ᱨᱟᱡᱮᱥᱣᱟᱨᱤ ᱥᱟᱪᱫᱮᱵᱽ

ᱨᱟᱡᱮᱥᱣᱟᱨᱤ ᱥᱟᱪᱫᱮᱵᱽ (᱑᱔ ᱮᱯᱨᱤᱞ ᱑᱙᱗᱔) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱥᱭᱟᱢ ᱵᱮᱱᱮᱜᱚᱞ ᱟᱜ ᱯᱷᱤᱞᱢ ᱥᱟᱨᱫᱟᱨᱤ ᱵᱮᱜᱟᱢ (᱑᱙᱙᱖) ᱨᱮ ᱟᱡᱟᱜ ᱨᱳᱞ ᱞᱟᱹᱜᱤᱫ ᱵᱟᱰᱟᱭᱚᱜ ᱠᱟᱱᱟᱭ, ᱚᱱᱟ ᱞᱟᱹᱜᱤᱫ ᱩᱱᱤ ᱑᱙᱙᱗ ᱥᱟᱞ ᱨᱮ ᱵᱮᱥᱴ ᱥᱟᱯᱳᱨᱴᱤᱝ ᱮᱠᱴᱨᱮᱥ ᱞᱟᱹᱜᱤᱫ ᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱟᱣᱟᱨᱰ ᱮ ᱡᱤᱛᱠᱟᱹᱨ ᱞᱮᱱᱟ᱾

ᱥᱟᱪᱫᱮᱵᱽ ᱫᱚ ᱟᱱᱩ ᱠᱟᱯᱩᱨ ᱥᱟᱶ ᱑᱙᱙᱔ ᱠᱷᱚᱱ ᱒᱐᱐᱑ ᱫᱷᱟᱹᱵᱤᱡ ᱡᱤ ᱴᱤᱵᱷᱤ ᱢᱤᱭᱩᱡᱤᱠ ᱥᱳ ᱟᱱᱛᱚᱠᱥᱟᱨᱤ ᱨᱮ ᱠᱳ-ᱦᱳᱥᱴᱤᱝ ᱮ ᱠᱚᱨᱟᱣ ᱞᱮᱫᱟ᱾ ᱒᱐᱐᱕ ᱨᱮ ᱩᱱᱤ ᱟᱡᱤᱡ ᱵᱟᱹᱦᱩ ᱵᱚᱨᱩᱱ ᱵᱚᱫᱳᱞᱟ ᱥᱟᱶ ᱢᱤᱫ ᱨᱤᱭᱮᱞᱴᱤ ᱴᱤᱵᱷᱤ ᱮᱱᱮᱡ ᱠᱟᱹᱢᱤ ᱩᱫᱩᱜ ᱱᱟᱪ ᱵᱟᱞᱤᱭᱮ ᱨᱮ ᱦᱟᱹᱴᱤᱧ ᱮ ᱦᱟᱛᱟᱣ ᱞᱮᱫᱟ᱾^[᱑] ᱩᱱᱤ ᱠᱨᱟᱭᱤᱢ ᱴᱤᱵᱷᱤ ᱥᱤᱨᱤᱡ ᱨᱤᱦᱦᱟᱮᱭ ᱨᱮ ᱦᱚᱸ ᱠᱟᱹᱢᱤ ᱠᱮᱫᱟ ᱡᱟᱦᱟᱸᱨᱮ ᱩᱱᱤ ᱢᱤᱫ ᱮᱠᱴᱤᱵᱤᱥᱴ ᱟᱜ ᱨᱳᱞ ᱮ ᱠᱷᱮᱞ ᱞᱮᱫᱟ᱾^[᱒]

