ᱨᱟᱢᱪᱚᱸᱫᱽᱨᱚ ᱫᱷᱳᱫᱤᱵᱟ ᱵᱷᱚᱱᱰᱟᱨ

ᱟᱨ. ᱰᱤ. ᱵᱷᱚᱱᱰᱟᱨᱮ
ᱟᱨ. ᱰᱤ. ᱵᱷᱚᱱᱰᱟᱨᱮ
᱘-ᱟᱹᱱᱤᱡ ᱟᱱᱫᱷᱨᱚ ᱯᱨᱚᱫᱮᱥ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ
	ᱟᱹᱢᱟᱹᱞᱤ ᱨᱮ; ᱑᱖ ᱡᱩᱱ ᱑᱙᱗᱖ – ᱑᱗ ᱯᱷᱮᱵᱽᱨᱩᱣᱟᱨᱤ ᱑᱙᱗᱗
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱢᱳᱦᱚᱱ ᱞᱟᱞ ᱥᱩᱠᱷᱟᱫᱤᱭᱟ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱵᱤ. ᱡᱮ. ᱫᱤᱣᱟᱱ
᱘-ᱟᱹᱱᱤᱡ ᱵᱤᱦᱟᱨ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ
	ᱟᱹᱢᱟᱹᱞᱤ ᱨᱮ; ᱔ ᱯᱷᱮᱵᱽᱨᱩᱣᱟᱨᱤ ᱑᱙᱗᱓ – ᱑᱕ ᱡᱩᱱ ᱑᱙᱗᱖
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱫᱮᱵᱽ ᱠᱟᱸᱛ ᱵᱚᱨᱩᱣᱟᱦ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱡᱚᱜᱚᱱᱱᱟᱛᱷ ᱠᱚᱣᱥᱟᱞ
ᱯᱟᱨᱞᱤᱭᱟᱢᱮᱴ ᱥᱚᱦᱮᱛ, ᱞᱳᱠ ᱥᱚᱵᱷᱟ
	ᱟᱹᱢᱟᱹᱞᱤ ᱨᱮ; ᱑᱙᱖᱗ – ᱑᱙᱗᱓
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱱᱟᱨᱟᱭᱚᱬ ᱥᱟᱫᱚᱵᱟ ᱠᱟᱡᱽᱨᱚᱞᱠᱚᱨ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱨᱳᱡᱟ ᱵᱤᱫᱽᱭᱟᱫᱷᱚᱨ ᱫᱮᱥᱯᱟᱱᱰᱮ
ᱵᱟᱪᱷᱱᱟᱣ ᱮᱞᱟᱠᱟ	ᱢᱩᱢᱵᱟᱭ ᱥᱮᱱᱴᱨᱟᱞ
ᱯᱩᱭᱞᱩ ᱵᱤᱨᱳᱫᱷ ᱯᱟᱨᱴᱤ ᱟᱹᱜᱩᱣᱟᱹᱱ; ᱢᱚᱦᱟᱨᱟᱥᱴᱨᱚ ᱞᱮᱤᱥᱞᱮᱴᱤᱵᱽ ᱟᱥᱮᱢᱵᱽᱞᱤ
	ᱟᱹᱢᱟᱹᱞᱤ ᱨᱮ; ᱑᱙᱖᱐ – ᱑᱙᱖᱒
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱛᱷᱟᱱᱚᱛ ᱛᱷᱟᱯᱚᱱ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱠᱨᱤᱥᱱᱟᱨᱟᱣ ᱫᱷᱩᱞᱟᱯ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ	᱑᱑ ᱮᱯᱨᱤᱞ ᱑᱙᱑᱖; ᱵᱤᱛᱟ, ᱥᱟᱸᱜᱽᱞᱤ ᱵᱽᱨᱤᱴᱤᱥ ᱤᱱᱰᱤᱭᱟ
ᱜᱩᱨ	᱕ ᱥᱮᱯᱴᱮᱢᱵᱚᱨ ᱑᱙᱘᱘ (ᱵᱚᱭᱚᱥ ᱗᱒); ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ
ᱨᱟᱡᱽᱟᱹᱨᱤ ᱫᱚᱞ	ᱤᱱᱰᱤᱭᱟᱱ ᱱᱮᱥᱱᱟᱞ ᱠᱚᱸᱜᱽᱨᱮᱥ
ᱮᱴᱟᱜ ᱨᱟᱡᱽᱟᱹᱨᱤ; ᱥᱟᱹᱜᱟᱹᱭ	ᱥᱮᱰᱩᱞ ᱠᱟᱥᱴᱥ ᱯᱷᱮᱰᱮᱨᱮᱥᱳᱱ
ᱡᱤᱭᱚᱱ ᱥᱚᱦᱮᱫ	ᱥᱚᱠᱩᱱᱛᱚᱞᱟ ᱵᱷᱚᱱᱰᱟᱨᱮ
ᱦᱚᱯᱚᱱ	᱔
ᱣᱮᱵᱽᱥᱟᱭᱤᱴ	The official R D Bhandare website www.rdbhandare.com
	As of 24 February, 2012

