ᱨᱟᱜᱤᱱᱤ ᱠᱷᱟᱱᱱᱟ
| ᱨᱟᱜᱤᱱᱤ ᱠᱷᱟᱱᱱᱟ | |
|---|---|
_(cropped).jpg) ᱨᱟᱜᱤᱱᱤ ᱠᱷᱟᱱᱱᱟ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱙ ᱰᱤᱥᱮᱢᱵᱚᱨ ᱑᱙᱘᱔ ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ |
| ᱠᱟᱹᱢᱤ | ᱮᱠᱴᱨᱮᱥ |
| ᱠᱟᱹᱢᱤ ᱚᱠᱛᱚ | 2008–2021 |
| ᱥᱩᱦᱤ | |
| Ragini Khanna signature | |
ᱨᱟᱜᱤᱱᱤ ᱠᱷᱟᱱᱱᱟ (ᱡᱟᱱᱟᱢ: ᱙ ᱰᱤᱥᱮᱢᱵᱚᱨ ᱑᱙᱘᱔) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱯᱷᱤᱞᱢ ᱟᱨ ᱴᱮᱞᱤᱵᱷᱤᱡᱚᱱ ᱮᱠᱴᱨᱮᱥ, ᱢᱚᱰᱮᱞ,[᱑] ᱠᱚᱢᱮᱰᱤᱭᱟᱱ, ᱥᱮᱨᱮᱧᱤᱭᱟᱹ ᱟᱨ ᱴᱮᱞᱤᱵᱷᱤᱡᱚᱱ ᱦᱳᱥᱴ ᱠᱟᱱᱟᱭ᱾[᱒] ᱩᱱᱤ ᱫᱚ ᱟᱹᱰᱤ ᱜᱟᱱ ᱨᱤᱭᱟᱞᱤᱴᱤ ᱥᱳ ᱦᱳᱥᱴ ᱟᱠᱟᱫᱟ, ᱡᱮᱞᱮᱠᱟ ᱤᱱᱰᱤᱭᱟ'ᱥ ᱵᱮᱥᱴ ᱰᱨᱟᱢᱮᱵᱟᱡᱽ (᱒᱐᱑᱓) ᱟᱨ ᱜᱮᱝᱥ ᱚᱯᱷ ᱦᱟᱥᱤᱯᱩᱨ (᱒᱐᱑᱔)᱾ ᱩᱱᱤ ᱫᱚ ᱵᱷᱟᱥᱠᱚᱨ ᱵᱷᱟᱨᱛᱤ ᱨᱮ ᱵᱷᱟᱨᱛᱤ ᱟᱨ ᱥᱚᱥᱩᱨᱟᱞ ᱜᱮᱸᱰᱟ ᱯᱷᱩᱞ ᱨᱮ ᱥᱩᱦᱟᱱᱟ ᱠᱟᱥᱭᱚᱯ ᱞᱮᱠᱟᱛᱮ ᱟᱹᱰᱤ ᱵᱟᱹᱲᱛᱤ ᱩᱯᱨᱩᱢ ᱢᱮᱱᱟᱭᱟ᱾ ᱩᱱᱤ ᱫᱚ ᱒᱐᱑᱐ ᱨᱮ ᱡᱷᱟᱞᱟᱠ ᱫᱤᱠᱷᱞᱟ ᱡᱟ ᱔ ᱨᱮ ᱦᱮᱯᱨᱟᱣᱤᱭᱟᱹ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱠᱚᱢᱮᱰᱤ ᱱᱟᱭᱤᱴᱥ ᱣᱤᱛ ᱠᱟᱯᱤᱞ ᱨᱮ ᱦᱚᱸ ᱟᱹᱰᱤ ᱜᱟᱱ ᱪᱟᱨᱮᱠᱴᱚᱨ ᱠᱚᱨᱮ ᱧᱮᱞ ᱟᱠᱟᱱᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱷᱟᱱᱱᱟ ᱟᱜ ᱟᱭᱳ-ᱵᱟᱵᱟ ᱫᱚ ᱯᱨᱚᱵᱷᱤᱱ ᱠᱷᱟᱱᱱᱟ ᱟᱨ ᱠᱟᱢᱤᱱᱤ ᱠᱷᱟᱱᱱᱟ ᱠᱟᱱᱟ ᱠᱤᱱ᱾ ᱩᱱᱤ ᱫᱚ ᱟᱡ ᱟᱭᱳ-ᱵᱟᱵᱟ ᱟᱜ ᱫᱚᱥᱟᱨ ᱜᱤᱫᱽᱨᱟᱹ ᱠᱟᱱᱟᱭ᱾ ᱩᱱᱤᱭᱟᱜ ᱢᱟᱨᱟᱝ ᱵᱚᱭᱦᱟ, ᱟᱢᱤᱛ ᱠᱷᱟᱱᱱᱟ ᱦᱚᱸ ᱢᱤᱫ ᱮᱠᱴᱚᱨ ᱠᱟᱱᱟᱭ ᱟᱨ ᱭᱮ ᱫᱤᱞ ᱪᱟᱦᱮ ᱢᱚᱨᱮ ᱞᱮᱠᱟᱱ ᱥᱤᱨᱤᱭᱟᱞ ᱠᱚᱨᱮ ᱠᱟᱹᱢᱤ ᱟᱠᱟᱫᱟ᱾ ᱩᱱᱤᱭᱟᱜ ᱟᱭᱳ, ᱠᱟᱢᱤᱱᱤ ᱠᱷᱟᱱᱱᱟ ᱫᱚ ᱢᱤᱫ ᱚᱱᱚᱞᱤᱭᱟᱹ, ᱥᱮᱨᱮᱧ ᱰᱟᱭᱨᱮᱠᱴᱚᱨ, ᱥᱮᱨᱮᱧᱤᱭᱟᱹ, ᱮᱝᱠᱚᱨ ᱟᱨ 'ᱵᱤᱭᱩᱴᱤ ᱣᱤᱛ ᱮᱥᱴᱨᱳᱞᱳᱡᱤ' ᱨᱮᱱᱟᱜ ᱵᱩᱱᱤᱭᱟᱹᱫᱤᱭᱟᱹ ᱠᱟᱱᱟᱭ᱾ ᱨᱟᱜᱤᱱᱤ ᱫᱚ ᱠᱞᱟᱥᱤᱠᱟᱞ ᱥᱮᱨᱮᱧᱤᱭᱟᱹ ᱱᱤᱨᱢᱟᱞᱟ ᱫᱮᱵᱤ ᱟᱨ ᱑᱙᱔᱐ ᱜᱮᱞᱟᱝ ᱨᱮᱱ ᱯᱚᱯᱩᱞᱟᱨ ᱮᱠᱴᱚᱨ ᱚᱨᱩᱱ ᱠᱩᱢᱟᱨ ᱟᱦᱩᱡᱟ ᱨᱮᱱ ᱜᱚᱲᱚᱢ ᱠᱩᱲᱤ ᱠᱟᱱᱟᱭ᱾ ᱩᱱᱤ ᱫᱚ ᱤᱱᱰᱤᱭᱟᱱ ᱮᱠᱴᱚᱨ ᱜᱳᱵᱤᱱᱫᱟ ᱟᱨ ᱠᱨᱩᱥᱱᱟ ᱟᱵᱷᱤᱥᱮᱠ (ᱮᱠᱴᱚᱨ, ᱥᱴᱮᱱᱰ-ᱟᱯ ᱠᱚᱢᱮᱰᱤᱭᱟᱱ), ᱟᱨᱛᱤ ᱥᱤᱝ (ᱴᱤᱵᱷᱤ ᱮᱠᱴᱨᱮᱥ) ᱟᱨ ᱥᱳᱣᱢᱭᱟ ᱥᱮᱴᱷ (ᱴᱤᱵᱷᱤ ᱮᱠᱴᱨᱮᱥ) ᱨᱮᱱ ᱦᱚᱸ ᱠᱩᱡᱤᱱ ᱠᱟᱱᱟᱭ᱾[᱓] ᱠᱷᱟᱱᱱᱟ ᱟᱜ ᱵᱟᱵᱟ ᱫᱚ ᱚᱠᱴᱚᱵᱚᱨ ᱒᱐᱑᱕ ᱨᱮᱭ ᱵᱚᱸᱜᱟ ᱛᱟᱞᱟ ᱮᱱᱟ᱾[᱔]
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱴᱮᱞᱤᱵᱷᱤᱡᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱷᱟᱱᱱᱟ ᱫᱚ ᱮᱱᱰᱤᱴᱤᱵᱷᱤ ᱤᱢᱮᱡᱤᱱ ᱨᱮ ᱨᱟᱫᱷᱟ ᱠᱤ ᱵᱮᱴᱤᱭᱟᱱ ᱠᱩᱪ ᱠᱟᱨ ᱫᱤᱠᱷᱟᱭᱮᱜᱤ ᱧᱩᱛᱩᱢᱟᱱ ᱥᱤᱨᱤᱭᱟᱞ ᱛᱟᱞᱟᱛᱮ "ᱨᱟᱜᱤᱱᱤ ᱥᱚᱨᱢᱟ" ᱞᱮᱠᱟᱛᱮ ᱮᱠᱴᱤᱝ ᱮ ᱮᱛᱚᱦᱚᱵ ᱞᱮᱫᱟ᱾[᱕] ᱒᱐᱐᱙ ᱨᱮ, ᱠᱷᱟᱱᱱᱟ ᱫᱚ ᱥᱳᱱᱤ ᱴᱤᱵᱷᱤ ᱨᱮᱱᱟᱜ ᱠᱚᱢᱮᱰᱤ ᱥᱳ ᱵᱷᱟᱥᱠᱚᱨ ᱵᱷᱟᱨᱛᱤ ᱨᱮᱭ ᱠᱟᱹᱢᱤ ᱞᱮᱫᱟ᱾ ᱠᱷᱟᱱᱱᱟ ᱫᱚ ᱑᱐ ᱠᱟ ᱰᱚᱢ ᱨᱮᱱᱟᱜ ᱢᱤᱫ ᱮᱯᱤᱥᱳᱰ ᱨᱮ ᱦᱚᱸ ᱢᱤᱫ ᱜᱮᱥᱴ ᱞᱮᱠᱟᱛᱮᱭ ᱧᱮᱞ ᱞᱮᱱᱟ, ᱠᱷᱟᱱᱱᱟ ᱫᱚ ᱑,᱐᱐᱐,᱐᱐᱐ ᱴᱟᱠᱟᱭ ᱡᱤᱛᱠᱟᱹᱨ ᱞᱮᱱᱟ ᱟᱨ ᱩᱱᱤ ᱫᱚ ᱯᱩᱭᱥᱟᱹ ᱪᱟᱨᱤᱴᱤ ᱞᱟᱹᱜᱤᱫ ᱮ ᱫᱟᱱ ᱞᱮᱫᱟ᱾[᱖] ᱩᱱᱤ ᱫᱚ ᱤᱢᱮᱡᱤᱱ ᱴᱤᱵᱷᱤ ᱨᱮᱱᱟᱜ ᱨᱤᱭᱟᱞᱤᱴᱤ ᱥᱳ ᱵᱤᱜ ᱢᱚᱱᱤ: ᱪᱷᱳᱴᱟ ᱯᱟᱨᱫᱟ ᱵᱟᱰᱟ ᱜᱮᱢ ᱨᱮ ᱦᱚᱸ ᱢᱤᱫ ᱜᱮᱥᱴ ᱞᱮᱠᱟᱛᱮᱭ ᱧᱮᱞ ᱟᱠᱟᱱᱟ᱾
ᱢᱟᱨᱪ ᱒᱐᱑᱐ ᱨᱮ, ᱠᱷᱟᱱᱱᱟ ᱫᱚ ᱥᱴᱟᱨ ᱯᱞᱟᱥ ᱨᱮᱱᱟᱜ ᱥᱳ ᱥᱚᱥᱩᱨᱟᱞ ᱜᱮᱸᱰᱟ ᱯᱷᱩᱞ ᱨᱮᱭ ᱧᱮᱞ ᱞᱮᱱᱟ᱾ ᱩᱱᱤ ᱫᱚ ᱥᱩᱦᱟᱱᱟ ᱠᱟᱥᱭᱚᱯ ᱞᱮᱠᱟᱛᱮ ᱞᱤᱰ ᱨᱚᱞ ᱮ ᱠᱷᱮᱞ ᱞᱮᱫᱟ, ᱡᱟᱦᱟᱸᱭ ᱫᱚ ᱢᱤᱫ ᱜᱚᱨᱵᱷᱤ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱫᱤᱞ ᱨᱮ ᱱᱟᱯᱟᱭ ᱛᱟᱦᱮᱸ ᱠᱟᱱ ᱢᱤᱫ ᱛᱤᱨᱞᱟᱹ ᱡᱟᱦᱟᱸᱭ ᱫᱚ ᱛᱟᱞᱟᱢᱟᱞᱟ ᱜᱷᱟᱨᱚᱸᱡᱽ ᱨᱮᱱ ᱢᱤᱫ ᱦᱚᱲ ᱮ ᱵᱟᱯᱞᱟ ᱞᱮᱫᱮᱭᱟ᱾ ᱥᱳ ᱫᱚ ᱒᱑ ᱮᱯᱨᱤᱞ ᱒᱐᱑᱒ ᱨᱮ ᱚᱯᱷ ᱮᱭᱟᱨ ᱪᱟᱞᱟᱣ ᱮᱱᱟ᱾ ᱥᱩᱦᱟᱱᱟ ᱞᱮᱠᱟᱛᱮ ᱟᱡᱟᱜ ᱯᱚᱨᱴᱨᱮᱭᱟᱞ ᱩᱱᱤ ᱫᱚ ᱵᱤᱜ ᱥᱴᱟᱨ ᱢᱚᱥᱴ ᱮᱱᱴᱟᱨᱴᱮᱭᱱᱤᱝ ᱴᱮᱞᱤᱵᱷᱤᱡᱚᱱ ᱮᱠᱴᱚᱨ - ᱯᱷᱤᱢᱮᱞ ᱥᱟᱶᱛᱮ ᱟᱹᱰᱤ ᱜᱟᱱ ᱥᱤᱨᱯᱷᱟᱹᱭ ᱡᱤᱛᱠᱟᱹᱨ ᱞᱮᱫᱟ᱾ ᱩᱱᱤ ᱫᱚ ᱠᱳᱣᱱ ᱵᱟᱱᱮᱜᱟ ᱠᱚᱨᱳᱲᱯᱚᱛᱤ ᱔ ᱨᱮᱱᱟᱜ ᱢᱤᱫ ᱵᱤᱥᱮᱥ ᱮᱯᱤᱥᱳᱰ ᱨᱮ ᱦᱚᱸᱭ ᱧᱮᱞ ᱞᱮᱱᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Govinda's niece had a different dream, but luck made her TV actress". News Track (in English). 9 December 2019. Retrieved 6 July 2021.
{{cite web}}: CS1 maint: unrecognized language (link) - ↑ "There's nothing real about reality shows: Ragini Khanna - Times of India". The Times of India. 3 March 2013.
- ↑ "I never wanted to be an actor: Ragini - Times of India". The Times of India. 11 June 2009.
- ↑ "TV actors who passed away in last 2 years". The Times of India (in ᱟᱝᱜᱽᱨᱮᱡᱤ). 27 April 2014. Retrieved 24 November 2021.
- ↑ "Ragini Khanna on a high! - Times of India". The Times of India. 28 May 2008.
- ↑ "Salman & 4 beautiful women! - Times of India". The Times of India. 28 August 2009.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱨᱟᱜᱤᱱᱤ ᱠᱷᱟᱱᱱᱟ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- [http:// ᱢᱩᱠᱷᱭᱟᱹ ᱣᱮᱵᱽᱥᱟᱭᱤᱴ]
- ᱨᱟᱜᱤᱱᱤ ᱠᱷᱟᱱᱱᱟ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
