ᱨᱟᱡᱽᱞᱚᱠᱷᱢᱤ ᱫᱮᱵᱤ ᱵᱷᱚᱴᱴᱟᱪᱟᱨᱡᱚ
ᱨᱟᱡᱽᱞᱚᱠᱷᱢᱤ ᱫᱮᱵᱤ ᱵᱷᱚᱴᱴᱟᱪᱟᱨᱡᱚ (ᱵᱟᱝᱞᱟ: রাজলক্ষ্মী দেবী ভট্টাচার্য; ᱡᱟᱦᱟᱸ ᱫᱚ ᱨᱟᱡᱽᱞᱚᱠᱷᱢᱤ ᱫᱮᱵᱤ, ᱨᱟᱡᱤᱞᱚᱠᱷᱢᱤ ᱫᱮᱵᱤ ᱧᱩᱛᱩᱢ ᱛᱮᱦᱚᱸ ᱚᱞᱚᱜ-ᱟ; ᱨᱟᱡᱽᱞᱚᱠᱷᱢᱤ ᱫᱮᱵᱤ ᱧᱩᱛᱩᱢ ᱛᱮ ᱯᱟᱨᱥᱟᱞᱚᱜ-ᱟ; ᱘ ᱢᱮ ᱑᱙᱒᱗ — ᱑᱙ ᱯᱷᱮᱵᱽᱨᱩᱣᱟᱨᱤ ᱒᱐᱐᱕) ᱫᱚ ᱵᱟᱱᱟᱨ ᱵᱟᱝᱞᱟ ᱟᱨ ᱤᱝᱞᱤᱥ ᱛᱮ ᱚᱞᱚᱜᱤᱡ ᱢᱤᱫ ᱥᱤᱧᱚᱛᱤᱭᱟᱹ ᱚᱱᱚᱲᱦᱤᱭᱟᱹ, ᱥᱚᱜ ᱥᱮᱴᱮᱡᱤᱭᱟᱹ ᱟᱨ ᱥᱟᱶᱦᱮᱫ ᱜᱟᱞᱚᱪᱤᱭᱟᱹ ᱮ ᱛᱟᱦᱮᱸ ᱠᱟᱱᱟᱭ ᱾[᱑] ᱩᱱᱤ ᱫᱚ ᱵᱨᱤᱴᱤᱥ ᱠᱟᱣᱩᱱᱥᱤᱞ ᱥᱟᱶ ᱢᱮᱥᱟ ᱠᱟᱛᱮ ᱫᱟ ᱯᱳᱭᱮᱴᱨᱤ ᱥᱳᱥᱟᱭᱴᱤ (ᱵᱷᱟᱨᱚᱛ) ᱦᱚᱛᱮᱛᱮ ᱑᱙᱙᱑ ᱥᱟᱞᱮ ᱨᱮ ᱥᱟᱯᱲᱟᱣ ᱞᱮᱱ 'ᱵᱷᱟᱨᱚᱛ ᱡᱟᱠᱟᱛ ᱚᱱᱚᱲᱦᱮ ᱦᱮᱯᱨᱟᱣ' (All India Poetry Competition) ᱨᱮ ᱯᱩᱭᱞᱩ ᱥᱤᱨᱯᱷᱟᱹ ᱮ ᱟᱢᱮᱴ ᱞᱮᱫᱟ ᱾[᱒][᱓]
ᱡᱤᱭᱚᱱ ᱪᱩᱨᱤᱛ (Biography)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱫᱮᱵᱤ ᱫᱚ ᱑᱙᱒᱗ ᱥᱟᱞᱮ ᱨᱮ ᱥᱟᱢᱟᱝ ᱵᱟᱝᱞᱟ ᱨᱮᱱᱟᱜ ᱢᱚᱭᱢᱚᱱᱥᱤᱝᱦᱚ ᱨᱮ ᱡᱟᱱᱟᱢ ᱞᱮᱱᱟᱭ ᱾[᱔] ᱩᱱᱤ ᱫᱚ ᱟᱱᱚᱱᱫᱚ ᱢᱳᱦᱚᱱ ᱠᱚᱞᱮᱡᱽ ᱠᱷᱚᱱ ᱧᱮᱱᱮᱞ (philosophy) ᱥᱟᱛᱟᱢ ᱛᱮ ᱢᱟᱹᱱ ᱥᱟᱶᱛᱮ ᱥᱚᱱᱮᱨ ᱛᱷᱚᱠ ᱮ ᱥᱟᱹᱛ ᱞᱮᱫᱟ ᱾[᱔] ᱵᱟᱝᱞᱟ ᱦᱟᱹᱴᱤᱧ ᱛᱟᱭᱚᱢ ᱠᱚᱞᱠᱟᱛᱟ ᱛᱮ ᱥᱮᱱ ᱠᱟᱛᱮ, ᱩᱱᱤ ᱫᱚ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱧᱮᱱᱮᱞ ᱛᱮ ᱢᱟᱥᱴᱚᱨ ᱚᱯᱷ ᱟᱨᱴᱥ[᱔] ᱟᱨ ᱯᱩᱱᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱯᱤ.ᱮᱪ.ᱰᱤ. (PhD) ᱰᱤᱜᱽᱨᱤ ᱮ ᱟᱢᱮᱴ ᱞᱮᱫᱟ ᱾[᱔] ᱩᱱᱤ ᱫᱚ ᱵᱷᱟᱨᱚᱛᱤᱭᱟᱹ ᱴᱮᱠᱱᱚᱞᱚᱡᱤ ᱥᱚᱸᱥᱛᱷᱟᱱ (IIT), ᱠᱷᱚᱲᱚᱜᱽᱯᱩᱨ ᱟᱨ ᱯᱷᱟᱨᱜᱩᱥᱚᱱ ᱠᱚᱞᱮᱡᱽ, ᱯᱩᱱᱮ ᱨᱮ ᱯᱟᱲᱦᱟᱣ ᱞᱮᱫ ᱠᱚᱣᱟᱭ ᱾ ᱩᱱᱤ ᱫᱚ ᱱᱚᱣᱨᱚᱡᱤ ᱣᱟᱰᱤᱭᱟ ᱠᱚᱞᱮᱡᱽ (Nowrosjee Wadia College) ᱨᱮ ᱧᱮᱱᱮᱞ ᱨᱤᱱᱤᱡ ᱯᱨᱚᱯᱷᱮᱥᱚᱨ ᱦᱚᱸᱭ ᱛᱟᱦᱮᱸ ᱠᱟᱱᱟᱭ ᱾[᱕]
ᱩᱱᱤ ᱫᱚ ᱵᱟᱝᱞᱟ ᱯᱟᱹᱨᱥᱤ ᱛᱮ ᱟᱭᱢᱟ ᱚᱱᱚᱲᱦᱮᱸ ᱟᱨ ᱚᱱᱚᱬᱦᱮᱸ ᱯᱩᱛᱷᱤ ᱠᱚᱭ ᱯᱟᱨᱥᱟᱞ ᱞᱮᱫᱟ, ᱟᱨ ᱚᱱᱟ ᱛᱟᱭᱚᱢ ᱑᱙᱗᱒ ᱥᱟᱞᱮ ᱨᱮ, ᱤᱝᱞᱤᱥ ᱛᱮ ᱛᱚᱨᱡᱚᱢᱟ ᱟᱠᱟᱱ ᱟᱡᱟᱜ ᱚᱱᱚᱬᱦᱮᱸ ᱯᱩᱛᱷᱤ ᱫᱟ ᱳᱞ ᱮᱱᱰ ᱟᱫᱟᱨ ᱯᱚᱭᱮᱢᱥ (The Owl and Other Poems) ᱮ ᱩᱪᱷᱟᱹᱱ ᱞᱮᱫᱟ ᱾[᱔] ᱛᱟᱭᱚᱢ ᱛᱮ ᱩᱱᱤ ᱫᱚ ᱒᱐᱐᱐ ᱥᱟᱞᱮ ᱨᱮ "ᱫᱟ ᱴᱚᱪ ᱢᱤ ᱱᱚᱴ ᱜᱟᱨᱞ "(The Touch Me Not Girl) ᱮ ᱯᱟᱨᱥᱟᱞ ᱞᱮᱫᱟ ᱾ ᱟᱡᱟᱜ ᱛᱚᱨᱡᱚᱢᱟ ᱠᱟᱹᱢᱤ ᱠᱚ ᱫᱚ 'ᱴᱨᱟᱱᱥᱠᱨᱤᱭᱮᱥᱚᱱ' (transcreation) ᱨᱮᱱᱟᱜ ᱢᱤᱫ ᱮᱱᱮᱢ ᱠᱟᱱᱟ, ᱟᱨ ᱩᱱᱤᱭᱟᱜ ᱛᱚᱨᱡᱚᱢᱟ ᱠᱚ ᱢᱩᱫᱽ ᱨᱮ ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱠᱩᱨ ᱟᱜ ᱥᱮᱨᱮᱧ ᱠᱚ ᱥᱮᱞᱮᱫ ᱢᱮᱱᱟᱜ-ᱟ ᱾[᱖][᱑]
ᱨᱟᱡᱽᱞᱚᱠᱷᱢᱤ ᱫᱮᱵᱤ ᱫᱚ ᱑᱙᱙᱑ ᱥᱟᱞᱮ ᱨᱮ ᱟᱡᱟᱜ ᱚᱱᱚᱲᱦᱮ ᱯᱩᱱᱚᱨᱱᱚᱵᱟ (Punarnava; ‘The Ever Renewing’) ᱞᱟᱹᱜᱤᱫ ᱵᱷᱟᱨᱚᱛ ᱡᱟᱠᱟᱛ ᱚᱱᱚᱲᱦᱮᱸ ᱥᱤᱨᱯᱷᱟᱹ (All India Poetry Prize) ᱮ ᱡᱤᱛᱠᱟᱹᱨ ᱞᱮᱱᱟ ᱾ ᱨᱟᱡᱽᱞᱚᱠᱷᱢᱤ ᱫᱚ ᱑᱙᱙᱖ ᱥᱟᱞᱮ ᱨᱮ ᱥᱠᱩᱞ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱯᱩᱭᱞᱩ ᱫᱷᱟᱣ ᱥᱟᱯᱲᱟᱣ ᱞᱮᱱ ᱵᱷᱟᱨᱚᱛ ᱡᱟᱠᱟᱛ ᱚᱱᱚᱲᱦᱮ ᱦᱮᱯᱨᱟᱣ ᱨᱮ ᱡᱩᱨᱤ (jury) ᱞᱮᱠᱟᱛᱮ ᱦᱚᱸᱭ ᱛᱟᱦᱮᱸ ᱠᱟᱱᱟᱭ ᱾[᱗]
