ᱨᱟᱡᱽᱜᱟᱝᱯᱩᱨ

ᱨᱟᱡᱽᱜᱟᱝᱯᱩᱨ
ᱨᱟᱡᱽᱜᱟᱝᱯᱩᱨ
ᱱᱚᱜᱚᱨ
	ᱨᱟᱡᱽᱜᱟᱝᱯᱩᱨ ᱨᱟᱡᱽᱜᱟᱝᱯᱩᱨᱥᱤᱧᱚᱛ ᱨᱮᱱᱟᱜ ᱳᱰᱤᱥᱟ ᱨᱮ ᱴᱷᱟᱶ
	Coordinates: 22°12′00″N 84°34′59″E / 22.20°N 84.583°ECoordinates: 22°12′00″N 84°34′59″E / 22.20°N 84.583°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱳᱰᱤᱥᱟ
ᱦᱚᱱᱚᱛ	ᱥᱩᱱᱫᱚᱨᱜᱚᱲ
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱞᱮᱠᱷᱟᱜᱩᱴ	᱑ ᱞᱟᱠᱷ ᱥᱮᱫ
ᱯᱟᱹᱨᱥᱤ ᱠᱚ
• ᱥᱚᱨᱠᱟᱨᱤ	ᱳᱰᱤᱭᱟ
	IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ	᱗᱗᱐᱐᱑᱗
ᱮᱨᱤᱭᱟ ᱠᱳᱰ(ᱠᱚ)	+᱙᱑-᱐᱖᱖᱒᱔
ᱜᱟᱹᱰᱤ ᱨᱤᱡᱤᱥᱴᱨᱤ	OD-16
ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ	ᱥᱩᱱᱫᱚᱨᱜᱚᱲ
ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ	ᱨᱟᱡᱽᱜᱟᱝᱯᱩᱨ (ᱟᱹᱫᱤᱵᱟᱹᱥᱤ) ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ
ᱣᱮᱵᱽᱥᱟᱭᱤᱴ	odisha.gov.in

ᱨᱟᱡᱽᱜᱟᱝᱯᱩᱨ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱳᱰᱤᱥᱟ ᱨᱮᱱᱟᱜ ᱥᱩᱱᱫᱚᱨᱜᱚᱰ ᱦᱚᱱᱚᱛ ᱨᱮ ᱢᱤᱫ ᱤᱱᱰᱚᱥᱴᱨᱤᱭᱟᱞ ᱥᱚᱦᱚᱨ ᱠᱟᱱᱟ, ᱡᱟᱦᱟᱸ ᱫᱚ ᱨᱟᱡᱽᱜᱟᱲ ᱵᱷᱩᱵᱽᱱᱮᱥᱚᱨ ᱠᱷᱚᱱ ᱔᱐᱐ ᱠᱤᱞᱚᱢᱤᱴᱚᱨ ᱠᱚᱧᱮ-ᱯᱟᱪᱮ ᱨᱮ ᱟᱨ ᱨᱟᱩᱨᱠᱮᱞᱟ ᱠᱷᱚᱱ ᱓᱐ ᱠᱤᱞᱚᱢᱤᱴᱚᱨ ᱯᱟᱪᱮ ᱨᱮ ᱢᱮᱱᱟᱜᱼᱟ ᱾ ᱨᱟᱡᱽᱜᱟᱝᱯᱩᱨ ᱨᱮᱞᱣᱮ ᱥᱴᱮᱥᱚᱱ ᱫᱚ ᱱᱚᱸᱰᱮ ᱢᱮᱱᱟᱜᱼᱟ ᱾

