ᱨᱟᱡᱽ ᱱᱟᱨᱟᱭᱚᱬ
| ᱨᱟᱡᱽ ᱱᱟᱨᱟᱭᱚᱬ | |
|---|---|
 Narain on a 2007 postage stamp of India | |
| ᱦᱚᱲᱢᱚ ᱥᱟᱶᱟᱨ ᱟᱨ ᱜᱷᱟᱨᱚᱸᱡᱽ ᱵᱷᱟᱹᱞᱟᱹᱭ ᱞᱟᱹᱜᱤᱫ ᱭᱩᱱᱤᱭᱚᱱ ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱒᱔ ᱢᱟᱨᱪ ᱑᱙᱗᱗ – ᱒᱕ ᱡᱟᱱᱩᱣᱟᱨᱤ ᱑᱙᱗᱙ | |
| ᱢᱟᱨᱟᱝ ᱢᱚᱱᱛᱨᱤ | ᱢᱳᱨᱟᱨᱡᱤ ᱫᱮᱥᱟᱭᱤ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱠᱚᱨᱚᱱ ᱥᱤᱝ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱨᱚᱵᱤ ᱨᱚᱭ |
| ᱯᱟᱨᱞᱤᱭᱟᱢᱮᱴ ᱥᱚᱦᱮᱛ, ᱞᱳᱠ ᱥᱚᱵᱷᱟ | |
| ᱟᱹᱢᱟᱹᱞᱤ ᱨᱮ ᱒᱓ ᱢᱟᱨᱪ ᱑᱙᱗᱗ - ᱒᱒ ᱚᱜᱚᱥᱴ ᱑᱙᱗᱙ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱤᱱᱫᱤᱨᱟ ᱜᱟᱱᱫᱷᱤ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱤᱱᱫᱤᱨᱟ ᱜᱟᱱᱫᱷᱤ (vacated) ᱚᱨᱩᱱ ᱱᱮᱦᱨᱩ |
| ᱵᱟᱪᱷᱱᱟᱣ ᱮᱞᱟᱠᱟ | ᱨᱟᱭᱵᱟᱨᱮᱞᱤ, ᱩᱛᱛᱚᱨ ᱯᱨᱚᱫᱮᱥ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱨᱟᱡᱽ ᱱᱟᱨᱟᱭᱚᱬ ᱥᱤᱝ ᱒᱓ ᱱᱚᱵᱷᱮᱢᱵᱚᱨ ᱑᱙᱑᱗[᱑] ᱢᱳᱛᱤᱠᱳᱴ, ᱵᱮᱱᱟᱨᱚᱥ ᱯᱚᱱᱚᱛ, ᱵᱽᱨᱤᱴᱤᱥ ᱤᱱᱰᱤᱭᱟ[᱑] (ᱱᱤᱭᱟᱹ ᱦᱟᱹᱞᱤ ᱩᱛᱛᱚᱨ ᱯᱨᱚᱫᱮᱥ, ᱥᱤᱧᱚᱛ) |
| ᱜᱩᱨ | ᱓᱑ ᱰᱤᱥᱮᱢᱵᱚᱨ ᱑᱙᱘᱖ (ᱩᱢᱮᱨ ᱖᱙ ᱥᱮᱨᱢᱟ)
[᱒] ᱱᱟᱣᱟ ᱫᱤᱞᱞᱤ, ᱫᱤᱞᱞᱤ, ᱥᱤᱧᱚᱛ[᱒] |
| ᱦᱚᱯᱚᱱ | ᱔ |
| ᱥᱮᱪᱮᱫ | |
| ᱥᱮᱪᱮᱫ ᱟᱠᱷᱲᱟ | ᱵᱟᱱᱟᱨᱚᱥ ᱦᱤᱱᱫᱩ ᱡᱮᱜᱮᱛ ᱵᱤᱨᱫᱟᱹᱜᱟᱲ |
| ᱠᱟᱹᱢᱤ | ᱨᱟᱡᱽᱟᱹᱨᱤᱭᱟᱹ |