ᱨᱟᱢᱪᱚᱸᱫᱽᱨᱚ ᱫᱷᱳᱫᱤᱵᱟ ᱵᱷᱚᱱᱰᱟᱨᱮ (᱑᱙᱑᱖-᱑᱙᱘᱘) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ, ᱱᱮᱭᱟᱭᱟᱹᱨᱤ ᱟᱨ ᱟᱢᱵᱮᱫᱽᱠᱚᱨᱟᱹᱨᱤ ᱠᱟᱹᱢᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱸᱜᱽᱨᱮᱥ (INC) ᱨᱟᱡᱽᱟᱹᱨᱤᱭᱟᱹ ᱜᱟᱫᱮᱞ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱵᱟᱨ ᱫᱷᱟᱣ ᱞᱳᱠ ᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱚᱱ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱑᱙᱖᱗ ᱨᱮ ᱢᱚᱦᱟᱨᱟᱥᱴᱨᱚ ᱨᱮᱱᱟᱜ ᱢᱩᱢᱵᱟᱭ ᱛᱟᱞᱢᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱯᱩᱱ ᱟᱹᱱᱤᱡ ᱞᱳᱠ ᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱚᱱ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱑᱙᱗᱑ ᱨᱮ ᱟᱨ ᱦᱚᱸᱭ ᱵᱟᱪᱷᱚᱱ ᱮᱱᱟ ᱢᱮᱱᱠᱷᱟᱱ ᱑᱙᱗᱓ ᱨᱮ ᱵᱤᱦᱟᱨ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ ᱞᱮᱠᱟᱛᱮᱭ ᱵᱟᱦᱟᱞ ᱮᱱ ᱠᱷᱟᱱ ᱩᱱᱤ ᱫᱚ ᱠᱟᱹᱢᱤᱭ ᱵᱟᱹᱜᱤᱭᱟᱫ-ᱟ ᱾ ᱩᱱᱤ ᱫᱚ ᱢᱟᱱᱣᱟᱫᱷᱤᱠᱟᱨ ᱱᱮᱛᱟ ᱵᱤ. ᱟᱨ. ᱟᱢᱵᱮᱫᱽᱠᱚᱨ ᱤᱡ ᱥᱚᱦᱚᱫᱤᱭᱟᱹ ᱟᱨ ᱯᱟᱯᱟᱧᱡᱟᱭᱤᱡ ᱮ ᱛᱟᱦᱮᱸ ᱠᱟᱱᱟ ᱾

