ᱨᱟᱛᱤ ᱚᱜᱽᱱᱤᱦᱳᱛᱨᱤ
| ᱨᱟᱛᱤ ᱚᱜᱽᱱᱤᱦᱳᱛᱨᱤ | |
|---|---|
 ᱒᱐᱑᱕ ᱨᱮ ᱨᱟᱛᱤ ᱚᱜᱽᱱᱤᱦᱳᱛᱨᱤ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱐ ᱰᱤᱥᱮᱢᱵᱚᱨ ᱑᱙᱖᱐ ᱵᱟᱨᱮᱞᱤ, ᱩᱛᱛᱟᱨ ᱯᱨᱟᱫᱮᱥ, ᱥᱤᱧᱚᱛ |
| ᱮᱴᱟᱜ ᱧᱩᱛᱩᱢ | ᱨᱟᱛᱤ ᱵᱤᱨᱣᱟᱱᱤ |
| ᱠᱟᱹᱢᱤ |
|
| ᱠᱟᱹᱢᱤ ᱚᱠᱛᱚ | 1979–1990 2001–2016 |
| ᱡᱤᱭᱚᱱ ᱥᱚᱦᱮᱫ | Anil Virwani (m. 1985) |
| ᱦᱚᱯᱚᱱ | ᱛᱟᱱᱩᱡᱽ ᱵᱤᱨᱣᱟᱱᱤ |
ᱨᱟᱛᱤ ᱚᱜᱽᱱᱤᱦᱳᱛᱨᱤ (ᱡᱟᱱᱟᱢ ᱑᱐ ᱱᱚᱵᱷᱮᱢᱵᱚᱨ ᱑᱙᱖᱐) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱟᱠᱴᱨᱮᱥ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱦᱤᱱᱫᱤ ᱥᱟᱶ ᱛᱮᱞᱩᱜᱩ ᱟᱨ ᱛᱟᱢᱤᱞ ᱯᱟᱹᱨᱥᱤ ᱯᱷᱤᱞᱢ ᱨᱮ ᱠᱟ.ᱢᱤ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜ ᱠᱟᱱᱟ ᱾ ᱑᱙᱘᱑ ᱥᱟᱞ ᱨᱮ ᱮᱠ ᱫᱩᱡᱮ ᱠᱮ ᱞᱟᱭᱮ (Ek Duuje Ke Liye) ᱟᱨ ᱑᱙᱘᱕ ᱥᱟᱞ ᱨᱮ ᱛᱚᱣᱟᱭᱤᱯ (Tawaif) ᱯᱷᱤᱞᱢ ᱨᱮ ᱠᱟᱢᱤ ᱠᱟᱛᱮ ᱟᱡ ᱫᱚ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱯᱷᱚᱨ ᱵᱮᱥᱴ ᱟᱠᱴᱨᱮᱥ ᱨᱮ ᱵᱟᱨᱭᱟ ᱥᱤᱨᱯᱷᱟᱹᱭ ᱟᱢᱮᱴ ᱞᱮᱫᱼᱟ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱜᱽᱱᱤᱦᱳᱛᱨᱤ ᱫᱚ ᱑᱐ ᱱᱚᱵᱷᱮᱢᱵᱚᱨ ᱑᱙᱖᱐ ᱥᱟᱞᱮ ᱨᱮ ᱵᱟᱨᱮᱞᱤ, ᱩᱛᱛᱚᱨ ᱯᱨᱚᱫᱮᱥ ᱨᱮ ᱢᱤᱫ ᱠᱚᱱᱥᱚᱨᱵᱷᱮᱴᱤᱵᱽ ᱯᱚᱧᱡᱟᱵᱤ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾[᱑]
ᱯᱷᱤᱞᱢ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱐ ᱥᱮᱨᱢᱟ ᱩᱢᱮᱨ ᱨᱮ ᱩᱱᱤ ᱫᱚ ᱢᱚᱰᱮᱞᱤᱝ ᱮ ᱮᱛᱚᱦᱚᱵ ᱞᱮᱫ-ᱟ ᱾[᱒] ᱚᱜᱽᱱᱤᱦᱳᱛᱨᱤ ᱟᱜ ᱯᱩᱭᱞᱩ ᱯᱷᱤᱞᱢ ᱫᱚ ᱛᱟᱢᱤᱞ ᱯᱟᱹᱨᱥᱤ ᱯᱷᱤᱞᱢ ᱯᱩᱛᱷᱤᱭᱟ ᱵᱟᱨᱯᱩᱡᱚᱞ ᱟᱨ ᱱᱤᱨᱟᱢ ᱢᱟᱨᱟᱛᱷᱟ ᱯᱩᱠᱚᱞ (᱑᱙᱗᱙) ᱨᱮ ᱛᱟᱦᱮᱸ ᱠᱟᱱᱟ ᱾[᱓]