ᱱᱤᱡᱮᱨ ᱡᱤᱭᱚᱱ

ᱨᱟᱡᱮᱥᱣᱟᱨᱤ ᱥᱟᱪᱫᱮᱵ ᱫᱚ ᱑᱙᱗᱔ ᱥᱟᱞ ᱨᱮ ᱵᱚᱨᱩᱱ ᱵᱟᱰᱳᱞᱟ ᱥᱟᱶ ᱒᱐᱑᱒ ᱨᱮ

ᱨᱟᱡᱮᱥᱣᱟᱨᱤ ᱑᱔ ᱮᱯᱨᱤᱞ ᱑᱙᱗᱔ ᱥᱟᱞ ᱨᱮ ᱢᱩᱢᱵᱟᱭ ᱨᱮ ᱢᱤᱫ ᱯᱟᱧᱡᱟᱵᱤ ᱟᱯᱟᱛ ᱟᱨ ᱛᱟᱢᱤᱞ ᱮᱸᱜᱟᱛ ᱨᱮ ᱡᱟᱱᱟᱢ ᱞᱮᱱᱟ᱾

ᱢᱩᱢᱵᱟᱭ ᱨᱮᱭᱟᱜ ᱜᱩᱨᱩ ᱱᱟᱟᱱᱟᱠ ᱠᱷᱟᱞᱥᱟ ᱠᱚᱞᱮᱡᱽ (ᱠᱤᱝᱥ ᱥᱟᱨᱠᱟᱞ) ᱠᱷᱚᱱ ᱜᱨᱮᱡᱩᱣᱮᱥᱚᱱ ᱯᱩᱨᱟᱹᱣ ᱠᱟᱛᱮ᱾ ᱥᱟᱪᱫᱮᱵ ᱤᱱᱰᱤᱭᱟᱱ ᱯᱤᱯᱟᱞᱥ ᱛᱷᱤᱭᱮᱴᱚᱨ ᱮᱥᱳᱥᱤᱭᱮᱥᱚᱱ ᱥᱟᱶ ᱯᱞᱮᱭ ᱠᱟᱹᱢᱤ ᱠᱟᱛᱮ ᱥᱴᱮᱡ ᱨᱮ ᱟᱡᱟᱜ ᱠᱟᱹᱢᱤ ᱮ ᱮᱛᱚᱦᱚᱵ ᱠᱮᱫᱟ᱾ ᱥᱟᱪᱫᱮᱵ ᱫᱚ ᱒᱔ ᱱᱚᱵᱷᱮᱢᱵᱚᱨ ᱒᱐᱐᱔ ᱥᱟᱞ ᱨᱮ ᱵᱚᱨᱩᱱ ᱵᱟᱰᱳᱞᱟ ᱥᱟᱶ ᱵᱟᱯᱞᱟ ᱮᱱᱟᱭ᱾ ᱩᱱᱠᱤᱱ ᱴᱮᱞᱤᱵᱤᱡᱚᱱ ᱥᱳ ᱟᱱᱛᱟᱠᱥᱟᱨᱤ ᱨᱮᱭᱟᱜ ᱥᱮᱴ ᱨᱮ ᱧᱟᱯᱟᱢ ᱮᱱᱟᱠᱤᱱ ᱟᱨ ᱚᱱᱟ ᱥᱮᱨᱢᱟ ᱜᱮ ᱠᱤᱱ ᱤᱸᱜᱮᱡ ᱮᱱᱟ᱾ ᱩᱱᱠᱤᱱ ᱨᱮᱱ ᱢᱤᱫ ᱠᱚᱲᱟ ᱦᱚᱯᱚᱱ ᱢᱮᱱᱟᱭᱟ, ᱡᱟᱦᱟᱸ ᱫᱚ ᱑᱐ ᱢᱮᱭ ᱒᱐᱑᱐ ᱥᱟᱞ ᱨᱮ ᱡᱟᱱᱟᱢ ᱞᱮᱱᱟ᱾ ᱵᱟᱰᱳᱞᱟ ᱟᱡᱟᱜ ᱡᱟᱱᱟᱢ ᱩᱛᱛᱟᱨᱟᱠᱷᱟᱱᱰ ᱨᱮ ᱵᱷᱟᱵᱷᱮᱨ ᱧᱩᱛᱩᱢ ᱨᱮᱱᱟᱜ ᱡᱟᱭᱜᱟ ᱨᱮ ᱢᱮᱱᱟᱜ ᱠᱳᱴᱰᱣᱟᱨ ᱨᱮ ᱢᱤᱫ ᱯᱷᱟᱨᱟᱢ ᱚᱲᱟᱜ ᱢᱮᱱᱟᱜ ᱛᱟᱭᱟ᱾