ᱩᱱᱤ ᱫᱚ ᱑᱙ ᱢᱮ, ᱒᱐᱐᱕ ᱥᱟᱞᱮ ᱨᱮ ᱗᱗ ᱥᱮᱨᱢᱟ ᱩᱢᱮᱨ ᱨᱮ ᱵᱚᱸᱜᱟ ᱛᱟᱞᱟ ᱮᱱᱟᱭ ᱾[᱑]
ᱵᱟᱪᱷᱟᱣ ᱟᱠᱟᱱ ᱠᱟᱹᱢᱤ ᱠᱚ (Selected works)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱩᱛᱷᱤ ᱠᱚ (Books)
- ᱫᱟ ᱳᱞ ᱮᱱᱰ ᱟᱫᱟᱨ ᱯᱚᱭᱮᱢᱥ (The Owl and Other Poems), ᱣᱟᱭᱤᱴᱟᱨᱥ ᱣᱟᱨᱠᱥᱚᱯ, ᱠᱚᱞᱠᱟᱛᱟ ᱵᱷᱟᱨᱚᱛ ᱑᱙᱗᱒ ᱾
- ᱫᱟ ᱴᱚᱪ ᱢᱤ ᱱᱚᱴ ᱜᱟᱨᱞ (The Touch Me Not Girl), ᱫᱤᱥᱟ ᱯᱟᱵᱽᱞᱤᱥᱟᱨᱥ, ᱱᱟᱶᱟ ᱫᱤᱞᱞᱤ ᱵᱷᱟᱨᱚᱛ ᱒᱐᱐᱐ ᱾
- ᱒᱘ ᱥᱚᱝᱥ ᱚᱯᱷ ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱜᱳᱨ (28 Songs of Rabindranath Tagore), ᱨᱟᱭᱴᱟᱨᱥ ᱣᱟᱨᱠᱥᱚᱯ, ᱠᱚᱞᱠᱟᱛᱟ ᱵᱷᱟᱨᱚᱛ ᱒᱐᱐᱒ ᱾
ᱚᱱᱚᱞ ᱠᱚ (Articles)
- 'ᱯᱟᱨᱥᱚᱱᱟᱞ ᱢᱮᱱ ᱮᱱᱰ ᱯᱟᱨᱥᱚᱱᱟᱞ ᱜᱚᱰ' (Personal Man and Personal God), ᱤᱱᱴᱟᱨᱱᱮᱥᱱᱟᱞ ᱯᱷᱤᱞᱚᱥᱚᱯᱷᱤᱠᱟᱞ ᱠᱣᱟᱨᱴᱟᱨᱞᱤ (International Philosophical Quarterly) ᱵᱚᱞᱤᱭᱩᱢ-᱑᱕, ᱰᱤᱥᱮᱢᱵᱚᱨ ᱑᱙᱗᱕ ᱾
- 'ᱵᱤᱠᱚᱡᱽ ᱦᱤ ᱤᱡᱽ ᱮ ᱢᱮᱱ' (Because He is a Man), ᱠᱮᱢᱵᱨᱤᱡᱽ ᱡᱚᱨᱱᱟᱞ (Cambridge Journal) ᱵᱚᱞᱤᱭᱩᱢ ᱔᱙, ᱤᱥᱩ ᱑᱗᱕, ᱡᱟᱱᱩᱣᱟᱨᱤ ᱑᱙᱗᱔ ᱾[᱘]
- 'ᱫᱟ ᱣᱮᱥᱴ ᱞᱮᱱᱰ ᱚᱯᱷ ᱵᱮᱸᱜᱚᱞᱤ ᱯᱷᱤᱠᱥᱚᱱ' (The Waste Land of Bengali Fiction), ᱤᱱᱰᱤᱭᱟᱱ ᱨᱟᱭᱴᱤᱝ ᱴᱩᱰᱮ (Indian Writing Today), ᱵᱚᱞᱤᱭᱩᱢ-᱓, ᱮᱞ-᱓, ᱡᱩᱞᱟᱭ–ᱥᱮᱯᱴᱮᱢᱵᱚᱨ ᱑᱙᱖᱙ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 3 Chatterjee, Debjani (2005). "Rajlukshmee Debee: 1927 — 2005". Indian Literature. 49 (2 (226)): 96–97. ISSN 0019-5804.
- ↑ "Third National Poetry Competition - Prize winning poems".
- ↑ Perry, John Oliver (Autumn 1993). "Reviewed Work: Poetry India: Emerging Voices H. K. Kaul". World Literature Today. 67 (4): 895–897. doi:10.2307/40149809.
- 1 2 3 4 5 Wright, Carolyne (January 30, 2015). "Three Bengali Women Poets of Kolkata". Artful Dodge Magazine. Retrieved 8 March 2025.
- ↑ Indian Writing Today. Nirmala Sadanand Publishers. 1969. p. 188. Retrieved 11 July 2021.
- ↑ "Literature: Special Series; Faces of the Millennium". Archived from the original on 11 August 2010. Retrieved 6 September 2013.
- ↑ "First All India Poetry Competition for Children". Archived from the original on 3 January 2005. Retrieved 6 September 2013.
- ↑ Clack, Beverley, ed. (2016). Misogyny in the Western Philosophical Tradition: A Reader. Taylor & Francis. ISBN 9781134947331. Retrieved 11 July 2021.