ᱜᱤᱫᱽᱨᱟᱹ ᱡᱤᱭᱚᱱ

ᱨᱟᱢᱪᱚᱸᱫᱽᱨᱚ ᱵᱷᱚᱱᱰᱟᱨᱮ ᱫᱚ ᱑᱑ ᱮᱯᱨᱤᱞ ᱑᱙᱑᱖ ᱥᱟᱹᱦᱤᱛ ᱨᱮ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱥᱟᱸᱜᱽᱞᱤ ᱦᱚᱱᱚᱛ ᱢᱚᱦᱚᱨᱵᱟ ᱦᱟᱨᱤᱵᱟ ᱵᱷᱚᱱᱰᱟᱨᱮ ᱨᱮᱭ ᱡᱟᱱᱟᱢ ᱞᱮᱱᱟ ᱾ ^[᱑] ᱜᱤᱫᱽᱨᱟᱹ ᱛᱟᱦᱮᱸᱱ ᱚᱠᱛᱚ ᱨᱮ ᱜᱷᱟᱨᱚᱸᱡᱤᱭᱟᱹ ᱠᱚᱫᱚ ᱵᱚᱢᱵᱮ ᱪᱟᱞᱟᱣ ᱠᱟᱛᱮ ᱚᱸᱰᱮ ᱠᱚ ᱛᱟᱦᱮᱸ ᱠᱟᱱᱟ ᱾ ᱵᱷᱚᱱᱰᱟᱨᱮ ᱩᱛᱚᱨᱟ ᱣᱚᱨᱞᱤ ᱮᱛᱚᱦᱚᱵ ᱟᱥᱲᱟ ᱨᱮ ᱠᱚᱞᱟᱵᱟᱣᱟᱫᱤ ᱨᱮ ᱫᱚᱥᱟᱨ ᱥᱤᱠᱷᱱᱟᱹᱛ ᱯᱩᱨᱟᱹᱣ ᱛᱟᱭᱚᱢ ᱩᱱᱤ ᱫᱚ ᱵᱚᱢᱵᱮ ᱨᱮᱭᱟᱜ ᱢᱚᱦᱟᱨᱟᱥᱴᱨᱚ ᱩᱱᱩᱥᱩᱞ ᱵᱤᱨᱫᱟᱹᱜᱟᱲ ᱨᱮᱭ ᱯᱟᱲᱦᱟᱣ ᱮᱱᱟ ᱾ ^[᱒] ᱩᱱᱤ ᱫᱚ ᱢᱩᱢᱵᱟᱹᱭ ᱨᱮᱭᱟᱜ ᱮᱞᱯᱷᱤᱱᱥᱴᱚᱱ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱚᱱᱮᱨ, ᱮᱞᱮᱞᱵᱤ ᱟᱨ ᱥᱚᱨᱠᱟᱨᱤ ᱵᱤᱨᱫᱟᱹᱜᱟᱲ ᱟᱨ ᱠᱷᱚᱥᱞᱟ ᱵᱤᱨᱫᱟᱹᱜᱟᱲ ᱠᱷᱚᱱ ᱮᱢ.ᱮᱭ ᱯᱩᱨᱟᱹᱣ ᱟᱠᱟᱫ-ᱟ ᱾ ᱯᱟᱲᱦᱟᱣ ᱯᱩᱨᱟᱹᱣ ᱛᱟᱭᱚᱢ ᱵᱚᱱᱵᱮ ᱨᱮ ᱮᱰᱵᱷᱚᱠᱮᱴ ᱞᱮᱠᱟᱛᱮ ᱠᱟᱹᱢᱤᱭ ᱮᱛᱚᱦᱚᱵ ᱠᱮᱫ-ᱟ ᱾ ᱚᱱᱟ ᱪᱷᱟᱰᱟ ᱠᱟᱛᱮ ᱩᱱᱤ ᱫᱚ ᱟᱹᱱ-ᱟᱹᱨᱤ ᱨᱮᱭᱟᱜ ᱯᱨᱚᱯᱷᱮᱥᱚᱨ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱞᱮᱫ-ᱟ ᱾ ᱩᱱᱤ ᱫᱚ ᱟᱹᱱ-ᱟᱹᱨᱤ ᱨᱤᱱᱤᱡ ᱯᱨᱚᱯᱷᱚᱥᱚᱨ ᱟᱨ ᱮᱰᱵᱷᱚᱠᱮᱴ ᱮ ᱛᱟᱦᱮᱸ ᱠᱟᱱᱟ ᱾

ᱩᱱᱤ ᱫᱚ ᱟᱢᱵᱮᱫᱽᱠᱚᱨ ᱟᱨ ᱵᱩᱫᱽᱫᱷᱚ ᱫᱮᱵᱽ ᱟᱨ ᱦᱚᱨ ᱮ ᱟᱯᱱᱟᱨ ᱞᱮᱫ ᱛᱟᱦᱮᱸᱫ ᱾ ^[᱒]