ᱠᱟᱹᱢᱤ

ᱥᱟᱪᱫᱮᱵ ᱥᱟᱪᱤᱱ ᱦᱚᱛᱮᱛᱮ ᱰᱤᱨᱮᱠᱴ ᱟᱠᱟᱱ ᱢᱟᱨᱟᱴᱷᱤ ᱯᱷᱤᱞᱢ ᱟᱟᱭᱟᱟᱛᱭᱟ ᱜᱷᱟᱟᱨᱟᱛ ᱜᱷᱟᱨᱳᱵᱟ (᱑᱙᱙᱑) ᱥᱟᱶ ᱟᱡᱟᱜ ᱯᱷᱤᱞᱢ ᱰᱮᱵᱭᱩᱴ ᱮ ᱵᱮᱱᱟᱣ ᱠᱮᱫᱟ᱾

ᱟᱡᱟᱜ ᱫᱚᱥᱟᱨ ᱯᱷᱤᱞᱢ ᱥᱭᱟᱢ ᱵᱮᱱᱮᱜᱟᱞ ᱟᱜ ᱥᱩᱨᱟᱡ ᱠᱟᱟ ᱥᱟᱛᱣᱟᱱ ᱜᱷᱳᱰᱟ (᱑᱙᱙᱒) ᱛᱟᱦᱮᱸ ᱠᱟᱱᱟ᱾ ᱛᱚᱵᱮ ᱩᱱᱤ ᱟᱡᱟᱜ ᱯᱷᱤᱞᱢ ᱨᱮ ᱨᱮᱜᱩᱞᱟᱨ ᱮ ᱵᱮᱱᱟᱣ ᱮᱱᱟ, ᱟᱨ ᱢᱟᱢᱢᱳ (᱑᱙᱙᱔), ᱥᱟᱨᱫᱟᱟᱨᱤ ᱵᱮᱜᱟᱢ (᱑᱙᱙᱖), ᱥᱟᱢᱟᱟᱨ (᱑᱙᱙᱙), ᱦᱟᱟᱨᱤ-ᱵᱷᱟᱟᱨᱤ (᱒᱐᱐᱐), ᱱᱮᱛᱟᱟᱡᱤ ᱥᱩᱵᱷᱟᱟᱥ ᱪᱟᱟᱱᱫᱽᱨᱟ ᱵᱳᱥ: ᱫᱟ ᱯᱷᱳᱨᱜᱳᱴᱮᱱ ᱦᱤᱨᱳ (᱒᱐᱐᱕) ᱟᱨ ᱣᱮᱞᱠᱟᱢ ᱴᱩ ᱥᱟᱡᱽᱡᱟᱱᱯᱩᱨ (᱒᱐᱐᱘) ᱨᱮ ᱠᱟᱥᱴ ᱦᱩᱭ ᱮᱱᱟ᱾ ᱩᱱᱤ ᱦᱳᱞᱤᱣᱩᱰ ᱯᱷᱤᱞᱢ ᱞᱤᱴᱟᱟᱞ ᱵᱩᱫᱷᱟ (᱑᱙᱙᱓) ᱟᱨ ᱛᱟᱭᱚᱢ ᱛᱮ ᱛᱮᱞᱮᱥ ᱚᱯᱷ ᱫᱟ ᱠᱟᱟᱢᱟ ᱥᱩᱩᱛᱨᱟ: ᱫᱟ ᱯᱟᱨᱯᱷᱭᱩᱢ ᱜᱟᱟᱨᱰᱟᱱ (᱑᱙᱙᱘) ᱨᱮ ᱦᱚᱸ ᱧᱮᱞ ᱞᱮᱱᱟ᱾ ᱩᱱᱤ ᱥᱭᱟᱟᱢ ᱵᱮᱱᱮᱜᱟᱞ ᱦᱚᱛᱮᱛᱮ ᱰᱤᱨᱮᱠᱴ ᱟᱠᱟᱱ ᱥᱳ ᱥᱟᱟᱢᱵᱷᱤᱫᱷᱟᱟᱱ ᱨᱮ ᱦᱚᱸ ᱠᱟᱹᱢᱤ ᱠᱮᱫᱟ᱾

