ᱨᱚᱵᱤᱱᱫᱽᱨᱚᱱᱟᱛᱷ ᱥᱚᱨᱮᱱ
| ᱨᱚᱵᱤᱱᱫᱽᱨᱚᱱᱟᱛᱷ ᱥᱚᱨᱮᱱ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱯᱷᱮᱵᱽᱨᱩᱣᱟᱨᱤ ᱕, ᱑᱙᱕᱖ ᱯᱤᱱᱨᱟ (ᱨᱟᱸᱜᱟᱰᱤ), ᱯᱩᱨᱩᱞᱤᱭᱟᱹ, ᱯᱚᱪᱷᱤᱢ ᱵᱟᱝᱞᱟ, ᱵᱷᱟᱨᱚᱛ |
| ᱫᱤᱥᱚᱢᱤᱭᱟᱹ | ᱵᱷᱟᱨᱚᱛᱤᱭᱚ |
| ᱥᱮᱪᱮᱫ ᱟᱠᱷᱲᱟ | ᱡᱮ. ᱠᱮ. ᱠᱚᱞᱮᱡᱽ, ᱯᱩᱨᱩᱞᱤᱭᱟᱹ |
| ᱠᱟᱹᱢᱤ | ᱚᱱᱚᱞᱤᱭᱟᱹ, ᱜᱟᱭᱟᱱ ᱚᱱᱚᱞᱤᱭᱟᱹ |
| ᱧᱩᱢᱦᱟᱞᱟᱝ ᱠᱟᱹᱢᱤ | ᱨᱮᱸᱜᱮᱡ ᱡᱟᱞᱟ, ᱵᱩᱞ ᱦᱚᱲ, ᱞᱟᱹᱭᱪᱟᱞ |
| ᱟᱯᱟᱛ ᱮᱸᱜᱟᱛ | ᱨᱟᱡᱮᱱᱫᱽᱨᱚᱱᱟᱛᱷ ᱥᱚᱨᱮᱱ (ᱵᱟᱵᱟ) ᱫᱷᱚᱱᱤᱵᱟᱞᱟ (ᱟᱭᱳ) |
ᱨᱚᱵᱤᱱᱫᱽᱨᱚᱱᱟᱛᱷ ᱥᱚᱨᱮᱱ (ᱡᱟᱱᱟᱢ: ᱕ ᱯᱷᱮᱵᱽᱨᱩᱭᱟᱨᱤ ᱑᱙᱕᱖) ᱫᱚ ᱢᱤᱫ ᱧᱩᱛᱩᱢᱟᱱ ᱥᱟᱱᱛᱟᱲ ᱜᱟᱭᱟᱱᱤᱭᱟᱹ (Playwright) ᱟᱨ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱥᱟᱱᱛᱟᱲ ᱥᱟᱶᱛᱟ ᱨᱮᱱᱟᱜ ᱟᱹᱨᱤᱪᱟᱹᱞᱤ ᱟᱨ ᱫᱤᱱᱟᱹᱢ ᱡᱤᱭᱚᱱ ᱪᱮᱛᱟᱱ ᱨᱮ ᱟᱭᱢᱟ ᱜᱟᱭᱟᱱ ᱠᱚᱭ ᱚᱞ ᱟᱠᱟᱫᱟ᱾[᱑]
ᱡᱟᱱᱟᱢ ᱟᱨ ᱜᱷᱟᱨᱚᱸᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱜᱟᱭᱟᱱᱤᱭᱟᱹ ᱨᱚᱵᱤᱱᱫᱽᱨᱚᱱᱟᱛᱷ ᱥᱚᱨᱮᱱ ᱫᱚ ᱑᱙᱕᱖ ᱥᱟᱞ ᱨᱮᱱᱟᱜ ᱕ ᱯᱷᱮᱵᱽᱨᱩᱭᱟᱨᱤ ᱦᱤᱞᱚᱜ ᱮ ᱡᱟᱱᱟᱢ ᱞᱮᱱᱟ᱾ ᱩᱱᱤᱭᱟᱜ ᱡᱟᱱᱟᱢ ᱛᱷᱟᱶ ᱫᱚ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱱᱟᱜ ᱯᱩᱨᱩᱞᱤᱭᱟᱹ, ᱦᱩᱲᱟ ᱛᱷᱟᱱᱟ ᱨᱮᱱᱟᱜ ᱠᱚᱞᱟᱵᱚᱱᱤ ᱰᱟᱠ ᱚᱲᱟᱜ ᱵᱷᱤᱛᱤᱨ ᱨᱮ ᱢᱮᱱᱟᱜ ᱯᱤᱱᱨᱟ (ᱨᱟᱸᱜᱟᱰᱤ) ᱟᱹᱛᱩ ᱨᱮ᱾ ᱟᱡ ᱵᱟᱵᱟ ᱧᱩᱛᱩᱢ ᱫᱚ ᱨᱟᱡᱮᱱᱫᱽᱨᱚᱱᱟᱛᱷ ᱥᱚᱨᱮᱱ ᱟᱨ ᱟᱭᱳ ᱫᱚ ᱫᱷᱚᱱᱤᱵᱟᱞᱟ᱾
ᱥᱤᱠᱷᱱᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱚᱵᱤᱱᱫᱽᱨᱚᱱᱟᱛᱷ ᱟᱜ ᱮᱛᱚᱦᱚᱵ ᱥᱤᱠᱷᱱᱟᱹᱛ ᱫᱚ ᱟᱹᱛᱩ ᱤᱥᱠᱩᱞ ᱠᱷᱚᱱ ᱜᱮ ᱮᱦᱚᱵ ᱞᱮᱱᱟ᱾ ᱤᱱᱟᱹ ᱛᱟᱭᱚᱢ ᱑᱙᱗᱒ ᱥᱟᱞ ᱨᱮ ᱠᱚᱞᱟᱵᱚᱱᱤ ᱦᱟᱭ ᱤᱥᱠᱩᱞ ᱠᱷᱚᱱ ᱤᱥᱠᱩᱞ ᱯᱷᱟᱭᱱᱟᱞ ᱮ ᱯᱟᱥ ᱠᱮᱫᱟ᱾ ᱑᱙᱗᱗ ᱥᱟᱞ ᱨᱮ ᱯᱩᱨᱩᱞᱤᱭᱟᱹ ᱨᱮᱱᱟᱜ ᱡᱮ. ᱠᱮ. ᱠᱚᱞᱮᱡᱽ ᱠᱷᱚᱱ ᱵᱤ. ᱠᱚᱢ. (B.Com) ᱮ ᱯᱟᱥ ᱞᱮᱫᱟ᱾
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡᱟᱜ ᱯᱟᱲᱦᱟᱣ ᱢᱩᱪᱟᱹᱫ ᱠᱟᱛᱮ ᱩᱱᱤ ᱫᱚ ᱥᱚᱨᱠᱟᱨᱤ ᱪᱟᱥ ᱵᱤᱵᱷᱟᱜᱽ (Agriculture Department) ᱨᱮ ᱠᱟᱹᱢᱤ ᱨᱮᱭ ᱥᱮᱞᱮᱫ ᱞᱮᱱᱟ᱾ ᱟᱡᱟᱜ ᱠᱟᱹᱢᱤ ᱴᱷᱟᱶ ᱫᱚ ᱯᱩᱨᱩᱞᱤᱭᱟᱹ ᱡᱮᱞᱟ ᱨᱮᱱᱟᱜ ᱟᱢᱰᱤᱦᱟ ᱨᱮ ᱛᱟᱦᱮᱸ ᱠᱟᱱᱟ᱾ ᱱᱤᱛᱚᱜ ᱫᱚ ᱩᱱᱤ ᱯᱩᱨᱩᱞᱤᱭᱟᱹ ᱡᱮᱞᱟ ᱨᱮᱱᱟᱜ ᱥᱤᱫᱩ ᱠᱟᱹᱱᱩ ᱯᱟᱞᱞᱤ ᱨᱮ ᱵᱟᱥᱟ ᱠᱟᱛᱮ ᱢᱮᱱᱟᱭᱟ᱾
ᱥᱟᱶᱦᱮᱫ ᱮᱱᱮᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱚᱵᱤᱱᱫᱽᱨᱚᱱᱟᱛᱷ ᱥᱚᱨᱮᱱ ᱫᱚ ᱥᱟᱱᱛᱟᱲ ᱥᱟᱶᱛᱟ ᱨᱮᱱᱟᱜ ᱜᱟᱭᱟᱱ ᱟᱨ ᱡᱟᱛᱨᱟ ᱯᱟᱞᱟ ᱚᱞ ᱨᱮ ᱟᱹᱰᱤ ᱜᱟᱹᱠᱷᱩᱲ ᱦᱚᱲ ᱠᱟᱱᱟᱭ᱾ ᱩᱱᱤᱭᱟᱜ ᱚᱞ ᱠᱚᱨᱮ ᱥᱟᱱᱛᱟᱲ ᱥᱟᱶᱛᱟ ᱨᱮᱱᱟᱜ ᱫᱤᱱᱟᱹᱢ ᱡᱤᱭᱚᱱ, ᱢᱟᱹᱱᱢᱤ ᱢᱚᱱᱮ ᱨᱮᱱᱟᱜ ᱟᱹᱭᱠᱟᱹᱣ ᱟᱨ ᱟᱹᱰᱤ ᱜᱟᱹᱦᱤᱨ ᱠᱟᱛᱷᱟ ᱠᱚ ᱟᱹᱰᱤ ᱱᱟᱯᱟᱭ ᱛᱮ ᱯᱷᱚᱴᱮᱞ ᱨᱟᱠᱟᱵ ᱟᱠᱟᱱᱟ᱾ ᱱᱚᱣᱟ ᱠᱚ ᱥᱟᱶᱛᱮ ᱩᱱᱤ ᱫᱚ ᱢᱤᱫ ᱟᱹᱰᱤ ᱱᱟᱯᱟᱭ ᱜᱟᱭᱟᱱ ᱠᱷᱮᱞᱚᱸᱰᱤᱭᱟᱹ (Actor) ᱦᱚᱸᱭ ᱛᱟᱦᱮᱸ ᱠᱟᱱᱟ᱾[᱑]
ᱚᱞ ᱟᱠᱟᱫ ᱡᱟᱛᱨᱟ ᱯᱟᱞᱟ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱨᱮᱸᱜᱮᱡ ᱡᱟᱞᱟ (᱑᱙᱗᱗)
- ᱵᱩᱞ ᱦᱚᱲ
- ᱞᱟᱹᱭᱪᱟᱞ
- ᱞᱟᱲᱟᱣᱱᱟ ᱠᱩᱲᱟᱹᱭ