ᱨᱟᱜᱤᱱᱤ (ᱮᱠᱴᱨᱮᱥ)
| ᱨᱟᱜᱤᱱᱤ | |
|---|---|
| ᱨᱮᱫ:Raagini (actress).jpg | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱨᱟᱜᱤᱱᱤ ᱒᱗ ᱢᱟᱨᱪ ᱑᱙᱓᱗ ᱛᱨᱩᱣᱟᱱᱫᱩᱨᱟᱢ, ᱠᱮᱨᱞᱟ |
| ᱜᱩᱨ | ᱓᱐ ᱰᱤᱥᱮᱢᱵᱚᱨ ᱑᱙᱗᱖ (ᱩᱢᱮᱨ ᱓᱙ ᱥᱮᱨᱢᱟ) |
.jpg){kind=link}
ᱨᱟᱜᱤᱱᱤ (᱒᱗ ᱢᱟᱨᱪ ᱑᱙᱓᱗ – ᱓᱐ ᱰᱤᱥᱮᱢᱵᱚᱨ ᱑᱙᱗᱖) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱟᱨ ᱮᱱᱮᱡᱤᱭᱟᱹ ᱠᱟᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱛᱨᱟᱵᱷᱟᱱᱠᱚᱨ ᱵᱚᱭᱦᱟ ᱠᱩᱲᱤ ᱠᱚ ᱢᱩᱫᱽ ᱨᱮ ᱡᱚᱛᱚ ᱠᱷᱚᱱ ᱦᱩᱰᱤᱧ ᱮ ᱛᱟᱦᱮᱸ ᱠᱟᱱᱟ; ᱞᱟᱞᱤᱛᱟ, ᱯᱚᱫᱽᱢᱤᱱᱤ ᱟᱨ ᱨᱟᱜᱤᱱᱤ ᱾ ᱩᱱᱤ ᱫᱚ ᱟᱡ ᱵᱚᱭᱦᱟ ᱠᱩᱲᱤ ᱯᱚᱫᱽᱢᱤᱱᱤ ᱥᱟᱶ ᱑᱙᱕᱐ ᱜᱮᱞᱟᱝ ᱨᱮᱭᱟᱜ ᱛᱟᱞᱟ ᱠᱷᱚᱱ ᱟᱡᱟᱜ ᱮᱠᱴᱤᱝ ᱠᱮᱨᱤᱭᱟᱨ ᱮ ᱮᱛᱚᱦᱚᱵ ᱞᱮᱫ ᱛᱟᱦᱮᱸᱫ ᱟᱨ ᱢᱟᱞᱟᱭᱟᱞᱚᱢ, ᱦᱤᱱᱫᱤ, ᱛᱟᱢᱤᱞ ᱟᱨ ᱛᱮᱞᱩᱜᱩ ᱥᱟᱶᱛᱮ ᱵᱷᱮᱜᱟᱨ ᱵᱷᱮᱜᱟᱨ ᱵᱷᱟᱨᱚᱛᱤᱭᱚ ᱯᱟᱹᱨᱥᱤ ᱨᱮᱭᱟᱜ ᱯᱷᱤᱞᱢ ᱨᱮᱭ ᱠᱟᱹᱢᱤ ᱟᱠᱟᱫᱟ ᱾ ᱩᱱᱤ ᱫᱚ ᱑᱙᱕᱘ ᱨᱮ ᱢᱩᱡᱽᱨᱤᱢ ᱯᱷᱤᱞᱢ ᱨᱮ ᱥᱟᱢᱢᱤ ᱠᱟᱯᱩᱨ ᱵᱤᱨᱩᱫᱷ ᱨᱮ ᱦᱚᱸᱭ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱑᱙᱖᱒ ᱨᱮᱭᱟᱜ ᱯᱷᱤᱞᱢ ᱥᱤᱵᱽ ᱯᱟᱨᱵᱚᱛᱤ ᱨᱮ ᱥᱤᱵᱟ ᱵᱮᱱᱟᱣ ᱟᱠᱟᱫ ᱛᱨᱤᱞᱚᱠ ᱠᱟᱯᱩᱨ ᱵᱤᱨᱩᱫᱷ ᱨᱮ ᱯᱟᱨᱵᱚᱛᱤ ᱭᱟᱜ ᱨᱚᱞ ᱮ ᱠᱷᱮᱞ ᱞᱮᱫ ᱛᱟᱦᱮᱸᱫ ᱾ ᱦᱤᱱᱫᱤ ᱥᱤᱱᱮᱢᱟ ᱨᱮ ᱮᱱᱮᱡ ᱨᱮᱭᱟᱜ ᱡᱩᱜᱽ ᱫᱚ ᱨᱟᱜᱤᱱᱤ ᱟᱨ ᱮᱴᱟᱜ ᱠᱚᱧᱮ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱚᱣᱟᱜ ᱵᱚᱞᱚ ᱠᱷᱚᱱ ᱮᱛᱚᱦᱚᱵ ᱟᱠᱟᱱᱟ ᱢᱮᱱᱛᱮ ᱠᱚ ᱢᱟᱱᱟᱣᱟ ᱾ ᱨᱟᱜᱤᱱᱤ ᱫᱚ ᱑᱙᱗᱖ ᱨᱮ ᱵᱨᱮᱥᱴ ᱠᱮᱱᱥᱟᱨ ᱠᱷᱟᱹᱛᱤᱨ ᱮ ᱵᱚᱸᱜᱟ ᱛᱟᱞᱟ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱟᱭᱢᱟ ᱰᱨᱟᱢᱟ ᱨᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱟ ᱾[᱑]
ᱜᱷᱟᱨᱚᱸᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱢᱟᱫᱷᱚᱵᱚᱱ ᱛᱷᱟᱢᱯᱤ ᱥᱟᱶ ᱮ ᱵᱟᱯᱞᱟ ᱞᱮᱱ ᱛᱟᱦᱮᱸᱫ ᱾ ᱱᱩᱠᱤᱱ ᱡᱩᱨᱤ ᱨᱤᱱ ᱵᱟᱨᱭᱟ ᱠᱩᱲᱤ ᱜᱤᱫᱽᱨᱟᱹ ᱠᱤᱱ ᱛᱟᱦᱮᱸ ᱠᱟᱱᱟ, ᱞᱚᱠᱷᱢᱤ ᱟᱨ ᱯᱨᱤᱭᱟ ᱾ ᱮᱠᱴᱨᱮᱥ ᱥᱩᱠᱩᱢᱟᱨᱤ ᱫᱚ ᱛᱷᱨᱤᱭᱳ ᱨᱤᱱ ᱢᱟᱢᱟ ᱦᱟᱛᱟᱝ ᱨᱤᱱ ᱯᱩᱭᱞᱩ ᱠᱚᱡᱤᱱ ᱮ ᱛᱟᱦᱮᱸ ᱠᱟᱱᱟ ᱾ ᱢᱟᱞᱟᱭᱟᱞᱚᱢ ᱮᱠᱴᱚᱨ ᱥᱳᱵᱷᱟᱱᱟ, ᱟᱢᱵᱤᱠᱟ ᱥᱩᱠᱩᱢᱟᱨᱟᱱ, ᱵᱤᱱᱤᱛᱷ ᱟᱨ ᱠᱨᱤᱥᱱᱟ ᱫᱚ ᱟᱡ ᱨᱤᱱ ᱜᱷᱟᱨᱚᱸᱡᱽ ᱦᱚᱲ ᱠᱟᱱᱟ ᱠᱚ ᱾ ᱟᱡᱤᱡ ᱡᱟᱶᱟᱭ ᱫᱚ ᱑᱙᱗᱒ ᱨᱮ ᱟᱢᱮᱨᱤᱠᱟ ᱮ ᱪᱟᱞᱟᱣ ᱞᱮᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱟᱡᱤᱡ ᱮᱨᱟ ᱠᱮᱱᱥᱟᱨ ᱠᱷᱟᱹᱛᱤᱨ ᱵᱮᱢᱟᱨ ᱮᱱ ᱛᱟᱭᱚᱢ ᱮ ᱨᱩᱣᱟᱹᱲ ᱦᱮᱡ ᱞᱮᱱ ᱛᱟᱦᱮᱸᱫ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "രാഗിണി:നടനകലയിലെ ലാവണ്യം". malayalam.webdunia.com.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱨᱟᱜᱤᱱᱤ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)