ᱩᱱᱤ ᱒᱐᱐᱗ ᱥᱟᱞ ᱨᱮ ᱡᱮᱠᱤᱱ ᱱᱟᱢᱠᱤᱱ ᱨᱮᱭᱟᱜ ᱮᱞᱵᱚᱢ ᱨᱮ ᱯᱚᱯ ᱥᱮᱨᱮᱧ "ᱦᱩᱞᱞᱮ ᱦᱩᱞᱟᱟᱨᱮ" ᱮ ᱥᱮᱨᱮᱧ ᱞᱮᱫᱟ᱾

ᱥᱟᱪᱫᱮᱵ ᱴᱤᱵᱷᱤ ᱥᱤᱨᱤᱡ ᱨᱤᱦᱦᱟᱮᱭ ᱨᱮ ᱮᱠᱴᱨᱮᱥ ᱫᱤᱵᱽᱭᱟ ᱫᱩᱛᱛᱟ ᱵᱚᱫᱚᱞ ᱛᱮ ᱟᱹᱭᱩᱨᱤᱭᱟᱹ ᱞᱮᱠᱟᱛᱮ ᱥᱟᱭᱤᱱ ᱞᱮᱱᱟ, ᱚᱠᱚᱭ ᱢᱤᱫ ᱮᱯᱤᱥᱳᱰ ᱞᱟᱹᱜᱤᱫ ᱥᱩᱴᱤᱝ ᱛᱟᱭᱚᱢ ᱥᱳ ᱵᱟᱹᱜᱤ ᱠᱮᱫᱟ᱾ ᱱᱤᱛ ᱩᱱᱤ ᱥᱳᱱᱤ ᱴᱤᱵᱷᱤ ᱨᱮᱭᱟᱜ ᱨᱳᱢᱟᱱᱴᱤᱠ ᱰᱨᱟᱢᱟ ᱥᱤᱨᱤᱡ ᱫᱤᱞ ᱦᱤ ᱛᱳ ᱦᱟᱤ ᱨᱮ ᱢᱟᱢᱛᱟ ᱱᱩᱱ ᱟᱨ ᱥᱴᱟᱟᱨᱯᱟᱞᱟᱥ ᱨᱮᱭᱟᱜ ᱰᱨᱟᱢᱟ ᱥᱤᱨᱤᱡ ᱥᱟᱟᱟᱫᱤ ᱢᱩᱵᱟᱟᱨᱟᱠ ᱨᱮ ᱠᱩᱥᱩᱢ ᱠᱳᱛᱷᱟᱟᱨᱤ ᱟᱜ ᱨᱳᱞ ᱮ ᱠᱷᱮᱞ ᱮᱫᱟ᱾

ᱥᱟᱹᱠᱷᱭᱟᱹᱛ

↑ "Rajeshwari Sachdev joins Bhagyashree for a TV show - Times of India". The Times of India. 28 January 2014. Archived from the original on 25 August 2018. Retrieved 18 April 2019.
↑ "'I'll have to get pregnant' - Times of India". The Times of India (in ᱟᱝᱜᱽᱨᱮᱡᱤ). 21 November 2008. Archived from the original on 16 December 2022. Retrieved 16 December 2022.

ᱵᱟᱦᱨᱮ ᱡᱚᱱᱚᱲ

[1] "Rajeshwari Sachdev joins Bhagyashree for a TV show - Times of India". The Times of India. 28 January 2014. Archived from the original on 25 August 2018. Retrieved 18 April 2019.

[2] "'I'll have to get pregnant' - Times of India". The Times of India (in ᱟᱝᱜᱽᱨᱮᱡᱤ). 21 November 2008. Archived from the original on 16 December 2022. Retrieved 16 December 2022.

[᱑]

[᱒]