ᱨᱟᱡᱽ ᱱᱟᱨᱟᱭᱚᱬ (᱒᱓ ᱱᱚᱵᱷᱮᱢᱵᱚᱨ ᱑᱙᱑᱗ - ᱓᱑ ᱰᱤᱥᱮᱢᱵᱚᱨ ᱑᱙᱘᱖) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱯᱷᱩᱨᱜᱟᱹᱞ ᱦᱩᱞᱥᱟᱹᱭᱤᱭᱟᱹ ᱟᱨ ᱨᱟᱡᱽᱟᱹᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱤᱱᱟᱹ ᱚᱠᱛᱚ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱤᱱᱫᱤᱨᱟ ᱜᱟᱱᱫᱷᱤ ᱟᱜ ᱵᱤᱨᱳᱫᱷ ᱨᱮ ᱢᱤᱫ ᱧᱩᱢ ᱩᱨᱩᱢ ᱵᱟᱪᱷᱱᱟᱣ ᱢᱟᱨᱯᱨᱟᱠᱴᱤᱥ ᱠᱮᱥ ᱨᱮ ᱡᱤᱛᱠᱟᱹᱨ ᱮ ᱟᱢᱮᱴ ᱠᱮᱫ-ᱟ, ᱡᱟᱦᱟᱸ ᱠᱷᱟᱹᱛᱤᱨ ᱩᱱᱤ ᱫᱚ ᱵᱟᱝᱞᱚᱲᱟᱱ ᱢᱮᱱᱛᱮ ᱠᱚ ᱵᱤᱠᱱᱟᱹᱣ ᱠᱮᱫᱮᱭᱟ ᱟᱨ ᱢᱩᱪᱟᱹᱫ ᱨᱮᱺ ᱑᱙᱗᱕ ᱠᱷᱚᱱ ᱥᱤᱧᱚᱛ ᱨᱮ ᱒᱑ ᱵᱚᱸᱜᱟ ᱨᱮᱱᱟᱜ ᱞᱟᱹᱠᱛᱤᱭᱟᱱ ᱠᱚ ᱞᱟᱹᱜᱩ ᱠᱮᱫ-ᱟ ᱾ [᱓] ᱩᱱᱤ ᱫᱚ ᱑᱙᱗᱗ ᱨᱮᱱᱟᱜ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱤᱱᱫᱤᱨᱟ ᱜᱟᱱᱫᱷᱤᱭ ᱦᱟᱨᱟᱣ ᱠᱮᱫᱮᱭᱟ ᱾
ᱜᱤᱫᱽᱨᱟᱹ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱡᱽ ᱱᱟᱨᱟᱭᱚᱬ ᱫᱚ ᱚᱱᱚᱸᱛᱚ ᱯᱨᱚᱥᱟᱫᱽ ᱥᱤᱝ ᱤᱡ ᱦᱚᱯᱚᱱ ᱮ ᱛᱟᱦᱮᱸ ᱠᱟᱱᱟ ᱟᱨ ᱩᱱᱤᱭᱟᱜ ᱡᱟᱱᱟᱢ ᱫᱚ ᱒᱓ ᱱᱚᱵᱷᱮᱢᱵᱚᱨ ᱑᱙᱑᱗ ᱦᱤᱞᱚᱜ ᱵᱟᱨᱟᱬᱚᱥᱤ ᱨᱮᱱᱟᱜ ᱢᱳᱛᱤᱠᱳᱴ ᱟᱹᱛᱩ ᱨᱮ ᱢᱤᱫ ᱥᱚᱝ ᱯᱩᱨᱩᱱ ᱵᱷᱩᱢᱤᱦᱟᱨ [᱔] ᱜᱷᱟᱨᱚᱸᱡᱽ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱵᱚᱱᱟᱨᱚᱥ ᱨᱤᱭᱟᱥᱚᱛ ᱨᱮᱱᱟᱜ ᱨᱟᱡᱽ ᱫᱚᱞᱟᱱ ᱛᱟᱦᱮᱸ ᱠᱟᱱᱟ ᱾ ᱱᱟᱨᱟᱭᱚᱬ ᱢᱚᱦᱟᱨᱟᱡᱟ ᱪᱮᱛ ᱥᱤᱝ ᱟᱨ ᱢᱚᱦᱟᱨᱟᱡᱟ ᱵᱚᱞᱵᱚᱸᱛ ᱥᱤᱝ ᱟᱜ ᱜᱷᱟᱨᱚᱸᱡᱽ ᱥᱟᱶ ᱥᱤᱫᱷᱟᱹ ᱡᱩᱲᱟᱹᱭ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱢᱤᱫ ᱥᱟᱭ ᱥᱮᱨᱢᱟ ᱠᱷᱚᱱ ᱦᱚᱸ ᱞᱟᱦᱟ ᱨᱮ ᱵᱚᱱᱟᱨᱚᱥ ᱨᱤᱭᱟᱥᱚᱛ ᱨᱤᱱᱤᱡ ᱥᱟᱥᱚᱱᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸᱭ ᱫᱚ ᱵᱚᱱᱟᱨᱚᱥ ᱦᱤᱱᱫᱩ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱤᱠᱷᱱᱟᱹᱛ ᱮ ᱟᱢᱮᱴ ᱠᱮᱫ-ᱟ ᱟᱨ ᱮᱢ. ᱮ. ᱥᱟᱶᱛᱮ ᱮᱞ.ᱮᱞ.ᱵᱤ. ᱨᱮᱱᱟᱜ ᱩᱯᱟᱫᱷᱤᱭ ᱟᱢᱮᱴ ᱠᱮᱫ-ᱟ ᱾
ᱥᱤᱧᱚᱛ ᱨᱮᱱᱟᱜ ᱯᱷᱩᱨᱜᱟᱹᱞ ᱦᱩᱞᱥᱟᱹᱭ ᱚᱠᱛᱚ ᱨᱮ ᱠᱟᱹᱢᱤᱦᱚᱨᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱤᱫ ᱨᱟᱡᱽᱟᱹᱨᱤ ᱟᱨ ᱥᱟᱶᱛᱟᱨᱤ ᱠᱟᱹᱢᱤᱭᱟᱹ ᱞᱮᱠᱟᱛᱮ, ᱩᱱᱤ ᱫᱚ ᱩᱢᱮᱨ ᱨᱮ ᱞᱟᱦᱟ ᱟᱠᱟᱱ ᱠᱚ ᱞᱟᱹᱜᱤᱫ ᱢᱤᱫ ᱵᱤᱨᱫᱟᱹᱜᱟᱲ, ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱵᱤᱨᱫᱟᱹᱜᱟᱲ, ᱢᱤᱫ ᱯᱚᱲᱦᱚᱱ ᱛᱟᱞᱢᱟ, ᱟᱨ ᱢᱤᱫ ᱠᱷᱟᱹᱴᱣᱟᱹᱱ ᱠᱚ ᱞᱟᱹᱜᱤᱫ ᱢᱤᱫ ᱜᱟᱶᱛᱟᱭ ᱛᱷᱟᱯᱚᱱ ᱠᱮᱫ-ᱟ, ᱟᱨ ᱑᱙᱓᱔ ᱨᱮ ᱠᱚᱸᱜᱽᱨᱮᱥ ᱥᱳᱥᱚᱞᱤᱥᱴ ᱯᱟᱨᱴᱤ ᱟᱨ ᱑᱙᱓᱙-᱔᱔ ᱨᱚ ᱯᱟᱹᱴᱷᱩᱣᱟᱹ ᱜᱟᱶᱛᱟ ᱠᱚᱣᱟᱜ ᱡᱟᱹᱛᱤᱭᱟᱹᱨᱤ ᱥᱚᱢᱤᱛᱤ ᱨᱤᱱᱤᱡ ᱥᱚᱦᱮᱫ ᱮ ᱵᱮᱱᱟᱣ ᱮᱱᱟ ᱾ ᱩᱱᱤ ᱫᱚ ᱵᱚᱱᱟᱨᱚᱥ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱢᱚᱱᱰᱚᱞ ᱠᱚᱸᱜᱽᱨᱮᱥ ᱥᱚᱢᱤᱛᱤ ᱨᱤᱱᱤᱡ ᱯᱟᱨᱥᱮᱛ ᱟᱨ ᱦᱚᱱᱚᱛ ᱠᱚᱸᱜᱽᱨᱮᱥ ᱥᱚᱢᱤᱛᱤ (ᱰᱤ.ᱥᱤ.ᱥᱤ.) ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟ ᱾
᱑᱙᱔᱒ ᱨᱮᱱᱟᱜ ᱥᱤᱧᱚᱛ ᱵᱟᱹᱜᱤᱱ ᱦᱩᱞᱥᱟᱹᱭ ᱚᱠᱛᱚ ᱨᱮ ᱩᱱᱤ ᱫᱚ ᱯᱟᱹᱴᱷᱩᱣᱟᱹ ᱠᱚᱸᱜᱽᱨᱮᱥ ᱠᱚᱭᱤᱡ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟ ᱟᱨ ᱩᱱᱤ ᱫᱚ ᱩᱛᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱵᱟᱨᱟᱬᱚᱥᱤ ᱦᱚᱱᱚᱛ ᱟᱨ ᱚᱱᱟ ᱨᱮᱱᱟᱜ ᱥᱩᱨ ᱥᱩᱯᱩᱨ ᱴᱚᱴᱷᱟ ᱠᱚᱨᱮ ᱵᱤᱨᱮᱫᱷ ᱥᱚᱫᱚᱨ ᱨᱮ ᱟᱹᱜᱩᱣᱟᱹᱱ ᱮ ᱛᱟᱦᱮᱸ ᱮᱱᱟ ᱾ ᱮᱛᱚᱦᱚᱵ ᱨᱮ ᱩᱱᱤ ᱫᱚ ᱯᱮ ᱪᱟᱸᱫᱚ ᱫᱷᱟᱹᱵᱤᱡ "ᱟᱱᱰᱟᱨᱜᱽᱨᱟᱣᱩᱸᱰ" ᱛᱟᱦᱮᱸ ᱮᱱᱟ ᱟᱨ ᱛᱟᱭᱚᱢ ᱛᱮ ᱒᱘ ᱥᱮᱯᱴᱮᱢᱵᱚᱨ ᱑᱙᱔᱒ ᱦᱤᱞᱚᱜ ᱥᱤᱧᱚᱛ ᱵᱟᱹᱜᱤᱱ ᱦᱩᱞᱥᱟᱹᱭ ᱚᱠᱛᱚ ᱨᱮᱭ ᱦᱟᱹᱲᱤ ᱮᱱᱟ ᱟᱨ ᱑᱙᱔᱕ ᱫᱷᱟᱹᱵᱤᱡ ᱫᱤᱦᱚᱞ ᱨᱮᱭ ᱛᱟᱦᱮᱸ ᱮᱱᱟ ᱾
ᱟᱯᱚᱱ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱡᱽ ᱱᱟᱨᱟᱭᱚᱬ ᱫᱚᱭ ᱵᱟᱯᱞᱟ ᱟᱠᱟᱱ ᱛᱟᱦᱮᱸᱱ ᱟᱨ ᱟᱡ ᱨᱤᱱ ᱯᱮᱭᱟ ᱦᱚᱯᱚᱱ ᱟᱨ ᱢᱤᱫᱴᱟᱹᱝ ᱦᱚᱯᱚᱱ ᱮᱨᱟᱭ ᱛᱟᱦᱮᱸ ᱠᱟᱱᱟ ᱾ ᱨᱟᱡᱽ ᱱᱟᱨᱟᱭᱚᱬ ᱫᱚ ᱵᱟᱨᱟᱬᱚᱥᱤ ᱠᱷᱚᱱ ᱦᱟᱯᱛᱟᱠᱤᱭᱟᱹ ᱯᱟᱛᱷᱟᱢ 'ᱡᱚᱱᱢᱩᱠᱷ' ᱮ ᱩᱪᱷᱟᱹᱱ ᱮᱫ ᱛᱟᱦᱮᱸᱫ ᱟᱨ ᱰᱟᱹ ᱨᱟᱢᱢᱚᱱᱳᱦᱚᱨ ᱞᱳᱦᱤᱭᱟ ᱦᱚᱛᱮᱛᱮ ᱛᱷᱟᱯᱚᱱ ᱟᱠᱟᱱ ᱪᱟᱸᱫᱚᱠᱤᱭᱟᱹ ᱯᱟᱛᱷᱟᱢ 'ᱡᱚᱱ' ᱨᱮᱱᱟᱜ ᱥᱟᱯᱲᱮᱛ ᱢᱟᱰᱮᱨ ᱨᱮ ᱦᱚᱸᱭ ᱛᱟᱦᱮᱸ ᱟᱠᱟᱱᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 Raj Narain. 6th Lok Sabha Members Bioprofile
- 1 2 Raj Narain; the Only Politician to Defeat India's Indira Gandhi. LA Times. 2 January 1987
- ↑ 1975: Region Of Terror – Cover Story News. Indiatoday.intoday.in (2 July 2007). Retrieved on 13 November 2018.
- ↑ Sethi, Sunil (19 January 2015) [31 August 1979]. "The importance of being Raj Narain". India Today. Retrieved 26 November 2024.