ᱥᱮᱪᱮᱫ

ᱩᱱᱤ ᱫᱚ ᱮᱞᱯᱷᱤᱱᱥᱴᱳᱱ ᱵᱤᱨᱫᱟᱹᱜᱟᱲ, ᱥᱚᱨᱠᱟᱨᱤ ᱟᱹᱭᱤᱱ ᱵᱤᱨᱫᱟᱹᱜᱟᱲ ᱟᱨ ᱠᱷᱚᱥᱞᱟ ᱵᱤᱨᱫᱟᱹᱜᱟᱲ ᱵᱚᱢᱵᱮ ᱠᱷᱚᱱ ᱥᱤᱠᱷᱱᱟᱹᱛ ᱫᱚᱭ ᱯᱩᱨᱟᱹᱣ ᱞᱮᱫ-ᱟ ᱾ ᱩᱱᱤ ᱫᱚ ᱥᱚᱠᱩᱱᱛᱚᱞᱟ ᱵᱟᱭᱤ ᱥᱟᱶᱛᱮ ᱵᱟᱯᱞᱟ ᱠᱟᱛᱮ ᱯᱮᱭᱟ ᱠᱚᱲᱟ ᱜᱤᱫᱽᱨᱟᱹ ᱟᱨ ᱢᱤᱫᱴᱟᱹᱝ ᱠᱩᱲᱤ ᱜᱤᱫᱽᱨᱟᱹ ᱥᱟᱶᱛᱮ ᱵᱚᱢᱵᱮ ᱨᱮᱱᱟᱜ ᱣᱟᱫᱟᱞᱟ ᱨᱮᱠᱚ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ ᱾ ᱱᱚᱣᱟ ᱞᱟᱦᱟᱨᱮ ᱩᱱᱤ ᱫᱚ ᱑᱙᱔᱘-᱕᱗ ᱥᱟᱞᱮᱨᱮ ᱵᱚᱢᱵᱮ ᱢᱩᱱᱤᱥᱤᱯᱟᱞ ᱱᱤᱜᱚᱢ ᱨᱤᱱᱤᱡ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱑᱙᱖᱐-᱑᱙᱖᱒ ᱥᱟᱞᱮᱨᱮ ᱩᱱᱤ ᱫᱚ ᱵᱚᱢᱵᱮ ᱟᱹᱫᱤᱢ ᱠᱚᱨᱤᱱ ᱟᱹᱭᱩᱨᱤᱭᱟᱹ ᱟᱨ ᱑᱙᱖᱐-᱑᱙᱖᱒ ᱥᱟᱞᱮᱨᱮ ᱢᱚᱦᱟᱨᱟᱥᱴᱨᱚ ᱟᱹᱫᱤᱢ ᱠᱚᱨᱤᱱ ᱟᱹᱭᱩᱨᱤᱭᱟᱹ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱞᱮᱫ-ᱟ ᱾ ᱩᱱᱤ ᱫᱚ ᱥᱤᱧᱚᱛ ᱨᱮᱭᱟᱜ ᱨᱤᱯᱚᱵᱷᱞᱤᱠᱟᱱ ᱫᱚᱞ ᱨᱤᱱᱤᱡ ᱦᱚᱸ ᱢᱤᱫ ᱛᱷᱟᱯᱚᱱᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱟᱨ ᱑᱙᱖᱔ ᱠᱷᱚᱱ ᱑᱙᱖᱖ ᱫᱷᱟᱹᱵᱤᱡ ᱱᱚᱣᱟ ᱨᱤᱱᱤᱡ ᱯᱟᱨᱥᱮᱛ ᱞᱚᱠᱟᱛᱮ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾

ᱢᱤᱫ ᱠᱷᱟᱹᱴᱣᱟᱹᱱ ᱟᱨ ᱫᱚᱞᱤᱛ ᱟᱹᱜᱩᱣᱟᱹᱱ ᱞᱮᱠᱟᱛᱮ

ᱨᱟᱢᱪᱚᱸᱫᱽᱨᱚ ᱵᱷᱚᱱᱰᱟᱨᱮ ᱫᱚ ᱴᱨᱮᱰ ᱭᱩᱱᱤᱭᱚᱱ ᱠᱚᱨᱮ ᱟᱹᱰᱤ ᱟᱸᱴ ᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱱ ᱾ ᱟᱨ ᱑᱙᱔᱒ ᱠᱷᱚᱱ ᱑᱙᱔᱕ ᱥᱟᱞ ᱦᱟᱹᱵᱤᱡ ᱵᱚᱢᱵᱮ ᱢᱩᱱᱤᱥᱤᱯᱟᱞ ᱠᱟᱶᱩᱱᱥᱤᱞ ᱨᱮ ᱠᱟᱢᱜᱟᱨ ᱥᱚᱝᱜᱚᱢ ᱨᱮᱭ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾ ᱑᱙᱕᱒ ᱠᱷᱚᱱ ᱑᱙᱕᱔ ᱥᱟᱞ ᱦᱟᱹᱵᱤᱡ ᱩᱱᱤ ᱫᱚ ᱵᱚᱢᱵᱮ ᱴᱮᱠᱥᱴᱟᱭᱤᱞ ᱣᱟᱨᱠᱚᱨ ᱤᱭᱩᱱᱤᱭᱚᱱ ᱨᱤᱱᱤᱡ ᱡᱚᱜᱚ ᱯᱟᱨᱥᱮᱛ ᱞᱮᱠᱟᱛᱮ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ^[᱑] ᱑᱙᱖᱓ ᱠᱷᱚᱱ ᱑᱙᱖᱖ ᱫᱷᱟᱹᱵᱤᱡ ᱱᱚᱵᱚ ᱵᱷᱟᱨᱚᱛ ᱢᱚᱡᱽᱫᱩᱨ ᱢᱚᱦᱟᱥᱚᱵᱷᱟ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾ ᱵᱷᱚᱱᱰᱟᱨᱮ ᱫᱚ ᱮᱛᱚᱦᱚᱵ ᱠᱷᱚᱱ ᱜᱮ ᱚᱱᱩᱥᱩᱪᱤᱛ ᱡᱟᱹᱛᱤ ᱢᱚᱦᱟᱥᱚᱸᱜᱷ ᱨᱤᱱᱤᱡ ᱯᱟᱨᱥᱮᱫ ᱮ ᱵᱮᱱᱟᱣ ᱞᱮᱱᱟ ᱾ ᱛᱤᱱ ᱡᱚᱦᱚᱜ ᱢᱚᱦᱟᱛᱢᱟ ᱜᱟᱱᱫᱷᱤ ᱵᱚᱢᱵᱮ ᱥᱟᱸᱜᱷᱟᱨ ᱮ ᱦᱮᱡ ᱞᱮᱱᱟ, ᱩᱱᱤ ᱫᱚ ᱫᱚᱞᱤᱛ ᱠᱚ ᱞᱟᱹᱜᱤᱫ ᱟᱡᱟᱜ ᱱᱟᱯᱟᱭ ᱥᱟᱹᱜᱟᱹᱭ ᱥᱚᱫᱚᱨ ᱞᱟᱹᱜᱤᱫ ᱵᱚᱨᱞᱤ ᱨᱮ ᱢᱤᱫ ᱢᱮᱦᱛᱚᱨ ᱟᱜ ᱚᱲᱟᱜ ᱮ ᱵᱟᱹᱜᱤᱭᱟᱫ-ᱟ ᱾ ᱢᱚᱦᱟᱛᱢᱟ ᱜᱟᱱᱫᱷᱤ ᱟᱜ ᱱᱚᱝᱠᱟᱱ ᱠᱟᱹᱢᱤᱦᱚᱨᱟ ᱥᱚᱫᱚᱨ ᱵᱤᱨᱳᱫᱷ ᱨᱮ ᱵᱷᱚᱱᱰᱟᱨᱮ ᱟᱨ ᱟᱡ ᱨᱤᱱ ᱥᱟᱶᱛᱮᱱ ᱠᱚᱫᱚ ᱦᱮᱸᱫᱮ ᱪᱤᱨ ᱦᱤᱯᱤᱲ ᱠᱟᱛᱮ ᱠᱚ ᱵᱤᱨᱳᱜᱷ ᱠᱮᱫ-ᱟ ᱾ ᱱᱚᱣᱟ ᱦᱩᱞᱥᱟᱹᱭ ᱨᱮ ᱵᱷᱚᱱᱰᱟᱨᱮ ᱫᱚᱭ ᱴᱟᱰᱮ ᱛᱟᱦᱮᱸ ᱮᱱᱟ ᱟᱨ ᱵᱚᱢᱵᱮ ᱚᱱᱩᱥᱩᱪᱤᱛ ᱡᱟᱹᱛᱤ ᱠᱚᱭᱤᱡ ᱱᱮᱛᱟ ᱞᱮᱠᱟᱛᱮᱭ ᱟᱬᱜᱚ ᱮᱱᱟ ᱾ ᱑᱙᱔᱖ ᱨᱮ ᱩᱱᱤ ᱫᱚ ᱵᱚᱨᱞᱤ ᱨᱮ ᱢᱤᱫ ᱯᱚᱛᱚᱵ ᱢᱩᱨᱟᱹᱭ ᱮ ᱛᱷᱟᱯᱚᱱ ᱠᱮᱫ-ᱟ ᱾ ᱩᱱᱤ ᱫᱚ ᱵᱚᱢᱵᱮ ᱨᱮᱱᱟᱜ ᱡᱚᱛᱚ ᱴᱚᱴᱷᱟ ᱨᱮᱜᱮ ᱛᱟᱢᱤᱞ ᱜᱟᱸᱛᱟᱠ ᱮ ᱛᱷᱟᱯᱚᱱ ᱠᱮᱫ-ᱟ ᱾ ᱵᱷᱚᱱᱰᱟᱨᱮ ᱟᱜ ᱟᱹᱜᱩᱣᱟᱹᱱ ᱛᱮ ᱟᱢᱵᱮᱫᱽᱠᱚᱨ ᱟᱜ ᱡᱟᱱᱟᱢ ᱢᱟᱦᱟᱸ ᱫᱚ ᱟᱹᱰᱤ ᱜᱮ ᱨᱟᱹᱥᱠᱟᱹ ᱨᱚᱢᱚᱡᱽ ᱛᱮᱠᱚ ᱢᱟᱱᱟᱣ ᱵᱟᱛᱟᱣ ᱠᱮᱫ-ᱟ ᱾ ᱑᱔ ᱮᱯᱨᱤᱞ ᱨᱮ ᱱᱤᱨᱫᱷᱟᱨ ᱫᱚ ᱢᱤᱫ ᱦᱟᱯᱛᱟᱠᱤᱭᱟᱹ ᱵᱮᱣᱨᱟ ᱥᱟᱠᱟᱢ ᱮ ᱮᱛᱚᱦᱚᱵ ᱠᱮᱫ-ᱟ ᱾ ᱚᱱᱟ ᱫᱚ ᱵᱟᱨ ᱥᱮᱨᱢᱟ ᱫᱷᱟᱹᱵᱤᱡ ᱪᱟᱞᱟᱣ ᱮᱱᱟ ᱾