ᱱᱟᱜᱟᱢ

ᱨᱟᱡᱽᱜᱟᱝᱯᱩᱨ ᱨᱮᱱᱟᱜ ᱧᱩᱛᱩᱢ ᱫᱚ ᱢᱟᱨᱮ ᱜᱟᱝᱯᱩᱨ ᱯᱚᱱᱚᱛ ᱧᱩᱛᱩᱢ ᱛᱮ ᱧᱩᱛᱩᱢ ᱟᱠᱟᱱᱟ ᱾ ᱱᱚᱶᱟ ᱥᱚᱦᱚᱨ ᱫᱚ ᱑᱙᱐᱕ ᱥᱟᱞᱮ ᱨᱮ ᱪᱷᱳᱴᱟᱱᱟᱜᱽᱯᱩᱨ ᱠᱚᱢᱤᱥᱚᱱᱟᱨ ᱠᱷᱚᱱ ᱳᱰᱤᱥᱟ ᱦᱟᱹᱴᱤᱧ ᱛᱮ ᱦᱮᱡ ᱮᱱᱟ ᱾ ᱨᱟᱡᱽᱜᱟᱝᱯᱩᱨ ᱨᱮ ᱤᱱᱰᱚᱥᱴᱨᱤᱭᱮᱞᱤᱡᱮᱥᱚᱱ ᱨᱮᱱᱟᱜ ᱮᱛᱚᱦᱚᱵ ᱫᱚ ᱑᱙᱕᱑ ᱥᱟᱞ ᱨᱮ ᱰᱟᱞᱢᱤᱭᱟ ᱜᱨᱩᱯ ᱦᱚᱛᱮᱛᱮ ᱥᱤᱢᱮᱱᱴ ᱯᱞᱟᱸᱴ ᱨᱮᱱᱟᱜ ᱛᱷᱟᱯᱚᱱ ᱥᱟᱶᱛᱮ ᱦᱩᱭ ᱞᱮᱱᱟ ᱾^[᱑]

ᱠᱟᱹᱨᱜᱟᱲ

ᱨᱟᱡᱽᱜᱟᱝᱯᱩᱨ ᱫᱚ ᱥᱩᱱᱫᱚᱨᱜᱚᱰ ᱦᱚᱱᱚᱛ ᱨᱮ ᱨᱟᱣᱩᱨᱠᱮᱞᱟ ᱥᱟᱶ ᱢᱤᱫ ᱢᱩᱬ ᱤᱱᱰᱚᱥᱴᱨᱤᱭᱟᱞ ᱥᱚᱦᱚᱨ ᱠᱟᱱᱟ ᱾ ᱱᱚᱶᱟ ᱫᱚ ᱳᱥᱤᱮᱞ ᱤᱱᱰᱚᱥᱴᱨᱤᱭᱟᱞ ᱴᱟᱣᱩᱱᱥᱤᱯ ᱨᱮᱱᱟᱜ ᱚᱲᱟᱜ ᱠᱟᱱᱟ ᱡᱟᱦᱟᱸ ᱨᱮ ᱰᱟᱞᱢᱤᱭᱟ ᱜᱨᱩᱯ ᱨᱮᱱᱟᱜ ᱢᱩᱬᱩᱛ ᱠᱚᱢᱯᱟᱹᱱᱤ ᱰᱟᱞᱢᱤᱭᱟ ᱵᱷᱟᱨᱚᱛ ᱞᱤᱢᱤᱴᱮᱰ ᱨᱮᱱᱟᱜ ᱥᱩᱢᱩᱝ ᱥᱤᱢᱮᱱᱴ ᱯᱞᱟᱱᱴ ᱟᱨ ᱮᱴᱟᱜ ᱠᱟᱹᱢᱤᱦᱚᱨᱟ ᱢᱮᱱᱟᱜᱼᱟ ᱾ ᱱᱚᱣᱟ ᱥᱤᱢᱮᱱᱴ ᱯᱞᱟᱱᱴᱚᱨ ᱫᱚ ᱰᱟᱞᱢᱤᱭᱟ ᱨᱮᱱᱟᱜ ᱢᱟᱞᱤᱠᱟᱱᱟ ᱯᱞᱟᱱᱴᱚᱨ ᱠᱟᱱᱟ ᱾^[᱒]^[᱓] ᱨᱟᱣᱨᱠᱮᱞᱟ-ᱨᱟᱡᱽᱜᱟᱝᱯᱩᱨ ᱤᱱᱰᱚᱥᱴᱨᱤᱭᱟᱞ ᱴᱚᱴᱷᱟ ᱨᱮ ᱥᱩᱱᱫᱚᱨᱜᱚᱰ ᱦᱚᱱᱚᱛ ᱨᱮᱱᱟᱜ ᱟᱹᱰᱤ ᱜᱟᱱ ᱢᱟᱨᱟᱝ, ᱛᱟᱞᱢᱟ ᱟᱨ ᱠᱟᱹᱴᱤᱡ ᱤᱱᱰᱚᱥᱴᱨᱤᱭᱟᱞ ᱭᱩᱱᱤᱴ ᱢᱮᱱᱟᱜᱼᱟ ᱾^[᱔]

ᱰᱮᱢᱚᱜᱨᱟᱯᱷᱤᱠ

᱒᱐᱑᱑ ᱥᱮᱨᱢᱟ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱨᱟᱡᱽᱜᱟᱝᱯᱩᱨ ᱨᱤᱱ ᱦᱚᱲ ᱮᱞ ᱫᱚ ᱕᱑,᱓᱖᱒ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱱᱟ ᱠᱚ ᱢᱩᱫᱽ ᱨᱮ ᱒᱖,᱒᱕᱙ ᱠᱚᱲᱟ ᱟᱨ ᱒᱕,᱑᱐᱓ ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱨᱟᱡᱽᱜᱟᱝᱯᱩᱨ ᱨᱮᱱᱟᱜ ᱥᱤᱠᱷᱱᱟᱹᱛ ᱫᱚᱨ ᱫᱚ ᱘᱔.᱓᱒% ᱦᱤᱥ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱯᱚᱱᱚᱛ ᱨᱮᱱᱟᱜ ᱗᱒.᱘᱗% ᱦᱤᱥ ᱠᱷᱚᱱ ᱰᱷᱮᱨ ᱢᱮᱱᱟᱜᱼᱟ ᱾ ᱨᱟᱡᱽᱜᱟᱝᱯᱩᱨ ᱨᱮ ᱠᱚᱲᱟ ᱠᱚᱣᱟᱜ ᱥᱤᱠᱷᱱᱟᱹᱛ ᱫᱚᱨ ᱫᱚ ᱘᱙.᱓᱘% ᱟᱨ ᱛᱤᱨᱞᱟᱹ ᱠᱚᱣᱟᱜ ᱥᱤᱠᱷᱱᱟᱹᱛ ᱫᱚᱨ ᱫᱚ ᱗᱙.᱐᱗% ᱢᱮᱱᱟᱜᱼᱟ ᱾ ᱨᱟᱡᱽᱜᱟᱝᱯᱩᱨ ᱨᱮ ᱑᱒.᱔᱑% ᱦᱚᱲ ᱮᱞ ᱖ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱠᱚ ᱢᱮᱱᱟᱜ ᱠᱚᱣᱟ ᱾

ᱱᱚᱶᱟ ᱥᱚᱦᱚᱨ ᱨᱤᱱ ᱦᱚᱲ ᱠᱚ ᱨᱚᱲᱼᱮᱫ ᱠᱟᱱ ᱢᱩᱬᱩᱛ ᱯᱟᱹᱨᱥᱤ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱳᱰᱤᱭᱟ, ᱥᱚᱢᱵᱚᱞᱯᱩᱨᱤ, ᱦᱤᱱᱫᱤ, ᱩᱨᱫᱩ ᱟᱨ ᱥᱟᱫᱟᱨᱤ ᱾ ᱥᱚᱦᱚᱨ ᱨᱮ ᱠᱟᱹᱢᱤᱭᱟᱜ ᱵᱮᱱᱟᱣ ᱨᱮᱱᱟᱜ ᱢᱩᱬᱩᱛ ᱟᱹᱨᱡᱤ ᱫᱚ ᱥᱚᱦᱚᱨ ᱟᱨ ᱚᱱᱟ ᱥᱩᱨ ᱥᱩᱯᱩᱨ ᱨᱮ ᱢᱮᱱᱟᱜ ᱤᱱᱰᱟᱥᱴᱨᱤ ᱠᱚ ᱠᱟᱱᱟ ᱾