᱑᱙᱘᱐ ᱥᱮᱨᱢᱟ ᱨᱮ, ᱩᱱᱤ ᱫᱚ ᱟᱭᱢᱟ ᱦᱤᱱᱫᱤ ᱯᱷᱤᱞᱢ ᱨᱮ ᱠᱟ. ᱩᱱᱤ ᱫᱚ ᱑᱙᱘᱑ ᱥᱟᱞ ᱨᱮᱭᱟᱜ ᱯᱷᱤᱞᱢ ᱮᱠ ᱫᱩᱡᱮ ᱠᱮ ᱞᱤᱭᱮ (Ek Duuje Ke Liye) ᱞᱟᱹᱜᱤᱫ ᱛᱮ ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱨᱮᱥ ᱞᱮᱠᱟᱛᱮ ᱯᱷᱤᱞᱢᱯᱷᱮᱭᱟᱨ (Filmfare) ᱨᱮᱭᱟᱜ ᱧᱩᱛᱩᱢ ᱮ ᱧᱟᱢ ᱞᱮᱫ-ᱟ, ᱡᱟᱦᱟᱸ ᱫᱚ ᱑᱙᱗᱙ ᱥᱟᱞ ᱨᱮᱭᱟᱜ ᱛᱮᱞᱩᱜᱩ ᱯᱷᱤᱞᱢ ᱢᱟᱨᱳ ᱪᱟᱨᱤᱛᱨᱟ (Maro Charitra) ᱨᱮᱭᱟᱜ ᱦᱤᱱᱫᱤ ᱨᱤᱢᱮᱠ ᱠᱟᱱᱟ ᱾ ᱱᱚᱶᱟ ᱚᱠᱛᱚ ᱨᱮᱱᱟᱜ ᱮᱴᱟᱜ ᱦᱤᱱᱫᱤ ᱯᱷᱤᱞᱢ ᱠᱚᱫᱚ ᱯᱷᱚᱨᱡ ᱚᱩᱨ ᱠᱟᱱᱳᱱ (᱑᱙᱘᱒), ᱠᱩᱞᱤ (᱑᱙᱘᱓), ᱛᱚᱣᱟᱭᱤᱯ (᱑᱙᱘᱕) ᱡᱟᱦᱟᱸ ᱫᱚ ᱯᱷᱤᱞᱢᱯᱷᱮᱭᱟᱨ ᱥᱤᱨᱯᱷᱟᱹ ᱞᱟᱹᱜᱤᱫ ᱦᱚᱸᱭ ᱧᱩᱢ ᱪᱟᱞ ᱟᱠᱟᱱ ᱛᱟᱦᱮᱸᱫ, ᱟᱯᱮ ᱠᱮ ᱥᱟᱛᱷ (᱑᱙᱘᱖), ᱟᱨ ᱦᱩᱠᱩᱢᱚᱛ (᱑᱙᱘᱗) ᱾
᱑᱖ ᱥᱮᱨᱢᱟ ᱛᱟᱭᱚᱢ, ᱒᱐᱐᱑ ᱥᱟᱞ ᱨᱮ, ᱦᱤᱱᱫᱤ ᱯᱷᱤᱞᱢ ᱠᱩᱪᱷ ᱠᱷᱚᱛᱤ ᱠᱩᱪᱷ ᱢᱤᱴᱷᱤ ᱟᱨ ᱛᱟᱢᱤᱞ ᱯᱷᱤᱞᱢ ᱢᱚᱡᱩᱱᱩ ᱨᱮ ᱠᱟ.ᱢᱤ ᱞᱮᱫᱟᱭ । ᱩᱱᱤ ᱫᱚ ᱟᱱᱭᱟᱨ (᱒᱐᱐᱓) ᱨᱮ ᱢᱟᱞᱟᱭᱟᱞᱟᱢ, ᱟᱱᱳᱰ ᱴᱩ ᱞᱚᱥᱴ ᱞᱚᱵᱷ (᱒᱐᱐᱓) ᱨᱮ ᱤᱝᱞᱤᱥ ᱟᱨ ᱟᱭᱤᱱᱟ-ᱴᱮ (᱒᱐᱐᱘) ᱨᱮ ᱵᱚᱝᱜᱚᱞᱤ ᱨᱮ ᱮᱱᱮᱡ ᱮ ᱮᱛᱚᱦᱚᱵ ᱞᱮᱫ-ᱟ ᱾
᱒᱐᱐᱕ ᱥᱟᱞ ᱨᱮ ᱯᱞᱤᱯᱷ ᱰᱤᱵᱷᱚᱨᱥ ᱢᱮ ᱰᱟᱨᱞᱤᱝ (Please Divorce Me Darling) ᱟᱨ ᱒᱐᱐᱕ ᱥᱟᱞ ᱨᱮ ᱥᱤᱥᱚᱨ (Sixer) ᱞᱮᱠᱟᱱ ᱴᱮᱞᱤᱵᱷᱤᱡᱚᱱ ᱥᱤᱨᱤᱭᱟᱞ ᱠᱚᱨᱮ ᱠᱟ.ᱢᱤ ᱟᱠᱟᱫᱟᱭ ᱾ ᱚᱜᱽᱱᱤᱦᱳᱛᱨᱤ ᱫᱚ ᱯᱳᱞᱮᱱᱰ ᱨᱮ ᱟᱹᱰᱤ ᱚᱠᱛᱚᱭ ᱦᱟᱛᱟᱣ ᱮᱫᱟ, ᱡᱟᱦᱟᱸᱨᱮ ᱩᱱᱤ ᱫᱚ ᱟᱡᱟᱜ ᱥᱤᱸᱜᱟᱛ ᱟᱱᱤᱛᱟ ᱥᱟᱶ ᱢᱤᱫ ᱥᱤᱧᱚᱛᱤᱭᱟᱹ ᱨᱮᱥᱴᱚᱨᱟᱱᱴᱚᱨ ᱮ ᱪᱟᱞᱟᱣ ᱮᱫᱟ ᱾
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱘᱕ ᱥᱮᱨᱢᱟ ᱨᱮᱱᱟᱜ ᱙ ᱯᱷᱮᱵᱽᱨᱩᱣᱟᱨᱤ ᱦᱤᱞᱚᱜ ᱟᱜᱽᱱᱤᱦᱳᱛᱨᱤ ᱫᱚ ᱵᱮᱯᱟᱨᱤᱭᱟᱹ ᱟᱨ ᱟᱨᱠᱤᱴᱮᱠᱴ ᱟᱱᱤᱞ ᱵᱤᱨᱵᱟᱱᱤ ᱥᱟᱶᱮ ᱵᱟᱯᱞᱟ ᱞᱮᱱᱟ᱾[᱔] ᱚᱱᱟ ᱥᱟᱶᱛᱮ ᱟᱡ ᱵᱟᱵᱟ ᱟᱜ ᱜᱩᱨ ᱦᱩᱭ ᱞᱮᱱ ᱠᱷᱟᱱ ᱩᱱᱤ ᱫᱚ ᱦᱤᱱᱫᱤ ᱯᱷᱤᱞᱤᱢ ᱠᱷᱚᱱ ᱵᱟᱧᱪᱟᱣ ᱮᱱᱟᱭ᱾[᱕] ᱑᱙᱘᱖ ᱥᱟᱞᱮ ᱨᱮ, ᱱᱩᱠᱩᱣᱟᱜ ᱜᱤᱫᱽᱨᱟ. ᱛᱟᱱᱩᱡᱽ ᱵᱤᱨᱵᱟᱱᱤ ᱡᱟᱱᱟᱢ ᱞᱮᱱᱟᱭ ᱾ ᱱᱩᱭ ᱫᱚ ᱦᱤᱱᱫᱤ ᱯᱷᱤᱞᱢ ᱟᱨ ᱴᱮᱞᱤᱵᱤᱡᱚᱱ ᱨᱮ ᱠᱟ.