ ᱾ ᱒᱓ ᱡᱩᱞᱟᱭ ᱫᱚ ᱢᱩᱢᱵᱟᱭ ᱨᱮ ᱵᱤᱡᱮᱯᱤ ᱯᱨᱚᱫᱮᱥ ᱠᱟᱹᱢᱤᱥᱟᱲᱟ ᱨᱮᱱᱟᱜ ᱢᱟᱹᱪᱤ ᱨᱮ ᱵᱷᱩᱥᱟᱨᱤ ᱫᱚ ᱯᱨᱚᱫᱮᱥ ᱥᱚᱝᱜᱚᱴᱷᱚᱱ ᱥᱩᱛᱨᱮᱛ ᱞᱮᱠᱟᱛᱮ ᱵᱟᱪᱷᱚᱱ ᱮᱱᱟᱭ ᱾[᱔]
ᱟᱨ ᱮᱥ ᱮᱥ ᱥᱟᱶ ᱜᱟᱶᱛᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱩᱥᱟᱨᱤ ᱟᱜ ᱨᱟᱥᱴᱨᱤᱭᱚ ᱥᱣᱚᱢᱥᱮᱵᱟᱠ ᱥᱟᱸᱜᱷ (ᱟᱨ.ᱮᱥ.ᱮᱥ.) ᱥᱟᱶ ᱡᱚᱲᱟᱣ ᱫᱚ ᱩᱱᱤᱭᱟᱜ ᱜᱤᱫᱽᱨᱟᱹ ᱫᱤᱱ ᱨᱮ ᱢᱟᱨᱮ ᱵᱤᱞᱟᱥ ᱯᱷᱮᱰᱱᱟᱵᱤᱥ ᱥᱟᱶ ᱢᱮᱱᱟᱜᱼᱟ ᱾ ᱯᱨᱚᱯᱷᱮᱥᱚᱨ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤ ᱠᱷᱚᱱ ᱤᱫᱤᱜ ᱛᱟᱭᱚᱢ, ᱩᱱᱤ ᱫᱚ ᱑᱙᱘᱑ ᱥᱟᱞᱮ ᱨᱮ RSS ᱨᱮ ᱯᱨᱚᱯᱷᱮᱥᱚᱨ (ᱯᱩᱨᱟᱹ ᱚᱠᱛᱚ ᱠᱟᱹᱢᱤᱭᱟᱹ) ᱦᱩᱭᱩᱜ ᱞᱟᱹᱜᱤᱫ ᱯᱨᱚᱥᱛᱟᱵᱽ ᱮᱢ ᱞᱮᱫᱼᱟ ᱾ ᱚᱱᱟ ᱛᱟᱭᱚᱢ ᱵᱷᱩᱥᱟᱨᱤ ᱫᱚ ᱵᱤᱫᱷᱚᱨᱵᱷ ᱦᱚᱱᱚᱛ, ᱯᱟᱪᱮ ᱥᱤᱧᱚᱛ ᱦᱚᱱᱚᱛ (ᱢᱚᱦᱟᱨᱟᱥᱴᱨᱚ, ᱜᱩᱡᱽᱨᱟᱴ, ᱜᱳᱣᱟ) ᱨᱮ ᱟᱭᱢᱟ ᱢᱩᱬ ᱯᱚᱫᱽ ᱨᱮᱭ ᱛᱟᱦᱮᱸ ᱠᱟᱱᱟᱭ ᱾ ᱟᱨ ᱯᱟᱨᱚᱢᱮᱱ ᱠᱤᱪᱷᱩ ᱥᱮᱨᱢᱟ ᱠᱷᱚᱱ ᱩᱱᱤ ᱫᱚ ᱱᱟᱜᱽᱯᱩᱨ ᱨᱮ ᱢᱮᱱᱟᱜ ᱟᱨ.ᱮᱥ.ᱮᱥ ᱦᱮᱰᱠᱩᱣᱟᱴᱚᱨ ᱨᱮᱱᱟᱜ ᱚᱯᱷᱤᱥ ᱥᱩᱛᱨᱮᱛ ᱞᱮᱠᱟᱛᱮᱭ ᱠᱟᱹᱢᱤ ᱠᱟᱱᱟ ᱾ ᱩᱱᱤ ᱫᱚ ᱵᱤᱫᱟᱨᱵᱷ ᱨᱮᱱᱟᱜ ᱟᱠᱳᱞᱟ ᱴᱚᱴᱷᱟ ᱨᱮ ᱦᱚᱸ ᱠᱟᱹᱢᱤ ᱟᱠᱟᱫᱟᱭ ᱾[᱕] ᱑᱙᱙᱓ ᱥᱟᱞᱮ ᱨᱮ ᱩᱱᱤ ᱫᱚ ᱟᱠᱳᱞᱟ ᱥᱚᱦᱚᱨ ᱨᱮ ᱫᱤᱯᱟᱣᱟᱞᱤ ᱠᱟᱹᱢᱤᱦᱚᱨᱟ ᱨᱮᱱᱟᱜ ᱥᱟᱯᱲᱟᱣᱤᱡ ᱨᱮ ᱞᱟᱹᱜᱤᱫ ᱢᱩᱬᱩᱛ ᱯᱟᱴ ᱮ ᱫᱮᱠᱷᱟᱣ ᱞᱮᱫ ᱛᱟᱦᱮᱸᱫ ᱾ ᱑᱙᱙᱘ ᱥᱟᱞᱮ ᱨᱮ, ᱩᱱᱤ ᱫᱚ ᱓᱕,᱐᱐᱐ ᱮᱨ.ᱮᱥ.ᱮᱥ. ᱥᱣᱚᱢᱥᱮᱵᱟᱠ ᱠᱚᱣᱟᱜ ᱵᱤᱫᱟᱨᱵᱷ ᱴᱚᱴᱷᱟ "ᱢᱟᱦᱟᱥᱤᱵᱷᱤᱨ" ᱨᱮᱱᱟᱜ ᱢᱩᱬ ᱥᱟᱯᱲᱟᱣᱤᱡ ᱠᱷᱚᱱ ᱫᱚ ᱢᱤᱫᱴᱟᱹᱝ ᱛᱟᱦᱮᱸ ᱠᱟᱱᱟ ᱾[᱖]
ᱵᱤᱡᱮᱯᱤ ᱥᱟᱶ ᱜᱟᱶᱛᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱩᱥᱟᱨᱤ ᱫᱚ ᱒᱐᱑᱑ ᱥᱟᱞ ᱨᱮ ᱡᱟᱹᱛᱤᱭᱟᱹᱨᱤ ᱯᱟᱨᱥᱮᱛ ᱥᱨᱤ ᱱᱤᱛᱤᱱ ᱜᱟᱰᱠᱟᱨᱤ ᱦᱚᱛᱮᱛᱮ ᱵᱤᱡᱮᱯᱤ ᱨᱮ ᱯᱚᱱᱚᱛ ᱢᱟᱨᱟᱝ ᱥᱩᱛᱨᱮᱛ[᱗] ᱜᱟᱶᱛᱟ ᱞᱮᱠᱟᱛᱮ ᱵᱷᱟᱵᱤ ᱞᱮᱫᱮᱭᱟ ᱾[᱕][᱘]
ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱥᱟᱫᱷᱟᱨᱚᱱ ᱥᱩᱛᱨᱮᱛ ᱞᱮᱠᱟᱛᱮ, ᱨᱚᱵᱤᱱᱫᱨᱚ ᱵᱷᱩᱥᱟᱨᱤ ᱫᱚ ᱩᱱᱠᱩ ᱠᱤᱪᱷᱩ ᱞᱟᱹᱠᱛᱤᱭᱟᱱ ᱦᱚᱲ ᱠᱚ ᱢᱩᱫᱽ ᱨᱮ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱢᱮ ᱒᱐᱑᱔ ᱨᱮ ᱱᱟᱜᱟᱢᱤᱭᱟᱹ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱟᱨ ᱚᱱᱟ ᱛᱟᱭᱚᱢ ᱚᱠᱴᱚᱵᱚᱨ ᱒᱐᱑᱔ ᱨᱮ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱚᱠᱛᱚ ᱯᱚᱱᱚᱛ ᱨᱮ ᱵᱤᱡᱮᱯᱤ ᱭᱟᱜ ᱠᱟᱹᱢᱤ ᱦᱚᱨᱟ ᱠᱚᱭ ᱯᱟᱨᱥᱟᱞ ᱞᱮᱫ ᱛᱟᱦᱮᱸᱫ ᱾ ᱵᱟᱱᱟᱨ ᱵᱟᱪᱷᱱᱟᱣ ᱨᱮᱜᱮ ᱵᱤᱡᱮᱯᱤ ᱡᱤᱛᱠᱟᱹᱨ ᱮᱱᱟᱭ ᱾