ᱨᱟᱡᱽᱟᱹᱨᱤ

ᱜᱩᱨ

ᱵᱷᱚᱱᱰᱟᱨᱮ ᱫᱚ ᱵᱚᱢᱵᱮ ᱨᱮᱱᱟᱜ ᱟᱡᱟᱜ ᱚᱲᱟᱜ ᱨᱚ ᱥᱮᱯᱴᱮᱢᱵᱚᱨ ᱕ ᱑᱙᱘᱘ ᱨᱮᱭ ᱵᱚᱸᱜᱟ ᱛᱟᱞᱟ ᱞᱮᱱ ᱛᱟᱦᱮᱸᱫ ᱾ ^[᱓]

ᱵᱟᱦᱨᱮ ᱡᱚᱱᱚᱲ

ᱥᱟᱹᱠᱷᱭᱟᱹᱛ

1 2 Paswan, Sanjay; Jaideva, Pramanshi (2002). Encyclopaedia of Dalits in India: Leaders (in ᱟᱝᱜᱽᱨᱮᱡᱤ). Gyan Publishing House. ISBN 978-81-7835-033-2.
1 2 Jhā, Vikāsa Kumāra (1994). "Sattā ke sūtradhara: Ājādī ke bāda Bhārata".
↑ Rāmacandra Kshīrasāgara (1994). Dalit movement in India and its leaders, 1857-1956. M D Publications New Delhi. pp. 181–183. ISBN 81-85880-43-3.

[:0-1] 1 2 Paswan, Sanjay; Jaideva, Pramanshi (2002). Encyclopaedia of Dalits in India: Leaders (in ᱟᱝᱜᱽᱨᱮᱡᱤ). Gyan Publishing House. ISBN 978-81-7835-033-2.

[:1-2] 1 2 Jhā, Vikāsa Kumāra (1994). "Sattā ke sūtradhara: Ājādī ke bāda Bhārata".

[3] Rāmacandra Kshīrasāgara (1994). Dalit movement in India and its leaders, 1857-1956. M D Publications New Delhi. pp. 181–183. ISBN 81-85880-43-3.

[᱑]

[᱒]

[᱓]