ᱟᱹᱫᱤᱵᱟᱹᱥᱤ ᱠᱚ

ᱨᱟᱡᱽᱜᱟᱝᱯᱩᱨ ᱨᱮ ᱟᱹᱰᱤ ᱢᱟᱨᱟᱝ ᱟᱹᱫᱤᱵᱟᱹᱥᱤ ᱦᱚᱲ ᱢᱮᱱᱟᱜ ᱠᱚᱣᱟ, ᱡᱟᱦᱟᱸ ᱨᱮ ᱠᱤᱥᱟᱱ, ᱜᱳᱱᱰ, ᱩᱨᱟᱶ, ᱢᱩᱱᱰᱟ, ᱠᱷᱟᱨᱤᱭᱟ ᱟᱨ ᱮᱴᱟᱜ ᱟᱹᱫᱤᱵᱟᱹᱥᱤ ᱪᱮᱛᱟᱱ ᱢᱮᱱᱟᱜ ᱠᱚᱣᱟ ᱾ ᱱᱩᱠᱩᱣᱟᱜ ᱢᱩᱬ ᱠᱟᱹᱢᱤ ᱫᱚ ᱦᱩᱭᱩᱜ ᱠᱟᱱᱟ ᱪᱟᱥᱼᱵᱟᱥ ᱾ ᱱᱩᱠᱩ ᱟᱹᱫᱤᱵᱟᱹᱥᱤ ᱠᱚ ᱫᱚ ᱥᱩᱨ ᱥᱩᱯᱩᱨ ᱨᱮᱱᱟᱜ ᱠᱟᱹᱢᱤᱦᱚᱨᱟ ᱠᱚᱨᱮ ᱦᱚᱸ ᱠᱟᱹᱢᱤᱭᱟ ᱠᱚ ᱟᱨ ᱟᱭᱢᱟ ᱥᱚᱨᱠᱟᱨᱤ ᱠᱟᱹᱢᱤᱦᱚᱨᱟ ᱠᱚᱨᱮ ᱦᱚᱸ ᱠᱟᱹᱢᱤᱭᱟ ᱠᱚ ᱾ ᱟᱹᱫᱤᱵᱟᱹᱥᱤ ᱠᱚᱲᱟ ᱟᱨ ᱠᱩᱲᱤ ᱠᱚ ᱠᱟᱹᱢᱤᱭᱟᱹ ᱜᱮᱭᱟ ᱟᱨ ᱢᱟᱱᱫᱟᱨ, ᱰᱷᱳᱞᱠᱤ, ᱱᱟᱜᱽᱨᱟ ᱟᱨ ᱢᱩᱦᱩᱨᱤ ᱛᱮ ᱥᱮᱨᱮᱧ ᱟᱨ ᱮᱱᱮᱡ ᱫᱚᱠᱚ ᱠᱩᱥᱤᱭᱟᱜ ᱜᱮᱭᱟ ᱾ ᱥᱮᱪᱮᱫ, ᱢᱮᱰᱤᱠᱟᱞ ᱥᱩᱵᱤᱫᱷᱟ, ᱯᱷᱟᱨᱪᱟ ᱧᱩᱣᱟᱜ ᱫᱟᱜ ᱟᱨ ᱥᱟᱶᱛᱟ ᱵᱤᱪᱟᱹᱨ ᱫᱚ ᱟᱹᱫᱤᱵᱟᱹᱥᱤ ᱠᱚ ᱞᱟᱹᱜᱤᱫ ᱢᱟᱨᱟᱝ ᱪᱤᱱᱛᱟᱹ ᱠᱟᱱᱟ, ᱪᱮᱫᱟᱜ ᱥᱮ ᱩᱱᱠᱩ ᱫᱚ ᱱᱚᱶᱟ ᱠᱚ ᱟᱹᱰᱤ ᱠᱚᱢ ᱜᱮ ᱠᱚ ᱧᱟᱢ ᱫᱟᱲᱮᱭᱟᱜᱼᱟ ᱾

ᱨᱟᱡᱽᱟᱹᱨᱤ ᱠᱚ

ᱨᱟᱡᱽᱜᱟᱝᱯᱩᱨ (ᱮᱥᱴᱤ) ᱵᱤᱫᱷᱟᱱᱥᱚᱵᱷᱟ ᱴᱚᱴᱷᱟ ᱠᱷᱚᱱ ᱱᱤᱛᱚᱜᱟᱜ ᱵᱤᱫᱷᱟᱱᱥᱚᱵᱷᱟ ᱥᱚᱦᱮᱛ ᱫᱚ ᱠᱚᱸᱜᱽᱨᱮᱥ ᱨᱤᱱᱤᱡ ᱨᱟᱡᱤᱱ ᱮᱠᱠᱟ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱒᱐᱒᱔ ᱟᱨ ᱒᱐᱑᱙ ᱨᱮ ᱯᱚᱱᱚᱛ ᱵᱟᱪᱷᱱᱟᱣ ᱨᱮ ᱱᱚᱣᱟ ᱴᱚᱴᱷᱟᱭ ᱡᱤᱛᱠᱟᱹᱨ ᱞᱮᱱᱟ ᱾ ᱱᱚᱶᱟ ᱴᱚᱴᱷᱟ ᱠᱷᱚᱱ ᱢᱟᱲᱟᱝ ᱦᱮᱡ ᱟᱠᱟᱱ ᱵᱤᱫᱷᱟᱱ ᱥᱚᱵᱷᱟ ᱥᱚᱦᱮᱫ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱠᱚᱝᱜᱽᱨᱮᱥ ᱨᱤᱱᱤᱡ ᱜᱨᱮᱜᱚᱨᱤ ᱢᱤᱱᱡᱽ, ᱡᱟᱦᱟᱸᱭ ᱫᱚ ᱒᱐᱐᱔ ᱟᱨ ᱒᱐᱐᱙ ᱨᱮ ᱡᱤᱛᱠᱟᱹᱨ ᱞᱮᱱᱟ ᱛᱟᱦᱮᱸᱫ, ᱢᱚᱝᱜᱚᱞᱟ ᱠᱤᱥᱟᱱ, ᱡᱟᱦᱟᱸᱭ ᱫᱚ ᱒᱐᱐᱐, ᱒᱐᱑᱔ ᱨᱮ ᱵᱤᱡᱟᱫᱽ ᱨᱤᱱᱤᱡ ᱥᱚᱦᱮᱛ ᱟᱨ ᱑᱙᱙᱕, ᱑᱙᱙᱐ ᱨᱮ ᱡᱮᱰᱤ ᱨᱤᱱᱤᱡ ᱥᱚᱦᱮᱛ ᱟᱨ ᱑᱙᱘᱕ ᱨᱮ ᱡᱮᱱᱮᱯᱤ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟ, ᱑᱙᱘᱐ ᱨᱮ ᱠᱚᱝᱜᱽᱨᱮᱥ (ᱟᱭᱤ) ᱨᱤᱱᱤᱡ ᱢᱩᱠᱷᱚᱨᱟᱢ ᱱᱟᱭᱤᱠ ᱟᱨ ᱑᱙᱗᱗ ᱨᱮ ᱡᱮᱱᱮᱯᱤ ᱨᱤᱱᱤᱡ ᱵᱨᱚᱡᱽᱢᱚᱦᱚᱱ ᱠᱤᱥᱟᱱ ᱾^[᱕] ᱨᱟᱡᱽᱜᱟᱝᱯᱩᱨ ᱫᱚ ᱥᱩᱱᱫᱚᱨᱜᱚᱰ (ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ) ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾^[᱖]

ᱥᱟᱹᱠᱷᱭᱟᱹᱛ

↑ "INDUSTRIALIZATION OF THE ROURKELA REGION AND THE PATTERNS OF INDUSTRIAL GROWTH" (PDF).
↑ "Hon'ble Chief Minister of Odisha Shri Naveen Patnaik Lays the Foundation Stone for Dalmia DSP Cement Plant at Liploi in Rajgangpur".
↑ "OCL India holds stone-laying ceremony at Rajgangpur plant".
↑ "INDUSTRIALIZATION OF THE ROURKELA REGION AND THE PATTERNS OF INDUSTRIAL GROWTH" (PDF).
↑ "State Elections 2004 - Partywise Comparison for 137-Rajgangpur Constituency of Odisha". Election Commission of India. Retrieved 2008-09-17.^{[permanent dead link]}
↑ "Assembly Constituencies - Corresponding Districts and Parliamentary Constituencies of Odisha" (PDF). Election Commission of India. Archived from the original (PDF) on 2005-11-08. Retrieved 2008-09-17.

[1] "INDUSTRIALIZATION OF THE ROURKELA REGION AND THE PATTERNS OF INDUSTRIAL GROWTH" (PDF).

[2] "Hon'ble Chief Minister of Odisha Shri Naveen Patnaik Lays the Foundation Stone for Dalmia DSP Cement Plant at Liploi in Rajgangpur".

[3] "OCL India holds stone-laying ceremony at Rajgangpur plant".

[4] "INDUSTRIALIZATION OF THE ROURKELA REGION AND THE PATTERNS OF INDUSTRIAL GROWTH" (PDF).

[5] "State Elections 2004 - Partywise Comparison for 137-Rajgangpur Constituency of Odisha". Election Commission of India. Retrieved 2008-09-17.^{[permanent dead link]}

[6] "Assembly Constituencies - Corresponding Districts and Parliamentary Constituencies of Odisha" (PDF). Election Commission of India. Archived from the original (PDF) on 2005-11-08. Retrieved 2008-09-17.

[᱑]

[᱒]

[᱓]

[᱔]

[᱕]

[᱖]