᱒᱐᱑᱕ ᱥᱮᱨᱢᱟ ᱨᱮ ᱵᱷᱩᱥᱟᱨᱤ ᱫᱚ ᱱᱟᱜᱽᱯᱩᱨ ᱦᱤᱨᱳᱡᱽ ᱥᱤᱨᱯᱟᱹ ᱛᱮ ᱥᱚᱯᱚᱦᱚᱫ ᱞᱮᱱᱟᱭ ᱟᱨ ᱛᱟᱭᱚᱢ ᱥᱮᱨᱢᱟ ᱨᱮ ᱩᱱᱤ ᱫᱚ ᱡᱟᱹᱛᱤᱭᱟᱹᱨᱤ ᱦᱟᱹᱨᱭᱟᱹᱲ ᱴᱨᱟᱭᱵᱩᱱᱟᱞ ᱟᱹᱱ ᱞᱟᱹᱲᱦᱟᱹᱭ ᱞᱟᱹᱜᱤᱫ ᱟᱢᱞᱟ ᱠᱚ ᱱᱳᱴᱤᱥ ᱠᱚ ᱮᱢ ᱠᱮᱫ ᱠᱚᱣᱟ ᱾[᱙]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Narendra Modi distances from SPG to get closer to partymen". Daily News and Analysis. 22 July 2014. Retrieved 18 August 2019.
- ↑ "State General Secretary (Org.)". Archived from the original on 23 ᱥᱮᱯᱴᱮᱢᱵᱚᱨ 2015.
- ↑ "Maharashtra (BJP)". Archived from the original on 25 ᱥᱮᱯᱴᱮᱢᱵᱚᱨ 2015. Retrieved 7 ᱚᱠᱴᱚᱵᱚᱨ 2015.
- ↑ "Amit Shah discusses Maharashtra assembly polls with the RSS". The Economic Times. PTI. 18 July 2014. Retrieved 18 August 2019.
- 1 2 Ramu Bhagwat (13 July 2011). "RSS man Bhusari to be organising secy of BJP". The Times of India. TNN. Retrieved 18 August 2019.
- ↑ V Ram (13 January 1998). "RSS camp gets rousing reception". Rediff.com.
- ↑ Pavan Dahat (19 December 2014). "RSS lessons for Maharashtra BJP Ministers, MLAs". The Hindu. Retrieved 18 August 2019.
- ↑ "The RSS stamp on Narendra Modi's organisation". The Indian Express. 22 October 2014. Retrieved 18 August 2019.
- ↑ Manka Behl (25 October 2016). "NGT's directives on crackers violated". The Times of India. Retrieved 18 August 2019.