ᱢᱤ ᱠᱟᱱ ᱢᱤᱫ ᱟᱠᱴᱚᱨ ᱠᱟᱱᱟᱭ ।[᱖]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Happy birthday Rati Agnihotri: The ethereal beauty turns 57 today". India TV. 9 November 2017. Retrieved 1 April 2019.
- ↑ "I am where my destiny has brought me". The Hindu. 26 October 2004. Archived from the original on 31 October 2004. Retrieved 7 March 2022.
- ↑ "rediff.com, Movies: The return of Rati". Rediff. 10 March 2000. Retrieved 7 March 2022.
- ↑ "One for the other". The Telegraph. 28 October 2006. Retrieved 6 May 2022.
- ↑ "The Hindu : All set for a second innings". The Hindu. 12 May 2000. Archived from the original on 12 December 2008. Retrieved 17 February 2017.
{{cite news}}: CS1 maint: unfit URL (link) - ↑ Farzeen, Sana (2 May 2019). "Poison actor Tanuj Virwani: Whatever work I am getting is because of Inside Edge". The Indian Express (in ᱟᱝᱜᱽᱨᱮᱡᱤ). Retrieved 13 June 2022.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱨᱟᱛᱤ ᱚᱜᱽᱱᱤᱦᱳᱛᱨᱤ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- ᱨᱟᱛᱤ ᱚᱜᱽᱱᱤᱦᱳᱛᱨᱤ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- Rati Agnihotri's Profile